Kerala

is lekh mein sandarbh ya sootr naheen diye gaye hain. krupaya vishvasaneeya sootron ke sandarbh jodkar is lekh mein sudhaar karein. bina sootron ki saamagri ko hataaya ja sakta hai. (September 2014)

Kerala
കaaേaaരaaളaaം, keralam

Bhaarat ke praant
rajdhani	tiruvanantapuram
sabse bada shahar	tiruvanantapuram
janasankhya	31,838,619
- ghanatv	819 /kimee²
kshetrafal	38,863 kimee²
- jile	14
raajabhaasha(eain)	malayalam
pratishtha	1 November, 1956
- raajyapaal	aar S gavai
- mukhyamantri	vi S achchutaanandan
- vidhaanasabha	ek sabha
aaiesao sankshep	IN-KL
kerala.gov.in

Kerala (malayalam: കaaേaaരaaളaaം, keralam) Bhaarat ka ek praant hai. iski rajdhani tiruvanantapuram (trivendram) hai. malayalam (മaaലaaയaaാaaളaaം, malayaalam) yahaan ki mukhya bhaasha hai. hinduon tatha musalmaanon ke alaava yahaan isaai bhi badi sankhya mein rahate hain. Bhaarat ki dakshin-pashchimi seema par arab saagar aur sahyaadri parvat shrrunkhalaaon ke madhya ek khoobsoorat bhoobhaag sthit hai, jise Kerala ke naam se jaana jaata hai. is raajya ka kshetrafal 38863 varg kilometer hai aur yahaaain malayalam bhaasha boli jaati hai. apni sanskruti aur bhaasha-vaishishtya ke kaaran pahachaane jaane vaale Bhaarat ke dakshin mein sthit chaar raajyon mein Kerala pramukh sthaan rakhata hai. iske pramukh padosi raajya Tamil Nadu aur Karnataka hain. puduchcheri (paandicheri) raajya ka mayyashi (maahi) naam se jaata jaane wala bhoobhaag bhi Kerala raajya ke antargat sthit hai. arab saagar mein sthit kendra shaasit pradesh lakshadveep ka bhi bhaasha aur sanskruti ki drushti se Kerala ke saath atoot sanbandh hai. svatantrata praapti se poorv Kerala mein raajaaon ki riyaasatein theen. July 1949 mein tiruvitaankoor aur kochchin riyaasaton ko jodkar 'tirukochchi' raajya ka gathan kiya gaya. us samay malaabaar pradesh Madras raajya (vartamaan Tamil Nadu) ka ek jila maatr tha. November 1956 mein tirukochchi ke saath malaabaar ko bhi joda gaya aur is tarah vartamaan Kerala ki sthaapana hui. is prakaar 'aikya keralam' ke gathan ke dvaara is bhoobhaag ki janta ki deerghakaaleen abhilaasha poorn hui. * Kerala mein shishuon ki mrutyu dar Bhaarat ke raajyon mein sabse kam hai aur striyon ki sankhya purushon se adhik hai (2001 ki janaganana ke aadhaar par). * yeh yoonisef (UNICEF) aur vishv svaasthya sangathan (WHO) dvaara maanyata praapt vishv ka pratham shishu sauhaard raajya (Baby Friendly State) hai.

inhein bhi dekhein: Kerala ka parichay

pauraanik kathaaon ke anusaar parashuraam ne apna parashu samudra mein feinka jiski vajah se us aakaar ki bhoomi samudra se baahar nikli aur Kerala astitv mein aaya. yahaan 10veen sadi isa poorv se maanav basaav ke pramaan mile hain.

Kerala shabd ki vyutpatti ko lekar vidvaanon mein ekamat naheen hai. kaha jaata hai ki "cher - sthal", 'keechad' aur "alam-pradesh" shabdon ke yog se cheralam bana tha, jo baad mein Kerala ban gaya. Kerala shabd ka ek aur arth hai : - vah bhoobhaag jo samudra se nikla ho. samudra aur parvat ke sangam sthaan ko bhi Kerala kaha jaata hai. praacheen videshi yaayaavaron ne is sthal ko 'malabaar' naam se bhi sambodhit kiya hai. kaafi labe arase tak yeh bhoobhaag chera raajaaon ke aadheen tha evam is kaaran bhi cheralam (chera ka raajya) aur fir keralam naam pada hoga.

