U Korea Ne Banaai Ek Aur Parmaanu Pareekshan Ki Yojana

U Korea Ne Banaai Ek Aur Parmaanu Pareekshan Ki Yojana

World »

Sol: Uttar Korea ne kaha ki usane kade sanyukt raashtra pratibandhon ke javaab mein apne kattar dushman America ko lakshya banaakar teesara parmaanu pareekshan evam rocket prakshepan ki yojana banaai hai lekin usane usaki samayaseema naheen bataai. Sanyukt raashtra suraksha parishad ki is saptaah hui baithak ke baad communist shaasit is desh ne national defence commission ke havaale se ek bayaan mein America ki aguvaai vaale apne dushmanon ke khilaaf teekhi aalochna ki hai. Haalaanki bayaan mein yeh naheen bataaya gaya ki kab tak parmaanu pareekshan kiye jaaenge. Lekin, usane kaha ki yeh pareekshan (America ke khilaaf) sampoorn kaarravaai ka hissa hai jo uske America virodhi sangharsh ke nae charan ka prateek hai. Commission ne kaha, 'Ham kai upagrah evam lambi doori ke rocket prakshepit karte raheinge aur uchch stareeya parmaanu pareekshan ki disha mein bhi aage badheinge. Ham naheen chhipaate ki inka lakshya hamaara sabse kattar dushman America hai. ' Korean central news agency ke anusaar bayaan mein kaha gaya hai 'America se hisaab-kitaab jubaani jamaakharch mein naheen balki bal ke saath kiye jaane ki jaroorat hai. ' Uchch stareeya (parmaanu) pareekshan ka matlab bhi naheen bataaya gaya hai. Kuchh visheshagyon ne anumaan lagaaya hai ki uttar Korea ka agala parmaanu pareekshan Plutonium ke bajaay Uranium bam ho sakta hai. Varsh 2006 aur 2009 mein usane Plutonium pareekshan kiya tha.


Headley Ke Bhaarat Pratyarpan Ki Sambhaavana Ameriki Attorney

Headley Ke Bhaarat Pratyarpan Ki Sambhaavana Ameriki Attorney

World »

Chicago: America ke ek sangheeya adhikaari ne kaha hai ki yadi mumbai hamlon ka doshi David Headley sarkaari paksh ke saath apne samjhaute se mukarata hai to lashkar-A-taiyaba ke is Pakistani ameriki aatankvaadi ko ab bhi Bhaarat ko saunpe jaane ki kuchh sambhaavana hai. Kaaryavaahak ameriki attorney Gary S Shapiro ne samvaadadaataaon se kaha ki yadi Headley bhavishya ki kisi jaanch mein America sarkaar ya kisi videshi sarkaar ka sahayog naheen karta hai aur vah apne vaayade se mukarata hai to yeh aparaadh kabool karte samay America sarkaar ke saath uske dvaara kiye gaye samjhaute ka ullanghan hoga. Unhonne kaha ki aisi sthiti mein uske dvaara kiya gaya samjhauta (jiske tahat use pratyarpit naheen kiya ja sakta) khatm ho jaaega. Iske baad Headley Bhaarat-America ke beech pratyarpan sandhi ke daayare mein aa sakta hai .


America Ko Yakeen Mumbai Hamlon Ke Anya Chhah Aaropi Bhi Aaenge Nyaaya Ke Kathaghare Mein

America Ko Yakeen Mumbai Hamlon Ke Anya Chhah Aaropi Bhi Aaenge Nyaaya Ke Kathaghare Mein

World »

Washington: America ne kaha hai ki vah Mumbai hamle ke anya chhah aaropiyon ko nyaaya ke kathaghare mein laane ke liye lagaataar prayaas karta rahega, jinmein lashkar-A-taiyaba ke neta bhi shaamil hain. Mumbai hamlon ke maamale mein Chicago ki adaalat dvaara David Headley ko 35 varsh kaid ki saja sunaae jaane ke baad kaaryavaahak ameriki attorney gari S Shapiro ne samvaadadaataaon se kaha, ve bhagaude hain. Agar ham un tak kabhi pahunch paae to yakeenan unhein giraftaar karne ki koshish kareinge athva jis desh mein giraftaar honge vahaan se unhein America pratyarpit karaane ki koshish kareinge taaki yahaan un par mukadama chalaaya ja sake. Tahavvur raana aur Headley ke atirikt is maamale mein jin chhah anya logon ke naam hain, unamein iliyaas Kashmiri, abdur Rahman haashim Saeed urf paasha, saajid meer, Abu kaahafa, majahar Iqbal aur major Iqbal shaamil hain. Raana ko pichhle saptaah saja sunaai gayi thi, jabki Headley ko saja guruvaar ko hi sunaai gayi hai. In aaropiyon mein se ek aaropi iliyaas Kashmiri ke ameriki drone hamle mein maare jaane ki khabar hai, jabki paanch anya ke Pakistan mein hone ki khabarein hain. Shapiro ne kaha, kai log sochate hain ki ye sab bekaar ki koshishein hain aur ameriki sarkaar kabhi in bhagodon ko pakad naheen paaegi, lekin aap yeh sab 15 saal pehle Columbia mein maadak padaarth maafiyaaon ke baare mein bhi kah sakte the, 10 saal pehle Mexico ke maadak padaarth samoohon ke sadasyon ke baare mein bhi kah sakte the, lekin in deshon mein teji se badlaav aaya aur humne vahaan ke kai doshiyon ko America pratyaarpit karaaya. Unhonne kaha, isliye hamein ummeed hai ki ham un par mukadama chala sakte hain. Iske liye ham unki khoj mein lage hain. Ek prashn ke javaab mein Shapiro ne kaha, hamaari jaanch se kya nateeje nikleinge, iske baare koi poorv dhaarana na banaate hue ham jaanch mein lage hain. FBI ki or se Chicago adaalat mein 21 April 2011 ko daakhil aarop patra ke anusaar, saajid meer Pakistan ka nivaasi hai aur lashkar-A-taiyaba se sambandhit hai. Meer ko Headley aur un anya mukhya aatankiyon ka aaka maana jaata hai, jinhein lashkar-A-taiyaba ke aatanki hamlon ke liye yojana banaane, taiyaari karne aur hamlon ko anjaam dene ka nirdesh diya gaya tha.


