Agra ka kila

yunesko vishv dharohar sthal
Agra ka kila
vishv dharohar soochi mein ankit naam
amar Singh dwaar,
Agra ke laal kile ke do pravesh dvaaron mein se ek
desh Flag of India.svg Bhaarat
prakaar saanskrutik
sandarbh 251
yunesko kshetr south asia
shilaalekhit itihaas
shilaalekh 1983 (saatavaaain satr)

Agra ka kila ek yoonesko ghoshit vishv dharohar sthal hai, jo ki Bhaarat ke uttar pradesh raajya ke Agra shahar mein sthit hai. ise laal kila bhi kaha jaata hai. iske lagbhag 2.5 ki॰mee॰ uttar-pashchim mein hi, vishv prasiddh smaarak taaj mahal sthit hai. is kile ko chahaaradeevaari se ghiri praasaad (mahal) nagari kehna behtar hoga.

yeh Bhaarat ka sabse mahatvapoorn kila hai. Bhaarat ke mugal samraat baabar, humaayun, Akbar, jahaangeer, shaahajahaan va aurangajeb yahaan raha karte the, va yaheen se poore Bhaarat par shaasan kiya karte the. yahaan raajya ka sarvaadhik khajaana, sampatti va takasaal thi. yahaan videshi raajadoot, yaatri va uchch padasth logon ka aana jaana laga rahata tha, jinhonne Bhaarat ke itihaas ko racha.

anukram

itihaas

yeh moolat: ek inton ka kila tha, jo chauhaan vansh ke raajapooton ke paas tha. iska pratham vivran 1080 E. mein aata hai, jab Mehmood gajanavi ki sena ne is par kabja kiya tha. sikandar lodi (1487-1517), Delhi saltanat ka pratham sultaan tha, jisne Agra ki yaatra ki, va is kile mein raha tha. usane desh par yahaan se shaasan kiya, va Agra ko desh ki dviteeya rajdhani banaaya. usaki mrutyu bhi, isi kile mein 1517 mein hui thi, jiske baad, uske putr Ibrahim lodi ne gaddi nau varshon tak sambhaali, tab tak, jab vo Panipat ke pratham yuddh (1526) mein kaam naheen aa gaya. usane apne kaal mein, yahaan kai sthaan, masjidein va kuen banavaaye.

Panipat ke baad, mugalon ne is kile par bhi kabja kar liya, saath hi iski agaadh sampatti par bhi. is sampatti mein hi ek heera bhi tha, jo ki baad mein kohinoor heera ke naam se prasiddh hua. tab is kile mein Ibrahim ke sthaan par baabar aaya. usane yahaan ek baavali banavaayi. san 1530 mein, yaheen humaayun ka raajatilk bhi hua. humaayun isi varsh bilgraam mein sherashaah soori se haar gaya, va kile par usaka kabja ho gaya. is kile par Afghaanon ka kabja paanch varshon tak raha, jinhein antat: mugalon ne 1556 mein Panipat ka dviteeya yuddh mein hara diya.

is ki kendreeya sthiti ko dekhte hue, Akbar ne ise apni rajdhani banaana nishchit kiya, va san 1558 mein yahaan aaya. uske itihaasakaar abul fajal ne likha hai, ki yeh kila ek inton ka kila tha, jiska naam baadalagadh tha. yeh tab khasta haalat mein tha, va Akbar ko isi dobaara banavaana pada, jo ki usane laal baluaa patthar se nirman karavaaya. iski neenv bade vaastukaaron ne rakhi. ise andar se inton se banavaaya gaya, va baahari aavaran hetu laal baluaa pattahr lagavaaya gaya. iske nirmaan mein chaudah lakh chavaalees hajaar kaareegar va majadooron ne aath varshon tak mehnat ki, tab san 1573 mein yeh ban kar taiyaar hua.

