Brazil Open Ki Jeet Achhi Shuruaat Nadal

Brazil Open Ki Jeet Achhi Shuruaat Nadal

Sports »

Saao paaulo: Brazil open tennis tournament ka khitaab apne naam karne vaale vishv ke poorv number ek Spanish khilaadi raafel Nadal ne ummeed jataai ki tournament mein mili yah jeet unke liye achhi shuruaat hai. Saath hi unhonne aasha jataai ki unki jeet ka silsila bhi isi tarah jaari rahega. Chot ke kaaran saat maah baad court par vaapasi karne vaale Nadal ne final mukaabale mein arjeteena ke David nalabaindiyn ko seedhe seton mein 6-2, 6-3 se haraaya. Samaachaar enjesi sinhuaa ke anusaar yah unka doosra Brazil open khitaab hai, isse pehle vah varsh 2005 mein 18 varsh ki aayu mein is khitaab par kabja jama chuke hain. Gyaarah baar ke grand slam vijeta Nadal ne kaha, "Brazil hamesha mere dil mein rahega. Varsh 2005 mein yahaan par isi tournament ko jeetne ke baad hi mere saath badi cheejein honi shuroo hui thi aur mujhe ummeed hai ki yah dobaara se achhi cheejon ki shuruaat hai. " Vah pichhle saal June mein Wimbledon mukaabale ke dauraan chotil ho gaye the aur chot se ubarane ke baad yah unka doosra tournament tha. Nadal ne pichhle saptaah hi chili open tournament mein vaapasi ki thi, jahaan unhein 73veen vareeyata praapt horesiyo jebaalaus ke khilaaf final mein haar ka saamana karna pada tha.


Vishvanaathan Aanand Ne Romaanchak Jeet Se Greinke Classic Shataranj Khitaab Jeeta

Vishvanaathan Aanand Ne Romaanchak Jeet Se Greinke Classic Shataranj Khitaab Jeeta

Sports »

Germany: Vishv champion vishvanaathan aanand ne antim daur mein Germany ke arakaadeej naaidits par shaanadaar jeet se greinke shataranj classic trophy apne naam kar saal ka pehla khitaab haasil kiya. Aanand ko jeet ke liye Italy ke Fabiano kaarooaana ke parinaam ka bhi intajaar karna pada, jinhonne Germany ke Daniel fraaidamain se baaji draw karaayi aur is tarah bhaarateeya sheersh khilaadi ko jeet mili. Aanand ne tournament ke baad press conference mein kaha, bilbaao 2011 ke baad meri sabse badi samasya aham sthaan par pahunchana thi. Is saal nai samasya in aham maukon ko bhunaane ki thi. Main logon ko aadha ank bheint svaroop day raha tha. Aanand ke liye yah jeet kaafi lambe samay baad I hai aur is saal ke ant mein unhein vishv championship match khelna hai, jisse pehle yah jeet achhi rahi. Is bhaarateeya ne 6.5 ank se khitaab jeeta jabki kaarooaana unase aadha ank peechhe rahe. England ke Michael edams aur Germany ke George mayor ke beech bhi baaji draw rahi, jo paanch-paanch ank lekar sanyukt roop se teesare sthaan par rahe.


Pistoriys Ke Ghar Se Khoon Se Sana Balla Baraamad

Pistoriys Ke Ghar Se Khoon Se Sana Balla Baraamad

Sports »

Johaansabarg: Jaanchakartaaon ne 'Blade ranar' naam se mashahoor dakshin afreeki dhaavak oscar pistoriys ke ghar se khoon se sana ek balla baraamad kiya hai. Pistoriys par apni premika reeva steenakaimp ki hatya ka aarop hai. Samaachaar agency sinhuaa ke mutaabik jaanch dal ne is balle ko jaanch ke kendra mein rakhane ka faisala kiya hai. Police do sambhaavanaaon ko lekar jaanch kar rahi hai. Pehla yah ki balle ka istemaal reeva ne apni aatmaraksha ke liye kiya hoga aur doosra pistoriys ne is balle ka istemaal shauchaalaya ka darvaaja todne ke liye kiya hoga, jahaan reeva chhupi hui theen. Jaanch dal ke adhikaariyon ke kareebi police sootron ne kaha hai ki city press samaachaar patra ne apni report mein kaha hai ki reeva ki khopadi 'Chakanaachoor' sthiti mein paai gayi hai. Ek sootr ke havaale se kaha gaya hai, "Balle par kaafi khoon laga huaa tha. " Pistoriys guruvaar se hi police hiraasat mein hain. Un par apni premika ki goli maarkar hatya karne ka aarop hai. Samaachaar patra ne apni report mein yah bhi kaha hai ki pistoriys ne sambhavat: Pehli goli shauchaalaya ki or chalaai hogi aur fir teen goliyaan reeva par shauchaalaya ke darvaaje ki taraf se chalaai gayi hain. Pistoriys ne police se kaha hai ki usane reeva ko ek chor samajhakar apni 9 emaem ki pistol se goli chalaai thi.


TV Par Prasaarit Hua Pistoriys Ki Mrut Premika Ka Rikaurdid Sho

TV Par Prasaarit Hua Pistoriys Ki Mrut Premika Ka Rikaurdid Sho

Sports »

Johannesburg: Oscar pistoriys ki premika reeva steenakainp ka poorv rikaurdid seleebriti TV sho unki maut ke do din baad dakshin Africa mein dikhaaya gaya. Reeva ne 'Tropika aailaind of trejar' TV sho ke liye shooting ki thi. Dakshin Africa ke pairaalinpik svarn padak vijeta pistoriys par aarop hai ki unhonne apni premika ki goli maarkar hatya ki. Olympian pistoriys ke ghar mein 29-varsheeya reeva ko valentine de ke din tadke chaar goli maari gayi thi.


Messi Ka 300vaan Gol, Barcelona 2-1 Se Jeeta

Messi Ka 300vaan Gol, Barcelona 2-1 Se Jeeta

Sports »

Madrid: Star footballer liyonal messi ke Barcelona ke liye kiye gaye 300vein gol se Spanish league mein sheersh par chal rahe club ne pichhadne ke baad vaapasi karte hue graanaada ko 2-1 se shikast di. Odiyon ighaalo ne 26vein minute mein gol kar mejabaan team ko 1-0 se badhat dila di. Lekin doosare half ke paanchavein minute mein messi ne gol kar Barcelona ko 1-1 se baraabari kar diya. Iske baad donon teemon ne kai prayaas kiye, lekin messi ne 73vein minute mein free kick par shaanadaar gol daagakar team ko jeet dilaai. Barcelona taalika mein 65 ank lekar sheersh par bana huaa hai aur etaletiko Madrid par 15 ank ki badhat banaae hue hai.


