Maayaavati Ne Utaare 18 Braahman Kaindidet

Maayaavati Ne Utaare 18 Braahman Kaindidet

India »

PTI. Lucknow BSP ne Loksabha chunaav ke liye is baar fir braahman card khelne ki taiyaari kar li hai. Party ne guruvaar ko is chunaav ke liye apne 36 ummeedavaaron ka aupachaarik taur par ailaan kiya. Inmein 18 kaindidet braahman hain. Is mauke par party supreemo maayaavati ne kaha ki chunaav ke nateeje achhe aur sabko hairat mein daalne vaale honge. Maayaavati ne kaha ki aane vaale Loksabha chunaav mein Modi factor BJP ke liye koi karishma naheen dikha paaega. Unhonne yah baat media ki or se poochhe gaye ek savaal ke javaab mein kahi. Daraasal, BJP ki or se Narendra Modi ko PM pad ka ummeedavaar project kiye jaane ko lekar patrakaaron ne maayaavati se unki pratikriya maangi thi. BSP UPA ka hissa naheen : Congress ki or se PM kaindidet ke ailaan ke baare mein poochhe jaane par maayaavati ne kaha ki BSP UPA ka hissa naheen hai. Ham sarkaar ko keval baahar se samarthan day rahe hain. Unhonne kaha ki yah savaal to UPA ke paartanaron se poochha jaana chaahiye. Thard frant ke baare mein poochhe jaane par maayaavati ne koi bhi kameint karne se mana kar diya. Unhonne kaha ki abhi jabki na to chunaav ki taareekhein tay hui hain aur naheen nateeje aae hain, aise mein is savaal ka koi matlab naheen hai.


Deharaadoon Se Lucknow Ki Flight 2 Se

Deharaadoon Se Lucknow Ki Flight 2 Se

India »

deharaadoon . . Air India deharaadoon se Lucknow ki flight 2 May ko launch karega. Yah udaan hafte mein chaar din hogi aur iska ek staupej Delhi bhi hoga. Aadhikaarik sootron ne guruvaar ko yah jaankaari di. Is flight ke liye uttaraakhand ke mukhyamantri vijay bahuguna ne airlines management ka aabhaar jataaya hai. Unhonne kaha ki yah seva na keval uttaraakhand ke logon ko sahooliyt degi, balki isse toorijm aur industry ko bhi badhaava milega. Gaurtalab hai ki bahuguna ne air India ke emadi rohit nandan se yah flight shuroo karne ke liye aagrah kiya tha.


Yuvak Ne Rel Ke Aage Koodakar Khudakushi Kar Li

Yuvak Ne Rel Ke Aage Koodakar Khudakushi Kar Li

India »

