Misr Ke Sinaai Mein 47 Sandigdh Aatankvaadiyon, Paanch Sainikon Ki Maut Sena

Misr Ke Sinaai Mein 47 Sandigdh Aatankvaadiyon, Paanch Sainikon Ki Maut Sena

World »

Kaahira, 16 May (eefapi) misr ki sena ne bruhaspativaar ko bataaya ki desh ke ashaant sinaai praant mein sainya abhiyaan mein 47 aatankvaadi maare gaye. Is kaarravaai mein uske paanch sainikon ki bhi maut ho gayi. Sinaai praant mein misr ki sena islaamik state sangathan ke khilaaf jang lad rahi hai. sashastr bal ke social media account par jaari ek video sandesh ke anusaar ''Uttar evam madhya sinaai mein sandigdh aatankvaadiyon ke paas alag-alag kism ke hathiyaar, golaabaarood aadi the. '' misr ki seema ko surakshit karne ke liye shuroo kiye gaye vyaapak abhiyaan ke tahat 158 ''Aaparaadhik tatvon'' ko giraftaar kiya gaya. sashastr balon ne 385 visfotak upakaranon ko nishkriya kiya jinhein suraksha balon ko nishaana banaane ke iraade se lagaaya gaya tha. baharahaal sena ne in mauton aur giraftaari ko lekar adhik jaankaari naheen di. eefapi surabhi avinaashaavinaash.


Kachare Par Vivaad Badha, Fileepeens Ne Canada Se Raajadoot Ko Vaapas Bulaaya

Kachare Par Vivaad Badha, Fileepeens Ne Canada Se Raajadoot Ko Vaapas Bulaaya

World »

Manila Do deshon ke beech aapne vibhinn muddon par nonkajhonk hote dekhi hogi. Ek aisi hi ladaai fileepeens aur Canada ke beech bhi chal rahi hai. Lekin yeh kisi jameen ke hisse, paani aadi ko lekar naheen balki kachare ki vajah se hai. Ab is ladaai ne aur vikt roop le liya hai kyonki fileepeens ne Canada se apne raajadoot ko vaapas bula liya hai. Guruvaar ko is baat ki pushti hui. Fileepeens ne yeh bhi kaha ki ab raajadoot tab hi jaaenge jab kachare ka maamala sulajha liya jaaega. Daraasal Canada ne 2013 se 2014 ke beech fileepeens mein hajaaron tan kachara bheja tha. Canada dvaara ise reesaaikal kiye jaane yogya bataaya gaya tha lekin fileepeens aisa naheen maanata. Fileepeens ka aarop hai ki Canada ka kachara jahareela tha. Fileepeens ab lagaataar Canada se use vaapas lene ko kehta hai. Guruvaar ko raajadoot ko vaapas bulaane ki pushti fileepeens ke videsh sachiv ne ki. Fileepeens ke videsh maamalon ke sachiv tedi lokaseen junior ne tweet kar kaha, 'Beeti raat hamaare raajadoot ko Canada se vaapas bulaane ko lekar patra bheja gaya hai. ' unhonne tweet kiya ki, 'Canada ko di gayi samay seema khatm ho chuki hai. Ham Canada mein kam kootaneetik upasthiti rakheinge, jab tak ki vah kachare ka nistaaran sahi tareeke se kar na lein. ' BBC ki report ke mutaabik, Canada ke liye 2014 mein hi 15 May tak ki samayaseema tay ki gayi thi, taaki vah kachara hata sake. Beete maheene fileepeens ke raashtrapati rodrigo duterte ne kaha tha ki vah 'Khud samudri yaatra kar Canada jaaenge aur unka kooda unheen ke yahaan danp kar deinge. ' Manila mein Canadai dootaavaas ne BBC ko bataaya, 'Canada ke kachare ko vaapas bhejane ke liye ek prastaav diya gaya hai aur shipmeint ko jald se jald sunishchit karne ke liye fileepeens ke saath sampark mein hain. '


America Ke Saath Baatcheet Ki 'Sambhaavana Naheen Iran Ke Videsh Mantri

America Ke Saath Baatcheet Ki 'Sambhaavana Naheen Iran Ke Videsh Mantri

World »

Tokyo, 16 May (eefapi) Iran ke videsh mantri jaaved jareef ne bruhaspativaar ko kaha ki Iran aur America ke beech badhte tanaav ko kam karne ke liye America ke saath baatcheet ki sambhaavana naheen hai. Japan ki samaachaar agency kyodo ne yeh khabar di hai. samaachaar agency ne jareef ki patrakaaron se tokyo mein baatcheet ka havaala diya hai, jismein jareef ne kaha ki "Baatcheet ko koi sambhaavana naheen hai. " jaaved tokyo mein Japan ke adhikaariyon se mulaakaat kar rahe hain. kyodo ne kaha ki jaaved se savaal poochha gaya tha ki kya vah tanaav kam karne ke liye Washington ke saath dwipaksheeya baatcheet ke liye taiyaar hain. iske baad jareef ne koi tippani naheen ki. eefapi joheb shaahidshaahid.


Shanghai Mein Imaarat Dhahane Se Paanch Logon Ki Maut

Shanghai Mein Imaarat Dhahane Se Paanch Logon Ki Maut

World »

Shanghai, 16 May (eefapi) cheen ke Shanghai mein bruhaspativaar ko ek imaarat ke dhah jaane se paanch logon ki maut ho gayi. Ghatna us vakt hui jab do manjila ek vaanijyik bhavan mein marammat ka kaam kar rahe majadooron par imaarat dhah gayi. Nagar prashaasan ne yeh jaankaari di. cheen ke damakal vibhaag ke adhikaariyon ne isse pehle bataaya tha ki 20 mein se 19 log malabe mein dabe the jinhein surakshit nikaal liya gaya. haalaanki Shanghai nagar prashaasan ne baad mein aadhikaarik social media account par kaha ki malabe se nikaale gaye logon mein se paanch ki maut ho gayi hai. eefapi surabhi avinaashaavinaash.


