Abraham

Abraham

Abraham (lagbhag 1800 E.poo.) ibraani arthaat‌ yahoodi jaati ke pitaamah. baaibil mein Abraham ka arth 'bahut si jaatiyon ka janak' maana gaya hai. ye yaahanveh (ya ishvar) ke aadesh se mesopotemiya ke oopar tatha haaraam naamak shaharon ko chhodkar kaanaan aur misr chale gaye. baaibil mein Abraham ka jo vruttaant milta hai (utpatti granth, adhyaaya 11-25), usaki rachana lagbhag 900 E.poo. mein anek paranparaaon ke aadhaar par hui thi. ismein sanskruti aur reeti-rivaajon ka jo varnan hai vah hammuraabi (li. 1728-1686 E.poo.) se bahut kuchh milta-julata hai. ibraano tatha hammuraabi ke bahut se kaanoon ek jaise hain. aadhunik khudaai dvaara hammuraabi ka achha parichay praapt hua hai.

saari baaibil mein Abraham ka mahatva sveekrut hai-

(1) ye swayam yahoodi jaati ke pravartak the. baaibil ke anusaar ishvar ne unako kaanaan desh dilaane ki pratijnyaa ki thi. inke saath ishvar ka jo vyaakhyaan hua tha usaki smruti mein yahoodi khatana karte hain. isa Abraham ke sabse mahaan‌ vanshaj hain.

(2) Abraham ko ishvar ka das aur mitr kaha gaya hai. ishvar ke aadesh par ye apne ekamaatr putr yishhaak ka balidaan karne ke liye taiyaar the. Abraham ke dvaara samast jaatiyon ko ishvar ka aasheervaad milnevaala tha. vastut: Abraham un samast logon ke aadhyaatmik pita maane jaate hain, jo ishvar par aastha rakhate hain.

islaam dharm mein

islaam dharm k granth Quraan ke anusaar, ibraaheem ek bahut bade paigamabar hain. kuraaan mein ibraaheem ke naam se ek adhyaaya (soora) bhi hai jise "sooraye-ibraaheem" kahte hain.

sandarbh granth

  • H.H. raauli : reeseint diskavari aind di paitriaarkal ej, buletin ov di jaan raailenols laaibreri, September, 1949;
  • E. dorme : Abraham da li kedar di la histoer