HIL Rhinos Ki Warriors Par Dhamaakedaar Jeet

HIL Rhinos Ki Warriors Par Dhamaakedaar Jeet

Sports »

Jalandhar: Ranchi rhinos team ne Justin reed Ross ke do shaanadaar goalon ki madad se somvaar ko surajeet hockey stadium mein khele gaye hero hockey India league (HIL) ke ek behad romaanchak match mein JP Punjab Warriors ko 3-2 se hara diya. 50vein minute tak 0-2 se pichhad rahi rhinos ne agale 20 minute mein teen gol karke na sirf vaapasi ki balki ek behatareen jeet bhi haasil ki. Warriors ke liye keeran govars ne 35vein aur kiriyelo ne 51vein minute mein gol kiye jabki rhinos ki or se Justin reed Ross ne 52vein tatha 69vein aur mandeep Singh ne 62vein minute mein gol kiye. Match ka pehla gol 35vein minute mein huaa. Yah safalta Warriors ko mili. Madhyaantar se 40 second pehle keeran govars ne apne paas aa rahe ek tej paas ko deflect kiya aur oonghate hue rhinos ke defenderon ko chaunka diya. Iske baad 50vein minute mein raub Hammond ne Warriors ke liye penalty corner haasil kiya. Ek-ek karke teen defenderon ko maat dene ke baad raub ko kisi ne circle mein galat tareeke se rokane ka prayaas kiya, jiska nateeja huaa ki rhinos ke khilaaf penalty corner diya gaya. Warriors ke drag flicker kiriyelo ka shaanadaar flick teji se Ranchi ke goalkeeper kortes ki taangon ke beech se nikal gaya. Is tarah Warriors ne 2-0 ki aham badhat haasil ki. Rhinos ke liye yah gol kaafi thes pahunchaane vaala saabit huaa. Rhinos ne is gol ke turant baad apna aakraman tej kar diya. Aakraman mein teji ke kaaran use 51vein minute mein penalty corner mila, jis par Justin reed Ross ne shaanadaar gol kiya. 52vein minute mein hue is gol ke baad score 1-2 ho chuka tha. Rhinos ka prayaas is gol ke baad aur tej ho gaya. 62vein minute mein rhinos ne mandeep Singh ki madad se apna doosra gol kiya. Mandeep ne kothaajeet Singh ki or se mile shaanadaar paas par gol karke score 2-2 kar diya. Rhinos ka hamla yahaan bhi kam naheen huaa. Usane ghareloo darshakon ki maujoodagi mein jordaar khel dikhaate hue 69vein minute mein penalty corner haasil kiya. Mandeep dvaara haasil is penalty corner par reed ne ek aur gol karke rhinos ko 3-2 se jeet dila di. Paanch teemon ki taalika mein waveriders 44 ankon ke saath pehle sthaan par hain jabki Ranchi rhinos ke 36 ank hain. Vah doosare sthaan par hai. JP Punjab warriors (28) teesare, uttar pradesh wizards (22) chauthe aur magicians (14) paanchavein sthaan par hai. Waveriders pehle hi semifinal mein pahunch chuke hain.


Saikadon Football Maichon Mein Hui Fixing, Europeeya Police Ka Khulaasa

Saikadon Football Maichon Mein Hui Fixing, Europeeya Police Ka Khulaasa

Sports »

Hague: Europeeya police ne chetaavani di ki ab football ki pratishtha daanv par hai, kyonki unhonne champions league aur vishv cup qualifier ke saikadon football maichon ke fixing aparaadhik network ka bhandaafod kiya hai. Europeeya police ne kaha ki paanch deshon ki is jaanch mein unhonne aise 380 sandigdh football maichon ki talaash ki hai jinpar Singapore ki sattebaaji company ne daanv khela hai aur iski gair kaanooni gatividhiyaan duniya mein sabhi star ke khel mein khilaadiyon, refereeyon aur adhikaariyon tak faili hain. Europol pramukh rob venaraait ne conference mein bataaya, 'Hamein yah spasht hai ki yah sandehaaspad match fixing ki sabse badi jaanch hai. ' unhonne kaha, 'Match fixing football ke liye bahut bada khatra hai jismein kaafi log jude hain. Ismein gair kaanooni tareeke se laabh kamaaya jaata hai jisse khel ko kaafi khatra hai. ' Vah Europeeya football ki sanchaalan sanstha UEFA ke pramukh Michael plaatini ko bhi is sandarbh mein likheinge.


HIL Bhaarateeya Hockey Ke Liye Varadaan Leandro Negre

HIL Bhaarateeya Hockey Ke Liye Varadaan Leandro Negre

Sports »

Lucknow: Antararaashtreeya hockey mahaasangh (FIH) ke adhyaksh Leandro negre ne kaha ki hockey India league (HIL) se hockey ko lekar achha maahaul bana hai, jisse bhaarateeya hockey ko kaafi faayda hoga. Lucknow mein uttar pradesh Wizards aur Delhi waveriders ke khilaaf match ke baad samvaadadaataaon se baatcheet mein negre ne kaha ki HIL se vishv mein hockey ko lekar achha maahaul bana hai aur isse khaaskar bhaarateeya hockey ko kaafi laabh hoga. Unhonne hockey India ko adhikaarik ikaai karaar dete hue bhaarateeya hockey mahaasangh ko salaah di ki vah hockey India ke saath milkar desh mein hockey ki tarakki ke liye kaam kare. Negre ne kaha ki unki gujaarish hai ki hockey India agale saal se is league mein chhah se aath teemein shaamil kare taaki logon ko jyaada se jyaada mukaabale dekhne ko mile aur adhik antararaashtreeya khilaadi ismein shaamil ho sakein. Unhonne kaha ki bhavishya mein cricket ki hi tarj par hockey ki bhi champions league karaane par vichaar kiya jaaega taaki usamein duniya ke vibhinn deshon mein hone waali aisi hi anya pratiyogitaaon ki vijeta tatha upavijeta teemein hissa le sakein.


Davis Cup Korea Ne Bhaarat Ko 4-1 Se Haraaya

Davis Cup Korea Ne Bhaarat Ko 4-1 Se Haraaya

Sports »

