Kanpur
| Kanpur کaaاaaن پaaوaaر |
|||||||||
| poorv ka mainchaistar | |||||||||
| — shahar — | |||||||||
 |
|||||||||
 |
|||||||||
| samay mandal: IST (UTC+5:30) | |||||||||
| desh |
 Bhaarat
|
||||||||
| kshetr | avadh | ||||||||
| raajya | uttar pradesh | ||||||||
| jila | Kanpur nagar jila | ||||||||
| mahaapaur | jagataveer Singh dron (bha.j.pa ke sadasya) |
||||||||
|
janasankhya • ghanatv |
2767031 (2011)[1] • 1,366 /kimi2 (3,538 /varg meal) |
||||||||
| lingaanupaat | 0.869 ♂/♀ | ||||||||
| saaksharata | 83.98% | ||||||||
| aadhikaarik bhaasha(eain) | hindi, avadhi | ||||||||
|
kshetrafal • ooainchaai (AMSL) • samudratat |
1,640 ki.mee² (633 varg meal) • 126 meter (413 fee॰) • 0 km (0 meal) |
||||||||
|
mausam • varsha taapamaan • greeshm • sheet |
Cfa (kaupen) • 940 mm (37 in) • 22.0 °aC (72 °aF) • 48.7 °aC (120 °aF) • 1.5 °aC (35 °aF) |
||||||||
|
vibhinn code
|
|||||||||
| aadhikaarik jaalasthal: www.kanpurnagar.nic.in | |||||||||
nirdeshaank: 26°a27′a39″aN 80°a20′a00″aE / 26.460738°aN 80.333405°aE
Kanpur bhaaratavarsh ke uttari raajya uttar pradesh ka ek pramukh audyogik nagar hai. yeh nagar ganga nadi ke dakshin tat par basa hua hai. pradesh ki rajdhani Lucknow se 80 kilometer pashchim sthit yahaaain nagar pradesh ki audyogik rajdhani ke naam se bhi jaana jaata hai. aitihaasik aur pauraanik maanyataaon ke liye charchit brahmaavart (bithoor) ke uttar madhya mein sthit dhruvateela tyaag aur tapasya ka sandesh de raha hai. yahaaain ki aabaadi lagbhag 27 lakh hai.Kanpur desh ka 10vaan bada shahar hai.
anukram
itihaas
maana jaata hai ki is shahar ki sthaapana sachendi raajya ke raaja hindu Singh ne ki thi. Kanpur ka mool naam 'kaanhapur' tha. nagar ki utpatti ka sacheindi ke raaja hindoosinh se, athva mahaabhaarat kaal ke veer karn se sambaddh hona chaahe sandehaatmak ho par itna pramaanit hai ki avadh ke navaabon mein shaasanakaal ke antim charan mein yeh nagar puraana Kanpur, patakaapur, kurasavaaain, juhi tatha seemaamaoo gaaainvon ke milne se bana tha. pados ke pradesh ke saath is nagar ka shaasan bhi kannauj tatha kaalapi ke shaasakon ke haathon mein raha aur baad mein musalmaan shaasakon ke. 1773 se 1801 tak avadh ke navaab alamaas Ali ka yahaaain suyogya shaasan raha.
1773 ki sandhi ke baad yeh nagar angrejon ke shaasan mein aaya, falasvaroop 1778 E. mein yahaaain angrej chhaavani bani. ganga ke tat par sthit hone ke kaaran yahaaain yaataayaat tatha udyog dhandhon ki suvidha thi. ataev angrejon ne yahaaain udyog dhandhon ko janm diya tatha nagar ke vikaas ka praarambh hua. sabse pehle East India company ne yahaaain neel ka vyavasaaya praarambh kiya. 1832 mein grand trank sadak ke ban jaane par yeh nagar Allahabad se jud gaya. 1864 E. mein Lucknow, kaalapi aadi mukhya sthaanon se sadkon dvaara jod diya gaya. oopari ganga nahar ka nirmaan bhi ho gaya. yaataayaat ke is vikaas se nagar ka vyaapaar pun: teji se badha.
