L neeno

dakshin prashaant mahaasaagar ka ausat parisancharan

ooshn katibandheeya prashaant ke bhoomadhyeeya kshetr ke samudra ke taapamaan aur vaayumandaleeya paristhitiyon mein aaye badlaav ke liye uttaradaayi samudri ghatna ko L neeno (al neeno ya al nino) kaha jaata hai. yeh dakshin America ke pashchimi tat par sthit ikvaador aur peru deshon ke tateeya samudri jal mein kuchh saalon ke antaraal par ghatit hoti hai. isse parinaam svaroop samudra ke satahi jal ka taapamaan saamaanya se adhik ho jaata hai. iska vistaar 3°aadakshin se 18°aadakshin akshaansh tak rahata hai

anukram

arth

L neeno spainish bhaasha ka shabd hai jiska shaabdik arth hai- chhota baalak. ise yeh naam peroo ke machhuaaron dvaara baal isa ke naam par kiya gaya hai kyonki iska prabhaav saamaanyat: christmas ke aas-paas anubhav kiya jaata hai.[1]

L neeno prabhaav

saamaanyat: vyaapaarik pavan samudra ke garm satahi jal ko dakshin ameriki tat se door Australia evam fileepeens ki or dhakelate hue prashaant mahaasaagar ke kinaare-kinaare pashchim ki or bahti hai. L nino garm jaladhaara hai jiske aagaman par saagareeya jal ka taapamaan saamaanya se 3-4° badh jaata hai. peroo ke tat ke paas jal thanda hota hai evam poshak-tatvon se samruddh hota hai jo ki praathamik utpaadakon, vividh samudri paaristhitik tantron evam pramukh machhaliyon ko jeevan pradaan karta hai. L neeno ke dauraan, vyaapaarik pavanein madhya evam pashchimi prashaant mahaasaagar mein shaant hoti hai. isse garm jal ko satah par jama hone mein madad milti hai jiske kaaran thande jal ke jamaav ke kaaran paida hue poshak tatvon ko neeche khiskana padta hai aur plavak jeevon evam anya jaleeya jeevon jaise machhaliyon ka naash hota hai tatha anek samudri pakshiyon ko bhojan ki kami hoti hai. ise L neeno prabhaav kaha jaata hai jo ki vishvavyaapi mausam paddhatiyon ke vinaashakaari vyavadhaanon ke liye jimmedaar hai.[2] ek baar shuroo hone par yeh prakriya kai saptaah ya maheenon chalti hai. L-neeno aksar das saal mein do baar aati hai aur kabhi-kabhi teen baar bhi. L-neeno havaaon ke disha badalne, kamjor padne tatha samudra ke satahi jal ke taap mein badhottari ki vishesh bhoomika nibhaati hai. L-neeno ka ek prabhaav yeh hota hai ki varsha ke pramukh kshetr badal jaate hain. parinaamasvaroop vishv ke jyaada varsha vaale kshetron mein kam varsha aur kam varsha vaale kshetron mein jyaada varsha hone lagti hai. kabhi-kabhi iske vipreet bhi hota hai.[3]

inhein bhi dekhein

la neena

sandarbh

  1. bhautik bhoogol ka svaroop, savindr Singh, prayaag pustak bhavan, Allahabad, 2012, prushtha408-09, ISBN: 81-86539-74-3
  2. L neeno
  3. bhautik bhoogol ka svaroop, savindr Singh, prayaag pustak bhavan, Allahabad, 2012, prushtha493, ISBN: 81-86539-74-3

baahari kadiyaaain