Hamein Dakshin Asia Mein Shaanti Aur Sthirta Ki Ummeed America

Hamein Dakshin Asia Mein Shaanti Aur Sthirta Ki Ummeed America

World »

Washington: Pakistani sena ki goleebaari mein Bhaarat ke do sainikon ke maare jaane ki ghatna ke baad America ne ummeed jataai hai ki donon padosi desh kshetr mein shaanti aur sthirta banaae rakhane ki disha mein kadam badhaaenge. Pentagon ke press sachiv George little ne kaha, ham ummeed karte hain (hamaare Pakistani aur bhaarateeya saajhedaar) ki ham kshetr mein shaanti aur sthirta kaayam rakh sakte hain. Raksha mantri ne Bhaarat sahit is kshetr ke daure mein iski pushti ki hai. George ne ek savaal ke javaab mein kaha ki raksha mantri Leon peneta Bhaarat aur Pakistan ke beech tanaav ke muddon evam aitihaasik tanaav se achhi tarah vaakif hain. Gaurtalab hai ki Pakistan ke sainikon ne Jammu-Kashmir ke punchh sector mein ghus kar Bhaarat ke ek gashti dal par hamla kiya aur do sainikon ki hatya kar di. Inmein se ek sainik ka sir bhi kaat diya gaya. George ne kaha, aatankvaad ke mudde par main yah kehna chaahata hoon ki ham Bhaarat aur Pakistan samet vishv mein un sabhi ke saath hain, jo naagrikon ki hatya karne vaale aatankvaadiyon ke khilaaf kada rukh apnaate hain. Ye naagrik chaahe Pakistan, Bhaarat ya America ke hi kyon na hon. Unhonne kaha, ham sabhi aatankvaad se prabhaavit rahe hain aur hamaara maanana hai ki vishv ke us kshetr evam anya kshetron mein sakriya aatankvaadi samoohon ke khilaaf ek sanyukt morche ki jaroorat hai.


Pak Ne Niyantran Rekha Paarakar Hamla Karne Ka Khandan Kiya

Pak Ne Niyantran Rekha Paarakar Hamla Karne Ka Khandan Kiya

World »

Islamabad: Pakistan ki sena ne Budhvaar ko Bhaarat ke us daave ko khaarij kar diya, jismein usane kaha tha ki Pak sainikon ne Bhaarat ke ek gashti dal par hamla kar do sainikon ki hatya kar di. Usane daava kiya ki usane jameeni pushti ki hai aur paaya hai ki is tarah ka kuchh bhi naheen huaa tha. Pakistani paksh ne yah baat donon pakshon ke sainya abhiyaan mahaanideshakon (DGMO) ke beech telephone par baatcheet ke dauraan kahi. Pakistani sena ke ek adhikaari ne naam naheen bataane ki shart par kaha ki Pakistani ke DGMO major general Ashfaq nadeem ne apne bhaarateeya samakaksh vinod Bhatia se hotline par baatcheet ki aur niyantran rekha ko paarakar Pakistani sainikon dvaara kisi bhaarateeya javaan ke hatya ke bhaarateeya sena ke aarop ko khaarij kar diya. Sainya adhikaari ne kaha, bhaarateeya adhikaariyon ko soochit kiya gaya hai ki Pakistan ne jameeni pushti ki, jaanch ki aur paaya ki is tarah ka kuchh bhi naheen huaa, jaisa ki Bhaarat ne aarop lagaaya hai.


Pakistan Mein Aatankiyon Ne Apahrut Sikh Ka Sir Kalam Kiya

Pakistan Mein Aatankiyon Ne Apahrut Sikh Ka Sir Kalam Kiya

World »

Islamabad: Pakistan ke kabeelaai khabar agency mein ek aatanki samooh ne ek maheene pehle pratidvandvi gut ke liye jaasoosi karne ke aarop mein apahrut mohindar Singh naam ke sikh ka sir kalam kar diya hai. Media ki khabaron mein Budhvaar ko 40-varsheeya mohindar Singh ki hatya ki khabarein prasaarit hui hain. Pichhle saal 20 November ko agyaat bandookdhaariyon ne Singh ko khabar agency ke tabbi gaanv sthit unki dukaan se agava kar liya tha. Singh ayurvedik davaaon ke vikreta the, jo pashchimottar Pakistan mein sikhon ka aam pesha hai. 'Don' akhbaar ne naam ujaagar kiye bagair adhikaariyon ke havaale se khabar di hai ki aatankiyon ne mangalvaar ko Singh ka sir dhad se alag kar aur kshat-vikshat karne ke baad ek bore mein daalkar khabar agency ke jaakhaakhel baajaar mein feink diya. Adhikaariyon ne bataaya ki tauhidul islaam naam ke ek aatanki samooh ne is hatya ki jimmedaari li hai. Mohindar Singh ke shav ke saath rakhe ek patra mein kaha gaya hai ki unhein pratidvandvi aatanki samooh lashkar-A-islaam ke liye jaasoosi karne ke kaaran maara gaya. Singh ke bhaai daasavant Singh ne unke shav ki pehchaan ki aur kaha, hamaari kisi se koi dushmani naheen thi aur chhah dashak se bhi adhik samay se khabar agency mein shaantipoorvak rah rahe hain. Unhonne bataaya ki unke bhaai ke nau bachche hain, jinmein ek beta poliograst hai. Unhonne sarkaar se alpasankhyakon ki raksha aur parivaar ke liye muaavaje ki maang ki.


