Spielberg Ki 'Lincoln Ko 12, 'Life Of Paai Ko 11 Oscar Naamaankan

Spielberg Ki 'Lincoln Ko 12, 'Life Of Paai Ko 11 Oscar Naamaankan

Movies »

Loss Angeles: Hollywood ke prasiddh nirdeshak steven Spielberg ki raajaneetik drama film 'Lincoln' 85vein academy puraskaaron (oscar puraskaar) ke liye 12 naamaankanon ke saath pehle sthaan par hai, jabki bhaarateeya pariprekshya mein bani aang li dvaara nirdeshit 'Life of paai' 11 naamaankanon ke saath doosare number par hai. Academy puraskaaron ke naamaankan ki ghoshana guruvaar ko ki gayi, jinmein 'Life of paai' sarvashreshth film aur sarvashreshth nirdeshak shreniyon mein bhi naamaankit hui hai. Udhar, sarvashreshth film ke liye is varsh pratiyogita bahut kadi hai, aur is shreni mein kul nau filmein naamaankit ki gayi hain. Sarvashreshth film ki daud mein ek royal Bengal tiger ke saath mahaasaagar mein gum ho gaye bhaarateeya bachche ki kahaani 'Life of paai' ke alaava steven Spielberg ki 'Lincoln' , ben Affleck ki 'Argo', Cathrine biglau ki 'Zero Dirk thirty' (aatankvaadi saragana Osama bin Laden par bani film), David O Russel ki haasya film 'Silver lining playbook', Tom Hooper ki musical 'Le miserable', Michael haanek ki 'Amor', Quentin Tarantino ki 'Jaingo unchained' aur ben jetalin ki 'Beast of southern wild' shaamil hain. 'Life of paai' mein mukhya bhoomika Delhi ke sooraj sharma ne nibhaai hai, aur uske alaava film mein Irfan Khan, tabboo aur aadil husain ne bhi kaam kiya hai. Isi film ke ek geet ke liye sangeetakaar Michael daana ke saath 'Original song' shreni mein bhaarateeya Karnataka sangeet gaayika Mumbai jayashri ko bhi naamaankit kiya gaya hai.


Shahrukh Khan Lagaataar 28 Ghanta Kaam Karte Hain

Shahrukh Khan Lagaataar 28 Ghanta Kaam Karte Hain

Movies »

Nai Delhi: Superstar Shahrukh Khan ne apne kaam ke prati samarpan ki misaal ek baar fir pesh ki. Unhonne bina kisi break ke 28 ghante tak kaam kiya. Hyundai ke brand Ambassador Shahrukh ek car brand ki vigyaapan ki shooting poori karne ke baad seedhe colors screen award mein apni bhoomika ki taiyaari (rehearsal) karne chale gaye. Ek sootr ke anusaar unhonne guruvaar subah tak taiyaari ki. Iske baad 47 varsheeya abhineta ne apne production 'Chennai express' ki release ki rananeeti par nirdeshak rohit setti ke saath teen ghante tak charcha bhi ki. Ise kehte hain samaparn.


Manoranjan Karegi 'Matru Ki Bijli Ka Mandola

Manoranjan Karegi 'Matru Ki Bijli Ka Mandola

Movies »