Headley Ko Aajaad Rahane Ka Adhikaar Naheen Mumbai Hamle Ki Peedita

Headley Ko Aajaad Rahane Ka Adhikaar Naheen Mumbai Hamle Ki Peedita

World »

Chicago: Mumbai mein 2008 mein hue aatankvaadi hamle ki ek peedita ne Chicago ki ek adaalat mein kaha ki iske mukhya saajishkarta Pakistani mool ke ameriki naagrik David Headley ko aajaad jeevan jeene ka adhikaar naheen hai aur use sirf 35 saal ki saja milne par Bhaarat ke logon mein rosh paida hoga. Is hamle ki peedita aur Tennessee ke Nashville ki lekhika linda raigsadaile ne jila nyaayaadheesh Harry leninvebar ke saamane kaha, Headley ne aajaad jeevan jeene ka adhikaar kho diya hai. Unhonne kaha, use poori jindagi parinaam bhugatne ki jaroorat hai. Agar use sirf 35 saal ki saja milti hai to isse sabhi peediton aur bhaarateeyon mein naaraajagi dekhi jaaegi, jo jaayaj hogi. Unhein is baat ka aashcharya tha ki unke bete ki umr ka ek ladka aisa jaghanya kaam kar sakta hai. Unhonne kaha, mujhe pata hai ki ek goli poore shareer mein kya kar sakti hai. Mainne 13 saal ke bachche ko dam todte hue dekha hai. Main in cheejon ko naheen jaanana chaahati, na hi ise anubhav karne ki jaroorat hai. Adaalat mein unhonne ek aur peedit ka bayaan padha, jismein usane sirf 30 se 35 saal ki saja diye jaane ko bhayaavah apamaan bataaya tha.


Pakistan Mein 58 Shaharon Mein Mobile Seva Thap

Pakistan Mein 58 Shaharon Mein Mobile Seva Thap

World »

Islamabad: Pakistan mein 'Eid milaadun nabi' ke avsar par suraksha ke maddenajar shukravaar ko Lahore aur Karachi sahit 58 shaharon mein mobile phone seva band kar di gayi. Samaachaar patra 'Don' ke mutaabik, mobile phone seva Punjab, sindh ke bade shaharon aur baluchistaan ki rajdhani mein bhi thap rahegi. Gruhamantri Rahman malik ne guruvaar ko bataaya ki in teenon praanton se mobile phone seva band kiye jaane ka anurodh kiya gaya tha. Ek adhikaari ke mutaabik mobile phone seva Punjab ke laahauras multaan, siyaalakot, Rawalpindi, etauk, Jhelum , chakavaal, faisalaabaad, saragodha sahit 51 shaharon aur sindh ke Karachi, Hyderabad, sukkur aur khairapur sahit saat shaharon mein subah aath baje se raat 10 baje tak aur Quetta mein subah 10 baje se dopahar do baje tak band rahegi.


'Saifran Baindit Abhyaas Mein Juti Hai Pak Sena

'Saifran Baindit Abhyaas Mein Juti Hai Pak Sena

World »

Islamabad: Bhaarat ke saath haaliya tanaav ke beech Pakistani sena ladaakoo vimaanon aur sainikon ke saath yuddhaabhyaas kar rahi hai aur ek sheersh sena adhikaari ka kehna hai ki sainya bal desh ki samprabhuta aur akhandata banaae rakhane ke liye 'Poori tarah se taiyaar' hai. Pakistani vaayusena 'Saifran baindit' abhyaas kar rahi hai aur ismein sena uddayan aur sena vaayu raksha vibhaag shaamil hai. 'Joint Chiefs of staaf committee' ke adhyaksh general khaalid shameem vaayane ne kaha ki sainya bal hamaari samprabhuta aur kshetreeya akhandata ki raksha karne ke liye poori tarah se taiyaar hain. Ek aadhikaarik bayaan mein khaalid ke havaale se kaha gaya ki vartamaan vaishvik bhooraajaneetik maahaul aur kshetreeya khatre ki sthiti na keval adviteeya hai balki jyaada chunauteepoorn bhi hai kyonki hamaare saamane aantarik aur baahari donon khatre hain. Yeh abhyaas aise samay kiya ja raha hai jabki Bhaarat aur Pakistan ke beech Jammu-Kashmir mein niyantran rekha par sanghasharviraam ke kai maamalon ke baad tanaav badha hai. 'Saifran baindit' abhyaas teen saal mein kiya jaata hai.