Hillary Clinton Ko Mili New York Aspataal Se Chhutti

Hillary Clinton Ko Mili New York Aspataal Se Chhutti

World »

Washington: America ki videshamantri Hillary Clinton ko New York sthit ek aspataal mein upachaar ke baad aadhikaarik roop se chhutti de di gayi hai. Samaachaar agency sinhuaa ke mutaabik, Budhvaar ko Clinton ke pravakta Phillip reens ne kaha, videshamantri Hillary ko shaam ko aspataal se chhutti mil gayi. Unke chikitsak dal ne yeh salaah di hai ki unki sehat mein har star par sudhaar ho raha hai, aur unhein yeh bharosa hai ki vah bilkul svasth ho jaaengi. Unhonne kaha, vah fir se kaaryaalaya jaane ko lekar utsuk hain. Hillary ke sir mein khoon jam jaane ki shikaayat par unhein ravivaar ko aspataal mein bharti karaaya gaya tha. Unke chikitsakon ke anusaar yeh khoon daaen kaan ke peechhe unke mastishk aur khopadi ke beech ki nas mein jama hua tha. Haalaanki, chikitsakon ka kehna hai ki is vajah se na to unhein koi mastishkaaghaat hua hai aur na hi unke tantrika tantr ko koi nuksaan pahuncha hai aur vah poori tarah svasth ho jaaengi.


The Korea Paanch Ladkon Se Dushkarm Karne Vaale Ko Napunsak Banaane Ka Aadesh

The Korea Paanch Ladkon Se Dushkarm Karne Vaale Ko Napunsak Banaane Ka Aadesh

World »

Siyol: Dakshin Korea mein baal yaun shoshan ke liye doshi paae gaye ek vyakti ko yahaan ki adaalat ne napunsak banaane ke aadesh diye hain. Desh mein yeh aisa pehla maamala hai. Samaachaar agency sinhuaa ke anusaar, siyol dakshini jila adaalat ne 31-varsheeya paayo ko 15 saal ki kaid ki saja sunaai hai. Jail mein hi use aisi davaaen di jaaengi, jisse uske bheetar yaun ichha samaapt ki ja sake. Nyaayaalaya ne kaha ki paayo 'Swayam par niyantran' rakhane mein aksham hai. Use November 2011 se May 2012 ke beech paanch kishoron ke saath dushkarm karne ke liye doshi thaharaaya gaya hai. Usane yaun video Internet par prasaarit karne ki dhamaki bhi di thi. Paayo ke aaparaadhik aankade agale 10 saal ke liye saarvajanik raheinge.


Drone Hamle Mein Pakistani Aatankvaadi Najeer Ki Maut

Drone Hamle Mein Pakistani Aatankvaadi Najeer Ki Maut

World »

Islamabad: Pakistan mein hue ameriki drone hamle mein Pakistani aatankvaadi saragana mulla najeer aur paanch anya logon ki maut ho gayi. Rapat ke mutaabik, dakshini Waziristan ke kabaayali kshetr mein do misaailein daagi gain, is hamle mein najeer aur anya logon ki maut ho gayi. Beete November mein aatmaghaati hamle mein jakhmi hue najeer par Afghanistan mein Taliban aur anya aatankvaadi sangathanon ki madad ke liye ladaake bhejane ka aarop tha. Rapaton ke anusaar, mulla najeer ka sahaayak ratta Khan bhi is hamle mein maara gaya hai. 'Guruvaar subah Afghanistan seema ke najadeek angoor Ada kshetr mein hue is drone hamle ka nishaana ek ghar tha ya fir car, yeh abhi tak spasht naheen ho paaya hai. Shuruaat mein I media rapaton mein najeer ka naam naheen tha, lekin hamle mein chaar se paanch logon ke marne ki baat kahi gayi thi.


Sri Lanka Ki Pradhaan Nyaayaadheesh Ke Khilaaf Mahaabhiyog Khaarij

Sri Lanka Ki Pradhaan Nyaayaadheesh Ke Khilaaf Mahaabhiyog Khaarij

World »