Mumbai: Vishaal Bhardwaj ke nirdeshan mein bani film 'Matru ki bijli ka mandola' kahaani hai mandola ki, yaani pankaj Kapoor ki, jinke naam par basa hai mandola gaanv. . . Mandola ki beti hai bijli, yaani Anushka sharma, aur film mein Matru ka kirdaar nibhaaya hai Imran Khan ne, jo mandola ka driver hai. . . Pankaj Kapoor ko sharaab peene ki aadat hai aur peene ke baad unka vyaktitv ekdam badal jaata hai. . . Mandola ka sapana hai, gaanv ki jameen par badi-badi factoriyan lagaana, jiske liye vah politician chaudharaain, yaani shabaana aajmi ke saath milkar jameen ka sauda karne ki koshish karte hain. . . Mandola ko yah laalach hai ki badle mein unki beti bijli ki shaadi chaudharaain ke bete, yaani aaryan babbar, se ho jaae, aur udhar chaudharaain ko laalach hai mandola ki jaayadaad ka. . . Bas, isi taane-baane par buni hui hai 'Matru ki bijli ka mandola' ki kahaani. . . Sabse pehle salaam hai pankaj Kapoor ko, jinke behatareen abhinay ne is film ko bachaaya. . . Daraasal, film ki kahaani to achhi hai, lekin script theek tarah develop naheen ho paai. . . Mudda zabardast uthaaya gaya hai, lekin us par Comedy ki chaashni lapetne ke chakkar mein film ka svaad kirkira kar diya gaya hai. . . Vaastavik locations, hariyaanvi bhaasha, kuchh lokageeton ka istemaal aur kuchh vaastavik kirdaar jahaan film ko vaastavik aur behtar banaate hain, vaheen kuchh scenes aise hain, jo film vaastavikta se koson pare le jaate hain. . . Main yah naheen kah raha hoon ki film mein vaastavikta ya Comedy naheen honi chaahiye thi, lekin in donon cheejon ke beech santulan bahut zaroori hota hai, jo director vishaal Bhardwaj naheen bana paae. . . Comedy rakhane ka laalach, aur pankaj Kapoor jaise abhineta ke kaam ko kaatna beshak, behad mushkil hota hai, lekin film ki bhalaai ke liye kai baar nirdeshak ko dil pakka kar lena chaahiye. . . Film ka sangeet aur gaane mujhe kaafi pasand aae. . . Iske alaava kai baar film mein rangamanch ki bhi jhalak dikhi, jo mujhe achhi lagi, parantu in sab khaasiyaton ke beech film ki kahaani kaheen kho gayi. . . Ek baat aur, agar film ki kahaani ko aasaan seedhe tareeke se kehne ke sthaan par prateekaatmak tareeke se kaha jaae, to darshakon ko samajhne mein mushkil hoti hai, aur is film mein shaayad darshakon ko yahi mushkil jhelni padegi. . . Jaise 'Gulaabi bhains' kiska prateek hai. . . Jaise shabaana aajmi ki 'Neta aur janta' ke baare mein speech. . . Ye kuchh aisi cheejein hain film ki, jo shaayad aam darshak ke sir ke oopar se nikal jaaengi. . . Iske alaava hariyaanvi bhaasha ke kuchh shabd bhi pakad mein aane se pehle hi nikal jaate hain. . . Pankaj Kapoor ke performance ke baare mein main pehle hi kah chuka hoon, lekin kaam Anushka sharma ka bhi achha hai, aur kamzor pade hain Imran Khan. . . Ant mein yahi kahoonga ki film ki kahaani ko achhi tarah failaakar kuchh zaroori elements bhi sahi tareeke se istemaal kiye gaye hote, to yah bahut achhi film ban sakti thi. . . Lekin ab bhi yah aapka manoranjan to zaroor karegi. . . Meri taraf se 'Matru ki bijli ka mandola' ko milte hain - 2.5 star. . .


'Matru Ki. . . Promotion Kaaryakram Ke Dauraan Vishaal Bhardwaj Ghaayal

'Matru Ki. . . Promotion Kaaryakram Ke Dauraan Vishaal Bhardwaj Ghaayal

Movies »

Gurgaon: Gurgaon mein ek promotional kaaryakram ke dauraan girne ke baad filmkaar vishaal Bhardwaj ke chehare par paanch stich aae hain. Apni naveenatam film 'Matru ki bijli ka mandola' ke promotion ke liye ambiance mall mein Anushka sharma aur Imran Khan ke saath aae Bhardwaj fashion sho pratiyogita ke ek vijeta ko award dete vakt gir kar chotil ho gaye. Bhardwaj ke pravakta ne bataaya ki stage ke peechhe ke bhaag se unka naam pukaara gaya aur vah jab jaane lage to kisi ne unhein akasmaat dhakka de diya. Isse unka santulan bigad gaya aur vah gir pade. Unako aspataal le jaaya gaya jahaan unako paanch stich aae.


'Aashiki-2 Mein Mool Film Jaisa Hoga Sangeet Mohit Soori

'Aashiki-2 Mein Mool Film Jaisa Hoga Sangeet Mohit Soori

Movies »

Mumbai: Bollywood film nirdeshak mohit soori ka kehna hai ki unki film 'Aashiki 2' mein 10 gaane hain. Geeton ka sangeet nirmaan samasaamayik sangeet ko dhyaan mein rakhakar kiya gaya hai, lekin inmein mool film ke geeton ki jhalak maujood hai. Saal 1990 mein I romantic film 'Aashiki' ka nirdeshan mahesh bhatt ne kiya tha. Film mein 11 gaane the. Film ka sangeet us samay yuvaaon ke beech kaafi lokapriya huaa tha. 'Aashiki 2' ke nirdeshak soori ne kaha ki is film mein 10 gaane hain. Humne mool film ke gaanon ke sangeet ki jhalak banaae rakhane ki koshish ki hai. Lekin 21 saalon ke antaraal ka kuchh to asar hoga hi. Film mein aaditya rai Kapoor aur shraddha Kapoor mukhya bhoomikaaon mein dikhaai deinge. Film ki shooting lagbhag poori ho chuki hai, par pradarshan ki taareekh abhi tay naheen ki gayi hai.