vidroh ke pehle nagar teen or se chhaavani se ghira hua tha. nagar mein janasankhya ke vikaas ke liye keval dakshin ki nimnasthali hi avashisht thi. falasvaroop nagar ka puraana bhaag apni sainkari galiyon, ghani aabaadi aur avyavasthit roop ke kaaran ek samasya bana hua hai. 1857 ke vidroh ke baad chhaavani ki seema nahar tatha jaajamaoo ke beech mein seemit kar di gayi; falasvaroop chhaavani ki saari uttari-pashchimi bhoomi naagrikon tatha shaasakeeya kaarya ke nimitt chhod di gayi. 1857 ke svatantrata sangraam mein Meerut ke saath-saath kaanupar bhi agrani raha. naana saahab ki adhyakshata mein bhaarateeya veeron ne anek angrejon ko maut ke ghaat utaar diya. inhonne nagar ke angrejon ka saamana jamkar kiya kintu sangathan ki kami aur achhe netaaon ke abhaav mein ye poornataya daba diye gaye.
shaanti ho jaane ke baad vidrohiyon ko kaam dekar vyast rakhane ke liye tatha nagar ka vyaavasaayik drushti se upayukt sthiti ka laabh uthaane ke liye nagar mein udyog dhandhon ka vikaas teevr gati se praarambh hua. 1859 E. mein nagar mein railway line ka sambandh sthaapit hua. iske pashchaat chhaavani ki aavashyakataaon ki poorti ke liye sarkaari chamade ka kaarkhaana khula. 1861 E. mein sooti vastr banaane ki pehli mil khuli. kramash: railway sambandh ke prasaar ke saath nae-nae kai kaarkhaane khulate gaye. dviteeya vishvayuddh ke pashchaat nagar ka vikaas bahut teji se hua. yahaaain mukhya roop se bade udyog-dhandhon mein sooti vastr udyog pradhaan tha. chamade ke kaarabaar ka yeh uttar Bhaarat ka sabse pradhaan kendra hai. ooni vastr udyog tatha joot ki do milon ne nagar ki prasiddhi ko adhik badhaaya hai. in bade udyogon ke atirikt Kanpur mein chhote-chhote bahut se kaarakhaanein hain. plastic ka udyog, injiniyring tatha ispaat ke kaarkhaane, biskut aadi banaane ke kaarkhaane poore shahar mein faile hue hain. 16 sooti aur do ooni vastron mein milon ke sivaaya yahaaain aadhunik yug ke lagbhag sabhi prakaar ke chhote bade kaarkhaane the.
Kanpur chhaavani
Kanpur chhaavani Kanpur nagar mein hi hai. san 1778 E. mein angreji chhaavani bilgraam ke paas faijapur 'kanpoo' naamak sthaan se hatkar Kanpur aa gayi. chhaavani ke is parivartan ka mukhya kaaran Kanpur ki vyaavasaayik unnati thi. vyavasaaya ki pragati ke saath is baat ki vishesh aavashyakta prateet hone lagi ki Europeeya vyaapaariyon tatha unki dookaanon aur godaamon ki raksha ke liye yahaaain fauj rakhi jaae. angreji fauj pehle juhi, fir vartamaan chhaavani mein aa basi. Kanpur ki chhaavani mein puraane Kanpur ki seema se jaajamaoo ki seema ke beech ka praaya: saara bhaag sammilit tha. Kanpur ke san 1840 E. ke maanachitr se vidit hota hai ki uttar ki or puraane Kanpur ki poorvi seema se jaajamaoo tak ganga ke kinaare-kinaare chhaavani ki seema chali gayi thi. pashchim mein is chhaavani ki seema uttar se dakshin ki or bhairoghot ke seesaamaoo tak chali gayi thi. yahaaain se yeh vartamaan maalarod (mahaatma Gandhi road) ke kinaare-kinaare patakaapur tak chali gayi thi. fir dakshin-pashchim ki or mudkar klektaraganj tak pahuainchati thi. vahaaain se yeh seema nagar ke dakshin-pashchimi bhaag ko gherati hui dalelapurava pahuainchati thi aur yahaaain se dakshin ki or mudkar grand trank road ke samaantar jaakar jaajamaoo se aanevaali poorvi seema mein jaakar mil jaati theen. chhaavani ke bheetar ek vishaal shastraagaar tatha yooropiyn aspataal tha. paramat ke dakshin mein angreji paidal sena ki bairak tatha parade ka maidaan tha. inke tatha shahar ke beech mein kaaleepalatan ki bairakein theen jo pashchim mein soobedaar ke taalaab se lekar poorv mein kraaist church tak faili hui theen. chhaavani ke poorvi bhaag mein bada topakhaana tha tatha ek angreji risaala rahata tha. 1857 ke vidroh ke baad chhaavani ki praaya: sabhi imaaratein nasht kar di gain. vidroh ke baad seema mein pun: parivartan hua. chhaavani ka adhikaansh bhaag naagrikon ko de diya gaya.