Colombo: Sri Lanka ke sarvochch nyaayaalaya ne desh ki pratham mahila pradhaan nyaayaadheesh ke khilaaf mahaabhiyog ki prakriya ko asamvaidhaanik bataate hue guruvaar ko ise khaarij kar diya. Isse Sri Lanka ki sansad aur nyaayapaalika ke beech takaraav gahra gaya hai. Vakeelon ke ek samooh ne tvarit pratikriya dete hue is faisale ka svaagat kiya aur sarkaar tatha raajaneetik dalon se kaha ki yadi ve Sri Lanka ko ek lokataantrik raashtra ke roop mein dekhna chaahate hain to sarvochch nyaayaalaya ki avhelna na karein. Samaachaar agency sinhuaa ki khabar ke mutaabik, sarvochch nyaayaalaya ne jo faisala diya, use appealeeya adaalat ke adhyaksh ne padhkar sunaaya jismein kaha gaya hai ki sarkaar dvaara gathit sansadeeya pravar samiti (PSC) ko pradhaan nyaayaadheesh ke khilaaf aaropon ki jaanch ki 'Vaidhaanik shakti ya praadhikaar' naheen hai. Adhivakta deshmal varanaasuriya ne kaha ki pradhaan nyaayaadheesh ke khilaaf mahaabhiyog ki jo prakriya apnaai gayi, vah samvidhaan ke mool siddhaanton ka ullanghan karta hai. Nyaayaalaya ke aadesh ke baad sansad ki pravar samiti aur mahaabhiyog ki prakriya asamvaidhaanik tatha gair-kaanooni ho gayi hai. Gaurtalab hai ki Sri Lanka ki pehli mahila mukhya nyaayaadheesh nyaayamoorti shiraani Bandaranaike ke khilaaf vitteeya aniyamitata ko lekar mahaabhiyog ki prakriya November mein shuroo hui thi. Unke khilaaf 14 aaropon ki jaanch ke liye sansad ki pravar samiti gathit ki gayi thi. Samiti kuchh hi samay baad haalaanki vivaadon mein ghir gayi. 6 December ko nyaayamoorti Bandaranaike ne aarop lagaaya ki unke khilaaf nishpaksh sunavaai naheen ho rahi hai. Is tarah ke arop bhi lage ki samiti ne unhein 'Paagal mahila' kaha aur apamaanit kiya. Unhonne samiti ke khilaaf appealeeya adaalat mein maamala darj karaaya, jiske baad yeh faisala aaya. Vakeelon ke samooh ne sabhi sansthaanon, vyaktiyonaur raajaneetik dalon se sarvochch nyaayaalaya ke faisale ko sveekaar karne tatha vaidhaanik vyavastha ka sammaan ki appeal ki.


Drone Hamle Mein Sheersh Pakistani Aatankvaadi Samet 10 Mare

Drone Hamle Mein Sheersh Pakistani Aatankvaadi Samet 10 Mare

World »

Islamabad: Pakistan mein dakshini aur uttari Waziristan ke kabaayali kshetr mein guruvaar tadke hue kai drone hamlon mein sheersh Taliban aatankvaadi mulla najeer aur nau anya ki maut ho gayi. Samaachaar patra 'Don' ne apni rapat mein bataaya ki Taliban aur khufiya sootron ne dakshini Waziristan ke vaana shahar mein America virodhi aatankvaadi mulla najeer ke uske paanch saathiyon ke saath maare jaane ki pushti ki hai. Ye sabhi us vakt maare gaye jab ek maanavarahit vimaan ne inke thikaane par do misaailein daageen. Ek anya ghatna mein uttari Waziristan ke meer Ali up jile ke mubaarak shaahi gaanv mein hue drone hamle mein kam se kam chaar logon ki maut ho gayi, jabki kai anya ghaayal ho gaye. Rapaton ke anusaar ameriki drone ne ek vaahan par do misaailein daagi aur uske baad fir se us vakt do misaailein daagi, jab bachaavakarmi ghatnaasthal se shav aur ghaayalon ko lekar ja rahe the. Suraksha adhikaariyon ne bataaya ki uttari Waziristan mein hue hamle mein marne vaalon ki sankhya badh sakti hai. 'BBC' ne media rapaton ka havaale dete hue bataaya ki mulla najeer ka sahaayak ratta Khan bhi hamle mein maara gaya hai. Shuruaat mein I media rapaton mein najeer ka naam naheen tha, lekin hamle mein chaar se paanch logon ke marne ki baat kahi gayi thi. Samaachaar agency sinhuaa ke mutaabik beete varsh Pakistan mein kul 39 drone hamle hue, jinmein se adhikaansh uttari Waziristan kshetr ke pashchimottar kabaayali kshetr mein hue the. In hamlon mein 274 logon ki maut ho gayi thi.


Sharaabi Mahilaaon Ne Aapaat Paristhiti Mein Utaravaaya Vimaan

Sharaabi Mahilaaon Ne Aapaat Paristhiti Mein Utaravaaya Vimaan

World »

London: Tunisia ja raha british Airways ka vimaan aapaat paristhati mein France mein utaarana pada, kyonki adhed umr ki do mahilaaon ne sharaab peekar nashe ki haalat mein cockpit mein jabaran pravesh karne ki koshish ki. Samaachaar patra 'Daily mel' mein prakaashit report ke anusaar, mahilaaon ki umr 50 varsh aur 43 varsh bataai ja rahi hai. Unhonne ram peene ke baad yeh harkat ki aur apni seaton par jaane se mana kar diya. Ek yaatri ne kaha ki mahilaaon ne yahaan tak ki parichaarika ke parivaar vaalon ko dhoondhkar unhein maar daalne ki chetaavani bhi di. Vimaan ne Gatwick havaai adde se Tunisia ke liye udaan bhari thi. Baad mein haalaanki yeh daava kiya gaya ki mahilaaen dhoomrapaan ke liye Boeing 737-400 ke shauchaalaya mein chhipi hui theen. Pilot ne vimaan Leon ki taraf mod diya, jahaan vimaan ke utarane ke baad France ki police ne mahilaaon ko baahar nikaala. Unhein raatabhar hiraasat mein rakha gaya. Baad mein unhein ek anya vimaan se bhej diya gaya.


Obama Ne Raksha Vidheyak Ko Di Hari Jhandi

Obama Ne Raksha Vidheyak Ko Di Hari Jhandi

World »

Washington: America ke raashtrapati Barack Obama ne agale saal ke liye 633 arab kharch vaale raksha vidheyak par dastakhat kar diya. Yeh jaankaari guruvaar ko white house ne di. Kai aapattiyon ke kaaran Obama ne vidheyak par veto lagaane ki dhamaki di thi. Vidheyak mein yuddhapoton, ladaakoo vimaanon, hathiyaaron aur sainikon par kharch ke saath-saath Afghanistan mein hone wala raksha kharch bhi shaamil hai. Samvaad agency sinhuaa ke mutaabik raashtrapati ne kaha ki haalaanki vidheyak ke kuchh hisson par unka virodh barkaraar hai fir bhi mahatvapoorn raksha naveekaran aur adhikaariyon aur kosh ki badi jarooraton ko dekhte hue ise najaraandaaj kiya ja raha hai.


