Akshay truteeya

Akshay truteeya
अक्षय तृतीया
Akshay truteeya
aadhikaarik naam Akshay truteeya
anya naam aakha teej, Akshay teej
anuyaayi hindu, jain
uddeshya dharm, punya, dhan aur
karm aadi Akshay fal
tithi vaishaakh maas mein shukl paksh ki truteeya tithi
utsav vrat, daan, poojan
samaan parv * chaitr shukl pratipda,

Akshay truteeya ya aakha teej vaishaakh maas mein shukl paksh ki truteeya tithi ko kehte hain. pauraanik granthon ke anusaar is din jo bhi shubh kaarya kiye jaate hain, unka Akshay fal milta hai.[1] isi kaaran ise Akshay truteeya kaha jaata hai.[2] vaise to sabhi baarah maheenon ki shukl paksheeya truteeya shubh hoti hai, kintu vaishaakh maah ki tithi svayansiddh muhoorto mein maani gayi hai.

anukram

mahatva

Akshay truteeya ka sarvasiddh muhoort ke roop mein bhi vishesh mahatva hai. maanyata hai ki is din bina koi panchaang dekhe koi bhi shubh va maangalik kaarya jaise vivaah, gruh-pravesh, vastr-aabhooshanon ki khareedadaari ya ghar, bhookhand, vaahan aadi ki khareedadaari se sambandhit kaarya kiye ja sakte hain.[3] naveen vastr, aabhooshan aadi dhaaran karne aur nai sanstha, samaaj aadi ki sthaapana ya udaghaatan ka kaarya shreshth maana jaata hai. puraanon mein likha hai ki is din pitron ko kiya gaya tarpan tatha pindadaan athva kisi aur prakaar ka daan, Akshay fal pradaan karta hai. is din ganga snaan karne se tatha bhagavat poojan se samast paap nasht ho jaate hain. yahaaain tak ki is din kiya gaya jap, tap, havan, svaadhyaaya aur daan bhi Akshay ho jaata hai. yeh tithi yadi somvaar tatha rohini nakshatr ke din aae to is din kiye gaye daan, jap-tap ka fal bahut adhik badh jaata hain. iske atirikt yadi yeh truteeya madhyaahn se pehle shuroo hokar pradosh kaal tak rahe to bahut hi shreshth maani jaati hai. yeh bhi maana jaata hai ki aaj ke din manushya apne ya svajanon dvaara kiye gaye jaane-anajaane aparaadhon ki sachche man se ishvar se kshama praarthana kare to Bhagwan uske aparaadhon ko kshama kar dete hain aur use sadagun pradaan karte hain, at: aaj ke din apne durgunon ko Bhagwan ke charanon mein sada ke liye arpit kar unase sadagunon ka varadaan maaaingane ki parampara bhi hai.

hindu dharm mein mahatva

Akshay truteeya ke din brahm muhoort mein uthakar samudra ya ganga snaan karne ke baad Bhagwan vishnu ki shaant chitt hokar vidhi vidhaan se pooja karne ka praavadhaan hai. naivedya mein jau ya gehooain ka sattoo, kakadi aur chane ki daal arpit kiya jaata hai. tatpashchaat fal, fool, baratan, tatha vastr aadi daan karke braahmanon ko dakshina di jaati hai.[4] braahman ko bhojan karavaana kalyaanakaari samjha jaata hai. maanyata hai ki is din sattoo avashya khaana chaahiye tatha nae vastr aur aabhooshan pahanane chaahiye. gau, bhoomi, svarn paatr ityaadi ka daan bhi is din kiya jaata hai. yeh tithi vasant ritu ke ant aur greeshm ritu ka praarambh ka din bhi hai isliye Akshay truteeya ke din jal se bhare ghade, kulhad, sakore, pankhe, khadaaooain, chhaata, chaaval, namak, ghi, kharabooja, kakadi, cheeni, saag, imali, sattoo aadi garami mein laabhakaari vastuon ka daan punyakaari maana gaya hai.[2][5][3] is daan ke peechhe yeh lok vishvaas hai ki is din jin-jin vastuon ka daan kiya jaaega, ve samast vastueain svarg ya agale janm mein praapt hogi. is din lakshmi Narayan ki pooja safed kamal athva safed gulaab ya peele gulaab se karna chaahiye.

sarvatr shukl pushpaani prashastaani sadaarchane.

daanakaale ch sarvatr mantra met mudeerayet.