Maut Aur Aayakar Se Bacha Naheen Ja Sakta Amitabh Bachchan

Maut Aur Aayakar Se Bacha Naheen Ja Sakta Amitabh Bachchan

Movies »

Mumbai: Bollywood abhineta Amitabh Bachchan ko Supreme court ne aayakar bhugataan ke maamale mein saman bheja hai. Bollywood ke mahaanaayak kahe jaane vaale big bi ne kaha hai ki vah nyaayaalaya ke aadeshon ka paalan kareinge. Aayakar vibhaag ne yaachika daakhil ki hai, jismein big bi ko saal 2001-02 mein apne TV kaaryakram 'Kaun banega karodpati' ke liye 1.66 karod ki aayakar raashi ka bhugataan karne ko kaha gaya hai. Amitabh ne kaha, jeevan mein do baatein avashyambhaavi hain, maut aur aayakar. Khair, main nyaayaalaya ke niyamon ka paalan karoonga. Amitabh film 'Jolly LLB' ki pratham jhalak ke anaavaran ke avsar par maujood the. Film bhaarateeya nyaaya vyavastha ke baare mein hai. Amitabh ne kaha ki saubhaagya se unhein kabhi bhi is tarah ki mushkilon ka saamana naheen karna pada hai. Film mein Amitabh ke alaava abhineta Arshad vaarasi, amruta Rao va boman Irani bhi mukhya bhoomika mein hain.


Delnaz Irani 'Big Boss Ke Ghar Se Baahar

Delnaz Irani 'Big Boss Ke Ghar Se Baahar

Movies »

Mumbai: TV reality sho 'Big boss' ka chhatha season shuroo se hi hairaan kar dene waali ghatnaaon se labarej raha hai, aur aisi hi ek ghatna mein mangalvaar aadhi raat ko Delnaz Irani ko big boss ke ghar se baahar jaane ke liye kah diya gaya. Mangalvaar ki raat ko big boss ne bache hue sabhi chhah pratiyogiyon ko garden area mein ikattha kiya aur bataaya ki unamein se ek ko baahar bheja ja raha hai. Iske baad Delnaz aur unke poorv pati Rajiv paul ko alag-alag do stoolon par khada kar diya gaya, aur ghoshana ki gayi ki choonki Delnaz ko sabse kam vote haasil hue hain, isliye unhein nikaala ja raha hai. Delnaz ka is sho se baahar jaana sabhi ko hairaan kar gaya hai, kyonki vah October mein sho ki shuruaat se hi kaafi narami se pesh aati rahi hai. Darshakon mein pehle hi sho se baahar ja chuki abhinetri aashka goraadiya ke kaafi kareeb raheen Delnaz ke vijeta banane ki atkalein bhi lagaai ja rahi theen. Ab big boss ke ghar mein paanch pratiyogi - sana Khan, Rajiv paul, urvashi dholakiya, imaam Siddiqui aur niketan madhok - bache hain, jinke beech 50 lakh rupaye ki inaami raashi ke liye mukaabala jaari rahega. Sho ka finale shanivaar ko hoga.


Janmadin Par Court Naheen Pahunche Salman, Bahan Huin Pesh

Janmadin Par Court Naheen Pahunche Salman, Bahan Huin Pesh

Movies »

Mumbai: Saal 2002 ke hit end run maamale se judi adaalati sunavaai ke silsile mein Bollywood abhineta Salman Khan aaj magistrate ki adaalat mein pesh naheen hue. Salman ki jagah unke vakeel ke saath unki bahan Alvira aur vidhaayak Baba Siddiqui court mein pahunche. Gaurtalab hai ki aaj Salman Khan ka janmadin bhi hai. Salman ki toyota land cruiser gaadi up-nagareeya Bandra ilaake mein sthit ek bakery mein ghus gayi thi, jisse ek shakhs ki maut ho gayi thi, jabki chaar log jakhmi ho gaye the. Jo shakhs is ghatna mein maara gaya aur jo jakhmi hue, ve sadak kinaare so rahe the. Naukarashaah se vakeel bani aabha Singh ne 3 December ko adaalat mein aavedan dekar aarop lagaaya tha ki Salman jaanboojhkar adaalati sunavaai mein deri kar rahe hain. Aavedan ki sunavaai ke baad adaalat ne Salman ko saman jaari kiya tha. Salman ke vakeel deepesh Mehta ne bataaya, hamein saman praapt hue hain. Main adaalat mein peshi doonga. Baad mein samvaadadaataaon se baatcheet mein Salman ne kaha tha ki vah sunavaai mein shaamil honge. (input bhaasha se bhi)


Mardon Ke Beech Sabse Lokapriya Hain Kelly Brooke

Mardon Ke Beech Sabse Lokapriya Hain Kelly Brooke

Movies »

London: 'Playboy' ki poorv model Kelly Brooke ko pasand karne vaalon ki deewangi ka yeh aalam hai ki haal ke ek sarvekshan mein shaamil hue jyaadaatar purush unke saath samay bitaane ke liye christmas upahaar, sharaab aur yahaan tak ki shaanadaar bhojan tak nyochhaavar karne ko taiyaar hain. 'San online' ki khabar ke mutaabik, sarve mein 33-varsheeya Kelly ke baad cheril kol aur helen falaingan doosare aur teesare number par logon ki pasandeeda raheen. Is sarvekshan mein 2,500 log shaamil hue. Website ne bataaya ki yadi savaal yeh ho ki log apne parivaar ke saath chhutti bitaana chaahate hain ya fir kisi celebrity ke saath, to log hamesha celebrity ke saath ko pasand karte hain.


