Dr mandan mishr

aathaveen shataabdi ke daarshanik mandan mishr ke liye vahaaain jaaeain.


Dr mandan mishr (7 June 1929 - 15 November, 2001) sanskrut ke prasiddh pandit the jinhone shri laal bahaadur shaastri raashtreeya sanskrut vidyaapeeth ki sthaapana ki. san 2000 mein unhein padmashri se sammaanit kiya gaya.

dau॰ mandan mishr ka janm 7 June 1929 E. ko Jaipur se 50 kilometer door hanootiya naamak gaaainv mein hua. aapke pita pan॰ shri kanhaiyaalaal mishr karmakaand ke achhe vidvaan the. dau॰ mishr ki praarambhik shiksha amarasar aur uchch shiksha Jaipur mein hui. aapne meemaansa aur saahitya mein sarvottam shreni mein aachaarya, tatha sanskrut mein sarvottam shreni se M.A. evam meemaansa darshan ka samaalochanaatmak itihaas vishay par Rajasthan vishvavidyaalaya se pi.H.di. ki upaadhi praapt ki.

anukram

saamaajik sevaayein

dau॰ mishr ne mahaaraaja sanskrut kaalej Jaipur mein adhyaapak ke roop mein seva kaarya praarambh kiya tatha vaheen vyaakhyaata aur praafesar ke roop mein padonnat huye. san 1947 E. mein badi sankhya mein purooshaarthiyon ke Jaipur mein aane par aapne unako sthaaneeya janta aur vyavasaaya mein jamaane ki drushti se bhaarateeya saahitya vidyaalaya ki sthaapana ki, jiske maadhyam se anek raatri shaalaayein chalaakar 20 hajaar se adhik sindhi bhaai-bahinon ko hindi sikhaane ka kaarya kiya. yeh dau॰ mishr dvaara samaaj seva ka shreeganesh tha. Delhi jaise mahanagar mein aavaaseeya gruh samooh ke roop mein sanskrut bhavan society ka nirmaan aap hi ke netrutv mein sampann hua jo ki saamudaayik samaaj seva ka pratyaksh nidrshan hai. Rajasthan Bhaarat sevak samaaj ke sachiv sanyukt sanyojak ke roop mein aapne pradesh ke yuvakon mein nai jaagruti paida ki aur usi ke maadhyam se Bhaarat sevak samaaj ke adhyaksh pan॰ Jawahar laal Nehru tatha pradesh ke pratishthit netaaon ke sampark mein aaye. Bhaarat saadhu samaaj ki sthaapana ke uddeshya se shri gulajaari laal nanda evam shri maanikya laal varma ke netrutv mein san 1956 mein naathadvaara mein akhil Bhaarat saadhu sammelan tatha san 1959 E. mein bheelavaada (Rajasthan) mein akhil Bhaarat sevak samaaj ka adhiveshan pan॰ Jawahar laal Nehru ki adhyakshata mein aayojit kiya. in donon aayojanon se dau॰ mishr ke roop mein ek aisa vyaktitv ubhar kar saamane aaya jo sanskrut mein vidvatta ke saath saath samaaj seva aur mahaneeya netaaon ke yog se lekhan bhaashan sanghatan tatha prashaasan kaushal ke saath-saath saamaajik kshetr mein bhi ek atyant sudrudh aadhaar stambh lekar viksit hua. dau॰ mishr us samay Rajasthan sanskrut saahitya sammelan ke bhi mantri the unke prayaas aur shri lakshmeelaal Joshi jaise maneeshiyon ke sahayog se yashasvi neta shri mohanalaal sukhaadiya ke mukhyamantritv mein Rajasthan mein sanskrut ke alag nideshaalaya ki sthaapana hui aur Rajasthan vishvavidyaalaya mein praachya vidya sankaaya praarambh karne ka nirnaya liya gaya. aap dvaara sthaapit anek vidyaalaya vartamaan mein uchch stareeya raajakeeya mahaavidyaalayon ke roop mein pratishthit hain. Punjab samasya ke praarambh mein lokanaayak shreemati indira Gandhi ke sanket par dau॰ mishr ne ek raashtreeya buddhijeevi sammelan ka aayojan kiya jiska udghaatan shreemati gaandhi ne kiya aur ve sammelan mein 3 ghante upasthit rahi.

