VHP Ne Paas Kiya Ram Mandir Ka Prastaav

VHP Ne Paas Kiya Ram Mandir Ka Prastaav

India »

Allahabad: VHP keindreeya maagadarshak mandal ne Ram mandir nirmaan ke liye ek prastaav paas kiya hai. Is prastaav mein sarkaar se mandir nirmaan ka raasta saaf karne ke liye sansad ke monsoon satr mein kaanoon paas karne ki maang ki hai. Idhar, hindutv ke mudde par BJP, vishv hindu parishad ke saath kadamataal karne ko taiyaar dikh rahi hai. BJP ke adhyaksh Rajnath Singh ne Budhvaar ko na sirf sangam mein dubaki lagaai, balki Ram mandir aur Narendra Modi ko pradhaanamantri pad ki ummeedavaari par prastaav paas karaane ki taiyaari kar rahe vishv hindu parishad aur santon ke saamane haajari bhi lagaane ja rahe hain.


Car Aane Mein Hui Der Se Surakshaakarmiyon Par Cheekheen Mamata

Car Aane Mein Hui Der Se Surakshaakarmiyon Par Cheekheen Mamata

India »

Kolkata: Pashchim Bengal ki mukhyamantri mamata Bannerjee Kolkata pustak mele mein apni car aane mein hui der ke baad aapa kho baithi aur apne surakshaakarmiyon par cheekhane lageen. Bataaya gaya hai ki unhonne apne surakshaakarmiyon se kaha, 'Tum logon par maar padni chaahiye. . . Aap ko maarana chaahiye. . . . ' Mele mein gain mamata mukhya dwaar par car aane mein der hone ke baad apne surakshaakarmiyon se gussa ho gain aur logon ke saamane hi unapar cheekhane lageen. Mele ke aayojanakarta pablishrs end book selars gild ke ek adhikaari ne bataaya ki yah ghatna gate number ek par hui. Poorv mein bhi vah pradhaanamantri ki pitaai sambandhit ek vivaadit bayaan day chuki hain.


Mumbai Mein Nirmaanaadheen Flyover Ka Ek Hissa Gira

Mumbai Mein Nirmaanaadheen Flyover Ka Ek Hissa Gira

India »

Mumbai: Mumbai ke marol ilaake mein havaai adde ke paas ban rahe flyover ke ek hisse ke girne ki khabar hai. Haadase mein ek vyakti ghaayal ho gaya hai. Mauke par damakal ki 12 gaadiyaan pahunch gayi hain. Raahat aur bachaav ka kaam jaari hai. Haadase ke kaaranon ka abhi pata naheen chala hai.


'Paragaash Par Aapattijanak Tippani Karne Ke Maamale Mein Do Giraftaar

'Paragaash Par Aapattijanak Tippani Karne Ke Maamale Mein Do Giraftaar

India »

Shreenagar: Kashmir mein poori tarah se ladkiyon ke band 'Paragaash' ke khilaaf mufti-A-aajam ke fatwe ke baad band ki ladkiyon ko Facebook par dhamaki aur gaaliyaan dene ke maamale mein police ne do yuvakon ko giraftaar kiya. Gaurtalab hai ki in haalaat se pareshaan hokar ladakiyon ne gaayaki chhodne aur band ko band karne ka faisala kar liya. Adhikaariyon ne bataaya ki police ne band ke panne par I 900 tippaniyon mein se 26 apamaanajanak tippani karne vaale computeron ke aaipi edres ka pata lagaane ki prakriya shuroo kar di hai. Unhonne bataaya ki praathamiki darj karne mein teen din ki der paragaash ke panne par badi sankhya mein maujood tippaniyon ke kaaran hui. Is maamale mein raajabaag police thaane mein IT kaanoon ki dhaara 66e aur aarapeesi ki dhaara 506 ke tahat maamala darj kiya gaya hai.


'Metro Se Lekar 'Namak Tak Modi Ne Vikaas Ka Sehara Baandha Apne Sir

'Metro Se Lekar 'Namak Tak Modi Ne Vikaas Ka Sehara Baandha Apne Sir

India »

