Goa

Goa

Bhaarat ke praant
rajdhani	panaji
sabse bada shahar	panaji
janasankhya	1, 4000, 000
- ghanatv	363 /kimee²
kshetrafal	3702 kimee²
- jile	2
raajabhaasha(eain)	konkani, maraathi
pratishtha	30 May, 1987
- raajyapaal	S si jameer
- mukhyamantri	lakshmeekaant paarasekar
- vidhaanasabha	ek sabha
aaiesao sankshep	IN-GA
goagovt.nic.in

Goa ya goaa (konkani: gonya), kshetrafal ke hisaab se Bhaarat ka sabse chhota aur janasankhya ke hisaab se chautha sabse chhota raajya hai. poori duniya mein Goa apne khoobsoorat samundar ke kinaaron aur mashahoor sthaapatya ke liye jaana jaata hai. Goa pehle Portugal ka ek upanivesh tha. purtagaaliyon ne Goa par lagbhag 450 saalon tak shaasan kiya aur December 1961 mein yeh bhaarateeya prashaasan ko saunpa gaya.

mahaabhaarat mein Goa ka ullekh goparaashtr yaani gaaya charaanevaalon ke desh ke roop mein milta hai. dakshin konkan kshetr ka ullekh govaaraashtr ke roop mein paaya jaata hai. sanskrut ke kuchh anya puraane stroton mein Goa ko gopakapuri aur gopakapattan kaha gaya hai jinka ullekh anya granthon ke alaava harivansham aur skand puraan mein milta^[1] hai. Goa ko baad mein kaheen kaheen goanchal bhi kaha gaya hai. anya naamon mein gove, govaapuri, gopakaapaatan aurgomant pramukh hain. tolemi ne Goa ka ullekh varsh 200 ke aas-paas gouba ke roop mein kiya hai. arab ke madhyugeen yaatriyon ne is kshetr ko chandrapur aur chandaur ke naam se ingit kiya hai jo mukhya roop se ek tateeya shahar tha. jis sthaan ka naam Portugal ke yaatriyon ne Goa rakha vah aaj ka chhota sa samudra tateeya shahar goa-velha hai. baad me us poore kshetr ko Goa kaha jaane laga jis par purtagaaliyon ne kabja kiya.

janashruti ke anusaar Goa jismein konkan kshetr bhi shaamil hai (aur jiska vistaar Gujarat se Kerala tak bataaya jaata hai) ki rachana Bhagwan parashuraam ne ki thi. kaha jaata hai ki parashuraam ne ek yagya ke dauraan apne baano ki varsha se samudra ko kai sthaanon par peechhe dhakel diya tha aur logon ka kehna hai ki isi vajah se aaj bhi Goa mein bahut se sthaanon ka naam vaanaavali, vaanasthali ityaadi hain. uttari Goa mein haramal ke paas aaj bhoore rang ke ek parvat ko parashuraam ke yagya karne ka sthaan maana jaata hai.

inhein bhi dekhein: Goa ka itihaas

Goa ke lambe itihaas ki shuruaat teesari sadi isa poorv se shuru hota hai jab yahaaain maurya vansh ke shaasan ki sthaapana hui thi. baad mein pehli sadi ke shuruaat mein is par kolhaapur ke saatavaahan vansh ke shaasakon ka adhikaar sthaapit hua aur fir baadaami ke chaalukya shaasakon ne is par varsh 580 se 750 tak raaj kiya. iske baad ke saalon mein is par kai alag alag shaasakon ne adhikaar kiya. varsh 1312 mein Goa pehli baar Delhi saltanat ke adheen hua lekin unhein vijyanagar ke shaasak harihr pratham dwaar vahaaain se khaded diya gaya. agale sau saalon tak vijyanagar ke shaasakon ne yahaaain shaasan kiya aur 1469 mein gulabarg ke bahaami sultaan dvaara fir se Delhi saltanat ka hissa banaaya gaya. bahaami shaasakon ke patan ke baad Bijapur ke aadil shaah ka yahaaain kabja hua jisne goa-velha ho apni doosari rajdhani banaai.

Goa ka kshetrafal 3702 varg kilometer hai. Goa ka akshaansh aur deshaantar kramash: 14°a53'54" aur 73°a40'33" E hai. Goa ka samudra tat 101 kilometer lamba hai.

Goa ka pramukh udyog paryatan hai. paryatan ke aalaava Goa mein lauh khanij bhi vipul maatra mein paaya jaata hai jo Japan tatha cheen jaise deshon mein niryaat hota hai. Goa matasya (machhali) udyog ke liye bhi jaana jaata hai lekin yahaaain ki machhali niryaat nahi ki jaati balki sthaaneeya baajaaron mein bechi jaati hai. yahaaain ka kaajoo saudi arab, Britain tatha anya Europeeya raashtron ko niryaat hota hai. paryatan ke vajh se baaki udyog jo paryatan par nirbhar karte hai vo bhi yahaaain par jor shor se chaaloo hain. Goa mein abhi tak sirf ek hi vimaanapattan hai aur doosra abhi banane wala hai.

Goa kareeb kareeb 500 saal tak purtagaali shaasan ke aadheen raha, is kaaran yahaaain Europeeya sanskruti ka prabhaav bahut mahasoos hota hai. Goa ki lagbhag 60% janasankhya hindu aur lagbhag 28% janasankhya isaai hai. Goa ki ek khaas baat yeh hai ki, yahaaain ke isaai samaaj mein bhi hinduon jaisi jaati vyavastha pai jaati hai.

