Gorakhpur= sandarbhasanpaadit karein

Gorakhpur
shahar
samay mandal: IST (UTC+5:30)
desh Flag of India.svg Bhaarat
raajya uttar pradesh
jila Gorakhpur jila
saansad yogi aadityanaath
janasankhya
ghanatv
44,36,275 (2011 tak )
• 1,336
lingaanupaat 1000/944 /
kshetrafal 3,321 ki.mee²
mausam
taapamaan
• greeshm
• sheet

26 °aC (79 °aF)
40 °aC (104 °aF)
18 °aC (64 °aF)
aadhikaarik jaalasthal: www.gorakhpur.nic.in

Erioll world.svgnirdeshaank: 26°a33′a0″aN 83°a9′a0″aE / 26.55°aN 83.15°aE / 26.55; 83.15

Gorakpage.jpg

Gorakhpur uttar pradesh raajya ke poorvi bhaag mein Nepal ke saath seema ke paas sthit Bhaarat ka ek prasiddh shahar hai. yeh Gorakhpur jile ka prashaasanik mukhyaalaya bhi hai. yeh ek dhaarmik kendra ke roop mein mashahoor hai jo bauddh, hindu, muslim, jain aur sikh santon ki saadhanaasthali raha. kintu madhyayugeen sarvamaanya sant gorakhanaath ke baad unke hi naam par iska vartamaan naam Gorakhpur rakha gaya. yahaaain ka prasiddh gorakhanaath mandir abhi bhi naath sampradaaya ki peeth hai. yeh mahaan sant paramahans yogaanand ka janm sthaan bhi hai. is shahar mein aur bhi kai aitihaasik sthal hain jaise, bauddhon ke ghar, imaamabaada, 18veen sadi ki dargaah aur hindu dhaarmik granthon ka pramukh prakaashan sansthaan geeta press.

20veen sadi mein, Gorakhpur bhaarateeya svatantrata aandolan ka ek kendra bindu tha aur aaj yeh shahar ek pramukh vyaapaar kendra ban chuka hai. poorvottar railway ka mukhyaalaya, jo british kaal mein 'Bengal Nagpur railway' ke roop mein jaana jaata tha, yaheen sthit hai. ab ise ek audyogik kshetr ke roop mein viksit karne ke liye Gorakhpur audyogik vikaas praadhikran (geeda/GIDA) ki sthaapana puraane shahar se 15 kimi door ki gayi hai.

janasaankhyakeeya aaainkade

(aadhikaarik janaganana 2011 ke aaainkadon ke anusaar)

  • bhaugolik kshetr 3,321 varg kilometer
  • janasankhya 44,36,275
  • ling anupaat 944/1000
  • graameen janasankhya 81.22%
  • shahari janasankhya 18.78%
  • saaksharata 73.25%
  • janasankhya ghanatv 1,336 vyakti prati varg kilometer

naam ki utpatti

Gorakhpur shahar aur jile ke ka naam ek prasiddh tapasvi sant matsyendranaath ke pramukh shishya gorakhanaath ke naam par rakha gaya hai. yogi matsyendranaath evam unke pramukh shishya gorakshanaath ne milkar santon ke sampradaaya ki sthaapana ki thi. gorakhanaath mandir ke baare mein kaha jaata hai ki yeh vahi sthaan hai jahaaain gorakhanaath hath yog ka abhyaas karne ke liye aatm niyntran ke vikaas par vishesh bal diya karte the aur varshaanuvarsh ek hi mudra mein dhooni ramaaye tapasya kiya karte the. gorakhanaath mandir mein aaj bhi vah dhooni ki aag anant kaal se anvarat sulagati hui chali aa rahi hai.

itihaas

praacheen samay mein Gorakhpur ke bhaugolik kshetr me basti, devariya, kusheenagar, aajamagadh aadi aadhunik jile shaamil the. vaidik lekhan ke mutaabik, ayodhya ke sattaaroodh gyaat samraat ikshvaaku, jo sooryavanshi ke sansthaapak the jinke vansh mein utpann sooryavanshi raajaaon mein raamaayan ke Ram ko sabhi achhi tarah se jaante hain. poore kshetr mein ati praacheen aarya sanskruti aur sabhyata ke pramukh kendra koshal aur mall, jo solah mahaajanapadon mein do prasiddh raajya isa poorv chhthi shataabdi mein vidyamaan the, yeh unhi raajyon ka ek mahatvapoorn kendra hua karta tha.

