Fleeksibl Camere, Mobile Jald Baneinge Hakeekat

Fleeksibl Camere, Mobile Jald Baneinge Hakeekat

World »

PTI . Barlin vaigyaaniko ne behad shaktishaali, patale aur halke super kaipesitr banaane mein kaamayaabi pa li hai. Mahaj kuchh nainomeetar motaai vaale is super kaipesitr ke jariye fleksibl, behad halake aur shareer par pahanane laayak electronic aaitams banaane ka raasta khul gaya hai. Vaigyaanik maanate hain ki iska istemaal medical inplaants mein bhi kiya ja sakta hai. Bata dane ki super kaipesitr power saplaai ka behatareen opshan maane jaate hain. Ye ek baitari jitni enarji sev karke rakhane mein saksham hote hain. Haalaanki, iska nirmaan thoda mahanga padta hai. Vaigyaaniko ka kehna hai ki aise micro super kaipesitr ka vikaas portebal kansyoomar aaitams banaane ki disha mein ek bada kadam hai, kyonki in aaitams ko behad chhote aur halake power sors ki jaroorat padti hai. Agale charan mein vaigyaanik, sone ka sasta vikalp dhoondheinge, taaki is kaipesitr ki gunavatta ko behtar kiya ja sake.


Ameriki Saansad Ne Snoden Ki Tulana Mahaatma Gandhi Se Ki

Ameriki Saansad Ne Snoden Ki Tulana Mahaatma Gandhi Se Ki

World »

Washington: Ameriki raashtrapati Barack Obama ki democratic party ke ek varishth saansad ne America ki jaasoosi ka bhandaafod karne vaale Edward snoden ki tulana mahaatma Gandhi se karte hue kaha hai ki vah 'Savinya avajnyaa' ke 'Ahinsak' kaarya mein lage hue hain. America mein naagrik adhikaaron ki himaayat karne vaale John levis ne kaha kaha ki snoden ne savinya avajnyaa ki parampara ko jaari rakha hai. Levis (73) ne gaarjiyn akhbaar se kaha, 'Ahinsa ke darshan ko kaayam rakhate hue, henari David thoro aur Gandhi evam anya logon ki shikshaaon par amal karte hue yadi aap maanate hain ki koi cheej sahi naheen hai, kuchh anuchit hai tatha aap parampara, galat kaanoonon ki avajnyaa karne ko ichhuk hain to aapke paas vivek hai. Aapke paas un kaanoonon ki avajnyaa karne ka adhikaar hai aur keemat chukaane ke liye taiyaar rahana hoga. ' Congress sadasya evam Martin loothar King ke jeevit bache leftineinton mein shaamil levis ne kaha ki snoden savinya avajnyaa ke kaarya mein lage hue hain. Unhonne kaha, 'Yeh vahi cheej hai jo humne kiya tha. Main 60 ke dashak mein 40 baar giraftaar hua tha. Jab se main Congress mein hoon main chaar baar giraftaar hua hoon. Kabhi kabhi aapko apne vivek se bhi kaam karna chaahiye. '


Ameriki Sena Mein Gay Partners Ko Mila Kareingi Poori Suvidhaaen

Ameriki Sena Mein Gay Partners Ko Mila Kareingi Poori Suvidhaaen

World »

PTI . . Washington ameriki sena ab gay sainik ke paartanar ko bhi military ki suvidhaaen dene ja rahi hai. Yaani homoseksual kapal ko bhi ve sabhi suvidhaaen mil sakeingi jo aam kapal ko mila karti hain. Inmein helth keyar, housing aur doosare laabh shaamil hain. Raksha mantraalaya is baare mein prastaav par gambheerta se vichaar kar raha hai aur August aakhir tak ise manjoori mil sakti hai. Haalaanki us prastaav ko vaapas liya ja sakta hai jismein ye saari suvidhaaen gair shaadeeshuda gay partners ko dene ka praavadhaan kiya gaya tha. Defence dipaartameint ke draft memo mein kaha gaya hai ki mantraalaya sem sex rileshanaship ke maamale mein apne sainik ko shaadi karne ke liye das din ki chhutti dega. Naya niyam laagoo hote hi puraani vyavastha khatm ho jaaegi. Pehle sem sex paartanar ko ek udghoshana form sign karna hota tha aur tab unhein seemit laabh milte the. Par nai vyavastha unhein poora darja aur suvidhaaen dilvaaegi.


