Chennai Open Ke Pehle Daur Mein Haare Leander Pace

Chennai Open Ke Pehle Daur Mein Haare Leander Pace

Sports »

Chennai: Gat champion Leander pace aur France ke Eduard Roger vaseline ki jodi Aircell chennai open tennis tournament ke pehle daur mein Thailand ke gair-vareeya sanchaai rativaana aur sonchet rativaana se haar gayi. Thai bandhuon ne pace aur vaseline ko 7-6, 6-1 se haraakar quarter final mein pravesh kiya. Yahaan paanch baar mahesh bhoopati ke saath khitaab jeet chuke pace pehli baar vaseline ke saath khel rahe the. Pehle hi game mein vaseline ki service tooti. Pace or vaseline ne chhathe game mein virodhiyon ki service todi. Mukaabala tie-breaker tak chala, jismein thai bandhuon ne baaji maari. Doosare set ke chauthe game mein thai khilaadiyon ne pace ki service todi. Iske baad chhathe game mein vaseline ki service todi aur apni service barkaraar rakhakar jeet darj ki.


Somadev Ki Tippani Se Davis Cup Kaptaan Mishra 'Niraash

Somadev Ki Tippani Se Davis Cup Kaptaan Mishra 'Niraash

Sports »

Nai Delhi: Bhaarat ke Davis cup kaptaan SP mishra ne unhein Davis cup team se baahar karne ki somadev Devburman ki maang ke tark par savaal uthaate hue kaha ki is yuva tennis khilaadi ne us samay kuchh kyon naheen kaha jab usane unke netrutv mein kuchh sarvashreshth match khele. Mishra ne kaha ki somadev kaise kah sakte hain ki vah aadhunik khel ke anuroop naheen hain. Mishra ne kaha, ''Mujhe tab kaafi niraasha hui jab mainne suna ki somadev naheen chaahata ki main team ki kaptaani karoon. Usane meri kaptaani mein apne kuchh sarvashreshth match khele hain. '' bhaarateeya tennis ko ek baar fir vivaadon ka saamana karna pad raha hai jab somadev ki aguaai mein kuchh khilaadiyon ne desh mein jis tarah Davis cup maichon ka aayojan hota hai usamein kuchh badlaav ki maang ki hai. Unki ek maang sahaayak staaf mein badlaav hai. Somadev apne career ke sheersh ke dauraan Bhaarat ke number ek ekal khilaadi bane. Unhonne is dauraan Davis cup mein Bhaarat ka pratinidhitv karte hue duniya ke kuchh sheersh khilaadiyon ko haraaya. Somadev ne Davis cup mein Brazil ke duniya ke 33vein number ke khilaadi thomaaj beloosi, Serbia ke duniya ke nauvein number ke khilaadi yaanko tipsarevich aur cheeni Taipei ke yen sun lyoo aur tin chen jaise khilaadiyon ko haraaya. Mishra ne kaha, ''Yeh somadev ke dimaag ki upaj lagti hai aur yuva khilaadi shaayad usase prabhaavit hai. Unhein (yuki Bhambri, divij sharan aur saaket maaineni) isse judne ki jagah apne bhavishya par dhyaan dena chaahiye. '' Davis cup coach nandan bal ne bhi kaha ki vah khilaadiyon ke bayaan se hairaan hain. Unhonne haalaanki kaha ki unhein is baat ki paravaah naheen ki khilaadi kya kaha rahe hain. Unhonne kaha, ''Dekhiye, khilaadi kya soch rahe hain main iske mutaabik kaam naheen karta. Main AITA ke liye kaam karta hoon, unhonne mujhe coach niyukt kiya hai. Agar ve chaahate hain ki main aage kaam karoon to main kaam karoonga. Peshevar ke roop mein main apna kaam kar raha hoon. Ismein bhaavanaaon ko jodne ka koi matlab naheen hai. ''


Saaniya-Bethany Brisbane International Ke Final Mein

Saaniya-Bethany Brisbane International Ke Final Mein

Sports »