Salman Ka Majaak, Main Paida Ho Gaya, Yahi Sabse Bada Gift

Salman Ka Majaak, Main Paida Ho Gaya, Yahi Sabse Bada Gift

Movies »

Mumbai: Abhineta Salman Khan apni majaakiya filmi laainon ki vajah se darshakon ke beech lokapriya hain aur apne janmadin par bhi Salman isi andaaj mein najar aae. Yeh poochhe jaane par ki aaj tak ka sabse badhiya gift unhein kya mila hai, Salman ne aaraam se kaha, main paida ho gaya, yahi sabse bada gift hai sabke liye. Salman har saal apna janmadin apne parivaar aur doston ke saath apne farmhouse par manaate hain, lekin is baar unhonne kaha ki kisi tarah ki party naheen hai. Salman ne apne ghar galaxy apartment par patrakaaron se baatcheet mein kaha, party jaisi koi yojana naheen hai. Dost, rishtedaar sab subah se mujhe shubhakaamanaaen de rahe hain. Baavajood iske media ka kehna hai ki Salman apne parivaar ke saath panavel ke liye nikleinge. Kareebi mitron aur parivaar ke saath unka janmadin manaaya jaaega.


Priyanka Ke Kaaran Filmein Naheen Mileen Parineeti

Priyanka Ke Kaaran Filmein Naheen Mileen Parineeti

Movies »

Mumbai: Film 'Ladies versus Ricky bahal' ke saath filmi safar ki shuruaat karne vaale abhinetri parineeti Chopra ka kehna hai ki unhein film jagat mein bahan Priyanka Chopra ke kaaran kaam naheen mila. Parineeti ne yeh baat UTV stars channel par prasaarit hone vaale kaaryakram 'Liv maai life 2' ke dauraan saaf ki. Parineeti ne kaha ki log yahi maanate hain ki unhein Priyanka ke kaaran pehli film mein kaam mila hai lekin sachchaai yeh hai ki vah film ke nirdeshak mahesh sharma ko lambe samay se jaanti theen aur yahi kaaran hai ki mahesh ne unke sampark kiya tha.


'Dabang 2 Ne Pehle Saptaah Mein Kamaae 100.78 Karod Rupaye

'Dabang 2 Ne Pehle Saptaah Mein Kamaae 100.78 Karod Rupaye

Movies »

Nai Delhi: 'Dabang', 'Bodyguard' aur 'Ek tha tiger' ki safalta ke baad abhineta Salman Khan ne ek baar fir apni nai film 'Dabang 2' ke jarieye 100 karod ki kamaai ki hai. Salman Khan ki taajaatareen film 'Dabang 2' ne release hone ke chhah din ke bheetar 100.78 karod rupaye kama liye hain. 'Dabang 2' Salman Khan ki hi film 'Dabang' ka sequel hai, aur ullekhaneeya hai ki pehli film 'Dabang' ne bhi 100 karod se adhik kamaai ki thi. Arbaaz Khan productions ke banner tale bani is film ki patakatha dileep shukla ne likhi hai, aur iske nirdeshan ki baagdor bhi Arbaaz Khan ne hi sambhaali thi. 'Dabang 2' ko 21 December ko ek saath 3500 cinemagharon mein release kiya gaya tha.


Sanni Ko Delhi Ke Golgappe Pasand

Sanni Ko Delhi Ke Golgappe Pasand

Movies »

Nai Delhi: Sanni Leon ko Delhi ke golgappe kaafi pasand hain. Sanni nav varsh ki poorv sandhya par kaaryakram prastut karne ke liye yahaan hain. Unhonne kaha ki unhein Delhi se pyaar hai. Sanni Leon ke roop mein yahaan aane se pehle vah yahaan aain aur galiyon mein ghoomkar golgappe khaae. Bhaarateeya mool ki Canadai star sanni ne 'Jism 2' ke jariye Bollywood mein pravesh kiya tha. Vah ab mumbai mein rah rahi hain. Unhonne kaha, "Main mumbai mein nae sthaan par do maheene pehle hi I hain. Yeh khoobsoorat hai. Yahaan se arab saagar dikhta hai. Mainne kabhi naheen socha tha ki main subah uthoongi aur kahoongi ki main arab saagar dekh rahi hoon. " Sanni is samay 'Raagini MMS 2' ki shooting mein vyast hain.


