Vaurming Se Doob Sakta Hai Dweep, Maangi Sharan

Vaurming Se Doob Sakta Hai Dweep, Maangi Sharan

World »

Okalaind. . Humne kai baar aatankvaad, dhaarmik kaaranon aur desh ke kharaab raajanaitik haalaat ki vajah se logon ko doosare desh mein sharanaarthi bante dekha hai. Lekin duniya mein pehli baar kisi vyakti ne paryaavaraneeya kaaranon ki vajah se doosare desh mein sharanaarthi banane ki ijaajat dene ki maang ki hai. 37 saal ke eon tetiote ne new jeelaind ke imigreshan adhikaariyon se sharanaarthi ka darja dene ki appeal ki hai. Usane iska kaaran bataaya ki madhya prashaant mahaasaagar mein sthit uske dweep kireebaati ko global vaurming ke kaaran se samudra ke badh rahe jalastar se khatra hai. Isliye use new jeelaind mein sharan di jaae. Haalaanki adhikaariyon ne appeal khaarij kar di aur visa samaapt hote hi use vaapas kireebaati bhejane ka aadesh diya. Haalaanki usane haar naheen maani hai aur apne vakeel ke saath paryaavaraneeya kaaranon ke kaaran duniya ka pehla sharanaarthi banane ki ladaai lad raha hai. Uske vakeel ka bhi kehna hai ki use vaapas na bheja jaae, kyonki koral ke pahaadon par sthit is dweep ke kai hisse si-leval se thode hi oopar hain. Okalaind court ne tetiote ke maamale mein faisala surakshit rakha hai. Court ka nirnaya is maheene ke aakhir mein aa sakta hai. Peene ka paani bhi naheen : Titiote ke vakeel ne bataaya ki samudra ke badhne ki vajah se dweep mein peene ke paani ka sankat paida ho gaya hai. Saath hi, fasalein bhi barbaad ho gayi hain. Ye mushkilein vahaan ki sarkaar bhi door naheen kar sakti, kyonki vah unke control mein naheen hai. Tetiote ke case se antaraashtreeya star par na sirf kireebaati ke 1 lakh logon ko madad milegi, balki Yeh un logon ke liye bhi faayademand saabit hoga jo manushya dvaara utpann kiye gaye paryaavaran ke khataron se prabhaavit hain. Antaraashtreeya kaanoon mein praavadhaan naheen : Bhale hi paryaavaran ke khataron ke kaaran laakhon logon par sharanaarthi banane ka khatra mandara raha hai, lekin iske liye abhi antaraashtreeya kaanoon mein praavadhaan naheen hai. Haalaanki is gambhir khatre ko dekhte hue unhein kaanoon banaane honge. Maaladeev par bhi khatra : Sanyukt raashtra maanavaadhikaar aayog ke anusaar kireebaati ke saath maaladeev, tuvaaloo aur tokelaau dweep par bhi khatra mandara raha hai. Kireebaati mein bhi agar samudra ka star badhne ki aashanka sahi hoti hai to poori janasankhya ko doosari jagah shift karne ka prastaav hai. Kireebaati sarkaar ne fiji mein 2 hajaar hekteyar kheti yogya jameen khareedi hai. Kireebaati ne prashaant mahaasaagar ke doosare dveepon ke saath milkar maajuro prastaav par hastaakshar kiya hai. Maajuro prastaav mein in chhote deshon par paryaavaran ke khataron ke kaaran padne vaale prabhaav par dhyaan dene ki appeal ki gayi hai.


Ameriki Sansad Ne Karj Seema Badhaane Ka Bill Paas Kiya, Shatadaaun Khatm

Ameriki Sansad Ne Karj Seema Badhaane Ka Bill Paas Kiya, Shatadaaun Khatm

World »

Washington. . Ameriki sansad ne desh mein 16 din puraani sarkaari kaamkaaj bandi ko samaapt karne ke liye karj seema badhaane ke vidheyak ko guruvaar ko antim kshanon mein paarit kar diya. Raashtrapati Barack Obama ne is par turat-furat hastaakshar kar diye taaki America karj bhugataan mein asafal hone se bach sake. Karj seema badhaane ki samay seema khatm hone se lagbhag chaar ghante pehle sansad ke donon sadanon (senet va pratinidhi sabha) mein Yeh vidheyak paarit ho gaya jismein senet mein vidheyak ke paksh mein 81 mat va virodh mein 18 mat pade. Vaheen pratinidhi sabha mein ise 285 maton se paarit kiya gaya, jabki iske virodh mein 144 mat pade. Vidheyak se 16,700 arab dollar ki maujooda karj seema ko badhaaya gaya hai. Raashtrapati Barack Obama ne is vidheyak 'Satat viniyog kaanoon 2014' par tatkaal hastaakshar kar diye. Is vidheyak se vitt varsh 2014 mein sangh sarkaar ki pariyojanaaon va parichaalan ke liye viniyog mil jaaega. Yeh viniyog paanch January 2014 tak jaari rahega. Vaait house ke press sachiv J kaarne ne ek bayaan mein kaha hai ki is kaanoon se desh ki karj seema bhi 7 February 2014 tak badh gayi hai.