raashtreeya star par sanskrut ki pratishtha

mahaamana pan॰ madan mohan maalaveeya ji dvaara sthaapit sanskrut ke pratinidhi sangathan akhil bhaarateeya sanskrut saahitya sammelan ke dau॰ mandan mishr san 1956 E. mein mantri tatha san 1959 E. mein mahaamantri pad ke liye chayanit hue. akhil bhaarateeya sanskrut sammelan ko us samay sangathan tatha saadhan suvidhaaon ki drushti se ek yuva neta ki aavashyakta thi. dau॰ mishr ne usamein nav jeevan ka sanchaar kiya aur sabhi pradeshon mein usaki shaakhaayein sthaapit ki. inke nirdeshan mein vishv sanskrut shataabdi yojana ka pravartan hua, jiska udghaatan Bhaarat ke pratham raashtrapati dau॰ Rajendra prasaad ji ne kiya. is sammelan ne sanskrut ke vikaas ke kshetr mein aadhaar-shila ka kaarya kiya aur Bhaarat ki rajdhani Delhi mein ek sanskrut vidyaapeeth ki sthaapana ka mahatvapoorn nirnaya liya gaya. dau॰ Rajendra prasaad ki prerana se sammelan ke tatkaaleen padaadhikaari Punjab ke raajyapaal shri narahari vishnu gaadagil aur Bhaarat ke gruh raajyamantri shri balavant naagesh daataar tatha prasiddh udyogapati shri shaanti prasaad jain aadi mahaanubhaavon ne dau॰ mishr ki sevaayein Rajasthan sarkaar se maangi aur unhonne 1962 E. mein Delhi aakar sanskrut vidyaapeeth ki sthaapana ki. us samay Delhi prashaasan mein sanskrut vidyaapeeth ki sthaapana ki. us samay Delhi prashaasan mein sanskrut ki sansthaaon ki sahaayata ka koi niyam naheen tha. adhik se adhik ek hajaar roopaye vaarshik ki sahaayata ka koi niyam naheen tha. adhik se adhik ek hajaar roopaye vaarshik ki sahaayata pratyek sanstha ko di jaati thi. dau॰ mishr ke prayaason se sabhi sanskrut vidyaalayon ko prashaasan dvaara 85% (pratishat) sahaayata dene ka nirnaya hua. iske parinaam svaroop ab pratyek sanstha ko laakhon roopaye ki aarthik sahaayata prashaasan se milti hai. dau॰ mishr sabhi sansthaaon ko saath lekar chale. saubhaagya se kuchh samay baad pradhaanamantri shri laalabahaadur shaastri ne akhil bhaarateeya sanskrut saahitya sammelan ki adhyakshata sveekaar ki aur dau॰ mishr ne Rajasthan ki 17 varshon ki seva aur Rajasthan mein saamaajik tatha saarvajanik jeevan mein pratishtha ke aadhaar par pratyaksh drushyamaan satta ki niktata ke moh ko chhodkar sanskrut ke liye apna jeevan arpit kar diya. achaanak shreeshaastri jeee ke nidhan ke baad dau॰ mishr ke prayaason se shreemati indira gaanndhi ne dau॰ sampoornaanand ji ke anurodh par sammelan tatha vidyaapeeth ka sabhaapatitv sveekaar kiya aur 1967 E. mein shri shaastreeji ka smruti mein shri laalabahaadur shaastri raashtiraya sanskrut vidyaapeeth ke roop me naam parivrtit kar ise Bhaarat sarkaar ko sanbhala diya. dau॰ mishr iske sansthaapak nideshak rahe. inki saadhana se Delhi vidyaapeeth 1989 mein maanit vishvavidyaalaya ke roop mein samunnat hua. dau॰ mishr iske pratham sansthaapak kulapati niyukt kiye gaye. ek vyakti ke dvaara raatri paathashaala se praarambh kar June, 1994 mein iske kulapati pad se vishraam grahan karne ke anantar 1 January 1996 se uttarapradesh shaasan ne dau॰ mishr ko sampoornaanand sanskrut vishvavidyaalaya, Varanasi ke kulapati pad par niyukt kiya. unka teen varsh se adhik ka kaaryakaal is vishvavidyaalaya ke itihaas mein sada ullekhaneeya rahega. samay par pareekshaayein karaana, satr niyamit karna, 115 granthon ka prakaashan, sarasvati mandir ki poornata aur usaki praan pratishtha raashtrapati pan॰ shankar dayaal sharma evam shri ke.aar.naaraayanan ke mukhya aatithitv mein do deekshaant samaaroh kiye do-do raashtrapatiyon ka vishvavidyaalaya ke itihaas mein ek anupam ghatna hai. apne svanaamadhanya guroo aachaarya pattaabhiraam shaastri ke smruti mein aapne Varanasi mein shri pattaabhiraam shaastri ved meemaansa anusandhaan kendra ki sthaapana ki hai jo Varanasi mein ek bhavya navanirmit bhavan mein chal raha hai- aap iske sansthaapak adhyaksh kaanchi shankaraachaarya dvaara manoneet kiye gaye hai.

