Gujarat vidyaapeeth

chitr:Gvplogo.png
Gujarat vidyaapeeth ka prateek chinh

Gujarat vidyaapeeth ki sthaapana mahaatma Gandhi ne 18 October san 1920 mein ki thi. yeh Gujarat ke Ahmedabad nagar mein sthit hai. iski sthaapana ka uddeshya bhaarateeya yuvakon ko angrejon ki gulaami se mukt karaana tha. gandheeji is baat ko achhi tarah samajhte the ki maikaale dvaara rachi gayi Britain ki aupaniveshik shiksha neeti ka uddeshya damanakaari british saamraajya ke liye maanav sansaadhan (klark?) taiyaar karna hai. us shiksha neeti ke viruddh Gandhiji ne raashtreeya punarnirmaan va hind Swaraj ke liye yuvakon ko taiyaar karne ke uddeshya se is vidyaapeeth ki sthaapana ki.

Gandhiji aajeevan iske kulaadhipti rahe. praadhyaapak A ti gidvaani iske pratham upakulapati rahe. Gandhiji ke baad sardaar vallabhabhaai Patel, da Rajendra prasaad, moraar ji Desai aadi ne iske kulapati pad ko sushobhit kiya.

san 1963 mein Bhaarat sarkaar ne ise maanad vishvavidyaalaya ka darja diya.

anukram

uddeshya

  • (1) vidyaapeeth ka mukya uddeshya hai mahaatma gaaaindhi ke aadarshon ke anuroop Bhaarat ke punaruddhaar sambandhi aandolanon ko chalaane ke upayukt charitra, yogyata, shiksha aur kartavyanishtha se yukt kaaryakarta taiyaar karna,
  • (2) vidyaapeeth ke adhyaapak aur trasti keval un saadhanon ka upayog karein jo satya aur ahinsa ke aadarsh ke anuroop hon.
  • (3) asprushyata hindu jaati ka ek kalank hai. vidyaapeeth se sambaddh sabhi log ise door karne ka bharsak prayatn karein.
  • (4) haath se soot kaatana raashtreeya punarjaagaran aandolan ka ek pramukh ang hai, at: vidyaapeeth se sambaddh sabhi log niyamit roop se soot kaatein tatha aadatan khaadi pahanein.
  • (5) vidyaapeeth ki samast shiksha mein maatrubhaasha ka pramukh sthaan ho aur vahi shiksha ka maadhyam bhi ho.
  • (6) vidyaapeeth ke paathyakram mein raashtrabhaasha hindi (hindustaani) ka adhyayan anivaarya ho.
  • (7) audyogik shiksha bhi bauddhik shiksha ke samaan hi mahatvapoorn hai at: udyogon ki bhi shiksha di jaaya.
  • (8) Bhaarat ka vikaas shaharon par naheen, gaanvon par nirbhar hai. at: graamon mein raashtraposhak shiksha ke prasaar par vidyaapeeth ka aͬaadhikaansh dhan aur shakti lagani chaahiye.
  • (9) shiksha ki praathamiktaaon ka nirdhaaran karne mein graameenon ki aavashyakataaon ka vishesh dhyaan rakha jaae.
  • (10 vidyaapeeth ki sabhi sansthaaon mein sabhi dharmon ke prati sahishnuta rakhi jaaya.
  • (11) shaareerik vikaas ke liye vidyaapeeth ki sabhi sansthaaon mein shaareerik shiksha anivaarya ho.

vibhaag

vidyaalaya shiksha

iske antargat nursery shiksha tatha 11 varsheeya praathamik maadhyamik shiksha ki vyavastha hai, jo nursery school, besik primary school tatha post besik haai school mein vibhkt hai. ismein haath se kataai haath se bunaai mukhya tatha silaai gaun shilp hai. jo vidyaarthi praathamik shiksha ki antim pareeksha (kaksha 7) utteern karne ke baad haai school mein naheen jaana chaahate unke liye 'vineet' (maitrik ke samakaksh) paathyakram ki vyavastha hai. is shiksha dvaara mukhya roop se graameen tatha aadivaasi kshetron ke praaimari schoolon ke liye adhyaapak taiyaar kiye jaate hain.

uchch shiksha vibhaag

iske antargat mahaadev Desai samaaj seva mahaavidyaalaya chal raha hai. yeh saavaasi mahaavidyaalaya hai. 'vineet' pareeksha ya uske samakaksh utteern pareeksha ke aadhaar par is mahaavidyaalaya mein pravesh liya ja sakta hai. teen varsheeya snaatak paathyakram poora karne par 'samaaj vidya vishaarad' (baichalar on social saainsej) ki upaadhi milti hai.