S pi raavat kurukshetr. . Haryana ke yamunaanagar mein maan baap ki maut ke baad apne chaacha chaachi ke paas rah rahe ek yuvak ne unki kathit prataadna se dukhi hokar jagaadhari railway station ke sameep railway pul par ek chalti train ke aage koodakar khudakushi kar li. Is maamale mein jahaan ek or bhaai aur bhaabhi khudakushi ka kaaran chaacha chaachi dvaara prataadit kiye jaane ka aarop laga rahe hain vaheen doosari or GRP is maamale mein postmortem report aane ke baad kaarravaai karne par adi hui hai. Filhaal shav ko postmortem ke liye bheja gaya hai. Jagaadhari kshetr ki raaja waali gali nivaasi manadeep ke maan baap ki maut ke baad usaki daadi ne manadeep ke paalan poshan mein asamarth hone ke kaaran use apne chhote bete ko paalne ke liye day diya. Us samay manadeep ki daadi ne is evaj va manadeep ke bhavishya ke liye apne chhote bete ko do lakh roopae aur das tole sone ke jevar bhi diye. Is dauraan manadeep ne apne chaacha chaachi ke paas rahane se pehle 9 veen kaksha tak padhaai kar li thi. Maan baap ka saaya sir se uthane ke baad vah naheen padh saka. Chaacha chaachi ke paas rahane ke dauraan vah unki bijli ke saamaan ki dukaan par kaam karne laga. Mrutak ke bhaai haradeep Singh va bhaabhi tatha logon ke mutaabik ab uske chaacha chaachi uske liye alag dukaan kholkar day rahe the. Guruvaar ko is dukaan ka mahurt tha. Lekin raat ko hi unki kisi baat ko lekar bahas ho gayi. Uske baad vah baaik uthaakar jagaadhari railway station ke sameep bane pul par chala gaya. Usi jagah subah usaki train se kati hui laash mili. Filhaal is maamale mein uske chaacha chaachi kuchh bhi kehne ko taiyaar naheen hain. Esaechao GRP jagaadhari Mahendra Singh ka kehna hai ki filhaal khudakushi kiye jaane ka maamala maankar 174 ke tahat kaaryavaahi ki gayi hai. Shikshit mahila hi desh ki sabse badi taakat: Hudda kurukshetr. . Haryana raajya baal kalyaan parishad ki upaadhyaksha aasha hudda ne kaha ki shikshit mahila hi desh ki sabse badi taakat hai. Mahilaaon ko shikshit kiye bina samaaj ka vikaas sambhav naheen hai. Isliye mahilaaon ko shikshit karke desh va pradesh ko pragati ki raah par laana hoga. Ve guruvaar ko dayaanand mahila mahaavidyaalaya mein ek karod 70 lakh ki laagat se bane nae bhavan ka lokaarpan karne ke baad college ke sabhaagaar mein deekshaant samaaroh mein bataur mukhya atithi bol rahi theen. Isse pehle raajya baal kalyaan parishad ki upaadhyaksha aasha hudda, aarya shiksha samiti ke Chairman evam Rajyasabha sadasya Dr. Raamaprakaash, college prabandhan samiti ke mahaasachiv Dr. Vidyaalankaar va college ki praachaarya Dr. Vijay lakshmi ne deep prajjavalit kar vidhivt roop se deekshaant samaaroh ka shubhaaranbh kiya. Is deekshaant samaaroh mein vibhinn sankaayon ki 263 chhaatraaon ko digriyaan dene ke alaava college ki shreshth kareeb 55 chhaatraaon ko sammaanit kiya gaya. Is samaaroh mein college ki sarvashreshth chhaatra aleesha ko sv. Ranbeer Singh smruti protsaahan puraskaar se sammaanit kiya gaya. Iske uparaant upaadhyaksha aasha hudda ne degree haasil karne aur avval rahane waali chhaatraaon ko badhaai dete hue tatha nae jeevan ki shurooaat par shubhaakaamanaaen dete hue kaha ki dayaanand mahila mahaavidyaalaya jaise achhe shikshan sansthaanon mein shaikshanik, saanskrutik aur naitik moolyon ki shiksha dekar chhaatraaon ko sashakt banaane ka kaam kiya ja raha hai. Degree haasil karne se shiksha ke maayane poore naheen hote. Shiksha ke saath-saath tap, gyaan, sanskruti, sheel, naitik aur aatmik gyaan ki shiksha bhi grahan karni hogi, tabhi maanav jeevan ki shiksha sahi maayanon mein poori samajhi jaaegi. Unhonne kaha ki desh ki sanskruti ki taakat shikshit mahila hi hai.


JDU Masale Par Bihar Ke Neta Fir Rajnath Se Mileinge

JDU Masale Par Bihar Ke Neta Fir Rajnath Se Mileinge

India »