Yaman Mein Saudi Neet Gathabandhan Ke Hamle Mein Kam Se Kam Chhah Logon Ki Maut

Yaman Mein Saudi Neet Gathabandhan Ke Hamle Mein Kam Se Kam Chhah Logon Ki Maut

World »

(parivrtit detalaain se) sana, 16 May (eefapi) yaman ki rajdhani sana mein vidrohiyon ke kabje vaale kshetr mein bruhaspativaar ko Saudi arab ki aguvaai vaale gathabandhan ke havaai hamle mein kam se kam chhah log maare gaye aur das anya ghaayal ho gaye. Republican aspataal ke Doctor mokhtar mohammad ne bataaya ki hamle mein hataahat hue sabhi logon ko isi aspataal mein laaya gaya hai. vidrohiyon ke al-maseeraah television ki khabar hai ki gathabandhan sena ne unke kabje vaale kshetr mein 19 hamle kiye hain jinmein 11 rajdhani mein kiye gaye. eefapi Rajkumar avinaashaavinaash.


Saudi Ke Netrutv Vaale Gathabandhan Ne Sana Samet Yaman Mein Hamle Ki Pushti Ki

Saudi Ke Netrutv Vaale Gathabandhan Ne Sana Samet Yaman Mein Hamle Ki Pushti Ki

World »

Riyaad, 16 May (eefapi) yaman ki sarkaar ka samarthan karne vaale Saudi arab ki aguvaai waali gathabandhan ne is baat ki pushti ki hai ki uske ladaakoo vimaanon ne bruhaspativaar ko vidrohiyon ke thikaanon par bamabaari ki. yeh kaarravaai vidrohi drone hamlon ke baad ek Saudi paaipalaain ko band kiye jaane ke baad ki gayi hai . gathabandhan ke ek adhikaari ne kaha, ''Humne sana samet yaman mein haiti milishiya dvaara sanchaalit sthaanon ko nishaana banaakar havaai hamle karne shuroo kar diye hai. '' eefapi Devendra ranjanaranjan.


Kanchanajangha Par Chadhaai Ke Dauraan Do Bhaarateeya Parvataarohiyon Ki Nepal Mein Maut

Kanchanajangha Par Chadhaai Ke Dauraan Do Bhaarateeya Parvataarohiyon Ki Nepal Mein Maut

World »

(shireesh bi pradhaan) kaathamaandoo, 16 May (bhaasha) vishv ki teesari sabse oonchi parvat choti kanchanajangha par chadhne ke dauraan oonchaai sambandhi beemaariyon ki chapet mein aane se do bhaarateeya parvataarohiyon ki Nepal mein maut ho gayi. Inmein se ek ne kanchanajangha par safalataapoorvak chadhaai bhi poori kar li thi. Adhikaariyon ne guruvaar ko yeh jaankaari di. unhonne bataaya ki biplab baidya (48) aur kuntal karaar (46) ki shivir chaar mein Budhvaar raat haaipotharmiya aur himaandhata ke shikaar ho gaye aur vahaan se utarate samay unki maut ho gayi. Nepal paryatan mantraalaya ki or se aadhaar shivir mein tainaat dal ki sadasya meera aachaarya ne PTI-bhaasha ko bataaya ki biplab choti par safalataapoorvak chadh gaye the lekin kuntal raaste mein hi beemaar ho gaye. Neeche utarate samay donon ki maut ho gayi. unke saathi parvataarohiyon ne bataaya ki in donon ko raahat abhiyaan chala kar bahut mushkil se aadhaar shivir tak laaya gaya tha.


Uttar Korea Ke Parmaanu Kaaryakram Par Vaarta Ke Liye The Korea Jaaenge Daunald Trump

Uttar Korea Ke Parmaanu Kaaryakram Par Vaarta Ke Liye The Korea Jaaenge Daunald Trump

World »

Washington America ke raashtrapati daunald trump dakshin Korea ke raashtrapati moon jei in se mulaakaat karne ke liye June mein vahaan ki yaatra kareinge aur uttar Korea par parmaanu hathiyaar nasht karne ke liye dabaav banaane ke prayaason par charcha kareinge. Trump aur uttar Korea ke neta kim jong un ke beech February mein viytanaam ki rajdhani hanoi mein hui vaarta parmaanu nirstreekaran sabandhi kisi samjhaute par pahunche bina hi samay se pehle samaapt ho gayi thi. Uske baad trump aur moon jei in ke beech June mein yeh doosari baithak hogi. Vaait house ne Budhvaar ko ek bayaan mein bataaya ki trump aur moon uttar Korea ke poori tarah se pusht evam antim parmaanu nirstreekaran ko haasil karne ke prayaason par nikat samanvaya jaari rakheinge. Dakshin Korea ke raashtrapati kaaryaalaya ne ek bayaan jaari karke kaha ki donon neta 'Koreai praayadveep ke poorn parmaanu nirstreekaran ke jariye sthaayi shaanti sthaapit' karne ko lekar vaarta kareinge.