Quetta Mein Police Par Aatmaghaati Hamle Mein 38 Ki Maut

Quetta Mein Police Par Aatmaghaati Hamle Mein 38 Ki Maut

World »

Islamabad. . Pakistan ke dakshin-pashchim hisse mein sthit Quetta shahar mein ek aatmaghaati hamle mein kai sheersh police adhikaari sahit 38 log maare gaye. Yeh hamla ek divangat police adhikaari ke janaaje ko nishaana bana kar kiya gaya. Baloochistaan praant ki rajdhani Quetta ke police lines mein Yeh hamla us vakt hua, jab praant ke sheersh police adhikaari sahit saikadon log police thaanaadhyaksh moheeb ulla ke janaaje mein shareek ho rahe the. Moheeb ki guruvaar subah goli maar kar hatya kar di gayi thi. Police upaadheekshak vaahid bakhsh ne bataaya ki hamle mein 38 log maare gaye hain aur 30 anya ghaayal hue hain. Mrutakon mein jyaadaatar log policekarmi hain. Police adhikaariyon ne bataaya ki mrutakon mein police up mahaanireekshak (operation) fayyaaj sumbal, ek police adheekshak aur ek police upaadheekshak shaamil hain. Adhikaariyon ne media ko bataaya ki hamle mein maare gaye sabhi log policekarmi hain. Pratyakshadarshiyon ne bataaya ki praanteeya police pramukh aur nagar police pramukh baal baal bach gaye. Ghaayalon mein kai bachche aur policekarmi shaamil hain. Police lines ilaake mein bhaari suraksha bandobast hone ke baavajood Yeh hamla hua. Ghaayalon ko ek sainya aspataal mein le jaaya gaya hai. Police ne ilaake ko gher liya hai aur bachaav evam talaashi abhiyaan shuroo kiya hai. Bam nirodhak dasta ke adhikaariyon ne bataaya ki hamlaavar ke paas kareeb aath kilogram visfotak tha. Kisi bhi aatankvaadi sangathan ne in donon hamle ki jimmedaari naheen li hai.


LoC Hatyaaon Par 'Dukhi Pak PM Ne Afsos Jataaya

LoC Hatyaaon Par 'Dukhi Pak PM Ne Afsos Jataaya

World »

Islamabad. . Pakistan ke pradhaanamantri navaaj shareef ne niyantran rekha par hui taaja ghatna ko lekar dukh jataate hue Bhaarat ki bhaavanaaon ko shaant karne ki koshish ki. Agale maheene new yaurk mein Pakistani pradhaanamantri ke saath baatcheet naheen karne ke liye pradhaanamantri Manmohan Singh par BJP dvaara dabaav banaae jaane ke maddenajar shareef ne kaha ki vah is baithak ko lekar aashaavaadi hain jismein vah vishvaas bahaali ke kadam par charcha karne aur dwipaksheeya sambandh ko majaboot karna chaahate hain. LOC par paanch bhaarateeya sainikon ke maare jaane ke maddenajar tanaav ki sameeksha karne ke liye videsh mantraalaya mein ek baithak ki adhyakshata karte hue shareef ne kaha ki niyantran rekha par sangharsh viraam ko bahaal karne ke liye donon deshon ko prabhaavi kadam uthaana chaahiye. Haalaanki, videsh mantraalaya dvaara jaari kiye gaye ek bayaan mein mangalvaar ki ghatna ka koi jikr naheen kiya gaya jismein Pakistan army ke 'Eksapart sainikon' ne bhaarateeya sainikon ki hatya kar di thi. Shareef ne kaha ki Yeh Bhaarat aur Pakistan donon deshon ke liye jaroori hai ki ve LOC par sangharsh viraam bahaal karne ke liye prabhaavi kadam uthaaen. Unhonne kaha ki Yeh donon deshon ke netrutv ka kartavya hai ve haalaat ko bigadne naheen dein aur vishvaas bahaali ki sameeksha ko lekar saarthak baatcheet mein shaamil hon aur maahaul behtar karne ke liye kadam uthaae.


