Australian Open Azarenka Ne Doosari Baar Jeeta Mahila Khitaab

Australian Open Azarenka Ne Doosari Baar Jeeta Mahila Khitaab

Sports »

Melbourne: Belarus ki Victoria Azarenka ne shanivaar ko cheen ki khilaadi li na ko haraakar saal ke pehle grandslam Australian open ka mahilaaon ka ekal khitaab jeet liya. Azarenka 2012 mein jeete gaye apne khitaab ko bachaane mein safal raheen. Vishv ki sarvochch vareeyata praapt mahila tennis khilaadi Azarenka aur poorv French open vijeta chhathi vareeyata praapt li na ke beech ummeed ke mutaabik jordaar takkar hui, lekin Azarenka ne apna varchasv kaayam rakhate hue yeh match 4-6, 6-4, 6-3 se jeet liya. Azarenka ka yeh doosra grandslam khitaab hai jabki li na apne doosare khitaab se chook gain. 2011 mein bhi li na Australian open ke final mein haar gayi theen.


Susheel Padm Bhooshan Naheen Milne Se Niraash

Susheel Padm Bhooshan Naheen Milne Se Niraash

Sports »

Nai Delhi: Pahalavaan susheel Kumar ekamaatr bhaarateeya khilaadi hain jinhonne lagaataar vyaktigat olympic padak jeete hain aur vah padm bhooshan naheen milne se niraash hain jabki unke naam ki sifaarish ki gayi thi. Susheel ke naam ki khel mantraalaya ne sifaarish ki thi lekin is puraskaar ke liye unke naam par vichaar naheen kiya gaya kyonki unhein 2011 mein padm shri puraskaar mil gaya tha. Niyamon ke anusaar ek hi vyakti ko do padm puraskaar diye jaane ke beech kam se kam paanch saal ka antar hona chaahiye. Haalaanki is praavadhaan mein 'Vishesh upalabdhi vaale maamalon' mein raahat di ja sakti hai jo sarkaar ke daayare mein aata hai. Is niyam ke antargat susheel padm bhooshan ya padm vibhooshan ke liye 2016 ke baad hi yogya ho sakte hain. Untees varsheeya susheel ne kaha ki agar lagaataar do olympic padak jeetne ki upalabdhi ko maanyata di jaati to achha hota, lekin vah intajaar karne ko taiyaar hain. Susheel ne kaha, 'Main niraash hoon kyonki is tarah ki maanyata hamesha aapko prerit karti hain lekin yeh jindagi ka hissa hai. Aapko bura lagta hai, lekin khilaadi ko iske saath hi aage badhna hota hai. ' Susheel ne 2008 Beijing olympic mein free style spardha mein kaansya padak jeeta tha aur 2012 London olympic mein rajat padak jeetkar vah olympic mein lagaataar padak jeetne vaale pehle bhaarateeya ban gaye the. Unhein 2009 mein Rajiv Gandhi khel ratn puraskaar se bhi sammaanit kiya ja chuka hai.


Brian Bandhuon Ne Record 13vaan Grandslam Yugal Khitaab Jeeta

Brian Bandhuon Ne Record 13vaan Grandslam Yugal Khitaab Jeeta

Sports »

Melbourne: Mike aur Bob Brian ne yugal team ke taur par ek aur record apne naam likhaaya, haalaanki yeh is jodi ke liye sabse vishesh hoga. Bob aur Mike Brian ki jodi Australiaee open mein 13vaan major khitaab jeetkar grandslam itihaas mein yeh upalabdhi haasil karne waali yugal team ban gayi. Brian bandhuon ne 53 minute mein robin haase aur igor sijsling ki Holland ki gair vareeya jodi ko 6-3, 6-4 se shikast di. Yeh ameriki jodi Australia ke mahaan khilaadi jaan Newcombe aur toni roche ke baraabar thi, jinhonne 12 grandslam yugal khitaab haasil kiye hain. Mike Brian ne kaha, 'Is record ko banaakar sachmuch kaafi achha mahasoos ho raha hai. Itihaas ka hissa banana sachmuch vishesh hai. Ham iske baare mein jyaada naheen soch rahe the lekin ab yeh hamaare naam ho gaya hai. Mudkar apne career ko dekhkar yeh kehna ki humne sabse jyaada yugal grandslam khitaab jeete hain, shaanadaar hoga. '


HIL Waveriders Ne Magicians Ko 4-3 Se Haraaya

HIL Waveriders Ne Magicians Ko 4-3 Se Haraaya

Sports »

Nai Delhi: Bhaarateeya team ke kaptaan sardaar Singh ke netrutv mein khel rahi Delhi waveriders team ne shanivaar ko national stadium mein khele gaye hero hockey India league (HIL) mukaabale mein mumbai magicians team ko 4-3 se hara diya. Is match mein magicians ke star drag flicker sandeep Singh ne hattrick lagaai lekin unka yeh shaanadaar prayaas team ke kisi kaam naheen aaya. Waveriders ne HIL ke pehle sanskaran mein apna Ajay kram barkaraar rakhate hue paanchavaan match jeeta hai. Usaka ek match baraabari par chhoota hai. Waveriders ne apne ghareloo maidaan par teesari jeet darj ki hai. Waveriders ke liye Imran Khan ne paanchavein, noris jons ne 11vein, oscar deke ne 21vein aur rupindar paal Singh ne 51vein minute mein gol kiye. Magicians ke liye sandeep ne 27vein, 56vein tatha 66vein minute mein gol daaga. Sandeep HIL mein ab tak kul nau gol kar chuke hain. Match ka khaata waveriders ne khola. Gurvinder ko mile ek aasaan paas ne magicians ka kaam kharaab kiya. Magicians ki rakshaapankti ko oonghate dekh Gurvinder ne geind Imran ke paas sarka di, jis par unhonne aasaan gol kiya. Donon teemon mein ek se badhkar ek shaanadaar khilaadi bhare pade hain lekin iske baavajood donon ki kismat bilkul ulat hai. Waveriders ne jahaan ek baar bhi haar ka munh naheen dekha hai vaheen magicians ko jeet naseeb naheen hui hai. Magicians ne apna chhatha match khela lekin paanchon mein haar mili hai. Uske khaate mein sirf chhah ank hain aur usaka knockout daur mein pahunchana naamumkin lag raha hai. Doosari or, waveriders team chhah mein se paanch match jeetkar aur ek draw ke saath kul 27 ank apne khaate mein daal chuki hai. Usaka knockout mein pahunchana tay hai.