Gorakhpur mein raapti aur rohini nadiyon ka sangam hota hai. isa poorv chhathi shataabdi mein Gautam buddh ne satya ki khoj ke liye jaane se pehle apne raajasi vastr tyaag diye the. baad mein unhone mall raajya ki rajdhani kusheenaara, jo ab kusheenagar ke roop mein jaana jaata hai par mall raaja hastipaal mall ke aaaingan mein apna shareer tyaag diya tha. kusheenagar mein aaj bhi is aashay ka ek smaarak hai. yeh shahar Bhagwan buddh ke samakaaleen 24vein jain teerthankar Bhagwan mahaaveer ki yaatra ke saath bhi juda hua hai. Bhagwan mahaaveer jahaaain paida hue the vah sthaan Gorakhpur se bahut door naheen hai. baad mein unhone paavaapuri mein apne maama ke mahal mein mahaanirvaan (moksh) praapt kiya. yeh paavaapuri kusheenagar se lagbhag 15 kilometer ki doori par hai. ye sabhi sthaan praacheen Bhaarat ke mall vansh ki judva raajadhaaniyon (16 mahaajanapad) ke hisse the. is tarah Gorakhpur mein kshatriya gan sangh, jo vartamaan samay mein sainthavaar ke roop mein jaana jaata hai, ka raajya bhi kabhi tha.

gorakhanaath mandir ke baahar ka chitr (kyonki yahaaain andar ka chitr lena varjit hai)

ikshvaaku raajavansh ke baad magadh par jab nand raajavansh dvaara 4thi sadi mein vijay praapt ki uske baad Gorakhpur maurya, shung, kushaan, gupt aur harsh saamraajyon ka hissa ban gaya. Bhaarat ka mahaan samraat chandragupt maurya jo maurya vansh ka sansthaapak tha, usaka sambandh pippaleevan ke ek chhote se praacheen ganaraajya se tha. yeh ganaraajya bhi Nepal ki taraai aur kasiya mein roopindei ke beech uttar pradesh ke isi Gorakhpur jile mein sthit tha. 10 veen sadi mein thaaroo jaati ke raaja madan Singh ne Gorakhpur shahar aur aaspaas ke kshetr par shaasan kiya. raaja vikaas sankrutyaayan ka janm sthaan bhi yaheen raha hai.

madhyakaaleen samay mein, is shahar ko madhyakaaleen hindu sant gorakshanaath ke naam par Gorakhpur naam diya gaya tha. haalaanki gorakshanaath ki janm tithi abhi tak spasht naheen hai, tathaapi janashruti yeh bhi hai ki mahaabhaarat kaal mein yudhishthir ke raajasooya yagya ka nimntran dene unke chhote bhaai bheem swayam yahaaain aaye the. chooainki gorakshanaath ji us samay samaadhisth the at: bheem ne yahaaain kai dinon tak vishraam kiya tha. unki vishaalakaaya leti hui pratima aaj bhi har saal teerthayaatriyon ki ek badi sankhya ko apni or aakarshit karti hai.

12veen sadi mein, Gorakhpur kshetr par uttari Bhaarat ke muslim shaasak muhammad Gauri ne vijay praapt ki thi baad mein yeh kshetr kutubuddeen aibak aur bahaadurashaah, jaise muslim shaasakon ke prabhaav mein kuchh shataabdiyon ke liye bana raha. shuruaati 16veen sadi ke praarambh mein Bhaarat ke ek rahasyavaadi kavi aur prasiddh sant kabeer bhi yaheen rahate the aur magahar naam ka ek gaaainv (vartamaan santakabeeranagar jile mein sthit), jahaaain unke dafan karne ki jagah abhi bhi kai teerthayaatriyon ko aakarshit karti hai, Gorakhpur se lagbhag 20 kimi door sthit hai.

16 veen shataabdi mein mugal baadshah Akbar ne saamraajya ke punargathan par, jo paaainch sarkaar sthaapit ki theen sarkaar naam ki un prashaasanik ikaaiyon mein avadh praant ke antargat Gorakhpur ka naam milta hai.

imaamabaada ke naam se mashahoor 18veen sadi ki ek dargaah yahaaain ke railway station se keval 2 kimi door sthit hai. iske atirikt imaamabaada ke roshan Ali shaah naamak ek soofi sant ki dargaah bhi is shahar mein hai. yahaaain bhi ek dhooni nirntar jalati rahati hai. yeh shahar sone aur chaaaindi ke taajiyon ke liye bhi prasiddh hai.