is samay chhaavani ki seema uttar mein ganga nadi, dakshin mein grand trank road tatha poorv mein jaajamaoo hai. pashchim mein Lucknow jaanevaali railway line ke kinaare-kinaare maal road par padnevaale nahar ke pul se hoti hui foolabaag ke uttar se ganga ke kinaare haarnes factory tak chali gayi hai. chhaavani ke muhallon-sadarabaajaar, goraabaajaar, laalakurti, kachhiyaana, shuturakhaana, daanaakhori aadi-ke naam hamein puraani chhaavani ke dainik jeevan se sambandh rakhanevaale vibhinn baajaaron ki yaad dilaate hain.
aajkal chhaavani ki vah raunak naheen hai jo pehle thi. uddeshya poorn ho jaane ke kaaran angrejon ke kaal mein hi sena ka camp tod diya gaya, par ab bhi yahaaain kuchh senaaeain rahati hain. bairakon mein praaya: sannaata chhaaya hua hai. chhaavani ki kitni hi bairakein ya to khaali padi hui hain ya anya raajya karmachaari unamein kiraae par rahate hain. memoriyl church, Kanpur club aur laat saahab ki kothi (sarakit house) ke kaaran yahaaain ki raunak kuchh bani hui hai. chhaavani ka prabandh kaintoonameint board ke supurd hai jiske kuchh chune hue sadasya hote hain.
dantakatha
maanyata hai isi sthaan par dhruv ne janm lekar paramaatma ki praapti ke liye baalyakaal mein kathor tap kiya aur dhruvataara bankar amaratv ki praapti ki. rakharakhaav ke abhaav mein teele ka kaafi hissa ganga mein samaahit ho chuka hai lekin teele par bane datt mandir mein rakhi tapasya mein leen dhruv ki pratima astitv kho chuke praacheen mandir ki yaad dilaati rahati hai. bataate hain ganga tat par sthit dhruvateela kisi samay lagbhag 19 beegha kshetrafal mein failaav liye tha. isi teele se takara kar ganga ka pravaah thoda rukh badalta hai. paani lagaataar takaraane se teele ka lagbhag 12 beegha hissa kat kar ganga mein samaahit ho gaya. teele ke beech mein bana dhruv mandir bhi kataan ke saath ganga ki bheint chadh gaya. bujurg bataate hain mandir ki pratima ko teele ke kinaare bane datt mandir mein sthaapit kar diya gaya. peshava kaal mein iski dekharekh ki jimmedaari raajaaraam pant moghe ko saunpi gayi. tab se yahi parivaar datt mandir mein pooja archana ka kaam kar raha hai. maanyata hai dhruv ke darshan poojan karne se tyaag ki bhaavana balavati hoti hai aur jeevan mein lakh kathinaaiyon ke baavajood kaam ko anjaam dene ki prerana praapt hoti hai.
