Bhaarat ki raajabhaasha ke roop mein hindi

hindi ko Bhaarat ki raajabhaasha ke roop mein 14 sitmbar san 1949 ko sveekaar kiya gaya. iske baad samvidhaan mein raajabhaasha ke sambandh mein dhaara 343 se 352 tak ki vyavastha ki gayi. iski smruti ko taaja rakhane ke liye 14 sitmbar ka din prativrsh hindi diwas ke roop mein manaaya jaata hai.

dhaara 343(1) ke anusaar bhaarateeya sangh ki raajabhaasha hindi evam lipi devanaagari hogi. sangh ke raajakeeya prayojanon ke liye prayukt ankon ka roop bhaarateeya ankon ka antararaashtreeya svaroop (arthaat 1, 2, 3 aadi) hoga.

sansad ka kaarya hindi mein ya angreji mein kiya ja sakta hai. parantu Rajyasabha ke sabhaapati mahodaya ya Loksabha ke adhyaksh mahodaya vishesh paristhiti mein sadan ke kisi sadasya ko apni maatrubhaasha mein sadan ko sambodhit karne ki anumati de sakte hain. {samvidhaan ka anuchhed 120} kin prayojanon ke liye keval hindi ka prayog kiya jaana hai, kin ke liye hindi aur angreji donon bhaashaaon ka prayog aavashyak hai aur kin kaaryon ke liye angreji bhaasha ka prayog kiya jaana hai, yeh raajabhaasha adhiniyam 1963, raajabhaasha niyam 1976 aur unke antargat samay samay par raajabhaasha vibhaag, gruh mantraalaya ki or se jaari kiye gaye nideshon dvaara nirdhaarit kiya gaya hai.

anukram

hindi ko raajabhaasha ke roop mein sveekaar kiye jaane ka auchitya

hindi ko raajabhaasha ka sammaan krupaapoorvak naheen diya gaya, balki yeh usaka adhikaar hai. yahaan adhik vistaar mein jaane ki aavashyakta naheen hai, keval raashtrapita mahaatma Gandhi dvaara bataaye gaye nimnalikhit lakshanon par drushti daal lena hi paryaapt rahega, jo unhonne ek 'raashtreeya bhaasha' (raashtreeya bhaasha se abhipraaya raajabhaasha se hi hai) ke liye bataaye the-

  • (1) amaladaaron ke liye vah bhaasha saral honi chaahiye.
  • (2) us bhaasha ke dvaara bhaaratavarsh ka aapasi dhaarmik, aarthik aur raajaneetik vyavahaar ho sakana chaahiye.
  • (3) yeh jaroori hai ki bhaaratavarsh ke bahut se log us bhaasha ko bolte hon.
  • (4) raashtra ke liye vah bhaasha aasaan honi chaahiye.
  • (5) us bhaasha ka vichaar karte samay kisi kshanik ya alp sthaayi sthiti par jor naheen dena chaahiye.

in lakshanon par hindi bhaasha bilkul khari utarati hai.

anuchhed 343 sangh ki raajabhaasha

  1. sangh ki raajabhaasha hindi aur lipi devanaagari hogi, sangh ke shaasakeeya prayojanon ke liye prayog hone vaale ankon ka roop bhaarateeya ankon ka antarraashtreeya roop hoga.
  2. khand (1) mein kisi baat ke hote hue bhi, is samvidhaan ke praarambh se pandrah varsh ki avadhi tak sangh ke un sabhi shaasakeeya prayojanon ke liye angreji bhaasha ka prayog kiya jaata rahega jinke liye usaka aise praarambh se theek pehle prayog kiya ja raha tha, parantu raashtrapati ukt avadhi ke dauraan, aadesh dvaara, sangh ke shaasakeeya prayojanon mein se kisi ke liye angreji bhaasha ke atirikt hindi bhaasha ka aur bhaarateeya ankon ke antarraashtreeya roop ke atirikt devanaagari roop ka prayog praadhikrut kar sakega.
  3. is anuchhed mein kisi baat ke hote hue bhi, sansad ukt pandrah varsh ki avadhi ke pashchaat‌, vidhi dvaara
(k) angreji bhaasha ka, ya
(kh) ankon ke devanaagari roop ka,

aise prayojanon ke liye prayog upabandhit kar sakegi jo aisi vidhi mein vinirdisht kiye jaaen.