Ameriki Senet Ne Sahaayak Videsh Mantri Pad Ke Liye Nisha Ke Naam Ko Manjoori Di

Ameriki Senet Ne Sahaayak Videsh Mantri Pad Ke Liye Nisha Ke Naam Ko Manjoori Di

World »

Washington. . Ameriki senet ne dakshini aur madhya Asia maamalon ke sahaayak videsh mantri pad ke liye bhaarateeya ameriki prashaasak nisha Desai bisvaal ke naam ko manjoori de di hai. Nisha is sheersh raajanayik pad par pahunchane waali bhaarateeya-ameriki samudaaya ki pehli shakhsiyt hain. Yooes agency for international divelapameint mein Asia maamalon ki sahaayak prashaasak ke pad par kaaryarat nisha videsh mantraalaya ke is aham pad par Robert blek ka sthaan leingi. Raashtrapati Barack Obama ne is pad ke liye 18 July ko nisha ke naam ki sifaarish ki thi. Senet ki videsh maamalon ki samiti ne nisha ke naam ki pushti ke liye pichhle maheene bahas ki thi. Bahas ke dauraan nisha ko donon dalon ka samarthan mila aur donon hi dalon ke saansadon ne unki taareef ki.


Shatadaaun Khatm, Patari Par Laut Raha Hai America

Shatadaaun Khatm, Patari Par Laut Raha Hai America

World »

Washington/new yaurk. . Ameriki prejideint baaraak Obama ke bajat se jude deal par sign karne ke saath hi ameriki shatadaaun ab aadhikaarik taur par tal gaya hai. Do hafte se jyaada vakt se thami hui America ki aam jindagi ke ab dheere-dheere patari par lautane ki ummeed hai. Dheere-dheere khuleinge park: Shatadaaun ki vajah se America ke 400 se jyaada naishanal park band pade the. Shatadaaun ke khatm hone ke baavajood inke dobaara se khulne mein vakt lagega. Aisa isliye kyonki bandi ke dauraan in paarkon ka meintineins ka kaam bhi thama hua tha, so suraksha ki drushtikon se meintineins ke baad hi ye park kuchh vakt baad dobaara se khole jaaenge. Haalaanki, naishanal joo aaj se khul jaaega. Kaam par turant lautane ka farmaan: Vaait house ne Budhvaar ko jaari bayaan mein kaha ki sabhi sarkaari karmachaariyon ko guruvaar tak kaam par laut jaana chaahiye. Guruvaar subah daftaron ki or se karmachaariyon se sampark shuroo ho gaya, jiske baad karmachaariyon ne aashvast kiya ki ve raaste mein hain aur jald hi kaam par lauteinge. Machhuaaron mein khushi: Shatadaaun ke peediton ke taur par sabse kam charcha mein rahe yahaan ke kraib pakadne vaale machhuaaron ke beech khushi hai. Yahaan guruvaar se kraib yaani kekade pakadne ke mausam ki shuruaat ho gayi. Haalaanki, bahut saare machhuaaron ko fishreej services ke daftar band hone ki vajah se license naheen mil jaae. Haalaanki, machhuaaron ko ummeed hai ki unhein jald hi license mil jaaega. Naasa ka kaamkaaj shuroo: Ameriki antariksh agency naasa ka kaamkaaj guruvaar ko aanshik taur par shuroo ho gaya. Agency ke gaudaard research lab ne tweet karke is baat ki jaankaari di ki unka kaamkaaj ab shuroo ho chuka hai. Haalaanki, naasa ki aadhikaarik site guruvaar tak shuroo naheen ho pai.


Ghadiyaal Ki Tasveer Se 14 Saal Ke Bhaarateeya Ko Best Photographer Award

Ghadiyaal Ki Tasveer Se 14 Saal Ke Bhaarateeya Ko Best Photographer Award

World »

London. . Madhya pradesh ki chanbal nadi ke ek ghadiyaal ne 14 saal ke bhaarateeya kishor ko is saal ka 'Yang vaaildalaaif photographer of the iyar award' jeetne mein madad ki. Udayan Rao Pawar ne taaje paani ke is ghadiyaal ki tasveer utaarane ke liye poori raat chanbal ke kinaare par gujaari. Pawar ki is tasveer mein shishu ghadiyaal paani mein apni maan ke sir par savaar dikh rahe hain. Unka kehna hai, 'Jaise hi subah hui main ek chattaan ke peechhe chhip gaya aur sooraj ki pehli kiran ke saath mainne ye tasveerein utaareen. ' Pawar ka kehna hai, 'Main unhein bolte hue sun sakta tha. Jaldi hi ek badi si maada tairati hui tat ke paas I aur apne bachchon ko dekhne lagi. Kuchh bachche jhatapat tairate hue uske paas pahunche aur maan ke sir par chadh gaye. Shaayad unhein surakshit mahasoos ho raha tha. ' sanrakshan ke tamaam prayaason ke baavajood taaje paani ke ghadiyaal lupt hone ke kagaar par hai. Avaidh baaloo khanan aur machhali pakadne ke kaaran takareeban 200 jode hi jeevit bache hain. Pawar ki tasveer ke baare mein prakrutivijnyaaani aur vanyajeev photographer tatha pratiyogita ke judge tooi de Roy ne kaha ki udayan ki tasveer ki kanpojishn aur timing donon bahut badhiya hai. Aisa lagta hai ki maan apne bachchon ko liye kaatar nigaahon ke saath appeal kar rahi ho ki mujhe jeene do shaanti se jeene do. Tasveer ka Yeh pahaloo bahut sundar hai.