[6]

arthaat sabhi maheenon ki truteeya mein safed pushp se kiya gaya poojan prashansaneeya maana gaya hai.

aisi bhi maanyata hai ki Akshay truteeya par apne achhe aacharan aur sadgunon se doosaron ka aasheervaad lena Akshay rahata hai. Bhagwan vishnu aur maata lakshmi ki pooja vishesh faladaayi maani gayi hai. is din kiya gaya aacharan aur satkarm Akshay rahata hai.[6]

bhavishya puraan ke anusaar is tithi ki yugaadi tithiyon mein ganana hoti hai, satayug aur treta yug ka praarambh isi tithi se hua hai.[6] Bhagwan vishnu ne nar-Narayan, hayagreev aur parashuraam ji ka avataran bhi isi tithi ko hua tha.[5] brahmaaji ke putr Akshay Kumar ka aavirbhaav bhi isi din hua tha.[2] is din shri badreenaath ji ki pratima sthaapit kar pooja ki jaati hai aur shri lakshmi Narayan ke darshan kiye jaate hain. prasiddh teerth sthal badreenaaraayan ke kapaat bhi isi tithi se hi pun: khulate hain. vrundaavan sthit shri baanke bihaari ji mandir mein bhi keval isi din shri vigrah ke charan darshan hote hain, anyatha ve poore varsh vastron se dhake rahate hain.[5][3] ji.M. hinge ke anusaar truteeya 41 ghati 21 pal hoti hai tatha dharm sindhu evam nirnaya sindhu granth ke anusaar Akshay truteeya 6 ghati se adhik hona chaahiye. padm puraan ke anusa is truteeya ko apaharan vyaapini maanana chaahiye.[1] isi din mahaabhaarat ka yuddh samaapt hua tha aur dvaapar yug ka samaapan bhi isi din hua tha.[2] aisi maanyata hai ki is din se praarambh kiye gaye kaarya athva is din ko kiye gaye daan ka kabhi bhi kshaya naheen hota. madanaratn ke anusaar:

asyaan tithau kshayamurpati hutan na dattan. tenaakshayeti kathita munibhistruteeya.

uddishya daivatapitrunkriyte manushyai:. tat ch akshayan bhavati Bhaarat sarvamev.

[5]

prachalit kathaaeain

Akshay truteeya ki anek vrat kathaaeain prachalit hain. aisi hi ek katha ke anusaar praacheen kaal mein ek dharmadaas naamak vaishya tha. usaki sadaachaar, Dave aur braahmanon ke prati kaafi shraddha thi. is vrat ke mahaatmya ko sunane ke pashchaat usane is parv ke aane par ganga mein snaan karke vidhipoorvak devi-devataaon ki pooja ki, vrat ke din svarn, vastr tatha divya vastueain braahmanon ko daan mein di.[3] anek rogon se grast tatha vruddh hone ke baavajood bhi usane upavaas karke dharm-karm aur daan punya kiya. yahi vaishya doosare janm mein kushaavati ka raaja bana.[5] kehte hain ki Akshay truteeya ke din kiye gaye daan va poojan ke kaaran vah bahut dhani prataapi bana. vah itna dhani aur prataapi raaja tha ki tridev tak uske darbaar mein Akshay truteeya ke din braahman ka vesh dhaaran karke uske mahaayajnya mein shaamil hote the. apni shraddha aur bhakti ka use kabhi ghamand naheen hua aur mahaan vaibhavashaali hone ke baavajood bhi vah dharm maarg se vichlit naheen hua. maana jaata hai ki yahi raaja aage chalakar raaja chandragupt ke roop mein paida hua.[2][3]