Mulla Najeer Ki Maut Taliban Ke Liye Ek Bada Jhatka Hoga Pentagon

Mulla Najeer Ki Maut Taliban Ke Liye Ek Bada Jhatka Hoga Pentagon

World »

Washington: Ameriki raksha vibhaag ne kaha ki Pakistan ke dakshini Waziristan ilaake mein drone hamle mein ek varishth Taliban commander ki hatya ki yadi pushti ho jaati hai to yeh is aatankvaadi sangathan ke liye ek bada jhatka hoga. Pentagon ke press sachiv George little ne of the camera samvaadadaata sammelan mein samvaadadaataaon se kaha, bilkul spashtata se bataaoon ki main (Taliban commander ke maare jaane ki) report ki pushti naheen kar sakta. Yadi report sach hai to yeh (is aatankvaadi sangathan) ke liye bahut bada jhatka hoga tatha yeh na keval America balki hamaare Pakistani saajhedaar evam Afghaanon ke liye madadgaar baat hogi. Vah Pakistan se aa rahi in khabaron par pratikriya de rahe the ki dakshin Waziristan mein mukhya Pakistani Taliban commander mulla najeer Afghan seema ke sameep ameriki drone hamle mein 16 anya logon ke saath maara gaya.


Pakistan Ke Osama Bin-Laden Aayog Ne Pradhaanamantri Ko Report Saunpi

Pakistan Ke Osama Bin-Laden Aayog Ne Pradhaanamantri Ko Report Saunpi

World »

Islamabad: Duniya ke sarvaadhik vaanchhit aatankvaadi Osama bin-Laden ki Pakistan mein maujoodagi ke maamale ki jaanch kar rahe nyaayik aayog ne aaj apni report pradhaanamantri raaja Parvez Ashraf ko saunpi, haalaanki aayog ki report ko saarvajanik naheen kiya gaya hai. Aadhikaarik bayaan ke anusaar, uchchatam nyaayaalaya ke poorv nyaayaadheesh jaaved Iqbal ki adhyakshata vaale aayog ke sadasyon ne pradhaanamantri nivaas par Ashraf se mulaakaat kar unhein report saunpi . Bayaan mein bina koi vistrut jaankaari diye kaha gaya hai, mulaakaat ke dauraan nyaayamoorti jaaved Iqbal ne aayog ki report ki mukhya visheshataaon se pradhaanamantri ko avagat karaaya. Sarkaar ne yeh naheen bataaya ki aayog ki report ko saarvajanik kiya jaaega ya naheen. Aayog ne report saunpane ke liye sarkaar dvaara nirdhaarit samayaseemaaon ka kai baar ullanghan kiya. Is vajah se atkalein lagaai jaane lageen ki suraksha agencyan Pakistan mein Osama ki maujoodagi aur do May 2011 mein Abbottabad mein use maar giraane vaale ameriki abhiyaan ke sambandh mein soochanaaen baahar laakar sharmindagi ko naheen badhaana chaahati hain. Haalaanki bayaan mein yeh kaha gaya hai ki pradhaanamantri ne aayog ki report ko banaane mein adhyaksh aur unke dal dvaara ki gayi mehnat aur koshishon ki prashansa ki hai. Sarkaar ne poorv sainya adhikaariyon aur raajanayikon vaale is aayog se kuchh maamalon ki jaanch karne ko kaha tha jinmein kaise Pakistan mein Osama ki maujoodagi ka pata naheen laga, 40 minute tak chale ameriki abhiyaan ki paristhitiyon aur sainya praadhikaar dvaara ki gayi laaparavaahiyon ke kaaran aadi shaamil hain. Sarkaar ne Osama ko maar giraane vaale ameriki abhiyaan ke turant baad hi is aayog ka gathan kiya tha. Osama ke khilaaf is abhiyaan ne desh ki shaktishaali sena ke liye sharmindagi ka maahaul bana diya tha. Aayog ne swayam saari jaanch ki, poorv ISI pramukh Ahmad shuja paasha sahit gavaahon se jirah ki aur Abbottabad mein sthit Osama ke ghar ka daura bhi kiya. Is ghar ko pichhle varsh gira diya gaya . Media mein I khabaron mein kaha gaya hai ki aayog ke kuchh sadasyon ne is report ko saarvajanik karne ka virodh kiya hai.