Peedit Ki Maut Se Bollywood Mein Shok, Maanga Insaaf

Peedit Ki Maut Se Bollywood Mein Shok, Maanga Insaaf

Movies »

Mumbai: Amitabh Bachchan, shabaana aazmi, shekhar Kapoor jaisi Bollywood ki tamaam mashahoor hastiyon ne Delhi mein hue saamoohik gang-rape ki peedit ke nidhan par shok aur gussa jataate hue aaj ke din ko desh ke liye ek sharmanaak din bataaya hai. Peedit ki maut Singapore ke mount Elizabeth aspataal mein hui. Amitabh Bachchan ne twitter par likha, 'Amaanat' aur 'Damini' ab bas ek naam bankar rah gaye. Vah shaareerik roop se hamaare beech naheen rahi, lekin usaki aatma hamesha hamaare dilon mein maujood rahegi. Amitabh ke bete evam ek bachchi ke pita Abhishek Bachchan ne kaha, mujhe hamesha se ek bhaarateeya hone ka garv raha hai. Aaj ham sabhi ko sharminda hona chaahiye. Kya ek desh ko jagaane ke liye hamesha kisi nirdosh ki maut jaroori hai? Yeh vah desh naheen hai, jismein main bada hua hoon. Main naheen chaahata ki meri beti badi hone par desh ke is roop ko dekhe. Gaayika lata mangeshkar ne kaha, bahut ho chuka. Yeh 'Nirbhaya, Damini' ki maut naheen hai, balki yeh hamaare desh mein maanavata ki maut hai. Ab sarkaar ko gahari neend se jaagna chaahiye aur is barbar aparaadh ke doshiyon ko saja deni chaahiye. Is mudde par mukhar raheen prasiddh abhinetri shabaana aajmi ne tweet kiya, aur vah Singapore mein chal basi. Ishvar usaki aatma ko shaanti de. Hamaari napunsakata hamaara munh chidha rahi hai. Kaash vah hamaare desh ko jagaane ka ek maadhyam ban sake. Unhonne kaha, kisi sabhya samaaj ke liye mahilaaon ki suraksha poorvashart hai. Ham deviyon ki tarah pooje jaane ki apeksha naheen rakhate, lekin ham samaanata aur aadar ki maang karte hain. Yeh vakt chintan aur vishleshan ka hai, apna dil tatolane ka hai ki kis tarah har vo dhada dand ka bhaagi hai, jisne aisi maanasikta ko banaaya ki purush mahilaaon ko apni sampatti maankar chalta hai. Filmkaar shekhar Kapoor ne kaha, ham agar use bhool jaaenge, to uske saath yeh sabse bada vishvaasaghaat hoga. Raajanaitik vyavastha ki sabse badi ummeed yahi hai ki 'Log bhool jaaenge'. Hamaari asli uddhaar isi mein hai ki ham ise bhoolein naheen. Apna krodh jaahir karte hue mahesh bhatt ne kaha, un sabhi mandiron ko band kar do, jahaan tum ishvar ke naari roop ki pooja ka dhonge karte ho. Bhaarat tum roo. Tumhaare haath apni hi betiyon ke khoon se lathapath hain. Ya to bolo ya fir hamesha ke liye chup ho jaao.


Mujhe Dukh Hai Ki Main Purush Hoon Shahrukh Khan

Mujhe Dukh Hai Ki Main Purush Hoon Shahrukh Khan

Movies »

Mumbai: "Mujhe kaafi dukh hai ki main is samaaj aur sanskruti ka sadasya hoon. " yeh baat Bollywood ke super star Shahrukh Khan ne shanivaar ko saamoohik dushkarm ki shikaar 23 varsheeya prashikshu physiotherapist ki maut hone ke baad kahi. Unhonne yeh bhi kaha, "Mujhe dukh hai ki main ek purush hoon. " 47 varsheeya Shahrukh ne twitter par likha, "Ham tumhein bacha naheen sake, lekin tumhaari aavaaj kaafi door tak sunaai pad rahi hai. Vah aavaaj hamein kah rahi hai ki balaatkaar ek bhool naheen hai. " Ek 15 varsheeya putr aaryan aur 12 varsheeya putri suhaana ke pita ne likha, "Mujhe dukh hai ki main ek purush hoon. Main vaada karta hoon ki main tumhaari aavaaj ke saath ladoonga. Main mahilaaon ki ijjat karunga, taaki main apni beti ke liye sammaan pa sakoon. " 16 December ko chhah logon ke saamoohik duraachaar ki bhuktabhogi bani yuvati ko chikitsa ke liye guruvaar ko Singapore bheja gaya tha. Shanivaar subah usane antim saansein leen.