Olympic Khelon Ka Bahishkaar Kare Bhaarat Geeta Fogat

Olympic Khelon Ka Bahishkaar Kare Bhaarat Geeta Fogat

Sports »

Nai Delhi: Olympic khelon mein bhaag lene waali Bhaarat ki pehli mahila pahalavaan geeta fogat ne kaha ki sarkaar ko 2020 mein olympic khelon mein kushti ko shaamil karavaane ke liye gambheerta se kadam uthaane chaahiye. Unhonne kaha ki agar kushti ko olympic khelon se hataae jaane ka faisala barkaraar rakha jaata hai, to Bhaarat ko olympic ke bahishkaar karne ki ghoshana kar deni chaahiye. Delhi mein April mein hone waali Asiaee kushti aur mangoliya mein March mein hone waali vishwacup kushti championship ke liye Patiala ke enaaaies mein taiyaariyon mein juti geeta ne kaha, yah khabar Bhaarat ke kushti jagat ke liye bahut hi dukhad hai aur khaaskar mahila pahalavaanon ke liye to yah unke sapanon par paari firne jaisa hi hai, kyonki 2004 Athens olympic se hi mahila pahalavaani ko shaamil kiya gaya tha aur mujhe 2012 London khelon ke liye qualify hone se olympic mein desh ka pratinidhitv karne waali pehli pahalavaan banane ka mauka mila tha. Bhaarat ne London olympic mein jeete chhah mein se do padak kushti (susheel Kumar aur yogeshvar datt) se haasil kiye the. Raashtramandal khelon ki svarn padak vijeta geeta ne kaha, olympic khel hone ki vajah se hi yuva mahila pahalavaanon ne jyaada ruchi leni shuroo kar di aur abhi to yah khel aage aana hi shuroo huaa hai, isliye sarkaar ko gambheerta se kuchh kadam uthaane chaahiye. Lekin agar kushti ko olympic se hataae jaane ka faisala barkaraar rakha jaata hai, to Bhaarat ko olympic ka bahishkaar karne ki ghoshan kar deni chaahiye.


Olympic Mein Kushti Par Ekajut Honge America, Roos Aur Iran

Olympic Mein Kushti Par Ekajut Honge America, Roos Aur Iran

Sports »

Washington: Iran ki parmaanu aankaakshaaon ko lekar bhale hi pichhle kuchh samay mein teenon deshon America, roos aur Iran ke sambandhon mein tanaatani chal rahi ho, lekin teenon deshon ne haal hi mein olympic se kushti ke nishkaasan ke khilaaf aavaaj buland karne ke liye haath mila liya hai. Samaachaar enjesi RIA novosti ke anusaar America kushti ke kaaryakaari reech baindar ne kaha, "Ham sabhi binduon ko lekar ekajut honge. Roos ke sheersh kushti adhikaari jaurji byroosov aur Iran kushti federation ke kuchh adhikaariyon se unhonne is baare mein baatcheet ki hai. Baindar somvaar ko Tehran ke liye ravaana honge, jahaan par chal rahe free style kushti vishv cup-2013 ke mukaabalon mein America ke khilaadi pratispardha kareinge. Is dauraan ve doosare deshon ki kushti fedareshanon ke adhikaariyon ke saath is maamale mein agali kaarravaai ke liye yojana ke baare mein charcha kareinge. Baindar ne kaha, "Free style kushti vishv cup-2013 ke dauraan kai kushti federation vahaan ekatrit hongi. Mujhe aasha hai is maamale ko lekar ham sabhi jald hi ekajut ho jaaenge. Daraasal, isi saptaah aaiosi ke kaaryakaari board ne 2020 mein hone vaale greeshmakaaleen olympic mein kushti ko shaamil na karne ki sifaarish ki thi. Agar yah prastaav September mein aaiosi dvaara paarit kiya jaata hai to kushti ko olympic mein shaamil naheen kiya jaaega. Baindar ka maanana hai ki pichhle teen dashakon se America, Iran aur roos ke sambandh achhe naheen rahe hain. Soviyt union ke patan ke baad America aur roos ke sambandhon mein aur giraavat dekhne ko mili hai. Donon desh ke beech Syria mein gruhayuddh aur Tehran dvaara parmaanu kshamata ka vistaar ke baare mein pratikriya karne ko lekar matabhed khulkar saamane aae hain. Vaheen, roos kushti sangh ke pehle upaadhyaksh se is baare mein koi pratikriya naheen mil paai hai. Lekin federation ne ek vaktavya jaari karte hue kaha ki sabhi fedareshanon ko olympic mein kushti ke sthaan ko bachaane ke liye ek jut hona padega. Aaiosi ke adhyaksh Jacques rog ne kaha ki ve isi saptaah fila ke sheersh adhikaariyon aur kushti ki antararaashtreeya gavarning baudi se khel ke bhavishya ke baare mein charcha kareinge.


Dakshin Afreeki Athlete Garlafreind Ki Hatya Ke Aarop Mein Giraftaar

Dakshin Afreeki Athlete Garlafreind Ki Hatya Ke Aarop Mein Giraftaar

Sports »

Johannesburg: Dakshin Africa ke pairaalinpik svarn padak vijeta 'Blade ranar' oscar pistoriys ko kathit taur par apni garlafreind ki goli maarkar hatya ke aarop mein giraftaar kiya gaya hai. Media report ke anusaar pistoriys galati se use koi ghusapaithiya samajh baithe the. 'Beeld' akhbaar ke anusaar pistoriys ko guruvaar tadke giraftaar kiya gaya. Usane yahaan apne ghar par goli chalaai thi. Police ke pravakta ketelago mogaale ne kaha ki ek 30-varsheeya mahila par goli chalaane ke kaaran 26 saal ke ek vyakti ko giraftaar kiya gaya hai. Unhonne iski pushti naheen ki ki giraftaar kiya gaya vyakti pistoriys hi hai ya naheen. Unhonne kaha ki adaalat mein pesh hone ke baad hi iska khulaasa kiya jaaega. Mogaale ne kaha, marne waali par chaar goliyaan chalaai gayi theen aur usaki mauke par hi maut ho gayi. Samjha jaata hai ki vah aaropi ki garlafreind thi. Yah ghatna pritoriya ke baahar silvaraleks mein hui. Pistoriys yaheen rahata hai. 'Blade ranar' ke roop mein mashahoor hue pistoriys olympic mein bhaag lene vaale pehle viklaang the. Unhonne pairaalinpik khelon ki chaar guna 400 meter rile mein svarn padak jeeta tha. Ek saal ki umr mein hi ghutne ke neeche unke donon pair bekaar ho gaye the aur vah kaarban faaibar blade par daudte the. Pichhle saal 'Time' patrika ne unhein duniya ke 100 sabse prabhaavi logon mein chuna tha.