saavaasi saamudaayik jeevan tatha pratidin kam se kam dhaai ghante ka krushi, kaashth-kala tatha haath ki kataai-bunaai ka shilp is kaaryakram ka aavashyak bhaag hai. adhyaapakon ke maargadarshan mein vidyaarthi hi apne se sambaddh samast kaaryon ka prabandh karte hain. ek varsh tak do ghante pratidin vaastavik field kaarya karke, tatha 100 din graameen sansthaaon mein rahakar vevibhinn prakaar ke saamaajik kaarya karne ka vaastavik prashikshan praapt karte hain. field kaarya karke kisi saamaajik aarthik samasya par laghu shodh prabandh bhi likhna hota hai. praat:kaal 5 baje se lekar raatri 10 baje tak vibhinn kaaryon mein vidyaarthi vyast rahate hain jismein saamoohik praarthana, saamoohik safaai, bhojan taiyaar karna bhi shaamil hai.

samaaj-vigyaan ki snaatakottar upaadhi hai - 'samaaj vidya paarangat', jo kisi saamaajik-aarthik samasya par kisi nireekshak ke nirdeshan mein shodh prabandh likhne par di jaati hai.

niyamit chhaatron ke liye 'paarangat' upaadhi (masters degree) ki vyavastha graameen arthashaastr, saamaajik netrutv shaastr, gujaraati, hindi tatha saamaajik kaarya aadi vishyon mein hai. saamaajik kaarya mein gahan prashikshan ki bhi vyavastha hai jise poora karne par samaaj kaarya paarangat ki upaadhi mili hai. iske atirikt, darshan tatha tulanaatmak dharm (Gandhi darshan mein vishesheekaran sahit) ke liye bhi masters degree course ki vyavastha hai. gujaraati, sanskrut, hindi, graameen arthashaastr, itihaas aur sanskruti, shaanti anusandhaan mein pi.H.di. karne ki bhi suvidha hai.

is mahaavidyaalaya mein haubi workshop bhi hai jismein sangeet, lakdi ka kaam, pautari, type karna tatha jildasaaji ki vyavastha hai. vidyaapeeth ke ek hajaar se bhi adhik snaatak Gujarat ke gaaainvon mein gram sudhaar ka kaarya kar rahe hain. yoonesko tatha vishvavidyaalaya anudaan aayog ki sahaayata se shaanti aur ahinsa ki samasyaaon ka adhyayan karne tatha un par shodh karne ke liye ek 'shaanti shodh kendra' ki bhi sthaapana ki gayi hai.

adhyaapak shiksha vibhaag

shiksha sankaaya ke antargat kai kaaryakram chal rahe hain. inmein se kuchh pramukh nimnalikhit hai -

  • (k) shilp shikshan prashikshan sansthaan - yeh ek varsheeya paathyakram dvaara praathamik tatha maadhyamik vidyaalayon ke liye shilp shikshak taiyaar karta hai. pichhle kuchh samay se yeh sansthaan band hai. ise nae roop mein sheegra hi praarambh karne ki yojana hai.
  • (kh) hindi shikshak prashikshan mahaavidyaalaya - ahindi bhaashi vidyaarthiyon ko hindi sikhaane ka prashikshan dene wala Gujarat ka yeh ek maatr mahaavidyaalaya hai. ismein do prakaar ke course hain. ek maitrik paas vidyaarthiyon ke liye aur doosra snaatakon ke liye.
  • (g) shikshan mahaavidyaalaya - is mahaavidyaalaya mein vibhinn bhaashaaon, saamaajik adhyayan, vigyaan, ganit aadi vibhinn vishyon ke adhyaapakon ko shiksha dene ki vyavastha hai. pratyek prashikshanaarthi ko utpaadak shilp ki shiksha di jaati hai. graamon mein sthaanabaddh shikshan (block teeching) ki vyavastha iski ek visheshata hai. paathyakram mein besik shiksha ka darshan tatha gaaaindhi darshan ka bhi vishesh course hai.
  • (gh) shikshan paarangat - yeh shiksha mein snaatakottar upaadhi hai. aadim jaati ke logon ki shiksha aur usase sambaddh samasyaaon par kaarya karne ka praavadhaan iski ek visheshata hai.
  • (ch) besik ejookeshan science Institute - yeh ek vishesh prakaar ka sansthaan hai jiska uddeshya besik shiksha ke sandarbh mein 'vigyaan ka jeevan mein samavaaya' - is vishay par adhyayan karna hai. yeh sansthaan 'vigyaan setu' naamak ek patrika bhi prakaashit karta hai. inke atirikt prasaar se va vibhaag, saatatya shiksha vibhaag aadi bhi hain.