Dimaagi Roop Se Thakaane Waali Hai 'Bijli Ki Bhoomika Anushka

Dimaagi Roop Se Thakaane Waali Hai 'Bijli Ki Bhoomika Anushka

Movies »

Mumbai: Film 'Matru ki bijli ka mandola' mein bijli ki bhoomika ada karne waali Anushka sharma ka kehna hai ki yeh bhoomika unke liye dimaagi roop se kaafi thakaane waali thi. Anushka ne yeh bhi kaha ki unki abhi tak ki sabhi bhoomikaaon mein se yeh sabse adhik kathin hai. Bakaul Anushka, "Ab tak mainne jitni ladkiyon ki bhoomika ada ki hai, ve kaafi majaboot rahi hain lihaaja main in bhoomikaaon ko saral andaaj mein naheen le sakti thi. Mainne unke saath vaisa hi bartaav kiya, jaisa unke baare mein likha gaya hai lekin bijli mere liye ab tak ki sabse kathin charitra ke taur par saamane I hai. " Vishaal Bhardwaj dvaara likhit film mein Imran Khan aur diggaj kalaakaar pankaj Kapoor ne bhi kaam kiya hai. Yeh film 11 January ko release hogi.


Abhineta Apna Aakarshan Kho Chuke Hain Paresh Raaval

Abhineta Apna Aakarshan Kho Chuke Hain Paresh Raaval

Movies »

Mumbai: Vividh prakaar ki bhoomikaaon ko nibhaane ke liye prasiddh paresh raaval ka maanana hai vyaapak star par prachaar evam vipnan mein vyast rahane ke kaaran abhineta apna aakarshan kho chuke hain. Paresh ne kaha, Bollywood mein star apna jaadoo kho chuke hain. Yadi main khud ko star kehta hoon tab mujhe darvaaje darvaaje jaane evam logon ko apni film dekhne ka nivedan karne ki jaroorat naheen hai. Kya Rajnikant aisa karte hain? Kya dakshin ka koi bhi abhineta aisa karta hai. Keval ham log aisa karte hain. Paresh ne kaha, humne aavashyakta se adhik vipnan ko mahatva diya hai jaise lagta hai ki yadi humne aisa naheen kiya to ham mar jaaenge. TV evam sanchaar maadhyamon ke jariye aakraamak prachaar kiye. Nagpur jaane evam haath hilaane ki kya jaroorat hai? Log isliye aate hain kyonki ve aapko pasand karte hain. Yeh vipnan ka bachkaana tareeka hai. Do dashak se Bollywood ko najadeeki se dekh rahe paresh ne kaha ki star ab bhoomikaaen nibha raha hai aur apni chhavi ke liye iska balidaan naheen karna chaahata. Unhonne kaha, star system yahaan hamesha se raha hai. Ab main ek parivartan dekh raha hoon. Ve sab apni chhavi ke liye charitra ke saath anyaaya naheen kar rahe hain. Yeh achha sanket hai.


'Apamaanajanak Gaanon Ke Liye Honey Singh Ka Hotel Mein Kaaryakram Radd

'Apamaanajanak Gaanon Ke Liye Honey Singh Ka Hotel Mein Kaaryakram Radd

Movies »

Nai Delhi: Gurgaon ke ek hotel mein navavarsh ke svaagat ke liye aayojit ek kaaryakram mein Honey Singh ke gaane ko program ko radd kar diya hai. Yeh kaam khud hotel ne kiya hai. Honey Singh ke kaaryakram ka yahaan par virodh ho raha tha. Delhi mein saamoohik balaatkaar ke khilaaf jabardast virodh pradarshan ko dekhte hue saamaajik kaaryakartaaon ke ek dal ne gaayak Honey Singh ke ek kaaryakram ke khilaaf ek online yaachika daakhil ki thi aur aarop lagaaya ki unke geeton ke bol mahilaaon ke prati apamaanajanak hain. Yeh yaachika kalpana mishra ne change dot com ke jariye daayar ki aur appeal ki thi ki aaj Gurgaon ke ek hotel mein naye saal ki poorv sandhya par aayojit kaaryakram ko radd kiya jaae. Yaachika mein jor dekar kaha gaya ki aise ashleel geet asveekaarya hain aur yeh mahila virodhi bhaavanaaon ke chalte hain. Yeh theek un logon ke vichaaron ki tarah hai jinke liye Delhi mein December ki raat mein hui bas ki ghatna theek thi. Vaheen Lucknow is mashahoor punjabi gaayak ke khilaaf somvaar ko ashleel aur mahilaaon ke prati abhadr gaana gaane ke iljaam mein ek mukadama darj kiya gaya hai. IPS adhikaari Amitabh thaakur ne Lucknow ke Gomtinagar thaane mein darj mukadame mein aarop lagaaya ki Honey Singh ne ashleelta aur bhaddepan ki sabhi seemaaen laanghane vaale gaane 'Main hoon balaatkaari' aur 'Keinde pechaayiya' likhe aur gaaye hain. Ye geet samaaj mein mahilaaon ke prati asammaan tatha gambheer aparaadh badhaane ke utprerak ka kaam karte hain. Unhonne kaha hai ki ye gaane atyant ashleel, uttejak aur abhadr hone ke kaaran bhaarateeya dand vidhaan ki vibhinn dhaaraaon ke tahat aparaadh ki shreni mein aate hain. (input bhaasha se bhi)