Pistoriys Maamale Ki Sunavaai Ki Taareekh Badhi

Pistoriys Maamale Ki Sunavaai Ki Taareekh Badhi

Sports »

Pritoriya (dakshin Africa): Preetoriya ke magistrate ne shukravaar ko apni premika ke hatyaaropi 'Blade ranar' naam se mashahoor dakshin Africa ke vikhyaat olympic athlete oscar pistoriys se jude maamale ki sunavaai ke liye 19 February ki taareekh tay ki hai. Tab tak ke liye pistoriys ko police remand mein rakha jaaega. Pistoriys ne kathit taur par guruvaar ko apni premika reeva steenakaimp ki hatya kar di thi. Pistoriys ne apni safaai mein police se kaha tha ki unhonne reeva ko chor samajhakar goli chalaai thi. Pehli baar adaalat mein pesh hote hi pistoriys rone lage. Magistrate desamand naaer ne unka svaagat kiya aur unhein shaant hone ke liye kaha. Pistoriys ke pita heinke aur bahan ami adaalat kaksh mein agrim pankti mein baithe the. Pistoriys ki peshi ke dauraan adaalat ke baahar badi sankhya mein patrakaar maujood the. Pistoriys khachaakhach bhare adaalat kaksh mein jab pahunche to vah policekarmiyon se ghire hue the. Mediakarmiyon ko bataaya gaya ki is sunavaai ka seedha prasaaran naheen ho sakta. Ek policekarmi ne kitaab ki madad se pistoriys ka chehara dhak rakha tha. Is kaaran unka chehara naheen dikh raha tha. 26 saal ke viklaang dhaavak pistoriys sambhavat: Jamaanat ke liye arji deinge lekin police ne kaha hai ki vah unki is arji ka virodh karegi. Donon pairon se viklaang pistoriys ne veleintaains de ki subah apni premika par goli chalaai thi. Goli chalne ki aavaaj sunakar pistoriys ke padosiyon ne police ko bulaaya aur jab pairaamediks team ghatnaasthal par pahunchi to dekha ki reeva mrut padi hain. Police ne baad mein kaha ki 30 saal ki reeva ka shav preetoriya ke ek lakjari housing estate mein mila. Uske shareer aur haath par jakhm ke nishaan hain. Police ne ghatnaasthal se ek nau emaem ki pistol baraamad ki. Police ne haalaanki ghatna ke kaaranon ke baare mein kuchh bhi bolne se inkaar kar diya. Usaka kehna hai ki jab tak jaanch poori naheen ho jaati, tab tak kuchh bhi kehna theek naheen hoga.


Advani Ne Fir Racha Itihaas, Velsh Open Ke Quarter Mein Pahunche

Advani Ne Fir Racha Itihaas, Velsh Open Ke Quarter Mein Pahunche

Sports »

Nai Delhi: Bhaarat ke aath baar ke vishv champion pankaj Advani ne vels ke nyooport mein chal rahi betaviktar velsh open pro snooker series mein svapnil pradarshan jaari rakhate hue skaatalaind ke greem daat ko 4-1 se haraakar major ranking tournament ke quarterfinal mein pahunchakar dobaara itihaas rach diya. Pre quarterfinal mein Advani ne duniya ke chauthe number ke khilaadi shaun marfi ko 4-3 se shikast di thi. Maujooda vishv biliyrds champion Advani ne aasaani se 2006 vishv champion daat ko haraakar peshevar snooker sarkit mein apna aadhiptya saabit kiya. Advani Budhvaar ko velsh open ke pre quarterfinal mein pahunchane vaale pehle bhaarateeya kyoo khilaadi bane the. Ab antim 16 mein unki bhidant duniya ke doosare number ke jud trump aur Andrew higinsan ke beech hone vaale mukaabale ke vijeta se hogi.


Dakshin Afreeki Athlete Garlafreind Ki Hatya Ke Aarop Mein Giraftaar

Dakshin Afreeki Athlete Garlafreind Ki Hatya Ke Aarop Mein Giraftaar

Sports »

Johannesburg: Dakshin Africa ke pairaalinpik svarn padak vijeta 'Blade ranar' oscar pistoriys ko kathit taur par apni garlafreind ki goli maarkar hatya ke aarop mein giraftaar kiya gaya hai. Media report ke anusaar pistoriys galati se use koi ghusapaithiya samajh baithe the. 'Beeld' akhbaar ke anusaar pistoriys ko guruvaar tadke giraftaar kiya gaya. Usane yahaan apne ghar par goli chalaai thi. Police ke pravakta ketelago mogaale ne kaha ki ek 30-varsheeya mahila par goli chalaane ke kaaran 26 saal ke ek vyakti ko giraftaar kiya gaya hai. Unhonne iski pushti naheen ki ki giraftaar kiya gaya vyakti pistoriys hi hai ya naheen. Unhonne kaha ki adaalat mein pesh hone ke baad hi iska khulaasa kiya jaaega. Mogaale ne kaha, marne waali par chaar goliyaan chalaai gayi theen aur usaki mauke par hi maut ho gayi. Samjha jaata hai ki vah aaropi ki garlafreind thi. Yah ghatna pritoriya ke baahar silvaraleks mein hui. Pistoriys yaheen rahata hai. 'Blade ranar' ke roop mein mashahoor hue pistoriys olympic mein bhaag lene vaale pehle viklaang the. Unhonne pairaalinpik khelon ki chaar guna 400 meter rile mein svarn padak jeeta tha. Ek saal ki umr mein hi ghutne ke neeche unke donon pair bekaar ho gaye the aur vah kaarban faaibar blade par daudte the. Pichhle saal 'Time' patrika ne unhein duniya ke 100 sabse prabhaavi logon mein chuna tha.