Brisbane: Saaniya mirja aur America ki Bethany maatek sands WTA Brisbane international ke final mein pahunch gaye jab unke pratidvandvi Daniella hantuchova aur Katrina srebotnik ne semi-final match ganva diya. Gairvareeya saaniya aur maatek pehle set mein 5-1 se aage the jab hantuchova groin ki chot ke kaaran aage naheen khel saki. Saaniya aur maatek ne doosare daur mein doosari vareeyata praapt laaijel hubar aur Maria jos Martinez Sanchez ko 6-2, 6-3 se haraaya tha.


Mahesh Bhoopati Aur Nestar Chennai Open Se Baahar

Mahesh Bhoopati Aur Nestar Chennai Open Se Baahar

Sports »

Chennai: Sheersh vareeyata praapt mahesh bhoopati aur Canada ke Daniel nestar ki jodi chennai open ATP tennis tournament se haarakar baahar ho gayi. Unhein roos ke raaveen classen aur America ke nikolas Monroe ki gair vareeya jodi ne yugal quarter final mein 6-4, 7-5 se haraaya. Khitaab ke prabal daavedaar maane ja rahe bhoopati aur nestar ko der raat hue mukaabale mein yeh paraajaya jhelni padi. Mukaabala 75 minute tak chala. Pehla set aaraam se jeetne ke baad classen aur Monroe ne doosare set mein 0 -3 se pichhadne ke baad vaapasi karte hue mukaabala apne naam kiya. Isse pehle Leander pace bhi apne jodeedaar ke saath haarakar baahar ho chuke hain. Ab is varg mein Bhaarat ki ummeedein rohan bopanna par hai jo Rajiv Ram ke saath kheleinge.


British Open Squash Paanch Bhaarateeya Quarter Final Mein

British Open Squash Paanch Bhaarateeya Quarter Final Mein

Sports »

Sheffield: Bhaarat ke paanch khilaadi british junior open squash championship ke alag-alag vargon ke quarter final mein pahunch gaye hain. Mahesh managaanvakar (under-19), kush Kumar (under-17) aur velaavan Kumar (under-15) ladkon ke varg ke antim-8 daur mein pahunche jabki aparaajita Balamurukan aur lakshya raaghaveindran ladkiyon ke under-19 varg ke antim chaar mein pahuncheen. Lakshya ne pehli baar is tournament mein khelte hue Finland ki Emilia soini ko 10-12, 9-11, 11-5, 15-13, 11-7 se paraajit kiya. Doosari or, aparaajita ne misr ki Salma ismat ko 7-11, 11-9, 11-5, 6-11, 11-9 se haraaya. Managaanvakar ne Argentina ke Frederico koifi par 11-6, 11-6, 11-2 se jeet haasil ki. Kush Kumar ne misr ke hi Yusuf soleemaan ko 11-7, 11-6, 10-12, 11-9 se haraaya. Isi tarah velaavan ne England ke Charlie li ko 11-3, 11-1, 7-11, 5-11, 11-5 se doyam saabit kiya. Team ke coach Cyrus poncha ne kaha, "Main 10vein saal british open mein aaya hoon aur yeh pehli baar hua hai ki hamaare paanch khilaadi ek saath quarter final mein pahunche hain. Yeh hamaare liye bahut badi safalta hai. Ummeed hai ki ham ise agale din bhi jaari rakheinge. "


Doping Ki Baat Sveekaar Kar Sakte Hain Armstrong Report

Doping Ki Baat Sveekaar Kar Sakte Hain Armstrong Report

Sports »

New York: Daagi cyclist Lance Armstrong is baat par vichaar kar rahe hain ki vah saarvajanik taur par shaktivrdhak davaaon ka istemaal karna sveekaar lein. New York times ne aisa daava kiya hai. Doping ke kaaran Armstrong se saat tour di France khitaab chheen liye gaye the. Akhbaar ke mutaabik Armstrong ne apne saathiyon aur doping rodhi adhikaariyon se kaha hai ki vah sarvaajanik taur par yeh sveekaar karne par vichaar kar rahe hain ki unhonne apne cycling career ke dauraan 'Blood transfusion' aur pratibandhit davaaon ka istemaal kiya. Yeh apni vishvasaneeyata dobaara banaane ka Armstrong ka prayaas hai, jisse ki vah dobaara pratispardhi khilaadi ban paaen. Samaachaar patra ne apne sootr ka naam naheen liya, lekin kaha ki unhein maamale ki seedhi jaankaari hai.


