H J kaniya

sar harilaal jekisunadaas kaniya (3 November 1890 - 6 November 1951) svatantr Bhaarat ke pehle mukhya nyaayaadheesh the. unka nidhan pad sambhaalate hue 1951 mein hua tha.[1]

anukram

niji jeevan

kaniya ka janm 1890 mein soorat ke ek madhyam varg parivaar mein hua tha. unke daada Gujarat mein british sarkaar ke liye raajasv adhikaari the, aur unke pita, jekisunadaas, bhaavanagar riyaasat ke shaamaladaas college mein sanskrut praadhyaapak aur fir pradhaanaachaarya the. unke bade bhaai, heeraalaal jekisunadaas, bhi vakeel the. heeraalaal jekisunadaas ke bete madhukar heeraalaal jekisunadaas bhi 1987 mein sarvochch nyaayaalaya ke nyaayaadheesh, aur aage chalake mukhya nyaayaadheesh bane. 1925 mein kaniya ka vivaah sar chunneelaal Mehta ki beti kusum Mehta se hua.[1]

shiksha

kaniya ne 1910 mein shaamaladaas college se kala snaatak ki pareeksha utteern ki, aur shaasakeeya vidhi mahaavidyaalaya, Mumbai se 1912 mein vidhi snaatak aur 1913 mein usi vishay mein snataakottar ki upaadhi praapt ki thi.

vyaavasaayik jeevan

apni padhaai khtm karne ke baad kaniya Mumbai ke uchch nyaayaalaya mein vakeel ke taur par kaam karne lage. vakaalat ke saath-saath, thode samay ke liye vah India law reports ke kaaryakaari sampaadak bhi the. 1930 mein kuchh vakt ke liye vah Mumbai uchch nyaayaalaya mein kaaryakaari nyaayaadheesh bane aur June 1931 mein vah usi nyaayaalaya mein upper nyaayaadheesh niyutt hue. yeh pad unhone 1933 tak sambhaala. iske baad sahayogi nyaayaadheesh ke roop mein niyukt hone ke liye kaniya ne teen maheene intejaar kiya. in teen maheenon ke liye vah fir vakaalat ko laute aur antat: June 1933 mein unki padonnati hui.

1943 ki birthday onarj list mein kaniya ka naam tha aur unhe sar ki upaadhi mili..[2] is samay tak vah Mumbai uchch nyaayaalaya ke sabse varishth sahayogi nyaayaadheesh the aur nyaayaadheesh sar John bomaunt ke sevaanivrutt hone ke baad kaniya ko yeh pad milna tha. lekin bomaunt bhaarateeyon ke khilaaf pakshapaati the aur isliye unhone kaniya ki jagah sar John ston ka naamaankan kiya. ston vyaktigat roop se is faisale ke viruddh the par unhone yeh naamaankan sveekaar kara. tab bhi May-sitmbar 1944 aur June-October 1945 kaniya ne kaaryakaari mukhya nyaayaadheesh ka pad sambhaala. 20 June 1946 mein vah sangheeya nyaayaalaya ke sahayogi nyaayaadheesh niyukt hue. 14 August 1947 ko sangheeya nyaayaalaya ke mukhya nyaayaadheesh sar paitrik spenj sevaanivrutt hue aur tab yeh pad kaniya ko mila. 26 January ko jab svatanatr Bhaarat ek ganaraajya bana to kaniya desh ke sarvochch nyaayaalaya ke pehle mukhya nyaayaadheesh bane aur unhone apni shapath Bhaarat ke pehle raashtrapati dau॰ Rajendra prasaad ke saamane padhi. 6 November 1951 ko 61 saal ke kaniya ki mrutyu dil ke daure se hui.[3]

sandarbh

  1. a aa http://supremecourtofindia.nic.in/judges/rcji/01hjkania.htm
  2. London Gazette, 28 May 1943
  3. Gardbois Jr., George H. (2011). Judges of the Supreme Court of India 1950-1989. Oxford University Press. pp. 13–20. aai॰aऍsa॰abee॰aऍna॰ 978-0-19-807061-0.
poorvaadhikaari
-
Bhaarat ke mukhya nyaayaadheesh
15 August 1947–6 November 1951
uttaraadhikaari
M pi shaastri