Gorakhpur 1803 mein seedhe british niyntran mein aaya. yeh 1857 ke vidroh ke pramukh keindron mein raha aur baad mein bhaarateeya svatantrata aandolan mein isne ek pramukh bhoomika nibhaayi.

Gorakhpur jila chaureechaura ki 4 fravari 1922 ki ghatna jo Bhaarat ke svatantrata sangharsh ke itihaas mein ek mahatvapoorn mod siddh hui, ke baad charcha mein aaya jab police atyaachaar se gussaaye 2000 logon ki ek bheed ne chaureechaura ka thaana hi fooaink diya jismein unnees policekarmiyon ki mrutyu ho gayi. aam janta ki is hinsa se ghabaraakar mahaatma Gandhi ne apna asahayog aandolan yakaayak sthagit kar diya. jiska parinaam yeh hua ki uttar pradesh mein hi Hindustan Republican association naam ka ek deshavyaapi pramukh kraantikaari dal gathit hua jisne 9 August 1925 ko kaakori kaand karke british sarkaar ko khuli chunauti di jiske parinaamasvaroop dal ke pramukh saragana Ram prasaad 'bismil' ko Gorakhpur jail mein british shaasan ke khilaaf ladaai mein sakriya bhaag lene ke liye faaainsi de di gayi. 19 December 1927 ko bismil ki antyeshti jahaaain par ki gayi vah raajaghaat naam ka sthaan Gorakhpur mein hi raapti nadi ke tat par sthit hai.

san 1934 mein yahaaain ek bhookamp aaya tha jiski teevrata 8.1 richter paimaane par maapi gayi, usase shahar mein bahut jyaada nuksaan hua tha.

jile mein ghati do anya mahatvapoorn ghatnaaon ne 1942 mein shahar ko aur adhik charchit banaaya. prasiddh Bhaarat chhodo aandolan ke baad sheegra hi 9 August ko Jawahar laal Nehru ko giraftaar kiya gaya tha aur is jile mein un par mukadama chalaaya gaya. unhonne yahaaain ki jail mein agale teen saal bitaaye. sahajanava tahaseel ke paali block antargat dohariya gaaainv mein 23 August ko aayojit ek virodh sabha par british sarkaar ke suraksha balon ne goliyaaain chalaayeen jiske parinaamasvaroop akaaran nau log maare gaye aur saikadon ghaayal ho gaye. ek shaheed smaarak aaj bhi us sthaan par khada hai.

yeh mahaapandit Rahul saankrutyaayan ka janm sthaan to hai hi iske atirikt yeh poorvottar railway (ena0i0aara0) ke mukhyaalaya ke liye bhi jaana jaata hai. kraantikaari shacheendr naath saanyaal, jinhein do baar aajeevan kaaraavaas ki saja mili, ne bhi apne jeevan ke antim kshan isi shahar mein bitaaye. shachin da 'Hindustan Republican association' ke sansthaapakon mein the baad mein jab unhein tee0bee0 (kshaya rog) ne trust kiya to ve svaasthya laabh ke liye bhuvaali chale gaye vaheen unki mrutyu hui. unka ghar aaj bhi betiyaahaata mein hai jahaaain ek bahut badi bahumanjila aavaaseeya imaarat sahaara ke svaamitv par khadi kar di gayi hai. isi ghar mein kabhi angrejon ke khilaaf bagaavat karne vaale unke chhote bhaai svargeeya jitendr naath saanyaal bhi rahe. inheen jiten da ne Lahore shadayantr ke maamale mein sajaayaafta sardaar bhagat Singh par ek kitaab thi likhi thi jise angrejon ne jabt kar liya.

is shahar ke itihaas ka sabse dilchasp adhyaaya yahaaain sthit bhaarateeya vaayu sena ka havaai aadhaar (erobes) hai jo 1974 mein chhah anuyaayiyon ke saath ek Pakistani jaasoos dvaara nasht kar diya tha. vah Pakistani jaasoos Abu shuja (Abu vakaar jiska asli naam Abu saleem) hai Abu vakaar ke roop mein jaana jaata hai. usane Bhaarat se vaapas lautane ke baad ek gaaji naamak pustak likhi jismein usane yeh daava kiya ki us hamle mein 200 se adhik bhaarateeya vaayusainik maare gaye the.

urdoo kavi firaak gorakhapuri, hockey khilaadi prem maaya tatha divaakar Ram, Ram aasare pahalavaan aur haasya abhineta asit sen Gorakhpur se jude pramukh vyaktiyon mein hain. prasiddh patrakaar aalok varma ki bhi yeh karmasthali raha. prasiddh hindi lekhak munshi premachand ki karmasthali bhi yeh shahar raha hai.