traaibal research end training Institute

is sansthaan mein aadim jaatiyon ki sanskruti ka adhyayan kiya jaata hai. iske liye ek sangrahaalaya bhi hai jismein chitr, aabhooshan, makaan ke namoone, sangeet ke vaadya yantr aadi bhi hai.

hindi bhavan

vidyaapeeth ka yeh vibhaag sampark bhaasha ke roop mein hindi ke prachaar-prasaar ka kaarya kar raha hai. iske liye isne hindi ki pareekshaaon ki vyavastha ki hai, hindi adhyaapakon ko prashikshan dene ki vyavastha ki hai, hindi pustakon ka prakaashan kiya hai, gujaraati hindi, hindi-gujaraati jaise shabd kosh tatha primary schoolon ke liye hindi pustakein taiyaar ki hain. anya bhaarateeya bhaashaaon ke adhyayan ki bhi vyavastha hai.

Gujarat vidyaapeeth granthaalaya

vidyaapeeth ke granthaalaya mein ek darjan se bhi adhik bhaashaaon ki lagbhag paune do lakh pustakein hain. gaaaindheeji ke vichaaron par ek pruthak vibhaag hi hai. vibhinn bhaashaaon ki lagbhag 500 patrikaaen aati hain.

visheshataaeain

(1) graamodyog aur graamonnati ke liye samaaj sevak - vidyaapeeth ke kul sachiv shri vinod tripaathi ne apne ek patra mein mujhe likha ki vidyaapeeth ke shikshan ki visheshata graamodyog aur aamonnati ke liye samaaj sevak taiyaar karna hai aur raashtra poshak kelavaani dvaara samaaj se va kaarya ka vikaas karna hai. iske liye vidyaapeeth gram vistaaron mein apne paaainch kendra chala raha hai.

(2) saamudaayik jeevan - vidyaapeeth ke jeevan ki ek visheshata hai saamudaayik jeevan ka anubhav pradaan karna jismein saamoohik praarthana se lekar shauchaalaya tak ki safaai swayam karna shaamil hai.

(3) shiksha ka maadhyam-maatrubhaasha - vidyaapeeth mein praarambhik shiksha se lekar snaatakottar tak har prakaar ki shiksha ka maadhyam maatrubhaasha gujaraati hai. gair-gujaraati bhaashi adhyaapakon ya vidyaarthiyon ke liye yeh chhoot hai ki ve hindi mein padha sakte hain ya uttar de sakte hai. unhein gujaraati sikhaane ki bhi aavashyakta hai.

(4) pareeksha paddhati - vidyaapeeth mein vaarshik pareeksha ke sthaan par saaptaahik test hote hain jinke aadhaar par vidyaarthiyon ko kakshonnat kiya jaata hai. uchch shiksha mein 60 pratishat moolyaankan saaptaahik asaainameint, semeenaar, laaibreri kaarya aadi ke aadhaar par hota hai. vidyaapeeth ki paathyacharya ke sabhi pakshon ka moolyaankan kiya jaata hai.

(5) utpaadan kaarya mein sambhaag - snaatak star tak sabhi paathyakramon mein tatha adhyaapak shiksha mein do ghante pratidin utpaadak kaarya mein sabhi chhaatr bhaag lete hain. is prakaar un sabhi mein shramak prati garima ka bhaav viksit hota hai.

(6) adhik kaarya diwas - vidyaapeeth mein varsh mein lagbhag 240 din kaarya hota hai aur suniyojit kaaryakram ke aadhaar par vidyaarthi pratidin kam se kam saat ghante kathor shram karte hain.

(7) anya visheshataaeain - dainik praarthana mein bhaag lena, aadatan khaadi pahanana, soot kaatana, maadak dravyon ka sevan na karna, saamaajik samasyaaon mein shodh karna aadi visheshataaeain hain.

mahaatma gaaaindhi kaha karte the ki Bhaarat ka uddhaar tabhi hoga jab gaaainvon ka uddhaar hoga. Gujarat vidyaapeeth desh ki is aavashyakta ko poora karne ke liye prayatnasheel hai. gaaainvon ka vikaas karne ke liye kis prakaar kaarya karne ki aavashyakta hai - iska kriyaatmak anubhav dene waali yeh apne dhang ki adviteeya sanstha hai.

inhein bhi dekhein

baahari kadiyaaain