Akbar ke pautr shaahajahaan ne is sthal ko vartamaan roop mein pahunchaaya. yeh bhi mithk hain, ki shaahajahaan ne jab apni priya patni ke liye Tajmahal banavaaya, vah prayaasarat tha, ki imaaratein shvet sangamarmar ki banein, jinmein sone va keemati ratn jade hue hon. usane kile ke nirmaan ke samay, kai puraani imaaraton va bhavanon ko tudva bhi diya, jisse ki kile mein usaki banavaayi imaaratein hon.

apne jeevan ke antim dinon mein, shaahajahaan ko uske putr aurangajeb ne is hi kile mein bandi bana diya tha, ek aisi saja, jo ki kile ke mahalon ki vilaasita ko dekhte hue, utani kadi naheen thi. yeh bhi kaha jaata hai, ki shaahajahaan ki mrutyu kile ke musamman burj mein, Tajmahal ko dekhete hue hui thi. is burj ke sangamarmar ke jharokhon se Tajmahal ka bahut hi sundar drushya dikhta hai.

yeh kila 1857 ka pratham bhaarateeya svatantrata sangraam ke samay yuddh sthali bhi bana. jiske baad Bhaarat se british East India company ka raajya samaapt hua, va ek lagbhag shataabdi tak Britain ka seedhe shaasan chala. jiske baad seedhe svatantrata hi mili.

khaaka

musamman burj ke andar ka drushya, jahaan shaahajahaan ne apni jeevan ke antim saat varsh Tajmahal ko nihaarate hue, apne putr va uttaraadhikaari aurangajeb ki najrabandi mein bitaaye.

Agra ke kile ko varsh 2004 ke liye aagaakhaan vaastu puraskaar diya gaya tha, va bhaarateeya daak vibhaag ne 28 November,2004 ko is mahaan kshan ki smruti mein, ek daakatikt bhi nikaala tha.

is kile ka ek ardh-vruttaakaar naksha hai, jiski seedhi or yamuna nadi ke samaanaantar hai. iski chahaaradeevaari sattar feet oonchi hain. ismein dohare parakote hain, jinke beechh beech mein bhaari burj baraabar antaraal par hain, jinke saath saath hi topon ke jharokhe, va raksha chaukiyaan bhi bani hain. iske chaar konon par chaar dwaar hain, jinmein se ek khijdi dwaar, nadi ki or khulata hai.

iske do dvaaron ko Delhi gate evam Lahore gate kehte hain (Lahore gate ko amarasinh dwaar bhi kaha jaata hai).

alankrut stambh

shahar ki or ka Delhi dwaar, chaaron mein se bhavyatam hai. iske andar ek aur dwaar hai, jise haathi pol kehte hain, jiske donon or, do vaastavaakaar paashaan haathi ki moortiyaan hain, jinke svaar rakshak bhi khade hain. ek dwaar se khulne wala pur, jo khaai par bana hai, va ek chor darvaaja, ise Ajay banaate hain.

smaarak svaroop Delhi gate, samraat ka aupachaarik dwaar tha, jise bhaarateeya sena dvaara (pairaashoot briged) hetu kile ke uttari bhaag ke liye chhaavani roop mein prayog kiya ja raha hai. at: Delhi dwaar jan saadhaaran hetu khula naheen hai. paryatak Lahore dwaar se pravesh le sakte hain, jise ki Lahore ki or (ab Pakistan mein) mukh hone ke kaaran aisa naam diya gaya hai.

sthaapatya itihaas ki drushti se, yeh sthal ati mahatvapoorn hai. abul fajl likhta hai, ki yahaan lagbhag paaainch sau sundar imaaratein, bangaali va gujaraati shaili mein bani theen. kaiyon ko shvet sangamarmar praasaad banavaane hetu dhvast kiya gaya. adhikaansh ko british ne 1803 se 1862 ke beech, bairek banavaane hetu tudva diya. vartamaan mein dakshin-poorvi or, mushkil se tees imaaratein shesh hain. inmein se Delhi gate, Akbar gate va ek mahal-bangaali mahal – Akbar ki pratinidhi imaaratein hain.

Akbar gate Akbar daravaaja ko jahaangeer ne naam badal kar amar Singh dwaar kar diya tha. yeh dwaar, Delhi-dwaar se mel khaata hua hai. donon hi laal baluaa patthar ke bane hain.

bangaali mahal bhi laal baluaa patthar ka bana hai, va ab do bhaagon -- akabari mahal va jahaangeeri mahal mein banta hua hai.

yahaan kai hindu va islaami sthaapatyakala ke mishran dekhne ko milte hain. balki kai islaami alankaranon mein to islaam mein haraam (varjit) namoone bhi milte hain, jaise—ajdahe, haathi va pakshi, jahaan aamtaur par islaami alankaranon mein jyaamiteeya namoone, likhaaiyaan, aayatein aadi hi falakon ki sajaavat mein dikhaai deteen hain.