Chitrangadha Ne Kaha, Na Kehna Jaanti Hoon

Chitrangadha Ne Kaha, Na Kehna Jaanti Hoon

Movies »

Mumbai: Bollywood abhinetri Chitrangadha Singh kehti hain ki unhein maaloom hai ki bold drushyon ko filmaate samay kahaan na kehna hai. Chitrangadha kaaryasthalon par hone vaale yaun utpeedn par aadhaarit film 'Inkaar' mein mukhya bhoomika nibha rahi hain. Chitrangadha ne bataaya, "Bold drushyon ki shooting mein jab tak main sahakalaakaar aur nirdeshak ke saath sahaj mahasoos karti hoon tab tak hi kaam karti hoon. Meri apni seemaaen hain aur main na kehna jaanti hoon. " Item geeton mein prastut hone ke baare mein Chitrangadha ne kaha ki vah nrutya karne ke maamale mein main bahut sahaj hoon. Nrutya kaafi majedaar kaam hai. Item geet karne se mujhe koi parahej naheen hai. Achhe prastaav milne par main jaroor karna chaahoongi. Film 'Inkaar' mein unhonne abhineta arjun Rampal ke saath kaam kiya hai. Unka daava hai ki yeh film arjun ke ab tak ke kaamon mein sabse behtar hai. Chitrangadha apni samakaaleen abhinetriyon ke saath pratispardha ki bhaavana naheen rakhati. Unka maanana hai ki achhi filmon ke bina item geeton ka koi mahatva naheen hai.


Har Kalaakaar Apni Or Dhyaan Kheenchna Chaahata Hai Anushka Sharma

Har Kalaakaar Apni Or Dhyaan Kheenchna Chaahata Hai Anushka Sharma

Movies »

Mumbai: Sena ki prushthabhoomi se taalluk rakhane waali Anushka sharma ne ab tak bahut shaant aur anushaasit jeevan vyateet kiya hai, lekin vah sveekaar karti hain ki peshe ne unhein logon ka dhyaan apni or kheenchne ki chaahat rakhane wala bana diya hai. Anushka ne kaha ki sabhi kalaakaar in dinon logon ka dhyaan haasil karna chaahane lage hain. Anushka ne kaha, mera taalluk sena se raha hai aur main kabhi chakaachaundh ki or aakarshit naheen hui, lekin film jagat ne mujhe aisa bana diya hai. Ab main bhi dhyaan aakarshan chaahati hoon. Agar log mujh par dhyaan na dein to fir main apna kaam theek se naheen kar sakoongi. Anushka ne 2008 mein film 'Rab ne bana di jodi' ke saath filmodyog mein kadam rakha tha aur fir iske baad 'Badmaash company', 'Band baaja baaraat', 'Ladies versus Ricky bahal' aur 'Jab tak hai jaan' mein kaam kiya. Chaar saal se bhi kam samay ke filmi career mein Anushka ne apne liye alag sthaan banaaya. Anushka kehti hain ki vah apni safalta ka upayog karte hue apni sharton par kaam karna chaahati hain. Anushka ne kaha, aapko apna kaam behtar tareeke se karne ke liye apni safalta ka upayog karna chaahiye. Main apni sharton par kaam karte hue safal hona chaahati hoon. Aap apne stardom ka upayog karte hue logon ko theatre aur cinemagharon tak kheench sakte hain.


Nae Saal Par 'Chikni Chameli Bankar Thirkeen Sani Leon

Nae Saal Par 'Chikni Chameli Bankar Thirkeen Sani Leon

Movies »

Nai Delhi: Bhaarateeya mool ki Canadai abhinetri sani Leon ne nav varsh ki sandhya par Delhi ke logon ke liye kaaryakram pesh kiya. Sani film 'Jism 2' se Bollywood mein padaarpan kar chuki hain. Sani apni prastuti par logon ki pratikriya dekhkar aavaak rah gain. Unhonne bataaya, logon ka ullaas dekhne laayak tha. Mujhe unka utsaah aur pratikriya dekhkar achha laga. Rajdhani ke lalit hotel mein kareeb 2000 log maujood the. Sani ke pati aur unke prabandhak Daniel Weber ne bhi kaha ki prastuti kamaal ki thi. Darshakon ne bharpoor aanand liya. Sani ne Bollywood ke hit item geeton jaise 'Anaarkali disco chali', 'Chikni chameli', 'Disco deevaane' aadi par prastuti di.