Nai Delhi: Delhi ke shreeraam college of Commerce (esaaaraseesi) mein Narendra Modi ne apne sambodhan mein kaha, mahaatma Gandhi aur sardaar Patel ki bhoomi se aaya hoon, jinhonne apni javaani desh mein svaraajya ke liye jailon mein bita di, aur poora jeevan usi prayaas mein khapa diya. Inheen ke prayaason se hamein svaraajya mila, lekin aaj aajaadi ke chhah dashak se zyaada samay beet jaane ke baad bhi desh suraajya ke liye intajaar kar raha hai. Poori duniya ki najrein aaj Gujarat ke vikaas par hain, aur sabhi jagah usaki charcha hai. Modi ne kaha, daraasal, meri soch hamesha aashaavaadi rahi hai, aur main usi disha mein kaam karta hoon, jo hamesha pro-peepal (janonmukhi) aur gud gavarnens (suraaj ya suraajya) ke saath hota hai. Bhaarat is samay duniya ka sabse naujavaan desh hai, jiski 65 pratishat aabaadi ki umr 35 saal se kam hai, jabki iske vipreet poora Europe aur cheen lagbhag boodhe ho chuke hain, lekin sabse zyaada afasosanaak yeh hai ki ham is yuvaashakti ka uchit istemaal naheen kar paae hain. Unhonne kaha ki aaj har taraf niraasha ka maahaul hai aur har aadmi usase bachakar bhaagna chaahata hai, lekin meri soch hamesha aashaavaadi rahi hai. Mukhyamantri ke taur par yeh mera chautha kaaryakaal hai aur main apne anubhav se jaanta hoon ki maujooda maahaul mein bhi ham tarakki kar sakte hain aur isse kaheen jyaada haasil kar sakte hain. Modi ke mutaabik Bhaarat gareeb desh naheen hai, kyonki hamaare paas praakrutik sansaadhanon ke roop mein apaar sanpada hai, lekin ham un sansaadhanon ka uchit istemaal naheen kar rahe hain aur yahi hamaari chunauti hai. Humne Gujarat ke vikaas ko teen stambhon - krushi, udyog tatha seva kshetr - par aadhaarit rakha hai aur sthiti aisi hai ki yadi inmein se ek stambh gir bhi jaata hai, to baaki donon raajya ki arthavyavastha ko sambhaale raheinge. Gujarat ke mukhyamantri ne kaha, yeh hamaari badi upalabdhi hai, ki jo raajya paani ki kami se lagaataar joojhata raha hai, vah aaj aavashyakta se adhik krushi utpaadan kar itihaas rach raha hai. Ham apne kisaanon ko apna utpaadan badhaane ki tarakeebein sikhaane par jor dete hain. Gujarat ke pratyek kisaan ke paas bhoomi svaasthya card hai, jisse use apni jameen ke hisaab se fasal aur khaad tay karne mein madad milti hai. Yeh Gujarat ki upalabdhi isliye hai, kyonki doosari or desh mein saadhaaran naagrikon ke paas khud ke svaasthya card bhi naheen hai. Modi ne daava kiya, aaj Gujarat is desh ka ekamaatr raajya hai, jahaan bhoomigat paani ka star oopar uth raha hai, kyonki humne paani bachaane ke liye pariyojanaaen chalaai hain. Aaj Delhi ke log jo doodh pi rahe hain, na sirf vah Gujarat se aata hai, balki Europe mein bikne waali bhindi bhi sirf Gujarat se hi jaati hai. Bhale hi ham seva kshetr mein bahut majaboot naheen rahe hain, lekin aaj Gujarat ki paryatan se hone waali aay desh ki paryatan aay ki tulana mein doguni hai. Unhonne abhineta Amitabh Bachchan ka jikr karte hue bhi kaha ki aaj vah logon ko khud ja-jaakar Gujarat ghoomane ki salaah dete hain. College mein sushaasan aur vikaas ke mudde par Narendra Modi ke vichaar sunane ke liye lagbhag 1,800 chhaatron ka bhaari jamaavada ikattha hua, jabki kuchh chhaatron ne college ke baahar Modi ke virodh mein bhi pradarshan kiya aur naare lagaae. Suraksha vyavastha ke tahat lagaae gaye police bairikedon ke saamane lagbhag 50 chhaatr-chhaatraaen haathon mein all India students federation ke banner liye aa gaye, aur Modi-virodhi naare lagaate hue unhein vaapas bhejane ki maang karne lage. Unka kehna tha ki Narendra Modi ko aamantrit karna varsh 2002 mein Gujarat mein hue saampradaayik dangon ki anadekhi karna hai. Shri Modi ko esaaaraseesi ke chhaatron ne vakta ke roop mein ek pol ke jariye chuna tha. Subah Narendra Modi ne pradhaanamantri Manmohan Singh se mulaakaat ki. Is mulaakaat ke baad Modi ne bataaya ki pradhaanamantri ke saath Gujarat ko lekar kaafi achhi baatcheet hui. Modi ne kaha ki unhonne pradhaanamantri se maang ki hai ki desh ke baaki raajyon ko jo sahooliytein kendra se mil rahi hain, ve Gujarat ko bhi milni chaahiye. Modi ne gas ki keematon mein bhedabhaav ko lekar pradhaanamantri ke saamane apni baat bhi rakhi. Haalaanki pradhaanamantri pad ki daavedaari ka savaal vah taal gaye. Modi 12 February ko Mahakumbh mein hissa lene ke liye Allahabad bhi jaaenge. Haal ke hafton mein Modi ko pradhaanamantri pad ka ummeedavaar ghoshit karne ke liye party mein maang tej hoti ja rahi hai.


Madhya Pradesh Mein Faurest Officer Ke Ghar Chhaapemaari Mein 45 Karod Ki Sampatti Mili

Madhya Pradesh Mein Faurest Officer Ke Ghar Chhaapemaari Mein 45 Karod Ki Sampatti Mili

India »