Agra kile ka bheetari vinyaas aur sthal

khaas mahalal.
jahaaaingeeri mahal
  • angoori baag - 85 varg meter, jyaamitiya prabandhit udyaan
  • deevaan-A-aam - mein mayoor sinhaasan ya takhte taaus sthaapit tha iska prayog aam janta se baat karne aur unki farayaad sunane ke liye hota tha.
  • deevaan-A-khaas - ka prayog aur uske uchch padaadhikaariyon ki goshthi aur mantrana ke liye kiya jaata tha,jahaaaingeer ka kaala sinhaasan iski visheshata thi
  • svarn mandap - bangaali jhonpadi ke aakaar ki chhaton vaale sundar mandap
  • jahaaaingeeri mahal - Akbar dvaara apne putr jahaaaingeer ke liye nirmit
  • khaas mahal - shvet sangamaramar nirmit yeh mahal, sangamaramar rangasaaji ka utkrusht udaaharan hai
  • machhali bhavan - taalaabon aur favvaaron se susajjit, ant:pur (janaanakhaane) ke utsavon ke liye bada ghera
  • meena masjid- ek chhoti masjid
  • moti masjid - shaahajahaaain ki niji masjid
  • musamman burj - Tajmahal ki taraf unmukh aalind (chhajje) wala ek bada ashtabhujaakaar burj
  • nageena masjid - aalind baraabar me hi darbaar ki mahilaaon ke liye nirmit masjid, jiske bheetar jnaana meena baajaar tha jismein keval mahilaayein hi saamaan becha karti thi.
  • naubat khaana - jahaaain raaja ke sangeetajnya vaadyayantr bajaate the.
  • rang mahal - jahaaain raaja ki patni aur upapatni rahati thi.
  • shaahi burj - shaahajahaaain ka niji kaarya kshetr
  • shaahajahaaain mahalal - shaahajahaaain dvaara laal baluaa patthar ke mahal ke roopaantaran ka pratham prayaas
  • sheesh mahal - shaahi chhote jadaaoo darpanon se susajjit raajasi vastr badalne ka kamara

anya ullekhaneeya tathya

  • Agra ke kile ko, isse apekshaakrut bahut chhote Delhi ke laal kile se naheen bhramit kiya jaana chaahiye. mugalon ne Delhi ke laal kile ko kabhi kila naheen kaha, balki laal haveli kaha hai. Bhaarat ke pradhaan mantri yahaan ki praacheer se 15 August ko, svatantrata diwas ke avsar par, prati varsh, desh ki janta ko sambodhit karte hain.
  • sar arthar kaunan daayal, prasiddh angreji upanyaas lekhak ke sherlauk homs rahasya upanyaas the sign of for mein, Agra ke kile ka mukhya drushya hai.

prasiddh misri paup gaayak heesham Abbas ke alabam habeebi the mein Agra ka kila dikhaaya gaya hai.

mirja raaje jaya Singh ke sang “apurandar sandhi” ke anusaar, shivaaji Agra 1666 mein aaye, va aurangajeb se deevaan-A-khaas mein mile. unhein apamaan karne hetu, unke star se kaheen neecha aasan diya gaya. ve apamaanit hone se poorv hi, darbaar chhodkar chale gaye. baad mein unhein jayasinh ke bhavan mein hi 12 May,1666 ko najraband kiya gaya. unki ek ojapoorn ashavaarohi moorti, kile ke baahar lagaayi gayi hai.


yeh kila mugal sthaapatya kala ka ek aadarsh udaaharan hai. yahaan spasht hai, ki kaise uttar bhaarateeya durg nirmaan, dakshin bhaarateeya durg nirmaan se bhinn hota tha. dakshin Bhaarat ke adhikaansh durg, saagar kinaare nirmit hain.

ej of aimpaayar – 3 ke vistaar paik asian daaynaisteej, mein Agra ke kile ko bhaarateeya sabhyata ke paanch ajoobon mein se ek dikhaaya gaya hai, jise jeetne ke baad hi, koi agale star par ja sakta hai. ek baar banane ke baad, yeh khilaadi ko sikkon ke jahaaj bhejata rahata hai. is varjn mein kai anya khoobiyaan bhi hain.

chitr deergha

baahari kadiyaaain

strot