bhoogol

yeh nadi ke kinaare raapti aur rohini naamak do nadiyon ke tat par basa hua hai. Nepal se nikalne waali in donon nadiyon mein sahaayak nadiyon ka paani ekatr ho jaane se kabhi-kabhi is kshetr mein bhayankar baadh bhi aa jaati hai. yahaaain ek bahut bada taalaab bhi hai jise raamagadh taal kehte hain yeh baaris ke dinon mein achhi khaasi jheel ke roop mein parivrtit ho jaata hai jisse aas-paas ke gaaainvon ki kheti ke liye paani ki kami naheen rahati. yahaaain ek prasiddh paryatan sthal bhi hai jo kusheenagar ke naam se vikhyaat hai, jahaaain buddh ne mahaaparinirvaan praapt kiya tha. yeh sthaan is shahar se adhik door naheen hai. paryatak yahaaain se aasaani se kusheenagar pahuainch sakte hain. is shahar ka praacheen aitihaasik aur dhaarmik mahatva iske bhoogol ke kaaran bhi hai. praacheen kaal mein yahaaain ke sameepavarti jangalon mein saadhu-sant aashramon mein rahate the aur ve desh ke vibhinn bhaagon se aaye ladkon ko yog va anya vidyaayein sikhaaya karte the. treta yug ke Rajkumar Ram va unke bhaai Lakshman ne bhi inheen aashramon mein rahakar shiksha grahan ki thi.

arthavyavastha

Gorakhpur mahanagar ki arthavyavastha seva-udyog par aadhaarit hai. yahaaain ka utpaadan udyog poorvaanchal ke logon ko behtar shiksha, chikitsa aur anya suvidhaayein, jo gaanvon ki tulana mein upalabdh karaata hai jisse gaanvon se shahar ki or palaayan rukata hai. ek behtar bhaugolik sthiti aur up shahari prushthabhoomi ke liye shahar ki arthavyavastha seva mein vruddhi par nishchit roop se tiki hui hai.

shahar haath se bune kapadon ke liye prasiddh hai yahaaain ka teraakota udyog apne utpaadon ke liye jaana jaata hai. adhik se adhik vyaavasaayik drushtikon ko dhyaan mein rakhate hue sabhi raashtreeyakrut bankon ki shaakhaayein bhi hain. vishesh roop mein aai0see0aai0see0aai0, echa0dee0efa0see0 aur aai0dee0bee0aai0 bank jaise niji bankon ne is shahar mein achhi paith bana rakhi hai.

shahar ke bhaugolik kendra golaghar mein kai pramukh dukaanon, hotelon, bankon aur restaraaain ke roop mein baladev plaaja shopping mall shaamil hain. iske atirikt bakhsheepur mein bhi kai shopping maal hain. yahaaain ke city maal mein 3 screen wala esa0aara0esa0 malteepleks bhi hai jo film premiyon ke liye ek aakarshan hai. yahaaain ek vaatar park bhi hai.

sanskruti

Gorakhpur shahar ki sanskruti apne aap mein adbhut hai. yahaaain parampara aur sanskruti ka sangam pratyek din suramya shahar mein dekha ja sakta hai. jab aap ka daura Gorakhpur shahar mein ho to jeevan aur gati ka saamanjasya yahaaain aap bhali-bhaaainti dekh sakte hain. sundar aur prabhaavashaali lok paramparaaon ka paalan karne mein yahaaain ke nivaasi niyamit aadhaar par abhyast hain. yahaaain ke logon ki samruddh sanskruti ke saath lubhaavani drushyaavali ka avlokan kar aap mantramugdh hue bina naheen rah sakte. Gorakhpur ki mahilaaon ki bunaai aur kadhaai, lakdi ki nakkaashi, darvaajon aur unke shilp-saundarya, imaaraton ke baahar chhajjon par chheni-hathaude ka baareek kaarya aapka man moh lega. Gorakhpur mein sanskruti ke saath-saath yahaaain ka jan-jeevan bada shaant aur mehanati hai. devi-devataaon ki chhaviyon, patthar par bane baareek kaarya dekhte hi bante hain. blaukon se banaaye gaye har mandir ko sajaana yahaaain ki ek dhaarmik sanskruti hai. Gorakhpur shahar mein svaadisht bhojan ke kai vikalp hain. raamapuri machhali pakaane ki paramparaagat saanskrutik paddhati aur avadh ke kaakori kabaab ki thaali yahaaain ke vishesh vyanjan hain.