Mara Hua 'Haaji Nikla Jinda

Mara Hua 'Haaji Nikla Jinda

World »

Dubai. . Haj yaatra par Saudi arab gaye ek bhaarateeya haj yaatri ko mrut maan liya gaya tha, lekin baad mein vah makka mein jeevit paaya gaya. Dakshin Bhaarat ke Tamil Nadu raajya ki badarunnisa aur barakatullaah haj karne makka aae hue the, lekin yahaan pahunchane ke pehle hi din donon ek-doosare se bichhd gaye. Saudi arab ke samaachaar patra 'Arab news' ke anusaar, chaar dinon tak barakatullaah ki talaash karne ke baad bhi jab vah naheen mila to badarunnisa ne maan liya ki uske pati ki mrutyu ho chuki hai. Uske saath haj yaatra par aae anya teerthayaatri bhi barakatullaah ko mrut maan chuke the. Barakatullaah ke parivaar vaalon ne mangalvaar ko Bhaarat mein unke antim sanskaar ki taiyaariyaan tak kar li theen. Samaachaar patra ne badarunnisa ke havaale se kaha - main sadme mein thi aur pati ki aatma ki shaanti ki duaaen kar rahi thi. Mainne Bhaarat mein bhi parivaar vaalon ko aisa hi karne ke liye kaha. Lekin ek swayamsevi sangathan, 'India fraitarniti forum' (aaiefaef) ne mangalvaar der shaam barakatullaah ko makka ke King abdullaah medical city aspataal ke ICU mein jinda dhoondh nikaala. Akhbaar ke mutaabik Saudi imarajeinsi team barakatullaah ko haj ke liye ambulance se araafaah le gayi aur baad mein vaapas aspataal pahuncha diya. Baad mein Saudi adhikaariyon ne badarunnisa ko talaash kar unhein aur chennai mein unke bete ko barakatullaah ke jinda hone ki khabar di. Apne pati ko jeevit paakar badarunnisa ne kaha ki Yeh kisi chamatkaar se kam naheen hai, kyonki ham to unhein mara hua maan chuke the.


Melbourne Airport Mein Ghusa Kangaaroo

Melbourne Airport Mein Ghusa Kangaaroo

World »

Melbourne. . Melbourne airport par apni flight ka intajaar kar rahe paiseinjaron ko tab badi hairaani hui jab ek ghaayal kangaaroo terminal mein bani ek faarmesi mein aa pahuncha. Is kaaran athauritiyon ko havaaiadde ka kuchh hissa band rakhana pada. Asal mein Yeh kangaaroo sadak par ghaayal ho gaya tha jiske baad Yeh airport mein ghus aaya. Yeh dekh police ne airport ke kuchh hisse ko lauk kar diya aur bachaav karmiyon ne ek bag mein kangaaroo ko bhar liya.


Laaos Mein Plane Crash, 39 Logon Ke Marne Ki Aashanka

Laaos Mein Plane Crash, 39 Logon Ke Marne Ki Aashanka

World »

Bainkauk. . Laaos mein Budhvaar ko mekaung nadi mein ek plane ke crash hokar gir jaane se usamein 39 logon ke maare jaane ki khabar hai. Thailand ke TV station ke mutaabik laao airlines ka Yeh plane Budhvaar der shaam mekaung nadi mein sama gaya. Thailand ke TV station ke mutaabik ismein 39 log maare gaye hain. Laaos ke airlines aur sarkaari adhikaariyon ne abhi iski pushti naheen ki hai.


Jhunpa Ko Pachhaad Kaitan Ne Jeeta Bukar Prize

Jhunpa Ko Pachhaad Kaitan Ne Jeeta Bukar Prize

World »

London. . Bhaarateeya mool ki ameriki lekhak jhunpa laahidi saal 2013 ke main bukar prize se chook gain. Is baar Yeh pratishthit puraskaar new jeelaind ki 28 saal ki lekhika elenaur kaitan ko diya gaya. Isi ke saath kaitan bukar prize paane waali sabse kam umr ki lekhak ban gain. Jhunpa ka upanyaas 'The lolaind' prize ki daud mein tha. 25 saal se shuroo kiya tha likhna kaitan ko 832 pannon vaale unke upanyaas 'The luminereej' ke liye Yeh prize mila. 19veen sadi ke gold rash par aadhaarit Yeh upanyaas ek murder mistri hai jise anoothi karaar diya gaya hai. Itihaas mein gold rash ek aisa time peeriyd tha jab duniya ke jis kone mein apratyaashit tareeke se sona milta tha, vahaan workers ka jabardast taadaad mein maaigreshan hota tha. 19veen sadi mein Australia, Brazil, Canada, south Africa aur America mein badi gold rash ki ghatnaaen hui theen. Prize jeetne ke baad kaitan ne kaha, is asaadhaaran puraskaar ke jariye maan-sammaan dilaane ke liye main main bukar puraskaar ka shukriya ada karti hoon. Gaurtalab hai ki jab kaitan ne Yeh upanyaas likhna shuroo kiya tha tab vah mahaj 25 saal ki theen. Moti magar dilchasp London ke gildahaul mein aayojit ek shaanadaar samaaroh mein kaitan ko Yeh puraskaar daches of kaurnavaul, kaimila paarkar-bovels ne pradaan kiya. Is saal nirnaayak mandal ke pramukh, lekhak aur samaalochak Robert maikafaarlen ne sveekaar kiya ki paathakon ko kaitan ki is moti kitaab ke liye achha-khaasa samay dena hoga. Unhonne kaha ki kitaab ki shuruaat dheemi hai, lekin aage badhne ke saath-saath Yeh dilchasp hoti jaati hai. Maikafaarlen ne kaha, Yeh upanyaas eksaperimeintal hai, lekin kisi bhi tareeke se kahaani kehne ki kala ko nakaarati naheen hai. Nirnaayakon ne is dauraan jhunpa ke upanyaas 'The lolaind' ki bhi taareef ki. 'The lolaind' 1960 ke dashak ke aakhir mein Kolkata mein pale-badhe do bhaaiyon ki kahaani hai.