Vishvanaathan Aanand Ne Laami Ko Haraaya, Carlson Ko Ajay Badhat

Vishvanaathan Aanand Ne Laami Ko Haraaya, Carlson Ko Ajay Badhat

Sports »

Vijk aan ji (Holland): Vishv champion vishvanaathan aanand pichhadne ke baad vaapasi karte hue Holland ke irvin laami ko haraakar di moriyaan mein chal rahe 75vein tata steel shataranj tournament mein sanyukt doosare sthaan par pahunch gaye. Aanand ki yeh tournament mein chauthi jeet hai, jisse vah aath ank ke saath sanyukt roop se doosare sthaan par pahunch gaye hain. Tournament mein haalaanki ab jabki sirf ek daur ka khel baaki hai, tab behatareen form mein chal rahe naarve ke Magnus Carlson ne America ke hikaaroo Nakamura ko haraakar Ajay badhat bana li hai. Duniya ke number ek khilaadi Carlson ke 9.5 ank hain. Unhonne aanand aur Armenia ke levon Aronian par dedh ank ki badhat bana rakhi hai, jisse unka tournament jeetna tay hai. Hungary ke Peter leko aur roos ke sarjei karjaakin saat ank ke saath sanyukt roop se chauthe sthaan par chal rahe hain. Lagaataar doosari haar ke baad Nakamura 6.5 ank ke saath chhathe sthaan par hain. Tournament mein pehli baar khel rahe Bhaarat ke pi Harikrishna ne apna achha pradarshan jaari rakha hai aur cheen ke vaang how ke saath draw khelne ke baad chhah ank ke saath vah sanyukt saatavein sthaan par hain. Holland ke loek vaan veli ke bhi chhah ank hain. Din ke anya nirnaayak mukaabalon mein vaan veli ne Italy ke Fabiano koruaana ko haraaya, jabki cheen ki yifaan how ne Holland ke ivaan sokolov ko maat di.


Australian Open Jokovik Bane Champion, Racha Itihaas

Australian Open Jokovik Bane Champion, Racha Itihaas

Sports »

Melbourne: Serbia ke novaak jokovik ne ravivaar ko Britain ke Andy mare ko haraakar saal ke pehle grand slam Australian open ke purushon ka ekal khitaab jeet liya. Iske saath jokovik ne itihaas kaayam kar diya hai. Vah open era mein is khitaab par lagaataar teen baar kabja jamaane vaale pehle khilaadi ban gaye hain. Vishv ke sarvochch vareeyata praapt ekal khilaadi jokovik ne Switzerland ke Roger Federer ke anpekshit avsaan ke baad apne chir pratidvandvi ke roop mein ubhare teesare vareeyata praapt mare ko final mukaabale mein 6-7, 7-6, 6-3, 6-2 se haraaya. Varsh 2010 aur 2011 mein Melbourne park mein upavijeta rahe mare ne 2012 mein semifinal tak ka safar tay kiya tha. Is baar unke paas ek baar fir is khitaab par kabja karne ka achha mauka tha lekin jokovik ne unki ek na chalne di. Pehle set mein maat khaane ke baad jokovik ne apne is pasandeeda court par jordaar vaapasi ki aur lagaataar teen set jeetkar mukaabala apne naam kiya. Jokovik ne 2011 aur 2012 mein yeh khitaab jeeta tha. Isse pehle vah 2008 mein bhi vijeta rahe the lekin 2009 aur 2010 mein vah quarter final tak hi pahunch sake the. Jokovik ne final mein pahunchane ke liye Spain ke David ferar ko haraaya tha lekin mare ne semifinal mein Federer ki chunauti samaapt ki thi. Aise mein mare ke sambhaavit vijeta ke roop mein ubharane ki ummeed thi lekin jokovik ka anubhav aur Melbourne park mein unki kaamayaabi ka pichhla rikaard mare ki raah mein roda bana. Yeh jokovik ke career ka chhatha ekal grand slam khitaab hai. Vah chaar baar Australian open, ek-ek baar Wimbledon aur ameriki open khitaab jeet chuke hain. Mare ne ab tak ek baar ameriki open khitaab jeeta hai. Beete saal vah Wimbledon mein upavijeta rahe the.


Tennis Ki Duniya Mein Jokovich Ka Jalwa

Tennis Ki Duniya Mein Jokovich Ka Jalwa

Sports »

