Balraj madhok

Balraj madhok

professor Balraj madhok (25 fravari 1920 - 02 May 2016) raashtreeya swayamsevak sangh ke prachaarak, Jammu-Kashmir praja parishad ke sansthaapak aur mantri, akhil bhaarateeya vidyaarthi parishad ke sansthaapak, bhaarateeya jan sangh ke ek sansthaapak aur adhyaksh the. ve unnees sau saath ke dashak ke varisht raajaneta the. ve sansad (Loksabha) ke do baar sadasya rah chuke hain. ve ganamaanya shikshaavid, vichaarak, itihaasavetta, lekhak evam raajaneetik vishleshak bhi the.

anukram

jeevani

unka janm 25 fravari 1920 ko Jammu evam kaashmeer raajya ke askaardoo (Askardu) mein hua tha. unki uchch siksha Lahore vishvavidyaalaya mein hui. 18 varsh ki aayu mein apne chhaatrajeevan mein hi ve raashtreeya swayamsevak sangh ke sampark mein aaye. san 1942 mein bhaarateeya sena mein seva (commission) ka prastaav thukaraate hue unhone aar S S ke prachaarak ke roop mein desh ki seva karne ka vrat liya.

February, 1973 mein Kanpur mein janasangh ki raashtreeya kaaryakaarini ke saamane ek not pesh kiya. us not mein madhok ne aarthik neeti, bankon ke raashtreeyakaran par janasangh ki vichaaradhaara ke ulat baatein kahi theen. iske alaava madhok ne kaha tha ki janasangh par RSS ka asar badhta ja raha hai. madhok ne sangathan mantriyon ko hataakar janasangh ki kaaryapranaali ko jyaada lokataantrik banaane ki maang bhi uthaai thi. Lal Krishna Advani us samay janasangh ke raashtreeya adhyaksh the. ve madhok ki in baaton se itne naaraaj ho gaye ki Advani ne madhok ko party ka anushaasan todne aur party virodhi gatividhiyon mein shaamil hone ki vajah se unhein teen saal ke liye party se baahar kar diya gaya. is ghatna se Balraj madhok itne aahat hue the ki fir kabhi naheen laute.

madhok janasangh ke janta party mein vilay ke khilaaf the. 1979 mein unhonne 'bhaarateeya janasangh' ko janta party se alag kar liya. unhonne apni party ko badhaane ki har sambhav koshish ki, lekin safalta haasil naheen hui. 96 varsh ki aayu mein 2 May 2016 ko unki mrutyu ho gayi.

Balraj madhok dvaara rachit pustakein

shri Balraj madhok ne san 1947 likhna aarambh karke 30 se adhik pustakein likhi hai. inmein se pramukh hain:

  • vibhaajit Bhaarat mein muslim samasya ka punarodaya
  • Kashmir : jeet mein haar
  • khandit Kashmir
  • jeet ya haar
  • dau॰ shyaama prasaad mukharji - ek jeevani
  • Kashmir : center of new alaainmeints
  • Pakistan : aadi aur ant
  • Hindustan on the Cross Roads
  • Portrait of a Martyr (Biography of Shyama Prasad Mukerjee),
  • Kashmir: The Storm Center of The World,
  • Bungling in Kashmir,
  • Kargil and Indo-Pak Relations,
  • Rationale of Hindu State, etc.

sammaan

  • vaakanakar puraskaar (2011)
  • veer saavarakar puraskaar (2012)

baahari kadiyaaain