Bhopal: Madhya pradesh mein sarkaari adhikaariyon aur karmachaariyon ke ghar lokaayukt ke chhaape jaari hain. Ujjain lokaayukt police ki ek team ne beeke Singh naam ke ek faurest officer ke Bhopal aur ujjain sthit gharon par chhaape maare. Aaranbhik jaankaari ke mutaabik is chhaapemaari mein faurest officer ke paas 45 karod se jyaada ki sampatti ka pata chala hai. Police ko beeke Singh ke paas madhya pradesh ke seehor, budhani aur uttar pradesh ke jaunapur mein 400 beegha jameen ke kaagajaat mile hain. Iske alaava uttar pradesh mein hi mairij garden ke alaava 10,000 square feet ka makaan, Varanasi mein hotel investameint, seehor mein firm house aur anya sampattiyon ke kaagajaat bhi mile hain. Police ko inke donon gharon se saat lakh rupaye cash aur laakhon ke gahane bhi mile hain. Raajya ke sarkaari afsaron ke paas karodon rupaye ki avaidh sampatti milne ka yeh pehla maamala naheen hai. Beete do saalon mein lokaayukt ke darjanon chhaapon ke dauraan kai sau karod ki kaali kamaai ka khulaasa ho chuka hai. Mangalvaar ko Bhopal mein bijli vibhaag ke ek klark ke paas 40 karod ki sampatti mili thi. Arjun das laalavaani naam ke is klark ke yahaan chhaape mein chaar makaan, 12 dukaanein aur jameenon ke kaagajaat mile. Saath hi 60 lakh rupaye ke nivesh ke dastaavej bhi baraamad hue. Pichhle saal December mein ujjain bijli vibhaag ke sahaayak engineer aarael sharma ke ghar bhi lokaayukt ke chhaape mein paanch se saat karod ki sampatti mili thi aur iske alaava unke paas kai plaut, ghar, videshi mudra aur 20 se jyaada bankon mein khaate hone ki jaankaari haasil hui thi. November mein DIG (jail) Umesh Gandhi aur jail vibhaag mein hi bataur kaunsatebal kaam kar rahe unke bhaai Ajay Gandhi ke ghar pade chhaapon mein 25 karod se jyaada ki sampatti saamane I thi. Lekin raajya ke itihaas mein kaali kamaai ka sabse bada khulaasa kuchh saal pehle ek aaiees dampati ke yahaan chhaapon se hua tha. Aayakar vibhaag ne Arvind Joshi aur teenoo Joshi ke paas 360 karod se adhik ki sampatti ka pata lagaaya tha. Donon ne jameen aur reeyal estate se lekar share baajaar tak mein kaafi paisa lagaaya tha.


Baap Ki Haivaaniyt Ki Shikaar Bikaner Ki Maasoom Bachchi Ne Toda Dam

Baap Ki Haivaaniyt Ki Shikaar Bikaner Ki Maasoom Bachchi Ne Toda Dam

India »

Jaipur: Bikaner mein jis paanch maheene ki bachchi ke honth aur naak uske baap ne sharaab ke nashe mein chaba daale the, usaki maut ho gayi hai. Jaipur ke sarkaari aspataal mein 1 February ko uske chehare ki pehle daur ki plastic surgery ki gayi thi aur agale maheene usaki doosari surgery ki jaani thi. Rajasthan baal adhikaar aayog ke adhyaksh deepak Kalra ne bataaya ki bachchi ko saans lene mein takaleef hone lagi thi aur use ventilator par rakha gaya tha, lekin tamaam koshishon ke baavajood Doctor use bacha naheen sake. Police ke mutaabik ab bachchi ke baap par hatya ka aarop bhi darj kiya jaaega. Baal aayog ne kaha hai ki vah bachchi ke parivaar ko madad jaari rakhega aur aaropi pita ko kadi se kadi saja dilaane ki koshish karega. NDTV ke darshak mahila aur usaki betiyon ko aarthik madad dene ki peshakash pehle hi kar chuke hain. Bikaner ke kai logon ne bhi bachchi ke naam par trast ki sthaapana ki hai. Gaurtalab hai ki 26 January ki raat mein bachchi ke baap ne us par hamla kar diya tha aur uske honth aur naak ke kuchh hisse chaba daale the. Bachchi ki maan ki shikaayat par us shakhs ko giraftaar kar liya gaya tha. Isse naaraaj hokar sasuraal vaalon ne ukt mahila ko hi ghar se nikaal diya tha, jiske baad mahila apni do betiyon ke saath apne 70 saal ke pita ke ghar aa gayi thi.


Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari

Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari

India »

Allahabad / nai Delhi: Hindutv ke mudde par BJP, vishv hindu parishad ke saath kadamataal karne ko taiyaar dikh rahi hai. BJP ke adhyaksh Rajnath Singh ne Budhvaar ko na sirf sangam mein dubaki lagaai, balki Ram mandir aur Narendra Modi ko pradhaanamantri pad ki ummeedavaari par prastaav paas karaane ki taiyaari kar rahe vishv hindu parishad aur santon ke saamane haajari bhi lagaane ja rahe hain. Narendra Modi ko lekar Kumbh mein kaafi halachal hai. Haalaanki Rajnath Singh ne sangam mein dubaki lagaane ke baad patrakaaron se kaha ki party ne pradhaanamantri pad ke ummeedavaar ko lekar abhi faisala naheen liya hai aur unhonne kal ki tarah doharaaya ki pradhaanamantri pad ke ummeedavaar ka faisala BJP sansadeeya board ki baithak mein hoga. Udhar, vihip ki aaj ek aham baithak hone ja rahi hai, jismein ayodhya ke Ram mandir ko lekar prastaav ko antim roop diya ja sakta hai. Is prastaav par dharm sansad mein saadhu-sant muhar lagaaenge. Maana ja raha hai ki is baithak mein sant samaaj Narendra Modi ko pradhaanamantri pad ka ummeedavaar ghoshit karne ki maang ko lekar bhi prastaav paas kar sakte hain. Haalaanki BJP ne santon se kaha hai ki vivaad se bachane ke liye ve aise kisi prastaav ko paas na karein. Narendra Modi khud 12 February ko Kumbh mein dubaki lagaane aaenge.