Kanpur ke darshaneeya sthal
naanaaraav park (company baag), chidiyaaghar, raadha-Krishna mandir, sanaadharm mandir, kaaainch ka mandir, shri hanumaan mandir panaki, siddhanaath mandir, jaajamaoo aanandeshvar mandir paramat, jaageshvar mandir chidiyaaghar ke paas, siddheshvar mandir chaubepur ke paas, bithoor saaaini mandir, ganga bairaaj, chhatrapati saahooji mahaaraaj vishvavidyaalaya (poorv mein Kanpur vishvavidyaalaya), bhaarateeya praudyogiki sansthaan, harakort butler praudyogiki sansthaan (H.bi.ti.I.), chandrashekhar aajaad krushi evain praudyogiki vishvavidyaalaya, brahmadev mandir ityaadi.
jaajamaoo
jaajamaoo ko praacheen kaal mein siddhapuri naam se jaana jaata tha. yeh sthaan pauraanik kaal ke raaja yayaati ke adheen tha. vartamaan mein yahaan siddhanaath aur siddh devi ka mandir hai. saath hi jaajamaoo lokapriya soofi sant makhadoom shaah alaaul hak ke makabare ke liye bhi prasiddh hai. is makabare ko 1358 E. mein firoj shaah tugalak ne banavaaya tha. 1679 mein kuleech Khan ki dvaara banvaai gayi masjid bhi yahaan ka mukhya aakarshan hai. 1957 se 58 ke beech yahaan khudaai ki gayi thi jismein anek praacheen vastuen praapt hui thi.
shri raadhaakrushn mandir
yeh mandir J. ke. mandir ke naam se bhi jaana jaata hai. behad khoobsoorti se bana yeh mandir J. ke. trast dvaara banavaaya gaya tha. praacheen aur aadhunik shaili se nirmit yeh mandir Kanpur aane vaale deshi-videshi paryatakon ke aakarshan ka kendra rahata hai. yeh mandir mool roop se shreeraadhaakrushn ko samarpit hai. iske alaava shri lakshmeenaaraayan, shri ardhanaareeshvar, narmadeshvar aur shri hanumaan ko bhi yeh mandir samarpit hai.
jain glaas mandir
vartamaan mein yeh mandir paryatakon ke aakarshan ka kendra ban gaya hai. yeh khoobsoorat nakkaaseedaar mandir kamala tauvar ke vipreet maheshvari mohaal mein sthit hai. mandir mein taamracheeni aur kaanch ki sundar sajaavat ki gayi hai.
kamala retreat
kamala retreat egreekalchar college ke pashchim mein sthit hai. is khoobsoorat sanpada par sinhaaniya parivaar ka adhikaar hai. yahaan ek sveeming pool bana hua hai, jahaan krutrim laharein utpann ki jaati hai. yahaan ek park aur nahar hai. jahaan chidiyaaghar ke samaanaantar boting ki suvidha hai. kamala retreat mein ek sangrahaalaya bhi bana hua hai jismein bahut si aitihaasik aur puraataatvik vastuon ka sangrah dekha ja sakta hai. yahaan jaane ke liye deputy general manager ki anumati lena anivaarya hai.
fool baag
fool baag ko ganesh udyaan ke naam se bhi jaana jaata hai. is udyaan ke madhya mein ganesh shankar vidyaarthi ka ek maimoriyl bana hua hai. pratham vishvayuddh ke baad yahaan otharepedik rihebiliteshan hauspitl banaaya gaya tha. yeh park shahar ke beechon beech mall road par bana hai.
Allen forast joo
1971 mein khula yeh chidiyaaghar desh ke sarvottam chidiyaagharon mein ek hai. kshetrafal ki drushti se yeh desh ka teesara sabse bada chidiyaaghar hai aur yahaaain 1250 jaanavar hain. kuchh samay piknik ke taur par bitaane aur jeev-jantuon ko dekhne ke liye yeh chidiyaaghar ek behatareen jagah hai. is chidiyaaghar mein jald hi traam train chalaane ki yojana hai.[2]
Kanpur maimoriyl church
1875 mein bana yeh church lombaardik gothik shaili mein bana hua hai. yeh church un angrejon ko samarpit hai jinki 1857 ke vidroh mein mrutyu ho gayi thi. East Bengal railway ke vaastukaar vaaltar grenavile ne is church ka design taiyaar kiya tha.