Afghanistan Mudde Par America Pak Naheen, Bhaarat Ke Saath

Afghanistan Mudde Par America Pak Naheen, Bhaarat Ke Saath

World »

PTI . . Washington Bhaarat ki Afghanistan mein maujoodagi ko lekar Pakistan ki chintaaon ko America ne khaarij kar diya hai. Obama prashaasan ke top adhikaari ka kehna hai ki kandhaar aur jalaalaabaad jaise shaharon mein Bhaarat ki maujoodagi par Pak ki chintaaen jaroorat se adhik hain. Jalaalaabaad mein haal mein hi bhaarateeya vaanijya dootaavaas par hue aatankvaadi hamle ke baad America ki taraf se is tarah ke bayaan ko kaafi aham maana ja raha hai. Afghanistan aur Pak ke liye vishesh ameriki pratinidhi James daubins ne kaha, mujhe lagta hai ki is chinta ko badha-chadhaakar pesh kiya gaya hai. Unki maujoodagi (Bhaarat ki) bahut kam hai. Afghanistan mein Bhaarat ki majaboot aarthik aur saanskrutik maujoodagi hai. Unka desh se raajanayik sambandh hona aur vahaan dootaavaas kholana poori tarah nyaayasangat hai. Unhonne kaha, main Pak ki chinta ka kaaran samajhta hoon. Yeh seema paar aatankvaad se sambandhit hai. Jaisa ki mainne sanket diya hai ki aatankvaadiyon ki adhiktar ghuspaith Pak se Afghanistan mein hoti hai lekin saath hi kuchh aatankvaadi doosari or bhi ghuspaith kar rahe hain. Isliye Pak ki chintaaen galat bhi naheen hain. Hamein bas lagta hai ki Yeh chinta jaroorat se adhik hai.


British Mahila Ne Diya 6 Kilo Vajan Ki Bachchi Ko Janm

British Mahila Ne Diya 6 Kilo Vajan Ki Bachchi Ko Janm

World »

London. . 40 saal ki british mool ki mahila maiksim mairin ne 6.2 kilo vajan ki bachchi ko janm diya hai. Dilivri Spain ke deniya shahar mein kudarati prakriya se hui. Ek ausat navajaat ke vajan se kareeb doguna vajan ke saath paida hui Yeh bachchi apne aap mein rekaurd ban gayi hai. Gajab baat Yeh rahi ki maan ko pen kilr tak dene ki jaroorat naheen padi. Bachchi ka naam Maria lorena rakha gaya hai aur usaki sehat ekdam badhiya hai. Aspataal ke pramukh stri rog visheshagya Doctor Xavier rius ne bataaya ki pichhle chaalees saal ki praiktis ke dauraan mainne kabhi itne vajan vaale bachche ke janm ke baare mein naheen suna tha. Is bachchi ka janm 41 hafton ki pregneinsi ke baad hua hai. Is mahila ke pichhle teen bachche bhi 4.5 kilo vajan ke hue the.


Obama Ke Kadam Par Roos Ne Jataaya Afsos

Obama Ke Kadam Par Roos Ne Jataaya Afsos

World »

PTI . Moscow : Roosi raashtrapati blaadimeer putin se naheen milne ke ameriki raashtrapati baaraak Obama ke faisale par roos ne afsos jaahir kiya hai. Roosi prashaasan ki taraf se Budhvaar ko kaha gaya, hamein niraasha hui hai. Videshi maamalon mane putin ke top sahaayak yoori ushaakov ne kaha ki Yeh saaf hai ki America ka Yeh faisala Edward snoden ko sharan dene se juda hua hai. Unhonne kaha, Yeh faisala snoden maamale se juda hua hai jise nishchit taur par hamaari taraf se paida naheen kiya gaya. Yoori ne kaha ki is sthiti se saaf ho gaya hai ki America abhi bhi samaan aadhaar par rishton ko aage badhaane ke liye taiyaar naheen hai. Haalaanki, yoori ne Yeh bhi kaha ki roos bhavishya mein dwipaksheeya rishton se jude sabhi savaalon par America ke saath kaam karne ko taiyaar hai.


Braidali Maining Ko Hogi 90 Saal Ki Saja

Braidali Maining Ko Hogi 90 Saal Ki Saja

World »

PTI . Washington : Ameriki khufiya jaanakaariyaan vikeeleeks ko muhaiya karaane vaale sainik bairadali maining ko 90 saal tak ki saja ho sakti hai. Army ka kehna hai ki military judge ne kai maamalon mein maining ko di jaanevaali adhiktam saja ki avadhi ghata di hai. Isse pehle aisi khabarein thi ki maining ko 136 saal ki saja ho sakti hai. Khufiya jaanakaariyaan leek karne ke 22 maamalon mein se unhein 20 mein doshi paaya gaya hai. Haalaanki, abhi bhi unke maamale ki sunavaai poori naheen hui hai aur bataaya ja raha hai ki 23 August ko unki saja par aakhiri faisala ho sakta hai.