Aaiosi Ne Kushti Ko 2020 Olympic Se Hataaya

Aaiosi Ne Kushti Ko 2020 Olympic Se Hataaya

Sports »

Lusaan: Antararaashtreeya olympic samiti (aaiosi) ne mangalvaar ko kushti ko 2020 olympic khelon ke kaaryakram se hata diya. Is faisale se jude ek adhikaari ne press ko yeh jaankaari di. Adhikaari ne bataaya ki aaiosi kaaryakaari board ne kushti ko hataakar usaki jagah par maurdan peintaathalan ko fir se olympic khelon se jodne ka faisala kiya, jise adhik jokhim wala khel maana jaata hai. Adhikaari ne gopaneeyata ki shart par yeh baat kahi, kyonki faisale ki abhi tak adhikrut ghoshana naheen ki gayi hai. Aaiosi board ne vartamaan olympic kaaryakram ke 26 khelon ki sameeksha karne ke baad yeh faisala kiya. Ek khel ko hataane se antararaashtreeya olympic samiti ko is saal ke aakhir mein kaaryakram mein naya khel jodne ka mauka milega. Kushti mein freestaail aur greeko roman ki spardhaaen hoti hai. Pichhle saal London olympic mein freestaail mein 11 svarn padak aur greeko roman mein chhah svarn padak daanv par lage the. Kushti ab un saat khelon mein shaamil ho gayi hai, jinhein 2020 khelon mein shaamil hone ke liye aavedan karna hoga. Anya khelon mein besabaul evam sauftabaul, karaate, skvaash, rolar sports sport klaaimbing, vekabording aur vushu shaamil hain. Inmein se kisi ek khel ko hi 2020 khelon mein jagah mil paaegi. Aaiosi kaaryakaari board ki roos ke seint peetarsabarg mein baithak hogi, jismein 2020 khelon mein shaamil kiye jaane vaale khel ka faisala hoga. Is sambandh mein aakhiri faisala September mein Argentina ke byoonasaaayars mein aaiosi aam sabha mein kiya jaaega.


Aaiosi Ke Faisale Se Kushti Jagat Sakte Mein

Aaiosi Ke Faisale Se Kushti Jagat Sakte Mein

Sports »

Nai Delhi: Olympic khelon se kushti khel ko hataae jaane ke antararaashtreeya olympic samiti (aaiosi) ke faisale se bhaarateeya kushti jagat ne hairaani aur aashcharya vyakt kiya hai jabki London olympic khelon mein bhaarateeya padak vijeta pahalavaanon ko aashanka hai ki is faisale se desh mein kushti ko lekar jo naya utsaah paida hua tha vah samaapt ho jaaega. London olympic khelon ke rajat padak vijeta susheel Kumar ne kaha, ''Mujhe yakeen naheen ho raha hai is tarah ka faisala kiya gaya hai. Main aisa koi kaaran naheen dekhta jisse 2020 olympic khelon se kushti khel ko hataaya jaae. '' lagaataar do olympic khelon mein olympic padak jeet kar bhaarateeya kushti mein itihaas banaane vaale susheel ne kaha, ''Mujhe lagta hai ki antararaashtreeya olympic samiti ko apne aagaami kaaryakram se is khel ko hataana kaafi kathin hoga kyonki is khel ko poori duniya mein dekha aur khela jaata hai. '' Yeh poochhane par ki kya is saal ke aakhir mein hone waali aaiosi ki baithak mein kushti ko olympic khelon mein barkaraar rakha jaaega. Susheel ne kaha, ''Mujhe poora yakeen hai ki kushti olympic khelon ka hissa bani rahegi. '' London olympic mein padak jeetne vaale Bhaarat ke doosare pahalavaan yogeshvar datt ne kaha ki yeh faisala yuva pahalavaanon ke liye bahut bada jhatka hoga. Unhonne kaha ki un yuva pahalavaanon ka kya hoga jo bhavishya ke olympic khelon ke dhyaan mein rakh kar taiyaari kar rahe hain. Susheel aur yogeshvar datt ke guru dronaachaarya award se sammaanit mahaabali satapaal ne is faisale se hajaaron yuva pahalavaanon ke liye jhatka bataate hue sarkaar aur khelamantri se nivedan kiya ki ve kushti khel ko olympic khelon mein barkaraar rakhane ke liye kadam uthaae. Is faisale ko dubhaagyapoorn bataate hue satapaal ne kaha jo yuva pahalavaan 2020 olympic khelon ko dhyaan mein rakh kar taiyaari kar rahe hai unka sapana toot jaaega. Main bhavishya ke olympic khelon mein 12 se 14 padak jeetne ke lakshya ko lekar taiyaariyaan karva raha hoon. Satapaal ne kaha, ''Main ummeed karta hoon ki aaiosi apne is faisale par fir se vichaar karega. '' antararaashtreeya kushti mahaasangh (feela) dvaara 2012 ka sarvashreshth coach ka puraskaar paane vaale yashaveer Singh ne kaha ki ve feela ke appeal kareinge ki kushti ko olympic khelon mein shaamil karavaane ke liye kadam uthaae. Unhonne kaha ki yeh faisala Bhaarat aur kushti ke liye bahut bada nuksaan hai. London olympic khelon mein chhah mein do padak kushti se aane ke kaaran yuva pahalavaanon ko hausala bahut badh gaya tha lekin is faisale se yeh josh thanda ho jaaega.


2014 Ke Sheetakaaleen Olympic Khelon Ki Khaatir Angreji Seekh Rahe Hain Roosi

2014 Ke Sheetakaaleen Olympic Khelon Ki Khaatir Angreji Seekh Rahe Hain Roosi

Sports »

Moscow: Roos ke shahar sochchi ke nivaasi aur adhikaari in dinon angreji ka nishulk adhyayan kar rahe hain. Varsh 2014 ke sheetakaaleen olympic khelon ka aayojan isi shahar mein hona hai. Samaachaar agency sinhuaa ke anusaar, kuchh log svechha se angreji par apni pakad majaboot karne ke liye adhyayan kar rahe hain, to anya apne kaarya ke hisse ke taur par aisa kar rahe hain. Agale varsh February mein aayojit 22vein sheetakaaleen olympic khelon mein bhaari sankhya mein videshi mahemaanon ke aane ki sambhaavana ko dekhte hue sthaaneeya prashaasan shahar ko paryatakon ke anukool banaana chaahata hai. Sochchi shahar ki aadhikaarik website ke anusaar, shahar ke adhikaariyon ne varsh 2011 mein vishv ki agrani angreji adhyayan karaane waali agency se ek karaar bhi kiya tha. Iske tahat adhyaapakon ko unka mehanataana seedhe shahar ke bajat mein se diya jaaega. City hall ke pratinidhi yelena sigaareva ne bataaya ki abhi tak sochchi ke 3,60,000 nivaasiyon mein se lagbhag 1,500 ek geet ki taiyaari ke tahat buniyaadi angreji seekhakar avsar ka laabh utha rahe hain. Iske alaava beete varsh April mein shahar mein bade paimaane par 'A world A de' naam ka abhiyaan bhi shuroo kiya gaya tha. Abhiyaan ke tahat logon ko aamtaur par istemaal hone vaale angreji ke 660 shabdon ka adhyayan karaaya jaata hai.