anuchhed 351 hindi bhaasha ke vikaas ke liye nidesh

sangh ka yeh kartavya hoga ki vah hindi bhaasha ka prasaar badhaae, usaka vikaas kare jisse vah Bhaarat ki saamaasik sanskruti ke sabhi tatvon ki abhivyakti ka maadhyam ban sake aur usaki prakruti mein hastakshep kiye bina hindusthaani mein aur aathaveen anusoochi mein vinirdisht Bhaarat ki anya bhaashaaon mein prayukt roop, shaili aur padon ko aatmasaat karte hue aur jahaan aavashyak ya vaanchhaneeya ho vahaan uske shabd-bhandaar ke liye mukhyat: sanskrut se aur gaunat: anya bhaashaaon se shabd grahan karte hue usaki samruddhi sunishchit kare.

raajabhaasha sankalp, 1968

bhaarateeya sansad ke donon sadanon (Rajyasabha aur Loksabha) ne 1968 mein 'raajabhaasha sankalp' ke naam se nimnalikhit sankalp liya-[1]

1. jabki samvidhaan ke anuchhed 343 ke anusaar sangh ki raajabhaasha hindi rahegi aur uske anuchhed 351 ke anusaar hindi bhaasha ka prasaar, vruddhi karna aur usaka vikaas karna taaki vah Bhaarat ki saamaasik sanskruti ke sab tatvon ki abhivyakti ka maadhyam ho sake, sangh ka kartavya hai :

yeh sabha sankalp karti hai ki hindi ke prasaar env vikaas ki gati badhaane ke hetu tatha sangh ke vibhinn raajakeeya prayojanon ke liye uttarottar iske prayog hetu Bhaarat sarkaar dvaara ek adhik gahan evam vyaapak kaaryakram taiyaar kiya jaaega aur use kaaryaanvit kiya jaaega aur kiye jaane vaale upaayon evam ki jaane waali pragati ki vistrut vaarshik moolyaankan report sansad ki donon sabhaaon ke patal par rakhi jaaegi aur sab raajya sarkaaron ko bheji jaaegi .

2. jabki samvidhaan ki aathaveen anusoochi mein hindi ke atirikt Bhaarat ki 21 mukhya bhaashaaon ka ullekh kiya gaya hai , aur desh ki shaikshanik evam saanskrutik unnati ke liye yeh aavashyak hai ki in bhaashaaon ke poorn vikaas hetu saamoohik upaae kiye jaane chaahiye :

yeh sabha sankalp karti hai ki hindi ke saath-saath in sab bhaashaaon ke samanvit vikaas hetu Bhaarat sarkaar dvaara raajya sarkaaron ke sahayog se ek kaaryakram taiyaar kiya jaaega aur use kaaryaanvit kiya jaaega taaki ve sheegra samruddh ho aur aadhunik gyaan ke sanchaar ka prabhaavi maadhyam banein .

3. jabki ekta ki bhaavana ke sanvardhan tatha desh ke vibhinn bhaagon mein janta mein sanchaar ki suvidha hetu yeh aavashyak hai ki Bhaarat sarkaar dvaara raajya sarkaaron ke paraamarsh se taiyaar kiye gaye tri-bhaasha sootr ko sabhi raajyon mein poornat kaaryaanvit karne ke liye prabhaavi kiya jaana chaahiye :

yeh sabha sankalp karti hai ki hindi bhaashi kshetron mein hindi tatha angreji ke atirikt ek aadhunik bhaarateeya bhaasha ke, dakshin Bhaarat ki bhaashaaon mein se kisi ek ko tarajeeh dete hue, aur ahindi bhaashi kshetron mein praadeshik bhaashaaon evam angreji ke saath saath hindi ke adhyayan ke liye us sootr ke anusaar prabandh kiya jaana chaahiye .