Malaala Yoosufajai Ko Mili London Ke Aspataal Se Chhutti

Malaala Yoosufajai Ko Mili London Ke Aspataal Se Chhutti

World »

London: Taliban ke hamle mein ghaayal hui Pakistan ki saahasi ladki malaala yoosufajai ko London ke aspataal se chhutti de di gayi hai. Doctoron ka kehna hai ki vah ab itni sahi hai ki ghar par rahakar bhi svaasthya laabh kar sakti hai. Haalaanki use January ke aakhir ya February ke shuroo mein khopadi (cranial reconstructive surgery) ke operation ke liye fir se bharti hona padega. Gaurtalab hai ki ladkiyon ki shiksha ki purajor pairavi karne waali 15 saal ki malaala ko pichhle saal October mein Taliban aatankvaadiyon ne goli maar di thi. Goli uske sir mein lagi thi. Baad mein behtar upachaar ke liye use Birmingham sthit queen Elizabeth aspataal mein bharti karaaya gaya tha. University Hospitals Birmingham NHS foundation trast ke chikitsa nideshak Doctor dev Roger ne kaha ki January ke aakhir athva February ki shuruaat mein malaala ki khopadi ki surgery ki jaaegi. Udhar, malaala ke ab Britain mein sthaayi aavaas haasil karne ki sambhaavana hai, kyonki unke pita jiyaauddeen yoosufajai ko Birmingham sthit Pakistani vaanijya dootaavaas mein naukri de di gayi hai.


Pakistan Mein Nau Saal Ki Bachchi Ke Saath Saamoohik Balaatkaar

Pakistan Mein Nau Saal Ki Bachchi Ke Saath Saamoohik Balaatkaar

World »

Lahore: Pakistan ke Punjab praant mein nau saal ki bachchi ke saath saamoohik balaatkaar kiya gaya hai. Aspataal mein bharti is bachchi ki haalat gambhir bani hui hai. Police ke anusaar, beete Budhvaar ko bahaavalapur mein teen logon ne bachchi ke saath balaatkaar kiya. Use ek sthaaneeya aspataal mein bharti karaaya gaya hai. Usaka upachaar kar rahe chikitsakon ka kehna hai ki khoon bah jaane aur androoni choton ki vajah se usaki haalat gambhir hai. Chikitsa jaanch mein balaatkaar ki pushti hui hai. Police ne saat logon ke khilaaf apaharan aur balaatkaar ka maamala darj kiya hai. Inmein se paanch logon ke naam ladki ki maan ne bataae hain. Ladki Budhvaar subah se laapata thi aur baad mein achet avastha mein pai gayi. Sthaaneeya thaana pramukh ishaad joiya ne kaha ki abhiyukton ko giraftaar karne ke liye ek police dal ka gathan kiya gaya hai. Police ko soochana mili hai ki ye sabhi log doosare gaanv ki or bhaag gaye hain. Darj praathamiki ke anusaar, doosari kaksha ki chhaatra ko manjooraabaad ilaake mein uske ghar ke saamane se teen mahilaaon aur ek purush dvaara agava kiya gaya. Ye log use apne tay sthaan par le gaye jahaan teen logon ne uske saath dushkarm kiya. Is ladki ko peeta bhi gaya aur usi ke ghar ke saamane chhod diya gaya. Maanaveeya samaaj ko sharmasaar karne dene waali yeh ghatna Delhi mein 23 saal ki ladki ke saath saamoohik dushkarm aur haivaaniyt ka vyavahaar kiye jaane ki vaaradaat ke kuchh dinon baad hui hai.


Mahila Hinsa Se Ladne Mein America Ne Ki Madad Ki Peshakash

Mahila Hinsa Se Ladne Mein America Ne Ki Madad Ki Peshakash

World »

Washington: Delhi mein saamoohik dushkarm ki ghatna ke baad America ne mahilaaon ke khilaaf hone waali hinsa se ladne ke liye Bhaarat ke saarvajanik evam niji sangathanon ko majaboot banaane ke liye madad ki peshakash ki hai. Ameriki videsh mantraalaya ki pravakta Victoria noolaind ne guruvaar ko samvaadadaataaon se kaha ki America ne mahilaaon ke khilaaf hinsa se ladne ke liye duniyaabhar mein kadi mehnat ki hai. Jahaan bhi is tarah ki samasya hogi, America ise apni videsh neeti ka hissa banaae rakhega. Noolaind ne kaha ki peedita ki mrutyu ke baad ameriki raajadoot Nancy Powell ne 29 December ko ek bayaan diya tha, aur in ghatnaaon ke prati haardik samvedna vyakt ki thi. Noolaind ne kaha, "Hamaare paas aise kai kaaryakram hain, jinse hinsa peedit mahilaaon ko madad milti hai. Bhaarat mein gair-sarkaari sangathanon (NGO) ke samarthan mein saarvajanik shiksha aisa hi ek kaaryakram hai. " unhonne kaha, "Is maamale ki jaanch se yadi yeh saamane aata hai ki Bhaarat sarkaar in kaaryakramon ko lekar kisi tarah ka parivartan karna chaahati hai ya nae nirdesh jaari karna chaahati hai to ham is baare mein unase baatcheet karna chaaheinge. " Yeh poochhe jaane par ki kya ameriki videsh mantri Hillary Clinton ko Bhaarat mein hue is vaaradaat ki jaankaari hai, noolaind ne kaha, "Mujhe bharosa hai ki vah is baare mein jaanti hain. Is mudde ko media mein khoob jagah mili hai aur yeh ek behad samvedansheel vishay hai, jiske baare mein vah sochati rahati hain. "


America Mein Pratham Hindu Congress Sadasya Ne Geeta Ki Shapath Li

America Mein Pratham Hindu Congress Sadasya Ne Geeta Ki Shapath Li

World »