11 Din Mein Pa Liya Daayabeeteej Se Chhutakaara

11 Din Mein Pa Liya Daayabeeteej Se Chhutakaara

World »

PTI . London 59 saal ke Britain ke ek shakhs ne 11 din staaraveshan daait par rahakar daayabeeteej se chhutakaara pa liya hai. Saaintists ka daava hai ki unki ijaad ki is khaas daait se hi richrd daauti ki type-2 daayabeeteej theek hui hai. Richrd bataate hain, mujhe jab is beemaari ka pata laga to main hairaan rah gaya kyonki meri 5 fut 7 inch ki haait ke hisaab se theek vajan hai, main hamesha heldi khaata hoon aur kabhi smok naheen karta. Na hi mujhe meethi cheejon ka shauk hai. Parivaar mein bhi kabhi koi daayabeeteej ka shikaar naheen raha. Internet par research karne par pata laga ki new kaisal university mein ek lo-kailari daait ijaad ki gayi hai jo aath hafte mein daayabeeteej ka ilaaj kar deti hai. Ismein din bhar mein 800 kailari hi khaani hoti hai. Unki is daait mein 600 kailari vaala food tha. Ismein khaane ki jagah par shek, soop aur 200 kailari ki hari sabjiyaan theen. Saath mein teen liter paani rojaana. Is daait ka sujhaav Roy Taylor, medisin aur metaabolijm ke professor ne diya tha. Taylor ne stadi mein paaya tha ki sakht daaiting se shareer bhookha rahata hai aur shareer mein jama ekstra fait tootakar enarji banaata hai. Isse sabse pehle shareer ke angon ke aaspaas jama fait hatata hai. Isse livr aur painkriyaaj ki rukaavat door hoti hai aur insulin va blood shugar leval fir se naurmal par aa jaata hai. Choonki daayabeeteej-2 aksar isi rukaavat ke kaaran hota hai, isliye is pareshaani ke door hote hi daayabeeteej bhi door ho gayi.


Sooraj Ki Satah Par Aa Raha Hai Badlaav, Tabaahi Ke Liye Rahein Taiyaar

Sooraj Ki Satah Par Aa Raha Hai Badlaav, Tabaahi Ke Liye Rahein Taiyaar

World »

Washington. . Saaintiston ne chetaavani di hai ki sooraj ki maignetik field mein agale teen se chaar maheenon ke bheetar 180 degree tak ka badlaav aaega. Isse mausam mein badlaav hoga aur toofaan bhi aa sakte hain. Iske alaava saitalaait se kanekshan par bhi asar padega. Gaurtalab hai ki sooraj ka maignetik field har 11 saal par apna dhruv badalta hai. Har solar saaikal ke aakhir mein aisa hota hai kyonki sooraj ke bheetar maignetik badlaav hote hain. Stainafard university ke solar fijisist taud haukasema ke mutaabik, Yeh badlaav poore solar system par asar karega. 1976 se sooraj mein hone vaale polar maignetijm naam ke badlaav par najar rakhane vaale maignetograam ne aise teen bade vaakaye dekhe hain aur chautha chand maheenon mein hone ja raha hai. Sooraj ki maignetik field ka badalna ek bada badlaav hota hai kyonki sooraj ka maignetik prabhaav plooto ke paar bhi arabon kilometer tak asar rakhata hai. Sooraj ka chakkar lagaate hue dharati sooraj ki satah ke paas kabhi door jaate hain. Ab jabki is satah mein badlaav hoga to dharati ke mausam mein bhi toofaani badlaav aaega. Kausmik rej par asar hoga. Ye estronauts aur space missiono ke liye khatra hoti hain. Dharati ke mausam aur baadalon ke system par bhi inka asar hoga.