4. aur jabki yeh sunishchit karna aavashyak hai ki sangh ki lok sevaaon ke vishay mein desh ke vibhinn bhaagon ke logon ke nyaayochit daavon aur hiton ka poorn paritraan kiya jaae

yeh sabha sankalp karti hai ki-
(k) ki un vishesh sevaaon athva padon ko chhodkar jinke liye aisi kisi seva athva pad ke karttavyon ke santoshajanak nishpaadan hetu keval angreji athva keval hindi athva donon jaisi ki sthiti ho, ka uchch star ka gyaan aavashyak samjha jaae, sangh sevaaon athva padon ke liye bharti karne hetu ummeedavaaron ke chayan ke samay hindi athva angreji mein se kisi ek ka gyaan anivaaryat hoga; aur
(kh) ki pareekshaaon ki bhaavi yojana, prakriya sambandhi pahaluon evam samay ke vishay mein sangh lok seva aayog ke vichaar jaanane ke pashchaat akhil bhaarateeya evam uchchatar kendreeya sevaaon sambandhi pareekshaaon ke liye samvidhaan ki aathaveen anusoochi mein sammilit sabhi bhaashaaon tatha angreji ko vaikalpik maadhyam ke roop mein rakhane ki anumati hogi .

raajabhaasha hindi ki vikaas-yaatra

svatantrata poorv

1833-86 : gujaraati ke mahaan kavi shri narmad (1833-86) ne hindi ko raashtrabhaasha banaane ka vichaar rakha.

1872 : aarya samaaj ke sansthaapak mahaarshi dayaanand sarasvati ji Calcutta mein keshavachandr sen se mile to unhone svaami ji ko yeh salaah de daali ki aap sanskrut chhodkar hindi bolna aarambh kar dein to Bhaarat ka aseem kalyaan ho. tabhi se svaami ji ke vyaakhyaanon ki bhaasha hindi ho gayi aur shaayad isi kaaran svaami ji ne satyaarth prakaash ki bhaasha bhi hindi hi rakhi. (dekhein, aaryasamaaj ki hindi-seva)

1873: Mahendra Bhattacharya dvaara hindi mein padaarth vigyaan (material science) ki rachana

1877 : shraddhaaraam fillauri ne bhaagyavati naamak hindi upanyaas ki rachana ki.

1893 : kaashi naagareeprachaarini sabha ki sthaapana

1918 : maraathi bhaashi lokamaanya baalagangaadhar tilk ne Congress adhyaksh ki haisiyat se ghoshit kiya ki hindi Bhaarat ki raajabhaasha hogi.

1918 : mahaatma Gandhi dvaara dakshin Bhaarat hindi prachaar sabha ki sthaapana

1930 ka dashak : hindi taaiparaaitar ka vikaas (shailendr Mehta)

1935 : Madras raajya ke mukhyamantri roop mein see0 raajagopaalaachaari ne hindi shiksha ko anivaarya kar diya.

svatantrata ke baad

14.9.1949

samvidhaan sabha ne hindi ko sangh ki raajabhaasha ke roop mein sveekaar kiya. is din ko ab hindi diwas ke roop mein manaaya jaata hai.

26.1.1950

samvidhaan laagoo hua. tadanusaar usamein kiye gaye bhaashaai praavadhaan (anuchhed 120, 210 tatha 343 se 351) laagoo hue.

1952

shiksha mantraalaya dvaara hindi bhaasha ka prashikshan aichhik taur par praarambh kiya gaya.