Uttar Korea Ke Parmaanu Kaaryakram Par Vaarta Ke Liye Dakshin Korea Jaaenge Tramp White House

Uttar Korea Ke Parmaanu Kaaryakram Par Vaarta Ke Liye Dakshin Korea Jaaenge Tramp White House

World »

Washington, 16 May (eefapi) America ke raashtrapati donaald tramp dakshin Korea ke raashtrapati moon jei in se mulaakaat karne ke liye June mein vahaan ki yaatra kareinge aur uttar Korea par parmaanu hathiyaar nasht karne ke liye dabaav banaane ke prayaason par charcha kareinge. tramp aur uttar Korea ke neta kim jong un ke beech February mein viytanaam ki rajdhani hanoi mein hui vaarta parmaanu nirstreekaran sabandhi kisi samjhaute par pahunche bina hi samay se pehle samaapt ho gayi thi. Uske baad tramp aur moon jei in ke beech June mein yeh doosari baithak hogi. white house ne Budhvaar ko ek bayaan mein bataaya ki tramp aur moon uttar Korea ke poori tarah se pusht evam antim parmaanu nirstreekaran ko haasil karne ke prayaason par nikat samanvaya jaari rakheinge. dakshin Korea ke raashtrapati kaaryaalaya ne ek bayaan jaari karke kaha ki donon neta ''Koreai praayadveep ke poorn parmaanu nirstreekaran ke jariye sthaayi shaanti sthaapit'' karne ko lekar vaarta kareinge. eefapi simmi ranjanaranjan.


Bheeshan Sookhe Se Joojh Raha Hai Desh Uttar Korea

Bheeshan Sookhe Se Joojh Raha Hai Desh Uttar Korea

World »

Siyol, 16 May (epi) uttar Korea ne desh mein khaadyaann ki kami ki khabaron ke beech kaha hai ki vah kareeb chaar dashakon mein sabse bheeshan sookhe se joojh raha hai. aadhikaarik 'Korean central news agency' ne Budhvaar ko bataaya ki is saal ke pehle paanch maheenon mein deshbhar mein ausatan 54.4 mileemeetar baarish hui. Desh mein 1982 ke baad se yeh baarish ka sabse kam star hai. Uttar Korea mein 1982 mein isi avadhi mein ausatan 51.2 mileemeetar baarish hui thi. yeh report aise samay mein I hai, jab sanyukt raashtra khaadya agencyon ne is maah ki shuruaat mein ek sanyukt aakalan mein kaha tha ki uttar Korea mein kareeb ek karod log ''Khaane ki bheeshan kami'' se joojh rahe hai. sanyukt raashtra mein uttar Korea ke raajadoot kim song ne February mein tatkaal khaadya suraksha ki ek asaadhaaran appeal ki thi. uttar Korea ke adhikaariyon ne bhojan ke is abhaav ke liye kharaab mausam aur antararaashtreeya aarthik pratibandhon ko doshi thaharaaya hai. Uttar Korea ke haaliya varshon mein parmaanu evam misaail prakshepanon ke baad us par pratibandh kade kar diye gaye hai. keseeenae ne bataaya ki sookha May ke ant tak jaari rahane ki aashanka hai. epi simmi ranjanaranjan.


Ameriki Raashtrapati Daunald Trump Ne Desh Mein Cyber Khatre Ke Maddenajar Raashtreeya Aapaatakaal Ghoshit

Ameriki Raashtrapati Daunald Trump Ne Desh Mein Cyber Khatre Ke Maddenajar Raashtreeya Aapaatakaal Ghoshit

World »

Washington Ameriki sanchaar network ko videshi dushmanon se bachaane ke uddeshya se raashtrapati daunald trump ne Budhvaar ko raashtreeya aapaatakaal ki ghoshana kar di. Vaait house ki press sachiv saara saindars ne ek bayaan mein kaha, 'Yeh aadesh sangheeya sarkaar ko ameriki companiyon ko raashtreeya suraksha ke liye asveekaarya jokhim paida karne vaale videshi praudyogiki aapoortikrtaaon se vyaapaarik len-den karne se rokane ki shakti deta hai. ' Bayaan ke anusaar, trump ne America ki soochana aur sanchaar praudyogiki tatha sevaaon ki raksha karne ki apni pratibaddhata ke tahat yeh aadesh jaari kiya hai. Vaait house ne ek bayaan mein kaha, 'Raashtrapati ne yeh spasht kar diya hai ki yeh prashaasan America ko surakshit aur samruddh banaae rakhane ke liye aur America mein soochana aur sanchaar praudyogiki ke buniyaadi dhaanche mein kamjori paida kar rahe aur unka durupayog karne vaale videshi dushmanon se America ki raksha karne ke liye jo kuchh bhi jaroori hai vah karega. ' Bayaan mein aage likha hai, 'Yeh aadesh America mein soochana evam sanchaar praudyogiki tatha sevaaon se sambandhit khataron ko dekhte hue raashtreeya aapaatakaal ghoshit karta hai aur vaanijya mantri ko raashtreeya suraksha ke liye khatra paida karne vaale len-den par pratibandh lagaane ka adhikaar deta hai. ' reports par vishvaas kiya jaae to, trump ka yeh aadesh cheen ki pramukh telecom company huaavei ke liye hai. America maanata hai ki cheen huaavei ke upakaranon ka upayog sarvilaans ke liye kar sakta hai. Duniya ki teesari sabse badi smaartafon nirmaata company ne in aaropon ko baar-baar khaarij kiya hai. Trump ne pichhle saal ek vidheyak paarit kiya tha jismein, ameriki sarkaar aur uske saath kaam karne vaale logon ko huaavei aur cheen ki kai anya sanchaar companiyon ke utpaadon ka upayog karne se pratibandhit kar diya gaya tha.