Hillary Ki Gaadi Par London Mein Laga Faain

Hillary Ki Gaadi Par London Mein Laga Faain

World »

London. . Bina fees diye gaadi park kareinge to jurmaana to lagega hi. Kuchh aisa hi hua hai poorv ameriki videsh mantri Hillary Clinton ki limojin ke saath. London traffic vaurdan ne bina fees diye 45 minute tak limojin park karne par 80 pound ka faain lagaaya hai. Hillary shukravaar ko ek jaane maane think tank ke iveint mein shareek hone London mein theen. Isi dauraan unka security staaf 3.30 pound ka tikt khareedna bhool gaye aur gaadi ko central London ke seint James skveyar mein bina fees diye hi park kar liya. Asal mein ab Hillary ke paas diplomaitik status ya number plate naheen hai. Aise mein traffic vaurdan ne unki gaadi par jurmaane ka notice chipka diya. Haalaanki Hillary ke bodyguard jhallaate dikhe magar vaurdan bekhauf tha. Agar 14 din mein jurmaana diya jaata hai to use kam karke 40 pound kiya ja sakta hai. Hillary faain bhareingi ya naheen, is baare mein unki or se kuchh naheen kaha gaya hai.


America Mein Bhaarateeya-ameriki Mahila Ki Hatya, Poorv Pati Arest

America Mein Bhaarateeya-ameriki Mahila Ki Hatya, Poorv Pati Arest

World »

Washington. . America mein 49 varsheeya ek bhaarateeya-ameriki mahila ki hatya kar di gayi hai aur hatya ke maamale mein police ne uske poorv pati aur usaki patni ko giraftaar kiya hai. Police ne bataaya ki preeta paul gabba ki hatya ke maamale mein baladev taneja (62 saal) aur unki patni ramindar Kaur (63) ko giraftaar kiya gaya hai. Preeta ki Washington deesi ke upanagareeya jarman taaun street mein shanivaar subah mein goli maar kar hatya kar di gayi thi. Taneja aur Kaur par hatya karne ka aarop hai. Shanivaar subah mein gabba ko jarman taaun mein ek sadak par goli maar di gayi thi. Baad mein aspataal mein usaki maut ho gayi. Police ke mutaabik, kai pratyakshadarshiyon ne bataaya ki unhonne ghatnaasthal par ek mahila ko dekha tha, lekin police ke vahaan pahunchane se pehle hi vah vahaan se chali gayi thi. Adaalat mein talaak ke maamale mein pesh kiye gaye dastaavejon ke mutaabik is kapal ne 2002 mein shaadi ki thi, lekin 2010 mein us samay alag ho gaye jab taneja apni premika ke paas chale gaye the. Taneja aur gabba donon ne ek-doosare par apamaan karne ka aarop lagaaya tha. Adaalat ke rikaurdon ke mutaabik taneja ne kaha tha ki gabba us aur uske vyaapaar sahayogiyon par niyantran rakhana chaahati thi, jabki gabba ne kaha ki taneja use prataadit karta tha. Unhonne bataaya ki Tennessee ke Nashville mein rahane vaale taneja ko ghareloo maamale ko lekar 10 October ko montagomeri County ki adaalat mein pesh hona tha, lekin vah sunavaai ke dauraan vahaan upasthit naheen hua. Police ki jaanch se pata chala ki taneja aur ramindar 11 tatha 12 October ko montagomari County mein the. Donon ne 28 September ko Nashville se do pistaulein bhi khareedi theen. Soochana aur tathyon ke aadhaar par donon ke khilaaf giraftaari vaurant jaari hua aur 13 October ko unhein Nashville mein giraftaar kar liya gaya.


Filipeens Mein 7.2 Ki Teevrata Ka Bhookamp, 110 Log Mare

Filipeens Mein 7.2 Ki Teevrata Ka Bhookamp, 110 Log Mare

World »

Manila . . Central filipeens mein mangalvaar subah 7.2 ki teevrata ka bhookamp aaya jisse kai bilding aur chhatein toot gain aur sadkon par daraarein aa gain. Alag-alag ghatnaaon mein 110 logon ki jaan chali gayi. Poore central reejan mein bhookamp mahasoos kiya gaya. Is kaaran log gharon aur bildingon, yahaan tak ki aspataalon se bhi baahar nikal aae. Choonki Yeh naishanal haulide ka din tha isliye school, daftar band the, jisse kai jaanein bach gain. Chaukalet hills ko nuksaan : Bhookamp dopahar 1 bajkar 42 minute par balilihaan shahar ke paas kareeb 20 kilometer jameen ke andar aaya. Yeh ilaaka bohol mein padta hai jahaan ki sabse jyaada 57 mautein hui hain. Bohol aailaind filipeens ka mahashoor tourist destineshan hai. Shaanadaar beechon ke alaava Yeh 1000 se jyaada chhote-chhote laaimaston chaukalet hills ke liye femas hai. In hills ka khaasiyat Yeh hai ki draai season mein ye bhoore rang ki ho jaati hain. Afsos ki baat Yeh hai ki bhookamp ke kaaran in pahaadiyon ko bhi kaafi nuksaan hua hai aur maana ja raha hai ki is nuksaan ki bharpaai aasaan bhi naheen hai. Haadason ki takadeer : Gaurtalab hai ki filipaains paisifik oshan ke jis ilaake mein padta hai use ring of fire bhi kaha jaata hai. Yahaan dharati ke sabse jyaada jvaalaamukhi aur bhookamp ki ghatnaaen hoti hain. Pichhle saal February mein bhi mangalvaar ke bhookamp ke kendra waali jagah se 100 kilometer door neegroj aailaind mein bhi bhookamp aaya tha jismein 100 se jyaada log maare gaye the.