naana Rao park
naana Rao park fool baag se pashchim mein sthit hai. 1857 mein is park mein beebeeghar tha. aajaadi ke baad park ka naam badalkar naana Rao park rakh diya gaya.
jed skuare maal
vartamaan me yeh jagah shahaar ka sabse bada aakarshan k kendra hai | yaha pe kai saari khaane peene aur khareedaari ki jagah hai |
aavaagaman
- vaayu maarg
Lucknow ka amausi yahaan ka niktatam antararaashtreeya havaai adda hai, jo lagbhag 65 kimi. ki doori par hai. Kanpur ka apna bhi ek havaai adda hai lekin vo keval Delhi aur Lucknow se hi juda hua hai.
- rel maarg
Kanpur central railway station desh ke vibhinn hisson se anek railgaadiyon ke maadhyam se juda hua hai. Delhi, Varanasi, Lucknow, haavada,Gorakhpur , jhaaainsi, kannoj, Mathura, Agra, baanda, jabalapur aadi shaharon se yahaaain ke liye niyamit relagaadiyaaain hain. shataabdi, rajdhani, neelaanchal, magadh vikramashila, vaishaali, gomati, sangam, pushpak aadi trainein Kanpur hokar jaati hain.
- sadak maarg
desh ke pramukh shaharon se Kanpur sadak maarg se juda hua hai. raashtreeya raajamaarg 2 ise Delhi, Allahabad, Agra aur Kolkata se jodta hai, jabki raashtreeya raajamaarg 25 Kanpur ko Lucknow, Jhansi aur shivpuri aadi shaharon se jodta hai.
shikshan sansthaan
- bhaarateeya dalahan anusandhaan sansthaan
- bhaarateeya praudyogiki sansthaan Kanpur
- harakort butler praudyogiki sansthaan (H bi ti I)
- raashtreeya sharkara sanstha
- ganesh shankar vidyaarthi medeekal kaalej
- O ef aai si Kanpur
- si S J M you Kanpur
- di pi S Kanpur
- I ti I paandoonagar Kanpur
jalavaayu
maidaani bhaag hone ke kaaran garmiyon mein adhik garmi tatha sardiyon mein adhik sardi padti hai. varsha ka star madhyam hai.
| Kanpur ke liye mausam jaankaari | |||||||||||||
|---|---|---|---|---|---|---|---|---|---|---|---|---|---|
| maheena | January | fravari | March | April | May | June | July | August | sitmbar | October | November | December | varsh |
| ankit adhik °aC (°aF) | 28 (82) |
34 (93) |
41 (106) |
44 (111) |
46 (115) |
48 (118) |
41 (106) |
38 (100) |
38 (100) |
36 (97) |
32 (90) |
28 (82) |
48 (118) |
| ausat adhiktam °aC (°aF) | 18 (64) |
24 (75) |
30 (86) |
38 (100) |
40 (104) |
42 (108) |
36 (97) |
34 (93) |
32 (90) |
30 (86) |
25 (77) |
20 (68) |
33 (91) |
| ausat nyoonatam °aC (°aF) | 6 (43) |
12 (54) |
14 (57) |
20 (68) |
22 (72) |
25 (77) |
26 (79) |
23 (73) |
22 (72) |
16 (61) |
12 (54) |
7 (45) |
15 (59) |
| ankit nyoon. °aC (°aF) | -3 (27) |
6 (43) |
7 (45) |
15 (59) |
17 (63) |
20 (68) |
21 (70) |
18 (64) |
19 (66) |
15 (59) |
9 (48) |
0 (32) |
-3 (27) |
| himpaat/varsha mm (inch) | 23 (0.91) |
16 (0.63) |
9 (0.35) |
5 (0.2) |
6 (0.24) |
68 (2.68) |
208 (8.19) |
286 (11.26) |
202 (7.95) |
43 (1.69) |
7 (0.28) |
8 (0.31) |
881 (34.69) |
| srot: aaiemadi[3] | |||||||||||||
janasaankhyiki