Nai Delhi: Ranjit viraali murugeshan aur vijayant malik ki haar ke saath ravivaar ko Davis cup mein Bhaarat ki chunauti samaapt ho gayi. Ranjit aur malik dakshin Korea ke saath khele gaye Asia oceania group-1 ke pehle daur mein ekal mukaabale ganvaane ke baad ulat ekal mukaabalo mein bhi haar gaye. Bhaarat ko 1-4 se haar mili. Bhaarat ne yugal match jeeta tha. Ranjit aur malik shukravaar ko haar gaye the. Bhaarat pehle din ki samaapti ke baad 0-2 se peechhe tha lekin shanivaar ko Leander pace aur poorab raaja ne yugal match jeetkar Bhaarat ke liye vaapasi ki ummeed jagaai thi lekin ulat ekal mukaabalon mein Ranjit aur malik ki haar ke saath Bhaarat ko antat: Buri haar mili. Teji se ubhar rahe Ranjit khud se oonchi vareeyata vaale suk-yang jayong ke khilaaf naheen tik paae. Shukravaar ko pehle ekal match mein sharmanaak haar ka saamana karne ke baad 511 veen vareeyata praapt khilaadi Ranjit ne 321veen vareeyata praapt khilaadi jyong ko kaante ki takkar di, lekin do ghante 23 minute tak chale is mukaabale mein unhein 4-6,4-6,2-6 se haar ka saamana karna pada. Paanchavein aur antim mukaabale mein malik ko naam ne 6-2, 6-4 se haraaya. Malik ne jayong ke khilaaf jordaar sangharshashakti ka parichay diya tha lekin apne antim match mein mein bhi un par maansapeshiyon mein khinchaav ka asar dikha. Isi chot ke kaaran vah jayong ke khilaaf achha khelte hue bhi mukaabale se hatne ke liye majaboor hue the. Doosare ekal mukaabale mein malik ne jayong ke khilaaf jordaar sangharsh kiya lekin vah bhi 4-6, 5-7, 0-2 se haar gaye the. Baaen pair mein dard ke kaaran malik yah mukaabala poora naheen kar sake the lekin is yuva khilaadi ne bhavishya ke prati ek nai ummeed jagaai. Bhaarat ko ab pehle daur ke playoff mukaabale mein Bhaarat ka saamana Indonesia se hoga. Indonesia ko Japan ne buri tarah paraajit kiya. Playoff mukaabale 5-7 April ke beech khele jaane hain. Doosare daur ke mukaabalon mein Korea ka saamana Japan ke saath hoga. Ullekhaneeya hai ki somadev Devburman, mahesh bhoopati, rohan bopanna aur yuki bhaambari jaise khilaadiyon dvaara apni maange naheen maane jaane ke kaaran khelne se inkaar ke baad akhil bhaarateeya tennis sangh (AITA) ne Korea ke khilaaf bilkul nai team utaarane ka faisala kiya.


Raashtramandal Ghotaala Kalmadi Ke Khilaaf Hafte Mein Chaar Din Hogi Sunavaai

Raashtramandal Ghotaala Kalmadi Ke Khilaaf Hafte Mein Chaar Din Hogi Sunavaai

Sports »

Nai Delhi: Delhi ki ek adaalat ne raashtramandal khelon se jude bhrashtaachaar ke maamale mein sarkaari khajaane ko 90 karod rupaye se adhik ka nuksaan pahunchaane ko lekar raashtramandal khel aayojan samiti ke barkhaast adhyaksh suresh Kalmadi tatha nau anya ke khilaaf somvaar ko aarop tay kiye. In sabhi logon par kathit roop se dhokhaadhadi, saajish tatha sarkaari khajaane ko nuksaan pahunchaane ko lekar aarop tay kiye gaye. Vishesh nyaayaadheesh ravindar Kaur ne bhaarateeya dand sanhita ke vibhinn praavadhaanon tatha bhrashtaachaar nivaaran adhiniyam ke tahat aarop tay kiye. Aaropiyon mein aayojan samiti ke mahaasachiv lalit bhanot bhi shaamil hain. Dhokhaadhadi tatha aaparaadhik saajish ke atirikt aaropiyon par jaalsaaji, farji dastaavej taiyaar karne , aaparaadhik roop se daraane dhamakaane , sabooton ko nasht karne tatha lok sevakon dvaara aaparaadhik duraachaar jaise aparaadhon mein aarop tay kiye gaye. Aarop tay karne ke baad adaalat ne maamale mein saboot darj karaane ke liye 20 February ki taareekh tay kar di. Nyaayaadheesh ne kaha ki somvaar aur shukravaar ko chhodkar sabooton ko record karne ki kaaryavaahi rojaana ke aadhaar par hogi. CBI ne aaropiyon ke khilaaf varsh 2010 ke raashtramandal khelon ke liye gairkaanooni roop se timing, scoring end result system (TSR) sthaapit karne ke liye Swiss company ko gairkaanooni roop se theka diye jaane ka aarop lagaaya tha jisse sarkaari khajaane ko 90 karod rupaye se adhik ka nuksaan huaa. Kalmadi aur bhanot ke atirikt anya aaropiyon mein aayojan samiti ke poorv mahaanideshak VK varma, poorv mahaanideshak (khareed) surajeet laal, poorv sanyukt mahaanideshak (khel), ASV prasaad tatha poorv koshaadhyaksh M jayachandran shaamil hain. Ye log khel ikaai se ab naheen jude hain. Adaalat ne 21 December 2012 ko IPC tatha bhrashtaachaar nivaaran adhiniyam ke vibhinn praavadhaanon ke tahat Kalmadi tatha maamale ke nau anya aaropiyon ke khilaaf aarop tay karne ka aadesh diya tha. Adaalat ne yah bhi kaha tha ki aayojan samiti ke chhah poorv adhikaariyon ke khilaaf sarkaari padon ka durupyog karne ke thos aarop lagaae gaye hain. Ye poorv mein lok sevak the. In chhah logon ke alaava, do vinirmaan companiyon ke do promoter, Faridabad sthit jem international KPD aarya tatha AK madaan aur Hyderabad sthit AKR construction KAK Reddy bhi is maamale mein aaropi hain. Is maamale mein Swiss timing omega bhi ek aaropi hai. Adaalat ne aaropiyon ke khilaaf aarop tay karne ka aadesh dete hue kaha tha ki uchit tareeke se saman diye jaane ke baavajood Swiss timing omega adaalat mein pesh naheen ho rahi hai isliye uske maamale ki sunavaai alag ki jaati hai. Aarop hai ki company ko anaap shanaap keematon par gairkaanooni roop se theka diya gaya. CBI ne aarop lagaaya tha ki Kalmadi tatha anya ne Spanish company MSL ki kaheen adhik kam keemat ki 62 karod rupaye ki nivida ko naamanjoor kar diya tha aur Swiss timing Omega ko theka diya jisse khajaane ko 90 karod rupaye ka nuksaan huaa. Kalmadi ne haalaanki adaalat mein kaha tha ki usane bataur aayojan samiti ke adhyaksh ke saunpe gaye kaam ko kiya aur poori prakriya mein kuchh bhi galat naheen kiya.


HIL Wizards Ko Haraakar Waveriders Ne Barkaraar Rakha Ajay Kram

HIL Wizards Ko Haraakar Waveriders Ne Barkaraar Rakha Ajay Kram

Sports »