27.5.1952

raajyapaalon/uchchatam nyaayaalaya ke nyaayaadheeshon tatha uchch nyaayaalaya ke nyaayaadheeshon ki niyuktiyon mein angreji bhaasha ke atirikt hindi bhaasha va bhaarateeya ankon ke antarraashtreeya svaroop ke atirikt ankon ke devanaagari svaroop ka prayog praadhikrut kiya gaya.

July, 1955

hindi shikshan yojana ki sthaapana. kendra sarkaar ke mantraalayon, vibhaagon, sambaddh va adheenasth karmachaariyon ko sevaakaaleen prashikshan.

7.6.1955

bi.ji. kher aayog ka gathan (samvidhaan ke anuchhed 344 (1) ke antargat)

October,1955

gruh mantraalaya ke antargat hindi shikshan yojana praarambh ki gayi.

3.12.1955

samvidhaan ke anuchhed 343 (2) ke parantuk dvaara di gayi shaktiyon ka prayog karte hue sangh ke kuchh kaaryon ke liye angreji bhaasha ke atirikt hindi bhaasha ka prayog kiye jaane ke aadesh jaari kiye gaye.

31.7.1956

kher aayog ki report raashtrapati ji ko prastut ki gayi.

1957

kher aayog ki report par vichaar hetu tatkaaleen gruh mantri shri govind vallabh pant ki adhyakshata mein sansadeeya samiti ka gathan.

8.2.1959

samvidhaan ke anuchhed 344 (4) ke antargat sansadeeya samiti ki report raashtrapati ji ko prastut ki gayi.

sitmbar, 1959

sansadeeya samiti ki report par sansad mein bahas. tatkaaleen pradhaan mantri Jawahar laal Nehru dvaara aashvaavaasan diya gaya ki angreji ko sah-bhaasha ke roop mein prayog mein laae jaane hetu koi vyaavadhaan utpann naheen kiya jaaega aur na hi iske liye koi samay-seema hi nirdhaarit ki jaaegi. Bhaarat ki sabhi bhaashaaen samaan roop se aadaraneeya hain aur ye hamaari raashtrabhaashaaen hain.[2]

1960

hindi tankan, hindi aashulipi ka anivaarya prashikshan aarambh kiya gaya.

27.4.1960

sansadeeya samiti ki report par raashtrapati ke aadesh jaari kiye gaye jinmein hindi shabdaavaliyon ka nirmaan, sanhitaaon va kaaryavidhik saahitya ka hindi anuvaad, karmachaariyon ko hindi ka prashikshan, hindi prachaar, vidheyakon ki bhaasha, uchchatam nyaayaalaya va uchch nyaayaalayon ki bhaasha aadi mudde hain.

10.5.1963

anuchhed 343(3) ke praavadhaan va shri Jawahar laal Nehru ke aashvaasan ko dhyaan mein rakhate hue raajabhaasha adhiniyam banaaya gaya. iske anusaar hindi sangh ki raajabhaasha va angreji sah-raajabhaasha ke roop mein prayog mein laai gayi.

5.9.1967

pradhaan mantri ki adhyakshata mein kendreeya hindi samiti ka gathan kiya gaya. yeh samiti sarkaar ki raajabhaasha neeti ke sambandh mein mahatvapoorn disha-nidesh dene waali sarvochch samiti hai. is samiti mein pradhaanamantri ji ke alaava naamit kendreeya mantri, kuchh raajyon ke mukhyamantri, saansad tatha hindi evam anya bhaarateeya bhaashaaon ke vidvaan sadasya ke roop mein shaamil kiye jaate hain.

