Allahabad uchch nyaayaalaya

Allahabad uchch nyaayaalaya ke bhavan ka chhaayaachitr

Allahabad uchch nyaayaalaya (Allahabad High Court) Bhaarat ke uttar pradesh raajya ka uchch nyaayaalaya hai. Bhaarat mein sthaapit sabse puraane uchch nyaayaalayon mein se ek hai. yeh 1869 se kaarya kar raha hai.

itihaas

Allahabad uchch nyaayaalaya mool roop se british raaj mein bhaarateeya uchch nyaayaalaya adhiniyam 1861 ke antargat Agra mein 17 March 1866 ko sthaapit kiya gaya tha. uttari-pashchimi praanton ke liye sthaapit is nyaayaadhikran ke pehle mukhya nyaayaadheesh the sar vaaltar maurgan. san 1869 mein ise Agra se Allahabad sthaanaantarit kiya gaya. 11 March 1919 ko iska naam badal kar 'Allahabad uchch nyaayaalaya' rakh diya gaya.

2 November 1925 ko avadh nyaayik aayukt ne avadh civil nyaayaalaya adhiniyam 1925 ki Governor general se poorv sveekruti lekar sanyukt praant vidhaanamandal dvaara adhiniymit karva kar is nyaayaalaya ko avadh cheef court ke naam se Lucknow mein pratisthaapit kar diya. kaakori kaand ka aitihaasik mukaddamein ka nirnaya avadh cheef court Lucknow mein hi diya gaya tha.

25 February 1948 ko, uttar pradesh vidhaan sabha ne ek prastaav paarit kar raajyapaal dvaara Governor general ko yeh anurodh kiya gaya ki avadh cheef court Lucknow aur Allahabad haai court ko milaakar ek kar diya jaaye. iska parinaam yeh hua ki Lucknow aur Allahabad ke donon (pramukh va uchch) nyaayaalayon ko 'Allahabad uchch nyaayaalaya' naam se jaana jaane laga tatha iska saara kaamkaaj Allahabad se chalne laga. haaain itna jaroor hua ki haai court ki ek sthaai bench Lucknow mein bani rahane di gayi jisse sarkaari kaam mein vyavadhaan na ho.

jab uttaraakhand ke raajya ka gathan 2000 mein hua, uchch nyaayaalaya ke kaaryakshetr mein se uttaraakhand ke terah jile nikaal kar uttaraakhand uchch nyaayaalaya se sambaddh kar diye gaye jiska mukhyaalaya naineetaal mein hai.

baahari kadiyaaain