skand puraan aur bhavishya puraan mein ullekh hai ki vaishaakh shukl paksh ki truteeya ko Renuka ke garbh se Bhagwan vishnu ne parashuraam roop mein janm liya. konkan aur chiploon ke parashuraam mandiron mein is tithi ko parashuraam jayanti badi dhoomadhaam se manaai jaati hai. dakshin Bhaarat mein parashuraam jayanti ko vishesh mahatva diya jaata hai. parashuraam jayanti hone ke kaaran is tithi mein Bhagwan parashuraam ke aavirbhaav ki katha bhi suni jaati hai. is din parashuraam ji ki pooja karke unhein arghya dene ka bada maahaatmya maana gaya hai. saubhaagyavati striyaaain aur kvaari kanyaaeain is din Gauri-pooja karke mithaai, fal aur bheege hue chane baaaintati hain, Gauri-paarvati ki pooja karke dhaatu ya mitti ke kalash mein jal, fal, fool, til, ann aadi lekar daan karti hain. maanyata hai ki isi din janm se braahman aur karm se kshatriya bhruguvanshi parashuraam ka janm hua tha. ek katha ke anusaar parashuraam ki maata aur vishvaamitr ki maata ke poojan ke baad prasaad dete samay rishi ne prasaad badal kar de diya tha. jiske prabhaav se parashuraam braahman hote hue bhi kshatriya svabhaav ke the aur kshatriya putr hone ke baad bhi vishvaamitr brahmarshi kahalaae. ullekh hai ki seeta svayanvar ke samay parashuraam ji apna dhanush baan shri Ram ko samarpit kar sannyaasi ka jeevan bitaane anyatr chale gaye. apne saath ek farasa rakhate the tabhi unka naam parashuraam pada.

jain dharm mein Akshay-truteeya

teerthankar aadinaath ko pratham aahaar dete raaja shreyaans (chitr- Ajmer jain mandir)

jain dharmaavalambiyon ka mahaan dhaarmik parv hai. is din jain dharm ke pratham teerthankar shri rishabhadev Bhagwan ne ek varsh ki poorn tapasya karne ke pashchaat ikshu (shoradi-ganne) ras se paaraayan kiya tha. jain dharm ke pratham teerthakar shri aadinaath Bhagwan ne satya va ahinsa ka prachaar karne evam apne karm bandhanon ko todne ke liye sansaar ke bhautik evam paarivaarik sukhon ka tyaag kar jain vairaagya angeekaar kar liya. satya aur ahinsa ke prachaar karte-karte aadinaath prabhu hastinaapur gajapur padhaare jahaaain inke pautr somayash ka shaasan tha. prabhu ka aagaman sunakar sampoorn nagar darshanaarth umad pada somaprabhu ke putr Rajkumar shreyaans Kumar ne prabhu ko dekhkar usane aadinaath ko pehchaan liya aur tatkaal shuddh aahaar ke roop mein prabhu ko ganne ka ras diya, jisse aadinaath ne vrat ka paaraayan kiya. jain dharmaavalanbiyon ka maanana hai ki ganne ke ras ko ikshuras bhi kehte hain is kaaran yeh din ikshu truteeya evam Akshay truteeya ke naam se vikhyaat ho gaya.

Bhagwan shri aadinaath ne lagbhag 400 diwas ki tapasya ke pashchaat paaraayan kiya tha. yeh lambi tapasya ek varsh se adhik samay ki thi at: jain dharm mein ise varsheetap se sambodhit kiya jaata hai. aaj bhi jain dharmaavalanbi varsheetap ki aaraadhana kar apne ko dhanya samajhte hain, yeh tapasya prati varsh kaartik ke Krishna paksh ki ashtami se aarambh hoti hai aur doosare varsh vaishaakh ke shuklapaksh ki Akshay truteeya ke din paaraayan kar poorn ki jaati hai. tapasya aarambh karne se poorv is baat ka poorn dhyaan rakha jaata hai ki prati maas ki chaudas ko upavaas karna aavashyak hota hai. is prakaar ka varsheetap kareeban 13 maas aur das din ka ho jaata hai. upavaas mein keval garm paani ka sevan kiya jaata hai.