Chinfing 2014 Mein Dalaai Laama Se Delhi Mein Milne Par Sahamat Hue The Kitaab

Chinfing 2014 Mein Dalaai Laama Se Delhi Mein Milne Par Sahamat Hue The Kitaab

World »

Nayi Delhi, 15 May (bhaasha) ek nai kitaab mein yeh daava kiya gaya hai ki 2014 mein cheen ke raashtrapati shi chinfing apni Bhaarat yaatra ke dauraan Tibet ke aadhyaatmik neta dalaai laama se milne par sahamat hue the lekin Bhaarat sarkaar 'Ehatiyaat' barat rahi thi, jiski vajah se yeh aitihaasik baithak naheen ho pai. dalaai laama 1959 ki shuruaat mein cheen se bhaagakar Himachal pradesh ke shahar dharmashaala aa gaye the. cheen ka kehna hai ki dalaai laama ke uttaraadhikaari ka chayan dhaarmik anushthaan aur aitihaasik paripaati sahit sattaaroodh communist party ke samarthan se hona chaahiye. Dalaai laama ne apne uttaraadhikaari ko lekar cheen ke saamane apne patte naheen khole hain. patrakaar Sonia Singh ne kitaab 'Difaaining India: Throw deyar aaij' mein 15 logon ka saakshaatkaar kiya hai jismein sambandhit logon ne apne jeevan ke mahatvapoorn kshanon ka jikr kiya hai. yeh kitaab 'Penguin raindam house India' se prakaashit hui hai jismein amartya sen, Aamir Khan, raghuraam raajan, sachin Tendulkar, dalaai laama, Pranab mukharji, Arun Jaitley, nirmala seetaaraman aur saaniya mirja ka saakshaatkaar hai. dalaai laama ka kehna hai ki cheen-Bhaarat ka sambandh kaafi mahatvapoorn hai. laama ne kitaab mein kaha hai, '' na to Bhaarat aur na hi cheen ek-doosare ko barbaad karna chaahate hain. Hamein ek-doosare ke saath-saath rahana hai. Hamaara antim lakshya hindi-cheeni bhaai-bhaai hai. Yahi ek vaastavik tareeka hai. '' cheen ke saath apne sambandh par dalaai laama ne lekhak ko bataaya hai, '' 2014 mein jab cheen ke raashtrapati shi chinfing bhaarateeya pradhaanamantri Narendra Modi se milne aae the to mainne unase milne ki ichha jataai thi aur chinfing sahamat bhi hue the, lekin Bhaarat sarkaar baithak ko lekar satark thi aur isaliye yeh mulaakaat naheen ho pai.


Sanyukt Raashtra Ne Aaiesaaaies Ki Dakshin Asia Shaakha Par Pratibandh Lagaaya

Sanyukt Raashtra Ne Aaiesaaaies Ki Dakshin Asia Shaakha Par Pratibandh Lagaaya

World »

Yoshita Singh sanyukt raashtra, 15 May (bhaasha) sanyukt raashtra ne aatanki sangathan aaiesaaaies ki dakshin Asia shaakha par pratibandh laga diya hai jiski sthaapana 2015 mein ek Pakistani naagrik ne ki thi. sanyukt raashtra ne Afghanistan aur Pakistan mein kai ghaatak hamlon mein shaamil hone aur aatanki sangathan al-kaayada se jude hone ko lekar yeh pratibandh lagaaya hai. Sanyukt raashtra suraksha parishad ki 1267 al kaayada pratibandh samiti ne mangalvaar ko ''Islaamik state in Iraq end di levaant-khuraasaan'' (aaiesaaaiel-ke) par pratibandh lagaaya. Is sangathan ko aaiesaaaies dakshin Asia shaakha ke taur par bhi jaana jaata hai. kareeb do saptaah pehle hi pratibandh sambandhi samiti ne Pakistan sthit jaish-A-mohammad ke pramukh masood Azhar ko vaishvik aatankvaadi ghoshit kiya tha. pratibandh samiti ne ek bayaan mein kaha ki aaiesaaaiel-ke ka gathan 10 January 2015 ko tahareek-A-Taliban Pakistan ke ek poorv commander dvaara kiya gaya tha.


Bhaarateeya Udaanon Ke Liye 30 May Tak Havaai Kshetr Band Rakhega Pak

Bhaarateeya Udaanon Ke Liye 30 May Tak Havaai Kshetr Band Rakhega Pak

World »