Kerala ki sanskruti hajaaron saal puraani hai. iske itihaas ka pratham kaal 1000 in. poorv se 300 isvi tak maana jaata hai. adhiktar mahaaprastar yugeen smaarikaaeain pahaadi kshetron se praapt hui. at: yeh siddh hota hai ki Kerala mein atipraacheen kaal se maanav ka vaas tha. Kerala mein aavaas kendron ke vikaas ka doosra charan sangamakaal maana jaata hai. yahi praacheen tamil saahitya ke nirmaan ka kaal hai. sangamakaal san 300 E. se 800 E tak raha. praacheen Kerala ko itihaasakaar tamil bhoobhaag ka ang samajhte the. suvidha ki drushti se Kerala ke itihaas ko praacheen, madhyakaaleen evam aadhunik kaaleen - teen bhaagon mein vibhaajit kar sakte hain.

• praacheen Kerala
• madhyakaaleen Kerala
• aadhunik Kerala

vijnyaaapanon mein Kerala ko 'ishvar ka apna ghar' (God's Own Country) kaha jaata hai, yeh koi atishyokti naheen hai. jin kaaranon se Kerala vishv bhar mein paryatakon ke aakarshan ka kendra bana hai, ve hain : samasheetoshn mausam, samruddh varsha, sundar prakruti, jal ki prachurata, saghan van, lambe samudra tat aur chaalees se adhik nadiyaaain. bhaugolik drushti se Kerala uttar akshaansh 8 degree 17' 30" aur 12 degree 47' 40" ke beech tatha poorv deshaantar 74 degree 7' 47" aur 77 degree 37' 12" ke beech sthit hai.

bhaugolik prakruti ke aadhaar par Kerala ko anek kshetron mein vibhkt kiya jaata hai. sarvaprachalit vibhaajya pradesh hain, parvateeya kshetr, madhya kshetr, samudri kshetr aadi. adhik spashtata ki drushti se is prakaar vibhaajan kiya gaya hai - poorvi malanaad (Eastern Highland), adivaaram (taraai - Foot Hill Zone), ooaincha pahaadi kshetr (Hilly Uplands), paalakkaad darra, trushshoor-kaanjagaad samatal, eranaakulam - tiruvanantapuram roling samatal aur pashchimi tateeya samatal. yahaaain ki bhaugolik prakruti mein pahaad aur samatal donon ka samaavesh hai.

Kerala ko jal samruddh banaane waali 41 nadiyaaain pashchimi disha mein sthit samudra athva jheelon mein ja milti hain. inke atirikt poorvi disha ki or bahne waali teen nadiyaaain, anek jheelein aur naharein hain.

inhein bhi dekhein: Kerala ki nadiyaan evam Kerala ki jheelein

bhoomadhyarekha se keval 8 degree ki doori par sthit hone ke kaaran Kerala mein garm mausam hai. lekin van evam ped paudhon evam varsha ki adhikta ke kaaran mausam samasheetoshn rahata hai. yahaaain ki dharati ki uchch-nimn sthiti bhi jalavaayu par bada prabhaav daalati hai. Kerala ki jalavaayu ki visheshata hai sheetal mand hava aur bhaari varsha. pramukh varshaakaal idavappaati athva pashchimi monsoon hai. doosra varshaakaal tulaavarsham athva uttari-pashchimi monsoon hai. pratyek varsh kareeb 120 se lekar 140 din varsha hoti hai. ausat vaarshik varsha 3017 mili meter maani jaati hai. bhaari varsha se baadhein aati hain aur jan-dhan ki haani bhi hoti hai. doosari or aisi varsha ke kaaran Kerala mein paryaapt krushi hoti hai. bijli ka mukhya utpaadan bhi is kaaran se panabijli dvaara hota hai.

