Goa ka paryatan

varsha ritu ke aagaman ke saath hi prakruti Goa ko kuchh aisa hi alag, lekin adbhut svaroop pradaan karti hai. yeh sthaan shaantipriya paryatakon aur prakruti premiyon ko bahut bhaata hai. Goa ek chhota-sa raajya hai. yahaan chhote-bade lagbhag 40 samudri tat hai. inmein se kuchh samudra tat anrtaraashtreeya star ke hain. isi kaaran Goa ki vishv paryatan maanachitr ke patal par apni ek alag pehchaan hai.

anukram

mausam

Goa mein paryatakon ki bheed sabse adhik garmiyon ke maheenein mein hoti hai. jab yeh bheed samaapt ho jaati hai tab yahaan shuroo hota hai aise sailaaniyon ke aane ka silsila jo yahaan monsoon ka lut‍aaf uthaana chaahate hain. yeh paryatak Goa mein monsoon ki bauchhaaron ke beech mast maahaul ka aanand batorane ka saahas karte hain. vaise Goa bhi monsoon premi sailaaniyon ka svaagat baanhein pasaare karta hai. iska udaaharan hai vahaan ke hotelon aur tour oparataron dvaara diya jaane wala diskaanut. jab monsoon season mein bhooskhalan ke dar se pahaadi sthalon par paryatakon ki aavaajaahi band si ho jaati hai to j‍aayaadaatar paryatak Goa jaise s‍aathaanon ka rukh karte hai.

saagar taton ki bahaar

Goa ke manabhaavan beech ki lambi kataar mein panaji se 16 kilometer door kalangut beech, uske paas baaga beech, panaji beech ke nikat meeraamaar beech, juaari nadi ke muhaane par donaapaaula beech sthit hai. vaheen iski doosari disha mein kolava beech aise hi saagarataton mein se hai jahaan monsoon ke vakt paryatak jaroor aana chaaheinge. yahi naheen, agar mausam saath de to baagaator beech, anjuna beech, sinkeriyn beech, paalolem beech jaise anya sundar saagar tat bhi dekhe ja sakte hain.

aitihaasik church aur mandir

Goa ki khoobsoorti keval yahaan ke saagar taton tak hi seemit naheen hai. yahaan seint Francis, of aseesi, holi spirit, pilr seminri, saaleegaanv, rakol seminri aadi yahaan ke mahatvapoorn aitihaasik church hai. iske atirikt seint kaajaran church, seint aagasteen tower, nanari of seint Monica tatha seint eraks church bhi prasiddh hai. Goa ke pavitra mandir jinse shri kaamaakshi, saptaketesh‍aavar, shri shaantaadurg, mahaalasa naaraayani, paranem ka bhagavati mandir aur mahaalakshmi aadi darshaneeya hai.

naisargiks saundarya

jab aap church aur mandir dekhne niklein to aapka saamana bhavya laindaskeps se bhi hoga. jab bhi aakaash saaf ho ya halki bauchhaaron ka mausam ho to nikal jaaie. poore raaste bheega naisargik saundarya aapko anokha sukoon pradaan karega. kaali sadkon ke aaspaas laal mitti ke maidaan ya teele, yahaan vahaan dikhte naariyl ke oonche darakht ya dhaan ke khet praakrutik drushyon mein mohak rang bhar dete hain. aaspaas faili hariyaali mein hare rang ke halki gahari anek road najar aati hai. Goa ki sadkon par laung drive ka aanand bhi liya ja sakta hai. raaste mein lage bade-bade hordigs bhi in lambe raaston ki shobha badhaate hain. madagaanv se 60 ki॰mee॰ door doodhasaagar fauls bhi monsoon mein apne charam par hota hai. laung drive ke shaukeen yahaan avashya ja pahunchate hain. kareeb 450 varsh ke purtagaali upanivesh kaal mein yahaan anek bhavya church banaae gaye the, jinke kaaran aaj Goa ko Bhaarat ka rom bhi kaha jaata hai.

maandavi nadi

panaji Goa ki rajdhani hai. yahaan ke aadhunik baajaar bhi paryatakon ko aakarshit karte hain. maandavi nadi ke tat par base is shahar mein shaam ke samay sailaani rivr krooj ka aanand lene pahunchate hain. maandavi par tairate krooj par sangeet evam nrutya ke kaaryakram mein Goa ki sanskruti ki ek jhalak dekhne ko milti hai. nadi ke doosare tat par machhuaaron ki rangabirangi motor bot kataar mein khadi ek alag drushya banaati hai. panaji ke aaspaas aur old Goa ke laitin shaili ke puraane ghar bhi, aaj paryatakon ke aakarshan ka kendra ban gaye hain.