2008 vidhaanasabha chunaav

vidhaanasabha chunaav 2008


anukram

Jammu-Kashmir mein saat charanon mein chunaav

chunaav aayog ne ravivaar ko Jammu-Kashmir mein vidhaanasabha chunaav ki ghoshana kar di. vahaan 17 November se 24 December ke beech saat charanon mein vote daale jaaenge. mataganana 28 December ko hogi. is tarah raajya ki 87 seaton ke liye chunaav prakiya kareeb sava maheene tak chalegi. chunaav kaaryakramon ki ghoshana karte hue mukhya chunaav aayukt N. gopaalaasvaami ne yahaan bataaya ki barf se ghire leh aur Kargil kshetr mein shuruaati do charanon mein matadaan hoga. raajya ke kuchh raajaneetik dalon dvaara chunaav ka abhi maakool samay naheen bataane ke baavajood chunaav ke savaal par unhonne kaha ki aayog ne jokhim uthaaya hai. chunaav ka virodh pehle se kam hua hai. gaurtalab hai ki peedeepi is samay chunaav ke khilaaf hai aur national conference bhi shuroo mein virodh kar chuki hai. raajya mein chunaav ko lekar chunaav aayukton ke beech matabhedon ki baat unhonne sveekaari aur kaha ki sabhi ka apna alag najariya hota hai aur sabhi pahaluon par vichaar karna padta hai. samjha jaata hai ki donon chunaav aayukt turant chunaav ke paksh mein hain, jabki mukhya chunaav aayukt alag rai rakhate hain. kam matadaan ki aashanka par unhonne kaha ki kaafi kuchh raajaneetik dalon par nirbhar karta hai. unhonne bataaya ki chunaav karaane ke liye raajya ki machinery ki madad ke liye anya raajyon ke 3500 karmachaariyon ka dasta taiyaar rahega. kendra ne bhi nishpaksh aur svatantr chunaav ke liye paryaapt suraksha balon ki tainaati ka aashvaasan diya hai.


alagaavavaadi kareinge baayakaat

hurriyat conference samet kai alagaavavaadi sangathanon ne Jammu-Kashmir mein chunaav ko bekaar ki kavaayad bataate hue iska baayakaat karne ka ailaan kiya hai to Congress va bhaajapa ne iska svaagat kiya hai.

jokhim ka fanda: mukhya chunaav aayukt ne chunaav karaane ke faisale ke peechhe ka fanda yoon samajhaaya. chunaav par Jammu-Kashmir ke raajaneetik dalon ki haan-na ka ganit tha- pehle do na aur ek haan-na ke beech yaani paajitiv kaitegari thi. baad mein ek na badal gayi haan mein. is tarah sameekaran ek haan, ek na aur ek haan-na ke beech ka hua aur bas isi ganit par aayog ne chunaav karaane ka jokhim utha liya.


chunaav kab-kab

17,23,30 November
7, 13, 17, 24 December
kareeb 65 lakh matadaata, 87 vidhaanasabha kshetr

chunaav kyon

amaranaath bhoomi vivaad mein raajya ki Congress sarkaar se jab peedeepi ne samarthan vaapas le liya to alpamat mein aane par mukhyamantri gulaam nabi aajaad ne isteefa de diya. raajaneetik asthirta ke baad pradesh mein raajyapaal shaasan laga diya gaya. iski miyaad 10 January ko poori ho rahi hai aur isse pehle soobe mein chuni hui sarkaar jaroori hai.