Tokyo Mein Bheeshan Toofaan 13 Log Mare, 50 Laapata

Tokyo Mein Bheeshan Toofaan 13 Log Mare, 50 Laapata

World »

Tokyo. . Japani dweep par aae bheeshan toofaan ke kaaran kam se kam 13 logon ke maare jaane ki khabar hai. Iske baad Yeh toofaan desh ke poorvi tat ki or badha, jiski vajah se sainkadon udaanein radd ki gain aur tokyo mein subah ke vakt saarvajanik yaataayaat thap pad gaya. Police aur shahar ke adhikaariyon ne kaha ki bachaavakarmiyon ne tokyo se 120 kilometer dakshin ki or sthit ijhoo oshima dweep par 13 ded baudi baraamad keen. Inmein se adhiktar ded baudi khisak chuki mitti mein dab gayi theen. Is tabaahi ke kaaran darjanon makaan nasht ho gaye the aur 50 se bhi jyaada log laapata hain. Shahar ke adhikaari hinaani umaatsoo ne kaha ki abhi is baat ka andaaja naheen hai ki is nuksaan ka kitna bura prabhaav ho sakta hai. Gaurtalab hai ki 'Vifa' naam ke is toofaan mein havaaen 180 kilometer prati ghanta ki raftaar se chal rahi theen. Iski vajah se tokyo ilaake ke darjanon school band rahe.


Kaale Dhan Ka Raaj Kholeinge Swiss Bank

Kaale Dhan Ka Raaj Kholeinge Swiss Bank

World »

Jineeva. . Tax choron par lagaam kasane aur kaale dhan ke khilaaf ladaai mein Bhaarat samet kai deshon ko badi kaamayaabi mili hai. Switzerland ne apni banking ke rahasyon par pada taala tod diya hai aur vah tax se jude maamalon ki jaankaari dene va in maamalon mein prashaasakeeya sahayog ke liye raaji ho gaya hai. Tax choron ke khilaaf chal rahi antararaashtreeya muhim ke tahat hue samjhaute par sign hone ke saath hi tax choron ko Swiss bankon ki gopaneeyata ka faayda naheen mil sakega. Gaurtalab hai ki Bhaarat samet kai deshon ki sarkaarein lambe samay se Swiss bankon mein jama kaale dhan ki jaankaari haasil karne ke prayaas kar rahi theen. Badhte antararaashtreeya dabaav ke kaaran Switzerland ne organaaijeshan for ikanaumik kaupareshan aind divelapameint (oiseedi) ki pahal par 58 deshon ke saath samjhauta kar liya hai. Is samjhaute ke tahat Switzerland in deshon dvaara maange jaane par fauran soochanaaen upalabdh karaaega. Oiseedi ne kai viksit deshon ke nirdesh par tax chori aur kaale dhan ke khilaaf muhim shuroo ki thi. Maana jaata hai ki duniya bhar ke tax chor Swiss bankon mein hi apna kaala dhan rakhate hain. Bhaarat samet duniya ke tamaam desh bhrashtaachaariyon ke khilaaf kaarravaai mein Swiss bankon ki gopaneeyata ki vajah se pareshaan the.


South Africa Mein 2 Bachchon Ki Maut Se Faisa Janaakrosh

South Africa Mein 2 Bachchon Ki Maut Se Faisa Janaakrosh

World »

Johannesburg. . Uttari Johannesburg ke deepasloot kasbe mein 2 chhote bachchon ke shav saarvajanik shauchaalaya mein paae jaae ke baad desh mein bhaari janaakrosh hai. News agency sinhuaa ke mutaabik raashtrapati Jacob juma ne mangalvaar ko ghatna par shok vyakt kiya. Unhonne kaha ki ghatna behad vyathit kar dene waali hai aur vah sadamein mein hain. Donon bachchon ki umr 2 aur 3 saal thi aur ve shanivaar se laapata the. Deepasloot ke sthaaneeya logon ne subah shauchaalaya mein bachchon ke shav dekhe. Deepasloot ke logon ne somvaar ko bachchon ke prati hinsa ke khilaaf sadkon par pradarshan kiya. Pradarshanakaariyon ne sarkaar se is tarah ke atyaachaar ko rokane ke liye tatkaal kaarravaai karne ki maang ki. Bhaari sankhya mein police bal ko pradarshan sthal par sthiti ko niyantran mein karne ke liye bheja gaya haalaanki pradarshan mein kisi tarah ki hinsa naheen hui.