Aaiosi Se Faisale Par Punarvichaar Ki Appeal Kareinge Khel Mantraalaya, Aaioe

Aaiosi Se Faisale Par Punarvichaar Ki Appeal Kareinge Khel Mantraalaya, Aaioe

Sports »

Nai Delhi: Bhaarat ke khel mantraalaya aur antararaashtreeya olympic samiti (aaiosi) se maanyata praapt bhaarateeya olympic sangh (aaioe) ne Budhvaar ko aasha jataai ki aaiosi apne faisale par punarvichaar karte hue kushti ko 2020 ke olympic khelon mein shaamil kar lega. Khel mantraalaya ne aaiosi ke is faisale ko durbhaagyapoorn karaar diya hai. Mantraalaya ne apne bayaan mein kaha, "Aaiosi ka yah faisala behad durbhaagyapoorn aur hairaan karne vaala hai. Kushti ki lokapriyta ko dekhte hue sarkaar ne is maamale par bhaarateeya kushti mahaasangh ke saath charcha karne ka faisala kiya hai. " Sarkaar bhi chaahati hai ki vah un deshon ke saath aaiosi ke is faisale ka virodh karein aur use punarvichaar par vivsh karein, jahaan kushti lokapriya khel hai. Bayaan ke mutaabik, "Khel evam yuva mantraalaya is maamale par un deshon se charcha karega, jahaan kushti lokapriya hai. Is maamale ko aaiosi ke saamane bhi uthaaya jaaega aur koshish ki jaaegi ki vah apne faisale par punarvichaar kare. Mantraalaya ko ummeed hai ki aaiosi ki kaaryakaarini apne faisale par vichaar karte hue kushti ko mukhya khelon ki soochi mein shaamil kar lega. " Aaioe ke kaaryakaari adhyaksh vijay Kumar malhotra ne kaha ki vah is maamale mein bhaarateeya kushti mahaasangh ke saath hain aur saath hi saath vah vishv kushti sangh ko bhi apna samarthan dete hain. Aaioe chaahata hai ki kushti ki olympic khelon mein vaapasi ho. Malhotra ne kaha, "Kushti mein haal ke dinon mein bhaarateeya khilaadiyon ne saraahaneeya pradarshan kiya hai. Olympic mein safalta milne se is khel ko lekar desh mein utsaah hai aur hajaaron ki sankhya mein yuva ise career ke roop mein dekh rahe hain. Aaiosi ke is faisale se aise hajaaron yuva niraash hain. Ham aasha karte hain ki khel ki behatari ke liye aaiosi apne faisale par punarvichaar karega aur kushti fir se olympic abhiyaan ka hissa banegi. " Ullekhaneeya hai ki aaiosi ki kaaryakaarini ne mangalvaar ko 2020 olympic ke liye jin 25 pramukh spardhaaon ke naam jaari kiye, unamein kushti naheen hai. Aaiosi kaaryakaarini ne 25 mukhya khelon ke naam par sahamati jataai aur kaha ki inheen khelon ke naam 2020 mein hone vaale khelon ke liye saat se 10 sitmbar tak Argentina ke shahar byoonas aayars mein hone vaale aaiosi ke 125vein vaarshik satr mein sveekruti ki khaatir pesh kiye jaaenge. Kushti ki jagah kaun sa khel olympic ka hissa banega, iska faisala May mein hoga. Yah khel haalaanki 2016 mein Rio di jeneriyo mein hone vaale olympic khelon ka hissa rahega. Ye khel hain : Ethaletiks, roing, badminton, baasketabaul, kainoing, saaikaling, ikvestreeyan, feinsing, football, jimnaastik, bhaarottolan, haindabaul, hockey, judo, tairaaki, maardan peintaathalan, taaikvaando, tennis, table tennis, nishaanebaaji, teerandaaji, traayathalan, naukaayan aur vaaleebaul. Kaaryakaarini ne kaha ki international federation of associated reshaling staails (efaaaielae) dvaara sanchaalit kushti ko in khelon mein mukhya spardha ke roop mein shaamil naheen kiya jaaega. Kushti ko saat anya khelon-besabaul, karaate, rolar sports, sport klaainbing, squash, vekaboding aur vushoo ke saath un khelon ki soochi me rakha gaya hai, jinhein atirikt khel ke taur par 2020 olympic mein jagah banaane ke liye jaddojahad karni hogi. Aadhunik olympic khel 1896 mein shuroo hue the. 1900 ke sanskaran mein kushti ko baahar kar diya gaya tha lekin tab se lekar 2016 ke sanskaran tak kushti in khelon ka hissa rahi hai. Kushti Bhaarat ke alaava roos, Iran, ujbekistaan, mangoliya, Japan aur cheen mein bhi kaafi lokapriya hai. Bhaarat ne kushti mein 1952 ki helasinki aur 2008 ki Beijing olympic mein kaansya padak haasil kiya tha. 2008 ki Beijing olympic mein susheel Kumar ko kaansya padak mila tha aur 2012 ki London olympic mein susheel ne rajat aur yogeshvar datt ne kaansya padak haasil kiya.


Dessert Storm Mein Hissa Leinge Red De Himaalaya Ke Aayojak

Dessert Storm Mein Hissa Leinge Red De Himaalaya Ke Aayojak

Sports »

Shimla: Desh ki sabse kathin motor race pratiyogita 'Red de himaalaya' ka aayojan karne vaale Shimla sthit club 'Himaalayan motorsports association'(echaemae) ke aayojak vijay paramaar khud ek pratiyogi ke roop mein 11vein 'Maruti Suzuki dessert storm' race mein hissa lene ki taiyaari kar rahe hain. Echaemae ke adhyaksh vijay paramaar 18 February se 23 February tak chalne waali is pratiyogita ke extreme moto tatha kvaid shreni ke antargat hissa lete hue keteeem-450ieksasi par race kareinge. Paramaar ne kaha, "Romaanch aur masti hi hai jisne mujhe fir se race mein sakriya bhaageedaari ke liye prerit kiya hai. " "Race ka utsaah aur junoon aapko apni taraf vaapas kheench laata hai. Isse mujhe race ke dauraan baaik savaaron ke hone waali pareshaaniyaan ko samajhne ka seedha avsar milega jo hamein 'Red de. . ' ke aayojan mein madadgaar saabit ho sakta hai. " Rajasthan ke jaisalamer tatha Bikaner ke door tak faile registaan mein 2,200 kimi. Ki doori vaala yah race Jaipur mein samaapt hoga. Is race ke aayojakon ka kehna hai ki car tatha baaik donon shreniyon mein kul 250 pratibhaagi is race mein hissa le rahe hain. 'Red de. . ' ke aath baar ke champion tatha dessert storm ke do baar ke champion rah chuke suresh raana bhi 'Dessert storm' race ke extreme(4 kraus 4) shreni mein hissa leinge.