Punjab Aatanki Balavant Raajoaana Ko Aaradeeeks Taskari Mein 10 Saal Ki Saja

Punjab Aatanki Balavant Raajoaana Ko Aaradeeeks Taskari Mein 10 Saal Ki Saja

India »

Chandigarh: Patiala ki adaalat ne Punjab ke poorv mukhyamantri beant Singh ki hatya mein shaamil rahe babbar khaalasa ke aatankvaadi balavant Singh raajoaana ko 10 saal ki saja sunaai hai. 1995 mein raajoaana ke paas se bhaari maatra mein aaradeeeks jabt kiya gaya tha, jiski court mein sunavaai chal rahi thi. Beant Singh ki hatya ke maamale mein raajoaana ko pehle hi faansi ki saja sunaai ja chuki hai. Use pichhle saal 31 March ko faansi di jaani thi, lekin 28 March ko gruh mantraalaya ne shiromani gurudvaara prabandhak committee ki or se daayar ki gayi daya yaachika ke baad usaki faansi ko sthagit kar diya tha.


Gujarat Vafaadaari Saabit Karne Ke Liye Voteron Ne Khaulate Tel Mein Daale Haath

Gujarat Vafaadaari Saabit Karne Ke Liye Voteron Ne Khaulate Tel Mein Daale Haath

India »

Bayaad (Gujarat): Uttari Gujarat mein bayaad taaluka ke deraai gaanv mein panchaayat chunaav ke ummeedavaar ko is baat ka yakeen dilaane ke liye 15 logon ne apne haath khaulate tel mein haath daal diye, ki unhonne usi ke paksh mein vote daale the. Girish paramaar naam ke is haare hue pratyaashi ko police ne hiraasat mein le liya hai. Bayaad taaluka ke deraai gaanv mein hui is ghatna ke baare mein jile ke SP chiraag koraadiya ne kaha ki chunaav mein haare apne jaati ke pratyaashi ke prati vafaadaari saabit karne ke liye in logon ne khaulate tel mein haath daala tha. Humne pratyaashi ke khilaaf shikaayat darj kar use hiraasat mein le liya hai, lekin jakhmi logon mein se koi uske khilaaf shikaayat darj karaane ke liye aage naheen aaya hai.


UP Mein Mantri Ka Bhrashtaachaar Ujaagar Karne Vaale Police Adhikaari Ka Tabaadala

UP Mein Mantri Ka Bhrashtaachaar Ujaagar Karne Vaale Police Adhikaari Ka Tabaadala

India »

Gonda: Uttar pradesh mein ek mantri ka bhrashtaachaar ujaagar karne ke liye sting operation karne vaale police adhikaari ka raajya sarkaar ne tabaadala kar diya hai, jisse yah sanket jaata hai ki ukt adhikaari ko dandit kiya gaya hai. Gonda ke police adheekshak navaneet raana ne raajya mein mantri ka darja paae cheeni nigam ke adhyaksh KC paandeya ke khilaaf phone par hui baatcheet ko record kar liya tha, jismein paandeya ne police ko apne ek kareebi sahayogi se ek lakh rupaye ki rishvat lene ke liye kaha tha. Paandeya ne yah rishvat maasik roop se lene ki baat kahi thi aur badle mein pashuon ki taskari ki chhoot dene ke liye kaha tha. Paandeya, jo sattaaroodh samaajavaadi party ke raashtreeya sachiv bhi hain, ne haalaanki ab in aaropon se inkaar kiya hai, lekin is baat par tippani karne se inkaar kar diya hai ki phone ke jariye record ki gayi aavaaj unki hai ya naheen. Police ne is maamale mein sthaaneeya adaalat se paandeya ke khilaaf gairajamaanati warrant jaari karne ka anurodh kiya hai, jis par jald faisala aa sakta hai.


Delhi Mein Surakshit Naheen Mahasoos Karateen Mahilaaen Sheela Dixit

Delhi Mein Surakshit Naheen Mahasoos Karateen Mahilaaen Sheela Dixit

India »

Nai Delhi: Delhi ki mukhyamantri sheela Dixit ne Budhvaar ko kaha ki rajdhani mein mahilaaen surakshit mahasoos naheen karateen. Mukhyamantri ne laajapat nagar mein rape mein vifal rahane par ladki ke gale mein sariya ghused diye jaane ki ghatna ke sandarbh mein sheela Dixit ne kaha ki dakshin Delhi mein is vaaradaat ke baad mahilaaon mein dar aur badh gaya hai. Gaurtalab hai ki somvaar ki raat ko dakshini Delhi ke laajapat nagar ilaake mein dil dahala dene waali ek vaaradaat mein 19-varsheeya ek ladki se rape mein naakaam hone par aaropi sthaaneeya bijli vitran company ke karmachaari ne use chup karaane ke liye uske munh mein lohe ka sariya ghusa diya, aur ghaayal kar bhaag gaya. Ladki ka ol India medical Institute of medical saainsej (ems) mein ilaaj chal raha hai, aur usaki haalat gambhir bataai ja rahi hai. Police ne aaropi 25-varsheeya anil Kumar ko balaatkaar ke prayaas tatha hatya ke prayaas ke aarop mein giraftaar kar liya hai.