Lucknow: Semifinal mein sthaan bana chuki Delhi waveriders team ne ravivaar ko major dhyaanachand stadium mein khele gaye hero hockey India league (HIL) ke 25vein mukaabale mein uttar pradesh wizards ko 3-0 se haraakar apna Ajay kram barkaraar rakha hai. Wizards ke khaate mein aath jeet aur do draw hain. Yahi ek team hai, jo ab tak ek bhi match haari naheen hai. Waveriders ke liye Andres meer bail ne 10vein, Simon child ne 17vein aur Gurvinder Singh chaandi ne 30vein minute mein gol kiye. Waveriders team 44 ankon ke saath tournament ke pehle hi din se sheersh par kaayam hai. Wizards ke liye yah match jeetna behad jaroori tha kyonki is match mein jeet ke saath ve semifinal ki daud mein khud ko banaae rakh sakte the. Yah match jeetkar wizards kam se kam mumbai magicians ko khud ko ankon ke lihaaj se chhoone ka mauka naheen dete lekin ab magicians ke paas bhi apan agale sabhi match jeetkar semifinal mein pahunchane ka mauka hai aur wizards ko antim-4 daur ke liye ab nae sire se prayaas karna hoga. Baharahaal, chunauti yah thi ki wizards shaanadaar firm mein chal rahi waveriders team ka vijay kram tod paate hain ya naheen. Is kram mein shuruaati 10 minute mein maidaan mein jordaar chahalakadami dikhi lekin safalta waveriders ko hi mili. Bail ne 10vein minute mein haasil penalty corner par ek jordaar flick liya, jo goalpost ke ekdam kinaare ki or ravaana hui. Wizards ke goalkeeper ne ise rokane ki bharpoor koshish ki lekin geind itni tej thi ki vah safal naheen ho sake. Iske baad 17vein minute mein oscar deke ne circle ke sheersh par se ek jordaar hit liya. Deke goalpost ko saaf dekh rahe the aur is lihaaj se unka hit kaafi prabhaavashaali saabit huaa. Unki is hit par child ne bas apni stick laga di. Geind badi teji se wizards ke goalpost mein ghus gayi. Teesara gol chaandi ne kiya. Shaanadaar firm mein chal rahe chaandi ne circle ke baain chhor se goalpost ko nishaana saadhakar hit liya, jo seedhi goalpost mein jaati dikhi. Wizards ke goalkeeper apna saara prayaas karne ke baavajood geind ko naheen rok sake. Chaandi ka yah gol match ka shreshth gol saabit huaa. Paanch teemon ki taalika mein waveriders 44 ankon ke saath pehle sthaan par hain jabki Ranchi rhinos ke 31 ank hain. Vah doosare sthaan par hai. JP Punjab warriors (27) teesare, uttar pradesh wizards (22) chauthe aur magicians (14) paanchavein sthaan par hai.


Davis Cup Korea Ne Bhaarat Ko 4-1 Se Haraaya

Davis Cup Korea Ne Bhaarat Ko 4-1 Se Haraaya

Sports »

Nai Delhi: Ranjit viraali murugeshan aur vijayant malik ki haar ke saath ravivaar ko Davis cup mein Bhaarat ki chunauti samaapt ho gayi. Ranjit aur malik dakshin Korea ke saath khele gaye Asia oceania group-1 ke pehle daur mein ekal mukaabale ganvaane ke baad ulat ekal mukaabalo mein bhi haar gaye. Bhaarat ko 1-4 se haar mili. Bhaarat ne yugal match jeeta tha. Ranjit aur malik shukravaar ko haar gaye the. Bhaarat pehle din ki samaapti ke baad 0-2 se peechhe tha lekin shanivaar ko Leander pace aur poorab raaja ne yugal match jeetkar Bhaarat ke liye vaapasi ki ummeed jagaai thi lekin ulat ekal mukaabalon mein Ranjit aur malik ki haar ke saath Bhaarat ko antat: Buri haar mili. Teji se ubhar rahe Ranjit khud se oonchi vareeyata vaale suk-yang jayong ke khilaaf naheen tik paae. Shukravaar ko pehle ekal match mein sharmanaak haar ka saamana karne ke baad 511 veen vareeyata praapt khilaadi Ranjit ne 321veen vareeyata praapt khilaadi jyong ko kaante ki takkar di, lekin do ghante 23 minute tak chale is mukaabale mein unhein 4-6,4-6,2-6 se haar ka saamana karna pada. Paanchavein aur antim mukaabale mein malik ko naam ne 6-2, 6-4 se haraaya. Malik ne jayong ke khilaaf jordaar sangharshashakti ka parichay diya tha lekin apne antim match mein mein bhi un par maansapeshiyon mein khinchaav ka asar dikha. Isi chot ke kaaran vah jayong ke khilaaf achha khelte hue bhi mukaabale se hatne ke liye majaboor hue the. Doosare ekal mukaabale mein malik ne jayong ke khilaaf jordaar sangharsh kiya lekin vah bhi 4-6, 5-7, 0-2 se haar gaye the. Baaen pair mein dard ke kaaran malik yah mukaabala poora naheen kar sake the lekin is yuva khilaadi ne bhavishya ke prati ek nai ummeed jagaai. Bhaarat ko ab pehle daur ke playoff mukaabale mein Bhaarat ka saamana Indonesia se hoga. Indonesia ko Japan ne buri tarah paraajit kiya. Playoff mukaabale 5-7 April ke beech khele jaane hain. Doosare daur ke mukaabalon mein Korea ka saamana Japan ke saath hoga. Ullekhaneeya hai ki somadev Devburman, mahesh bhoopati, rohan bopanna aur yuki bhaambari jaise khilaadiyon dvaara apni maange naheen maane jaane ke kaaran khelne se inkaar ke baad akhil bhaarateeya tennis sangh (AITA) ne Korea ke khilaaf bilkul nai team utaarane ka faisala kiya.


Doosare Set Ka Tie-breaker Turning Point Raha Leander Pace

Doosare Set Ka Tie-breaker Turning Point Raha Leander Pace

Sports »

Nai Delhi: Bhaarat ke sheersh yugal khilaadi Leander pace ne Davis cup tennis Asia osiyaana group ek match mein poorav raaj ke saath milkar dakshin Korea ke khilaaf mejabaan team ko yugal mukaabale mein jeet dilaane ke baad kaha ki doosare set ka tie-breaker match ka turning point raha jiske baad unki jodi haavi ho gayi. Pace aur poorav apni service ganvaane ke baad doosare set mein 5-6 se pichhad rahe the aur Koreai jodi set ke liye service rah rahi thi lekin bhaarateeya jodi ne unki service break karke match tie-breaker mein kheench diya. Bhaarateeya jodi ne iske baad ji sung naim aur yong kyoo lim ki jodi ko 6-4, 7-6, 6-2 se haraaya. Pace ne match ke baad kaha, ''Doosare set ka tie-breaker match ka turning point raha. 5-5 ke score par mere service ganvaane ke baad ham mushkil mein the lekin humne unki service tod di. Iske baad tie-breaker mein bhi ham 0-3 se pichhad gaye lekin humne baraabari haasil ki aur fir haavi ho gaye. '' Pehli baar poorav raaja ke saath jodi banaakar khel rahe anubhavi pace ne apne is nae jodeedaar ki taareef ki. Unhonne kaha, ''Poorav kaafi achha khela. Ham pichhle do saal se abhyaas kar rahe the jiska aaj faayda mila. Hamaari shuruaat kaafi achhi rahi. Humne shuroo mein hi 3-0 ki badhat bana li thi. Poorav ko poora shreya jaata hai. Yah usaka pehla match tha. Uske return aur service donon kaafi achhi rahi. '' Bhaarat abhi mukaabale mein 1-2 se pichhad raha hai aur ravivaar ko ulat ekal mein daaromadaar Ranjit viraali murugesan aur vijayant malik par hoga. Malik ko shukravaar ko apne pehle ekal mein maansapeshiyon mein khinchaav ke kaaran mukaabale se hatna pada tha lekin Bhaarat ke gairkhiladi kaptaan SP mishra ne kaha ki vah kal ke match ke liye fit honge. Mishra ne kaha, ''Kal pehla mukabala Ranjit ko khelna hai lekin vijayant bhi fit hai. Vah khinchaav se kal hi ubar gaya tha lekin thoda dard tha aur ab vah theek hai. Usane aaj abhyaas bhi kiya. '' Vijayant ki chot par pace ne kaha, ''Vijayant isliye chotil naheen huaa ki vah fit naheen tha balki isliye huaa kyonki use isse pehle is tarah ke haalaat mein khelne ka anubhav naheen tha. Main hamesha se kehta aaya hoon ki hamein Davis cup ke liye badi team chunani chaahiye jisse ki yuva khilaadiyon ko aagaami chunauti ke liye taiyaar kiya ja sake. '' Unhonne kaha, ''Poorav ne kabhi naheen socha hoga ki vah Davis cup mein Bhaarat ke liye khelega. Ek din main bhi chala jaaunga isliye yuvaaon ko taiyaar karna jaroori hai. Ghareloo mukaabalon ke liye hamein saat se aath khilaadiyon ko team mein shaamil karna chaahiye. '' pace ne kal ekal mukaabalon ke baare mein kaha, ''Kal kaafi mushkil hoga. Ham 1-2 se pichhad rahe hain aur kal hamein apna sarvashreshth pradarshan karna hoga. Unke ekal khilaadi kaafi achhe hain. Do din humne achha khel dikhaaya lekin haalaat unke khilaadiyon ke adhik anukool hain. Ve kaafi fit hain. '' ATP ranking mein duniya ke saatavein number ke yugal khilaadi pace ne kaha, ''Kal nateeja kuchh bhi ho lekin Bhaarat ke ye khilaadi maidaan par utarakar pehle hi jeet gaye hain kyonki inhonne apne desh aur iske logon ko sabse aage rakha hai. '' pace un 11 bhaarateeya khilaadiyon ke sandarbh mein bol rahe the jinhonne apni kuchh maangon ko lekar khud ko is mukaabale ke liye anupalabdh rakha hai. Match ke dauraan lin ke saath tanaatani par pace ne kaha, ''Kabhi kabhi doosare khilaadi ko aapko usi jubaan mein javaab dena hota hai jaise vah day raha hai. '' pace ne saath hi kaha ki court dheema hone ke kaaran vah apna saamaanya khel naheen kar paae aur unhein apne khel mein badlaav karna pada. Is beech poorav apne pradarshan se khush dikhe. Unhonne kaha, ''Yah mere jeevan ka sabse bada din tha. Main yugal match jeetkar khush hoon lekin kul score se niraash hoon. Mujhe khushi hai ki mujhe desh ke liye khelne ka mauka mila. '' Korea ke lim ne kaha ki unhonne achha khel dikhaaya lekin virodhi jodi adhik majaboot thi. Unhonne kaha, ''Yah achha match tha. Humne kadi takkar di. Ham pehle do ekal jeetkar aage the isliye ham yugal ko lekar adhik chintit naheen the''. Kal mukaabala 2-2 se baraabar hone ki sthiti mein apne ulat ekal mein utarane ki sambhaavana par lim ne kaha, ''Mujhe naheen pata ki aisa hoga ya naheen. Yah faisala kaptaan ko karna hoga. ''


