John aidams

John aidams

kaarya kaal
17971801

janm
raajanaitik party fedaralist
dharm isaai
John aidams

John aidams (1735-1826) prasiddh vidvaan, safal vidhijnya tatha sanyukt raajya America ke doosare raashtrapati the. inka kaaryakaal 1797 se 1801 tak tha. ye fedaralist party se the.

parichay

John aidams ka janm 30 October 1735 ko mesaachoosets ke brenatri naamak sthaan mein hua. inke pita krushak the. unke jyeshth putr John kvinsi aidams bhi sanyukt raajya amareeka ke raashtrapati hue.

John ne samvidhaan visheshagya ke roop mein apni samasaamayik ghatnaaon ko prabhaavit kiya. sarvapratham hvig dal ke neta ke roop mein 1765 ke stainp aikt ka virodh karne mein apni karmathata tatha sakriyta ka parichay diya. December, 1765 mein raajyapaal tatha parishd ke samaksh bhaashan dete hue unhonne british sansad mein mesaachoosets ka pratinidhaan na hone ke aadhaar par stainp aikt ko avaidh ghoshit kiya. tathaapi 1798 mein unhonne Boston hatyaakaand ke abhiyukt british sainikon ka paksh lekar unhein bachaane ka safal prayaas kiya. apni satyanishtha tatha nyaayapriyta ke kaaran vah mesaachoosets Loksabha ke sadasya nirvaachit hue.

John aidams filaadelfiya ki pratham mahaadveepeeya mahaasabha ke nirvaachit pratinidhi the. ve svatantrata ki ghoshana karanevaali samiti ke bhi sadasya the. aidams November, 1778 tak Congress mein rahe aur is avadhi mein ve vaideshik sambandh samiti ke sadasya tatha yuddhasaamagri board ke adhyaksh rahe aur anek baar Europe ke videshon mein unhonne svadesh ka pratinidhaan kiya.

1785 mein aidams England ke pratham raajadoot niyukt hue. kraanti ke uparaant shaantikaal ki gambhir sthiti se utpann durvyavasthaaon ne unako roodhivaadi bana diya tathaapi apni rachana sanyukt raajya ke samvidhaan ke ek prativaad mein vah kuleen tantr ke sanrakshak ke roop mein prakat hote hain. is parivartan ka unki lokapriyta par achha prabhaav naheen pada. aidams pehle sanyukt raajya amareeka ke uparaashtrapati, fir 1796 mein raashtrapati chune gaye. ve sanghavaadi dal ke nirmaataaon mein se the. aidams ke raashtrapatitv kaal ke chaar varsh (1797-1801) kuchh aisi jatil aur vilkshan ghatnaaon se sambaddh rahe ki unke bhaar se unka bhaavi jeevan atyadhik vishaadamaya ho gaya. videshi tatha raajadroh sambandhi kaanoonon ke paas hone se sanghavaadi dal ko atyadhik virodh aur kshati sahani padi. swayam dal ke antarang sangathan mein bhi paarasparik matabhed tatha dalabandi praarambh ho gayi. aidams aur haimiltan ek doosare ke virodhi ho gaye. aidams suyogya, sachche tatha nirbheek vyakti the parantu apni ugr vyaavahaarikta tatha vivekaheenata ke kaaran apni adhyakshata mein sanghavaadi dal ko sangathit rakhane mein asamarth rahe; yahaaain tak ki inke apne mantrimandal ke sadasya bhi aidams ke bajaay haimiltan ko apna neta maanane lage.

yadyapi 1800 mein raashtrapati pad ke liye unako dobaara manoneet kiya gaya parantu apne shaktishaali vipakshi taamas jefrsan se unhein haar khaani padi. apni paraajaya se unako gahari peeda pahuainchi. taduparaant unhonne raajaneeti se apna haath kheench liya aur vishaadapoorn jeevan vyateet karte rahe. 4 July 1826 ko svatantrata ki ghoshana ki 50 vi varshagaaainth ke avsar par kvinsi naamak sthaan mein aidams ka dehaavasaan hua.