Modi Ko Bulaane Par Esaaaraseesi Ke Baahar Chhaatron Ne Kiya Pradarshan

Modi Ko Bulaane Par Esaaaraseesi Ke Baahar Chhaatron Ne Kiya Pradarshan

India »

Nai Delhi: Raashtreeya rajdhani Delhi mein chhaatron ke ek samooh ne Gujarat ke mukhyamantri Narendra Modi ko aamantrit karne ke virodh mein shreeraam college of Commerce ke baahar pradarshan kiya. Vaamapanthi dalon evam anya raajaneetik dalon se sambaddh unionon ke pradarshanakaariyon ne Modi aur sansthaan ke khilaaf naarebaaji ki. Is shikshan sansthaan ne chhaatron ko sambodhit karne ko lekar Modi ko aamantrit kiya tha. Democratic student union ke sadasyon ne Modi ki Delhi vishvavidyaalaya mein aane ke khilaaf kala sankaaya se shreeraam college of Commerce tak March kiya.


Manmohan Se Mile Modi, Gujarat Par Charcha Ki

Manmohan Se Mile Modi, Gujarat Par Charcha Ki

India »

Nai Delhi: Gujarat ke mukhyamantri Narendra Modi ne Budhvaar ko pradhaanamantri Manmohan Singh se mulaakaat kar Gujarat se sambandhit muddon par hastakshep ki maang ki. Modi ne pradhaanamantri se saat race course maarg sthit unke sarkaari aavaas par mulaakaat ki. Mulaakaat kareeb 45 minute chali. Pichhle saal December mein Gujarat vidhaanasabha chunaav mein jeet ke baad Modi ki pradhaanamantri se yah pehli mulaakaat thi. Modi ne mulaakaat ko achha bataaya. Pradhaanamantri se mulaakaat ke baad unhonne samvaadadaataaon se kaha, "Pradhaanamantri ne mujhe aashvast kiya hai ki vah Gujarat ke logon ki madad ke liye har sambhav sahaayata muhaiya karaaenge. Humne vibhinn muddon par charcha ki. " Gujarat sarkaar ki or se jaari ek bayaan mein kaha gaya hai ki pradhaanamantri ne Modi ko apne nae kaaryakaal aur Gujarat mein pragatisheel vikaas ke liye badhaai di. Modi ne pradhaanamantri se Delhi, mumbai aur Gujarat mein gas ki alag-alag keemat par bhi charcha ki. Unhonne kaha, "Ham kendra ke saath vaidhaanik ladaai lad rahe hain. Delhi, mumbai va Gujarat mein gas ki keematein alag-alag hain. Ham adaalat gaye aur vahaan hamein jeet mili. Lekin kendra sarkaar sarvochch nyaayaalaya chali gayi. Vaastav mein adaalati aadesh ke kriyaanvayan mein deri karne ki koshish ki ja rahi hai. " unhonne kaha, "Pradhaanamantri ne mujhe sabhi muddon ki padtaal swayam karne tatha nirnaya jald lene ki koshish karne ka aashvaasan diya hai. " Modi ne pradhaanamantri ko sardaar sarovar baandh se sambandhit muddon par gyaapan bhi diya, jismein iski oonchaai badhaane sahit anya muddon par pradhaanamantri se hastakshep karne ki maang ki gayi hai. Gujarat sarkaar ke pravakta ne bataaya ki Modi ne beeti kapaas ke beejon ki keemat ke niyman jaise mudde bhi uthaae, jo Gujarat mein kisaanon ko prabhaavit karte hain. Saath hi unhonne bijli utpaadan ke liye najadeeki western kol Fields se koyala aavantan ka mudda bhi uthaaya.


Mumbai Kemikl Factory Mein Lagi Bheeshan Aag

Mumbai Kemikl Factory Mein Lagi Bheeshan Aag

India »

Mumbai: Mumbai ke kareeb bhivandi ilaake me ek kemikl factory mein aag lagne se bhaari nuksaan ki aashanka hai. Aag ke baad mauke par chhah fire briged gaadiyaan bheji gain hain. Aag par paanch ghante baad kaaboo pa liya gaya hai lekin is beech chhah godaam jalakar raakh ho gaye. Hataahat ki filhaal koi khabar naheen hai.


Kya Ho Kishor Ki Umr, Gruh Mantraalaya Ne Shuroo Ki Charcha

Kya Ho Kishor Ki Umr, Gruh Mantraalaya Ne Shuroo Ki Charcha

India »

Nai Delhi: Delhi saamoohik balaatkaar kaand mein kishor dvaara sabse adhik barbarata karne ke pariprekshya mein kishoron ki sanjnyaa mein aane vaalon ki aayu 18 se ghataakar 16 saal karne ki maang ke beech gruh mantraalaya ne is mudde par sambaddh pakshon se charcha shuroo kar di hai. Kishor nyaaya kaanoon ke sabhi praavadhaanon par vichaar kiya ja raha hai. Gruh mantraalaya ne kaanoon mantraalaya, mahila evam baal vikaas mantraalaya aur raashtreeya baal adhikaar sanrakshan aayog se pichhle kuchh dinon mein salaah mashavira kar kishoron ki aayuseema kam karne ko lekar unke sujhaav maange. . Kendreeya gruh mantraalaya ke ek adhikaari ne bataaya ki abhi praarambhik charcha chal rahi hai. Is samvedansheel mudde par koi bhi antim najariya taiyaar karne se pehle aane vaale hafton mein aur vichaar-vimarsh kiya jaaega. Delhi mein 16 December ko chalti bas mein chhaatra ke saath balaatkaar ki ghatna mein shaamil chhah aaropiyon mein se ek kishor hai aur ummeed hai ki vah kade dand se bach jaaega kyonki us par kishor nyaaya kaanoon ke tahat mukadama chalega. Ullekhaneeya hai ki kai baal adhikaar samooh aur gair sarkaari sangathan kishoron ki aayu kam karne ke khilaaf hain. Adhikaari ne kaha ki kishoron ki aayu kam karne ke faisale ke choonki dooragaami parinaam honge isliye poori satarkata se is mudde par vichaar kiya ja raha hai.


