Bhagwan buddh

Gautam buddh ka hindu svaroop hain. hindu dharm mein unhein Bhagwan vishnu ka avataar maana gaya hai.

unke svaroop ko lekar hindu tatha bauddh maton mein bhinnata tatha katuta hai. kuchh puraanon mein aisa kaha gaya hai ki Bhagwan vishnu ne buddh avataar isaliye liya tha jisse ki vo "jhoothe upadesh" failaakar "asuron" ko sachche vaidik dharm se door kar sakein, jisse devata unapar jeet haasil kar sakein. iska matlab hai ki buddh to devata hain, lekin unke upadesh jhoothe aur dhong hain. ye bauddhon ke vishvaas se ekdam ulta hai : bauddh log Gautam buddh ko koi avataar ya devata naheen maanate, lekin unke upadeshon ko satya maanate hain. kuchh hindu lekhakon (jaise jayadev) ne baad mein ye bhi kaha hai ki buddh vishnu ke avataar to hain, lekin vishnu ne ye avataar jhooth ka prachaar karne ke liye naheen balki andhaadhundh karmakaand aur vaidik pashubali rokane ke liye kiya tha.