Washington: America mein Congress ke liye nirvaachit pehli hindu tulasi gaibard ne pavitra Bhagwad geeta par haath rakhakar pad evam gopaneeyata ki shapath li. Tulasi (31) ko pratinidhi sabha ke speaker John Boehner ne shapath dilaai. Vah geeta ki shapath lene waali pehli ameriki Congress sadasya hain. Shapath lene ke baad tulasi ne kaha, mainne Bhagwad geeta ki apni niji prati ke saath shapath lene ka faisala kiya, kyonki geeta se mujhe janasevak neta banane ka prayaas karne ki prerana mili hai. Unhonne kaha, meri jindagi ki kai kathin chunautiyon ke dauraan geeta aantarik shaanti evam shakti ka bada srot rahi hai. In chunautiyon mein pashchim Asia sankat ke samay meri tainaati bhi shaamil hai. Tulasi ne kaha, main bahunasli, bahusaanskrutik aur bahudharmeeya parivaar mein pali-badhi hoon. Meri maan hindu hain aur pita Catholic hai. Mainne kishoraavastha se hi aadhyaatmikta ke savaalon se joojhna shuroo kar diya tha. Havaai se chuni gain tulasi ne kaha, samay ke saath mujhe yeh vishvaas hua ki dharm hamein jeena sikhaane ke saath hi jindagi mein bade lakshya ka uddeshya deta hai. Unke pita Mike gaibard havaai praant ke senator hain, jabki maan Carol porter gaibard shikshaavid evam udyami hain. Mahaj 21 saal ki umr mein tulasi havaai ki sthaayi vidhaayika ke liye chuni gayi theen. 28 saal ki umr mein unhein Kuwait army national guard ki or se ek award diya gaya. Isse pehle democratic party ke raashtreeya sammelan mein tulasi ne pratinidhi sabha ki democrat neta Nancy pelosi ki maujoodagi mein sambodhan diya tha.


'Not Too Bi Published Waali Daayana Ki Tasveer Hogi Neelaam

'Not Too Bi Published Waali Daayana Ki Tasveer Hogi Neelaam

World »

London: Is duniya ko alvida kah chukeen british Rajkumari ki anginat manamohak tasveerein saamane aain, lekin ab unki aisi tasveer saamane aane waali hai, jo unke kishoraavastha ke dinon ki hai. Neelaam ki jaane waali is tasveer mein vah kisi agyaat shakhs ke saath najar aa rahi hain. Samaachaar patra 'Daily mel' ke anusaar yeh kaali-safed tasveer us vakt ki hai, jab daayana ki Rajkumar Charles se mulaakaat bhi naheen hui thi. Maana ja raha hai ki yeh tasveer 1979 athva 1980 mein li gayi thi. Us vakt daayana 18 ya 19 saal ki rahi hongi. Is tasveer ko lene vaale photographer ki pehchaan naheen hui hai, haalaanki is tasveer ko 26 February, 1981 ko 'Daily mirror' ko becha gaya tha. Isi ke do din baad unki Rajkumar Charles se sagaai hui thi. Aisa lagta hai ki akhbaar ke us samay ke photo editor ne is photo ko lekar baar baar is baat par vichaar kiya hoga ki ise prakaashit kiya jaae athva naheen, kyonki ismein bhaavi mahaaraani kisi anya purush ke saath antarang mudra mein dikh rahi thi. Sambhavat: Iseeliye unhonne baad mein is par mote aksharon mein 'Prakaashit karne ke liye naheen' (not too bi published) likh diya. Yeh photo akhbaar ke abhilekhaagaar mein kai varshon tak rakha raha aur sirf saat saal pehle ek niji Karen archives ne ise khareed liya, jo ab new Hampshire mein RR auction mein ise rakh rahi hai. Aath bata das inch ki is photo ki bikri se aam taur par 750 pound keemat milti, lekin kyonki is par mote aksharon mein 'Not too bi published' likha hai, isliye neelaameekartaaon ko iski jyaada keemat milne ki ummeed hai.


Colorado Mein Goleebaari, Teen Bandhakon, Ek Bandookdhaari Ki Maut

Colorado Mein Goleebaari, Teen Bandhakon, Ek Bandookdhaari Ki Maut

World »

Washington: America ke aurora shahar mein ek bandookdhaari ne logon ko bandhak bana liya, jinhein chhudaane ke dauraan bandookdhaari samet chaar logon ki maut ho gayi. Ek makaan mein kai logon ko bandhak bana lene vaale ek bandookdhaari ne police ko kai ghante tak ghusne naheen diya, lekin is gatirodh ka ant teen logon aur bandookdhaari ki maut se hua. Sthaaneeya media ki report ke mutaabik kai ghante tak bandookdhaari ke saath baatcheet ke asafal hone ke baad police ne kaarravaai ki.


Tasmaaniya Ke Jangalon Mein Bheeshan Aag, Kai Ke Hataahat Hone Ki Aashanka

Tasmaaniya Ke Jangalon Mein Bheeshan Aag, Kai Ke Hataahat Hone Ki Aashanka

World »

Sydney: Australiaee dweep tasmaaniya ke jangalon mein lagi aag ke kaaran 100 se adhik ghar jal gaye, jabki kai log laapata hain. Aag ke kaaran hajaaron logon ko prabhaavit kshetron se hatna pada hai aur kai logon ke hataahat hone ki aashanka hai. Tasmaaniya police aayukt Scott tilyaard ne bataaya ki adhikaari laapata logon ki talaash kar rahe hain. Unhonne bataaya ki aag ke kaaran darjanon ghar jal gaye. Unhonne kaha ki sambhav hai ki aag ke kaaran logon ki maut hui ho. Unhonne haalaanki kaha ki abhi tak maut ki koi khabar naheen hai. Adhikaariyon ne bataaya ki kareeb teen hajaar logon ko vahaan se surakshit hataaya gaya hai.