Kehte hain toofaan ko kai rok naheen paata. Vah jab aata hai to bade-bade bargad apne-aap ukhad jaate hain. Tennis ki duniya mein novaak jokovich toofaan hi saabit hue hain. Unke saamane rafaayal Nadal aur Roger Federer jaise diggaj ukhadate dikh rahe rahe hain. Vah kaamayaabi ka naya itihaas bana rahe hain. Australian open ke road levar ereena mein khele gaye final mukaabale ke pehle set mein Andy mare ne jab novaak jokovich ko thaam liya to mere man mein ek aashanka uthi ki kya mare yahaan itihaas bana deinge. Mare ne jis tarah se semifinal mein fedarar ko haraaya tha use dekhte hue is aashanka ke sach hone ki sambhaavana bhi thi. Lekin, novaak jokovich ko maaloom tha ki agar yeh mukaabala lamba khincha to faayda unako hi hona hai. Andy mare ne doosare set mein jordaar sangharsh dikhaaya. Uske baad unapar thakaan bhaari hone lagi aur teesare aur chauthe set mein vah jokovich ke toofaan ko naheen thaam paae. Teen ghante aur 40 minute ke khel ke baad jokovich naya itihaas bana chuke the. Vah lagaataar teen baar Australian open jeetne vaale pehle tennis khilaadi ban gaye hain. Haalaanki is baar unhein Nadal aur fedarar ke saamane naheen aana pada lekin isse unki kaamayaabi ka star kam naheen ho jaata. Jokovich aaj jahaan pahunche hain usaki pehli dhamak unhonne 2008 mein mahaj 20 saal ki umr mein Australian open jeetkar dikhaai thi. Tab unhonne semifinal mein Roger fedarar ko haraaya tha. In paanch saalon mein vah iske baad mahaj paanch grand slam hi jeet paae hain. Kul chhah grand slam mein jokovich ne chaar baar Australian open jeeta hai aur ek−ek baar Wimbledon aur ameriki open ka khitaab unke naam raha hai. Yeh bataata hai ki Nadal aur jokovich ke saamane unhein lagaataar sangharsh karna pad raha hai. Aur jokovich yeh sangharsh khoob kar rahe hain. 2011 mein unhonne teen grand slam khitaab jeete to 2012 mein mahaj ek grand slam. Do grand slam mein unhein final mein haar ka saamana karna pada. Aise mein 2013 mein jokovich ne shuruaat to shaanadaar ki hai. 25 saal ke jokovich ke paas fedarar aur Nadal ke mukaabale kaheen jyaada teji hai aur fitness bhi. Lihaaja aane vaale samay mein unke kaamayaabi ka graaf aage hi badhna hai. Aaj tennis ki duniya mein dhamaal machaane vaale jokovich ka iraada ek samay football khilaadi banane ka tha. Football ke alaava skiing se bhi kaafi lagaav tha. Pita footballer the jo baad mein skier ban gaye. Baad mein vah ek restaurant chalaane lage. Ghar mein kabhi kisi ne tennis naheen khela tha lekin jokovich ki kismat kuchh aisi rahi ki unke ghar ke samaane hi teen−teen tennis court ban gaye. Chaar saal ki umr mein pehli baar jokovich ka aakarshan tennis se hua. Ghar ke pados mein bane tennis court ki dashark deergha se talleenata se match dekhte hue unki mulaakaat Yugoslaviyaai tennis legend jelina jenik se ho gayi. Tab jokovich mahaj chhah saal ke the. Unke aathavein saal tak pahunchate pahuche jenik ko kehna pad gaya ki Monica seles ke baad itna bada tennis talent mainne naheen dekha aur vaakai mein jokovich ne peechhe mudakar naheen dekha. Rafaayal Nadal aur Roger Federer ke beech mein unhonne na keval apni pukhta jagah banaai balki number van khilaadi bhi ban gaye. Fedarar aur Nadal donon ke mukaabale jokovich kaheen jyaada aakramak khilaadi hain. Baseline par unke jaisa aakramak khilaadi filhaal yuva peedhi mein najar naheen aa raha. Donon side khele gaye unke ground strokes mein bala ki teji hoti hai. Unke backhand shots ka javaab talaashana bhi khaasa mushkil hai. Khaaskar jab vah apne donon haathon se backhand shots khelte hain to geind ki disha badal jaati hai aur isse saamane wala khilaadi achambhit rah jaata hai. Andre aagaasi ne unke is shots ka naya naam hi de diya hai− mani shots. Aagaasi ke mutaabik is shots se hamesha point jeeta ja sakta hai. Andy mare ke khilaaf Australian open final mein aagaasi ne jokovich ke hi jeetne ki bhavishyavaani ki thi. Jokovich unke bharose par ekdam khare utare. Jokovich is saal beete saal ki bharpaai bhi karna chaaheinge. Haalaanki February mein Nadal vaapasi karne vaale hain fedarar bhi jaane ka naam naheen le rahe hain aur mare bhi lagaataar achha kar rahe hain. Lekin in sab mein jokovich sabse aage najar aa rahe hain. Aane vaale dinon mein unke jalwe mein koi kami naheen hone waali hai.


HIL Romaanchak Mukaabale Mein Warriors Ne Wizards Ko 4-3 Se Haraaya

HIL Romaanchak Mukaabale Mein Warriors Ne Wizards Ko 4-3 Se Haraaya

Sports »

Lucknow: Australia ke dhurandhar jaimi Dwyer ki kaptaani mein khel rahi JP Punjab Warriors team ne ravivaar ko sthaaneeya dhyaanachand hockey stadium mein khele gaye hero hockey India league (HIL) ke 16vein mukaabale mein mejabaan team uttar pradesh wizards ko 4-3 se hara diya. HIL mein yeh Warriors ki teesari jeet hai. Warriors ke liye tejatarraar forward SV suneel ne doosare aur teesare, Dwyer ne aathavein, Christopher krilo ne 16vein minute mein gol kiye jabki mejabaan team ki or se David alegre ne 12vein, VR raghunaath ne 66vein aur joren hartabargar ne 67vein minute mein gol kiye. Madhyaantar tak vijeta team 4-1 se aage thi. Madhyaantar ke baad mejabaan team ne baraabari aur fir jeet haasil karne ki poori koshish ki. Isi prayaas mein usane antim paanch minute mein do gol kiye lekin Warriors ki rakshaapankti ki atirikt chaukasi ke kaaran vah antat: Baraabari ka gol naheen kar saki. Warriors ne ab tak saat mein se teen match jeete hain jabki teen mein use haar ka saamana karna pada hai. Usaka ek match baraabari par chhoota hai. Wizards ke khaate mein saat mein se do mein jeet I hai jabki teen baar use haar mili hai. Uske do mukaabale dra rahe hain. Is jeet ne Warriors ko paanch teemon ki taalika mein 21 ankon ke saath teesare sthaan par pahuncha diya hai. Doosari or, wizards team 17 ankon ke saath chauthe kram par hai. Delhi waveriders (27) pehle aur Ranchi rhinos (22) doosare kram par hai. Mumbai magicians (6) ka jeet ka khaata bhi naheen khula hai.