Lahore Pakistan ne bhaarateeya udaanon ke liye apne havaai kshetr par lage pratibandh ko 30 May tak barkaraar rakhane ka faisala kiya kyonki use Bhaarat mein Loksabha chunaavon ke nateejon ka intajaar hai. Pakistan ne 26 February ko baalaakot mein aatanki sangathan jaish-A-mohammad ke shivir par bhaarateeya vaayusena ke hamle ke baad apne havaai kshetr ko poori tarah se band kar diya tha. Pakistan ne 27 March ko nai Delhi, bainkauk aur Kuala Lumpur ko chhodkar sabhi udaanon ke liye apna havaai kshetr khol diya tha. Baithak ke baad ek varishth sarkaari adhikaari ne bataaya, 'Raksha aur vimaanan mantraalayon ke sheersh adhikaariyon ne Budhvaar ko bhaarateeya udaanon ke liye apne havaai kshetr ko kholne par punarvichaar karne ke liye ek baithak aayojit ki. Unhonne faisala kiya ki Pakistan ke havaai kshetr mein 30 May tak bhaarateeya udaanon ke liye pratibandh jaari rahega. ' adhikaari ne kaha ki sarkaar ab bhaarateeya udaanon ke liye Pakistan ke havaai kshetr par pratibandh hataane ke liye 30 May ko vichaar karegi. Pakistan ke vigyaan evam praudyogiki mantri favaad chaudhari ne is saptaah ki shuruaat mein kaha tha ki Bhaarat mein chunaav ki samaapti tak yathaasthiti bani rahegi. Chaudhari ne kaha, 'Bhaarat mein chunaav samaapt hone tak yathaasthiti bani rahegi. Mujhe chunaav khatm hone aur ek nai sarkaar banane tak Pakistan aur Bhaarat ke sambandhon mein koi sudhaar naheen dikhta hai. Mera maanana hai ki ek-doosare ke havaai kshetr mein pratibandh bhaarateeya chunaavon ki samaapti tak jaari rahega. ' Bhaarat dvaara apne havaai kshetr par udaan pratibandh ke kaaran, Pakistan ne bainkauk, Kuala Lumpur ke liye apne sanchaalan ko band kar diya hai, jisse prati din laakhon rupaye ka nuksaan ho raha hai. Pakistan intaranaishanal airlines (peeaaie) Kuala Lumpur ke liye chaar udaanein do bainkauk aur do nai Delhi ke liye sanchaalit karta tha. Peeaaie ke ek varishth adhikaari ne bataaya ki peeaaie ka nuksaan vishesh roop se bainkauk aur Kuala Lumpur ke liye udaanon ke band hone ke kaaran arabon rupaye mein chal raha hai.


Haafij Saeed Ka Nikat Sambandhi Pakistan Mein Giraftaar

Haafij Saeed Ka Nikat Sambandhi Pakistan Mein Giraftaar

World »

(M. Julkaranain) Lahore, 15 May (bhaasha) Mumbai aatanki hamle ke saragana evam pratibandhit jamaat-ud-daava ke neta haafij Saeed ke ek nikat sambandhi haafij abdur Rahman makki ko ghruna failaane wala bayaan dene aur Pakistan sarkaar ki aalochna karne ke aarop mein giraftaar kar liya gaya hai. Police ne Budhvaar ko yeh jaankaari di. jamaat ki raajaneetik aur antararaashtreeya maamalon ki shaakha ke pramukh aur iski chairiti sanstha falaah-A-insaaniyat foundation (efaaaief) ke pramaari makki ko is pratibandhit sangathan ke khilaaf ki ja rahi kaarravaai ke tahat giraftaar kiya gaya. Punjab police ki pravakta naabeela gajnafar ne is giraftaari ki pushti ki par yeh naheen bataaya ki use kin aaropon ke chalte giraftaar kiya gaya. sootron ke anusaar makki ko Lahore se kareeb 80 kilometer door gujaraanvaala kasbe mein ghruna bhare bhaashan dene ke maamale mein giraftaar kiya gaya. sootron ne bataaya ki makki ki giraftaari ko vitteeya kaarravaai taask fors (efaeteeef) ki aavashyakataaon ki poorti ke roop mein sarkaar ke kadam ke sambandh mein dena jaana chaahiye. ameriki vitt vibhaag Saeed ko vaishchik aatankvaadi ghoshit kar chuka hai aur America uske baare mein soochana dene vaale ko ek karod dollar ka inaam dene ka ailaan kar chuka hai taaki use nyaaya ke adheen laaya ja sake. Saeed bahut kam logon se milta julata hai aur vah Lahore mein kadi suraksha ke beech rahata hai. Beete do dashakon mein aisa pehli baar hua jab March maheene ki shurooaat mein Saeed ko jamaat ke mukhyaalaya mein pravesh karne aur saaptaahik dhaarmik pravachan se rok diya gaya tha. jamaat ke anushangi sangathan efaaaief ka netrutv pehle hi bhoomigat ho chuka hai. Iski vajah yeh hai ki Pakistan sarkaar jamaat ki tarah efaaaief par March maheene mein pratibandh laga chuka hai. jamaat ke baare mein kaha jaata hai ki yeh lashkar-A-taiyab ka mukhauta sangathan hai. Yeh sangathan Mumbai hamle ka jimmedaar hai jismein 166 logon ki maut ho gayi theen.


Pompio Ke Aashvaasan Ke Baad Iran Aur America Ke Beech Tanaav Badh Raha Kremalin

Pompio Ke Aashvaasan Ke Baad Iran Aur America Ke Beech Tanaav Badh Raha Kremalin

World »

Moscow, 15 May (eefapi) roos ne America aur Iran ke beech badh rahe tanaav par Budhvaar ko chinta jataai. kremalin ka kehna hai ki America ke videsh mantri Mike pompio ne roos yaatra ke dauraan yeh aashvaasan diya tha ki America Iran ke saath yuddh naheen karne ja raha hai. pompio aur roos ke raashtrapati vlaadimeer putin ke beech hue mulaakaat ke ek din baad kremalin pravakta demetri peskov ne kaha, '' humne paaya hai ki is vishay ko lekar America aur Iran ke beech tanaav ka badhna jaari hai. '' peskov ne kaha, '' hamein Iran ke faisale se dukh pahuncha. Lekin Washington Iran ko ukasa raha hai. '' mangalvaar ko sochi ke kaala saagar rijaurt mein pompio ne roos ko aashvaasan diya tha ki unka desh Iran ke saath yuddh naheen karega. Lekin iske baavajood Pentagon ne parmaanu kshamata vaale bamavarshakon ke kshetr mein bhej diya hai. peskov ne apna yeh bayaan vaapas le liya aur unhonne samvaadadaataaon se kaha, '' pompio se koi aashvaasan naheen mila hai. '' unhonne kaha, '' koi shaayad hi is tarah ka aashvaasan deta hai. Humne abhi tak is maamale par lagaataar tanaav badhte dekha hai. '' gaurtalab hai ki America ke raashtrapati donaald tramp ke 2015 antararaashtreeya Iran parmaanu samjhaute se America ko hataane ke nirnaya ke baad se hi Tehran aur Washington ke beech tanaav utpann ho gaya tha. eefapi sneha shaahidshaahid.


