Kerala mein aadhunik khel kood

praacheen kaal se hi Kerala khelakood kshetr mein khyaat hai. yahaaain saikadon vaividhyapoorn khel prachalit the. unamein se kuchh khel ab bhi shesh hai. british aupaniveshik satta ke saath aae anek naveen khelon ne lok khel koodon ko mita diya. naveen khelon se oorja lekar naveenata ke kadam se kadam milaakar chalne mein lok kreedaaeain vifal ho gain. at: ve lupt ho gain. lok kholon ke mitne ke kai kaaran the jinmein sangathit pratiyogita ka abhaav, manchon ya maidaanon ka abhaav, jilaastar ke toornaament ko aayojit na karna, niyam vyavastha ka abhaav aadi pramukh maane ja sakte hain. Kerala ke praanteeya khel - vinodon mein ek seema tak kalarippayattu hi tik saka. aayodhan kala ke roop mein pratishthit kalarippayattu bhi naveen aayudhon ke aavirbhaav se mahatva heen ho gaya. aaj vah manoranjan ke saadhan se badhakar kuchh naheen.

anukram

cricket

praay: sabhi naveen manovinod ki saamagri britishon ki den hai. jaise-jaise Kerala mein angreji shiksha lokapriya ho gayi vaise-vaise britishon dvaara laai kreedaaeain bhi lokapriya ho gain. is prakaar jis videshi khel ko yahaaain sthaan diya gaya vah cricket hai. pashshshi raaja par kabja karne senaadhipti bankar aae aarthar vellasli (Duke of vellingtan) ne Kerala mein cricket aanrabh kiya tha. 18 veen shataabdi ke antim charan tatha 19 veen shataabdi ke praarambhik charan mein malaabaar mein kai baar aae vellasli ne talashsheri ke apne baingale ke saamane pehli baar stamp lagaae. vellasli se talashsheri ke logon ne cricket seekha. talashsheri mein antarraashtreeya pratiyogitaaeain bhi aayojit huin. kai khaanadaanon ne apne naam par cricket teemein gathit keen. inmein manpaani khaanadaan pramukh tha jo aaj bhi madhya evam dakshin Kerala mein cricket ka prachaar kar raha hai. yadyapi Kerala ka apna cricket itihaas hai fir bhi 1950 ke baad vah apne gauravapoorn pad se apadasth ho gaya. yahaaain tak ki Ranjit trophy mein bhi Kerala koi prabhaav naheen daal saka. bade - bade sitaaron ke rahate hue bhi Kerala Ranjit pratiyogita mein pichhad gaya. raashtreeya team mein malayaaliyon ki bhaageedaari mahatvapoorn naheen bani. tinu yohannaan aur shreeshaant do hi vyakti hain jinko bhaarateeya team mein khelne ka avsar mila.

football

Kerala ke sarvaadhik janapriya khelon mein ek hai football. 19 veen shataabdi ke ant mein hi malayaaliyon ne football khelna shuroo kiya tha. yadyapi vishv football jagat mein Kerala koi badi shakti naheen hai fir bhi bhaarateeya football jagat mein Kerala atyant shaktishaali hai. santosh trophy mein jo rikaard jeetein huin unase Kerala raashtreeya star par apni alag pehchaan banaae hue hain. Kerala mein anek pratibhaavaan khilaadi hain. pashchim Bengal bhi football bhi achhi pakad rakhata hai.

vauleebaul

1920 ke dashakon mein vauleebaul Kerala mein pahuaincha tha. chaar dashakon ke andar Kerala bhaarateeya vauleebaul jagat ki nirnayaatmak shakti bana. antarraashtreeya star par khyaat anek sitaaron ko Kerala ne janm diya. Kerala ka jimi George unamein pramukh hain jinko pashchimi jagat ne vishv ke das uttam khilaadiyon mein ek maana tha. raashtreeya vauleebaul pratiyogita mein Kerala kai baar champion bana.

ethaletiks ethaletiks ko Kerala mein atyant prachaar mila hai. shaayad Kerala ne antarraashtreeya star ke sarvaadhik khilaadiyon ko pradaan kiya hai. si. ke. lakshmanan pratham malayaali the jinhonne 1920 ke olinpiks mein bhaag liya tha. Asia mein sarvapratham 8 meter koodane vaale ti. si. yohannaan malayaali the. doosare malayaali hain chaar kismon mein lambe samay tak champion rahe suresh baabu, Asia ke sarvashreshth ethaleton mein ek pi. ti. usha, anek asian gems medal praapt shaaini ebrahaam, ke. M. beenaamol, vishv ethaletik meet mein medal praapt pratham bhaarateeya sitaara anju baubi George aadi.

doosare khel

baaskat baul, baidamintan baul aadi ko Kerala mein ausat prachaar hi mila hai. saamaanyataya school college teemein aur club hi Kerala mein baaskat baul khelte hain. yeh Kerala ke logon ka apna khel naheen ban saka hai. yadyapi baidamintan mein Kerala ne you. vimlakumaar jaise antarraashtreeya khilaadi ko janm diya hai fir bhi yeh khel bhi ausat darje mein janapriya bana hai. aaj nagaron mein to yeh khel vyaayaam se badhakar kuchh naheen hai. baidamintan mein shattil baidamintan ka hi adhik prachaar hai. baul baidamintan khelne vaale bahut hi kam hain.

shattil baidamintan mein pratham bhaarateeya junior raashtreeya khilaadi jassi Phillip hain jo malayaali hain. lata kailaas, norin paala aadi ne antarraashtreeya yoobar kam toornament mein bhaag liya hai. George Thomas, krushnakumaar aadi junior khilaadiyon ne ABC toornament mein kaaainsya padak praapt kiye hain. tennis ke prashansak to adhik hain lekin khilaadi bahut hi kam hain. unnees sau tees ke dashakon mein tiruvanantapuram mein tennis khela jaata tha. praarambh mein tennis ka khel tiruvanantapuram mahaaraajaas college (vartamaan university college) mein hota tha. Kerala ke yashasvi samaalochak evam adhyaapak S. guptan Nair, jo university college mein vidyaarthi rahe the, ne apni jeevani 'manasa smaraami' mein likha hai ki ve apne chhaatr jeevan mein tennis khelte the. May 2007 mein trivendram tennis club ne Kerala ki pratham tennis pratiyogita ka aayojan kiya tha jiska thoda-sa prabhaav is kshetr mein parilkshit hota hai parantu buniyaadi suvidhaaon ki kami tatha adhik kharch ke kaaran yeh khel adhik lokapriya naheen ho saka.

tairaaki

Kerala ke dakshini jilon mein tairaaki kreeda pratiyogita ka bhi bada mahatva hai. is kshetr ke raashtreeya star par khyaat keraleeya tairaak hain vilsan cheriyaan, raadhaakrushnan, omana kumaari aadi. Kerala ka atyant prasiddh tairaaki kendra pirppanakod mein sthit hai. tairaaki ke dvaara ek gram ki khushahaali ki kahaani pirppanakod gaaainv prastut karta hai. tiruvanantapuram jila akvaatik cheinpiynaship par pirppanakod ka ekaadhikaar jaisa hai. May 2007 mein aayojit cheinpiynaship pratiyogita mein pirppanakod priydarshini klab lagaataar 15 veen baar cheinpiyn bana tha.