Ferozshah Mehta

mumbai mein Ferozshah Mehta ki pratima

sar Ferozshah Mehta (4 August 1845 - 5 November 1915) Bhaarat ek svatantra senaani, nyaayavid tatha patrakaar the. ve ek udaar raajaneetijnya the jinka prayaas tha ki bhaarateeya raashtreeya Congress par kattarpanthiyon ka adhikaar na ho sake. ve bahut-se sansthaanon ke janmadaata the. Mumbai nagar paalika ke sadasya hone ke saath hi ve nagar paalika adhyaksh bhi rahe aur is sanstha ke sudhaar ke liye unhonne bahut se kaarya kiye. ve Bombay prejeedeinsi association mein sakriya hone ke saath-saath iske adhyaksh bhi rahe. ve Mumbai ke edavoket general aur inpiriyl lejisletiv kaaunsil ke sadasya the. ve mumbai vishvavidyaalaya se jude rahe aur ek dainik samaachaar patra- 'di Bombay kraunikl' ki sthaapana ki.

jeevani

chitr:C375.jpg
Ferozshah Mehta

sar Ferozshah meharavaanji Mehta ka janm Mumbai ke ek dhani paarasi kul mein hua tha jinke vyaapaar ki shaakhaaeain desh-videsh mein faili hui theen. ye bee0 e0 tatha ema0 e0 ki pareekshaaon mein pratishthaapoorvak uteern hue. inki asaadhaaran buddhimtta dekhkar inhein uchch shiksha praapt karne ke liye England bheja gaya. vahaaain par nyaayavettaaon ki sarvochch pareeksha mein utteern hokar ye svadesh laut aae. England mein ye landan bhaarateeya sabha tatha "East India aisosiyeshan" ke sampark mein aae. yaheen se inke raajaneetik, saamaajik evam saahityik jeevan ka shubhaaranbh hua.

nyaayavetta ke kaarya mein inhonne apoorv khyaati upalabdh ki parantu inhonne apne svaarthasaadhan ke liye nyaaya ki maryaada ka atikraman naheen kiya. teen baar ye Mumbai Corporation ke sabhaapati chune gaye. us samay Corporation ki dasha shochaneeya thi. usaki unnati ke liye Mehta ji ne haardik prayatn kiya. isaliye ye Mumbai Corporation ke bina chhatradhaari raaja kahalaane lage. Mumbai sarkaar ne Corporation ke sangathan ke liye ek bill prastut kiya jo ahitkar tha. at: Mumbai ki janta ne usaka virodh kiya. ise parivrtit karne ke liye Mumbai ke Governor ne is masavide ko telang aur Mehta ke paas bhej diya. is yugal moorti ne sarkaar tatha praja donon ke hit ka dhyaan rakhate hue is bill ko badi sudanrata se parivrtit kiya.

inhonne svatantr vichaaron ko pragat karne ke liye Mumbai kraanikl naam ka dainik patra prakaashit karavaaya. dheere-dheere inke kaaryakshetr ka vistaar hota gaya tatha Mehta ji Mumbai praanteeya sabha ke sadasya bane or vahaaain par unki pratibha chamakane lagi. Mumbai preseedeinsi association ke yeh sabhaapati rahe. Bhaarat sarkaar tatha praanteeya sarkaar ko mahatvapoorn prashnon par yeh sabha satparaamarsh deti rahi. 1886 mein aap Mumbai lejisletiv kaunsil ke sadasya niyukt hue. unhonne bajat, police sambandhi bill aadi anek vishyon par sarkaar ke svar mein svar naheen milaaya aur sarkaar ka virodh kiya. 1901 mein maraathi aur gujaraati bhaashaaon ko bee0 e0 or ema0 e0 paathyakram mein laakar apne upayogi aur mahatvapoorn kaarya kiya. asaamaanya yogyata ke kaaran vah Mumbai vishvavidyaalaya ke upakulapati bhi niyukt hue aur unhein daaktar aav law ki padavi di gayi. raashtreeya sabha se unka sambandh usak praarambh kaal se hi raha aur unhonne usaki bhi seva badi lagan se ki. mehataaji uchch koti ke deshbhakt tatha shreshth bhaarateeya the. ve ek janmasiddh vakta the.

baahari kadiyaaain