adhyaapak evam lekhak

ek uttam adhyaapak se lekar lekhak ke roop mein inki sevaayein vikhyaat rahi hai. dedh sau se bhi adhik granthon ka sanpaadan aur prakaashan aapke nirdeshan mein hua hai.

videshon mein sammaan

dau॰ mishr mein 1984 mein America mein aayojit vishv sanskrut sammelan mein Bhaarat ke pratinidhi mandal ka netrutv kiya aur July 1993 E. mein New York mein atharvaved sammelan mein Bhaarat sarkaar ke pratinidhi ke roop mein sammilit hue. January 1994 E. mein Australia mein vishvasanskrut sammelan mein bhaag liya. aapne Italy mein shri laalabahaadur shaastri raashtiraya sanskrut vidyaapeeth (maanit vishvavidyaalaya) nai Delhi ke vishesh deekshaant samaaroh ko sambodhit kiya. is samaaroh mein torinon vishvavidyaalaya aur torino nagar nigam ne aapko sammaan patra smruti chinh tatha padak bheint kiye. inke atirikt inglaind, fraans, Belgium, Singapore, thaailend deshon ki yaatra kar aapne sanskrut aur bhaarateeya sanskruti ka sandesh prasaarit kiya. Hongkong tatha landan mein aapne antarraashtreeya geeta sammelanon ki adhyakshata ki.

sammaan evam puraskaar

saamaanyavarg se lekar desh ke mahaan netaaon aur vidvaanon dvaara dau॰ mishr ko sammaan praapt hue. Delhi saahitya kala parishd ne san 1971 E. mein inki sanskrut sevaaon ke liye inhein sammaanit kiya. Bhaarat sarkaar ne san 1983 mein unako raashtrapati sammaan pramaan-patra se puraskrut kiya jo aajeevan 50 hajaar roopaye ke vaarshik maanadeya ke saath chalta rahega. uttarapradesh sanskrut academy ne inke granth par 10 hajaar roopaye ka akhil bhaarateeya shankaraachaarya puraskaar shri Rajiv Gandhi ke karakamalon se dilaaya. inke meemaansa darshan tatha sanskrut sevaaon se sambaddh sampoorn vyaktitv aur krutitv ke aadhaar par san 1989 E. mein sansaar ka sarvotkrusht ek lakh roopaye ka vishv sanskrut Bhaarat bhaarati puraskaar raashtrapati dau॰ shankar dayaal sharma ne pradaan kiya. shrrungeri ke vartamaan shankaraachaarya shri bhaarati teerth svaami ji ne Abhinav vidyaateerth mahaaraaj ne unako san 1966 mein vidya bhaarati ki upaadhi se sammaanit kiya. uttar Bhaarat ke pratham vidvaan ke roop mein raashtrapati dau॰ shankaradayaal ji ke kar kamalon se svargeeya Rajiv Gandhi ki upasthiti mein 1990 E. mein aapko puraskrut karavaaya. jagadaguroo raamaanandaachaarya ne dau॰ mishr ko braharshi ki upaadhi pradaan ki. Delhi sanskrut academy ne dau॰ mishr ko 15 hajaar roopaye ke sanskrut seva sammaan se vibhooshit kiya. dau॰ murali manohar Joshi (poorv adhyaksh bhaarateeya janta party) dvaara apni maata chandraavati Joshi ki smruti mein sansthaapit das hajaar roopaye ka pratham sanskrut seva puraskaar dau॰ mishr ko diya gaya.

dau॰ mishr vishvavidyaalaya anudaan aayog dvaara niyukt sanskrut, praakrut aur paali shaastreeya bhaashaaon ke panel ke sanyojak (adhyaksh) rahe, jo desh ke vishvavidyaalayon mein bhaarateeya bhaashaaon mein shodh tatha adhyayan ke vikaas ke kshetr mein aayog ko paraamarsh deta hai.

inhein bhi dekhein

baahari kadiyaaain