Barack Obama

Barack Obama
बराक ओबामा

padasth
kaaryakaal praarambh
20 January, 2009
up raashtrapati jo biden
poorvavarti George vaukar bush

janm 4 August 1961
honolooloo, havaai
raajanaitik party demokraitik party
jeevanasangi Michelle Obama

Barack husain Obama (angreji: Barack Hussein Obama, janm: 4 August, 1961) amareeka ke 44vein raashtrapati hain. ve is desh ke pratham ashvet (afreeki amareekan) raashtrapati hain. unhonne 20 January, 2009 ko raashtrapati pad ki shapath li. Obama ilinauya praant se kanishth senetar tatha 2008 mein amareeka ke raashtrapati pad ke liye demokraitik party ke ummeedavaar the. Obama Harvard law school se 1991 mein snaatak banein, jahaaain ve Harvard law review ke pehle afreeki Amreeki adhyaksh bhi rahe. 1997 se 2004 ilinauya senet mein teen sevaakaal poorn karne ke poorv Obama ne saamudaayik aayojak ke roop mein kaarya kiya hai aur naagrik adhikaar adhivakta ke roop mein prektis ki hai. 1992 se 2004 tak unhonne Chicago vidhi vishvavidyaalaya mein samvaidhaanik kaanoon ka adhyaapan bhi kiya. san 2000 mein ameriki house of ripreseintetiv mein seat haasil karne mein asafal hone ke baad January 2003 mein unhonne Amreeki senet ka rukh kiya aur March 2004 mein praathamik vijay haasil ki. November 2003 mein senet ke liye chune gaye.

109vein kaaaingres mein alpasankhya demokrait sadasya ke roop mein unhonne paaramparik hathiyaaron par niyantran tatha sangheeya kosh ke prayog mein adhik saarvajanik uttaradaayitv ka samarthan karte vidheyakon ke nirmaan mein sahayog diya. ve poorvi yurop, madhya poorv aur Africa ki raajakeeya yaatra par bhi gaye. 110vein kaaaingres mein lobbying va chunaavi ghotaalon, paryaavaran ke badlaav, naabhikeeya aatankvaad aur yuddh se laute amereeki sainikon ki dekharekh se sambandhit vidheyakon ke nirmaan mein unhonne sahayog diya. vishvashaanti mein ullekhaneeya yogadaan ke liye Barack Obama ko varsh 2009 ke Nobel shaanti puraskaar ke liye chuna gaya hai.[1]

anukram

praarambhik jeevan

honolooloo mein janmein Obama kinyaai mool ke ashvet pita va Amreeki mool ki maata ke santaan hain. unka adhikaansh praarambhik jeevan amareeka ke havaai praant mein beeta. 6 se 10 varsh tak ki avastha unhonne Jakarta, Indonesia mein apni maata aur indoneshiyaai sautele pita ke sang bitaaya. baalyakaal mein unhein bairi naam se pukaara jaata tha. baad mein ve honolooloo vaapas aakar apni nanihaal mein hi rahane lage. 1995 mein unki maata ka Cancer se dehaant ho gaya. Obama ki patni ka naam Michelle hai. unka vivaah 1992 mein hua jisse unki do putriyaaain hain, 9 varsheeya maaliya tatha 6 varsheeya saasha. 2 November 2008 ko Obama ka aaranbhik laalan paalan karne waali unki daadi medalin dunaham ka 86 varsh ki aayu mein nidhan ho gaya[2].

Obama haarvad law school se 1991 mein snaatak banein, jahaaain ve haarvad law review ke pehle afreeki Amreeki adhyaksh bhi rahe. unhonne do lokapriya pustakein bhi likhi hain, pehli pustak dreams fraum maai faadar: a story of race end inheriteins ka prakaashan law school se snaatak banane ke kuchh din baad hi hua tha. is pustak mein unke honolooloo va Jakarta mein beete baalapan, loss enjalis va New York mein vyateet kaalej jeevan tatha 80 ke dashak mein Chicago shahar mein saamudaayik aayojak ke roop mein unki naukri ke dinon ke sansmaran hain. pustak par aadhaarit aadiyo book ko 2006 mein pratishthit Grammy puraskaar se sammaanit kiya gaya hai. unki doosari pustak the odesiti of hope madhyaavadhi chunaav ke mahaj teen hafte pehle October 2006 mein prakaashit hui. yeh kitaab sheegra hi sarvaadhik bikne waali pustakon ki soochi mein shaamil ho gayi. pustak par aadhaarit aadiyo book ko bhi 2008 mein pratishthit Grammy puraskaar se navaaja gaya hai.[3] Chicago tribyoon ke anusaar pustak ke prachaar ke dauraan logon se milne ke prabhaav ne hi Obama ko raashtrapati pad ke chunaav mein utarane ka hausala diya.

raashtrapati pad ke naamaankan ka safar

5 June, 2008 ko yeh lagbhag tay ho gaya tha ki Obama ki ummeedavaari ke samarthan mein unki democratic pratidvandi tatha poorv amereeki pratham mahila Hillary Clinton apni daavedaari chhod deingi.[4]. amereeki itihaas mein Obama na keval paaainchavein afreeki ameriki senator (ameriki saansad) hain balki lokapriya maton se chune jaane vaale teesare aur senate mein niyukt ekamaatr afreeki amereeki senator bhi hain.

yeh bhi dekhein

baahari kadiyaaain

sandarbh