Pakistan Mein Train Par Andhaadhundh Firing, Chaar Ki Maut, 10 Ghaayal

Pakistan Mein Train Par Andhaadhundh Firing, Chaar Ki Maut, 10 Ghaayal

World »

Islamabad: Pakistan ke ashaant baloochistaan praant mein agyaat bandookdhaariyon ne ek train par goleebaari ki, jisse kam se kam chaar logon ki maut ho gayi, jabki 10 anya log ghaayal ho gaye. Pakistan railway ke adhikaariyon ne bataaya ki kachchi bolan jile ke kohasar ilaake mein bandookdhaariyon ne shanivaar der raat jafar express par andhaadhundh goleebaari ki. Jafar express Rawalpindi se praanteeya rajdhani Quetta ja rahi thi. Adhikaariyon ne bataaya ki train mein savaar surakshaakarmiyon ne javaabi kaarravaai ki. Iske baad bandookdhaari bhaag nikle. Goleebaari se train ke engine ko bhi nuksaan hua hai. Surakshaakarmiyon ne poore ilaake ko gher liya aur hamlaavaron ki talaash ki ja rahi hai. Train ke Quetta pahunchane par hataahat logon ko aspataal le jaaya gaya. Doctoron ne bataaya ki ghaayalon mein kuchh ki haalat gambhir hai aur unhein sena ke aspataal bhej diya gaya hai. Kisi samooh ne is hamle ki jimmedaari naheen li hai.


Syria Mein Asad Ne Ki Shaanti Yojana Ki Ghoshana

Syria Mein Asad Ne Ki Shaanti Yojana Ki Ghoshana

World »

Damishk: Syria ke raashtrapati bashar al-asad ne desh mein jaari uthal-puthal ka samaadhaan nikaalne ke liye yojana prastaavit ki hai. Is yojana mein raashtreeya sahamati, vaarta, nai sarkaar ka gathan aur aam maafi shaamil hai. Ravivaar ko opera house mein diye gaye bhaashan mein asad ne kaha, "Pehle charan ke raajaneetik samaadhaan ke liye kshetreeya taakatavaron ko aatankvaadiyon ko di ja rahi aarthik madad rokani hogi. Doosare charan mein raashtreeya vaarta par sarkaari sammelan ka aayojan hoga. Teesara charan nai sarkaar ka gathan aur aam maafi ki ghoshana hoga. " TV par prasaarit apne bhaashan mein asad ne vipaksh ko pashchim ke haathon ka khilauna bataate hue ninda ki aur kaha ki Syria maalikon ke saath samjhaute karna chaahata hai na ki naukaron ke saath. Unhonne kaha ki jin logon ne Syria ke saath dhokha kiya hai ve sahamati sammelan se baahar raheinge. Syria ko samarthan dene aur is paksh par bane rahane ki Syria ke logon ko hi desh ka bhavishya tay karne ki chhoot mile, ke liye asad ne roos, cheen aur Iran ko dhanyavaad diya. Asad ne kaha, "Ham aapko salaam karte hain aur aapka shukriya ada karte hain. "


William Aur Kate Ko Mahaaraani Elizabeth Tohafe Mein Deingi Apna Vishesh Ghar

William Aur Kate Ko Mahaaraani Elizabeth Tohafe Mein Deingi Apna Vishesh Ghar

World »

London: Britain ki mahaaraani Elizabeth apni sabse achhi sampatti, nofarelk sthit ghar, apne pote prince William aur unki patni Kate ko aane vaale bachche ke svaagat ki taiyaari karne ke liye tohafe mein de rahi hain. 'Daily mel' ki khabar ke anusaar, gaanv mein sthit apna ghar, sainadrigm state ka anmer hall Duke aur dachej of Cambridge ko saunpane ki yojana bana rahi hain. Yeh ghar mahaaraani ke sainadrigm house se mahaj do meal ki doori par sthit hai.


America Ne Kaha, Bashar Al Asad 'Hakeekat Se Bhaag Rahe

America Ne Kaha, Bashar Al Asad 'Hakeekat Se Bhaag Rahe

World »

Washington: Syria ke raashtrapati bashar al asad ka desh mein hinsa samaapt karne ka naya prastaav khaarij karte hue America ne kaha hai ki nae prastaav ka hakeekat se koi sarokaar naheen hai. Videsh mantraalaya ki pravakta Victoria nulaind ne kaha, asad ka bhaashan satta mein bane rahane ki ek aur koshish hai aur isse raajaneetik badlaav ke liye prayaasarat Syriavaasiyon ke lakshya ko koi laabh naheen hoga. Unki pahal hakeekat se pare hai ya ham kah sakte hain ki asad hakeekat se bhaag rahe hain. Unhonne kaha, unki pahal sanyukt vishesh pratinidhi lakhadar braahimi ke prayaason ko kamjor karegi aur prashaasan ke haath Syriavaasiyon ke daman ke liye adhik majaboot ho jaaenge. Nulaind ne kaha, kareeb do saal se asad sarkaar apne hi logon par jyaadatiyaan kar rahi hai. Aaj bhi asad baatcheet ke baare mein kehte hain, lekin unki sarkaar guteeya tanaav badha rahi hai aur sunni bahul shaharon par hamle bhi jaari hain. Unhonne saaf kaha ki asad satta mein bane rahane ke sabhi adhikaar kho chuke hain aur America maang karta hai ki vah deshvaasiyon ki mahatvaakaanksha poori karne ke uddeshya se raajaneetik samaadhaan aur lokataantrik badlaav ke liye pad chhod dein.