Gorakhpur sanskruti ka sabse bada bhaag yaha ke lok-geeton aur lok-nrutyon ki parampara hai. yeh parampara bahut hi kalaatmak hai aur Gorakhpur sanskruti ka jvalant hissa hai. yahaaain ke baashinde gaayan aur nrutya ke saath kaam-kaaj ke lambe din ka lutf lete hain. ve vibhinn avsaron par nrutya aur lok-geeton ka pradarshan vibhinn tyohaaron aur mausamon mein varsh ke dauraan karte hai. baaraho maheene barasaat aur sardiyon mein raat ke dauraan aalha, kajari, kaharava aur faag gaate hain. Gorakhpur ke log haaramoniym, dholak, manjeera, mrudang, nagaada, thaali aadi ka sangeet-vaadyayantron ke roop mein bharpoor upayog karte hain. sabse lokapriya lok-nrutya kuchh tyohaaron va melon ke vishesh avsar par pradarshit kiye jaate hain. vivaah ke mauke par gaane ke liye Gorakhpur ki viraasat aur paramparaagat nrutya unki sanskruti ka ek mahatvapoorn hissa hai. Gorakhpur prasiddh birha gaayak balesar, Bhojpuri lokagaayak manoj tivaari, maalini avasthi, mainaavati aadi ki karmabhoomi raha hai.

log

janasankhya ki pramukh sanrachana mein hindu, kaayasth, braahman, rajput (rajput sainthavaar), musalmaan, sikh, isaai, maaravaadi vaishya varg shaamil hain. kuchh samay se Bihar ke log bhi aakar Gorakhpur mein basane lage hain. shahar mein sthit durgaabaadi bangaali samudaaya ke saikadon logon ka bhi nivaasasthal hai jo ki poorvi uttar pradesh mein ek vilkshan baat hai.

Gorakhpur ki bhaasha mein hindi aur Bhojpuri shaamil hai. in donon bhaashaaon ka Bhaarat mein vyaapak roop se prayog kiya jaata hai. hindi bhaasha to adhikaansh bhaarateeyon ki maatrubhaasha hai parantu jo hindi Gorakhpur mein boli jaati hai usaki bhaasha mein kuchh sthaaneeya bhinnata hai. lekin yeh shahar mein sabse vyaapak roop se prayukt bhaasha hai. shahar ki doosari bhaasha Bhojpuri hai. ismein uttar pradesh ke kshetr mein boli jaane waali vishesh roop se Bhojpuri ki kai boliyaaain shaamil hain. Bhojpuri sanskrut, hindi, urdoo aur anya bhaashaaon ke hind-aaryan aaryan shabdaavali ke mishranon se bani hai. Bhojpuri bhaasha bihaari bhaashaaon se bhi sambandhit hai. yeh Bhojpuri bhaasha hi hai jo fiji, Trinidad, Tobago, guyaana, maareeshas aur sooreenaam mein bhi boli jaati hai.

darshaneeya sthal

vishv mein jitna anokha aur sundar Bhaarat hai, Bhaarat mein utana hi anokha va aakarshak uttar pradesh hai. uttar pradesh ke poorvaanchal mein Gorakhpur paryatan parikshetr ek vistrut bhoo-bhaag mein faila hua hai. iske antargat Gorakhpur- mandal, basti-mandal evam aajamagadh-mandal ke kai janapad hai. anek puraataatvik, aadhyaatmik, aitihaasik, saanskrutik evam praakrutik dharoharon ko samete hue is paryatan parikshetr ki apni vishisht paramparaae hai. sarayoo, raapti, ganga, gandak, tamasa, rohini jaisi paavan nadiyon ke varadaan se abhisanchit, Bhagwan buddh, teerthakar mahaaveer, sant kabeer, guru gorakhanaath ki tap:sthali, sarvadharm-sambhaav ke sandesh dene vaale vibhinn dharmaavalambiyon ke devaalayon aur prakruti dvaara sajaaye-sanvaare nayanaabhiraam pakshi-vihaar evam abhyaaranyon se paripoorn yeh parikshetr sabhi varg ke paryatakon ka aakarshan-kendra hai.

gorakhanaath mandir

Gorakhpur railway station se 4 kilometer doori par Nepal road par sthit naath sampradaaya ke sansthaapak param siddh guru gorakhanaath ka atyant sundar bhavya mandir sthit hai. yahaan prativrsh makar sankraanti ke avsar par khichdi-mela ka aayojan hota hai, jismein laakhon ki sankhya mein shraddhaalu/paryatak sammilit hote hain. yeh ek maah tak chalta hai.