Sikh Mahila Ko Pati Ke Saath Naheen Sone Ki Chetaavani

Sikh Mahila Ko Pati Ke Saath Naheen Sone Ki Chetaavani

World »

London. . Agar ek patni dimaagi taur par kamjor apne pati ke saath shaareerik sambandh banaati hai to kya Yeh aparaadh ho sakta hai? Britain ke ek court ne ek sikh kapal ke maamale mein jo faisala diya hai, usase yahi saabit hota hai. Court ka kehna hai ki agar patni dimaagi taur par kamjor apne pati ke saath seksual rishte banaati hai to use jindagi bhar ke liye jail ki hava khaani pad sakti hai. Court ne iske peechhe daleel di hai ki mahila ke pati ke paas sahamati se sex ko lekar kshamata naheen hai. Court ne kaha, is daleel se bachaav naheen ho sakta ki donon ki ek-doosare se shaadi hui hai. Agar mahila pati ke saath seksual rileshan banaati hai to Yeh aparaadh hoga. Mahila ne court se appeal ki thi ki mahaj dimaagi roop se kamjor hone ke kaaran is vyakti ke saath usaki shaadi radd naheen ki jaae. Saindavel metropolitan boro kaaunsil ne court se is shaadi ko England aur vels mein maanya naheen ghoshit karne ko kaha tha kyonki is vyakti ke paas shaadi ke liye sahamati dene ki kshamata naheen thi. Haalaanki, judge ne mahila ki shaadi ko radd karne se inkaar kar diya. Aisa pehli baar hua hai ki ek british judge ne ek aisi shaadi ko kaayam rahane ki ijaajat di jo kaanoon ke tahat Yeh maanya naheen hai. Judge ne faisala sunaate hue mahila se sahaanubhooti jataai aur kaha ki haalaat ke liye vah jimmedaar naheen hai. Gaurtalab hai ki is vyakti ko uske maata-pita 2009 mein Punjab lekar gaye the jiski umr ab 40 ke kareeb hai. Yeh mahila apni shaadi se pehle is vyakti se naheen mili thi aur use shaadi ke baad pata chala ki vah maanasik roop se kamjor hai. Mahila ne bataaya ki ve donon apni shaadi ki raat aur uske baad kai maukon par saath-saath soe hain.


Roos Mein Chor Ne Sadak Ka Hissa Hi Chura Liya

Roos Mein Chor Ne Sadak Ka Hissa Hi Chura Liya

World »

Moscow . . Roos mein ek chor ne sadak ka ek poora hissa hi chura liya hai. Uttar pashchimi shahar siktivkaar mein 40 saal ke is chor ne ek biji highway se 82 kankreet slaib gaayab kar diye aur kisi ko kaanon kaan khabar bhi naheen hui. Inheen slaib se sadak bani thi. Inhein churaane ke liye usane industrial mailipuletar ka jo ki kren numa truck aur buladojar ka mel hai, istemaal kiya. In slaib ki keemat 6,100 dollar bataai gayi hai. Sadak se slaib nikaalne ke baad chor ne teen bade truckon mein inhein laada aur rafoochakkar ho gaya. Yeh pata naheen lag paaya hai ki highway se traffic ko hataane mein usane kaun si trik ka istemaal kiya. Haalaanki use gir? Taar kar liya gaya hai aur usane gunaah bhi kabool liya hai. Yeh pata naheen lag paaya hai ki vah in kankreet slaib ka kya karna chaahata tha.


Pak Bola, Hamaare Dootaavaas Ki Karein Hifaajat

Pak Bola, Hamaare Dootaavaas Ki Karein Hifaajat

World »

Bhaasha. . Islamabad Pakistani videsh mantraalaya ne Budhvaar ko bhaarateeya up uchchaayukt ko bulaaya aur nai Delhi mein apne dootaavaas ke baahar pradarshan ko lekar unhein ek 'Raajanayik not' saunpakar unase Pak dootaavaas aur karmachaariyon ki suraksha karne ko kaha. Ek Pakistani adhikaari ne bataaya ki up uchchaayukt se Pakistani raajanayikon, naagrikon, uchchaayog aur Pakistan house ki suraksha sunishchit karne ko kaha gaya hai. Gaurtalab hai ki niyantran rekha par 5 bhaarateeya sainikon ke maare jaane ke baad yuvak Congress kaaryakartaaon ne Pakistan uchchaayog ke baahar virodh pradarshan kiya tha. Dopahar kareeb 12 baje shuroo hue pradarshan ke dauraan pradarshanakaariyon ne Pakistan virodhi naare lagaae. Police ne pradarshanakaariyon ko titr bitr karne ke liye paani ki bauchhaar ki kyonki in logon ne avarodhakon ko tod kar dootaavaas ki or badhne ki koshish ki thi. Policekarmiyon ne kareeb 75 pradarshanakaariyon ko hiraasat mein le liya tha lekin baad mein unhein chhod diya gaya.