Bhaarat ke ek raajya ke roop mein Kerala ki aarthik vyavastha ki apni visheshataaeain hain. maanav sansaadhan vikaas ki aadhaarbhoot soochana ke anusaar Kerala ki upalabdhiyaaain prashansaneeya hai. maanav sansaadhan vikaas ke buniyaadi tattvon mein ullekhaneeya hain - Bhaarat ke anya raajyon ki tulana mein aabaadi ki kam vruddhi dar, raashtreeya ausat saghanata se ooainchi dar, ooainchi aayu-dar, gambhir svaasthya chetna, kam shishu mrutyu dar, ooainchi saaksharata, praathamik shiksha ki saarvajanikta, uchch shiksha ki suvidha aadi aarthik pragati ke anukool hain.

vaishveekaran ke pratikool prabhaav ne krushi tatha anya paramparaagat kshetron ko bahut kam kar diya hai. svaatantrya poorv tiruvitaankoor, kochchi, malabaar kshetron ka vikaas aadhunik Kerala ki aarthik vyavastha ki prushthabhoomi hai. bhaugolik evam praakrutik visheshataaeain Kerala ki aarthik vyavastha ko praakrutik sanpada ke vaividhya ke saath shram sanbandhi vaividhya bhi pradaan karti hain. Kerala mein krushi khaadyaann aur niryaat ki jaanevaali fasalon ke liye bilkul upayukt hai. shaasan vyavastha tatha vyaapaar ke kaaran niryaat ki jaanevaali fasalon badhotri hui hai. kayar (naariyl resha) udyog, lakadi udyog, khaadya tel utpaadan aadi bhi krushi par aadhaarit hain

aadhunik Kerala ki aarthik vyavastha mein aapravaasi keraleeyon ka mukhya yogadaan hai. Kerala ki aarthik vyavastha ke sudrudh aadhaar hain - vaanijya bank, sahakaari bank, mudra vinimay vyavastha, yaataayaat ka vikaas, shiksha - svaasthya aadi kshetron mein hui pragati, shaktishaali shramik aandolan, sahakaari aandolan aadi.

inhein bhi dekhein: Kerala mein krushi evam Kerala mein udyog

keraleeya jeevan ki chhavi yahaaain manaaye jaane vaale utsavon mein dikhaai deti hai. Kerala mein anek utsav manaaye jaate hain jo saamaajik mel-milaap aur aadaan-pradaan ki drushti se mahatvapoorn hain. keraleeya kalaaon ka vikaas yahaaain manaaye jaane vaale utsavon par aadhaarit hai. in utsavon mein kai ka sanbandh devaalayon se hai, arthaat ye dharmaashrit hain to anya kai utsav dharmanirpeksh hain. onam Kerala ka raajyotsav hai. yahaaain manaaye jaane vaale pramukh hindu tyohaar hain - vishu, navaraatri, deepaavali, shivraatri, tiruvaatira aadi. musalmaan ramajaan, bakareed, muharam, milaad-A-shareef aadi manaate hain to isaai christmas, istar aadi. iske atirikt hindu, muslim aur isaaiyon ke devaalayon mein bhi vibhinn prakaar ke utsav bhi manaaye jaate hain.

Kerala ki kala-saanskrutik paranparaaeain sadiyon puraani hain. Kerala ke saanskrutik jeevan mein mahatvapoorn yogadaan dene vaale kalaaroopon mein lokakalaaon, anushthaan kalaaon aur mandir kalaaon se lekar aadhunik kalaaroopon tak ki bhoomika ullekhaneeya hai. keraleeya kalaaon ko saamaanyat: do vargon mein baaaint sakte hain - ek drushya kala aur doosari shravya kala. drushya kala ke antargat rangakalaaeain, anushthaan kalaaeain, chitrakala aur cinema aate hain.

inhein bhi dekhein: Kerala ki rang kalaaeain, Kerala ki chitrakala , Kerala ki vaastukala, Kerala mein cinema , Kerala ka sangeet , evam Kerala ka bhojan