Baagi Tennis Khilaadiyon Ne Banaaya Sangathan

Baagi Tennis Khilaadiyon Ne Banaaya Sangathan

Sports »

Chennai: Apni aavaaj ko tennis prashaasakon tak pahunchaane ke liye Bhaarat ke baagi tennis khilaadiyon ne 'Bhaarateeya tennis khilaadi sangh' (ITPA) naam se ek sangathan ki sthaapana ki hai. Poorv Davis cup kaptaan jayadeep mukharji ko iska kaaryavaahak adhyaksh niyukt kiya gaya hai. Mukharji ke alaava is sangathan ke sansthaapak sadasyon mein mahesh bhoopati, inariko piprno, maneesha malhotra, prahlaad shreenaath, somadev Devburman, rohan bopanna, aaditya sachadev, mustafa gaus aur akhil bhaarateeya tennis sangh (AITA) ke upaadhyaksh kaarti Chidambaram shaamil hain. Olympic mein Bhaarat ke liye ekamaatr padak jeetne vaale tennis star Leander pace ne haalaanki khud ko is sangathan se filhaal door rakha hai. ITPA ne kaha hai ki sabhi khilaadiyon ke liye usaki sadasyata khuli hui hai. Iske saath sabhi raashtreeya, antararaashtreeya khilaadi jud sakte hain. Yah sangathan khilaadiyon ke sampoorn vikaas ke liye kaam karega.


Delhi Ko Haraakar Ranchi Bana HIL Champion

Delhi Ko Haraakar Ranchi Bana HIL Champion

Sports »

Ranchi: Ranchi rhinos ne teen quarter tak pichhadne ke baad jordaar vaapasi karte hue Delhi waveriders ko 2-1 se haraakar pehli hockey India league ka khitaab jeet liya. Ranchi ki team pehle teen quarter ke baad 0-1 se pichhad rahi thi lekin mejabaan team ne antim quarter mein 10 minute ke bheetar do gol daagakar Delhi ki team ko hairaan karte hue khitaab jeet liya. Rhinos ki or se aastin smith aur Manpreet Singh ne gol daage jabki Delhi waveriders ki or se match ka ekamaatr gol doosare quarter mein Simon child ne kiya. Rhinos ne iske saath hi Delhi ke haathon pichhle do mukaabalon mein 5-4 aur 5-2 ki shikast ka badla bhi chukta kar liya. Isse pehle, uttar pradesh wizards ne kaptaan VR raghunaath ke hattrick sahit chaar gol ki madad se JP Punjab warriors ko 4-3 se haraakar teesara sthaan haasil kiya. Uttar pradesh ki team ek samay 0-3 se pichhad rahi thi lekin raghunaath ne penalty corner par 42vein, 62vein, 64vein aur 85vein nimt mein gol daagakar apni team ko jeet dila di. Warriors ki or se mark nols (chauthe minute), SV suneel (aathavein minute) aur Ranjit Singh (39vein minute) ne gol daage the.


Asiaee Championship Ki Taiyaari Mein Jute Susheel Kumar

Asiaee Championship Ki Taiyaari Mein Jute Susheel Kumar

Sports »

Nai Delhi: Olympic mein lagaataar do padak jeetne vaale pehle bhaarateeya pahalavaan susheel Kumar kandhe ki chot se ubarakar Asiaee championship ki taiyaari mein jut gaye hain aur unhonne April mein hone waali is championship ke liye training shuroo kar di hai. Beijing olympic mein kaansya ke baad London olympic mein rajat padak jeetkar Bhaarat ki or se itihaas rachane vaale susheel ne ek kaaryakram mein kaha, kandhe ki chot ab theek hai aur mainne Asiaee championship ki taiyaari ke liye training shuroo kar di hai. Asiaee championship 18 se 27 April ko nai Delhi ke KD jaadhav stadium mein aayojit ki jaaegi. Susheel ne kandhe ki chot ke baare mein kaha, yah chot mujhe London olympic se pehle se hi pareshaan kar rahi thi, lekin olympic ke samay mein yah thodi theek thi. Tab main ek kilo vajan bhi naheen utha sakta tha. Lekin doctoron ne iska upachaar kar tab mujhe raahat di thi. Mere guruji satapaal ne salaah di ki ab isse ubarane ke baad hi tournament kheloon, taaki main achhi tarah vaapasi kar sakoon. Susheel ne kaha, guruji ne kaha ki theek hokar hi main apna sarvashreshth kar paaoonga. Isi kaaran main America mein hue tournament mein bhi naheen ja saka tha. Unhonne kaha, fir aage vishv championship bhi hai, isliye main jaldabaaji bhi naheen karna chaahata tha. Yah poochhane par ki kya vah training ke liye videsh jaaenge, to susheel ne kaha, yah to bhaarateeya kushti mahaasangh aur saai par nirbhar karta hai. Agar ve hamaare liye videshon mein training aayojit karavaaenge, to ham nishchit roop se jaaenge.


HIL Warriors Ko Hara Waveriders Final Mein, Rhinos Se Hogi Bhidant

HIL Warriors Ko Hara Waveriders Final Mein, Rhinos Se Hogi Bhidant

Sports »