Japan Ke Eyarakraaft Kairiyr Par Cheen Chintit

Japan Ke Eyarakraaft Kairiyr Par Cheen Chintit

World »

Bhaasha . . Peiching Japan ki taraf se apni sainya kshamata mein ijaafa karne vaale kadam ke tahat nirmit ek halke eyarakraaft kairiyr par cheen ne chinta jataai hai. Cheen ki sarkaari media ne jaankaaron ke havaale se kaha hai ki Japan ke is kairiyr mein cheen ki taraf se haal mein banaae gaye eyarakraaft kairiyr liyaaoning ko nishaana banaane ki kshamata hai. Cheen ne Japan se kaha hai ki vah shaantipoorn vikaas ki apni neeti ka paalan kare. Iske alaava usane sainya vistaar ko lekar Japan ko aagaah bhi kiya hai. Cheen ke sarkaari akhbaar global times ki report mein cheeni raksha mantraalaya ke havaale se kaha gaya, ham Japan ke sainya upakaranon mein lagaataar ho rahe vistaar ko lekar chintit hai. Japan ke Asiaee padosiyon aur antararaashtreeya samudaaya ko is nae chalan ke prati sajag rahane ki jaroorat hai. Mantraalaya ne kaha, Japan ko itihaas se sabak lete hue aatmaraksha ki apni neeti ka paalan karne ke saath shaantipoorn vikaas ke raaste par chalne ki pratibaddhata ka paalan karna chaahiye.


Twitter Par Rape Ki Dhamaki Dene Vaala Arest

Twitter Par Rape Ki Dhamaki Dene Vaala Arest

World »

PTI . . London Britain mein lebar party ki saansad stela kresi aur naareevaadi kaaryakarta kairolina kriyaado ko twitter par dhamaki dene ke aarop mein ek shakhs ko giraftaar kiya gaya. Police ne Budhvaar ko bataaya ki giraftaar kiye gaye shakhs ki umr 32 saal hai aur usase poochh-taachh ki ja rahi hai. Is shakhs ko anti hairesameint vidheyak ke tahat arest kiya gaya hai. Stela kresi ko jahaan ek pikchar ke jariye dhamaki di gayi vaheen kairolina ko rape ki dhamaki mili. Gaurtalab hai ki haal ke dinon mein twitter par kai mahilaaon ke khilaaf gaali-galauj karne aur unhein dhamakaane ke maamale saamane aa chuke hain.


Snoden Par Takaraar, Obama Ne Putin Ke Saath Baithak Radd Ki

Snoden Par Takaraar, Obama Ne Putin Ke Saath Baithak Radd Ki

World »

Washington: Vhislabloar Edward snoden ko Moscow dvaara asthaayi sharan diye jaane ke baad ameriki raashtrapati Barack Obama ne apne roosi samakaksh vlaadimeer putin ke saath baithak ki yojana radd kar di. White house ke press sachiv J kaarni ne is mudde par hafton tak chali atkalon ke baad ek bayaan mein kaha ki July mein shuroo hui ek sameeksha ke baad ham is nishkarsh par pahunche hain ki September ke shuruaat mein America-roos ke beech ek baithak aayojit karne ke hamaare dwipaksheeya agende mein koi taaja pragati naheen hui hai. White house ne kaha ki haalaanki agale maheene seint peetarsabarg mein hone ja rahe ji-20 sammelan mein Obama ke shareek hone ki abhi bhi yojana hai. Kaarni ne kaha ki snoden ko asthaayi sharan dene ka roos ka faisala bhi hamaare dwipaksheeya sambandh ki sameeksha karne ki ek vajah rahi. Gaurtalab hai ki snoden raashtreeya suraksha agency nigraani kaaryakramon ke ati gopaneeya byore leek karne ke aaropi hain.


Snoden Ifekt Obama Naheen Mileinge Putin Se

Snoden Ifekt Obama Naheen Mileinge Putin Se

World »

Washington . . Snoden ka maamala aakhirkaar America aur roos ke rishton mein daraar le hi aaya. Khabar hai ki snoden ko roos mein sharan diye jaane se naaraaj ameriki raashtrapati Barack Obama ne roosi raashtrapati vlaadimeer putin se prastaavit mulaakaat radd kar di hai. Ise bada raajaniyk kadam maana ja raha hai. Vaait house ke press sekretari J kaarni ne ek bayaan mein kaha, ham July se maamale ki sameeksha kar rahe the aur ab ham is nateeje par pahunche hain ki roos ke saath hamaare dwipaksheeya rishton mein itni pragati naheen hui hai ki September ki shuruaat mein ameriki-roos sammelan ka aayojan kiya jaae. Kaarni ne kaha, snoden ko sharan dene ka roos ka faisala kaafi niraashaajanak hai aur dwipaksheeya rishton ki sameeksha karne ke maamale mein humne iska bhi dhyaan rakha. Haalaanki Obama, roos mein hi agale maheene hone vaale ji-20 sammelan mein shareek hone ki yojana bana rahe hain.


