BBC hindi

BBC hindi ek antararaashtreeya samaachaar seva hai. iska aarambh 11 May 1940 ko hua. praarambh mein yeh seva radio ke maadhyam se sanchaalit hoti thi. vartamaan mein ye seva radio ke saath-saath website evam saamaajik jaalasthalon par bhi sanchaalit ho rahi hai.

anukram

parichay

in saath varshon mein duniya mein kaafi kuchh badla hai aur hindi seva hamesha samay ke saath chalti rahi hai. agar sahi khabar chaahiye to BBC suniye, yeh duniya bhar mein yeh ek muhaavara ban chuka hai.

pichhle saath saal se aap tak sahi aur nishpaksh samaachaar pahuaincha rahi hai BBC hindi seva vishvasaneeyata ne lokapriyta ka raasta apne aap khol diya. ek svatantr sarvekshan ke anusaar, is samay Bhaarat mein kareeb ek karod log BBC hindi ke prasaaran sunate hain. iske alaava dakshin Asia aur khaadi ke deshon mein bhi BBC ke shrotaaon ki badi sankhya hai.

Internet kraanti BBC ke liye nae avsar lekar I hai, aap tak pahunchane aur taaja samaachaar pahunchaane ka avsar. har roj hajaaron log BBC hindi website par aate hain aur yeh aankada bahut teji se badh raha hai.

ateet

BBC London se hindi mein prasaaran pehli baar 11 May 1940 ko hua tha. isi din vinstan charchil Britain ke pradhaanamantri bane the. BBC hindustaani service ke naam se shuru kiye gaye prasaaran ka uddeshya dviteeya vishv yuddh ke dauraan bhaarateeya upamahaadveep ke britaani sainikon tak samaachaar pahunchaana tha. Bhaarat ki aajaadi aur vibhaajan ke baad hindustaani service ka bhi vibhaajan ho gaya, aur 1949 mein January maheene mein Indian sekshan ki shuruaat hui.

is seva ki shuruaat Bhaarat ke jaane-maane prasaarak julfikaar bukhaari ne ki thi, baad mein Balraj saahani aur George oravel jaise shaanadaar prasaarak hindustaani seva se jude. purushottam laal paahava, aale hasan, hareeshachandr khanna aur ratnaakar bhaarateeya jaise sheersh prasaarakon ne morcha sambhaala aur hindi seva ne jhande gaad diye. 1950 ke dashak mein BBC hindi seva mein indar Kumar gujaraal ne bhi patrakaarita aur prasaaran kaushal ke kshetr mein apne haath aajmaae, tab ve ek sharmeele vyaapaari hua karte the aur 47 saal baad Bhaarat ke pradhaanamantri bane.

1960 ke dashak mein aae Mahendra kaul, himaanshu Kumar bhaadudi aur onkaaranaath shreevaastav, Kailash Budhvaar aur Bhagwan prakaash 1970 ke dashak mein BBC hindi seva se jude. 1980-1990 ke dashakon mein bhi kai patrakaar aur prasaarak aae aur yeh silsila ab bhi jaari hai.

BBC team

BBC hindi ki team chaubees ghante kaam karti hai. London hi naheen, Bhaarat ke lagbhag har raajya ki rajdhani mein inke patrakaar logon tak samaachaar pahunchaane ke liye tainaat hain.

1994 mein Delhi mein hindi seva ne bureau banaaya jismein desh ke behatareen patrakaar raat-din kaam karte hain aur shrotaaon liye khabarein jutaate hain. BBC hindi seva apni vishisht bhaasha shaili aur nishpakshata ke liye hamesha se jaani jaati rahi hai. raajaneeti se lekar khel ke maidaan tak har vishay par inke utkrusht kaaryakram hindi patrakaarita ko disha dete rahe hain.

kadiyaan