Ranchi: Hero hockey India league (HIL) ke pehle sanskaran ka final Delhi waveriders aur Ranchi rhinos teemon ke beech khela jaaega. Waveriders ne shanivaar ko astro turf stadium mein khele gaye doosare semifinal match mein JP Punjab Warriors ko 3-1 se haraaya. Pehle semifinal mein rhinos ne uttar pradesh wizards ko 4-2 se maat di thi. League star par 12 mein se sirf ek match ganvaane waali waveriders team ke liye Andres meer bail ne 13vein, rupindar paal Singh ne 33vein aur nauris jons ne 68vein minute mein gol kiye jabki Warriors ke liye kaptaan Jamie Dwyer ne 34vein minute mein gol kiya. Rupindar ne apni team ke liye shaanadaar kaam karte hue 13vein minute mein haasil penalty corner par ek you-turn khela, jis par bail ne badi teji se pratikriya karte hue gol kar diya. Iske baad rupindar ne 33vein minute mein khud gol karne ka shreya haasil kiya. 32vein minute mein haasil penalty corner par rupindar ne chaarjar dvaara diflekt ki gayi geind ko teji se Warriors ke goalpost ke daaen kinaare par daal diya. Abhi waveriders ka doosra gol hue ek minute bhi naheen beeta tha ki Warriors ke kaptaan Dwyer ne teji se pratikriya karte hue baikahaindar ke jariye ek behad tej gati ka gol kiya. Score 1-2 ho chuka tha. Iske baad donon teemon ke beech jordaar pratispardha dekhi gayi. Dwyer ki kaptaani mein Warriors ne behad stareeya khel dikhaaya lekin vah sardaar Singh ki kaptaani mein pehle hi match se asaradaar khel dikhaane waali waveriders ki chunauti ke aage naheen tik saki. Waveriders ne is pratispardha mein khud ko avval saabit karte hue apna teesara gol 68vein minute mein kiya. Raub Hammond aur sardaar Singh ne midfeeld mein shaanadaar moov banaaya aur geind ko nauris ko paas kar diya. Nauris ne Warriors ke goalkeeper jaap Stockman ko akele paakar gol karne se naheen chooke. Us samay Warriors ke defenderon ka kaheen pata naheen tha. Isse pehle, rhinos ne New Zealand ke star khilaadi nick Wilson aur mandeep Singh ke do-do shaanadaar goalon ki madad se pehle semifinal mein wizards ko 4-2 se haraaya tha. Wizards ke liye nitin thimaiyya ne 15vein aur 54vein minute mein gol kiya jabki rhinos ke liye mandeep Singh ne chauthe tatha 65vein aur nick Wilson ne 30vein tatha 63vein minute mein gol daage. Khitaabi mukaabala ravivaar ko raat aath baje se Ranchi mein hi khela jaaega jabki teesare aur chauthe sthaan ke liye hone vaale mukaabale mein wizards aur Warriors ki bhidant hogi. Yah match shaam paanch baje se khela jaaega.


HIL Waveriders Ka Ajay Kram Barkaraar, Warriors Ko 3-2 Se Haraaya

HIL Waveriders Ka Ajay Kram Barkaraar, Warriors Ko 3-2 Se Haraaya

Sports »

Jalandhar: Hero hockey India league (HIL) mein Delhi waveriders team ka Ajay kram barkaraar hai, aur sardaar Singh ke preranaadaayi netrutv mein khel rahi is team ne mangalvaar ko league ke 27vein match mein JP Punjab Warriors ko 3-2 se paraajit kiya. Ab tak 11 mukaabalon mein waveriders ko nau jeet mili hain, jabki uske do mukaabale draw rahe hain. Semifinal mein pehle hi sthaan bana chuki waveriders ke liye rupindar paal Singh ne chhathe, dekar ne nauvein aur oscar deke ne 22vein minute mein gol kiya. Warriors ke liye malaak Singh ne 18vein aur kris krilo ne 69vein minute mein gol kiya. Madhyaantar tak vijeta team 3-1 se aage thi. HIL mein apna chhatha gol karne vaale rupindar ne chauthe minute mein mile penalty corner par safalataapoorvak gol kiya. Unka flick kaafi tej tha, jis par Warriors ke goalkeeper ne bharpoor prayaas kiya, lekin geind uske joote se deflect hokar goalpost mein chali gayi. Iske baad nauvein minute mein daanish mujtaba ne dekar ke liye ek shaanadaar moov banaaya, jis par dekar ne circle ke oopari chhor par se tej hit lekar gol kar diya. Us vakt score waveriders ke paksh mein 2-0 ho chuka tha. Iske baad malaak Singh ne 18vein minute mein haalaanki Warriors ke liye gol karke score ko 1-2 kar diya. Malaak ne dharmaveer Singh ke kraus ko shaanadaar tareeke se deflect kiya aur ek behatareen gol ko anjaam diya. Udhar, deke ne malaak ke is prayaas ki khushi jyaada der naheen tikne di aur 22vein minute mein rivers shot par gol karke waveriders ko ek baar fir do gol ka antar dila diya. Deke ke gol ki madad se waveriders ab 3-1 se aage the. Aisa laga ki apne ghar mein khel rahi Warriors team ko haar manjoor naheen thi. Isi kaaran usane lagaataar hamla jaari rakha aur 69vein minute mein mile penalty corner par safalataapoorvak gol karke score 2-3 kar diya. Yah gol kris krilo ne kiya. Krilo ne geind ko safalataapoorvak goalpost ke daaen kinaare mein daal diya. Ab paanch teemon ki taalika mein waveriders 49 ankon ke saath pehle sthaan par hain, jabki Ranchi rhinos ke 36 ank hain. Vah doosare sthaan par hai. JP Punjab warriors (29) teesare, uttar pradesh wizards (22) chauthe aur magicians (14) paanchavein sthaan par hai.


HIL Wizards Ne Roka Waveriders Ki Jeet Ka Rath

HIL Wizards Ne Roka Waveriders Ki Jeet Ka Rath

Sports »

Nai Delhi: Uttar pradesh wizards team ne guruvaar ko major dhyaanachand national stadium mein khele gaye hero hockey India league (HIL) ke 29vein match mein Delhi waveriders team ko 4-1 se hara diya. HIL mein waveriderski yah pehli haar hai. Wizards ke liye joren hartabargar ne 41vein, SK uthappa ne 46vein, emabi ayappa ne 55vein aur nithin thimmaiya ne 64vein minute mein gol kiye. Waveriders ki or se ekamaatr gol Andrew haavard ne 63vein minute mein haasil penalty corner par kiya. Waveriders, Ranchi rhinos, wizards aur JP Punjab Warriors pehle hi antim-4 daur mein pahunch chuke hain. Wizards taalika mein teesare sthaan par hain. Semifinal mein unka saamana Ranchi rhinos se hoga, jabki doosare semi-final mein Warriors ka saamana waveriders ke saath hoga. Paanch teemon ki taalika mein waveriders 12 match se jutaae gaye 49 ankon ke saath pehle sthaan par hai, jabki Ranchi rhinos ke 36 ank hain. Vah doosare sthaan par hai. Uttar pradesh wizards (32) teesare aur JP Punjab Warriors (29) chauthe aur magicians (15) paanchavein sthaan par hai. Rhinos aur magicians ko abhi ek-ek match khelna hai. Semifinal match 9 February ko khele jaaenge, jabki teesare tatha chauthe kram ka playoff match aur final mukaabala 10 February ko Ranchi mein khele jaaenge. Semifinal match bhi Ranchi mein hi khele jaaenge.