Kerala mein kreeda sanskaar kai shataabdiyaaain pehle roopaayit hua tha. Kerala ke kreeda jagat ke kshetr mein lok kreedaaeain, aayodhan kalaaeain, aadhunik kreedaaeain sab ek saath vidyamaan hain. 'kalarippayattu' Kerala ki praanteeya aayudhan kala hai. pehle keraleeya gaaainvon mein khel-kood ko vishisht mahatva diya jaata tha kintu aadhunik jeevan shaili tatha aadhunik khelon ke chalte lok kreedaaeain luptapraaya ho gayi hain. lekin aaj bhi deshi manoranjan nauka vihaar ko mahatva diya jaata hai.

football, vauleebaul, ethaletiks ityaadi aadhunik khel koodon mein Kerala ki Bhaarat par prabhuta hai. Bhaarat ki sabse badi dhaavak pi.ti. usha Kerala ki suputri hai.

inhein bhi dekhein: Kerala ka jalotsav , Kerala mein aadhunik khel kood, evam Kerala ki lok kreedaaeain

Kerala praant paryatakon mein behad lokapriya hai, iseeliye ise 'God's Own Country' arthaat 'ishvar ka apna ghar' naam se pukaara jaata hai. yahaaain anek prakaar ke darshaneeya sthal hain, jinmein pramukh hain - parvateeya taraaiyaaain, samudra tateeya kshetr, aranya kshetr, teerthaatan kendra aadi. in sthaanon par desh-videsh se asankhya paryatak bhramanaarth aate hain. moonnaar, nelliyaanpati, ponmuti aadi parvateeya kshetr, kovalam, varkala, cheraayi aadi samudra tat, periyaar, iravikulam aadi vanya pashu kendra, kollam, alappusha, kottayam, eranaakulam aadi jheel pradhaan kshetr (backwaters region) aadi paryatakon ke liye vishesh aakarshan kendra hain. bhaarateeya chikitsa paddhati - aayurved ka bhi paryatan ke kshetr mein mahatvapoorn yogadaan hai. raajya ki aarthik vyavastha mein bhi paryatan ne nirnayaatmak bhoomika nibhaai hai.

inhein bhi dekhein: soochana kendra , Kerala paryatan vibhaag, Kerala ke prashaasak , evam Kerala aakarshan kendra

Kerala ki bhaasha malayalam hai jo Dravid parivaar ki bhaashaaon mein ek hai. malayalam bhaasha ke udgam ke baare mein anek siddhaant prastut kiye gaye hain. ek mat yeh hai ki bhaugolik kaaranon se kisi aadi Dravid bhaasha se malayalam ek svatantr bhaasha ke roop mein viksit hui. iske vipreet doosra mat yeh hai ki malayalam tamil se vyutpann bhaasha hai. ye donon prabal mat hain. sabhi vidvaan yeh maanate hain ki bhaashaai parivartan ki vajah se malayalam udbhoot hui. tamil, sanskrut donon bhaashaaon ke saath malayalam ka gahra sambandh hai. malayalam ka saahitya maukhik roop mein shataabdiyaaain puraana hai. parantu saahityik bhaasha ke roop mein usaka vikaas 13 veen shataabdi se hi hua tha. is kaal mein likhit 'raamacharitm' ko malayalam ka aadi kaavya maana jaata hai.

inhein bhi dekhein: anya bhaashaaeain evam malayalam bhaasha

• dekhein mukhya lekh malayalam saahitya

malayalam ka saahitya aath shataabdiyon se adhik puraana hai. kintu aaj tak aisa koi granth praapt naheen hua hai jo yahaaain ke saahitya ki praarambhik dasha par prakaash daalata ho. at: malayalam saahityik udgam se sambandhit koi spasht dhaarana naheen milti hai. anumaan hai ki praarambhik kaal mein lok saahitya ka prachalan raha hoga. aisi koi rachana upalabdh naheen jiski rachana 1000 varsh pehle ki gayi hai. dasveen sadi ke uparaant likhe gaye anek granthon ki praamaanikta ko lekar bhi vidvaan ekamat naheen hain. keraleeya saahitya se saamaanyat: malayalam saahitya arth liya jaata hai. lekin malayalam saahityakaaron ka tamil aur sanskrut bhaasha vikaas mein mahatvapoorn yogadaan raha hai. Kerala ke kuchh vidvaanon ne angreji, kannad, tulu, konkani, hindi aadi bhaashaaon mein bhi rachana likhi hain.