vishnu mandir

yeh medical college road par railway station se 3 kilometer ki doori shaahapur mohalle mein sthit hai. is mandir mein 12veen shataabdi ki paalakaaleen kaale kasauti patthar se nirmit Bhagwan vishnu ki vishaal pratima sthaapit hai. yahaan dashahara ke avsar par paaramparik raamaleela ka aayojan hota hai.

geetaapres

railway station se 4 kilometer doori par reti chauk ke paas sthit geetaapres mein safed sangamaramar ki deevaaron par shreemadbhagavadageeta ke sampoorn 18 adhyaaya ke shlok utkeern hai. geetaapres ki deevaaron par maryaada purushottam shreeraam evam Bhagwan shreekrushn ke jeevan ki mahattvapoorn ghatnaaon ki 'chitrakala' pradarshit hain. yahaan par hindu dharm ki durlabh pustakein, haindaloom evam teksataails vastr saste dar par beche jaate hain. vishv prasiddh patrika kalyaan ka prakaashan yaheen se kiya jaata hai.

vinod van

railway station se 9 kilometer door Gorakhpur-kusheenagar maarg par atyant sundar evam manohaari chhata se poorn manoranjan kendra (piknik spot) sthit hai jahaaain baarahasinghe va anya hiran, ajagar, kharagosh tatha anya vanya pashu-pakshi vichran karte hain. yaheen par praacheen budhiya maai ka sthaan bhi hai, jo navavarsh, navaraatri tatha anya avsaron par kai shraddhaaluon ko aakarshit karta hai.

geetaavaatika

Gorakhpur-pipraaich maarg par railway station se 3 kilometer doori par sthit geetaavaatika mein raadha-Krishna ka bhavya manamohak mandir sthit hai. iski sthaapana prakhyaat samaajasevi hanumaan prasaad poddaar ne ki thi.

raamagadh taal

railway station se 5 kilometer par 1700 ekad ke vistrut bhoo-bhaag mein raamagadh taal sthit hai. yeh paryatakon ke liye atyant aakarshak kendra hai. yahaan par jal kreeda kendra, bauddh sangrahaalaya, taara mandal, champaadevi park evam ambedakar udyaan aadi darshaneeya sthal hain.

imaamabaada

Gorakhpur nagar ke madhya mein railway station se 2 kilometer doori par sthit is imaamabaada ka nirmaan hajrat Baba roshan aleeshaah ki anumati se san‌ 1717 i0 mein navaab aasafuddaula ne karavaaya. usi samay se yahaan par do bahumoolya taajiyaan ek svarn aur doosra chaandi ka rakha hua hai. yahaan se muharram ka juloos niklata hai.

praacheen mahaadev jhaarakhandi mandir

Gorakhpur shahar se devariya maarg par koodaaghaat baajaar ke nikat shahar se 4 kilometer par yeh praacheen Shiv sthal raamagadh taal ke poorvi bhaag mein sthit hai.

munshi premachand udyaan

Gorakhpur nagar ke madhya mein railway station se 6 kilometer ki doori par sthit yeh manoram udyaan prakhyaat saahityakaar munshi premachand ke naam par bana hai. ismein premachandr ke saahitya se sambandhit ek vishaal pustakaalaya nirmit hai tatha yeh un dinon ka dyotak hai jab munshi premachand Gorakhpur mein ek school teacher the.

sooryakund mandir

Gorakhpur nagar ke ek kone mein railway station se 4 kilometer doori par sthit taal ke madhya mein sthit is sthaan mein ke baare mein yeh vikhyaat hai ki Bhagwan shri Ram ne yahaaain par vishraam kiya tha jo ki kaalaantar mein bhavya suryakund mandir bana. 10 ekad me faila hai.

saahitya

rahasyavaadi kavi aur prasiddh sant kabeer (1440-1518) yaheen ke the. unka magahar naam ke ek gaaainv (Gorakhpur se 20 kimi door) dehaant hua. kabeer das ne apni kavitaaon ke maadhyam se apne deshvaasiyon mein shaanti aur dhaarmik sadbhaav sthaapit karne ki koshish ki. unki magahar mein bani dafan ki jagah teerthayaatriyon ki ek badi sankhya ko apni or aakarshit karti hai.