Sri Lanka Mein Saamoohik Balaatkaar Ke Khilaaf Logon Mein Foota Gussa

Sri Lanka Mein Saamoohik Balaatkaar Ke Khilaaf Logon Mein Foota Gussa

World »

Colombo: Delhi ki saamoohik balaatkaar jaisi ghatna ke tahat, Colombo ke paas chaar auto chaalakon ne 47 saal ki ek mahila se kathit roop se balaatkaar kiya jiske khilaaf logon ne pradarshan kiya. Police pravakta pratishaanta jayakodi ne kaha ki ek chashmadeed ke shor machaane par police ne do aaropiyon ko pakad liya aur do anya sandigdhon ki talaash jaari hai. Jayakodi ne kaha ki peedit ko aspataal mein bharti karaaya gaya hai. Unhonne kaha ki Colombo ke mirihaana upanagareeya kshetr mein Budhvaar raat in logon ne taxi stand par maujood mahila par hamla kar diya. Mahila adhikaar sangathan 'Laak vanita' ne kaha ki unhonne isi kshetr mein police thaane ke baahar pradarshan kiya. Isi kshetr mein agyaat mahila par chaalakon ne hamla kiya tha. Sangathan pramukh saanthini kongaahaage ne kaha ki Sri Lanka mein har saal 1400 balaatkaar ke maamale darj hote hain. Unhonne kaha ki pichhle maheene Delhi saamoohik balaatkaar ki ghatna ko lekar vishvabhar mein hue prachaar ne hamaare sangathan ko sthaaneeya samudaaya mein aur jaagrukta paida karne ke liye prerit kiya hai.


'Malaala Ne Duniya Bhar Ke Bachchon Ko Prerit Kiya

'Malaala Ne Duniya Bhar Ke Bachchon Ko Prerit Kiya

World »

Davos: Sanyukt raashtra ke ek abhiyaan se judi mahatvapoorn hastiyon ne kaha hai ki Taliban ke hamle ka shikaar hui Pakistani schooli chhaatra malaala yusoofajai ne duniya bhar ke bachchon ko behtar shiksha ke liye ladne ko prerit kiya hai. Davos mein vishv aarthik manch ke ek charcha ke dauraan sanyukt raashtra ke vishesh shiksha doot aur Britain ke poorv pradhaanamantri Gordon brown ne 15 saal ki malaala ki saraahana karte hue kaha, humne dekha ki jab Pakistan mein malaala yusoofajai ko goli maari gayi, tab vahaan ladkiyaan sadkon par utar aain aur shiksha se vanchit rakhe jaane ko lekar virodh pradarshan kiya. Sanyukt raashtra shiksha abhiyaan se judi Denmark ki pradhaanamantri hele thorning Schmidt ne kaha ki malaala ke udaaharan se is jaroorat ka pata chalta hai ki antararaashtreeya samudaaya ko kamjor deshon ki madad karni chaahiye.


Venezuela Ki Jail Mein Danga, 50 Ki Maut, Kai Ghaayal

Venezuela Ki Jail Mein Danga, 50 Ki Maut, Kai Ghaayal

World »

Karaakas: Venezuela ki ek jail mein hui hinsa mein kam se kam 50 log maare gaye aur 90 anya ghaayal ho gaye. Aspataal adhikaari re medina ne bataaya ki laara raajya sthit uribaana jail mein ghaayal hue adhiktar logon ko goli lagi hai. Unhonne kaha ki marne vaalon ki sankhya jyaada ho sakti hai, kyonki abhi tak ka aankada aspataal mein laae gaye shavon ke aadhaar par diya gaya hai. Adhikaari ne bataaya ki 14 ghaayalon ki haalat naajuk hai aur unka operation kiye jaane ki aavashyakta hai. Jail maamalon ke mantri iris vaarela ne kaha ki danga us samay bhadka, jab adhikaariyon ne avaidh hathiyaar hone ki soochana par jail ki talaashi shuroo ki. Isse kaidi bhadak gaye. Venezuela jailon ki dayaneeya sthiti ke liye badnaam hai. Yahaan ki jailon mein aavashyakta se adhik kaidi bhare hote hain aur samooche laatin America mein inki haalat sarvaadhik kharaab hai. Desh ki jailon ki kshamata 14 hajaar kaidiyon ko rakhane ki hai, lekin is samay inmein kareeb 50 hajaar kaidi bhare hain.


Hillary Clinton Sarvashreshth Videshamantriyon Mein Se Ek, Unki Kami Khalegi Obama

Hillary Clinton Sarvashreshth Videshamantriyon Mein Se Ek, Unki Kami Khalegi Obama

World »

Washington: Ameriki raashtrapati Barack Obama ne Hillary Clinton ki prashansa ke pul baandhate hue kaha ki unhein desh mein ab tak ke sarvashreshth videsh mantriyon mein se ek maana jaaega aur prashaasan ko unki kami khalegi. 'CBS news' par Clinton ke saath ek sanyukt saakshaatkaar mein Obama ne kaha, mera maanana hai ki Hillary sarvashreshth videshamantri ke taur par jaani jaaengi. Pichhle chaar saal ke dauraan unke saath jabardast taalamel raha. Clinton kuchh samay ke baad prashaasan se alag ho jaaengi. Agar sinet ki muhar lagti hai, to John keri videshamantri ban sakte hain. Obama ne kaha, mujhe unki kami khalegi. Main chaahoonga ki desh unki asaadhaaran bhoomika ki saraahana karein, jo unhonne mere prashaasan mein nibhaai. Unki kathin mehnat ke kaaran antararaashtreeya star par hamein kai safalataaen mili. 'CBS news' ke mutaabik apni patni, pratham mahila Michelle Obama ke alaava pehli baar Obama ne sanyukt roop se koi saakshaatkaar diya hai.


Nigeria Tel Chori Ke Maamale Mein 10 Bhaarateeya Giraftaar

Nigeria Tel Chori Ke Maamale Mein 10 Bhaarateeya Giraftaar

World »

Abuja: Nigeria ki nausena ne dakshini nadi kshetr mein ek pot ko rokakar kathit roop se tel churaane ke maamale mein 10 bhaarateeyon aur Ghana ke do naagrikon ko giraftaar kiya hai. Giraftaar kiye gaye sabhi logon ko desh ki bhrashtaachaar-nirodhi police economic end financial crimes commission ko saunpa gaya hai. Vahi is maamale ki jaanch aur aage ki kaarravaai karegi. Nigeria ke kendreeya nausena kamaan ke flaig afsar rear Admiral Johnson olutoyin ne kaha ki sandigdhon ko port haarkat se giraftaar kiya gaya.


