Koreai yuddh
 |
is lekh mein satyaapan hetu atirikt sandarbh athva sroton ki aavashyakta hai. krupaya vishvasaneeya srot jodkar is lekh mein sudhaar karein. srotaheen saamagri ko chunauteedi ja sakti hai aur hataaya bhi ja sakta hai. (December 2015) |
Koreai yuddh sheet yuddh kaal me lada gaya pehla mahatvapoorn yuddh tha. ek taraf uttar Korea tha jiska samarthan soviyt sangh tatha saamyavaadi cheen kar rahe the, doosari taraf dakshin Korea tha jiski raksha America kar raha tha. yuddh ant me bina nirnaya hi samaapt hua kintu jan kshati tatha tanaav bahut badh gaya tha.
Korea-vivaad sambhavat: sanyukt raashtra sangh ke shakti-saamarthya ka sabse mahatvapoorn pareekshan tha. antarraashtreeya raajaneeti ke vidvaan shooma ne ise “asaamoohik suraksha pareekshana” ki sanjnyaa di hai.
anukram
parichay
dviteeya vishvayuddh ke antim dinon mein mitr-raashtron mein yeh tay hua ki Japani aatm-samarpan ke baad soviyt sena uttari Korea ke 38 vein akshaansh tak tatha sanyukt raashtra sangh ki sena is line ke dakshin bhaag ki nigraani karegi. donon shaktiyon ne “aantarim Koreai prajaataantrik sarakaara” ki sthaapana ke liye sanyukt aayog ki sthaapana ki. kintu 25 June, 1950 ko uttari Korea ne dakshin Korea par aakraman kar diya. isi din suraksha parishad mein soviyt anupasthiti ka faayda uthaate hue amareeka ne anya sadasyon se uttari Korea ko aakramanakaari ghoshit karva diya. suraksha parishad ne yeh sifaarish ki sanyukt raashtra sangh ke sadasya Koreai ganaraajya ko aavashyak sahaayata pradaan kare jisse vah sashastr aakraman ka mukaabala kar sake tatha us kshetr mein shaanti aur suraksha sthaapit ki ja sake. pehli baar 7 July, 1950 ko Amreeki general maikaarthar ki kamaan mein sanyukt raashtra sangh ke jhande ke neeche sanyukt kamaan ka nirmaan kiya gaya.
lekin soviyt sangh ne baad mein suraksha parishd ki kaarravaai mein bhaag lena aarambh kar diya aur Korea mein sanyukt raashtra sangh ki kaarravaai rokane ke liye “aveeto” ka prayog kar diya. iske parinaamasvaroop 3 November, 1950 ko mahaasabha ne “ashaanti ke liye ekta prastaava” paas kar atarraashtreeya shaanti aur suraksha ka uttaradaayitv swayam le liya. falasvaroop Amreeki aur cheeni senaaeain Koreai maamale ko lekar ulajh padi. antat: Bhaarat tatha kuchh anya shaantipriya raashtron ki pahal ke kaaran 27 July, 1953 mein donon pakshon ke beech yuddh viraam-sandhi hui. is prakaar Korea yuddh ko sanyukt raashtra sangh rokane mein safal hua. vaise uttari tatha dakshini Korea mein aapasi tanaav jaari raha.
janahaani
ameriki raksha mantraalaya ke anusaar vahaaain is yuddh ke kaaran 33,686 sainikon aur 2,830 aam naagrikon ki maut ho gayi. 1 November 1950 ko cheen ka saamana karne par sainikon ke maut ki sankhya 8,516 badh gayi.[1] dakshin Korea ne bataaya ki is ladaai se uske 3,73,599 aam naagrik aur 1,37,899 sainik maare gaye. pashchim sroto ke anusaar isse chaar lakh logon ki maut aur 4,86,000 log ghaayal hue hain. kepeee ke anusaar 2,15,000 logon ki maut aur 3,03,000 log ghaayal hue the.[2]
sandarbh
- ↑ Defense Casualty Analysis System search Korean War Extract Data File. Accessed 21 December 2014.
- ↑ Bethany Lacina and Nils Petter Gleditsch, Monitoring Trends in Global Combat: A New Dataset of Battle Deaths, European Journal of Population (2005) 21: 145–166. Also available here