Bhaarat-Pakistan Vaarta Ko Cheen Ka Aagrah

Bhaarat-Pakistan Vaarta Ko Cheen Ka Aagrah

World »

Beijing: Kashmir mein haal mein hui goleebaari ke baad cheen ne somvaar ko aasha jaahir ki ki Bhaarat aur Pakistan shaantipoorn aur uchit maahaul mein baatcheet kareinge aur apne matabhedon ko sulajhaaenge. Samaachaar agency sinhuaa ke anusaar, cheeni videsh vibhaag ke pravakta hong lei ne niyamit press briefing ke dauraan kaha ki donon deshon ke padosi aur mitr hone ke naate cheen ko aasha hai ki Bhaarat aur Pakistan, dakshin Asia mein shaanti evam sthirta banaae rakhane ke liye kaam kareinge. Pakistani sena ne aarop lagaaya ki ravivaar ko bhaarateeya sena ne niyantran rekha paar karke goleebaari ki, jismein ek Pakistani sainik ki maut ho gayi, jabki ek anya ghaayal ho gaya. Bhaarat ne is aarop ka khandan kiya hai. Usane kaha hai ki niyantran rekha ke paas pehle Pakistan ki or se bhaarateeya naagrikon ko nishaana banaakar mortar daage gaye the.


Delhi Ki Saamoohik Balaatkaar Peedita Ke Liye London Mein Pradarshan

Delhi Ki Saamoohik Balaatkaar Peedita Ke Liye London Mein Pradarshan

World »

London: Delhi ki saamoohik balaatkaar peedita ke liye nyaaya ki maang karte hue London mein saikadon logon ne bhaarateeya uchchaayog ke baahar pradarshan kiya. Haathon mein takhtiyaan pakade ye log peedita ke liye nyaaya ki maang kar rahe the. Is pradarshan ka aayojan London ke moolanivaasi alpasankhyak mahila adhikaar samooh 'Saauthahaal black sistars' ne kiya tha. Pradarshan mein vibhinn prushthabhoomi ke purush aur mahilaaen shaamil theen. Gaurtalab hai ki nai Delhi mein gat 16 December ki raat chalti bas mein 23 varsheeya paramedical chhaatra se saamoohik balaatkaar kar use gambhir roop se ghaayal kar diya gaya tha. 29 December ko ladki ki Singapore ke aspataal mein maut ho gayi thi. Pradarshan mein british Asiaee film nirmaata gurindar chadda tatha unke lekhak pati paul maayeda berjes bhi the. Gurindar ne kaha, main isliye yahaan I hoon, kyonki is aparaadh ne mujhe gahre tak hila diya hai. Bhaarat kai maayanon mein bahut hi achha desh hai, jahaan aam janta anyaaya ke khilaaf poori taakat se aavaaj uthaati hai, lekin jab tak sarkaar unki ummeedein poori naheen karti tab tak ladaai poori naheen hogi. Madhya London mein India house ke aaspaas yaataayaat vyavastha ko suchaaroo rakhane aur bheed ko aniyantrit hone se rokane ke liye police adhikaari maujood the. Pradarshanakaari 'Vi want Justice' aur 'Halla bol' jaise naare laga rahe the. Takhtiyon par likha tha ki Bhaarat sarkaar doshiyon ko kadi se kadi saja day. Teen ghante tak chala yah pradarshan shaantipoorn tha. London school of economics ke chhaatron ne bhi pradarshan mein hissa liya. Inmein se 21 varsheeya ek chhaatr ne kaha, is ghatna ko lekar ekajutata dikhaana mahatvapoorn hai. Balaatkaar vishvavyaapi samasya hai aur stabdh kar dene waali yah ghatna bataati hai ki kam se kam ab to thos kadam utha hi lena chaahiye. LSE gender sansthaan ling aadhaarit hinsa ke mudde par London mein hone waali ek baithak ka samarthan kar raha hai. Baithak ka aayojan 23 January ko uske hi parisar mein vibhinn mahila sangathan kar rahe hain. 'Saauthahaal black sistars' ki raahila gupta ne kaha, Bhaarat mahaashakti banana chaahata hai, lekin usaki mahatvaakaanksha par aisi ghatnaaen asar daal sakti hain. Ham chaahate hain ki hamesha mahilaaon par tootane vaale is kahar ko roka jaae. Bhaarat ke paas balaatkaar sambandhi kaanoon hai aur sabse badi jaroorat iske kaaragar tareeke se kaaryaanvayan ki hai. Britain ke vibhinn sangathanon. . 'End violence against woman national koelishn', 'Nyoohaim asian woman'S project' aur 'South Asia saulideriti' aadi ne 'Saauthahaal black sistars' ki is pahal ka samarthan kiya hai. 'South Asia saulideriti' ne yahaan ganatantr diwas par bhi pradarshan ki yojana banaai hai. Peedit ki 29 December ko Singapore mein maut ki khabar aane ke baad se vibhinn dakshin Asiaee samoohon dvaara shokasabhaaon tatha mombatti juloos ka aayojan jaari hai.