Kumar saanu

Kumar saanu
कुमार  सानु
prushthabhoomi ki jaankaari
janmanaam kedaaranaath Bhattacharya
anya naam Kumar saanu
janm (1957-09-23) sitmbar 23, 1957 (aayu 58 varsh)
Kolkata, pashchim Bengal, Bhaarat
nivaas Kolkata, pashchim Bengal, Bhaarat
shaili paarshv gaayan
vyavasaaya gaayak, sangeet nirdeshak
vaadya yantr tabala
sakriya varsh 1989–vartamaan
record lebal soni myoojik, ti-sireej, tips, saaregaama
jaalasthal/website kumarsanuworld.com

Kumar saanu (poora naam kedaaranaath Bhattacharya) hindi filmon ke ek prasiddh gaayak hain.

anukram

puraskaar

filmafeyar puraskaar

Kumar saanoo hindi cinema ke ek jaanemaane paarshv gaayak hain. kolakata mein janme Kumar saanoo ka mool naam kedaaranaath Bhattacharya hai. unke pitaaji swayam ek achhe gaayak aur sangeetakaar the. unhonne hi Kumar saanoo ko gaayaki aur tabala vaadan sikhaaya tha. gaayak kishor Kumar ko apna aadarsh maanane vaale saanoo ne gaayaki mein apna khud ka alag andaaj banaaye rakha hai.

Kumar saanoo ke ghar par shuroo se hi sangeet ki parampara thi. pitaaji shaastreeya sangeet ke teacher the. maan bhi gaati theen. badi bahan bhi radio mein gaati hai aur aaj bhi vah pitaaji ka sangeet school chala rahi hain. is tarah parivaar ke maahaul ne saanoo ko ek achha gaayak bana diya. kareeb kareeb 350 se adhik filmon ke liye ga chuke Kumar saanoo ko safalta varsh 1990 mein bani 'aashiki' film se mili jiske geet superhit hue aur Kumar saanoo lokapriyta ke shikhar par pahunch gaye the. baharahaal, aashiki Kumar saanoo ki pehli film naheen thi. unako pehla break jagajeet Singh ne diya tha. unhonne unhein kalyaanaji aanand ji se milvaaya jinhonne 1989 mein I film 'jaadoogar' ke liye Kumar saanoo se geet gavaaya.

lagaataar paanch baar filmafeyar sarvashreshth paarshv gaayak puraskaar jeet chuke Kumar saanoo ki aavaaj kaafi had tak kishor Kumar se milti julati hai. haalaanki unhonne mukesh aur mohammad rafi ki shaili apnaane ki bhi koshish ki lekin baad mein apni alag shaili viksit ki.

ek din mein 28 gaane record karavaane vaale vah ekamaatr gaayak hain. unhonne chaudah hajaar gaane gaaye hain. Kumar saanoo ka aaj ke daur ke sangeet ke baare mein kehna hai ki 'aaj ke sangeet se melodi, sur, taal aadi kaheen gum hota ja raha hai aur usaki jagah shor le raha hai. yahi vajah hai ki aaj ke adhiktar geet yaadagaar prateet naheen hote.' unki chaahat hamesha rahi ki kaash unhonne sachin Dave barman ke saath koi gaana gaaya hota.

bahut samay se ve bangaali filmon mein sakriya hain aur hindi filmon mein kam, bahut jald unki hom production film 'yeh Sunday kyoon aata hai' aa rahi hai, jismein unhonne sangeet bhi diya hai aur do gaane bhi gaae hai. iske alaava sattar-assi hindi filmein aa rahi hain jismein unke gaaye gaane hain. san 2009 mein unke abhootapoorv sangeet yogadaan ke liye unhein padmashri se navaaja gaya tha aur desh ke chauthe sabse sammaanit naagrik ke taur par manoneet bhi hue. film Rowdy Rathore mein geet 'chhammak-chhallo chhail chhabili' ke saath dubaara vaapasi. fir san 2014 ki release yasharaaj film nirmit dam lagaake haisha film mein geet 'dard karaara' gaaya.

antarraashtreeya bhaarateeya film academy puraskaar

sandarbh

gaaika ke saath sabse achhi jodi---

Kumar saanoo 1989 se ab tak ke lagbhag saare gaayakon ke saath ga chuke hain. jisme kuchh purush gaayak bikhyaat hain, vo hain abhijeet, sonoo nigan, udit naarayan, mohammad ajij, vinod raathod .mahila singar mein kuchh bikhyaat jinke saath Kumar saanoo ga chuke hain, anuradha paudvaal, alka yaagnik, aasha bhoshle, lata mangeshkar, usha paudvaal, usha mangeshkar, saadhana saragam, sunidhi chauhaan,

jinme se sabse achhi jodi Kumar saanoo ka (alka yagnik aur anuraadha paudvaal )ke saath raha hai.

kul gaane

Kumar saanoo ne jun 2016 tak lagbhag 30,000 tees hajaar se adhik gaane ga chuke hain.