Bhaarat varsh mein is prakaar ki varshi tapashcharya karne vaalon ki sankhya hajaaron tak pahuainch jaati hai. yeh tapasya dhaarmik drushtikon se anyakt hi mahattvapoorn hai, vaheen aarogya jeevan bitaane ke liye bhi upayogi hai. sanyam jeevanayaapan karne ke liye is prakaar ki dhaarmik kriya karne se man ko shaant, vichaaron mein shuddhata, dhaarmik pravrutriyon mein ruchi aur karmon ko kaatne mein sahayog milta hai. isi kaaran is Akshay truteeya ka jain dharm mein vishesh dhaarmik mahatva samjha jaata hai. man, vachan evam shraddha se varsheetap karne vaale ko mahaan samjha jaata hai.

sanskruti mein

is din se shaadi-byaah karne ki shuruaat ho jaati hai. bade-bujurg apne putr-putriyon ke lagan ka maangalik kaarya aarambh kar dete hain. anek sthaanon par chhote bachche bhi poori reeti-rivaaj ke saath apne gud‌aada-gudiya ka vivaah rachaate hain. is prakaar gaaainvon mein bachche saamaajik kaarya vyavahaaron ko swayam seekhate va aatmasaat karte hain. kai jagah to parivaar ke saath-saath poora ka poora gaaainv bhi bachchon ke dvaara rache gaye vaivaahik kaaryakramon mein sammilit ho jaata hai. isliye kaha ja sakta hai ki Akshay truteeya saamaajik va saanskrutik shiksha ka anootha tyauhaar hai. krushak samudaaya mein is din ekatrit hokar aane vaale varsh ke aagaman, krushi paidaavaar aadi ke shagun dekhte hain. aisa vishvaas hai ki is din jo sagun krushakon ko milte hain, ve shat-pratishat satya hote hain. rajput samudaaya mein aane wala varsh sukhamaya ho, isliye is din shikaar par jaane ki parampara hai.

vibhinn praanton mein Akshay truteeya

bundelakhand mein Akshay truteeya se praarambh hokar poornima tak badi dhoomadhaam se utsav manaaya jaata hai, jismein kuainvaari kanyaaeain apne bhaai, pita tatha gaaainv-ghar aur kutunb ke logon ko shagun baaaintati hain aur geet gaati hain. Akshay truteeya ko Rajasthan mein varsha ke liye shagun nikaala jaata hai, varsha ki kaamna ki jaati hai, ladkiyaaain jhund banaakar ghar-ghar jaakar shagun geet gaati hain aur ladke patang udaate hain. yahaaain is din saat tarah ke annon se pooja ki jaati hai. maalava mein nae ghade ke oopar khrabooja aur aam ke pallav rakh kar pooja hoti hai. aisa maana jaata hai ki is din krushi kaarya ka aarambh kisaanon ko samruddhi deta hai.

anya mahattvapoorn tithiyaaain

hindu dharm me chaar tithiyaaain ati shreshth maani gayeen hai

sandarbh

  1. a aa Akshay truteeya : daan ka mahaaparv . web duniya
  2. a aa i E u shubh muhoort ka doosra naam hai Akshay truteeya . navabhaarat times. 27 April 2009. pan.keval aanand Joshi
  3. a aa i E u Akshay truteeya ka maahaatmya evam katha. web duniya.
  4. Akshay truteeya par milta hai Akshay fal. web duniya
  5. a aa i E u Akshay truteeya (16 May) ki mahima niraali. hindi lok. pan.hanumaan mishra
  6. a aa i danik bhaskarakshaya punyadaayini Akshay truteeya. dainik bhaaskar. p. jayagovind shaastri. 16 May 2010

baahari kadiyaaain