Misr Mein Football Prashansakon Ko Saja Sunaane Ke Baad Hinsa, 30 Ki Maut

Misr Mein Football Prashansakon Ko Saja Sunaane Ke Baad Hinsa, 30 Ki Maut

World »

Kaahira: Misr mein pichhle varsh football match ke baad hui hinsa ke maamale mein 21 prashansakon ko maut ki saja sunaae jaane ke baad port said mein hinsa bhadak uthi, jismein do policekarmiyon sahit kam se kam 30 log maare gaye. Kaahira ki adaalat ne pichhle varsh February mein football match ke baad hui hinsa ke sambandh mein shanivaar ko 21 logon ko maut ki saja sunaai. Is hinsa mein 74 log maare gaye the. Adhikaariyon ne bataaya ki faisale ke baad jin kshetron mein hinsa bhadki vahaan sena tainaat kar di gayi hai. Jaise hi saja ki khabar faili, saja paane vaale sabhi logon ke parijan port said mein jail ke saamane ekatr hone lage. Unhonne jail mein jabaran ghusne ki koshish ki, jiske kaaran suraksha balon ke saath unki jhadap ho gayi. Unhonne police thaanon par hamle kiye aur jis jail mein doshiyon ko rakha gaya tha, us par dhaava bolne ki koshish ki. Yeh hinsa aise samay mein hui hai, jab husni mubaarak ke shaasan ke khaatme ke do varsh poore hone par desh mein fir se ashaanti fail rahi hai. Shukravaar ko kraanti ki doosari saalagirh par hue sangharshon mein kam se kam nau log maare gaye, jabki 530 ghaayal ho gaye.


Pakistan Chaahata Hai Bhaarat Se Dosti Ashraf

Pakistan Chaahata Hai Bhaarat Se Dosti Ashraf

World »

Islamabad: Pakistan ke pradhaanamantri raaja Parvez Ashraf ne shanivaar ko kaha ki unka desh Bhaarat ke saath dostaana rishte aur baatcheet ke jariye sabhi muddon ko sulajhaana chaahata hai. Parvez Ashraf ne yeh bayaan tab diya jab Jammu evam Kashmir mein antararaashtreeya seema par kuchh hi hafte poorv hui hinsak jhadap ko bhulaate hue bhaarateeya sainikon ne ganatantr diwas ke mauke par Pakistani sainikon ke saath mithaaiyon ka aadaan-pradaan kiya. Pradhaanamantri Manmohan Singh ko bheje ek sandesh mein Ashraf ne Bhaarat ke 64vein ganatantr diwas par Pakistan sarkaar aur janta ki or se apni haardik shubhakaamanaaen Dean. Pakistan ki samaachaar agency associated press of Pakistan (APP) ne Ashraf ke havaale se kaha ki Pakistan ke pradhaanamantri ne mitravat aur sahayogaatmak sambandh viksit karne aur sabhi muddon ko samvaad ke jariye sulajhaane ke liye Manmohan Singh ke saath milkar kaam karne ki apni vachanabaddhata doharaai hai. Ashraf ne bhaarateeya janta ke liye shaanti, pragati aur samruddhi ki kaamna ki. Jammu evam Kashmir mein niyantran rekha se lagte chakan da baag ilaake mein parampara ke anusaar sauhaard pradarshit karne ke liye donon deshon ke sainikon ne mithaaiyon ka aadaan-pradaan kiya. Iske alaava Jammu se lagbhag 40 kilometer pashchim mein sachetagadh sthit antararaashtreeya seema par seema suraksha bal ke javaanon aur Pakistan ke rangeron ne mithaaiyon ka aadaan-pradaan kiya. Ullekhaneeya hai ki niyantran rekha par aath December ko Pakistani sainikon ne do bhaarateeya javaanon ki kroorataapoorvak hatya kar di thi aur ek ka sir kaatkar le gaye the. Doosari or, Pakistan ka kehna hai ki do alag-alag din uske do javaanon ki hatya bhaarateeya javaanon ne ki. Is ghatna ke baad seema par tanaav ko dekhte hue Manmohan Singh ne ghoshana ki ki Pakistan ke saath pehle ki tarah rishte naheen rakhe ja sakte.


Bhaarat-Pak Ke Beech Jaari Tanaav Ke Kaaran Jal Vaarta Sthagit

Bhaarat-Pak Ke Beech Jaari Tanaav Ke Kaaran Jal Vaarta Sthagit

World »

Islamabad: Niyantran rekha par sangharsh viraam ke ullanghan ko lekar Bhaarat Pakistan ke beech jaari tanaav ko dekhte hue Islamabad mein 28-29 January ke dauraan nirdhaarit donon deshon ke jal sachivon ki baatcheet sthagit kar di gayi. Pakistan ke videsh mantraalaya ke ek adhikaari ne kaha, 'Vaarta sthagit kar di gayi hai. Vaarta ke liye nai taareekhon ka faisala kiya jaana abhi baaki hai. ' soochana dene vaale adhikaari ne baatcheet ke sthagit hone ki vajah naheen bataai. Is baatcheet mein donon deshon ke beech tulabul nauvahan pariyojana-vular baandh ke vishay par charcha honi thi. Pakistani media ke kuchh dhadon mein sootron ke havaale se kaha gaya ki baatcheet radd hone ka kaaran donon deshon ke beech haal mein shuroo hua tanaav hai. Haalaanki Delhi se I khabaron mein kaha gaya ki yeh faisala Bhaarat ke jal sansaadhan sachiv DV Singh ke sevaanivrutti se juda hua hai. Singh is maheene ke aakhir mein sevaanivrutt honge. Jammu-Kashmir mein niyantran rekha par donon deshon ke beech haal ke dinon mein kai baar sangharsh hue aur do bhaarateeya sainik maare gaye evam unke shareer buri tarah se kshat-vikshat kar diye gaye. Isse upaje tanaav ki vajah se, yeh doosari uchch stareeya dwipaksheeya vaarta hai, jise sthagit kar diya gaya. Pakistan ka kehna hai ki is sangharsh mein uske teen sainikon ki hatya kar di gayi. Isse pehle, is maheene ki shuruaat mein Pakistan ke vaanijya mantri makhadoom ameen faheem ne Agra mein ek vyaapaar baithak mein shaamil hone ke liye ki jaane waali apni Bhaarat yaatra radd kar di thi.