HIL Jeet Ki Raah Par Laute Wizards

HIL Jeet Ki Raah Par Laute Wizards

Sports »

Lucknow: Uttar pradesh wizards ne hockey India league (HIL) mein lagaataar chaar paraajayon se bejaar shanivaar ko haar ka silsila todte hue mahatvapoorn mukaabale mein Mumbai Magicians ko 2-0 se hara diya. Wizards ne kaafi sudhara huaa khel dikhaate hue Magicians ko apne aakraman tatha rakshan se bebas kar diya. Is tarah uttar pradesh ki team ne Mumbai se mili pichhli haar ka badla bhi le liya. Pehle quarter ke aathavein minute mein wizards ke pradeep mor ne jeron hartsabarjar ke paas par Magicians ki rakshaapakti aur goalkeeper ko chhakaate hue gol karke team ko badhat dilaai. Pehla quarter wizards ke naam raha. Doosare quarter ke chauthe minute mein wizards ko pehla penalty corner mila. Tushaar Khandekar ke paas par kaptaan vi raghunaath ne shot maara jo Matthew batarni ke ghutne mein laga. Doosare prayaas mein Alexander Bart ne koshish ki lekin unka shot goalpost se oopar se nikal gaya. Doosare corner mein raghunaath ka shot Magicians ke sandeep Singh ne stick adaakar vifal kar diya. Doosare quarter ke 15vein minute mein Magicians ko pehla penalty corner mila to sandeep Singh collect naheen kar sake. Iske baad Mumbai ne ek achha moov banaaya lekin sarvanajeet Singh chook gaye. Half time tak wizards 1-0 se aage rahe. Is dauraan donon teemon ke beech jabardast takkar dikhi lekin wizards apne pratidvandvi ke mukaabale behtar dikhe. Chauthe quarter mein Magicians ne kai hamle kiye lekin wizards ki rakshaapankti ne unki ek naheen chalne di. Quarter ke paanchave minute mein siddhaarth shankar ne daain taraf se shaanadaar maidaani gol daagakar wizards ki badhat 2-0 kar di. Uske baad to wizards ne pratidvandvi par dhaava hi bol diya. Is dauraan nitin timaiya ne geind hit ki lekin vah goalpost ke oopar se nikal gayi. Aathavein minute mein galat tareeke se Magicians ke glen turner ka raasta roke jaane par Mumbai ki team ko ek aur penalty corner mila. Haalaanki unke prayaas ko wizards ki rakshaapankti ne naakaam kar diya. Wizards ne match mein vaapasi ki bharsak koshish ki lekin ve asafal rahe. Chauthe quarter ke 12vein minute mein Magicians ko ek aur penalty corner mila lekin wizards ne use naakaam kar diya. Aakhiri minute mein Magicians ko penalty corner mila lekin drag flicker sandeep Singh ka shot ooncha jaane ke saath hi match samaapt ho gaya.


Chayan Maamalon Mein Kabhi Hastakshep Naheen Kiya Leander

Chayan Maamalon Mein Kabhi Hastakshep Naheen Kiya Leander

Sports »

Nai Delhi: Star yugal khilaadi Leander pace ne shanivaar ko kaha ki unhonne team ke chayan maamalon mein hastakshep naheen kiya aur agar London olympic mein Bhaarat ki sarvashreshth team jaati to padak jeetne ka behtar mauka hota. Pichhle saal London olympic aur ab dakshin Korea ke khilaaf khilaadiyon se jude vivaad ke kaaran Bhaarat ko chayanakartaaon ki pasand ke itar teemein chunane ke liye baadhya hona pada. Pace ne kaha, ''Mere liye desh ka pratinidhitv karna aur desh ke jhande ke liye khelna sabse badhkar hai. Main kabhi chayan maamalon mein hastakshep naheen karta hai. Mujhe jo bhi saathi milega main uske saath kheloonga. Mujhe agar mahesh (bhoopati), rohan (bopanna) ya som (somadev Devburman) ke saath khelne ke liye kaha jaaega to main unke saath bhi kheloonga. '' Unhonne kaha, ''London olympic se pehle bhi mainne kabhi chayan maamalon mein hastakshep naheen kiya. Main kabhi team ke sanchaalan ya chayan mein shaamil hone ki koshish naheen karta. Mere 23 baras ke anubhav ke aadhaar par mujhse poochha gaya tha ki kaun ki jodi sarvashreshth hogi aur mainne apna najariya rakha. '' Duniya ke sabse safal Davis cup khilaadi pace ne kaha, ''Lekin meri pasand ki team naheen bani. Uske baad London olympic mein jo huaa sabko pata hai. Agar behtar team chuni jaati to achhe nateeje mil sakte the. '' Bhoopati aur bopanna ne olympic se pehle pace ke saath jodi banaane se inkaar kar diya tha aur apni jodi banaane ki baat kahi thi. Baad mein AITA ko jhukna pada aur bhoopati tatha bopanna ko ek saath khelne ka mauka mila jabki pace ko vishnu vardhan ke saath jodi banaani padi.