Goa ke dakshin bhaag mein isaai samaaj ka jyaada prabhaav hai lekin vahaaain ke vaastushaastr mein hindu prabhaav dikhaai deta hai. sabse praacheen mandir Goa mein dikhaai dete hai. uttar Goa mein isaai kam sankhya me hain isliye vahaaain purtagaali vaastukala ke namoone jyaada dikhaai dete hai.

sanskruti ki drushti se Goa ki sanskruti kaafi praacheen hai. 1000 saal pehle kaha jaata hai ki Goa "konkan kaashi" ke naam se jaana jaata tha. haalaaainki purtagaali logon ne yahaaain ke sanskruti ka naamonishaan mitaane ke liye bahut prayaas kiye lekin yahaaain ki mool sanskruti itni majaboot thi ki dharmaantaran ke baad bhi vo mit nahi pai.

baahari

• havaai: daibolim vimaanakshetr yahaaain ka ghareloo havaai adda hai jo desh ke sabhi pramukh shaharon se juda hai. abhi haal ke varshon mein Goa ke liye panaji havaai adde se antarraashtreeya udaane bhi shuru hui hain.

• sadak: Goa mumbai, bangalor se kaafi achhi tarah juda hua hai, in shahron se Goa ke liye seedhi lakjari basein chalti hain. iske alaava anya najadeek ke shahar bhi aap sadak dvaara yahaaain se ja sakte hain.

• rel: jabase yahaaain konkan railway ki shuruaat hui hai Goa Bhaarat ke poorvi tateeya shaharon se jud gaya hai. konkan railway apni gati aur achhi seva ke liye poore Bhaarat mein mashahoor hai. iske alaava Goa aane ke liye desh ke kisi bhi bade station se aap vaasko the gaama ke liye seedhi relagaadi pakad sakte hain.

aantarik

• taxi bina meter aur meter waali taiksiyaaain yahaaain paryatakon ko ek sthaan se doosare sthaan le jaane ka sabse lokapriya saadhan hai. bina meter waali taiksiyon mein yaatri pehle se bhaade ke baare mein tay karte hain.

• bas Goa mein jyaadaatar base praaivet chaalakon dvaara chalaai jaati hain. aam taur par bason mein kaafi bheed hoti hai. Goa sarkaar dvaara yahaaain kadamb bas service chalaai jaati hai jinmein dheere chalanevaali bason se lekar drut seva ki lambi doori ki basein shaamil hoti hain.

• naav

varsha ritu ke aagaman ke saath hi prakruti Goa ko kuchh aisa hi alag, lekin adbhut svaroop pradaan karti hai. yeh sthaan shaantipriya paryatakon aur prakruti premiyon ko bahut bhaata hai. Goa ek chhota-sa raajya hai. yahaan chhote-bade lagbhag 40 samudri tat hai. inmein se kuchh samudra tat anrtaraashtreeya star ke hain. isi kaaran Goa ki vishv paryatan maanachitr ke patal par apni ek alag pehchaan hai.

Goa mein paryatakon ki bheed sabse adhik garmiyon ke maheenein mein hoti hai. jab yeh bheed samaapt ho jaati hai tab yahaan shuroo hota hai aise sailaaniyon ke aane ka silsila jo yahaan monsoon ka lut‍aaf uthaana chaahate hain.

Goa ke manabhaavan beech ki lambi kataar mein panaji se 16 kilometer door kalangut beech, uske paas baaga beech, panaji beech ke nikat meeraamaar beech, juaari nadi ke muhaane par donaapaaula beech sthit hai. vaheen iski doosari disha mein kolava beech aise hi saagarataton mein se hai jahaan monsoon ke vakt paryatak jaroor aana chaaheinge. yahi naheen, agar mausam saath de to baagaator beech, anjuna beech, sinkeriyn beech, paalolem beech jaise anya sundar saagar tat bhi dekhe ja sakte hain. Goa ke pavitra mandir jinse shri kaamaakshi, saptaketesh‍aavar, shri shaantaadurg, mahaalasa naaraayani, paranem ka bhagavati mandir aur mahaalakshmi aadi darshaneeya hai.

inhein bhi dekhein: Goa ke hotel

maandavi nadi

panaji Goa ki rajdhani hai. yahaan ke aadhunik baajaar bhi paryatakon ko aakarshit karte hain. maandavi nadi ke tat par base is shahar mein shaam ke samay sailaani rivr krooj ka aanand lene pahunchate hain. maandavi par tairate krooj par sangeet evam nrutya ke kaaryakram mein Goa ki sanskruti ki ek jhalak dekhne ko milti hai.

Goa mein do jile hain -

• uttar Goa jila
• dakshin Goa jila

Goa mein sabse lokapriya khel football hai. yahaaain kai lokapriya football club hain. iske alaava Goa ke bahut se khilaadi hockey mein bhi dilchaspi rakhate hain.

• mukhaprushth vikiyaatra se Goa hetu yaatra guide.

• Government of Goa official website
• Information on accommodation in hotels and resorts in Goa
• mukt nirdeshika pariyojana par Goa

vikimeediya kaumans par Goa se sambandhit media hai.

Goa ke baare mein, vikipeediya ke bandhuprakalpon par aur jaane:
	shabdakosheeya paribhaashaaen
	paathya pustakein
	uddharan
	mukt strot
	chitr evam media
	samaachaar kathaaen
	gyaan saadhan

Goa praveshadvaar