Bheeshan Sookhe Ke Sankat Se Joojh Raha Hai Uttar Korea

Bheeshan Sookhe Ke Sankat Se Joojh Raha Hai Uttar Korea

World »

Siyol, 15 May (epi) uttar Korea ne kaha ki desh mein khaadya sankat ki chintaaon ke beech vah kareeb chaar dashak ke sabse badtar sookhe ka saamana kar raha hai. sarkaari 'Korean central news agency' ne Budhvaar ko kaha ki is saal ke paanch maheenon mein poore desh mein ausatan 54.4 mimi (2.1 inch) baarish hui hai, jo 1982 ke baad se sabse kam hai. samaachaar agency ne kaha ki sookhe ke haalaat May ke ant tak jaari rahane ke aasaar hain. is maheene ke shuroo mein, sanyukt raashtra ki khaadya agencyon ne sanyukt aakalan ke baad kaha tha ki uttar Korea mein ek karod log bhojan ki gambhir kami ka saamana rahe hain. sanyukt raashtra mein uttar Korea ke raajadoot kim song ne tatkaal khaadya sahaayata ki appeal ki thi. epi nomaan prashaantaprashaant.


Ishaninda Ko Lekar Maut Ki Saja Sunaae Jaane Ke Maamale Mein Danpati Ki Nishpaksh Sunavaai Naheen Hui Aasiya Ke Vakeel

Ishaninda Ko Lekar Maut Ki Saja Sunaae Jaane Ke Maamale Mein Danpati Ki Nishpaksh Sunavaai Naheen Hui Aasiya Ke Vakeel

World »

Lahore, 15 May (bhaasha) bahucharchit ishaninda maamale mein aasiya beebi ka safalataapoorvak bachaav kar chuke unke vakeel ne kaha hai ki ishaninda vaale sandesh bhejane ko lekar maut ki saja ka saamana kar rahe ek Pakistani isaai danpati ki nishpaksh sunavaai naheen hui. isaai danpati shagufta kausar aur shafakat maseeh ki begunaahi ke liye vakeel saiful malook jirah kareinge. Is danpati ko Punjab praant ki ek jila adaalat ne April 2014 mein maut ki saja sunaayi thi aur unamein se pratyek par 1,00,000 roopaye ka jurmaana bhi lagaaya tha. ullekhaneeya hai ki aasiya ke baad kausar aisi doosari mahila hai, jinhein maut ki saja sunaayi gayi hai aur unhein jail mein usi kothari mein rakha gaya hai, jahaan aasiya ko pichhle saal ishaninda kaanoon mein bari hone se pehle rakha gaya tha. is beech, shagufta kausar aur shafakat maseeh ne Lahore uchch nyaayaalaya mein appeal ki hai. malook ne fauks news se kaha, '' unki nishpaksh sunavaai naheen hui. Ve begunaah hain. '' malook is dampati ko doshi karaar diye jaane ke khilaaf mukadama ladeinge. haalaanki, pichhle saal October mein jab aasiya ki doshasiddhi ko (adaalat dvaara) palat diya gaya tha, tab malook ko jaan se maarane ki dhamakiyaan milne lagi thi aur vah kuchh samay ke liye Pakistan se bhaag gaye the. kausar aur maseeh Pakistan sthit Punjab praant ke gojara ke rahane vaale hain. Ve ek church ke parisar mein apne chaar bachchon ke saath rah rahe the.


Haafij Saeed Ka Nikat Sambandhi Giraftaar

Haafij Saeed Ka Nikat Sambandhi Giraftaar

World »

Lahore, 15 May(bhaasha) Mumbai aatanki hamle ke saragana evam pratibandhit jamaat-ud-daava neta haafij Saeed ke nikat sambandhi ko ghruna bhare bayaan aur paakistaar sarkaar ki aalochna karne ke aarop mein giraftaar kar liya gaya hai. Police ne Budhvaar ko yeh jaankaari di. jiyo news ne gruh mantraalaya ke sootron ke havaale se bataaya ki jamaat ki raajaneetik aur antararaashtreeya maamale dekhne waali shaakha ke pramukh aur iski chairiti sanstha falaah-A-insaaniyat foundation (efaaaief) ke pramaari abdul Rahman makki ko is pratibandhit sangathan ke khilaaf ki ja rahi kaarravaai ke tahat giraftaar kiya gaya. Punjab police ne kaha ki makki ko kaanoon vyavastha adhiniyam ke tahat giraftaar kiya gaya. Pakistan sarkaar jamaat ki tarah efaaaief par March maheene mein pratibandh laga chuka hai. jamaat ke baare mein kaha jaata hai ki yeh lashkare-A-taiyaba ka mukhauta sangathan hai. Yeh sangathan Mumbai hamle ka jimmedaar hai jismein 166 logon ki maut ho gayi theen.