| Kanpur mein dhaarmik samooh | ||||
|---|---|---|---|---|
| dharm | pratishat | |||
| hindu | 76% | |||
| muslim | 20% | |||
| jain | 1.7% | |||
| anya† | 2.3% | |||
| dharmavaar vitran †sikkh (0.2%), bauddh (<0.2%) shaamil |
||||
| Kanpur ki janasainkhya | |||
|---|---|---|---|
| janaganana | janasankhya | %± | |
| 1891 | 1,88,712 |
|
|
| 1901 | 1,97,170 | 4.5% | |
| 1911 | 1,78,557 | -9.4% | |
| 1921 | 2,16,436 | 21.2% | |
| 1931 | 2,43,755 | 12.6% | |
| 1941 | 4,87,324 | 99.9% | |
| 1951 | 6,38,734 | 31.1% | |
| 1961 | 7,05,383 | 10.4% | |
| 1971 | 12,75,242 | 80.8% | |
| 1981 | 17,82,665 | 39.8% | |
| 1991 | 18,74,409 | 5.1% | |
| 2001 | 25,51,337 | 36.1% | |
| 2011 | 27,67,031 | 8.5% | |
2011 ki janasankhya ke anusaar Kanpur nagar ki aabaadi 2,767,031 thi. yahaaain ki saaksharata dar 83.98% hai.[4]
yahaaain par hindu aur muslim pramukh dharm hai. 76% hindu, 20% muslim, 1.7% jain tatha 2.3% anya dharmon ke mataavalanbi hai.
antarraashtreeya sambandh
| shahar | dhvaj | desh |
|---|---|---|
| Manchester |
 UK
|
United Kingdom |
| sain jos, California |
 USA
|
sanyukt raajya America |
| milvauki, viskaunsin |  |
sanyukt raajya America |
| osaaka |  |
Japan |
| yekaterinburg |  |
roos |
| faisalaabaad |  |
Pakistan |
inhein bhi dekhein
sandarbh
- ↑ "Provisional Population Totals, Census of India 2011; Urban Agglomerations/Cities having population 1 lakh and above" (PDF). Office of the Registrar General & Census Commissioner, India. http://www.censusindia.gov.in/2011-prov-results/paper2/data_files/India2/Table_3_PR_UA_Citiees_1Lakh_and_Above.pdf. abhigman tithi: 26 March 2012.
- ↑ agali garmiyon mein chalegi Kanpur joo mein train
- ↑ "Kanpur" (angreji mein). aaiemadi. http://www.imd.gov.in/section/climate/kanpur.htm. abhigman tithi: 25 March 2010.
- ↑ "Urban Agglomerations/Cities having population 1 lakh and above". Provisional Population Totals, Census of India 2011. http://www.censusindia.gov.in/2011-prov-results/paper2/data_files/India2/Table_3_PR_UA_Citiees_1Lakh_and_Above.pdf. abhigman tithi: 2012-07-07.
- ↑ "235 Related Topics about Kanpur.". http://www.servinghistory.com/topics/Kanpur. abhigman tithi: 2012-01-10.
- ↑ "Presentation on the City of Kanpur, India relative to establishing a friendly exchange leading to a sister city relationship with the University of Wisconsin-Milwaukee, given by Dr. Pradeep K. Rohatgi.". http://milwaukee.legistar.com/MeetingDetail.aspx?ID=173633&GUID=9230474B-A34F-4360-974A-DF7F0EF0E344&Search=. abhigman tithi: 2012-01-04.
- ↑ "235 Related Topics about Kanpur.". http://www.servinghistory.com/topics/Kanpur. abhigman tithi: 2012-01-10.
- ↑ "178 Related Topics about Yekaterinburg.". http://www.servinghistory.com/topics/Yekaterinburg::sub::International_Relations. abhigman tithi: 2012-01-10.