vishesh samvaadadaata nai Delhi. . Narendra Modi ko lekar BJP aur JDU ke beech chal rahi tanaatani ke beech bhale hi BJP filhaal naram padti dikh rahi ho, lekin party ki Bihar ikaai ke neta guruvaar ko is baare mein party aalaakamaan ke samaksh apni rai rakheinge. Maana ja raha hai ki raajya ikaai ke neta chaahate hain ki party is maamale mein kisi bhi roop mein JDU ke saamane na jhuke aur Narendra Modi ko lekar JDU ki aapattiyon ko saaf taur par khaarij kare. Party sootron ka kehna hai ki party ka keindreeya aalaakamaan bhale hi is maamale par soch vichaar karke kadam uthaana chaahata ho lekin Bihar raajya BJP ke neta jaroor JDU se khaase naaraaj hain. Yahi vajah hai ki guruvaar ko jab Bihar BJP ke kor group ke sadasya party aalaakamaan ke saath baithak kareinge to jaroor is masale par bhi ve apni baat rakheinge. Haalaanki Bihar BJP ke kor group ki baithak bulaane ka, is vivaad se koi lena dena naheen hai. Is tarah ki baithak Loksabha chunaav ki taiyaariyon ke tahat sabhi raajyon ki BJP kor group ke sadasyon ke saath ki ja rahi hai. Mangalvaar ko UP kor group ki baithak thi aur isi kadi mein guruvaar ko Bihar ke kor group ke netaaon ko bulaaya gaya hai, lekin BJP sootron ka kehna hai ki is baithak mein JDU ke saath rishton par baat hona lagbhag tay hai. Iski vajah yah hai ki raajya BJP ke jyaadaatar neta is paksh mein hain ki Narendra Modi ko lekar BJP ko JDU ke saamane jhukane ki jaroorat naheen hai. Aise mein maana ja raha hai ki raajya BJP ke neta jaroor party aalaakamaan par dabaav daalne ki koshish kareinge ki party, JDU ke teekhe bayaanon ka usi ke andaaj mein hi javaab day. Party ke ek senior leedar ke mutaabik aisa naheen ho sakta ki pasand JDU ki ho aur kaindidet BJP tay kare. Is neta ka ishaara pradhaanamantri pad ke kaindidet ki or tha. Party sootron ka kehna hai ki guruvaar ko sambhavat: Party aalaakamaan bhi Bihar BJP netaaon ke samaksh JDU ko lekar apni rananeeti saaf karegi.


Reenyooebal Enarji Praudakshan Doguna Kareinge

Reenyooebal Enarji Praudakshan Doguna Kareinge

India »

vas . Nai Delhi : Pradhaanamantri Manmohan Singh ne kaha hai ki Bhaarat naveekaraneeya oorja (reenyooebal enarji) ke apne maujooda praudakshan ko is panchavarsheeya yojana ke dauraan dogune se jyaada karke 55 hajaar megaavaut tak pahunchaana chaahata hai. Unka yah bhi kehna hai ki reenyooebal enarji ka utpaadan badhaane ke liye is kshetr ko subsidy di jaani chaahiye. Pradhaanamantri ne yah baat Budhvaar ko svachh oorja par 20 deshon ke mantristareeya sammelan ka udghaatan karte hue kahi. Unhonne kaha ki 2012 tak Bhaarat ka reenyooebal enarji ka utpaadan kareeb 25 hajaar megaavaut tha. Ise 2017 tak 55 hajaar megaavaut kiya jaana hai. Is mauke par pradhaanamantri ne bhaari maatra mein green house gaison ke utsarjan ke liye viksit deshon ko aade haathon bhi liya. Unhonne kaha ki green house gaison se bachane ka ek hi tareeka hai- clean enarji ko badhaava dena. Unhonne kaha ki iske liye is kshetr ko subsidy diya jaana jaroori hai. Klaaimet change : Pradhaanamantri ne apne bhaashan mein klaaimet change par ho rahi vaartaaon ki dheemi raftaar par naaraajagi jaahir ki. Unhonne kaha ki global teinparechar ko kam karne ka lakshya lagta hai najaron se ojhal ho raha hai. Unhonne sabhi deshon se appeal ki ki ve oorja ke kam se kam istemaal karne waali takaneek ke vikaas par jor dein. Pradhaanamantri ne yah bhi kaha ki audyogik desh apni jimmedaari ko mahasoos karein.


Kaheen Kam Na Pad Jaae Anaaj

Kaheen Kam Na Pad Jaae Anaaj

India »

vas . Nai Delhi : Sanyukt raashtra ne sabhi deshon ko aagaah karte hue kaha hai ki jis teji se duniya ki aabaadi badh rahi hai, us raftaar se khaadyaann utpaadan naheen. Usaka kehna hai ki yadi haalaat aise hi rahe to aane vaale samay mein duniya ke jyaadaatar deshon ko khaadyaann sankat ka saamana karna pad sakta hai. Is masale par vichaar karne ke liye usane haal mein hi krushi visheshagyon ke ek sammelan ka bhi aayojan kiya. Sanyukt raashtra ke krushi evam khaadya sangathan (efaeo) ka kehna hai ki 2050 tak duniya ki aabaadi nau arab ke paar ho jaaegi aur is aabaadi ka pet bharne ke liye aaj ke mukaabale 60 feesadi jyaada khaadyaann ki jaroorat padegi. Efaeo ke mutaabik haal ke saalon mein vibhinn kaaranon se duniya ke jyaadaatar deshon mein khaadyaannon aur anya krushi utpaadon ki upaj mein kami aa rahi hai. Inmein jalavaayu parivartan ke saath hi keet-patangon ka aakraman, kheti ki jameen mein lagaataar aa rahi kami aur mitti ki kharaab hoti kvauliti shaamil hai. Efaeo ka kehna hai ki sabhi deshon ko krushi utpaadan badhaane ke liye aisi takaneekon ke vikaas mein jutana hoga, jisse kam kshetrafal mein jyaada utpaadan ho sake. Saath hi jalavaayu parivartan ke fasalon par padne vaale prabhaav se nipatne ki kaaragar takaneek bhi khojani hogi.