munshi premachand (1880-1936)], Bhaarat ke ek mahaan hindi upanyaasakaar, Gorakhpur mein rahate the. vah ghar jahaaain ve rahate the aur unhonne apna saahitya likha uske sameep abhi bhi ek munshi premachand park unke naam par sthaapit hai.

firaak gorakhapuri (1896-1982, poora naam:raghupati sahaaya firaak), prasiddh urdoo kavi, Gorakhpur mein unka bachapan ka ghar abhi bhi hai. vah baad mein Allahabad mein chale gaya jahaaain ve lambe samay tak Allahabad vishvavidyaalaya mein angreji ke professor rahe.

paramaanand shreevaastav (janm: 10 fravari 1935 - mrutyu: 5 November 2013) hindi ke pratishthit saahityakaar the. unki ganana hindi ke sheersh aalochakon mein hoti hai. Gorakhpur vishvavidyaalaya mein premachand peeth ki sthaapana mein unka vishesh yogadaan raha. kai pustakon ke lekhan ke atirikt unhonne hindi bhaasha ki saahityik patrika aalochna ka sampaadan bhi kiya tha. aalochna ke kshetr mein ullekhaneeya yogadaan ke liye unhein vyaas sammaan aur Bhaarat bhaarati puraskaar pradaan kiya gaya. lambi beemaari ke baad unka Gorakhpur mein nidhan ho gaya.

prasiddh sangeet nirdeshak lakshmeekaant pyaarelaal ka janm isi shahar Gorakhpur mein hua tha.

prasiddh kavi aur aalochak majanoon gorakhapuri bhi Gorakhpur ke hi the.

prasiddh urdoo kavi mohammad umar khaaain urf umar gorakhapuri, prasiddh urdoo kavi daag dehalavi ke ek shishya, Gorakhpur ke hi hain.

Gorakhpur mein kai hindu pavitra granthon ka prakaashan sansthaan geeta press ek darshaneeya sthaan hai. yeh sansthaan sangamaramar se bani ek bhavya imaarat mein sthit hai. is bhavan ki deevaaron par poori raamaayan aur geeta ke 18 adhyaayon ko Ram aur Krishna ke jeevan ke sajeev chitron ke saath ukera gaya hai.

parivhan

rel

Gorakhpur railway station Bhaarat ke uttar poorv railway ka mukhyaalaya hai. yahaaain se gujarane waali gaadiyaaain Bhaarat mein har pramukh shahar se is shahar ko seedha jodti hain. Pune, chennai, Indore, Bhopal, gvaaliyr, jabalapur,jaunapur,ujjain, Jaipur, Jodhpur, triveindram, Mumbai, Delhi, Kolkata, Lucknow, Kanpur, bangalaur, Varanasi, amrutasar, Jammu, Guwahati aur desh ke anya door ke bhaagon ke liye yahaaain se seedhi gaadiyaaain mil jaati hain.

sadak

pramukh raashtreeya raajamaargon par ek doosare ko kaatate hue Gorakhpur raashtreeya raajamaarg 28 aur 29tathaa233B(jo Gorakhpur, raajesultaanapur, aajamagadh) tak jaata hai. yahaaain sefaijaabaad 100kilomeetar kusheenagar 50 kilometer,jaunapur 170 kilometer ,Kanpur 276 kilometer, Lucknow 231 kilometer, Allahabad 339 kilometer, Agra 624 kilometer, Delhi 783 kilometer, Kolkata] 770 kilometer, gvaaliyr 730 kilometer, Bhopal 922 kilometer aur mumbai 1690 kilometer door hai. in shaharon ke liye yahaaain se lagaataar bas seva upalabdh hai. poorv pashchim galiyaare ki sadak pariyojana se Gorakhpur sadak sampark mein paryaapt sudhaar hua hai.

vaayuseva

Gorakhpur shahar ke kendra se 6 ki0mee0 poorv mein sthit havaai adde ki seva upalabdh hai. bhaarateeya vaayu sena ke maadhyam se bhi yaataayaat ke liye mukhya roop se iski air service hai. jetalaait, Kingfisher aur spaaisajet sahit ghareloo vimaan sevaaon ki ek chhoti sankhya mumbai, Delhi, Kolkata, Allahabad aur kaheen aur jaane ke liye naagrik vimaanan sevaaon ka kaarya karti hain. Gorakhpur mein aane vaale kai paryatakon ke liye, jo ise ek kendra ke roop mein upayog karte hain, unhein Bhagwan buddh ke teerth sthalon ki yaatra ke liye mejabaani ka kaarya bhi yeh shahar karta hai.