Saaniya-maatek Ne Jeeta Satr Ka Pehla Khitaab

Saaniya-maatek Ne Jeeta Satr Ka Pehla Khitaab

Sports »

Brisbane: Saaniya mirja aur Bethany maatek sands ne satr ki shaanadaar shuruaat karte hue WTA Brisbane antararaashtreeya tennis khitaab jeet liya hai. Doosari vareeyata praapt saaniya aur unki ameriki jodeedaar ne chauthi vareeyata praapt pratidvandviyon ko 4-6, 6-4 (10-7) se haraaya. Yeh saaniya ka satr mein pehla yugal khitaab tha jabki career ka 15vaan khitaab hai. Isse donon ko 470 ranking ank aur 51022 dollar inaami raashi mili.


. . . Jab Maricom Ne Fikra Kasane Par Ki Rikshevaale Ki Dhunaai

. . . Jab Maricom Ne Fikra Kasane Par Ki Rikshevaale Ki Dhunaai

Sports »

Darjiling: Olympic kaansya padak vijeta mukkebaaj MC Maricom ka maanana hai ki mahilaaon ko Delhi gang-rape jaisi ghatnaaon se bachane ke liye maarshal Art seekhana chaahiye. Unhonne ek rickshawaale ka udaaharan diya, jise fikra kasane par unhonne kadi seekh di. Maricom ne kaha, maarshal Art ko sirf khel ki tarah naheen lena chaahiye. Main sabhi mahilaaon se maarshal Art seekhane ka anurodh karoongi, taaki ve apna bachaav kar sakein. Unhonne kaha, yadi main mukkebaaji kar sakti hoon, to baaki mahilaaen kyon naheen. Unhonne kaha, mainne kuchh samay pehle ek rickshawaale ko peeta tha, jisne ashleel bhaasha ka istemaal karna shuroo kiya, to mera paara chadh gaya. Vah Darjiling chai aur paryatan mahotsav ke mauke par bol rahi theen.


Tipsaarevich Ne Jeeta Pehla Chennai Open Khitaab

Tipsaarevich Ne Jeeta Pehla Chennai Open Khitaab

Sports »

Chennai: Duniya ke nauvein number ke khilaadi Serbia ke yaanko tipsaarevich ne ek set ke pichhadne ke baad shaanadaar vaapasi karte hue Spain ke raabatare baatista egat ko haraakar pehla chennai open ATP tennis khitaab jeet liya. Tipsaarevich ne 4,50,000 dollar inaami raashi ke tournament mein 120 minute tak chala final mukaabala 3-6, 6-1, 6-3 se jeeta. Duniya mein 80vein number ke khilaadi egat ne quarter final mein gat champion check ganaraajya ke Thomas Berdych ko haraaya tha. Tipsaarevich pichhle saal final mein Berdych se haar gaye the. Vah 2009 aur 2011 mein semifinal mein haare the. Tipsaarevich ko is jeet se 250 ATP ank aur 71900 dollar inaam ke roop mein mile. Vaheen egat ko 37860 dollar aur 150 ank mile. Egat ne shuruaati kshanon mein match mein dabaav bana liya aur lagne laga tha ki vah ek baar fir 'Jaaint kilr' saabit honge. Pehla set unhonne 36 minute mein 6-3 se jeet liya. Iske baad tipsaarevich ne behatareen khel dikhaate hue apni damadaar service ke boote match ka rukh badal diya. Doosare set mein do baar egat ki service todkar unhonne 5-0 se badhat bana li. Is beech egat ko pet ki maansapeshiyon mein khinchaav ke kaaran court par medical sahaayata leni padi.