Joote Bachaane Ke Liye Chadh Gaye Peeth Par

Joote Bachaane Ke Liye Chadh Gaye Peeth Par

World »

agency, peiching cheen ke ek adhikaari ko gaanvavaale ki peeth par chadhkar baadh prabhaavit ilaake ka daura karna bhaari pada hai. Usaki aisi tasveer online hui to sanasani fail gayi aur prashaasan ko use pad se hataana pada. Maamala cheen ke jhejiyaang praant ka hai, jahaan baadh I hui hai. Yahaan peediton se milne saankishi taaunaship sarkaar ke liye kaam karne vaale vaang pahunche. Vah taaunaship construction office ke director the. Par jab vah prabhaavit ilaake mein pahunche to unhonne kapde ke joote pahane the jo ki kaafi mahange the. Vah inhein utaakar paidal hi taalaab ko paar karna chaahate the magar ek gaanv vaale ne unhein peeth par laadakar taalaab paar karavaaya. Haalaanki shinhuaa ke mutaabik vaang mana kar rahe the magar ek baar fir unhein peeth par laadakar vahaan se le jaaya gaya. Gaurtalab hai ki jhejiyaang praant mein is maheene ki shuruaat mein aae toofaan ke kaaran 10 log maare gaye the aur 70 lakh log prabhaavit hue the. Ghar toot gaye the aur anaaj bah gaya tha.


Pak Mein Car Se Mahange Bik Rahe Hain Kurbaani Ke Jaanavar

Pak Mein Car Se Mahange Bik Rahe Hain Kurbaani Ke Jaanavar

World »

PTI, Islamabad Pakistan mein bakareed ki taiyaariyaan charam par hain, isliye kurbaani ke liye bakare khareedne ki hod machi hui hai. Is saal Pakistan mein kurbaani ke liye milne vaale ek jaanavar ki evarej keemat 20 hajaar Pakistani rupaye se shuroo hai. Adhiktam keemat ki baat karein to Yeh aankada 16 lakh rupaye tak pahunch jaata hai. Yaani kuchh maamalon mein yahaan kurbaani ke liye jaanavar khareedna ek brand new car se khareedne se bhi kaafi mahanga saabit ho raha hai. Yahaan ek nai car 7 lakh rupaye mein mil jaati hai. Is baar beete kuchh saalon ke mukaabale pehli baar kurbaani vaale pashuon ki keematein aasmaan chhoo rahi hain. 2012 ke mukaabale inki keemat kareeb double ho gayi hai. Kehna galat naheen hoga ki evarej inakam vaale logon ke liye is saal kurbaani ke liye jaanavar khareedna kisi sapane se kam naheen hai. Choriyaan badhi in jaanvaron ki demand itni badh gayi hai ki kai ilaakon mein gharon se inki chori hone ki khabarein mil rahi hain. Kikretar Imran farahat ne 1 lakh rupaye kharch karke Eid ke liye bakara khareeda tha. Lahore ke paush velesiya taaun ilaake se raaton raat kisi ne ise chura liya. Police mein shikaayat aur jaanch ke baavajood bakare ke baare mein koi jaankaari naheen mili. Yahaan ke kuchh news channelon ke liye to Yeh ghatna breking news sareekhi thi. Jaanvaron ki security ke liye firauti Eid ke aaspaas Pakistan mein jaanvaron ki chori koi nai baat naheen hai. Karachi ke kuchh ilaakon mein to log apne kurbaani vaale jaanavar ki sefti ke liye sthaaneeya maafiyaaon ko paise chukaate hain. Sirf isi saal firauti vasoolane vaale logon ne do jaanvaron ki us vakt goli maarkar hatya kar di, jab unke maalikon ne paise chukaane se inkaar kar diya. Online bikri agar kisi ko baajaar ke shorasharaabe se oob hai to vah in jaanvaron ko online bhi khareed sakta hai. Kurbaani online naam ki website Pak mein ghar ya pasandeeda lokeshan par jaanvaron ki delivery sunishchit karaane ka vaada kar rahi hai. Filhaal Yeh service Karachi tak hi seemit hai. Kasaaiyon ki bhi demand badhi jaanvaron ke saath is saal Pakistan mein kasaaiyon ki bhi demand badhi hai. Jaanvaron ko halaal karne ka rate 2 hajaar rupaye se lekar 15 hajaar rupaye tak hai.


Dileep Kumar Ka Ghar Banega Myoojiym

Dileep Kumar Ka Ghar Banega Myoojiym

World »

PTI, peshaavar hindi cinema ke jaane maane naam dileep Kumar ke Pakistan sthit Patrick ghar ko myoojiym mein tabdeel karne ka faisala kiya gaya hai. Khyber pakhtoonakhva sarkaar ne haal hi mein is baat ka ailaan kiya tha jiska ab Pakistan ke saanskrutik kaaryakartaaon ne bhi samarthan kiya hai. Asal mein isi ghar mein dileep Kumar ka janm hua tha. Is khabar ka svaagat karte hue lekhakon aur kaaryakartaaon ka kehna hai ki peshaavar mein kai badi hastiyaan janmi hain aur yahaan ke log dileep Kumar par fakhr mahasoos karte hain. Vah mahaan abhineta hain.


America Mein Aaya Karj Sankat To Doobega Kai Deshon Ka Arabon Dollar

America Mein Aaya Karj Sankat To Doobega Kai Deshon Ka Arabon Dollar

World »