mahatvapoorn sthaan

  • budhiya maata mandir ( kusmahi me)
  • gorakhanaath mandir (ek sant samarpit math)
  • geeta press
  • aarogya mandir
  • bhaarateeya vaayusena (jaguaar station)
  • duniya ka sabse bada sahaara India parivaar (sabse pehle poori duniya mein sthaapit)
  • sarasvati shishu mandir (sabse pehle poori duniya mein sthaapit shikshan sasthaan ???)
  • Bhagwan buddh sangrahaalaya (ek bauddh sangrahaalaya)
  • geeta vaatika
  • sooraj kund
  • vishnu mandir
  • taaraamandal (mukhyamantri veer bahaadur Singh dvaara sthaapit)
  • shaahi jaama masjid (urdoo baajaar mein puraane shahar ki ek prasiddh masjid)
  • imaamabaada (roshan Ali shaah naamak soofi sant ki dargaah)
  • jaama masjid rasoolaapur
  • jaama masjid (gorakhanaath mandir ke paas)
  • noor masjid (chilmaapur rustamapur)
  • madeena masjid (reti road)
  • gaaya-A-masjid (madarasa chauk basantapur)
  • railway sangrahaalaya
  • vinod van chidiyaaghar (sabse bada)
  • raamagadh taal (jheel)
  • indira gaandhi baal vihaar
  • Sayyed Modi railway stadium
  • gorakha rifles rejeement
  • neer-nikunj (uttar pradesh mein sabse bada paani ka park)

radio station

  • all India radio (100.10 megaahartj)
  • radio mantra (91.9 megaahartj)

anya sthaan

  • city mall
  • kabir maal
  • kros road
  • babina hotel
  • hotel shivaaya
  • paadari baajaar

mukhya school, college aur vishvavidyaalaya

deenadayaal upaadhyaaya vishvavidyaalaya, bee0 aara0 dee0 ema0 ema0 ema0 maidikl college, madan mohan maalaveeya praudyogiki vishvavidyaalaya aur kai niji engineering college varshon se yahaaain hain, ek purush pauliteknik, ek mahila pauliteknik aur kai audyogik prashikshan sansthaan (aaiteeaai) yahaaain sthit hain. kuchh nae praudyogiki aur prabandhan vidyaalaya, dental college aadi ke atirikt shahar mein kuchh anya sansthaan jaise niji college bhi khole gaye hain jo aas-paas ke kshetron mein prasiddh hai. baalakon ke liye raajakeeya jubili intar college, tatha baalikaaon ke liye ayodhyaadaas raajakeeya kanya intar college sthaapit hai.

school evam maadhyamik vidyaalaya

  • laal bahaadur shaashtri intar kaalej jagadishpur Gorakhpur
  • raajakeeya jubili intar college
  • seint paul school, moghalapur, medical college ke paas
  • ayodhya das raajakeeya kanya intar college
  • kaarmal girls school
  • bhagavati devi kanya intar college
  • mahaatma gaaaindhi intar college
  • sarasvati shishu mandir senior sekendari school
  • ema0 pee0 intar kaalej Gorakhpur
  • neharu intar kaalej, bichhiya
  • dee0 bee0 intar college
  • springar pablik school
  • jee0 ena0 national pablik school
  • sent Joseph school
  • ena0 i0 aara0 senior sekendari school
  • little flaavar school
  • sentral academy
  • dee0 e0 vee0 intar college
  • vaayu sena vidyaalaya
  • army pablik school
  • kendreeya vidyaalaya
  • ema0 esa0 aai0 intar college
  • veerendranaath Ganguly memoriyl school, bashaaratapur
  • imaamabaada muslim girls intar college
  • maaravaad intar college
  • ela0 pee0 ke0 intar college basadeela sardaar nagar Gorakhpur

degree college

  • yana0 see0 degree kaalej jagadishpur Gorakhpur
  • islaamiya kaamars college
  • sent endrayooj degree college
  • dee0 vee0 ena0 dee0 college
  • gangotri devi mahila mahaavidyaalaya
  • maaravaad business school
  • ema0 jee0 pee0 jee0 college
  • mahaaraana prataap snaatakottar mahaavidyaalaya

engineering college

pauliteknik sansthaan

  • gavarnament pauliteknik college
  • gavarnment aai0 tee0 aai0 college

anya vyaavasaayik sansthaan

  • faarmesi college
  • aai0 tee0 ema0 faarmesi college

medical/dental kaalej

vishvavidyaalaya

anukram

= sandarbh