Mahilaaon Ke Khilaaf Aparaadh Ke Doshi Javaanon Par Kathor Kaarravaai Antony

Mahilaaon Ke Khilaaf Aparaadh Ke Doshi Javaanon Par Kathor Kaarravaai Antony

India »

Bengaluru: Sashastr bal visheshaadhikaar kaanoon (afaspa) ke tahat aane vaale surakshaabalon ke karmiyon ko mahilaaon ki suraksha sambandhi adhyaadesh ke daayare se baahar rakhe jaane par ho rahe virodh ke beech raksha mantri AK Antony ne kaha ki aise maamale mein sashastr balon ke karmiyon sahit vibhinn logon ke khilaaf sarkaar 'Kathor' kaarravaai karegi. Antony ne kaha, 'Hamaari sarkaar mahilaaon ki suraksha ko lekar chintit aur gambhir hai. Ham aise logon ke khilaaf sakht kaarravaai kareinge jo mahilaaon ke liye samasyaaen paida karte hain. Adhyaadesh sansad mein laaya ja raha hai. Iske baad ham aise logon ke khilaaf sakht kaarravaai kar sakeinge. Yah sashastr balon par bhi laagoo hota hai. ' Antony se afaspa ke tahat aane vaale sashastr balon ke karmiyon ko adhyaadesh ke daayare se baahar rakhe jaane par mahila kaaryakartaaon ke virodh par pratikriya maangi gayi thi. Unhonne kaha ki sashastr balon ko dishaanirdesh jaari kar diye gaye hain ki mahilaaon ke khilaaf aparaadhon ko raksha mantraalaya katai naheen bardaasht karega. Antony ne kaha, 'Main aashvast karta hoon ki humne sashastr balon ko nirdesh diye hain ki mahilaaon ke khilaaf aparaadhon ke sambandh mein, hamaari neeti katai bardaasht naheen karne ki hogi. Ham sakht aur jald kaarravaai kareinge. '


Delhi Gang-rape Peedit Ke Dost Se Aaj Bachaav Paksh Ke Vakeel Kareinge Poochhataachh

Delhi Gang-rape Peedit Ke Dost Se Aaj Bachaav Paksh Ke Vakeel Kareinge Poochhataachh

India »

Nai Delhi: Delhi mein 16 December ki raat ko 23-varsheeya chhaatra ke saath gang-rape aur usaki hatya ke maamale mein adaalat mein sunavaai aaj jaari rahegi. Aaj bachaav paksh ke vakeel peedit chhaatra ke dost se poochhataachh kareinge. Mangalvaar ko peedit chhaatra ke dost, jo peshe se software engineer hain, unhonne apni gavaahi di aur paanchon aaropiyon ki pehchaan ki. Saath hi unhonne us bas ki bhi pehchaan ki, jismein gang-rape ki vaaradaat ko anjaam diya gaya tha. Bas ko khaastaur se court parisar mein laaya gaya tha. Peedit ka dost is maamale ka ikalauta chashmadeed hai. Ladki ke saath gang-rape se pehle is ladke ki buri tarah pitaai gayi thi aur abhi tak use chalne-firne mein pareshaani ho rahi hai, iseeliye mangalvaar ko vah wheelchair ke sahaare court aae the. Is maamale ki rojaana sunavaai hogi aur sabhi aaropi court mein roj pesh honge.


Delhi Rape Mein Asafal Rahane Par Yuvati Ke Munh Mein Lohe Ki Chhad Ghusedi

Delhi Rape Mein Asafal Rahane Par Yuvati Ke Munh Mein Lohe Ki Chhad Ghusedi

India »

Nai Delhi: Rajdhani Delhi mein dil dahala dene waali ghatna mein ek sthaaneeya bijli vitran company ke karmachaari ne kathit taur par ek yuvati ke ghar par usaka balaatkaar karne ki koshish ke dauraan uske munh mein lohe ki chhad ghused di. Yuvati ka ilaaj jaari hai aur usaki haalat gambhir bataai ja rahi hai. Police ne 25-varsheeya anil Kumar ko hatya ka prayaas aur balaatkaar ka prayaas ke aaropon mein giraftaar kiya hai. Yah ghatna somvaar ki raat hui, jab peedit laajapat nagar sthit apne ghar mein akeli thi. Police se mili jaankaari ke anusaar anil bijli ka maasik shulk lene gaya tha aur use jaanane ke kaaran yuvati ne use ghar mein daakhil hone diya. Police ne bataaya ki usane yuvati ko ghar mein akela paakar unke saath balaatkaar ki koshish ki aur virodh karne par uske munh mein chhad ghused di. Dakshin poorvi Delhi jila ke atirikt police aayukt Ajay chaudhari ne bataaya, uske munh mein jakhm hai aur gala ghotane ki koshish ke kaaran poori gardan par nishaan hain. Unhonne kaha ki anil mahila ko jaanta tha aur laajapat nagar ke jal vihaar ilaake mein rahata hai. Chaudhari ne bataaya, aage ki jaanch se pata chala ki anil ke maama Faridabad ke ismaailapur gaanv mein rahate hain aur vah vahaan chhip sakta hai. Is soochana par police ne ghar par chhaapemaari kar mangalvaar subah saadhe chaar baje anil ko giraftaar kiya.


