Bhaarat ka yojana aayog

Bhaarat ka yojana aayog, Bhaarat sarkaar ki ek sanstha thi jiska pramukh kaarya panchavarsheeya yojanaayein banaana tha. iske atirikt iske anya kaarya hain: -

  • desh ke sansaadhanon ka aakalan karna.
  • in sansaadhanon ke prabhaavi upayog ke liye panchavarsheeya yojanaaon ka nirmaan karna.
  • praathamiktaaon ka nirdhaaran aur yojanaaon ke liye sansaadhanon ka aavantan karna.
  • yojanaaon ke safal kaaryaanvayan ke liye aavashyak machinery ka nirdhaaran karna.
  • yojanaaon ki pragati ka aavadhik moolyaankan karna.
  • desh ke sansaadhanon ka sabse prabhaavi aur santulit dhang se upayog karne ke liye yojanaaon ka nirmaan karna.
  • aarthik vikaas ko baadhit karne vaale kaarakon ki pehchaan karna.
  • yojana ke pratyek charan ke safal kriyaanvayan ke liye aavashyak machinery ka nirdhaaran karna.

2014 mein tatkaaleen pradhaanamantri Narendra Modi ne ise bhang karne ki ghoshana kar di tatha 2015 January mein iske sthaan par neeti aayog ke gathan kiya gaya.[1]

anukram

itihaas

Bhaarat mein british raaj ke antargat sabse pehle 1930 mein, buniyaadi aarthik yojanaayein banaane ka kaam shuru hua. Bhaarat ki aupaniveshik sarkaar ne aupachaarik roop se ek kaarya yojana board ka gathan bhi kiya jisne 1944 se 1946 tak kaarya kiya. niji udyogapatiyon aur arthashaastriyon ne 1944 mein kam se kam teen vikaas yojanaayein banaain.

svatantrata ke baad Bhaarat ne yojana banaane ka ek aupachaarik model apnaaya aur iske tahat yojana aayog, jo seedhe Bhaarat ke pradhaanamantri ko report karta tha, ka gathan 15 March 1950 ko pradhaanamantri javaaharalaal Nehru ki adhyakshata me kiya gaya.

pratham panchavarsheeya yojana 1951 mein shuroo ki gayi aur iske baad 1965 tak do aur panchavarsheeya yojanaayein banaai gayeen, 1965 ke baad Pakistan se yuddh ke kaaran sangharsh yojana banaane ka kaam me vyavadhaan pada. do saal ke lagaataar sookhe, mudra ka avmoolyan, keematon mein saamaanya vruddhi aur sansaadhanon ke ksharan ke kaaran yojana prakriya baadhit hui aur 1966 aur 1969 ke beech teen vaarshik yojanaaon ke baad, chauthi panchavarsheeya yojana ko 1969 mein shuroo kiya gaya.

kendra mein teji se badalate raajaneetik paridrushya ke chalte aathaveen yojana 1990 mein shuru naheen ki ja saki aur varsh 1990-91 aur 1991-92 ko vaarshik yojanaayein maana gaya. sanrachanaatmak samaayojan ki neetiyon ki shurooaat ke baad, aakhirkaar 1992 mein aathaveen yojana ko shuroo kiya gaya.

pehle aath yojanaaon me mukhya jor teji se badh rahe saarvajanik kshetr par tha aur is dauraan aadhaarbhoot aur bhaari udyog mein bhaari nivesh kiya gaya, lekin 1997 ki nauveen yojana ki shurooaat ke baad se, saarvajanik kshetr par jor thoda kam tha,

sangathan

Bhaarat ke yojana aayog ke bhootapoorv upaadhyaksh, montek Singh Ahluwalia, vishv aarthik manch par

aayog ke sanyojan me apni sthaapana ke baad se kaafi parivartan aaya hai. pradhaanamantri ke paden adhyaksh hone ke saath, samiti me ek naamajad upaadhyaksh bhi hota hai, jiska raink ek cabinet mantri ke baraabar hota hai. Manmohan Singh neet Congress sarkaar ke dauraan 2014 mein shri montek Singh Ahluwalia aayog ke antim upaadhyaksh the. iske baad ki Narendra Modi sarkaar ne is aayog ko udaarikran ke nae daur mein apraasangik maanate hue ise samaapt kar diya.

kuchh mahatvapoorn vibhaagon ke cabinet mantri aayog ke asthaayi sadasya hote hai, jabki sthaayi sadasyon me arthashaastr, udyog, vigyaan evam saamaanya prashaasan jaise vibhinn kshetron ke visheshagya shaamil hote hain.

aayog apne vibhinn prabhaagon ke maadhyam se kaarya karta hai, jinke teen prakaar hain:

  • saamaanya yojana prabhaag
  • kaaryakram prashaasan prabhaag

aayog ke visheshagyon me adhiktar arthashaastri hote hain, yeh is aayog ko bhaarateeya aarthik seva ka sabse bada niyokta bana deta hai.

samaapti

2014 mein tatkaaleen pradhaanamantri Narendra Modi ne ise bhang karne ki ghoshana kar di tatha 2015 January mein iske sthaan par neeti aayog ke gathan kiya gaya.[1]

inhein bhi dekhein

sandarbh

baahari kadiyaaain