Indonesia Mein Bhooskhalan Mein Nau Maare Gaye, 17 Laapata

Indonesia Mein Bhooskhalan Mein Nau Maare Gaye, 17 Laapata

World »

Jakarta: Indonesia ke sumaatra dweep par moosalaadhaar baarish ke kaaran hui bhooskhalan ki do alag-alag ghatnaaon mein nau logon ki maut ho gayi aur 17 anya laapata hain. Raashtreeya aapada prabandhan vibhaag ke adhikaari ede Edward ne kaha ki bhooskhalan ke kaaran 20 makaan jameendoj ho gaye. Bhooskhalan ki ghatnaaen pashchimi sumaatra ke agam jile mein hui hain. Ek adhikaari ne bataaya, paanch logon ke shav baraamad kiye hain aur teen ghaayalon ko aspataal mein bharti karaaya gaya hai. Laapata 17 logon ki talaash ki ja rahi hai. Sumaatra mein shanivaar raat bhi bhooskhalan mein ek oorja company ke chaar karmachaari maare gaye the. Nugaroho ne kaha ki bhooskhalan mein 15 makaan bhi dab gaye hain. Indonesia ke is kshetr mein baarish ke kaaran bhooskhalan ki ghatnaaen aam hain.


Cheen Ne Sabse Bade Sainya Parivhan Vimaan Ka Pareekshan Kiya

Cheen Ne Sabse Bade Sainya Parivhan Vimaan Ka Pareekshan Kiya

World »

Beijing: Cheen ne apne sabse bade svadeshi parivhan vimaan ki pareekshan udaan safalataapoorvak poori ki hai. Sarkaari samaachaar agency 'Shinhuaa' ke anusaar vimaan 'Yun-20' athva 'Transport-20' mein 66 tan vajan ka samaan le jaaya ja sakta hai aur yeh lambi doori tak ki parivhan sevaaen muhaiya kara sakta hai. Khabar mein kaha gaya hai ki pareekshan udaan safal rahi hai. Isse cheen ki aarthik aur raashtreeya raksha shakti ko badhaava mil sakta hai. Khabar ke anusaar abhi is vimaan ke aur pareekshan kiye jaaenge.


Fraansisi Suraksha Balon Ne Gaao Havaai Adde Ko Apne Kabje Mein Liya

Fraansisi Suraksha Balon Ne Gaao Havaai Adde Ko Apne Kabje Mein Liya

World »

Kona (maali): France aur maali ke sainikon ne uttari shahar gaao ke havaai adde aur ek setu ko apne kabje mein le liya hai. Iske saath hi al kaayada se jude charampanthiyon ko khadedne ki disha mein unhein ek badi upalabdhi haasil hui hai. Do saptaah pehle France ne maali mein charampanthiyon ke khilaaf sainya abhiyaan shuroo kiya tha. Shanivaar ko havaai adde ko charampanthiyon se mukt kara liya gaya. Abhi yeh spasht naheen hai ki aane vaale dinon mein France aur maali ke sainikon ko kis tarah ke pratirodh ka saamana karna padega. France ki sena ne ek bayaan mein kaha hai ki sainikon par goleebaari ki gayi, lekin unhonne karaara javaab diya. Fraanseesi raksha mantraalaya ke adhikaariyon ne peris mein bataaya ki France aur maali ke sainikon ne gaao havaai adde ko mukt kara liya hai. Udhar, America maali mein abhiyaan ke liye France ke ladaakoo vimaanon ko indhan dene par sahamat ho gaya hai. Ameriki raksha mantri Leon peneta ne apne fraanseesi samakaksh jeen yaaves li driyaan ke saath phone par baatcheet ke dauraan kaha ki Pentagon indhan sambandhi suvidhaaen muhaiya karaane ko taiyaar hai.


Brazil Ke Nightclub Mein Aag, 245 Logon Ki Maut

Brazil Ke Nightclub Mein Aag, 245 Logon Ki Maut

World »