Narendra Modi Aaj Shreeraam College Of Commerce Ke Chhaatron Ko Kareinge Sambodhit

Narendra Modi Aaj Shreeraam College Of Commerce Ke Chhaatron Ko Kareinge Sambodhit

India »

Nai Delhi: Gujarat ke mukhyamantri Narendra Modi aaj nai Delhi mein pratishthit shreeraam college of Commerce ke chhaatron ko sambodhit kareinge. BJP ke kuchh netaaon ne pradhaanamantri pad ke ummeedavaar ke taur par Modi ki daavedaari ka samarthan kiya hai. Modi pehle shri Ram memoriyl oreshan ko sambodhit kareinge. Iski shuruaat Delhi vishvavidyaalaya ke shreeraam college of Commerce ke sansthaapak ki yaad mein ki gayi hai. Is kaaryakram ke saath business kaunaklev-2013 ka samaapan hoga. Gujarat sarkaar ki or se jaari ek vaktavya mein kaha gaya ki college ne kainpas mein ek sarvekshan ke baad Modi ko aamantrit kiya hai. Sarvekshan mein chhaatron ne unhein sunane ki ichha ka sanket diya. Apni dinbhar ki Delhi yaatra ke dauraan Modi chauthi baar Gujarat ka mukhyamantri nirvaachit hone ke baad pehli baar pradhaanamantri Manmohan Singh se mileinge. Modi 12 February ko Mahakumbh mein hissa lene ke liye Allahabad bhi jaaenge. Haal ke hafton mein Modi ko pradhaanamantri pad ka ummeedavaar ghoshit karne ke liye party mein maang tej hoti ja rahi hai.


Madhya Pradesh Mein Faurest Officer Ke Ghar Chhaapemaari Mein Karodon Ki Sampatti Mili

Madhya Pradesh Mein Faurest Officer Ke Ghar Chhaapemaari Mein Karodon Ki Sampatti Mili

India »

Bhopal: Madhya pradesh mein sarkaari adhikaariyon aur karmachaariyon ke ghar lokaayukt ke chhaape jaari hain. Ujjain lokaayukt police ki ek team ne beeke Singh naam ke ek faurest officer ke Bhopal aur ujjain sthit gharon par chhaape maare. Aaranbhik jaankaari ke mutaabik is chhaapemaari mein faurest officer ke paas 23 karod se jyaada ki sampatti ka pata chala hai. Police ko beeke Singh ke paas madhya pradesh ke seehor, budhani aur uttar pradesh ke jaunapur mein 400 beegha jameen ke kaagajaat mile hain. Iske alaava uttar pradesh mein hi mairij garden ke alaava 10,000 square feet ka makaan, Varanasi mein hotel investameint, seehor mein firm house aur anya sampattiyon ke kaagajaat bhi mile hain. Police ko inke donon gharon se saat lakh rupaye cash aur laakhon ke gahane bhi mile hain.


PM Ne Kaha, Kai Uchch Shikshan Sansthaan Naheen Hain Stareeya

PM Ne Kaha, Kai Uchch Shikshan Sansthaan Naheen Hain Stareeya

India »

Nai Delhi: Vishv ke sheersh 200 vishvavidyaalayon ki soochi mein ek bhi bhaarateeya sansthaan ke naheen hone par afsos jataate hue pradhaanamantri Manmohan Singh ne kaha ki bhaarateeya shikshan sansthaan teevr badlaavon ke saath kadamataal karne mein vifal rahe. Pradhaanamantri ne is baat par jor diya ki in sansthaanon mein lacheelaapan laae jaane ki jaroorat hai taaki achhe shikshak unki or aakarshit ho sakein aur shikshan star ooncha ho kyonki uchchatar shiksha sansthaanon ki aksar is baat ke liye aalochna ki jaati hai ki yah shikshakon aur chhaatron donon ke liye anaavashyak sakht hai. Unhonne keindreeya vishvavidyaalayon ke kulapatiyon ke sammelan mein kaha, 'Hamein yah sveekaar karna chaahiye ki hamaare kai shikshan sansthaan upayukt star tak naheen pahunche hain. Unamein se kai ne haal ke varsh mein hamaare aaspaas hue teevr badlaavon ke anusaar apne ko naheen dhaala, ve bas aise snaatak paida kar rahe hain jinki naukariyon ke baajaar mein koi jaroorat naheen hai. ' Unki chinta is baat se bhi hai ki duniya ke sheersh 200 vishvavidyaalayon mein ek bhi bhaarateeya vishvavidyaalaya naheen hai.