America Ke Saath Vaarta Naheen Chaahata Iran Ayaatulla Ali Khamenei

America Ke Saath Vaarta Naheen Chaahata Iran Ayaatulla Ali Khamenei

World »

Tehran Iran ke sarvochch neta ayaatulla Ali khamenei ne vivaadit muddon par ameriki sarkaar ke saath kisi tarah ki baatcheet karne se inkaar kiya hai. Samaachaar agency tasneem ne yeh jaankaari di. Irani samaachaar agency ke havaale se samaachaar agency sinhuaa ki report ke mutaabik, Irani neta ne kaha ki America Iran se usaki kshetreeya rananeeti par baat karne ka aagrah karne ke saath uske rakshaatmak hathiyaaron ke sambandh mein aur usaki misaailon ki range ko kam karne ko lekar Iran se baat karna chaahata hai. Khaamanei ne kaha, 'Isliye (in muddon par) vaarta mool roop se galat hai. ' unhonne jor dete hue kaha, 'America ke saath baatcheet, khaastaur par maujooda ameriki sarkaar ke saath baatcheet karna nukasaanadaayak hoga. ' ameriki raashtrapati daunald trump ne pichhle saal May mein Iran ke aitihaasik antarraashtreeya parmaanu samjhaute se America ko alag kar liya tha aur ab fir se Iran ke khilaaf kai pratibandh laga diye hain. America Iran ke saath ek naya parmaanu samjhauta chaahata hai jo Iran ke parmaanu kaaryakram par lagaam lagaae aur iske balistik misaail ke nirmaan ko roke. Khaamenei ne kaha, 'Hamaara koi bhi buddhimaan vyakti (Iran ke andar) America ke saath vaarta naheen chaahata. ' donon deshon ke beech badhe tanaav aur iske chalte donon pratidvandviyon ke beech sashastr sangharsh se judi aashankaaon ke beech Irani neta ne America aur Iran ke beech yuddh ki sambhaavana se inkaar kiya hai.


Haafij Saeed Ke Rishtedaar Abdul Rahman Makki Ko Punjab Police Ne Arest Kiya

Haafij Saeed Ke Rishtedaar Abdul Rahman Makki Ko Punjab Police Ne Arest Kiya

World »

Lahore Pakistan ki Punjab police ne jamaat-ud-daava ke cheef haafij Saeed ke rishtedaar ko arest kar liya hai. Jiyo TV ki report ke anusaar abdul Rahman makki ko aatanki sangathan ke khilaaf ki ja rahi kaarravaai ke tahat pakada gaya hai. Punjab police ne bhi iski pushti kar di hai. Makki par nafarat bhare bhaashan dene aur sarkaar ki efaeteeef gaaidalaains ki aalochna ka aarop hai. Ek varishth sootr ne bataaya ki meintaneins of pablik order aikt ke tahat makki ko giraftaar kiya gaya hai. Makki jamaat-ud-daava ke pramukh logon mein se hai aur haafij ka bahut kareebi bhi. Vah jamaat ke raajaneetik aur antararaashtreeya ving ka pramukh hai. Jamaat ke chairiti sangathan falah-A-insaaniyat ka pramukh bhi hai. Aatanki ghoshit sangathan ke khilaaf Pakistan sarkaar ne sakht kaarravaai shuroo ki hai aur usi ke antargat use giraftaar kiya hai. Pakistan ne pehle hi yooen dvaara ban kiye sangathanon ki sampatti aur bank account jabt karne ki baat kahi hai. Kuchh din pehle hi jaish A mohammad ke saragana masood Azhar par bhi sanyukt raashtra ne ban lagaaya gaya hai.


Soodaan Mein Sena Aur Pradarshanakaari 3 Saal Ki Badlaav Avadhi Par Sahamat General

Soodaan Mein Sena Aur Pradarshanakaari 3 Saal Ki Badlaav Avadhi Par Sahamat General

World »

Khaartoom Soodaan mein poorn naagrik prashaasan ko satta hastaantarit karne ke vaaste sainya shaasakon aur pradarshanakaariyon ke beech 3 saal ki badlaav avadhi par Budhvaar ko sahamati bani hai. Desh par lambe samay se shaasan karne vaale umar al basheer ko satta se bedakhal karne ke baad baagdor sambhaalne waali sainya parishad ke sadasya lieutenant general yaasir al atta ne yeh jaankaari di. Unhonne bataaya 'Ham 3 saal ki badlaav avadhi ke liye sahamat ho gaye hain. ' atta ne kaha ki agali shaasan vyavastha the sauverin kaaunsil ke gathan sahit satta saajha karne ke sambandh mein antim samjhaute par 24 ghante ke andar aandolanakaari samooh alaayans for freedom end change ke saath hastaakshar kiye jaaenge. Unhonne kaha, 'Ham apni janta se vaada karte hain ki yeh samjhauta 24 ghante ke andar poora kar liya jaaega aur ise is prakaar se taiyaar kiya jaaega ki yeh janta ki apekshaaon par khara utare. ' Soodaan mein kai saptaah se army hedakvaurtar ke baahar pradarshanakaari date hue hain. 11 April ko jabase sena ne satta sambhaali hai pradarshanakaari sainya shaasan ke khilaaf pradarshan kar rahe hain. Army general ne pehle satta hastaantaran ke liye 2 saal ki avadhi prastaavit ki thi, jabki pradarshanakaari 4 saal ke vakt ki maang kar rahe the. Soodaan mein pradarshan ke dauraan kai baar hinsa bhi hui hai.


