Gujarat ka itihaas

Gujarat, akhand Bhaarat ka ek bhaugolik kshetr hai jahaan itihaas ke aarambh hone ke poorv se hi log nivaas karte aa rahe hain, yeh siddh ho chuka hai. is pradesh ke pashchim mein vishaal saagar tat hai. is tat par aakar jo log base unke aadipurush Africa ke poorvi kinaare se aae honge, aisa anumaan kiya jaata hai. is anumaan ka aadhaar yeh hai ki jab himaalaya ka srujan hua, us dauraan Bhaarat ke pashchimi bhaag se Africa ka bhoo-khand alag ho gaya. is bhaugolik navasrujan ki prakriya ko dhyaan mein rakha jaae to is sambhaavana ko nakaara naheen ja sakta ki aadimaanav samooh, jo Africa mein basata tha vahi vartamaan Saurashtra kahe jaane vaale bhoo-bhaag mein bhi basa hua tha. nakshe ko dhyaan se dekhne par yeh spasht ho jaata hai ki ye donon bhoo-khand ek doosare se alag hue hain aur unke beech ka bhaag arab saagar bana hai. vishv mein sinhon ki aabaadi Gujarat ke Saurashtra sthit gir ke jungle aur Africa ke jungle-keval in do jagahon mein hi pai jaati hai. in donon—aAfrica ke Singh aur giri ke bhaarateeya Singh mein jo antar hai, vah paryaavaran ki bhinnata ke saath saamanjasya baithaane ke kaaran hai aaya hai.

sinhon par adhyayan karanevaale praani vaigyaaniko ka maanana hai ki asian laayan aur afreekan laayan ka vikaas kisi ek hi mool se hua hai. is tarah Gujarat ka itihaas, usaki bhoomi aur us par logon ki banaavat atyant praacheen hai aur yeh himaalaya ke srujan ki bhaugolik prakriya se pehle ki hai.

iske baad paashaan yug ke pragaitihaasik kaal ke taamr va kaansya yug tak ke kaalakhand tatha isa poorv 322 se san 1304 tak ki samayaavadhi ke kaalakhand hain. in kaalakhandon mein yahaaain anek jaatiyon ka aagaman hua. ve yahaaain aain aur aakar bas gain. nruvansh-shaastriyon ki khojon ke anusaar sattar se baais lakh varsh pehle Gujarat mein jo log rahate the, ve neegro ya nigrito jaati ke the. iska pramaan yeh hai ki unke asthi-pinjar hamein Saurashtra kshetr mein mile hain, jinke sir lambe, kad saadhaaran, kapaal ubhara hua aur bhauhein tatha honth latake hue hain.

iske baad pauraanik saahitya tatha uske pehle ke vedakaaleen saahitya mein Gujarat-Saurashtra ke bhoo-pradesh aur us par rahanevaalon ke anek ullekh milte hain. aitihaasik yug ke aarambh ke saath hi vividh jaatiyon ke aagaman aur yahaan bas jaane ka bhi itihaas bhi milta hai. is prakaar Gujarat aur uske nivaasiyon ka itihaas atyant praacheen aur jeevant hai, jo pruthvi ke patal par himaalaya jaise bhoo-bhaugolik parivartan se pehle hi aarambh ho chuka tha.

baahari kadiyaaain