16.12.1967

sansad ke donon sadanon dvaara raajabhaasha sankalp paarit kiya gaya jismein hindi ke raajakeeya prayojanon hetu uttarottar prayog ke liye adhik gahan aur vyaapak kaaryakram taiyaar karne, pragati ki sameeksha ke liye vaarshik moolyaankan report taiyaar karne, hindi ke saath -saath 8veen anusoochi ki anya bhaashaaon ke samanvit vikaas ke liye kaaryakram taiyaar karne, tribhaasha sootr ka apnaaye jaane, sangh sevaaon ke liye bharti ke samay hindi va angreji mein se kisi ek ke gyaan ki aavashyakta apekshit hone tatha sangh lok seva aayog dvaara uchit samay par pareeksha ke liye samvidhaan ki 8veen anusoochi mein sammilit sabhi bhaashaaon tatha angreji ko vaikalpik maadhyam ke roop mein rakhane ki baat kahi gayi hai. (sankalp 18.8,1968 ko prakaashit hua)

1967

sindhi bhaasha samvidhaan ki aathaveen anusoochi mein sammilit ki gayi.

8.1.1968

raajabhaasha adhiniyam, 1963 mein sanshodhan kiye gaye. tadanusaar dhaara 3 (4) mein yeh praavadhaan kiya gaya ki hindi mein ya angreji bhaasha mein praveen sangh sarkaar ke karmachaari prabhaavi roop se apna kaam kar sakein tatha keval is aadhaar par ki ve donon hi bhaashaaon mein praveen naheen hain, unka koi ahit na ho. dhaara 3 (5) ke anusaar sangh ke raajakeeya prayojanon mein angreji bhaasha ka prayog samaapt kar dene ke liye aavashyak hai ki sabhi raajyon ke vidhaan mandalon dvaara (jinki raajabhaasha hindi naheen hai) aise sankalp paarit kiye jaaen tatha un sankalpon par vichaar karne ke pashchaat angreji bhaasha ka prayog samaapt karne ke liye sansad ke harek sadan dvaara sankalp paarit kiya jaae.

1968

raajabhaasha sankalp 1968 mein kiye gaye praavadhaan ke anusaar varsh 1968-69 se raajabhaasha hindi mein kaarya karne ke liye vibhinn madon ke lakshya nirdhaarit kiye gaye tatha iske liye vaarshik kaaryakram taiyaar kiya gaya.

1.3.1971

kendreeya anuvaad bureau ka gathan.

1973

kendreeya anuvaad bureau ke Delhi sthiti mukhyaalaya mein ek prashikshan kendra ki sthaapana.

1974

teesari shreni ke neeche ke karmachaariyon, audyogik pratishthaanon ke karmachaariyon tatha kaarya prabhaarit karmachaariyon ko chhodkar kendra sarkaar ke karmachaariyon ke saath-saath kendra sarkaar ke svaamitv evam niyantranaadheen nigmon, upakramon, bankon aadi ke karmachaariyon va adhikaariyon ke liye hindi bhaasha, tankan evam aashulipi ka anivaarya prashikshan.

June, 1975

raajabhaasha se sambandhit samvaidhaanik, vidhik upabandhon ke kaaryaanvayan hetu raajabhaasha vibhaag ka gathan kiya gaya.

1976

raajabhaasha niyam banaae gaye.

1976

sansadeeya raajabhaasha samiti ka gathan. tab se ab tak samiti ne apni report ke 8 bhaag prastut kiye hain jinmein se pratham 7 par raashtrapati ke aadesh jaari ho gaye hain. aathavein khand mein ki gayi sanstutiyon par mantraalayon va raajya sarkaaron ki tippani praapt ki ja rahi hai.

1977

shri atal bihaari Vajpayee, tatkaaleen videsh mantri ne pehli baar sanyukt raashtra ki aam sabha ko hindi mein sambodhit kiya.

1981

kendreeya sachivaalaya raajabhaasha seva sanvarg ka gathan kiya gaya.

25.10.1983

kendreeya sarkaar ke mantraalayon, vibhaagon, sarkaari upakramon, raashtreeyakrut bankon mein yaantrik aur ilektraanik upakaranon dvaara hindi mein kaarya ko badhaava dene tatha upalabdh dvibhaashi upakaranon ke prachaar-prasaar ke uddeshya se raajabhaasha vibhaag mein takaneeki kaksh ki sthaapana ki gayi.