Davis Cup Bhaarateeya Yuvaaon Ne Kiya Niraash, Korea 2-0 Se Aage

Davis Cup Bhaarateeya Yuvaaon Ne Kiya Niraash, Korea 2-0 Se Aage

Sports »

Nai Delhi: Bhaarat ne dakshin Korea ke saath jaari Davis cup Asia oceania group-1 ke pehle daur ke mukaabalon ke pehle din shukravaar ko niraashaajanak pradarshan kiya. Yuva khilaadiyon se saji bhaarateeya team pehle din khele gaye donon ekal mukaabale haar gayi. Is tarah Korea ne 2-0 ki badhat haasil kar li hai. RK khanna stadium mein khele gaye pehle ekal mukaabale mein jahaan Bhaarat ke Ranjit viraali murugesan ne mehmaan khilaadi ke saamane aasaani se ghutne tech diye vaheen doosare mukaabale mein vijayant malik ne achha sangharsh kiya. Ranjit ko dakshin Korea ke min hayok cho ne paraajit kiya. Ranjit ko 1-6, 0-6, 1-6 se haar mili. Ranjit aur min ke beech 83 minute tak bhidant chali. Somadev Devburman ke netrutv mein aath senior khilaadiyon dvaara Korea ke khilaaf khelne se inkaar kiye jaane ke baad Ranjit sahit kai nae khilaadiyon ko bhaarateeya team mein shaamil kiya gaya, lekin Ranjit is mauke ko bhuna naheen sake. Din ke doosare ekal mukaabale mein vijayant malik ne suk yong jeyong ke khilaaf jordaar sangharsh kiya lekin vah bhi 4-6, 5-7, 0-2 se haar gaye. Baaen pair mein dard ke kaaran vijayant yah mukaabala poora naheen kar sake lekin is yuva khilaadi ne bhavishya ke prati ek nai ummeed jagaai. Ab Bhaarat ko yugal aur ulat ekal mukaabalon ke maadhyam se vaapasi ki ummeed hai. Yugal mein Leander pace kheleinge, jo bhaarateeya team mein ekamaatr senior khilaadi hain. Pace yuva khilaadi poorab raaja ke saath yugal mukaabalon mein Bhaarat ke liye chunauti pesh kareinge. Mahesh bhoopati, rohan bopanna aur yuki bhaambari jaise khilaadiyon dvaara apni maange naheen maane jaane ke akhil bhaarateeya tennis sangh (AITA) ne Korea ke khilaaf bilkul nai team utaarane ka faisala kiya. Yugal mukaabala shanivaar ko khela jaaega, jabki ulat ekal mukaabale ravivaar ko honge. Ismein Ranjit ka saamana jeyong se hoga jabki malik min se bhideinge.


HIL Delhi Waveriders Ne Mejabaan Ranchi Rhinos Ko 5-2 Se Raunda

HIL Delhi Waveriders Ne Mejabaan Ranchi Rhinos Ko 5-2 Se Raunda

Sports »

Ranchi: Delhi waveriders ne hockey India league ke shukravaar ki raat Ranchi mein hue ektarfa match mein mejabaan Ranchi rhinos ko 5-2 se raund diya. Mejabaan Ranchi rhinos apne gruh maidaan par apna naisargik khel naheen dikha sake. Delhi webriders ne chaar field gol kiye aur penalty corner ki madad se paanchava gol daaga jabki Ranchi rhinos ne ek field gol kiya aur doosra gol penalty corner ki madad se kiya.


Jeev Aathavein Sthaan Par, Chaurasiya Ne Kat Mein Pravesh Kiya

Jeev Aathavein Sthaan Par, Chaurasiya Ne Kat Mein Pravesh Kiya

Sports »

Dubai: Bhaarateeya golfer jeev milkha Singh ne paanch under 67 ke card se shukravaar ko omega dubai dessert classic golf tournament ke doosare round ke baad sheersh 10 mein pravesh jagah bana li. Pehle round mein 68 ka card banaane vaale jeev ka kul score nau under 135 ka ho gaya hai aur vah sheersh par chal rahe Richard Stern se mahaj teen shot peechhe hain. Bhaarateeya golfer SSP chaurasiya ne do under 70 ka card khelkar kat mein pravesh kiya. Pehle round mein 69 round ka card banaane vaale chaurasiya apne kul paanch under 139 ke score se sanyukt 42vein sthaan par hain.


Davis Cup Ranjit Haare, Korea Ko 1-0 Ki Badhat

Davis Cup Ranjit Haare, Korea Ko 1-0 Ki Badhat

Sports »

Nai Delhi: Bhaarat ke yuva khilaadi Ranjit viraali murugesan ko Davis cup tennis Asia osiyaana group A ke pehle match mein min hiyok cho ke haathon ektarfa mukaabale mein 6-1, 6-0, 6-1 se shikast ka saamana karna pada, jisse Korea ne 1-0 ki badhat bana li. Duniya ke 511vein number ke khilaadi Ranjit ke paas ATP chart mein bina ranking vaale Koreai khilaadi ka koi javaab naheen tha aur unhein ek ghante aur 23 minute mein shikast ka saamana karna pada. Bhaarateeya khilaadi poore match ke dauraan sirf ek baar apni service bacha paaya, jabki sirf ek baar virodhi ki service todi. Min hiyok chot ne apne damakham aur behtar fitness se virodhi khilaadi ko koi mauka naheen diya. Unhonne match ke dauraan nau baar Ranjit ki service todi aur sirf ek baar apni service ganvaai. Davis cup mein apna pehla match khel rahe Ranjit ko RK khanna stadium ke hard court par laya haasil karne ke liye joojhna pada. Bhaarateeya khilaadi ki service kaafi kamjor rahi aur pehle do set mein to vah apni service par ek bhi game naheen jeet paae. Unke forehand aur backhand shot mein lambi railiyon ke liye jaroori damakham naheen tha, jabki unhonne apne kai shot net par ulajhaane ke alaava baahar bhi maare, jiska faayda saaf taur par min hiyok cho ko mila.


Balaatkaar Ke Aarop Mein Japan Ke Poorv Olympian Ko Jail

Balaatkaar Ke Aarop Mein Japan Ke Poorv Olympian Ko Jail

Sports »

Tokyo: Olympic mein do baar svarn padak jeetne vaale judo khilaadi ko ek chhaatra ke balaatkaar ke aarop mein jail ki saja sunaai gayi hai. Isse kuchh din pehle hi Japani judo olympionon ne mukhya coach par laathiyon se peetane ka aarop lagaaya tha. Masaato ushiba ko college ke judo club ki ek sadasya ke saath balaatkaar ke aarop mein paanch saal ki saja sunaai gayi hai. Masaato us club ka coach tha. Athens olympic 2004 aur Beijing olympic 2008 mein svarn padak jeetne ke baad 34-varsheeya masaato Japan mein star ban gaya tha. Abhiyojan paksh ne kaha ki usane September, 2011 mein us ladki se balaatkaar kiya, jab kyooshoo university of nursing end social welfare ka mahila judo club tokyo ke daure par tha.


