A O hyoom

Allen okteviyn hyoom

Allen okteviyn hyoom (6 June 1829 - 31 July 1912) britishkaaleen Bhaarat mein civil seva ke adhikaari evam raajanaitik sudhaarak the. ve bhaarateeya raashtreeya Congress ke sansthaapakon mein se ek the.

hyoom prashaasanik adhikaari aur raajanaitik sudhaarak ke alaava maahir pakshi-vigyaani bhi the, is kshetr mein unke kaaryon ki vajah se unhein 'bhaarateeya paksheevijnyaaan ka pitaamah' kaha jaata hai.

jeevani

A O hyoom ka janm 1829 ko England mein hua tha. aapne angraji shaasan ki pratishthit Bengal civil seva mein chayanit hokar 1849 mein adhikaari bankar sarvapratham uttar praant ke janapad itaava mein aaye. 1857 ke pratham vidroh ke samamaya ve itaava ke kalaktar the. inhonne Bhaarat mein bhinn-bhinn padon par kaam kiya aur 1882 mein avakaash grahan kiya. isi samay british sarkaar ke asantoshajanak kaaryon ke falasvaroop Bhaarat mein adbhut jaagrati utpann ho gayi aur ve apne ko sanghatit karne lage. is kaarya mein hyoom saahab se bhaarateeyon badi prerana mili. 1884 ke antim bhaag mein surendranaath Bannerjee tatha vyomeshachandr Bannerjee aur hyoom saahab ke prayatn se Indian national yooniym ka sanghatan kiya gaya.

27 December 1885 ko Bhaarat ke bhinn-bhinn bhaagon se bhaarateeya neta Mumbai pahuainche aur doosare din sammelan aarambh hua. is sammelan ka saara prabandh hyoom saahab ne kiya tha. is pratham sammelan ke sabhaapati vyomeshachandr Bannerjee banaae gaye the jo bade yogya tatha pratishthit bangaali krishchiyn vakeel the. yeh sammelan "Indian national Congress" ke naam se prasiddh hua.

hyoom bhaaratavaasiyon ke sachche mitr the. unhonne Congress ke siddhaanton ka prachaar apne lekhon aur vyaakhyaanon dvaara kiya. inka prabhaav England ki janta par santoshajanak pada. vaayasaraaya laard dafarin ke shaasanakaal mein hi british sarkaar Congress ko shanka ki drushti se dekhne lagi. hyoom saahab ko bhi Bhaarat chhodne ki raajaajnyaa mili.

hyoom ke mitron mein daada bhaai nauroji, sar sureindranaath Bannerjee, sar feeroj shaah Mehta, shri gopaal Krishna gokhale, shri vyomeshachandr Bannerjee, shri baalagangaadhar tilk aadi the. inke dvaara shaasan tatha samaaj mein anek sudhaar hue.

unhonne apne vishraam ke dinon mein bhaaratavaasiyon ko adhik se adhik angreji sarkaar se dilaane ki koshish ki. is sambandh mein unako kai baar England bhi jaana pada.

England mein hyoom saahab ne angrejon ko yeh bataaya ki bhaaratavaasi ab is yogya hain ki ve apne desh ka prabandh swayam kar sakte hain. unako angrejon ki bhaaainti sab prakaar ke adhikaar praapt hone chaahiye aur sarkaari naukariyon mein bhi samaanata hona aavashyak hai. jab tak aisa na hoga, ve chain se na baitheinge.

England ki sarkaar ne hyoom saahab ke sujhaavon ko sveekaar kiya. bhaaratavaasiyon ko bade se bade sarkaari pad milne lage. Congress ko sarkaar achhi drushti se dekhne lagi aur uske sujhaavon ka sammaan karne lagi. hyoom saahab tatha vyomeshachandr Bannerjee ke har sujhaav ko angreji sarkaar maanati thi aur pratyek sarkaari kaarya mein unase salaah leti thi.

hyoom apne ko bhaarateeya hi samajhte the. bhaarateeya bhojan unako adhik pasand tha. geeta tatha baaibil ko pratidin padha karte the.

unke bhaashanon mein bhaarateeya vichaar hote the tatha bhaarateeya janta kaise sukhi banaai ja sakti hai aur angreji sarkaar ko bhaarateeya janta ke saath kaisa vyavahaar karna chaahiye, inheen sab baaton ko vah apne lekhon tatha bhaashanon mein kaha karte the.

ve kehte the ki Bhaarat mein ekta tatha sanghatan ki badi aavashyakta hai. jis samay bhi bhaaratavaasi in donon gunon ko apna leinge usi samay angrej Bhaarat chhodkar chale jaaeainge.

hyoom lokamaanya baalagangaadhar tilk ko sachcha deshbhakt tatha Bhaarat maata ka suputr samajhte the. unka vishvaas tha ki ve Bhaarat ko apne prayaas dvaara svatantrata avashya dila sakeinge.

inhein bhi dekhein

  • boodhe ki aasha, hyoom dvaara likhi gayi ek bhaarateeya deshbhakti ki kavita

baahari kadiyaaain