19 veen shataabdi ke antim charan tak malayalam saahitya ka itihaas pramukhataya kavita ka itihaas hai. saahitya ki praarambhik dasha ka parichay dene wala kaavya granth 'raamacharitm' hai jise 13 veen shataabdi mein likha gaya bataaya jaata hai. yadyapi malayalam ke praarambhik kaavya ke roop mein 'raamacharitm' ko maana jaata hai fir bhi Kerala ki saahityik parampara usase bhi puraani maani ja sakti hai. praacheen kaal mein Kerala ko 'tamilkam' ka bhaag hi samjha jaata tha. dakshin Bhaarat mein sarvapratham saahitya ka srot bhi tamilkam ki bhaasha prasfurit hua tha. tamil ka aadikaaleen saahitya 'sangam krutiyaaain' naam se jaana jaata hain. sangamakaaleen mahaan rachanaaon ka sambandh Kerala ke praacheen cher-saamraajya se raha hai. 'patittippattu' naamak sangamakaaleen kruti mein das cher raajaaon ke prashastigeet hai. 'silppadikaaran' mahaakaavya ke praneta ilango adigl ka janm cher desh mein hua tha. iske atirikt teen khandon vaale is mahaakaavya ka ek khand 'vanyachikkaandam' ka pratipaadya vishay cheranaad mein ghatit ghatanaaeain hain. sangamakaaleen saahityikon mein anek keraleeya saahityakaar hain.

saaaincha:Kerala ka saahitya

Kerala ke adhikaansh logon ki maatrubhaasha malayalam hai, jo Dravid parivaar ki pramukh bhaasha hai. yahaaain aarya, arabi, yahoodi tatha mishrit vansh ke log bhi rahate hain. doosra pramukh varg aadivaasiyon ka hai. ye sabhi varg milkar aadhunik keraleeya samaaj ka nirmaan karte hain. ek raajya ke roop mein Kerala ki sthaapana 1961 se hi hui. kintu vartamaan Kerala ke antargat jitne pradesh hain un pradeshon ki janaganana 1881 mein hi taiyaar ho pai. pramaanon ke aadhaar par yeh vishvaas kiya jaata hai ki 17 veen sadi ke praarambh mein Kerala ki janasankhya lagbhag 30 lakh thi. 1850 mein yeh 45 lakh ho gayi. 1881 se janasankhya lagaataar badhti rahi. 1901 mein janasankhya 64 lakh thi jo 1991 mein 291 lakh ho gayi. (6) 2001 ki janaganana ke anusaar Kerala ki janasankhya 31841374 hai.

Kerala ke pramukh dharm hain hindu, isaai evam islaam dharm. bauddh, jain, paarasi, sikkh, bahaai dharmaavalambi log bhi yahaaain rahate hain. hindu samaaj vividh jaatiyon se bana hai. isvi san 8 veen sadi se Kerala mein jaati-vyavastha prachalit hui thi. anusoochit jaati tatha anusoochit janajaati tak vibhinn shreni ke logon ko jaati - vyavastha ke antargat sammilit kiya gaya. jaati vyavastha ke kaaran samaaj mein ooainch - neech ki bhaavana tatha saamaajik kureetiyaaain prachalit ho gain. 19 veen shataabdi ke ant mein chalne vaale saamaajik navotthaan abhiyaanon ne 20 veen shataabdi mein tatha tatpashchaat svatantrata sangraam mein jaati vyavastha ko kisi seema tak toda. vartamaan keraleeya samaaj mein yadyapi ooainch - neech ka bhedabhaavana naheen hai, lekin jaati - vyavastha maujood hai.

vibhinn dharmaavalambi logon ke devaalayon tatha unke dhaarmik aachaar - anushthaanon ne keraleeya sanskruti ko pusht kiya hai. saahitya aur kala ke vikaas mein bhi unka yogadaan mahatvapoorn hai. mandiron se jude utsavon ne keraleeya sanskruti ki shobha badhaayi hai.