Rio di Janeiro: Brazil ke Santa Maria mein ek bheedbhaad vaale nightclub mein bheeshan aag lag gayi, jismein 245 logon ki maut ho gayi aur anya 200 ghaayal ho gaye. Samaachaar agency sinhuaa dvaara ravivaar ko jaari report ke mutaabik police ne bataaya ki Rio grande the sul praant mein Santa Maria ke 'Kis' nightclub mein tadke 2.30 baje aag lag gayi. Durghatana ke samay vidyaarthiyon ki ek party nightclub mein chal rahi thi. Bataaya jaata hai ki manch par ek band ke sadasya ne pradarshan ke dauraan aag jalaai, aur vah aag fail gayi. Aag itni teji se faili ki palak jhapakte hi poora kaksh dhuen se bhar utha. Nightclub mein keval ek hi praveshadvaar tha, jiski vajah se ek saath jyaada logon ke baahar nikalne ki hod mein bhagadad mach gayi. Shahar ke mayor garsan the rosa farera ne kaha ki nightclub mein jis samay aag lagi, us samay usamein 500 log maujood the aur adhiktar logon ki maut dam ghutne se hui. Nightclub ki kshamata 2,000 logon ki thi. BBC ke mutaabik 15 shav shauchaalaya se baraamad kiye gaye. Samjha jaata hai ki log baahar nikalne ke prayaas mein vahaan fans gaye. Ek damakal karmi ne bataaya ki usane apni jindagi mein is tarah ki durghatana pehli baar dekhi hai, jab itni badi sankhya mein yuvaaon ki jaan gayi ho. Ek pratyakshadarshi, 23 varsheeya luaana Santos silva ne Brazil ke globo TV se kaha, "Humne manch ke oopar chhat ki or dekha, vahaan aag fail chuki thi. " usane kaha ki meri bahan ne mujhe pakada aur baahar ghaseet liya. Darvaaja bahut hi sankara tha aur kai log ek saath baahar aana chaahate the. Chili mein 27 sadasyeeya Europeeya sangh ki baithak mein hissa lene gayi raashtrapati dilma rosef ne apna kaaryakram radd kar diya aur vah vaapas svadesh laut rahi hain. Unhonne praant ke Governor ko phone kar sangheeya sahaayata ki peshakash ki hai.


Kargil Yuddh Mein Sainikon Ne Liya Tha Hissa Poorv Pakistani General

Kargil Yuddh Mein Sainikon Ne Liya Tha Hissa Poorv Pakistani General

World »

Islamabad: Kargil yuddh ke sambandh mein Pakistan ke daavon ko khaarij karte hue Pakistan ke poorv lieutenant general Shahid ajeej ne kaha hai ki varsh 1999 mein hui 'Arthaheen'Ladaai mein mujaahideenon ne naheen balki niyamit sainikon ne hissa liya tha. Yuddh ke baare mein poori sachchaai baahar aana baaki hai. Ajeej Kargil yuddh ke dauraan ISI ki vishleshan shaakha ke pramukh the. Sena ke poorv adhikaari ne Pakistan ke tatkaaleen sena pramukh general Parvez musharraf par is sambandh mein leepaapoti karne ka bhi aarop lagaaya. Lieutenant general ajeej ne is maheene ke aarambh mein 'The nation daily' mein apne ek lekh mein likha, 'Vahaan koi mujaahideen naheen tha, sirf tape kiye gaye wireless sandesh the jo kisi ko bevakoof naheen bana sake. Hamaare sainikon ko apne hathiyaaron aur aagneyaastron ke saath khaali padi pahaadiyon par jaane ko kaha gaya. ' Varsh 2005 mein Lahore ke kor commander ke pad se sevaanivrut hue ajeej ne 'Puting aavar children in line of fire 'Sheershak vaale lekh mein likha hai, 'Kargil ke baare mein poori sachchaai abhi baahar aani baaki hai. Ham abhi bhi un bhoole-bisre bhookh se nidhaal, kadkadaati thand mein pahaadiyon ke peechhe chhupe, haathon mein khaali bandookein liye marne vaale sainikon ki kahaaniyon ka intajaar kar rahe hain. . . Us moolyavaan rakt ko akaaran hi bahaaya gaya. ' unhonne kaha ki jo bhi thodi sachchaai vah jaante hain use baahar aane mein bahut vakt laga kyonki 'General musharraf ne Kargil ki sachchaai ko daba rakha tha. '


Saudi Arab Mein Do Bhaarateeya Sharaab Vikretaaon Ko Jail, Kode Ki Maar

Saudi Arab Mein Do Bhaarateeya Sharaab Vikretaaon Ko Jail, Kode Ki Maar

World »

Dubai: Saudi arab mein do bhaarateeya naagrikon ko sharaab ke utpaadan aur bikri ke aarop mein ek-ek saal jail aur kode se maare jaane ki saja sunaai gayi hai. Vahaan sharaab par sakht pratibandh hai. Saudi arab ki ek adaalat ne sharaab ka avaidh utpaadan karne ka jurm kabool karne vaale donon bhaarateeya naagrikon ko saja khatm karne ke baad vaapas Bhaarat bhej dene ka aadesh sunaaya. Saudi gazette ki ek report ke mutaabik, donon bhaarateeyon ki pehchaan naheen ho pai hai. Unhein har hafte chhah baar 50 kode se maare jaane aur ek saal ki jail ki saja sunaai gayi. Saja ke baad unhein unke desh vaapas bhej diya jaaega. Khabar mein bataaya gaya ki ek jaasoos bhesh badalkar aaropiyon mein se ek ke paas sharaab khareedne gaya, jiske baad police adhikaariyon ne use range haathon pakada. Baad mein giraftaar kiye gaye vyakti ke kehne par police ne uske sahayogi ko chaar barrel sharaab ke saath pakada. Jedda jila adaalat mein maamale ki sunavaai hui.