HIL Warriors Ki Teesari Jeet, Magicians Ki Aathaveen Haar

HIL Warriors Ki Teesari Jeet, Magicians Ki Aathaveen Haar

Sports »

Mumbai: Lagta hai mumbai magicians team ki kismat usase roothi hi hui hai. Apne pichhle match mein shaanadaar jeet haasil karne waali magicians team ko guruvaar ko Mahendra hockey stadium mein khele gaye hero hockey India league (HIL) ke 21vein mukaabale mein ek baar fir haar ka saamana karna pada. Is baar use JP Punjab Warriors ne 3-1 se haraaya. Magicians ki yah aathaveen haar hai jabki nau mukaabalon se Warriors ne teesari jeet haasil ki hai. Australia ke diggaj Jamie Dwyer ke netrutv mein khel rahi Warriors team ke liye dharmaveer Singh ne saatavein, Robert Hammond ne 22vein aur malaak Singh ne 52vein minute mein gol kiya jabki magicians ke liye Johnny jasarotiya ne 47vein minute mein kiya. Usaka ekamaatr gol penalty corner par huaa. Warriors ka khaata bade aasaan tareeke se khula. Magicians ke defender ki susti ka faayda uthaakar dharmaveer ne ek defender se rebound hui geind ko flick karke goalpost mein daal diya. Iske baad 22vein minute mein Warriors ne magicians ke goalpost par ek jordaar hamla bola. Pehla prayaas vifal raha lekin usi minute mein Hammond ne daain or se aae ek cross ko deflect karke behad aasaan gol kiya. Warriors ki badhat 2-0 ki ho chuki thi. Isi score ke saath Warriors team break ke liye gayi. Break ke baad magicians ne apne khel mein teji laane ka prayaas kiya. 47vein minute mein use ek penalty corner mila. Star drag flicker sandeep Singh choonki maidaan par naheen the, lihaaja yah prayaas jasarotiya ne kiya aur vah safal bhi rahe. Jasarotiya ne geind ko goli ke shareer ke oopar se flick kar diya. Magicians ne score 1-2 kar liya tha. Warriors team ko shaayad mejabaan team ki yah safalta raas naheen I. Usane ab apna hamla tej kiya aur paanch minute ke bheetar score 3-1 kar liya. Is baar Warriors ke liye malaak Singh ne gol kiya. Malaak ne glen turner ke shot par yah gol kiya. Malaak ne teji se aa rahi geind ko di-area mein roka aur use goalpost ki or ravaana kar diya. Iske baad magicians ko baraabari karne ke teen mauke mile lekin vah unhein bhuna naheen sake. 55vein, 59vein aur 64vein minute mein penalty corner par sandeep gol naheen kar sake. 59vein minute mein magicians ke liye glen ne penalty corner haasil kiya tha. Warriors ne is jeet ke saath paanch teemon ki taalika mein teesare sthaan par khud ko majaboot kiya hai. Uske khaate mein ab 25 ank hain. Vah teesare sthaan par hai jabki Delhi waveriders team ne aath mukaabalon se 34 ank jutaae hain aur vah taalika mein pehle sthaan par hai. Ranchi rhinos (29) doosare, uttar pradesh wizards (17) chauthe aur magicians (12) paanchavein sthaan par hai.


Badminton Ranking Saina Doosare Kram Par Barkaraar

Badminton Ranking Saina Doosare Kram Par Barkaraar

Sports »

Nai Delhi: London olympic mein kaansya padak jeetne waali desh ki sarvochch vareeyata praapt mahila badminton khilaadi Saina Nehwal ne vishv badminton mahaasangh (BWF) ke vishv vareeyata kram mein doosra sthaan barkaraar rakha hai. Purush ekal mein Bhaarat ke paaroopalli kashyap ne bhi apne career mein ab tak ka sabse ooncha nauvaan kram banaae rakha hai. Kashyap London olympic mein quarter final tak pahunche the. Mahila varg mein Hyderabad ki PV sindhu ne 16vaan kram banaae rakha hai.


HIL Magicians Ka Khaata Khula, Aathavein Match Mein Mili Pehli Jeet

HIL Magicians Ka Khaata Khula, Aathavein Match Mein Mili Pehli Jeet

Sports »

Mumbai: Mumbai magicians team ne sandeep Singh ke netrutv mein Budhvaar ko Mahendra hockey stadium mein jordaar khel dikhaate hue hero hockey India league (HIL) ke pehle sanskaran mein jeet ka khaata khola. Magicians ne uttar pradesh wizards ko 4-0 se maat di. Is team ki aath maichon mein yah pehli jeet hai. Isse pehle ke sabhi maichon mein ise haar ka saamana karna pada tha. Dabur group ki freinchaaiji team-magicians ke liye Johnny jasarotiya ne 13vein, George Wilson ne 45vein aur sandeep Singh ne 52vein aur 66vein minute mein gol kiye. Sandeep aur jasarotiya ne penalty corner ko gol mein badla jabki Wilson ne ek behatareen field gol kiya. Match ka khaata 13vein minute mein jasarotiya ne khola. Bhaarat ke midfielder jasarotiya ne apne ek jameeni flick ke maadhyam se wizards ke goalkeeper ko George bejele ko chhaka diya. Geind goalkeeper ke pairon ke beech se hoti hui, goalpost mein ghus gayi. Madhyaantar tak magicians 1-0 se aage the. 42vein minute mein wizards ko lagaataar do penalty corner mile lekin vah inhein bhuna naheen sake. 45vein minute mein Wilson ne wizards ki rakshaapankti ko chhakaate hue ek shaanadaar maidaani gol kiya. 52vein minute mein magicians ko fir penalty corner mila, jis par sandeep ne ek oonche flick par gol karke apni team ko 3-0 se aage kar diya. Sandeep ke tournament ke 11vein gol par sthaaneeya darshakon ne jordaar pratikriya ki. Sandeep ne 66vein minute mein haasil penalty corner par ek aur gol karke apni team ki badhat ko 4-0 kar diya. Sandeep ne seedhe flick par ek aasaan gol kiya. Yah unka 12vaan gol hai. Paanch teemon ki taalika mein magicians ab bhi antim sthaan par hain. Uske khaate mein 12 ank hain jabki Delhi waveriders ne saat maichon se 32 ank jutaae hain. Vah pehle sthaan par hai. Ranchi rhinos ne saat maichon se 27 ank jutaae hain. JP Punjab Warriors (20) teesare aur uttar pradesh wizards (17) chauthe kram par hain.


HIL Rhinos Ne Waveriders Ko Baraabari Par Roka

HIL Rhinos Ne Waveriders Ko Baraabari Par Roka

Sports »