Gujarat Mein 'Ped News Ke 400 Se Jyaada Maamale Chunaav Aayog

Gujarat Mein 'Ped News Ke 400 Se Jyaada Maamale Chunaav Aayog

India »

Nai Delhi: Chunaav aayog ne haal hi mein sampann Gujarat vidhaanasabha ke chunaavon ke dauraan 'Ped news' ke 400 se jyaada pusht maamalon ka pata lagaaya hai. Chunaav aayog ke ek sheersh adhikaari ne bataaya ki aayog ne 'Ped news' ke kam se kam 414 maamale paae hain aur aaropi ummeedavaaron ke khilaaf kaarravaai shuroo ki jaane waali hai. Aaropi ummeedavaaron ke chunaavi kharch mein vah kharch bhi shaamil kiya jaaega jo unhonne paise dekar apne paksh mein khabarein chhapavaane ke liye kiya. Adhikaari ne bataaya, 'Vibhinn media pramaanan evam nigraani samitiyon ki jaanch mein pata chala ki pichhle saal Gujarat mein hue vidhaanasabha chunaavon ke dauraan ped news ke kul 414 pusht maamale paae gaye. Chunaav aayog ne jila evam raajya star par aise maamalon ka pata lagaane ke liye media pramaanan evam nigraani samitiyon ka gathan kiya tha. Raajya ke chunaav adhikaariyon ne in maamalon par kya kaarravaai ki hai usaki report ka intajaar hai. ' Aayog ki or se Gujarat mein gathit vibhinn media pramaanan evam nigraani samitiyon ne 'Ped news' ke roop mein chihnit kareeb 500 maamalon mein notice jaari kiya tha.


Kolaget Virodh Kejriwal Ki Giraftaari Naheen, Peshi Ka Kareinge Likhit Vaada

Kolaget Virodh Kejriwal Ki Giraftaari Naheen, Peshi Ka Kareinge Likhit Vaada

India »

Nai Delhi: Kolaget ghotaale par pradarshan ke dauraan FIR darj hone ki vajah se aam aadmi party ke Arvind Kejriwal aur prashaant bhooshan court mein pesh hue. Court ne apna faisala sunaate hue kisi ki bhi giraftaari ke aadesh naheen diye. Court ne in sabhi ko agali sunavaai mein prastut hone ka likhit aashvaasan dene ka aadesh diya. Is mauke par Kejriwal ne ek baar fir police par shaantipoorn dhang se pradarshan kar rahe logon par case darj karne ka aarop lagaaya. Somvaar ko hi aam aadmi party ke pramukh Arvind Kejriwal ne keindreeya mantrimandal ki or se manjoor sanshodhit Lokpal vidheyak ki somvaar ko aalochna ki thi aur kaha ki yeh 'Shaktiviheen' hoga, kyonki CBI ab bhi sarkaar ke andar kaam karegi. Pashchimi Delhi mein ek saarvajanik baithak mein Kejriwal ne aarop lagaaya tha ki prastaavit Lokpal ke paas 'Koi shakti' naheen hogi kyonki sarkaar ne ise 'Shaktiviheen sanstha' banaaya hai. Kejriwal ne kaha ki sarkaar CBI ko svatantr naheen chhodna chaahati kyonki vah taakat aur agency ko niyantran mein rakhana chaahati hai. (input bhaasha se bhi)


Delhi Rape Mein Naakaam Aaropi Ne Ladki Ke Halak Mein Ghusaaya Sariya

Delhi Rape Mein Naakaam Aaropi Ne Ladki Ke Halak Mein Ghusaaya Sariya

India »

Nai Delhi: Dakshini Delhi ke laajapat nagar ilaake mein dil dahala dene waali ek vaaradaat mein 19-varsheeya ek ladki se rape mein naakaam hone par aaropi sthaaneeya bijli vitran company ke karmachaari ne use chup karaane ke liye uske munh mein lohe ka sariya ghusa diya, aur ghaayal kar bhaag gaya. Ladki ka ol India medical Institute of medical saainsej (ems) mein ilaaj chal raha hai, aur usaki haalat gambhir bataai ja rahi hai. Police ne aaropi 25-varsheeya anil Kumar ko balaatkaar ke prayaas tatha hatya ke prayaas ke aarop mein giraftaar kar liya hai. Police se mili jaankaari ke mutaabik somvaar ki raat ko ladki ghar mein akeli thi. Usi vakt anil bijli ka maasik shulk lene aaya, aur use jaanta hone ke kaaran ladki ne use ghar mein daakhil hone diya. Iske baad yuvati ko ghar mein akela paakar anil ne uske saath balaatkaar karne ki koshish ki. Ladki ne bachane ke liye ghar mein pada lohe ka ek sariya utha liya, aur use maarkar bhagaane ki koshish karte hue shor macha diya. Is par aaropi ne ladki ko chup karaane ke liye sariya chheenakar ladki ke munh se uske halak tak ghusa diya, aur faraar ho gaya. Shor sunakar aae padosiyon ne hi ladki ko ghaayal dekhkar use turant aspataal pahunchaaya. Dakshin poorvi Delhi jila ke atirikt police aayukt Ajay chaudhari ne bataaya, ladki ke munh mein gahra jakhm hai aur gala ghotane ki koshish ke kaaran poori gardan par nishaan bhi hain. Unhonne kaha ki anil bhi laajapat nagar ke jal vihaar ilaake mein hi rahata hai. Chaudhari ke anusaar, jaanch ke dauraan pata chala tha ki anil ke maama Faridabad ke ismaailapur gaanv mein rahate hain aur vah vahaan chhip sakta hai. Is soochana ke baad police ne ghar par chhaapemaari kar mangalvaar subah saadhe chaar baje anil ko giraftaar kiya.