Bhaarat bhooshan (yogi)

Bhaarat bhooshan (yogi) (angreji: Bharat Bhushan (Yogi), janm: 30 April 1952) ek bhaarateeya yog shikshak hain. gruhasth dharm ka paalan karte hue unhonne poornat: sanyast bhaav se desh-videsh mein yog ko prachaarit aur prasaarit karne ka ullekhaneeya kaarya kiya. Bhaarat sarkaar ne unhein padm shri ki upaadhi se alankrut kiya.

yog evam shiksha ke kshetr mein raashtrapati se padm shri sammaan praapt karne vaale ve pratham bhaarateeya hain. yog ke saath-saath baudi bilding mein bhi unhein bhaaratashri ka ativishisht sammaan mil chuka hai. unka aisa maanana hai ki yog mein hi samast manushya jaati ki shaareerik, maanasik, saamaajik, raashtreeya aur antarraashtreeya samasyaaon ka ekamaatr samaadhaan nihit hai.

30 April 1952 ko uttar pradesh ke sahaaranapur mein pandit vishmbharasinh evam raamakali ke yahaaain^[1] janme Bhaarat bhooshan ne mahaj 20 baras se bhi kam aayu mein san 1971 mein apne ghar par hi mokshaayatan antarraashtreeya yogaashram ki neenv daali. isi pratishthaan ke banner tale unhonne apni putri pratishtha ke saath desh ke kai shaharon mein yog-shivir lagaakar aam aadmi ko yog ke prati jaagaruk karne ka udyog kiya. deshi-videshi shishyon ke beech yog ki lokapriyta mein apni gahari paith banaate hue sheegra hi yog guru ke roop mein vikhyaat ho gaye. san 1978 se unhonne vibhinn TV chainelon par bhi apne kaaryakram dene praarambh kar diye.

is grahasth sanyaasi ne bhaarateeya sashastr senaaon, audyogik pratishthaanon, vaigyaaniko, vidyaalayon aur vibhinn dharmaabalambiyon ke beech yog ke maadhyam se aadhyaatmik abhiruchi jaagrut karne ka jo ullekhaneeya kaarya kiya usase prabhaavit hokar Bhaarat sarkaar ko bhi unhein padm shri ki upaadhi se alankrut karna pada.^[2]

ek gruhasth yogi ke roop mein aajkal ve ji network ke saath milkar jaago Bhaarat aandolan chalaane mein poori shakti se date hue hain.^[3]

ganga nadi ke kinaare yog sikhaane ki bhoomika ko lekar unhonne tatkaaleen uttar pradesh sarkaar se sampark karke antarraashtreeya yog mahotsav ki shuruaat rishikesh se praarambh ki aur pehli baar mein hi ek vishaal kaaryakram kar daala. baad mein jab unke kaaryakramon mein videshi sailaani bhi bhaari sankhya mein jutne lage to unke sansthaan ko rishikesh ke paramaarth niketan mein atyaadhunik suvidhaaon ke saath shift kar diya gaya. Bhaarat bhooshan sarkaar ki is baat se sahamat naheen the. unka maanana tha ki bhaarateeya rishi-muniyon ki parampara ko prakruti ki god mein hi sikhaana sahi hai na ki yog ke sahaare atyaadhunik sukh suvidhaaon se samprukt paaainch sitaara hotelon ki pravrutti ko badhaava dena. unhein sarkaar ka yeh tareeka theek naheen laga aur unhonne swayam ko hi us pratishthaan se alag kar liya^[4][5] aur sahaaranapur ke beri baag sthit apne pratishthaan mokshaayatan antarraashtreeya yogaashram mein vaapas aa gaye. tab se lekar aaj tak ve apne parivaar ke saath rahate hue ek gruhasth sanyaasi ki sashakt bhoomika nibha rahe hain.^[6]

ji network ke saath milkar unhonne jaago Bhaarat aandolan ke naam se ek deshavyaapi abhiyaan shuroo kar rakkha hai. yog ke saath-saath ve dhyaan, dhaarana aur samaadhi ki shiksha apne pravachan aur pradarshan ke maadhyam dete hain. TV chainel ke maadhyam se unke kaaryakram ko laakhon log pratidin dekhte hain.^[7]

unhonne yog ke saath-saath baudi bilding mein bhi khulkar haath aajmaaye aur Bhaarat ke lagbhag sabhi praanton ki shareer saushthav pratiyogitaaon ke kai puraskaar jeete. poornat: shaakaahaari hote hue bhi unhonne bhaaratashri ka ativishisht sammaan praapt kiya.^[8]

• padm shri puraskaar (1990–1999)
• svaami raamadev
• professor raamamoorti Naidu (pahalavaan)

• Bhaarat yog dot com - adhikrut website
• sahaaranapur ke vishisht naagrik - yogiraaj Bhaarat bhooshan va unki putri pratishtha ke baare mein.
• yogaguru padmashri Bhaarat bhooshan - you tube par