21.8.1985

kendreeya hindi prashikshan sansthaan ka gathan karmachaariyon/adhikaariyon ko hindi bhaasha, hindi tankan aur hindi aashulipi ke poornakaalik gahan prashikshan suvidha upalabdh karaane ke liye kiya gaya.

1986

kothaari shiksha aayog ki report. 1968 mein pehle hi yeh sifaarish ki ja chuki thi ki Bhaarat mein shiksha ka maadhyam bhaarateeya bhaashaaen honi chaahiye. uchch shiksha ke maadhyam ke sambandh mein nai shiksha neeti (1986) ke kaaryaanvayan - kaaryakram mein kaha gaya -

school star par aadhunik bhaarateeya bhaashaaen pehle hi shikshan maadhyam ke roop mein prayukt ho rahi hain. aavashyakta is baat ki hai ki vishvavidyaalaya ke star par bhi inhein uttarottar maadhyam ke roop mein apna liya jaae. iske liye apeksha yeh hai ki raajya sarkaarein, vishvavidyaalaya anudaan aayog se paraamarsh karke, sabhi vishyon mein aur sabhi staron par shikshan maadhyam ke roop mein uttarottar aadhunik bhaarateeya bhaashaaon ko apanaaen.
1986-87

indira Gandhi raajabhaasha puraskaar praarambh kiye gaye.

9.10.1987

raajabhaasha niyam, 1976 mein sanshodhan kiye gaye.

1988

videsh mantri ke roop mein sanyukt raashtra ki general assembly mein tatkaaleen videsh mantri shri narasinh Rao ji hindi mein bole.

1992

konkani, manipuri va nepaali bhaashaaen samvidhaan ki aathaveen anusoochi mein sammilit ki gayi.

14.9.1999

sangh ki raajabhaasha hindi ki svarn jayanti manaai gayi.

24.1.2000

raajabhaasha vibhaag ka portal ka lokaarpan maananeeya gruh mantri ji dvaara kiya gaya jismein vibhaag se sambandhit vibhinn jaanakaariyaan dvibhaashik roop mein upalabdh karaai gayi .

20.10.2000

raashtreeya gyaan vigyaan maulik pustak lekhan puraskaar varsh 2001-02 se aarambh karne ki ghoshana ki gayi jismein nimn puraskaar raashiyaan hain :-

(1) pratham praraskaar - 100000 rupaye
(2) dviteeya praraskaar - 75000 rupaye
(3) truteeya puraskaar - 50000 rupaye
(4) 10 saantvana puraskaar - 100000 rupaye
2.9.2003

dau॰ seeta kaant mahaapaatr ki adhyakshata mein ek samiti ka gathan kiya gaya jo samvidhaan ki aathaveen anusoochi mein anya bhaashaaon ko sammilit kiye jaane tatha aathaveen anusoochi mein sabhi bhaashaaon ko sangh ki raajabhaasha ghoshit kiye jaane ki saadhyata parakhane par vichaar karegi. samiti ne 14.6.2004 ko apni report sarkaar ko prastut ki.

11.9.2003

mantrimandal ne N.di.A. tatha si.di.S. ki pareekshaaon mein prashn patron ko hindi mein bhi taiyaar karne ka nirnaya liya.

14.9.2003

computer ki sahaayata se prabodh, praveen tatha praajnya star ki hindi swayam seekhane ke liye raajabhaasha vibhaag ne computer program (leela hindi prabodh, leela hindi praveen, leela hindi praajnya) taiyaar karva kar sarv saadhaaran dvaara usaka nishulk prayog ke liye use raajabhaasha vibhaag ki vaib site par upalabdh kara diya hai.

8.1.2004

bodo, dogari, maithili tatha saanthaali bhaashaaon ko samvidhaan ki aathaveen anusoochi mein rakha.

22.7.2004

kendreeya sarkaar ki raajabhaasha neeti ke anupaalan /kaaryaanvayan ke liye nyoonatam hindi padon ke maanak pun nirdhaarit.