Tennis Ranking Pace Aur Saaniya Ludhke, Somadev Ki Lambi Chhalaang

Tennis Ranking Pace Aur Saaniya Ludhke, Somadev Ki Lambi Chhalaang

Sports »

Nai Delhi: Leander pace aur saaniya mirja Australiaee open ke pehle daur mein baahar hone ke kaaran yugal tennis ranking mein chaar-chaar paayadaan neeche khisak gaye hain, lekin kandhe ki chot se ubarakar court par vaapasi karne vaale somadev Devburman ne pehle daur ki jeet ke dam par ekal ranking mein lambi chhalaang lagaai hai. Pace aur check ganaraajya ke unke jodeedaar raadek stepanek varsh ke pehle grandslam ke purush yugal mein pehle daur se aage naheen badh paae. Iska vipreet prabhaav pace ki ranking par bhi pada hai aur vah sheersh paanch se baahar ho gaye. Bhaarat ka yeh sheersh tennis khilaadi ATP ki taaja ranking mein chaar paayadaan neeche saatavein sthaan par khisak gaya hai. Bhaarat ke do anya yugal khilaadi mahesh bhoopati (11vein) aur rohan bopanna (12vein) ki ranking mein haalaanki koi badlaav naheen aaya hai. Doosari taraf saaniya aur America ki unki jodeedaar Bethany maatek sands bhi mahila yugal ke pehle daur mein haar gayi thi. Isse saaniya WTA racking mein chaar sthaan neeche 16vein sthaan par khisak gayi hain. Purush ekal mein somadev ko pehle daur mein Germany ke Bjorn faau par seedhe seton mein jeet darj karne ka faayda mila hai. Unhonne iske dam par 197 sthaan ki lambi chhalaang lagaai hai aur vah 397vein sthaan par kaabij ho gaye hain. Doosare daur mein Poland ke jaarji Janovich se paanch set tak chale kade mukaabale mein haarne vaale somadev ke 97 ank hain.


HIL Rhinos Jeete, Magicians Ki Saataveen Haar

HIL Rhinos Jeete, Magicians Ki Saataveen Haar

Sports »

Ranchi: Ranchi rhinos team ne astro turf stadium mein somvaar ko khele gaye hero hockey India league (HIL) ke 17vein mukaabale mein mumbai magicians team ko 2-1 se hara diya. Magicians ko lagaataar saataveen haar mili hai. Rhinos ke liye Ashley Jackson ne 29vein aur Manpreet Singh ne 49vein minute mein gol kiya. Magicians ke liye sandeep Singh ne pehle minute mein gol daaga. Yah sandeep ka 10vaan gol hai. Donon teemon ke beech jordaar takkar ki ummeed thi aur huaa bhi yahi. Magicians ne match ke pehle hi minute mein haasil penalty corner ko gol mein badalkar apne iraade jaahir kar diye. Sandeep ne HIL mein apna 10vaan gol kiya. Unhonne rhinos ke goalkeeper ke shareer ke oopar se geind ko uchhaala. Goalkeeper ne prayaas kiya lekin tab tak der ho chuki thi. Sandeep ka jordaar drag goalpost mein ghus chuka tha. Rhinos ke liye yah penalty corner kaafi bhaari pada kyonki match ke pehle hi minute se uske khilaadi dabaav mein aa gaye. Rhinos ke khilaadiyon ko is dabaav se nikalne aur baraabari ka gol karne mein 28 minute lage. 29vein minute mein Jackson ne penalty corner par kiye gaye gol ka badla theek usi tarah chukta kiya aur apni team ko 1-1 ki baraabari par la diya. Iske baad donon teemon ke beech fir se aage nikalne ki hod shuroo ho gayi lekin is baar safalta mejabaan team ko mili. Rhinos ki or se Manpreet ne badhat vaala gol kiya. Manpreet ne akele dam par yah gol kiya. Is jeet ne paanch teemon ki taalika mein rhinos ko aur majabooti di hai. Usane saat mein paanch match jeete hain jabki use do maichon mein haar mili hai. Rhinos ke khaate mein 27 ank hain. Itne hi ank Delhi waveriders ke khaate mein bhi hain lekin usane ye ank chhah maichon se jutaae hain. Taalika mein waveriders pehle, rhinos doosare, JP Punjab warriors (20) teesare, uttar pradesh wizards (17) chauthe aur magicians (7) paanchavein sthaan par hai. Magicians ka ab tak jeet ka khaata bhi naheen khula hai.


Commonwealth Ghotaala Kalmadi, Anya Ke Khilaaf 4 February Ko Honge Aarop Tay

Commonwealth Ghotaala Kalmadi, Anya Ke Khilaaf 4 February Ko Honge Aarop Tay

Sports »

Nai Delhi: Delhi ki ek adaalat ne raashtramandal khel aayojan samiti ke barkhaast adhyaksh suresh Kalmadi tatha anya logon ke khilaaf khel pariyojanaaon mein kathit bhrashtaachaar se raajakosh ko 90 karod rupaye se adhik ka nuksaan pahunchaane, dhokhaadhadi karne aur saajish rachane ke liye aarop tay karne ki tithi 4 February tay ki hai. CBI ki vishesh nyaayaadheesh ravindar Kaur ne aarop tay karne ki taareekh aage badhaate hue kaha ki koi bhi aadesh dene se pehle unhein maamale ke sabhi dastaavejon ka adhyayan karne ke liye aur samay chaahiye. Vishesh nyaayaadheesh ne is adaalat ka prabhaar 2 January ko sambhaala. Unke poorvavarti nyaayaadheesh ne aarop tay karne ka aadesh diya tha, lekin unka tabaadala ho gaya. Sabhi aaropiyon ke khilaaf aarop aupachaarik roop se tay karne ke liye aaj ki taareekh tay ki gayi thi. Adaalat ne 21 December, 2012 ko Kalmadi, aayojan samiti ke mahaasachiv lalit bhanot sahit nau anya ke khilaaf bhaarateeya dand sanhita aur bhrashtaachaar nirodhak adhiniyam ke vibhinn praavadhaanon ke tahat aarop tay karne ke aadesh diye the. Dhokhaadhadi aur saajish rachane ke alaava aaropiyon par bhaarateeya dand sanhita ke tahat jaalsaaji tatha bhrashtaachaar nirodhak adhiniyam ke vibhinn praavadhaanon ke tahat bhi aarop tay kiye jaaenge.