Apaharan Ki Vaaradaaton Ko Lekar Peshaavar Ke Sikh Chintit, Asurakshit

Apaharan Ki Vaaradaaton Ko Lekar Peshaavar Ke Sikh Chintit, Asurakshit

World »

Islamabad: Pashchimottar Pakistan ke peshaavar mein ek sikh vyakti ke apaharan aur ek anya ki hatya ke baad alpasankhyak samudaaya mein asuraksha ki bhaavana badh gayi hai. Praakrutik davaaiyon ke vikreta mohindar Singh ka pichhle November Khyber kabaaili ilaake se apaharan ho gaya. Pichhle maheene unka kshat-vikshat shav ek sunasaan ilaake se baraamad kiya gaya. Pichhle hafte peshaavar ke baahari ilaake kaayadaabaad sthit apne aavaas se 40 saal ke kapda vyavasaayi raaghabeer Singh ko apaharanakarta utha le gaye. Sthaaneeya nivaasiyon ne bataaya ki chaar bachchon ke pita Singh gurudvaara se ghar laut rahe the jab hathiyaarband apaharanakartaaon ne unhein agava kar liya. The news ki khabar mein poorv up-attorney general khursheed Khan ne kaha, sikh samudaaya donon ghatnaaon ko lekar pareshaan hai. Raaghaveer Singh ke baare mein pata gaane ke liye unhonne kuchh varishth sarkaari adhikaariyon ka rukh kiya hai, lekin filhaal koi safalta haath nahi lagi hai. Khan ke sikhon ke saath kareebi sampark hain aur vah aksar gurudvaaron mein 'Seva' dete hain. Unhonne peshaavar mein sikh math ka daura kiya aur mohindar Singh ki hatya aur raaghaveer Singh ke apaharan ko lekar samudaaya ke 200 bujurgon se mulaakaat ki apni sahaanubhooti jataai. Peshaavar aur khaastaur se daabagari ilaake mein kareeb 3000 sikh rahate hain jabki Khyber pankhtunakhva praant aur Khyber, aurakajai kabaaili kshetron ke anya jilon mein sainkadon sikh rahate hain. Sikh samudaaya ke sadasyon ne kaha ki apaharan ki ghatna ko lekar unhonne praathamiki darj karaai hai, lekin maamale mein abhi tak koi pragati naheen hui hai. Samudaaya ke bujurgon ne Khyber pankhtunakhva ke mukhyamantri ke salaahakaar haaroon bilaur se mulaakaat ki aur unki surakshit vaapasi ke liye madad ki guhaar lagaai. Bilaur ne unhein aashvaasan diya ki vah maamale ko sambandhit sarkaari agency ke samaksh uthaaenge.


Pakistan Mein Jahareeli Gas Risne Se Aath Ki Maut

Pakistan Mein Jahareeli Gas Risne Se Aath Ki Maut

World »

Islamabad: Pakistan ke dakshini-pashchimi shahar loraalaai mein somvaar ko ek koyale ki Khan mein jahareeli gas ke risaav se aath majadooron ki dam ghutne se maut ho gayi jabki do behosh paae gaye. Media report se yeh jaankaari mili hai. Samaachaar agency sinhuaa ne dunya TV ke havaale se bataaya ki Pakistan ke dakshin-pashchimi praant baloochistaan ke loraalaai sthit daakki kshetr mein ek koyale ki Khan mein kaam kar rahe 10 majadoor jahareeli gas ke risaav se dam ghutne ke baad behosh ho gaye. Durghatana mein aath ko mrut ghoshit kar diya gaya jabki do behosh logon ko kareebi aspataal mein bharti karaaya gaya. Bachaav dal ne shuruaati jaanch mein bataaya ki khadaan ke bheetar jahareeli methane gas ke saans ke saath shareer ke andar pahunchane se majadooron ki maut hui.


Bhaarat, Bangladesh Ne Pratyarpan Sandhi Par Kiye Hastaakshar

Bhaarat, Bangladesh Ne Pratyarpan Sandhi Par Kiye Hastaakshar

World »

Dhaaka: Keindreeya gruh mantri susheel Kumar shinde ke do divseeya Bangladesh yaatra ke pehle din donon deshon ne somvaar ko ek pratyarpan sandhi sahit do mahatvapoorn samjhauton par hastaakshar kiye. Daily star ki rapat ke anusaar, Bangladesh ke gruh mantri muhiuddeen Khan aalamgeer aur shinde ne apne-apne desh ke pratinidhi ke roop mein samjhauton par hastaakshar kiye. Iske pehle apni mulaakaat ke baad donon mantriyon ne ek sanyukt samvaadadaata sammelan mein samjhauton ki ghoshana ki. Report mein kaha gaya hai ki aatankvaad se nipatne ke lihaaj se taiyaar ki gayi is pratyarpan sandhi mein kuchh inkaar ke praavadhaan bhi hain. Bangladesh ke gruh mantraalaya ke ek adhikaari ke havaale se kaha gaya hai ki yadi kisi vyakti ka pratyarpan raashtreeya suraksha ke liye khatra paida karta hoga, to sambandhit desh pratyarpan anurodh ko khaarij kar sakta hai. Donon pakshon ne ek nai visa vyavastha par bhi hastaakshar kiye, jiska sheershak 'Revised travel arrangement' (RTA) hai. Visa samjhaute ke anusaar, donon deshon ke vyaapaariyon ko paanch varsheeya bahupravesh visa diya jaaega. Jo log chikitsakeeya aadhaar par yaatra karna chaaheinge, unhein do varsh ka bahupravesh visa diya jaaega, jise atirikt ek varsh tak badhaaya ja sakta hai. Chikitsakeeya uddeshya ke maamale mein kisi mareej ke saath teen timaaradaar bhi visa paane ke hakdaar honge. Mulaakaat ke dauraan Bangladesh ki pradhaanamantri ke antarraashtreeya maamalon ke salaahakaar gauhar rijvi, gruh raajya mantri shamasul hak tukoo, Bhaarat mein Bangladesh ke uchchaayukt taarik A. Kareem aur dhaaka mein bhaarateeya uchchaayukt pankaj saran maujood the.