Cheen Ne Brahmaputr Par Baandh Sambandhi Prastaav Ko Taala

Cheen Ne Brahmaputr Par Baandh Sambandhi Prastaav Ko Taala

India »

vishesh pratinidhi . Nai Delhi Tibet ke ilaake mein brahmaputr nadi par baandh aur panabijli ghar banaane ko lekar cheen ne Bhaarat ke ek prastaav ko taal diya hai. Bhaarat ne cheen ki yojana ki saajha sameeksha ke liye sanyukt team banaane ka prastaav diya tha, lekin cheen ne yah kehkar ise taal diya ki vah ek jimmedaar desh hai aur apne padosi deshon ke saath kisi tarah ka galat aacharan naheen karega. Jaankaaron ke mutaabik, pichhle maheene daraban mein pradhaanamantri Manmohan Singh ne cheen ke raashtrapati shi chin fing se mulaakaat ke dauraan yah masala uthaaya tha. Ab jab videsh mantraalaya ne cheeni adhikaariyon ka dhyaan is or aakarshit kiya to cheeni adhikaariyon ne padosi deshon ko kisi tarah ka nuksaan naheen hone dene ki baat kahi. Lekin jaankaaron ka kehna hai ki Bhaarat, cheen se yah jor dekar aagrah karta rahega ki saajha sameeksha ke liye donon desh ya to ek jal aayog ka gathan karein ya fir antar sarkaari baatcheet karein ya ek sanyukt team banaane ki Bhaarat ki salaah maan lein. Gaurtalab hai ki cheen ne Tibet ke ilaake mein brahmaputr par teen bade baandh banaane ka kaam shuroo kiya hai. Uttar-poorv mein Tibet ke ilaake se hokar brahmaputr Bhaarat mein pravesh karti hai. Cheen filhaal in nadiyon se Bhaarat mein jalapravaah ki jaankaari ek visheshagya star ki vyavastha ke tahat Bhaarat ko deta hai. Usaka kehna hai ki yah vyavastha kaafi hai.


Sahayog Ki Gunjaaish Ki Talaash

Sahayog Ki Gunjaaish Ki Talaash

India »