6.9.2004

maatrubhaasha vikaas parishd dvaara daayar ek janahit yaachika par uchchatam nyaayaalaya ne yeh paaya ki vaigyaanik evam takaneeki shabdaavali aayog ke gathan ka uddeshya hindi evam anya aadhunik bhaashaaon ke liye takaneeki shabdaavali mein ekaroopata apnaaya jaana hai. yeh ekaroopata takaneeki shabdaavali ke prayog ke liye aavashyak hai. uchchatam nyaayaalaya ne nidesh diya ki aayog dvaara banaai gayi takaneeki shabdaavali Bhaarat sarkaar ke antargat N.si.E.aar.ti tatha isi prakaar ki anya sansthaaon dvaara taiyaar ki ja rahi paathaya pustakon mein prayog mein laai jaae.

14.9.2004

computer ki sahaayata se tamil, telugu, malayalam tatha kannad bhaashaaon ke maadhyam se prabodh, praveen tatha praajnya star ki hindi swayam seekhane ke liye computer program taiyaar karva kar uske nishulk prayog ke liye use raajabhaasha vibhaag ki vaib site par upalabdh kara diya.

20.6.2005

525 hindi font, font code kanavartar, angreji - hindi shabdakosh, hindi spell chekar ko nishulk prayog ke liye web site par upalabdh kara diya gaya. inhein http://ildc.in <http://ildc.gov.in/> se daaunalod kiya ja sakta hai.

8.8.2005

raashtreeya gyaan-vigyaan maulik pustak lekhan puraskaar ka naam badal kar Rajiv Gandhi raashtreeya gyaan-vigyaan maulik pustak lekhan puraskaar kar diya gaya tatha puraskaar raashi badha kar nimn prakaar kar di gayi :-

pratham puraskaar - roo0 2 lakh
dviteeya puraskaar - roo0 1.25 lakh
truteeya puraskaar - roo0 0.75 lakh
saantvana puraskaar (10) - roo0 10 hajaar pratyek ko

yeh yojana varsh 2004-95 mein prakaashit pustakon se laagoo hogi.

14.9.2005

computer ki sahaayata se baangala bhaasha ke maadhyam se prabodh, praveen tatha praajnya star ki hindi swayam seekhane ke liye program taiyaar karva kar raajabhaasha vibhaag ki vaib site par upalabdh kara diya gaya.

mantra-raajabhaasha angreji se hindi anuvaad software prashaasanik evam vittiya kshetron ke liye prayog evam daaunalod hetu raajabhaasha vibhaag ki vaib site par upalabdh kara diya.

14.9.2006

computer ki sahaayata se udiya, asami, manipuri tatha maraathi bhaasha ke maadhyam se prabodh, praveen tatha praajnya star ki hindi swayam seekhane ke liye program taiyaar karva kar raajabhaasha vibhaag ki vaib site par upalabdh kara diya.

mantra-raajabhaasha angreji se hindi anuvaad software laghu udyog evam krushi kshetron ke liye prayog evam daaunalod hetu raajabhaasha vibhaag ki vaib site par upalabdh kara diya.

14.9.2007

computer ki sahaayata se nepaali, punjabi, Kashmiri tatha gujaraati bhaasha ke maadhyam se prabodh, praveen tatha praajnya star ki hindi swayam seekhane ke liye program taiyaar karva kar raajabhaasha vibhaag ki vaib site par upalabdh kara diya.

mantra-raajabhaasha angreji se hindi anuvaad software soochana-praudyogiki evam svaasthya suraksha kshetron ke liye prayog evam daaunalod hetu raajabhaasha vibhaag ki vaib site par upalabdh kara diya.

shrutalekhan-raajabhaasha (hindi speech se hindi teksat) antim varjan jan-prayog ke liye maarkit mein bikri ke liye upalabdh hai.

sandarbh

inhein bhi dekhein

baahari kadiyaaain