Argentina Mein Bilding Mein Blaast, 8 Ki Maut Aur 61 Ghaayal

Argentina Mein Bilding Mein Blaast, 8 Ki Maut Aur 61 Ghaayal

World »

Rojaariyo. . Argentina ke rojaariyo shahar ki 10 manjila imaarat mein gas leek ke kaaran hue visfot mein kam se kam 8 logon ki maut ho gayi aur 61 ghaayal ho gaye. Adhikaariyon ne bataaya ki kam se kam 15 log ab bhi laapata hai. Fire briged dal ke log aur bachaavakarmi malabe mein logon ki talaash kar rahe hain. Mayor Monica fen ne kaha, 'Is ghatna mein aath log maare gaye hain. Malabe mein logon ko talaashane ka kaam jaari hai. ' rojaariyo ke svaasthya mantraalaya ne shahar mein aapaat sthiti ghoshit karne ke saath sabhi vibhaagon se harkat mein aane ke liye kaha hai.


Kutta Paalne Vaale Saavdhaan Ho Jaaen

Kutta Paalne Vaale Saavdhaan Ho Jaaen

World »

London : Beshak Yeh kaanoon Britain mein laane ki koshish ho rahi hai par doosare deshon mein aisi maang naheen uthegi, aisa daava kaun kar sakta hai isliye khatarnaak jaanavar paalne vaale log saavdhaan ho jaaen. Khabar hai ki Britain mein aisa kaanoon laane par vichaar ho raha hai jismein agar kutte ne kisi ko maara ya ghaayal kiya to uske maalik ko aajeevan jail ho sakti hai. Abhi ka kaanoon kehta hai ki agar kisi ke kutte ke kaatne se koi ghaayal hota hai to maalik ko do saal tak ki jail aur jurmaana ho sakta hai. Par nae kaanoon mein ise aur bhi kada karne ki sifaarish ki ja rahi hai. Yeh prastaav ainiml welfare ministar Lord di mauli lekar aae hain. Ise pesh karte hue unhonne kaha ki kutton ka hamla bahut chinta ka vishay hai. Aise log jo apne kutte ko sanbhaalakar naheen rakh paate aur ve doosaron ko ghaayal kar dete hain unhein sakht saja milni chaahiye.


Baloon Girne Se Ek Ki Maut, Kai Ghaayal

Baloon Girne Se Ek Ki Maut, Kai Ghaayal

World »

jineeva : Switzerland mein ek gubbaare ke bijli ki taar se takaraane se us par savaar ek shakhs ki girkar maut ho gayi. Vaheen baaki savaar log gambhir roop se ghaayal ho gaye. Is shakhs ki patni aur do betiyaan aur baloon ka pilot bhi ghaayal hua hai. Yeh baloon chaityoo deeoks se uda tha aur pashchimi ilaake freeborg mein 160 feet ki oonchaai se jameen par aa gira.


Benajeer Hatya Musharraf Kareinge Aaropon Ka Saamana

Benajeer Hatya Musharraf Kareinge Aaropon Ka Saamana

World »

Islamabad. . Rawalpindi ki ek adaalat ne mangalvaar ko kaha ki Pakistan ke poorv prejideint Parvez musharraf par poorv pradhaanamantri benajeer bhutto ki hatya ke maamale mein 20 August ko abhiyog tay kiya jaaega. Suraksha kaaranon se musharraf court mein pesh naheen hue. News pepar Don ke mutaabik, musharraf ko benajeer bhutto ki hatya ke maamale mein aaparaadhik shadyantr ke aaropon ka saamana karne ke liye saman jaari kiya gaya tha. Police aur musharraf ke vakeel ne adaalat ko bataaya ki unki jaan ko khatra hai aur isliye poorv raashtrapati ko adaalat mein pesh naheen kiya ja sakta. Justice chaudhari habeebur Rahman ne mukadame ki kaarravaai 20 August tak ke liye sthagit kar di aur musharraf ko pesh hone ka aadesh diya. Musharraf 19 April se hi apne ghar mein najaraband hain.