Nai Delhi: Ranchi rhinos aur Delhi waveriders teemon ke beech Budhvaar ko major dhyaanachand national stadium mein khela gaya hero hockey India league (HIL) ka 20vaan mukaabala 2-2 ki baraabari par chhoota. Is mukaabale se donon teemon ko do-do ank mile. Is jeet ke saath waveriders ne semifinal mein sthaan surakshit kiya. Rhinos ke liye pehla gol Justin Ross ne 14vein minute mein kiya. Waveriders ne 20vein minute mein rhinos ke ek aatmaghaati gol ki madad se baraabari kiya. Iske baad 53vein minute mein waveriders ne apna doosra gol kiya. Yah gol teesare quarter ke khatm hone se 28 second pehle huaa. 61vein minute mein rhinos ke khilaadi floris evars ne kiya. HIL ki team number-1 waveriders aur team number-2 rhinos ke beech aasha ke anuroop jordaar takkar hui. Shuruaati 10 minute tak to maidaan par jyaada chahalakadami naheen dikhi lekin 11vein minute se ek doosare ke khilaaf jordaar aakraman ka silsila shuroo huaa. Amit rohidaas ne 13vein minute mein waveriders ki rakshaapankti ke khilaaf ek jordaar hit liya lekin bina kisi deflection ke board se takara gayi. Koi gol naheen huaa. Rhinos ne 14vein minute mein Ashley Jackson ke shaanadaar paas ki badaulat badhat haasil ki. Jackson ne daaen kinaare par Justin reed ko paas diya, jis par unhonne koi galati naheen ki. Iske baad 20vein minute mein waveriders ki kismat rang laai. Rhinos ke khilaadiyon ke beech saamanjasya ki kami ke kaaran ek aatmaghaati gol huaa aur waveriders ko baraabari karne ka mauka mil gaya. Waveriders ne iske baad bhi kai prayaas kiye lekin use safalta naheen mili. 53vein minute mein waveriders ki mehnat rang laai aur teesare quarter ki samaapti ke 28 second pehle vah 2-1 ki badhat haasil karne mein safal rahi. Iske baad rhinos ne apni aakraman mein teji laai. 61vein minute mein Virendra laakara ne daaen kinaare se floris evars ko ek shaanadaar paas diya. Evars ko koi guard naheen kar raha tha. Evars ne bina koi galati kiye geind waveriders ko goalpost mein sarka di. Score 2-2 ho chuka tha. Waveriders team ne aath mukaabalon se 37 ank jutaae hain aur vah paanch teemon ki taalika mein pehle sthaan par hai. Uske khaate mein chhah jeet aur do draw hai. Waveriders hi ekamaatr aisi team hai, jise ab tak haar ka munh naheen dekhna pada hai. Rhinos (27) doosare, JP Punjab Warriors (20) teeser aur uttar pradesh wizards (17) chauthe kram par hain. Mumbai magicians (12) paanchavein sthaan par hai.


Doping Sambandhi Jaanch Band Karavaane Ko Lekar UCI Par Barsa Vaada

Doping Sambandhi Jaanch Band Karavaane Ko Lekar UCI Par Barsa Vaada

Sports »

Beijing: Vishv doping nirodhi agency (vaada) ne Lance Armstrong se jude maamale ki jaanch kar rahi svatantr jaanch samiti ko union cyclist international (UCI) dvaara bhang kiye jaane ki aalochna ki hai aur ise UCI ka 'Chaalaaki bhara' kadam karaar diya hai. Vaada ne Budhvaar ko kaha ki UCI ne ek baar fir apni jimmedaariyon ka nirvahan naheen kiya hai aur Lance se jude maamale ki jaanch kar rahi samiti ko bhang karke bahut galat kaam kiya hai. UCI ne mangalvaar ko kaha tha ki vah samiti ko isliye bhang kar rahi hai kyonki use vaada aur Lance ko pratibandhit davaaon ke sevan ka doshi karaar dene waali ameriki doping nirodhi agency (USADA) se kisi prakaar ka sahayog naheen mil raha hai. Iski jagah UCI ne 'Truth end reconciliation kamishn (TRC)' gathit karne ka man banaaya hai. UCI ne daava kiya hai ki uske is nae kamishn ka vaada pramukh John faahe ka samarthan mila huaa hai.


HIL Waveriders Ki Lagaataar Saataveen Jeet

HIL Waveriders Ki Lagaataar Saataveen Jeet

Sports »

Nai Delhi: Hero hockey India league (HIL) ke pehle sanskaran mein Delhi waveriders team ka jalwa barkaraar hai. Is team ne mangalvaar ko major dhyaanachand national stadium mein khele gaye league ke 18vein mukaabale mein JP Punjab Warriors ko 3-0 haraakar apni lagaataar saataveen jeet darj ki. Is jeet ke saath bhaarateeya team ke kaptaan sardaar Singh ke netrutv mein khel rahi waveriders team ne paanch teemon ki taalika mein apni sthiti aur majaboot kar li hai. Uske khaate mein 32 ank hain jabki 27 ankon ke saath Ranchi rhinos team doosare sthaan par hai. Waveriders ke liye pehla gol Akashdeep ne 14vein minute mein kiya jabki doosra gol Andrew Hayward ne kiya. HIL mein Hayward ka yeh pehla gol hai. Teesara gol Simon child ne 70vein minute mein kiya. Akashdeep ne Warriors ke circle mein ghuskar kuchh khilaadiyon ko chhakaaya aur rivers hit ke dvaara ek jordaar gol kiya. Akashdeep ne yeh gol itni teji se kiya ki Warriors ke goalkeeper ko pratikriya karne ka mauka hi naheen mila. Doosra gol mangalvaar ko hi waveriders ke saath judne vaale Hayward ne kiya. Hayward ne yeh gol oscar deke dvaara haasil penalty corner par kiya. Hayward ka flick itna tej tha ki Warriors ke goalkeeper ke daaen kinaare se bijli ki gati se nikal gaya. 67vein minute mein Warriors ne apne goalkeeper bharat chhetri ko aaraam diya aur yeh bhoomika Hammond ko saunpi gayi lekin Warriors ko iska koi faayda naheen hua. Simon child ne 70vein minute mein daain or se Warriors ki circle mein pravesh kiya aur ek behatareen paas par jordaar gol kiya. Is tarah waveriders yeh match 3-0 se jeet chuke the. National stadium mein jute darshakon ke liye yeh match khaas raha kyonki HIL ke brand Ambassador aur Bollywood superstar Akshay Kumar khud yeh match dekhne pahunche. Akshay ne madhyaantar ke dauraan darshakon ka manoranjan bhi kiya. Unhonne deshvaasiyon se raashtreeya khel aur isse jude logon ka utsaah badhaane ki appeal ki.


Akshay Kumar Ne Kaha, Kamaal Ka Khel Hai Hockey

Akshay Kumar Ne Kaha, Kamaal Ka Khel Hai Hockey

Sports »

Nai Delhi: Bollywood star Akshay Kumar apne vaade ke mutaabik Delhi waveriders aur Punjab warriors ke beech hockey India league ka match dekhne ke liye pahunche aur unhonne is raashtreeya khel ko 'Kamaal ka khel' karaar diya. Akshay ne kaha, hockey kamaal ka khel hai. Ismein aapko 140 kimi ki raftaar se daudna padta aur isliye aapka poori tarah se fit hona bahut jaroori hai. Main yahaan kisi ek team ka samarthan karne naheen aaya hoon. Main achha khel dikhaane waali team ka samarthan karta hoon. Is avsar par Akshay Kumar apni aane waali film 'Special 26' ka prachaar karne se bhi naheen chooke. Unke saath film ki abhinetri kaajal Agrawal bhi I thi. Akshay ne do pahiyon ke vishesh vaahan se maidaan ka chakkar lagaaya. Unhonne is dauraan apni film ka geet gaakar dhyaanachand national stadium mein maujood 3000 darshakon ka bharpoor manoranjan kiya, jo is abhineta ki jhalak paane ke liye betaab the. Akshay Kumar ne haal mein hi kaha ki hockey India league se desh mein is khel ki sthiti mein sudhaar aa sakta hai.