Uttar Korea Ko Lekar America, Roos Ka 'Samaan Uddeshya Hai Pompio

Uttar Korea Ko Lekar America, Roos Ka 'Samaan Uddeshya Hai Pompio

World »

Sochi (roos), 15 May (eefapi) America ke videsh mantri Mike pompio ne roos ke raashtrapati vlaadimeer putin ke saath baatcheet ke baad kaha ki uttar Korea ko lekar America aur roos ke lakshya samaan hain. pompio ne roosi ke sochi mein mangalvaar der raat vaarta ke baad samvaadadaataaon se kaha, ''Mera maanana hai ki hamaara lakshya samaan hai aur mujhe ummeed hai ki ham ek saath kaam karne ke tareeke talaash kar sakte hain. '' unhonne bataaya ki putin ke aavaas mein kareeb do ghante chali baatcheet mein unhonne uttar Korea par lambi charcha ki. putin ne kuchh saptaah pehle hi uttar Korea ke neta kim jong un ke saath ek shikhar vaarta ki thi. pompio ne bataaya ki putin aur unke beech Syria par bhi lambi vaarta hui. ullekhaneeya hai ki Syria ko lekar America aur roos vipreet pakshon mein hain. unhonne bataaya ki donon deshon ne Syria mein yuddh ke baad samvidhaan banaane ke liye ek samiti gathit karne ka samarthan kiya. pompio ne sochi se ravaana hone se pehle havaaiadde par patrakaaron se kaha, ''Syria mein aage ki yojana ko lekar hamaare beech kaafi saarthak baatcheet hui. Hamaare beech raajaneetik prakriya ko aage le jaane ke sambandh mein un cheejon par baatcheet hui jo ham milkar kar sakte hain aur jismein hamaare saajhe hit hain. '' unhonne kaha, ''Sanyukt raashtra suraksha parishad prastaav 2254 se judi raajaneetik prakriya ataki padi hai aur mera maanana hai ki ham ise aage badhaane ke liye milkar kaam karna aarambh kar sakte hain. '' sanyukt raashtra suraksha parishad prastaav 2254 ko 2015 mein paarit kiya gaya tha jismein sanyukt raashtra ke samarthan mein Syria neet raajaneetik pratikriya ki baat ki gayi hai lekin sanyukt raashtra doot samvaidhaanik samiti banaane ko lekar sangharsh kar rahe hain. gaurtalab hai ki Syria mein aath varsh se chal rahe sangharsh mein teen lakh 70 hajaar se adhik logon ki maut ho chuki hai. eefapi simmi shobhanaashobhana.


America Ne Venezuela Mein Vipaksh Par Badhti Kaarravaai Ko Lekar Sanyukt Raashtra Ko Chetaaya

America Ne Venezuela Mein Vipaksh Par Badhti Kaarravaai Ko Lekar Sanyukt Raashtra Ko Chetaaya

World »

Sanyukt raashtra America ne sanyukt raashtra suraksha parishad se kaha ki Venezuela ke raashtrapati nikolas maaduro vipaksh niyantrit naishanal assembly par kaarravaai tej kar rahe hain. Saath hi usane anya deshon se iske khilaaf thos kaarravaai karne ka anurodh kiya. Suraksha parishad ki yeh baithak Venezuela mein jaari raajaneetik aur maanaveeya sankat par sankshipt charcha tatha desh mein chal rahe gatirodh ko samaapt karne ke liye iyoo samarthit raajanayik prayaason ki jaankaari dene ke liye hui thi. Yeh baithak Europeeya deshon ke anurodh par hui thi. America ke kaaryavaahak raajadoot jonaathan kohen ne Venezuela mein vipakshi neta edagaar jambraano ki 8 May ko giraftaari par chinta jataai. Vah naishanal asanbeli ke pehle upaadhyaksh the. Sanyukt raashtra mein ameriki mission ne ek bayaan jaari karke kaha,' naishanal assembly ke khilaaf maaduro shaasan ki kaarravaai jambraano ki giraftaari ke saath aur badh gayi hai aur ham isse chintit hain. ' Ismein kaha gaya, 'America sabhi sadasya deshon se Venezuela mein maaduro shaasan ke badhte daman ke khilaaf thos kaarravaai ke liye taiyaar rahane ki maang karta hai. '


Yaman Ke Vidrohiyon Ne Hudaida Bandargaah Tatarakshak Bal Ko Saunpa

Yaman Ke Vidrohiyon Ne Hudaida Bandargaah Tatarakshak Bal Ko Saunpa

World »

Hudaida Yaman ke hooti vidrohiyon ne mahatvapoorn laal saagar badanragaahon ki suraksha tatarakshak bal ko saunp di, lekin sainya upakaran hataane ke liye abhi kaafi kaam kiya jaana hai. Sanyukt raashtra ne mangalvaar ko yeh jaankaari di. Vidrohiyon ne yaman ki Saudi samarthak sarkaar aur Iran samarthak hootiyon ke beech December mein sveedan mein mushkil se hue samjhaute ke taur par bandargaah saunp diya. Sarkaar ne vidrohiyon par bandaragaahon ko alag vardi pahane hue apne hi balon ko saunpane ka aarop lagaaya. Sanyukt raashtra ne ravivaar ko kaha ki vah hudaida, saaleef aur raas issa terminal se hooti vidrohiyon ki vaapasi ki nigraani kar raha hai. Sanyukt raashtra ne ek bayaan mein kaha, 'Upakaranon ko hataane ke liye kaafi kaam kiya jaana hai lekin sahayogi kaafi achha hai. Sanyukt raashtra ke dal nishpaksh aur paaradarshi tareeke se in praarambhik kadamon ki nigraani karte raheinge. ' Sanyukt raashtra ki ek team bandargaah par maujood thi aur unki nigraani mein hi hooti vidrohiyon ne tatarakshak bal ko suraksha saunpane ka kaam kiya. Hauti pravakta mohammad abdulasalaam ne kaha, 'Bandaragaahon ki suraksha saunpane ke apne vaade ko humne poora kar diya hai. Yeh is kram ka pehla phase hai. ' filhaal kuchh dinon tak sanyukt raashtra ki team poore prakriya ki nigraani hoti rahegi.