Bachchi Ko Bechne Ke Liye Aid De Diya

Bachchi Ko Bechne Ke Liye Aid De Diya

World »

New yaurk . . Ek ajeebogareeb vaakaya hua hai. America mein 23 saal ke paul maarkj naam ke ek yuvak ne apni garlafreind ki do maheene ki beti ko hi bechne ki koshish ki hai. Usane website mein ek aid diya jismein likha gaya ki 100 dollar mein Yeh bachchi bechi ja rahi hai. Maarks ne Yeh bhi likha ki bachchi bahut pyaari hai par asthama ki mareej hai. Ek khaas pojishn mein aate hi usaki saans ruk sakti hai. Main pareshaan ho chuka hoon aur use ab naheen rakhana chaahata. Usane garlafreind ka mobile number bhi akhbaar mein de diya aur ek khareedaar ne bhi bachchi khareedne ke liye sampark kiya. Par, jab bachchi ki maan ko pata laga to usane police mein shikaayat ki aur maarkj par sakht dhaaraaon ke tahat case darj hua. Maamala khula to pata laga ki maarkj is baat se pareshaan tha ki garlafreind poora dhyaan bachchi ko de rahi hai aur use naheen. Isi kaaran usane Yeh raasta chuna.


Musharraf Ke Maamale Ki Sunavaai 20 August Tak Tali

Musharraf Ke Maamale Ki Sunavaai 20 August Tak Tali

World »

Islamabad. . Pakistan ke poorv sainya shaasak Parvez musharraf poorv pradhaanamantri benajeer bhutto ki hatya ke maamale mein mangalvaar ko 'Suraksha kaaranon' se aatankvaad virodhi adaalat ke samaksh pesh naheen ho sake, jisse sunavaai ko 20 August tak ke liye sthagit kar diya gaya. Musharraf ko benajeer ki hatya aur aaparaadhik saajish ke aaropon ka saamana karne ke liye saman kiya gaya tha, lekin unke jeevan ko khatre havaala dete hue unhein Rawalpindi ki adaalat mein naheen le jaaya gaya. Is maamale mein doshi karaar diye jaane ki sthiti mein 69 saal ke musharraf ko maut athva umrakaid ki saja ho sakti hain. Police ne Justice chaudhari habeebur Rahman ko bataaya ki musharraf ko adaalat mein laana surakshit naheen tha, kyonki unke jeevan ko khatra hai. Justice Rahman ne maamale ki sunavaai 20 August tak ke liye sthagit kar di aur musharraf ko haajir hone ka aadesh diya. Poorv pradhaanamantri benajeer ki December 2007 mein Rawalpindi mein ek chunaavi rally ke dauraan hatya kar di gayi thi.


Javaahiri Ne Diya Ameriki Par 'Bade Hamle Ka Hukm

Javaahiri Ne Diya Ameriki Par 'Bade Hamle Ka Hukm

World »

Washington. . Al Qaeda saragana aayamaan al javaahiri ne arab praayadveep mein apne doosare number ke aatanki saathi ko ameriki hiton par bade hamle ka hukm diya tha, jiski khufiya jaankaari milne par America ke kai dootaavaason evam vaanijya dootaavaason ko band kiya gaya. Pichhle hafte javaahiri aur yaman sthit Al Qaeda ki ikaai ke saragana naasir al vuhaayashi ke beech hui baatcheet ameriki khufiya agency ki pakad mein I. Isse khulaasa hua ki Al Qaeda America aur doosare pashchimi deshon par 11 September, 2001 ke hamle ke baad se ab tak ka sabse bada hamle karne ki taiyaari mein hai. Akhbaar 'New York times' ke anusaar ameriki adhikaariyon ne bataaya, 'Javaahiri ne Al Qaeda ki yamani ikaai ke saragana ko aadesh diya tha ki pichhle ravivaar se pehle tak hamla kiya jaae. ' akhbaar ka kehna hai ki donon aatankiyon ki baatcheet mein kisi sthaan vishesh ka ullekh naheen kiya gaya, lekin hamle ki prabal aashanka thi. Hamle ki aashanka ke maddenajar America ne ravivaar ko pashchim Asia mein apne 22 dootaavaason evam vaanijya dootaavaason ko band kiya tatha baad mein iname se 19 dootaavaason ko band karne ki samayaseema 10 August tak ke liye badha di.