Pitaai Se Hui Bhaarateeya Kaidi Ki Maut Vakeel

Pitaai Se Hui Bhaarateeya Kaidi Ki Maut Vakeel

World »

Lahore: Pakistan ke ek vakeel ne kaha hai ki bhaarateeya kaidi chambel Singh ki maut jail karmachaariyon ke haathon hui pitaai ke kaaran hui. Doosari or, ek anya vakeel ne kaha hai ki maamale ki jaanch ki maang ko lekar vah Lahore uchch nyaayaalaya ka darvaaja khatkhataaenge. Beeti 15 January ko Lahore ke jinna aspataal ke chikitsakon ne chambel Singh ko mrut ghoshit kiya tha. Jaasoosi ke maamale mein paanch saal ki saja paae Singh kot lakhapat jail mein band the. Jaalsaaji ke maamale mein kot lakhapat jail mein 42 maheene ki saja kaatkar baahar aae isaai vakeel tahaseen Khan ne daava kiya ki jail karmachaariyon dvaara buri tarah peete jaane ke kaaran Singh ki maut hui. Unhonne pehle bhi yah daava kiya tha. Khan ne kaha, 'Beete 15 January ko mainne jail ke teen karmachaariyon ko chambel Singh ki pitaai karte dekha. Use kai baar peeta gaya. Mera maanana hai ki usaki maut pitaai ki vajah se hui. ' Jail ke adhikaariyon ne Khan ke daave ko khaarij karte hue kaha hai ki Singh ki maut dil ka daura padne ke kaaran hui maaloom padti hai.


Ab 'Shahrukh Khan Ko Lekar Bhaarat-Pak Mein Vaak Yuddh

Ab 'Shahrukh Khan Ko Lekar Bhaarat-Pak Mein Vaak Yuddh

World »

Nai Delhi/Islamabad: Bhaarat aur Pakistan ke beech aksar hone waali 'Too-too, main-main' ke kendra mein mangalvaar ko Bollywood star Shahrukh Khan aa gaye. Pakistan ke mantri Rahman malik ki is tippani ki ki 'Bhaarat abhineta ko suraksha muhaiya karaae' ki tvarit aur teekhi pratikriya ke taur par nai Delhi ne kaha ki Islamabad apne hi 'Alpasankhyakon' par dhyaan keindrit kare. Shahrukh ke unke muslim hone sambandhi ek vivaadit bayaan ne tab bade vivaad ka roop le liya jab ise lekar jamaat-ud-daava ke saragana haafij Saeed ne yeh kaha ki star ko Pakistan aa jaana chaahiye. Is vivaad mein ghi daalte hue malik ne Islamabad mein kaha ki Bhaarat Shahrukh ko suraksha muhaiya karaae. Jeeo news ki mangalvaar ko di gayi report ke mutaabik Islamabad mein bhaarateeya uchchaayog ki or se aayojit svaagat samaaroh ke dauraan samvaadadaataaon ko sambodhit karte hue malik ne yeh bhi kaha ki Bhaarat aur Pakistan donon hi mulkon ke log Shahrukh se muhabbat karte hain. Bhaarat ne iska javaab dene mein tanik bhi deri naheen ki. Media mein jaise hi malik ki tippani I vaise hi keindreeya soochana evam prasaaran mantri maneesh tivaari aur keindreeya gruh sachiv RK Singh ne kaha ki Pakistan apne hi desh ki haalat par chinta kare. Tivaari aur RK Singh donon ke bayaan malik ki tippani ki kareeb-kareeb bhartsana karne ke jaisa hai. Tivaari ne nai Delhi mein samvaadadaataaon se kaha, "Bhaarat mein alpasankhyakon ke saath kaisa bartaav ho raha hai iska avlokan karne ki jagah ve (malik) is baat par dhyaan dein ki ve apne desh mein alpasankhyakon ki dasha kaise sudhaar sakte hain. " unhonne kaha ki is prakaar ki cheejon ki bajaay yadi malik apne desh ke ghareloo maamalon par hi dhyaan keindrit rakhein to yeh Pakistan ki khushnaseebi hogi. Tivaari ne kaha, "Lokatantr ki pareeksha bahusankhyak ki bajaay alpasankhyak par dhyaan dene mein hai. Sanyukt pragatisheel gathabandhan (samprag) sarkaar sabhi naagrikon ko ek hi chashme se dekhti hai aur samvidhaan ke tahat sabhi ko baraabar ka hak diye jaane mein vishvaas karti hai. " Gruh sachiv RK Singh ne bhi malik ke bayaan par teekhi pratikriya vyakt ki. RK Singh ne yahaan samvaadadaataaon se kaha, "Ham apne naagrikon ki suraksha karne mein poori tarah saksham hain. . Ve (malik) apne naagrikon ki suraksha ke baare mein chinta karein. " Shahrukh (47) ne di New York times ke saath prakaashit outlook turning point patrika mein likha hai, "Main kabhi-kabhi raajanetaaon ka hathiyaar ban jaata hoon, jo mujhe galat aur deshdrohi bhaarateeya musalmaanon ka prateek banaane lagte hain. " "Kai aise bhi mauke aae jab mujh par apne desh se jyaada padosi mulk ke prati vafaadaar hone ka aarop lagaaya gaya. Yeh sab iske baavajood ki main ek aisa bhaarateeya hoon jiske pita ne svatantrata sangraam mein hissa liya tha. Rallyan hui jahaan netaaon ne mujhe desh chhod kar vahaan jaane ke liye kaha jise ve log meri asli maatrubhoomi ke roop mein ullekh karte hain. " unhonne yeh bhi kaha ki ve apne naam ke kaaran aatankvaadi bhi samajh liye jaate hain. Unhonne kaha, "Sanyog se mere jaisa samaan naam hone ko lekar mainne ek film 'Maai name is Khan' (aur main ek aatankvaadi naheen hoon) banaai. Yeh isi baat ko saabit karti hai. " "Main jab film ko promote karne ke liye pehli baar America ja raha tha tab durbhaagyavash mujhse ek ghante tak mere aakhri naam ke baare mein poochh-taachh ki jaati rahi. "