Mujhe Bahaane Ke Roop Mein Istemaal Mat Keejiye Honey

Mujhe Bahaane Ke Roop Mein Istemaal Mat Keejiye Honey

Movies »

Nai Delhi: Geeton mein aapattijanak shabdon ke istemaal se logon ke gusse ka saamana kar rahe punjabi rapper Honey Singh ne iska virodh karte hue kaha hai ki unka naam gairjaroori taur par is vivaad mein ghaseeta ja raha hai. Unhonne twitter par likha, "Yeh sab kuchh abhi ho raha hai. Ve sirf ek bahaana chaahate hain aur vah unhein mil gaya hai. " Unhonne kaha, "Mujh par aarop madhne ki jagah sarkaar ko dosh deejiye jo dushkarmiyon ke khilaaf kaarravaai naheen kar rahi hai. Mujhe bahaane ke roop mein istemaal mat keejiye. Honey Singh nirdosh hai. Agar aap hamaare saath hain, mainne yeh sveekaara hai ki pehle mera chunaav galat tha lekin ab main bilkul alag tarah ke gaane ga raha hoon. " Geeton mein aapattijanak shabdon ka istemaal karne vaale punjabi rapper ke khilaaf somvaar ko ek praathamiki darj ki gayi thi. Logon ke gusse ki vajah se Bristol hotel mein nae saal par aayojit hone vaale unke kaaryakram ko bhi radd kar diya gaya hai.


Filmon Tak Hi Naheen Simti Hai Meri Jindagi Kareena

Filmon Tak Hi Naheen Simti Hai Meri Jindagi Kareena

Movies »

Mumbai: Bollywood adaakaara Kareena Kapoor ka kehna hai ki unki jindagi ke daayare mein sirf filmein naheen hain balki inse baahar bhi ek duniya hai jise vah jeeti hain. Pichhle saal October mein adaakaar saif Ali Khan se shaadi racha chuki 32 saal ki Kareena kehti hain ki Bollywood ke baahar bhi unke dost hain aur vah niji jindagi ko apni kaamkaaji duniya se alag rakhati hain. Kareena ka kehna hai, ''Aham baat yeh samajhna hai ki ham Bollywood mein kaam karne ke liye hain. Main yahaan kisi se bhi jyaada dosti naheen karti na hi main kisi ki jindagi mein dakhal deti hoon. Filmon se baahar bhi meri jindagi hai. ''


Chemotherapy Ko Lekar Ghabaraai Hui Hain Maneesha Koirala

Chemotherapy Ko Lekar Ghabaraai Hui Hain Maneesha Koirala

Movies »

Mumbai: Cancer se joojh rahi Bollywood abhinetri maneesha Koirala ki haal hi mein surgery ki gayi hai aur unke mutaabik, vah New York mein hone waali apni pehli chemotherapy ko lekar kaafi ghabaraai hui hain, lekin unka kehna hai ki vah is chunauti ka saahas ke saath saamana kareingi. Unhonne apne Facebook account par likha, aaj meri pehli chemotherapy hai. Ghabaraahat mahasoos karne ke saath-saath is chunauti ka saamana karne ke liye taiyaar hoon. Main praarthana kar rahi hoon aur maan, pita, koi (bhaabhi), yooliya se mile sahayog ke prati krutajnya mahasoos kar rahi hoon. Haalaanki, vah mujhse door hain, lekin unka pyaar va unki praarthana mere saath hai. Unhonne aage likha, doston aur parivaar ke anya sadasyon aap sabhi ke pyaar aur praarthana ke liye aabhaari hoon. Pyaar aur fikr se jyaada kuchh bhi mahatvapoorn naheen hai. 42 varsheeya maneesha ne 'Saudaagar', '1942 A love story', 'Bombay', 'Dil se' aur 'Lajja' jaisi filmein ki hain. 10 December 2012 ko New York mein unki pehli surgery ki gayi thi jahaan ke aspataal se 11 din ke baad unhein chhutti de di gayi thi.


Amitabh Aur Vidya 2012 Ki Sabse Charchit Shaakaahaari Shakhsiyt

Amitabh Aur Vidya 2012 Ki Sabse Charchit Shaakaahaari Shakhsiyt

Movies »

Nai Delhi: Hindi filmon ke varishth abhineta Amitabh Bachchan aur abhinetri vidya Balan ko peta ki varsh 2012 ke sabse charchit shaakaahaari shakhsiyt chuna gaya hai. Amitabh ko isse pehle teen baar yeh khitaab mil chuka hai aur vidya bhi varsh 2010 mein is khitaab se navaaji gayi theen. Khitaab ki daud mein miss universe neha Dhupia, Shahid Kapoor, sonoo sood, dhanush, Kareena Kapoor aur Hema maalini bhi shaamil the. Is mauke par vidya ne kaha, main shakaahaari hoon aur iske kaaran mere khaana pachaane ki kshamata mein badhotri hui hai, jo vajan kam karne mein bada sahayogi hai. Peta jaanvaron ke adhikaaron ke liye aavaaj uthaane waali sanstha hai.