Australian Open Li Na Aur Sharapova Semifinal Mein, Bhoopati-petrova Antim-8 Mein

Australian Open Li Na Aur Sharapova Semifinal Mein, Bhoopati-petrova Antim-8 Mein

Sports »

Melbourne: Bhaarat ke diggaj tennis star mahesh bhoopati aur unki roosi jodeedaar Nadia petrova ne saal ke pehle grand slam Australian open ke mishrit yugal mukaabalon ke antim-8 mein jagah bana li hai. Mahila ekal mein roos ki Maria shaaraapova aur cheen ki li na bhi semifinal mein jagah banaane mein safal rahi hain. Li na teesari baar Melbourne park mein semifinal mein pahunchi hain. Purush ekal mein Spain ke David ferar apne hi desh ke nikolas Almagro ko haraakar antim-4 mein pahunchane mein safal rahe hain. Bhoopati aur petrova ki paanchaveen vareeya jodi ne mangalvaar ko khele gaye doosare daur ke mukaabale mein Slovakia ki Katrina shrebotanik aur Serbia ke nenaad jimonajik ko 3-6, 6-2, 10-5 se haraaya. Bhoopati aur petrova ka quarter final mein saamana Leander pace aur elena vesneena tatha jarmila Gajdosova aur Matthew ebaden ke beech hone vaale mukaabale ke vijeta se hoga. Bhaarat ki saaniya mirja aur rohan bopanna apne-apne jodeedaaron ke saath somvaar ko hi quarter final mein pahunchane mein safal rahe the. Mahila ekal mein poorv French open champion li na ne chauthi vareeya Poland ki Agnieszka raadavaanska ko seedhe seton mein hara diya. Tournament mein chhathi vareeya cheen ki li na ne raadavaanska ko 7-5, 6-3 se hara diya. Li ne raadavaanska ka 13 maichon se chala aa raha vijay rath rok diya. Match ke baad li na ne kaha, "Raadavaanska kathin khilaadi hain. Main ek deevaar ke khilaaf khelte hue mahasoos kar rahi thi. Vah geind ko court ke har kone mein maar rahi theen. Mujhe taalamel banaane mein kaafi kathinaai ho rahi thi. Mujhe har shot par bahut keindrit hona pad raha tha. " Semifinal mein unka mukaabala tournament ki doosari vareeya roosi khilaadi Maria shaaraapova se hoga. Shaaraapova ne quarter final mein roos ki Ekaterina maakaarova ko seedhe seton mein 6-2, 6-2 se haraaya. Li na ne pehla set 66 minute mein apne naam kiya. Doosare mein 0-2 se pichhadne ke baad li na ne behatareen khel ka pradarshan karte hue lagaataar paanch gemon mein jeet darj ki. Yeh quarter final mukaabala ek ghanta 42 minute tak chala. Gaurtalab hai ki varsh 2011 mein li na ko final mukaabale mein kim klistars ke haathon haar ka samaana karna pada tha. Vah 2010 mein bhi Melbourne park mein semifinal mein pahunchi theen. Iske baad li ne French open ke saath pehli grand slam safalta haasil ki thi. Spain ke diggaj khilaadi ferar ne semifinal mein jagah banaane ke liye Almagro ko kade mukaabale ke baad 4-6, 4-6, 7-5, 7-6(4), 6-2 se haraaya. Tournament mein ferar ko chauthi aur Almagro ko 10veen vareeyata mili hai.


HIL Baraabari Par Chhoota Wizards Aur Warriors Ka Mukaabala

HIL Baraabari Par Chhoota Wizards Aur Warriors Ka Mukaabala

Sports »

Jalandhar: JP Punjab Warriors aur uttar pradesh wizards teemon ke beech mangalvaar ko surajeet hockey stadium mein khela gaya hero hockey India league (HIL) ka 10vaan mukaabala 2-2 ki baraabari par samaapt hua. Wizards ne apne ghar Lucknow mein Warriors ko 2-1 se haraaya tha lekin uske ghar mein vah jeet naheen haasil kar saka. Wizards ka yeh chautha match tha jabki Warriors ne apna paanchavaan match khela. Wizards ko do maichon mein jeet mili hai jabki do match baraabari par chhoote hain. Doosari or, Warriors ko teen maichon mein haar mili hai. Ek match usane jeeta hai aur ek draw raha hai. Wizards ke liye kaptaan VR raghunaath ne 24vein aur 35vein minute mein gol kiye jabki Warriors ki or se 12vein minute mein Shivendra Singh ne aur 28vein minute mein malaak Singh ne gol daage. Match ka agaaj naatakeeya andaaj mein hua. Aathavein minute mein dharmaveer Singh ne JP Punjab Warriors ke liye penalty stroke haasil kiya. Yeh penalty stroke Warriors ko Harbir Singh dvaara dharmaveer ko galat tareese se roke jaane ke khilaaf mila. Wizards ke khilaadi mark nols ne yeh penalty stroke liya lekin nols yeh gol naheen kar sake. 12vein minute mein haalaanki Warriors ne iski bharpaai kar li. Shivendra Singh ne guramel Singh aur SV suneel dvaara banaae gaye moov par gol karke team ko 1-0 se aage kar diya. Agale 12 minute tak donon teemon ke beech gol karne ki spardha chalti rahi. 23vein minute mein wizards ko penalty corner mila, jis par kaptaan VR raghunaath ne gol karke score 1-1 se baraabar kar diya. Ab Warriors ne apna hamla aur tej kar diya. Is baar hamle ki aguaai anubhavi defender ignes tirki ne ki. Ignes ne 28vein minute mein malaak ko ek overhead paas diya, jis par unhonne khoobsoorti se gol kar diya. Warriors 2-1 se aage ho chuke the. Warriors ne apna hamla tej rakha aur wizards ne baraabari karne ka bharpoor prayaas kiya. Darshakon ko uchchakoti ki hockey dekhne ko mili. 34vein minute mein wizards ko penalty corner mila. Is baar kaptaan raghunaath ke paas fir se gol karne aur apni team ko match mein doosari baar baraabari par laane ka mauka tha. Raghunaath ne 35vein minute mein ek baar yeh kaarnaama kar dikhaaya. Wizards 2-2 se baraabari par aa chuke the. Iske baad 52vein aur 53vein minute mein wizards ko do penalty corner mile lekin raghunaath is sunahare mauke ko bhunaate hue apni team ko aage karne mein naakaam rahe.


Australian Open Azarenka Semifinal Mein, Serena Haareen

Australian Open Azarenka Semifinal Mein, Serena Haareen

Sports »

Melbourne: Vishv ki sarvochch vareeyata praapt mahila tennis khilaadi aur maujooda champion Victoria Azarenka ne Budhvaar ko roos ki svetalaana kujnetsova ko haraakar varsh ke pehle grand slam Australian open ke semifinal mein pravesh kar liya. Ameriki star serena Williams ko haalaanki haar mili hai. Belarus ki Azarenka ne quarter final mukaabale mein kujnetsova ko seedhe seton mein 7-5, 6-1 se hara diya. Donon ke beech 77 minute tak chale pehle set mein kada mukaabala dekhne ko mila. Semifinal mein unka mukaabala America ki sloen steefans se hoga. Tournament mein 29veen vareeya praapt steefans ne quarter final mukaabale mein apne hi desh ki teesari vareeyata praapt serena Williams ko 6-3, 5-7, 4-6 se paraajit kar semifinal mein pravesh kiya hai. Takhane ki chot se pareshaan serena ko quarter final match ke dauraan ilaaj ki jaroorat padi thi. Vah apne form mein naheen dikheen. Steefans isse kaafi aahat dikheen. Steefans ne kaha, yeh achha naheen hai. Mainne apne shayanakaksh ki deevaar par unki tasveer lagaati thi, lekin ab mujhe us deevaar par apni tasveer lagaani hogi.