Kerala ko Bhaarat ki raajaneetik prayogashaala kaha ja sakta hai. chunaav ke dvaara kamyoonist party ka satta mein aana aur vibhinn paartiyon ke morchon ka gathan tatha unka shaasak banana aadi anek raajaneetik prayog pehli baar Kerala mein hue. desh mein masheeni matapeti ka pratham prayog bhi Kerala mein hua. Kerala mein 140 vidhaan sabha nirvaachan kshetr aur 20 lok sabha nirvaachan kshetr hain. vidhaan sabha mein englo - Indian samudaaya ke ek pratinidhi ko naamit kiya jaata hai. Kerala mein anek raajaneetik dal tatha unke sanposhak sangathan bhi hain. yatha - bhaarateeya raashtreeya Congress, maarksavaadi kamyoonist party, bhaarateeya kamyoonist party, janataadal (S), muslim league, Kerala Congress (M), Kerala kaugres (J) aadi. sabhi pramukh raajaneetik dalon ke shramik, vidyaarthi, mahila, yuva, krushak aur seva sangathan bhi sakriya hain. trade unionon ki sankhya aavashyakta se adhik badh rahi hai. 1973 mein Kerala ki panjeekrut trade unionon ki sankhya 1680 thi. yeh 1996 mein 10326 ho gayi. yahaaain sarkaari naukri mein rat 3000 logon ke liye ek trade union banaai gayi hai.

Kerala raajya ke aavirbhaav ke baad raajya mein 13 baar chunaav hue. bees matrimanndal tatha 12 mukhyamantri hue hain. 5 April 1957 ko E. M. S. nanpootirippaad ke netrutv mein pratham mantrimndal satta mein aaya. vartamaan mukhyamantri vi. S. achyutaanandan ne 18 May 2006 ko shaasan sambhaala.

Kerala ke paas vigyaan aur praudyogiki ki samruddh parampara hai. ganit, jyotishi, jyotish, aayurved, vaastukala, dhaatu vigyaan aadi kshetron mein keraleeyon ne ullekhaneeya yogadaan kiya hai. aadhunik Bhaarat ke vaigyaanik kshetr mein Kerala ki upasthiti ullekhaneeya hai. vaigyaanik takaneeki kshetron mein bhi Kerala bahut aage hai. Kerala ke anek vaigyaanik videshon mein kaaryarat hain. puraane kaal mein jyotish, mantra - tantr aadi vigyaan ke roop mein viksit hue the. malayalam ka vaigyaanik saahitya bhi atyant samruddh hai.

ganit evam jyotish

bhaarateeya parampara ke anuroop Kerala mein bhi ganit, jyotishi aur jyotish ka vikaas paraspar sambaddh tha. ganit ke kshetr mein praacheen Kerala ka yogadaan vishv prasiddh hai. samakaaleen ganitjnyaon dvaara prayukt 'Kerala school of maithametiks' shabd iska pramaan hai. keraleeya ganit evam jyotishi ka vikaas aaryabhat ki rachana 'aaryabhateeya' ke aadhaar par hua hai aur aaryabhat ko katipya vidvaan keraleeya maanate hain. keraleeya ganit evam jyotishi ke vikaas ke parinaam svaroop bani pramukh paddhatiyaaain hain isvi san 7 veen shati mein haridtt dvaara aavishkrut 'parahitm' tatha isvi san 15 veen shati mein vadashsheri parameshvaran dvaara aavishkrut 'druganitm'.

praacheen keraleeya ganitjnyaon ki soochi lambi hai. unamein se anek krutiyaaain taadpatron mein aaj bhi upalabdh hain. ganit ke kshetr mein sarvaadhik prasiddh naam hain - vararuchi pratham, vararuchi dviteeya, haridttan, govindasvaami, shankaranaaraayanan, vidyaamaadhavan, talakkulam govind bhattatiri, sangam gram maadhavan, vadashsheri parameshvaran, neelakanth somayaaji, shankar vaariyr, jyeshth devan, maattoor nanpootirimaar, mahishmangalam shankaran, trukkandiyoor achyutappishaaradi, putumana pomaatiri (putumana somayaaji), kochchu krushnanaashaan, melaputtoor Narayan bhattatiri aadi. aadhunik ganit ka itihaas yeh maanata hai ki kalan (Calculus) ka aavishkaarak aaijek nyootan aur laibaneej na hokar Kerala ke ganit vaigyaanik hain.