Cricket Ki Tarah Bhaarat-Pakistan Hockey Shrunkhala Bhi Hogi Kaamayaab PHF

Cricket Ki Tarah Bhaarat-Pakistan Hockey Shrunkhala Bhi Hogi Kaamayaab PHF

Sports »

Nai Delhi: Bhaarat aur Pakistan ke beech cricket shrunkhala ki apaar kaamayaabi ke baad Pakistan hockey mahaasangh ne ummeed jataai hai ki donon chir-pratidvandviyon ke beech is saal March April mein hone waali hockey shrunkhala bhi safalta ke nae maanadand kaayam karegi. Bhaarat aur Pakistan ke beech paanch saal baad kheli gayi dwipaksheeya cricket shrunkhala mein Pakistan ne one-day shrunkhala 2-1 se jeeti, jabki ti-20 shrunkhala 1-1 se baraabar rahi. Hockey ke maidaan par bhi donon teemon ke beech dwipaksheeya sambandhon ki bahaali March-April 2013 mein hogi, jab donon teemein Bhaarat mein paanch aur Pakistan mein paanch test kheleingi. Donon teemon ke beech agale chhah saal tak dwipaksheeya shrunkhala ke aayojan sambandhi samjhaute par karaar hockey India ke mahaasachiv Narendra batra aur PHF mahaasachiv Asif Bajwa ke beech ho gaye hain. Bajwa ne kaha, cricket shrunkhala ki kaamayaabi ke baad hamein yakeen hai ki Bhaarat-Pak hockey shrunkhala bhi behad kaamayaab hogi. Hockey 70 minute ka khel hai aur darshak Asiaee diggajon ke mukaabale ka besabri se intajaar karte hain. Unhonne kaha, Pakistan mein hockey raashtreeya khel hai aur mujhe yakeen hai ki bhaarateeya team ka yahaan daura yaadagaar rahega. Bhaarat aur Pakistan ke beech akhiri dwipaksheeya hockey shrunkhala 2006 mein kheli gayi thi jab donon deshon mein teen-teen test hue the. Pakistan ne teen jeete aur Bhaarat ki jholi mein ek jeet gayi thi, jabki do test draw rahe. Bajwa ne bataaya ki shrunkhala ke vistrut kaaryakram aur taareekhon ki ghoshana baad mein ki jaaegi. Unhonne suraksha sambandhi chintaaon ko khaarij karte hue kaha, suraksha ka masala ab kisi ek desh ka naheen balki vishvavyaapi hai. Bataur mejabaan ham bhaarateeya team ki poori hifaajat kareinge aur hamein yakeen hai ki Bhaarat mein hamaari team ko foolproof suraksha milegi. Unhonne kaha, Pakistani raashtrapati aur Bhaarat ke pradhaanamantri ne aapasi khel sambandhon ki bahaali ki himaayat ki hai. Donon sarkaarein is disha mein prayaas kar rahi hain to chinta ka savaal hi paida naheen hota.


Mesi Record Chauthi Baar FIFA Ke Sarvashreshth Footballer Bane

Mesi Record Chauthi Baar FIFA Ke Sarvashreshth Footballer Bane

Sports »

