Karnataka ka itihaas

itihaas

Karnataka ke aadim nivaasi lauh dhaatu ka prayog uttar bhaarateeyon ki apeksha pehle se jaante the, aur isaapoorv 1200 isvi ke aujaar dhaaravaad jile ke halloor mein mile hain. gyaat itihaas ke aarambh mein is pradesh par uttar bhaarateeyon ka shaasan tha. pehle yahaaain nandon tatha mauryon ka shaasan tha. saatavaahanon ka raajya (isaapoorv 30 - 230 isvi) uttari Karnataka mein faila tha jiske baad kaanchi ke pallavon ka shaasan aaya. pallavon ke prabhutv ko sthaaneeya kadambon (banavaasi ke) tatha kolaar ke ganga raajavansh ne khatm kiya.

kadamb raajavansh ki sthaapana san 345 mein mayoorasharman naamak braahman ne ki thi. pallavon ki rajdhani mein apamaan sahane ke baad usane pallavon ke khilaaf vidroh kar diya tha. uske paravartiyon mein se ek kakusth varman (435-55) to itna shaktishaali ho gaya tha ki vakat tatha gupton ne bhi unke saath vaivaahik sambandh sthaapik kiya tha. maana jaata hai ki mahaakavi kaalidaas ne uske darbaar ki yaatra ki thi.

ganga raajavansh ne san 350 ke aaspaas kolaar se shaasan aarambh kiya tha aur baad mein unhonne apni rajdhani Mysore ke paas taalakadu mein sthaapit ki. badaami chaalukyon ke aane se pehle tak ve dakshini Karnataka mein ekakshatr raajya karte rahe.

chaalukya

badaami ke chaalukyon ke andar hi sampoorn Karnataka ek shaasan sootr mein bandh paaya tha. ve apne shaasanakaal mein banaai gayi kalaakrutiyon ke liye bhi jaane jaate hain. isi kul ke pulakeshin dviteeya (609-42) ne harshavardhan ko haraaya tha. pallavon ke saath yuddh mein ve dheere-dheere ksheen hote gaye.

badaami ke chaalukyon ki shakti ksheen hone ke baad raashtrakooton ka shaasan aaya par ve adhik din prabhutv me naheen rah paae. kalyaan ke chaalukyon ne san 973 mein unhein satta se baahar kar diya. someshvar pratham ne cholon ke aakraman se bachane ki safalataapoorvak koshish ki. usane kalyaan mein apni rajdhani sthaapit ki aur chol raaja raajaadhiraaj ki koppar mein san 1054 mein hatya kar di. usaka beta vikramaaditya shashtam to itna prasiddh hua ki Kashmir ke kavi dilhan ne apni sanskrut rachana ke liye uske naayak chuna aur vikramadev charitm ki rachana ki. vo ek prasiddh kaanoonavid vijnyaaaneshvar ka bhi sanrakshak tha. usane chol rajdhani kaanchi ko 1085 mein jeet liya.

chaalukya saamraajya apne mahattam vistaar par - saataveen sadi

yaadavon (ya sevuna) ne devagiri (aadhunik daulataabaad, jo baad mein muhammad bin tugalak ki rajdhani bana) se shaasan karna aarambh kiya. par yaadavon ko Delhi saltanat ki senaaon ne 1296 mein hara diya. yaadavon ke samay bhaaskaraachaarya jaise ganitjnyaon ne apni amar rachanaae keen. hemaadri ki rachanaae bhi isi kaal mein huin. chaalukyon ki ek shaakha isi beech shakitshaali ho rahi thi - hoyasal. unhonne beluru, helebidu aur somanaathapura mein mandiron ki rachana karavaai. jab tamil pradesh mein cholon aur paandyon mein sangharsh chal raha tha tab hoyasalon ne paandyon ko peechhe ki or khaded diya . ballaal truteeya (mrutyu 1343) ko Delhi tatha madurai donon ke shaasakon se yuddh kana pada. uske sainik harihr tatha bukka ne vijyanagar saamraajya ki neenv rakhi. hoyasalon ke shaasanakaal mein kannad bhaasha ka vikaas hua.

vijyanagar saamraajya ki sthaapana ke samay vo dakshin mein ek hindu shakti ke roop mein dekha gaya jo Delhi aur uttari Bhaarat par sattaaroodh muslim shaasakon ke virooddh ek lokapriya shaasak bana. harihr tatha bukka ne na keval Delhi saltanat ka saamana kiya balki madurai ke sultaan ko bhi haraaya. krushnadev rai is kaal ka sabse mahaan shaasak hua. vijyanagar ke patan (1565) ke baad bahamani saltanat ke paravarti raajyon ka chhitput shaasan hua. in raajyon ko mugalon ne hara diya aur isi beech Bijapur ke soobedaar shaahaji ke putr shivaaji ke netrutv mein maraathon ki shakti ka udaya hua. maraathon ki shakti athaarahaveen sadi ke ant tak ksheen hone lagi thi. dakshin mein haidar Ali ne Mysore ke vodyaar raajaaon ki shakti hathiya li. chauthe aangl-Mysore yuddh mein haidar Ali ke putr teepoo sultaan ko maat dekar angrejon ne Mysore ka shaasan apne haathon mein le liya. san 1818 mein peshavaaon ko hara diya gaya aur lagbhag sampoorn raajya par angrejon ka adhikaar ho gaya. san 1956 mein Karnataka raajya bana.