Korea Open Badminton Saina Jeeteen, Sindhu Aur Kashyap Haare

Korea Open Badminton Saina Jeeteen, Sindhu Aur Kashyap Haare

Sports »

Siyol: Vishv ki teesari vareeyata praapt bhaarateeya tennis star Saina Nehwal guruvaar ko aasaan jeet ke saath Victor Korea open-2013 badminton pratiyogita ke quarter final mein pahunch gayi hain, lekin do anya bhaarateeya-PV sindhu aur paaroopalli kashyap ko haar ka saamana karna pada hai. London olympic mein kaansya padak jeetne waali Saina ne guruvaar ko khele gaye doosare daur ke mukaabale mein Singapore ki mingatiyaan foo ko haraaya. Saina ne foo ke khilaaf 21-16, 21-9 se jeet darj ki. Foo aur Saina ke beech ab tak chaar baar bhidant hui hai aur har baar Saina jeeti hain. Saina ne Budhvaar ko khele gaye mahila ekal varg ke pehle daur ke mukaabale mein Thailand ki saapseeri taaeratenaachaai ko 17-21, 21-9, 21-19 se paraajit kar pre-quarter final mein jagah banaai thi. Agale daur mein Saina ka saamana vishv ki 26veen vareeyata praapt cheeni khilaadi li haan se hoga. Haan aur Saina ke beech ab tak do baar bhidant hui hai, jinmein Saina ki jeet hui hai. Mahila varg mein hi sindhu ko haalaanki haar mili. Sindhu ne pehle daur mein Indonesia ki udaaveni faanetri ko haraaya tha lekin doosare daur mein Thailand ki pornatip buraanaapraatesuk ne sindhu ko ghar lautane par majaboor kiya. Pornatip ne yeh match 21-19, 21-13 se jeeta. Purush varg mein ekamaatr bhaarateeya ummeed kashyap ne pehle daur mein England ke Rajiv aausep ko haraaya tha lekin doosare daur mein kashyap ko Hongkong ke you hoo se 16-21, 21-13, 21-17 se haar mili. Hoo aur kashyap ke beech ab tak do baar bhidant hui hai, jismein hoo ki jeet hui hai.


Kashyap 11vein Aur Sindhu 17vein Sthaan Par Pahunchi

Kashyap 11vein Aur Sindhu 17vein Sthaan Par Pahunchi

Sports »

Nai Delhi: Paarupalli kashyap ka bhale hi guruvaar ko court par bhaagya saath naheen de paaya lekin Bhaarat ka yeh star badminton khilaadi taaja vishv ranking mein 11vein number par pahunchane mein safal raha jo unke career ki sarvashreshth ranking bhi hai. Kashyap ko sol mein Korea open se baahar hone ke baad apni sarvashreshth ranking ki khabar pata chali jisse is shuttler ko raahat mili hai. Vah haar se niraash hain lekin prakaash Padukon aur apne mukhya coach pulela Gopichand ke baad itni oonchi ranking par pahunchane vaale teesare bhaarateeya banane se unhein haar se ubarane mein madad milegi. Kashyap ne Korea se kaha, ''Mujhe aaj jeetna chaahiye tha. Bhaagya ne mera saath naheen diya. Teesare game mein main 16-14 se badhat par tha lekin tabhi racket ka ek dhaaga toot gaya aur mera shot net par chala gaya. Iske baad 17-16 par bhi fir se dhaaga tootane se smash baahar chala gaya. Usane agale do ank haasil kiye. Kai baar bhaagya hamaara saath naheen deta. Kul milaakar mujhe khushi hai ki main aaj vishv ranking mein 11vein sthaan par pahunchane mein safal raha. '' Unhonne kaha, ''Mujhe match ke baad ranking ke baare mein pata chala. Main bahut khush hoon. Yeh prakaash aur gopi sar ke baad Bhaarat ki taraf se purush ekal khilaadi ki teesari sarvashreshth ranking hai. '' is beech mahila varg mein yuva khilaadi PV sindhu ne bhi apne career ki sarvashreshth 17veen ranking haasil ki. Saaina Nehwal pehle ki tarah teesare number par bani hui hain.


Pak Hockey Khilaadiyon Ko Visa Mile, Shanivaar Ko Pahucheinge Bhaarat

Pak Hockey Khilaadiyon Ko Visa Mile, Shanivaar Ko Pahucheinge Bhaarat

Sports »

