Akshay vat

kurukshetr ke nikat jyotisr mein akshayavat

puraanon mein varnan aata hai ki kalpaant ya pralaya mein jab samast pruthvi jal mein doob jaati hai us samay bhi vat ka ek vruksh bach jaata hai. Akshay vat kahalaane vaale is vruksh ke ek patte par ishvar baalaroop mein vidyamaan rahakar srushti ke anaadi rahasya ka avlokan karte hain. Akshay vat ke sandarbh kaalidaas ke raghuvansh tatha cheeni yaatri hven tsaang ke yaatra vivranon mein milte hain.

prayaag

Akshay vat prayaag mein triveni ke tat par aaj bhi avasthit kaha jaata hai.

hinduon ke alaava jain aur bauddh bhi ise pavitra maanate hain. kaha jaata hai buddh ne Kailash parvat ke nikat prayaag ke Akshay vat ka ek beej boya tha.[1] jainon ka maanana hai ki unke teerthankar rishabhadev ne Akshay vat ke neeche tapasya ki thi. prayaag mein is sthaan ko rishabhadev tapasthali (ya tapovan) ke naam se jaana jaata hai.

anya sthaan

Varanasi aur gaya mein bhi aise vat vruksh hain jinhein Akshay vat maan kar pooja jaata hai. kurukshetr ke nikat jyotisr naamak sthaan par bhi ek vatavruksh hai jiske baare mein aisa maana jaata hai ki yeh Bhagwan Krishna dvaara arjun ko diye gaye geeta ke upadesh ka saakshi hai.

sootr