PTI, Washington ameriki shatadaaun khatm naheen hone aur uske karj sankat mein fansane ki soorat mein Bhaarat ke 59 arab dollar bhi daanv par hai. Daraasal, Bhaarat ke paas ameriki sarkaar ki itni hi rakam ki securities hain. Business ki bhaasha mein is rakam ko eksapojar kaha jaata hai. Bhaarat ki Yeh rakam briks (Brazil, roos, Bhaarat, cheen aur America) deshon mein neeche se doosare number par hai. Trejari dipaartameint ke aankadon ke mutaabik, is saal June mein Bhaarat ke paas ameriki trejari ki 61.2 arab dollar ki securities theen jise Bhaarat baad mein ghataakar July tak 59.1 arab dollar tak le aaya tha. January mein Yeh rakam 58.5 arab dollar thi jo February mein ghatkar 56.8 arab dollar tak pahunch gayi thi. Haalaanki, ameriki karj sankat ke khatre ke baavajood reserve bank of India ke Governor raghuraam raajan ne kuchh dinon pehle America mein Bhaarat ki sampatti ko bechne se inkaar kar diya tha. Unhonne kaha tha, ham is baare mein (ameriki karj sankat) chintit naheen hain. Ameriki sarkaar ki securities rakhane ke maamale mein cheen pehle number par hai aur uske paas 12.8 kharab dollar ke kareeb hai. Iske baad Japan ka number hai jiske paas 11.4 kharab rakam ki ameriki securities hain. Ye saare aankadein July ke hain. Briks deshon mein cheen ke baad ameriki securities rakhane ke maamale mein Brazil ka number aata hai. July mein Brazil ke paas kareeb 256 arab dollar ki securities theen. Isi dauraan roos ke paas 131.6 arab dollar aur south Africa ke paas 13.8 arab dollar ki securities theen.


Obama Ne Ripblikns Ke Prapojal Ko Khaarij Kiya, US Mein Shatadaaun Jaari

Obama Ne Ripblikns Ke Prapojal Ko Khaarij Kiya, US Mein Shatadaaun Jaari

World »

Washington. . Ameriki sarkaar ke thap ho chuke kaamkaaj ko 17 October se pehle bahaal karne ki koshishon ko mangalvaar ko ek bada jhatka laga. Vaait house ne gatirodh ko khatm karne ke liye house of riprejeintetivs ripblikns ke prastaav ko khaarij karte hue ise kathit taur par 'Firauti' karaar diya. Vaait house ki pravakta Amy branadej ne kaha, 'Prejideint Barack Obama baar-baar kah rahe hain ki saansad apni mool jimmedaari ko poora karne ke liye firauti ki maang naheen kar sakte. Bajat paarit karna aur raashtra ke bilon ka bhugataan karna unki jimmedaari hai. ' unhonne kaha ki house of riprejeintetivs ripblikns ka taaja prastaav Republican party ke chhote se group ko shaant karne ki koshish hai. Vaastav mein sarkaar ka kaamkaaj thap hone ki sabse badi vajah yahi hai. Prejideint aage ki kaarravaai tay karne ke liye nainsi pelosi sahit house democrat ke netrutv ke saath bhi baithak karne ja rahe hain. Isse pehle house Republican ne ek band kamre mein hui baithak mein sarkaar ka kaamkaaj 15 January, 2014 tak chaaloo rakhane aur 7 February tak ke liye loan seema badhaane ki ghoshana ki thi. Mangalvaar ko ameriki saansadon ke beech pichhle 14 din se jaari shatadaaun ko khatm karne ke liye dinbhar baithakon ka daur chala. Isse ummeed bandhi thi ki sarkaar ka aanshik taur par band kaamkaaj fir shuroo ho sakega, loan seema badhaane par sahamati ban sakegi aur ek global kraaisis se bacha ja sakega.


Viytanaam Mein 'Naari Ka Kahar, 5 Mare

Viytanaam Mein 'Naari Ka Kahar, 5 Mare

World »

hainoi . . Taayafoon naari ne mangalvaar ko central viytanaam mein dastak di, jiski vajah se 5 logon ki maut ho gayi. Iske alaava, makaanon ki chhaton aur sadkon ko bhi kaafi nuksaan pahuncha hai. Daanang shahar mein mangalvaar ko school band rahe. Yahaan kareeb 133 kimee prati ghante ki raftaar se havaaen chaleen. Naari ke dastak dene se pehle viytanaam sarkaar ne kareeb 1 lakh 20 hajaar logon ko surakshit jagahon par pahunchaaya. Naari viytanaam mein is saal aaya 11vaan toofaan hai. Toofaan ki vajah se filipeens mein bhi 13 logon ki jaan gayi thi.


Saindavich Na Ban Jaae Duniya

Saindavich Na Ban Jaae Duniya

World »