Nai Delhi: Pakistani sena ki goleebaari mein do bhaarateeya sainikon ki maut se upaje tanaav ke beech hockey India league mein bhaag le rahe vahaan ke nau khilaadiyon ko Bhaarat ka visa mil gaya hai. Pakistani khilaadi shanivaar ko yahaan pahunchakar apni apni teemon se judeinge. Isse pehle 14 January se 10 February tak hone waali league mein in khilaadiyon ki bhaageedaari par anishchitta ke baadal mandaraane lage the jab inhein samay par visa naheen mil saka tha. Ise do bhaarateeya sainikon ki jaghanya hatya se upaje tanaav se jodkar dekha jaane laga. Islamabad sthit bhaarateeya uchchaayog ne haalaanki spasht kar diya tha ki khilaadiyon ke visa aavedan use vilamb se mile hain. Toba tech Singh se Islamabad pahunche Delhi waveriders ke forward mohammad rijvaan senior ne kaha, hamein aaj visa mil gaya hai aur ham jald ravaana honge. Mera pehla match 14 January ko hai aur shukr hai ki main usase pehle Delhi pahunch jaaoonga. Vilamb ke baare mein poochhane par unhonne kaha, koi aur masala naheen hai. Bas prakriya mein thodi der ho gayi. Mumbai magicians ke fareed Ahmad ne kaha, yahaan bhaarateeya uchchaayog ka kehna hai ki unhein dastaavej deri se mile jabki PHF ka kehna hai ki usane samay par dastaavej jama kar diye the. Prakriya mein deri ho gayi, lekin khushi ki baat yah hai ki ab ham is vishv stareeya league mein bhaag lene Bhaarat ja rahe hain. Unhonne kaha, ham to 8 taareekh se hi Bhaarat jaane ko taiyaar hain, lekin visa ki vajah se deri hui. Unheen ke saathi khilaadi Mumbai ke midfielder mohammad tauseek ne bataaya ki khilaadi Lahore mein ikatthe honge aur vahaan se Delhi ravaana honge. Unhonne kaha, hockey India league bahut bade paimaane par ho rahi hai aur ismein duniyaabhar ke sheersh khilaadi bhaag le rahe hain. Ham sabhi Lahore se shanivaar ko jaaenge aur apni apni teemon se judeinge.


Korea Open Badminton Saaina Quarter Final Mein Haareen

Korea Open Badminton Saaina Quarter Final Mein Haareen

Sports »

Siyol: Bhaarat ki star badminton khilaadi saaina Nehwal Victor Korea open-2013 badminton pratiyogita ke quarter final mein haar gayi hain. Saaina ko shukravaar ko cheen ki li haan ne haraaya. Saaina ne pehle daur mein Thailand ki saapseeri taaeratenaachaai ko haraaya tha, jabki doosare daur mein vah Singapore ki mingatiyaan foo par jeet haasil karne mein safal rahi theen. Teesari vareeyata praapt saaina ko gairvareeya haan ke khilaaf jeet ki ummeed thi, lekin haan ne shaanadaar ulatafer karte hue yah match 21-14, 15-21, 21-12 se jeet liya. Haan ne yah match 59 minute mein apne naam kiya. Haan aur saaina ke beech yah teesari bhidant tha. Isse pehle do baar saaina ko jeet mili thi. Saaina ki haar ke saath is tournament mein Bhaarat ki chunauti samaapt ho gayi. Mahila varg mein PV sindhu aur purush ekal mein paaroopalli kashyap doosare daur mein haar kar baahar ho chuke hain.


Korea Open Badminton Saaina, Sindhu Aur Kashyap Doosare Daur Mein

Korea Open Badminton Saaina, Sindhu Aur Kashyap Doosare Daur Mein

Sports »

Nai Delhi: Victor Korea open-2013 badminton pratiyogita mein hissa le rahe teenon bhaarateeya-saaina Nehwal, PV sindhu aur paaroopalli kashyap apne-apne match jeetkar doosare daur mein pahunch gaye hain. Saaina ne Budhvaar ko khele gaye mahila ekal varg ke pehle daur ke mukaabale mein Thailand ki saapseeri taaeratenaachaai ko 17-21, 21-9, 21-19 se paraajit kiya. Teesari vareeyata praapt Saina ne yah match 58 minute mein jeeta. Saaina aur saapseeri ke beech yah chautha mukaabala tha. Isse pehle bhi teenon baar Saina vijayi rahi hain. Agale daur mein saaina ka saamana Singapore ki mingatiyaan foo se hona hai. Foo aur Saina ke beech ab tak teen baar bhidant hui hai aur teeno hi baar Saina jeeti hain. Mahila varg mein hi sindhu ko apna mukaabala jeetne mein koi dikkat naheen hui. Sindhu ne Indonesia ki udaaveni faanetri ko 22-20, 21-16 se haraaya. Gair-vareeyata praapt sindhu ne yah match 42 minute mein apne naam kiya. Donon ke beech yah teesara mukaabala tha. Sindhu do baar vijayi rahi hain jabki udaaveni ne ek baar baaji maari hai. Sindhu ka doosare daur mein Thailand ki pornatip buraanaapraatesuk se saamana hona hai. Sindhu aur pornatip ke beech ab tak do mukaabale hue hain, jinmein sindhu ki jeet hui hai. Purush varg mein kashyap ko bhi England ke Rajiv aausep ko haraane mein dikkat pesh naheen I. London olympic mein quarter final tak ka raasta tay kar chuke kashyap ne yah match 21-19, 21-16 se jeeta. Kashyap ne yah match 37 minute mein jeeta. Vishv ke 32vein vareeya Rajiv aur 14vein vareeyata praapt kashyap ke beech yah teesara match tha. Do baar kashyap jeete hain jabki ek baar Rajiv ne jeet haasil ki hai. Kashyap doosare daur mein Hongkong ke you hoo se bhideinge. Hoo ko saataveen vareeyata di gayi hai. Hoo aur kashyap ke beech ab tak ek baar bhidant hui hai, jismein hoo ki jeet hui hai.