Ek Aur Olympic Mein Bhaag Le Sakti Hai Mairi Com Sandhoo

Ek Aur Olympic Mein Bhaag Le Sakti Hai Mairi Com Sandhoo

Sports »

Jamshedpur: Bhaarat ke mukhya mukkebaaji coach GS sandhoo ne kaha ki London olympic mein kaansya padak jeetne waali mahila mukkebaaj MC mairi com mein ab bhi kaafi pratibha maujood hai aur vah ek aur olympic mein desh ka pratinidhitv kar sakti hain. Yahaan khel semeenaar mein shirkat karne pahunche sandhoo ne kaha ki is 29 varsheeya mukkebaaj ki form aur aatmavishvaas ka star shaanadaar hai, lekin saath hi unhonne kaha ki aisa karne ke liye mairi com ko apni form barkaraar rakhani padegi. Dronaachaarya puraskaar praapt kar chuke sandhoo ne kaha ki kareeb 50 mukkebaaj October mein Kazhakstan ke almaati mein hone waali vishv championship ke liye Patiala mein shivir mein bhaag le rahe hain.


Tennis Ki Bagaavat Khatm, Indonesia Mukaabale Ke Liye Sabhi Khilaadi Upalabdh

Tennis Ki Bagaavat Khatm, Indonesia Mukaabale Ke Liye Sabhi Khilaadi Upalabdh

Sports »

Nai Delhi: Tennis ka paanch hafte lamba sankat tab samaapt ho gaya jab sabhi 11 baagi khilaadiyon ne Indonesia ke khilaaf Davis cup mukaabale ke liye khud ko upalabdh rakha. Isse pehle shukravaar ko akhil bhaarateeya tennis mahaasangh (AITA) ne Davis cup mein khelne ke haalaat ke sandarbh mein sabhi aashvaasan khilaadiyon ko likhit mein diye the. AITA sootr ne kaha, 'Haan, khilaadiyon ne AITA ko patra likha hai aur khud ko Indonesia ke khilaaf April mein hone vaale mukaabale ke liye upalabdh rakha hai. ' Somadev Devburman ki aguaai mein khilaadiyon ne chennai open ne pehle raashtreeya mahaasangh ke samaksh maangon ki soochi rakhi thi. AITA ne inmein se adhikaansh maange maan li thi lekin khilaadiyon ne Korea ke khilaaf Davis cup mukaabale mein khelne se inkaar kar diya kyonki unhein likhit mein aashvaasan naheen mila tha. Shukravaar ko AITA ne likhit aashvaasan diye aur khilaadiyon ne ummeed ke mutaabik bagaavat samaapt kar di. AITA Davis cup inaami raashi mein khilaadiyon ka hissa badhaane, sahaayak staaf mein badlaav aur aayojan sthal tatha satah ki pasand mein unke saath salaah ko taiyaar ho gaya hai.


HIL Wizards Ko Haraakar Rhinos Final Mein

HIL Wizards Ko Haraakar Rhinos Final Mein

Sports »

Ranchi: New Zealand ke star khilaadi nick Wilson aur mandeep Singh ke do-do shaanadaar goalon ki madad se Ranchi rhinos ne shanivaar ko astro turf stadium mein khele gaye pehle semifinal mein uttar pradesh wizards ko 4-2 se haraakar hero hockey India league (HIL) ke final mein jagah bana li hai. Final mein rhinos ka saamana Delhi waveriders aur JP Punjab Warriors ke beech hone vaale doosare semifinal ke vijeta se hoga. Yah match shanivaar raat aath baje se isi maidaan par khela jaaega. Wizards ke liye nitin thimaiyya ne 15vein aur 54vein minute mein gol kiya jabki rhinos ke liye mandeep Singh ne chauthe tatha 65vein aur nick Wilson ne 30vein tatha 63vein minute mein gol daage. Mandeep ne badi chaalaaki se match ka khaata khola. Is khilaadi ne goli ki taraf badhaai gayi ek geind ko us tak pahunchane se pehle hi apne kabje mein kar liya. Goli ki susti ke kaaran wizards ko kaafi nuksaan uthaana pada kyonki mandeep ne bina koi galati kiye apni team ko 1-0 se aage kar diya. Wizards ne haalaanki 11 minute ke baad hi iska javaab diya. Haulaind ke diggaj aur tournament ke sabse anubhavi khilaadi teun day nuijar ne thimaiyya ke liye ek aasaan mauka taiyaar kiya, jis par gol karke thimaiyya ne sthaaneeya darshakon ko hataprabh kar diya. Stadium mein chaaron or sannaata pasar gaya. Rhinos ne apne ghareloo darshakon ki niraasha ko bhaanpate hue hamla tej kar diya. Iska faayda use 30vein minute mein mila. Rhinos ke khilaadiyon ne sammilit prayaas ke dam par ek gol kiya lekin wizards ne is par refaral ki maang ki. Umpire aaravi raghu prasaad ke is faisale par anguli uthi lekin teesare Umpire ne raghunaath ke faisale ko sahi thaharaaya aur rhinos ko ek gol se aage kar diya. Rhinos ke liye yah gol nick Wilson ne kiya. Wizards ke khilaadi is faisale se niraash aur hairaan jaroor the lekin unhonne haar naheen maani thi. Chauthe quarter ka khel shuroo hone ke saath hi thimaiyya ne ek baar fir kamaal kiya aur ek kareebi rebound ke saath apni team ko 2-2 ki baraabari par la diya. Stadium mein ek baar fir sannaata pasar gaya. Jo darshak samajh rahe the ki khel khatm hone se 16 minute pehle hue is gol ki madad se ab wizards aage ki ladaai jeet sakte hain ve kaafi niraash the lekin rhinos ne unki soch ko ulata saabit karte hue 63vein minute mein ek shaanadaar gol ke jariye fir se badhat kaayam kar li. Yah gol Wilson ne akele dam par kiya. Midfeeld se akele geind lekar di-area tak pahunche Wilson ne ek behatareen graaundar ke jariye gol ko anjaam diya. Stadium ek baar fir naaron se goonj utha. Mejabaan team ke samarthak ek baar fir khushi se galabahiyaan karte najar aane lage. Apne prashansakon ki khushi aur hausalaaafajaai ke beech rhinos ne 65vein minute mein ek aur jordaar hamla kiya. Mandeep ko ek lamba scoop mila, jise rokakar ve di-area mein pahunch gaye. Iske baad unhonne goli ke sir ke oopar se geind ko scoop karke apni team ko 4-2 se aage kar diya. Iske baad mandeep vaheen letakar apni safalta ka jashn manaane lage. Yah mandeep ka 10vaan gol hai. Darshakon ki khushi dekhne laayak thi.