America mein karj sankat talane ki ummeed jataai ja rahi hai. Senet mein democrat aur ripblikans netaaon ke beech baatcheet jaari hai aur unhein kisi hal ki ummeed hai. Lekin, agar gatirodh tootane mein der hui to poori duniya ko iska khaamiyaaja bhugatna pad sakta hai. Karj seema ko lekar donon raajaneetik paartiyon ke beech pichhle 15 dinon se gatirodh hai. Agar Budhvaar tak karj seema par faisala naheen hota hai to America mein pehli baar difault ho jaaega. Udhaar na le paane se ameriki sarkaar apne bhugataan naheen kar paaegi to isse duniya bhar mein aarthik mandi aa sakti hai. Sheyaron aur karansi par bura asar padega. Dhaatu samet kai jinson ke daam par bhi asar pad sakta hai. Bhaarat par kya asar bhaarateeya share baajaar mein videshi sansthaagat niveshakon ki kaafi jyaada hissedaari hai. Ye rakam nikaal leinge to baajaar dharaashaayi ho sakta hai. 2008 mein leemain brothers ke divaaliya hone ke baad yahaan share baajaar kaafi gire the aur arthavyavastha mein dheemaapan aa gaya tha. Ameriki sarkaar ka karj leemain brothers ke mukaabale 23 guna jyaada hai. Iske baad 2011 mein standard end puar ne ameriki trejari ko daaunagred kiya tha, tab bhi share baajaar hil gaye the. Is baar difault hone par rupaya kamjor ho sakta hai aur sone ki keemat oonchi ho sakti hai. Ameriki sarkaar ki pratibhootiyon mein Bhaarat ka nivesh 59 arab dollar tak hai. Kyon hai sankat har sarkaar kharch chalaane ke liye udhaar leti hai. America mein udhaar lene ki seema hai. 1960 ke baad se Yeh seema anek baar badhaai ja chuki hai. May mein seema khatm hone ke baad bina udhaar ke doosare upaayon se kaam chalaaya ja raha tha. Guruvaar ko in upaayon ka asar khatm ho jaaega. Iske baad sarkaar ke paas 30 arab dollar cash aur tax ki rakam rah jaaegi, jo tamaam bhugataan ke liye naakaafi hogi. Udhaar ki seema badhaane ke liye donon sadanon ki manjoori jaroori hai. Republican sansad ke ek sadan house of reprejeintetiv mein haavi hain, jabki doosare sadan senet mein demokrets ki chalti hai. Republican chaahate hain ki saamaajik kaaryakramon, khaas taur se obaamaakeyar naam ke helthakeyar program par hone vaale kharch mein katauti ho. Kya hoga hal sootron ka kehna hai ki raajanetaaon mein aise plaan par charcha ho rahi hai, jisse sarkaari kharch January 2014 tak chalaaya ja sakega aur karj seema ko February 2014 tak badhaaya ja sakta hai. Jaankaar kehte hain ki America ka difault raajaneetik vajahon se hai, na ki usaki bhugataan kshamata kamjor hai. (enabeeti)


'South Korea Par Naurth Ka Cyber Ataik

'South Korea Par Naurth Ka Cyber Ataik

World »

sol . . Naurth Korea ne haal ke saalon mein south Korea par hajaaron cyber ataik ko anjaam diya hai aur is vajah se south ko 80.5 karod dollar ka nuksaan uthaana pada hai. Yeh kehna hai south Korea ke ek saansad ka jinhonne mangalvaar ko sarkaari aankadon ke havaale se sansad mein is baat ki jaankaari di. Desh ki sattaaroodh party ke saansad chung hi soo ne kaha, hamaare naishanal infrastructure aur parnasal faainainshal se jude hajaaron deta churaae gaye hain. Soo ne jo jaankaari di uske mutaabik 2010 se lekar ab tak naurth Korea ne south Korean military se jude deta ko chhah hajaar se jyaada baar churaane ki koshish ki.


Laakhon Parsanal Kauntaikts Par NSA Ki Najar

Laakhon Parsanal Kauntaikts Par NSA Ki Najar

World »

Washington . . America ki naishanal security agency (NSA) duniyaabhar ke logon ke parsanal imel aur mesejing account ke jariye laakhon kauntaikt juta rahi hai. Washington post ke mutaabik, aatankvaad aur anya aaparaadhik gatividhiyon mein kisi shakhs ki sambhaavit mileebhagat ke maddenajar aisa kiya ja raha hai. Report mein kaha gaya ki NSA har roj Yahoo, jeemel, Facebook aur hautamel ke jariye hajaaron logon ka kauntaikt jutaati hai. Haal ke saalon mein usane imel aur live chait service ke jariye kareeb paanch lakh logon ke kauntaikt jutaae hain. Akhbaar ne kaha ki use Edward snoden se jo seekret daukyumeints mile hain, usase is baat ka pata chalta hai aur senior intelligence adhikaariyon ne is baat ki pushti bhi ki hai.


Filipeens Mein 7.2 Ki Teevrata Ka Bhookamp

Filipeens Mein 7.2 Ki Teevrata Ka Bhookamp

World »

Manila . . Central filipeens mein mangalvaar subah 7.2 ki teevrata ka bhookamp aaya jisse kai bilding aur chhatein toot gain aur sadkon par daraarein aa gain. Alag-alag ghatnaaon mein 73 logon ki jaan chali gayi. Poore central reejan mein bhookamp mahasoos kiya gaya. Is kaaran log gharon aur bildingon, yahaan tak ki aspataalon se bhi baahar nikal aae. Choonki Yeh naishanal haulide ka din tha isliye school, daftar band the, jisse kai jaanein bach gain. Chaukalet hills ko nuksaan : Bhookamp dopahar 1 bajkar 42 minute par balilihaan shahar ke paas kareeb 20 kilometer jameen ke andar aaya. Yeh ilaaka bohol mein padta hai jahaan ki sabse jyaada 57 mautein hui hain. Bohol aailaind filipeens ka mahashoor tourist destineshan hai. Shaanadaar beechon ke alaava Yeh 1000 se jyaada chhote-chhote laaimaston chaukalet hills ke liye femas hai. In hills ka khaasiyat Yeh hai ki draai season mein ye bhoore rang ki ho jaati hain. Afsos ki baat Yeh hai ki bhookamp ke kaaran in pahaadiyon ko bhi kaafi nuksaan hua hai aur maana ja raha hai ki is nuksaan ki bharpaai aasaan bhi naheen hai. Haadason ki takadeer : Gaurtalab hai ki filipaains paisifik oshan ke jis ilaake mein padta hai use ring of fire bhi kaha jaata hai. Yahaan dharati ke sabse jyaada jvaalaamukhi aur bhookamp ki ghatnaaen hoti hain. Pichhle saal February mein bhi mangalvaar ke bhookamp ke kendra waali jagah se 100 kilometer door neegroj aailaind mein bhi bhookamp aaya tha jismein 100 se jyaada log maare gaye the.