Raajyavardhan Rathore Ko Raashtreeya Nishaanebaaji Mein Svarn Padak

Raajyavardhan Rathore Ko Raashtreeya Nishaanebaaji Mein Svarn Padak

Sports »

Nai Delhi: Athens olympic ke rajat padak vijeta raajyavardhan Singh Rathore ne vishv ke poorv number ek nishaanebaaj ranjan sodhi aur mohammad asaab ko peechhe chhodkar 56veen raashtreeya nishaanebaaji championship mein svarn padak jeeta. Purushon ki double trap spardha mein sena ke Rathore ne qualifying mein 144 aur final mein 46 ka score banaakar sone ka tamaga jeeta. Uttar pradesh ke asaab ne 141 aur 46 ke score ke saath rajat aur sodhi ne 138 aur 48 ka score banaakar kaansya padak haasil kiya. Double trap junior varg ka khitaab Delhi ke shyaam masood ne jeeta. Vah senior varg mein chauthe sthaan par rahe the. Masood ne kul 136 ka score banaaya. Haryana ke ankur mittal (134) ne rajat aur Andhra pradesh ke asher noriya (131) ne kaansya padak jeeta. Purushon ki center fire pistol spardha mein sena ke omkaar Singh aur BSF ke amit Kumar pilaaniya 289 ke samaan score ke saath badhat par hain. Samaresh jang (288) ka number unke baad aata hai.


Vishesh Youtube Channel Par Live Dikhega Chennai Open

Vishesh Youtube Channel Par Live Dikhega Chennai Open

Sports »

Chennai: Desh mein hone vaale tennis ka sabse pratishthit aayojan chennai open is saal Youtube par live dikhaaya jaaega. 31 December se shuroo ho rahe is tournament ke liye Youtube par vishesh channel launch kiya gaya hai. Chennai open ke 18vein sanskaran ke antargat center court par hone vaale 25 match Youtube par dekhe ja sakeinge. Maichon ke alaava channel par match archive, video on demand, highlights, fan video aur parde ke peechhe ke video dikhaae jaaenge. Is tournament ke khaas aakarshan ke taur par vishv ke sheersh-20 khilaadiyon mein se chaar shaamil hain.


Chennai Open Mein Roger Vaseline Ke Saath Kheleinge Leander Pace

Chennai Open Mein Roger Vaseline Ke Saath Kheleinge Leander Pace

Sports »

Chennai: Vishv yugal ranking mein teesare sthaan par kaabij bhaarateeya tennis star Leander pace chennai open mein nae jodeedaar France ke Eduard Roger vaseline ke saath kheleinge. Pace ne 2012 mein Australiaee open (yugal) samet chaar khitaab jeete. Tokyo aur ameriki open mein vah final tak pahunche. France ke 29-varsheeya vaseline ne teen yugal khitaab jeete hain. Vah pehli baar pace ke saath kheleinge. Tournament nideshak Tom eneeyar ne kaha, pace aur vaseline pehli baar Aircell chennai open mein saath kheleinge. Leander ke baare mein kaafi kuchh likha aur kaha ja chuka hai. Roger vaseline ke liye yeh seekhane ka sunahara mauka hoga. Bhaarat ke mahesh bhoopati Canada ke Daniel nestar ke saath kheleinge, jabki rohan bopanna Rajiv Ram ke saath utareinge. Tournament 31 December se 6 January tak khela jaaega.


Bhaarateeya Badminton Ki Safalta Ka Shreya Gopichand Ko Mile Kashyap

Bhaarateeya Badminton Ki Safalta Ka Shreya Gopichand Ko Mile Kashyap

Sports »

Nai Delhi: London olympic mein quarter final tak ka safar tay karne vaale Bhaarat ke star badminton khilaadi paarupalli kashyap ne kaha ki pulega Gopichand ko bhaarateeya badminton ki safalta ka shreya milna chaahiye. Kashyap ne kaha, "Gopichand ki badaulat hi Bhaarat mein badminton ke kshetr mein sudhaar hua. Ab hamaare paas behtar moolabhoot suvidha hai. Beete 10 saal mein is tarah ki suvidha naheen thi. Gopichand ne apne anubhav ke dam par yeh badlaav kaayam kiya hai. " Doosari or, bhaarateeya team ko safalta dilaane vaale Gopichand niji badminton academy chalaane ko lekar vivaadon ke ghere mein hain. Mumbai uchch nyayaalaya ne is sambandh mein Gopichand ki khinchaai bhi ki thi. Nyaayaalaya ne kaha tha ki Gopichand jo kar rahe hain vah naitik roop se sahi naheen hai kyonki raashtreeya coach rahate hue unhein aisa naheen karna chaahiye. Nyaayaalaya ke mutaabik Gopichand aise pad par hain, jahaan vah chayan ko prabhaavit kar sakte hain aur is kaaran unka niji academy chalaana theek naheen hai. Mumbai uchch nyaayaalaya ka yeh aadesh badminton khilaadi praajakta saavant ki yaachika par aaya hai. Praajakta ne November mein ek yaachika daayar karte hue kaha tha ki unhein raashtreeya shivir mein hissa naheen lene diya gaya aur maanasik roop se prataadit kiya gaya. Kashyap ne kaha ki raashtreeya coach par lage tamaam aarop galat hain. Kashyap bole, "Main is tarah ke aaropon se niraash hoon. Gopichand ne bhaarateeya badminton ke liye itna kuchh kiya hai aur khilaadiyon par bahut dhyaan dete hain. "


Mesi Duniya Ke Shreshth Football Khilaadi Sarvekshan

Mesi Duniya Ke Shreshth Football Khilaadi Sarvekshan

Sports »

Braajeeliya: Brazil ke mashahoor portal UOL isporte dvaara karaae gaye sarvekshan mein Brazil ke adhikaansh football khilaadiyon ne kaha hai ki Argentina ke striker liyonel mesi is samay duniya ke sabse achhe football khilaadi hain. Sarvekshan ke mutaabik Spain ke club Barcelona ke liye khelne vaale mesi ki Brazil ke 15 clubon ke 100 khilaadiyon mein se 90 feesadi ki taareef mili hai. Lokapriyta aur kaushal ke graaf par doosare sthaan par Portugal ke Christiano Ronaldo hain, jinhein sirf saat feesadi mat mile hain. Teesare sthaan par Spain ke khilaadi Andres Iniesta aur jaavi Hernandez aur Brazil ke nemaar di silva hain. Nemaar ko haalaanki 89 feesadi maton ke saath Brazil ka shreshth khilaadi chuna gaya hai. Portal ne saaf kiya hai ki braajeeli football khilaadiyon ne apne mat gupt rahate hue jaahir kiye hain aur ye khilaadi braajeeli league mein khelne waali sabhi pramukh teemon ke sadasya hain.