Zurich: Pichhle saalabhar behatareen pradarshan karne vaale Argentina ke striker liyonel mesi ne record lagaataar chauthi baar FIFA ke sarvashreshth khilaadi ka puraskaar jeeta. Mesi ne is daud mein Barcelona ke apne saathi Andres Iniesta aur reeyaal Madrid ke Christiano Ronaldo ko pachhaada. Mesi ko 41.60 pratishat vote mile jabki Ronaldo ko 23.68 aur Iniesta ko 10.91 pratishat vote pade. Mesi aur France ke Michael plaatini hi akele khilaadi the jo lagaataar teen baar yah puraskaar jeet chuke hain. Holland ke johaan kraf aur Marco vaan Basten ko teen baar yah puraskaar mila hai. Spain ke Vincent Dale bosk ko varsh 2012 ka sarvashreshth coach chuna gaya. Unhonne reeyaal Madrid ke jos morinho aur Barcelona ke poorv coach Joseph Guardiola ko pachhaada. Mesi ke liye yah saal behatareen raha jinhonne la liga mein sarvaadhik 25 gol kiye. Unhonne ek calendar varsh mein sarvaadhik gol ka gard moolar ka 40 saal puraana record bhi toda. Mesi ne beete saal har spardha mein milaakar kul 91 gol kiye. Mesi ne kaha, ''Ek baar fir puraskaar jeetkar achha laga. Har puraskaar khaas hai. Yahaan koi yah sochakar naheen aata ki use hi puraskaar milega. ' Mesi ne kaha, 'Main yah puraskaar Barcelona ke apne saathiyon khaaskar Andres ke saath baantana chaahoonga. '' unhonne kaha, ''Mujhe fakhr hai ki mujhe uske saath khelne ka mauka mila. Main Argentina team ke apne saathi khilaadiyon ko bhi yaad karoonga. Mere liye jinhonne bhi vote kiya, un sabhi kaptaanon aur coachon ko bhi dhanyavaad. '' Pichhle saal November mein pita bane mesi ne kaha, ''Mere parivaar, doston, patni aur bete ko bhi dhanyavaad. ' Portugal ke kaptaan Ronaldo ne bhi 2008 mein yah puraskaar jeeta hai. Iniesta ko is baat se santosh karna hoga ki vah ek vishwacup aur do Euro cup jeet chuke hain jabki antararaashtreeya star par mesi ko utani kaamayaabi naheen mili hai. Football panditon ka maanana hai ki jab tak vah Argentina ke liye badi upalabdhi haasil naheen karte, unki tulana pele ya Diego Maradona se naheen ho sakti. Fairplay puraskaar Uzbekistan football mahaasangh ko mila jabki FIFA adhyaksh ka ek vishesh puraskaar Germany ke mahaan khilaadi freinj Beckenbauer ko diya gaya.


Jeet Ke Saath Nae Satr Ki Shuruaat Karna Chaahegi Saaina Nehwal

Jeet Ke Saath Nae Satr Ki Shuruaat Karna Chaahegi Saaina Nehwal

Sports »

Nai Delhi: Beete saal kai safalataaen arjit karne ke baad saaina Nehwal nae saal ki shuruaat sol mein shuroo ho rahi Korea super series mein jeet ke jariye karna chaahegi. Saaina ne pichhle saal London olympic mein kaansya padak jeeta, jo badminton mein Bhaarat ka pehla olympic padak hai. Ab usaki najarein ol England aur vishv championship khitaab par hai. Duniya ki teesare number ki khilaadi saaina ko Korea open mein achha draw mila hai. Use pehle daur mein Thailand ki sepasiri taaeraattanaachaai se khelna hai. Quarter final mein usaki takkar chhathi vareeyata praapt retchaanok intaanon se ho sakti hai. Use haraane par unka saamana semifinal mein olympic champion aur duniya ki number ek khilaadi cheen ki li shurooi se hoga. Anya khilaadiyon mein duniya ke 14vein number ke khilaadi pi kashyap ki takkar England ke Rajiv osef se hogi. Rajiv ne 2010 raashtramandal khelon ke semifinal mein kashyap ko haraaya tha. Kashyap ne haalaanki 2011 China masters mein badla chukta kar diya. Sayyed Modi tournament jeet chuke kashyap achhe form mein hain. Bhaarat ki udeeyamaan khilaadi PV sindhoo ka saamana pehle daur mein lindaaveni faanetri se hoga. Doosare daur mein vah li shurooi se bhid sakti hain.