aayurved

aayurved do hajaar varsh puraani bhaarateeya chikitsa-paddhati hai. is paddhati ka vikaas svaasthya, jeevan-shaili evam chikitsa ki drushti se hua tha. ismein jeevan ke samast angon ka adhyayan tatha parisheelan nihit hai. keraleeya aayurved parampara atyant praacheen evam samruddh hai. yahi kaaran hai ki vishv bhar mein Kerala apni ayurvedik chikitsa shaili ke kaaran prasiddh hai. lekin aayurved maatr rog ki chikitsa tak seemit naheen hai yeh ek vishisht jeevan darshan ko sthaapit karta hai.

Kerala ki aayurved parampara atyant praacheen hai. yeh aaj bhi vishv ka dhyaan apni or aakarshit karti hain. paryatan ke kshetr mein bhi aayurved par aadhaarit paryatan (Health Tourism) Kerala ki visheshata hai. 'panchakarm chikitsa' jo ki punaryauvan chikitsa kahalaati hai, isakeliye saikadon videshi paryatak prativrsh Kerala aate hain. keraleeya vaidya parampara mein paramparaagat aayurved vidyaalayon ke staanakon se lekar parivaarik parampara vaale deshaj vaidya shaamil hai. yahaaain ek aisa parivaarik parampara wala vaidyaparivaar bada prasiddh hai jise ashtavaidya ke naam se pukaara jaata hai.

Kerala ki aayurved chikitsa parampara sadiyon se chalti chali aa rahi hai. keraleeya aayurved ka sarvaadhik praamaanik granth hain vaagbhat ka 'ashtaangahradayam' aur 'ashtaangasangraham'. keraleeya vaidyon ne bhi anek aayurved granth rache hain. dekhein - Kerala aayurved

aadhunik vigyaan

aadhunik shiksha ke prachaar-prasaar ke saath naveen vaigyaanik kshetron mein bhi keraleeyon ne vishesh yogyata praapt ki. vigyaan ki vividh shaakhaaon mein Kerala ke anek prasiddh vaigyaanik hue hain. jaise ki - ke. aar. raamanaathan, si. aar. pishaaradi, aar. S. Krishnan, ji. N. raamachandran, gopeenaath karta, you. S. Nair, ke. aar. Nair, E. si. ji. sudarshan, M. M. mattaayi, ke. I. vargees, M. S. svaameenaathan, taanu padmanaabhan, pi. ke. ayyangaar, M. ji. raamadaas Menon, ke. ke. Nair, N. ke. panikkar, N. Balkrishnan Nair, ke. ke. Nair, ke. ji. adiyodi, ji. maadhavan Nair aadi labdh prasiddh vaigyaaniko ki soochi bahut lambi hai.

aadhunik vigyaan ke vikaas mein yog dene waali sansthaaeain hain vishvavidyaalaya, vaigyaanik - praudyogiki vidyaalaya, vaigyaanik anusandhaan pratishthaan aadi. 'Kerala shaastr saahitya parishad' jaisi vaigyaanik sansthaaeain bhi janta mein vaigyaanik drushtikon viksit karne mein sahaayak bani hain.

Kerala mein 14 jile hain:

• kaasaragod jila
• kannoor jila
• vayanaad jila
• koshikkod jila (kaaleekat)
• malappuram jila
• paalakkaad jila (paalaghaat)
• trushshoor jila
• ernnaakulm jila
• iddukki jila
• kottayam jila
• aalappushaa jila
• pattanantitta jila
• kollam jila
• tiruvanantapuram jila (trivendram)

• Kerala ke Loksabha sadasya

• Kerala ki saanskrutik viraasat (Google pustak ; kaaleekat vishvavidyaalaya, hindi vibhaag)
• Kerala paryatan - yahaaain Kerala ke baare mein bahut saari jaankaari hindi mein di gayi hai.
• Kerala mein paryatan - jaagaran

Kerala praveshadvaar