Badminton Khilaadi Kashyap Career Ki Sarvashreshth Ranking Par

Badminton Khilaadi Kashyap Career Ki Sarvashreshth Ranking Par

Sports »

Nai Delhi: Bhaarat ke mashahoor badminton khilaadi paaroopalli kashyap vishv badminton mahaasangh (BWF) dvaara guruvaar ko jaari ranking mein chhah sthaanon ki chhalaang lagaakar 14vein paayadaan par pahunch gaye hain. Yeh unke career ki sarvashreshth ranking hai. Kashyap (26 varsh) ne beete ravivaar Lucknow mein khele gaye Sayyed Modi international India grand priks gold tournament ka purushon ka ekal khitaab jeeta tha. Unke alaava tournament mein mahilaaon ke ekal mukaabalon ke final mein haar ka saamana karne waali pi. Vi. Sandhu bhi paanch sthaanon ki chhalaang lagaakar 19vein paayadaan par pahunch gayi hai. Yeh sandhu ke career ki sarvashreshth ranking hai. Vaheen, vivaadaaspad paristhitiyon mein tournament se hatne waali Bhaarat ki badminton sanasani Saina Nehwal vishv ranking mein teesare sthaan par hain.


Pakistan Ne Bhaarat Ko 5-4 Se Shikast De Asiaee Champions Trophy Jeeti

Pakistan Ne Bhaarat Ko 5-4 Se Shikast De Asiaee Champions Trophy Jeeti

Sports »

Doha: Doosare Asiaee champions trophy hockey shrunkhala ke final mein guruvaar ko Bhaarat ki team khitaab par apna kabja barkaraar rakhane mein naakaam rahi aur use Pakistan ki team se 5-4 ki shikast jhelni padi. Qatar ki rajdhani doha mein Bhaarat ki yuva team ne apni chir-pratidvandvi team ke saath achha mukaabala kiya, lekin ant mein Pakistan ki team ne baaji maar li. Bhaarat ki team ne shrunkhala ke round Robin match mein Pakistan ki team ko haraaya tha. Gaurtalab hai ki pichhle saal Bhaarat ne cheen ke odares mein hue final mein penalty shoot-out mein Pakistan ko 4-2 se haraakar khitaab apne naam kiya tha. Match ka pehla gol Pakistan ki or se muhammad vakaas ne saatavein minute mein kiya jiske kuchh der baad hi Bhaarat ke SV suneel ne nauvein minute mein gol daag kar score baraabar kiya. Pakistan ki or se muhammad vakaas ne saatavein evam 57 minute mein do gol, muhammad Imran ne 48vein evam 64 minute mein do gol aur safakat rasool ne 42vein minute mein ek gol kiya. Bhaarat ke SV suneel ne nauvein minute, upakaptaan VR raghunaath ne 21vein minute, Gurvinder Singh chaandi ne 55vein minute aur rupindar paal Singh ne 59vein minute mein gol daage.


Hopamain Cup Mein Saath Kheleinge Jokovich, Ivaanovich

Hopamain Cup Mein Saath Kheleinge Jokovich, Ivaanovich

Sports »

Canberra: Tennis ke number-1 purush khilaadi novaak jokovich aur mahila tennis khilaadi Anna ivaanovich kal se shuroo hone vaale hopamain tennis cup mein Serbia ke liye team ke roop mein khelte najar aaenge. Samaachaar agency sinhuaa ke anusaar nae Perth arena mein khele ja rahe is 10 lakh dollar ke inaami tournament mein donon ki jodi sheersh vareeyata praapt hain. Donon is tournament mein teesari baar hissa le rahe hain. Donon ne pehli baar is mishrit team tournament mein Serbia ki or se hissa liya tha. Varsh 2006 mein Montenegro mein donon tournament ke final mein pahunchakar haar gaye the. Varsh 2008 mein French open ka khitaab jeetne waali ivaanovich ne kaha, "Novaak aur main yeh tournament kai varsho se khel rahe hain, isliye hamein ummeed hain ki is baar ham ek kadam aage badhkar khitaab par kabja jama leinge. "


Chennai Open Silich Ne Kaha, Pehle Do Match Jeetna Hi Praathamikta

Chennai Open Silich Ne Kaha, Pehle Do Match Jeetna Hi Praathamikta

Sports »

Chennai: Duniya ke 15vein number ke tennis khilaadi aur yahaan do baar ke champion maarin silich chennai open ke liye taiyaar hain aur is nae satr mein apne pehle match se aage ke baare mein naheen soch rahe hain. Silich ne chennai open mein 2010 aur 2011 mein lagaataar do khitaab apne naam kiye hain, lekin vah 2012 mein chotil hone ke kaaran bhaag naheen le sake the. Unhein pehle round mein baai mili hai aur vah chennai mein apne teesare khitaab ke baare mein naheen soch rahe hain. Silich ne shanivaar ko draw ke baad kaha, main naheen jaanta ki doosare round mein main kisase kheloonga. Yeh mere liye satr ka pehla match hoga. Beete samay mein chennai open mein main achha khel chuka hoon aur nae satr mein achhi shuruaat hone ki ummeed hai. Unhonne kaha, meri pehli praathamikta do maichon mein achhi shuruaat ki hai. Draw ko dekhte hue satr mein aage ka andaaja lagaana mushkil hai. 28 khilaadiyon ka mukhya draw kaafi pecheeda ho sakta hai. 2012 Australiaee open ke quarterfinal mein pahunchane vaale silich ne kaha ki unka lakshya pehla match jeetna hai, jisse unka aatmavishvaas badhega.