- peiching mein shukravaar ko hogi baatcheet - videsh mantraalaya ke atirikt sachiv vaai ke sinha pahunche peiching Ranjit Kumar. Nai Delhi ek saal baad Afghanistan se ameriki fauj ke chale jaane ke baad vahaan paida hone vaale suraksha ki chunautiyon ko lekar Bhaarat aur cheen samaan taur par chintit hain. Isliye donon deshon ke aala adhikaari guruvaar ko peiching mein Afghanistan par baatcheet kareinge aur vahaan sahayog ki gunjaaish par charcha kareinge. Cheen ke videsh mantraalaya ke aala adhikaariyon se baatcheet ke liye bhaarateeya videsh mantraalaya mein atirikt sachiv vaai ke sinha ki aguvaai mein ek dal peiching mein hai. Cheen se vaarta ke pehle roos ke saath bhi bhaarateeya adhikaariyon ki baatcheet hui hai. Roos ka bhi yah maanana hai ki vahaan se ameriki fauj ke jaane ke baad hinsa ka maahaul banega, jisse poore ilaake mein asthirta paida hogi. Afghanistan ke masale par Pakistan ke rukh ke maddenajar Bhaarat aur cheen ab tak is tarah ki baatcheet se kataraate rahe hain, lekin cheen ne Afghanistan mein Pakistan ki bhoomika ko lekar apni rai badli hai. Cheen ne Afghanistan ke khanij aur petrolium dohan ke liye arabon dollar ke nivesh ki yojanaaen banaai hain aur yadi vahaan suraksha maahaul bigda to cheen vahaan apni aarthik gatividhiyaan naheen chala paaega. Cheen ko is baat ki bhi chinta hai ki yadi vahaan taalibaani taakatein fir satta mein lauteen to cheen virodhi aatankvaadi tatvon ko Afghanistan mein sharan le kar cheen mein hinsak kaarravaaiyon ko anjaam dene ka behtar mauka milega. Afghanistan mein Bhaarat ne bhi ab tak do arab dollar se adhik ka nivesh kiya hai. Yahaan paryavekshakon ka maanana hai ki ameriki fauj ke jaane ke baad vahaan taalibaan ka khauf paida huaa to bhaarateeyon ka vahaan tikna mushkil hoga. Haalaanki Bhaarat ne ab tak vahaan jis tarah ke vikaas kaarya poore kiye hain isse vahaan ke logon mein Bhaarat ke prati vishesh prem paida huaa hai. Afghanistan se ameriki fauj ke jaane ke baad vahaan suraksha ki jimmedaari Afghanistan naishanal army sanbhaalegi, lekin taalibaan se ladne mein iski kaabiliyt par shak jaahir kiya ja raha hai. Isliye Bhaarat, cheen aur roos Afghanistan mein raajaneetik sthirta ke liye mil kar kaam karne ki gunjaaish ka pata laga rahe hain. Yahaan jaankaaron ka maanana hai ki Afghanistan se ameriki fauj ke chale jaane ke baad vahaan taalibaan ka aatank failega aur aisi haalat mein aarthik gatividhiyaan chalaana mushkil ho jaaega. Cheen ne Afghanistan ke haajeegaak khadaanon mein taanba ke khanan ke liye ek arab dollar se bhi adhik ke nivesh ki yojana banaai hai. Iske alaava usane petrol dohan ke liye bhi ek bada ilaaka lene ka samjhauta Afghanistan sarkaar se kiya hai. In nivesh yojanaaon ko cheen aatank aur hinsa se mukt maahaul mein hi kaamayaab bana sakta hai.


Sanjoo Ko Supreme Court Se Mile Raahat Ke 4 Hafte

Sanjoo Ko Supreme Court Se Mile Raahat Ke 4 Hafte

India »

- ab sanjaya datt chaar hafte baad kareinge surrender - maanaveeya aadhaar par mili raahat - CBI ne mohlat dene ka kiya virodh pramukh samvaadadaata . Supreme court Mumbai blaast maamale mein aarms act case mein doshi karaar diye gaye film abhineta sanjaya datt ko surrender karne ke liye 4 hafte ki mohlat day di gayi hai. Supreme court ne sanjaya datt ko maanaveeya aadhaar par surrender karne ke liye yah vakt diya hai. Gaurtalab hai ki Supreme court ne 21 March ko sanjaya datt ko 5 saal kaid ki saja sunaate hue nirdesh diya tha ki vah 4 hafte mein surrender karein. Is hisaab se sanjaya datt ko 18 April ko surrender karna tha. Lekin datt ne surrender karne ke liye Supreme court se 6 maheene ki mohlat maangi thi. Sanjaya datt ki or se daakhil arji mein kaha gaya tha ki unhein 7 filmon ki shooting poori karne ke liye kuchh vakt chaahiye aur aise mein unhein surrender karne ke liye 6 maheene ki mohlat di jaae. Yaachika mein kaha gaya ki in filmon mein 278 karod rupaye lage hue hain. Supreme court ke Justice pi. Sadaasivm aur Justice bi. S. Chauhaan ki bench ne maanaveeya aadhaar par sanjaya datt ki arji par sunavaai karte hue 4 hafte ki mohlat di. Court ne yah bhi saaf kiya ki aage surrender karne ke liye ab koi vakt naheen diya jaaega. Sanjaya datt ki or se pesh senior edavoket hareesh saalve ne kaha ki vah ab koi samay naheen maangeinge. Maamale ki sunavaai ke dauraan saalve ki or se daleel di gayi ki vah sirf daya ke aadhaar par surrender ke liye mohlat dene ki maang kar rahe hain, unhonne iske liye koi samvaidhaanik aadhaar naheen banaaya hai. Budhvaar ko sunavaai ke dauraan Supreme court ne saalve se poochha ki kya unke muvakkil ko is baat ki jaankaari naheen thi ki 2007 mein adaalat ka faisala aaya hai? Jabki yaachika mein kaha gaya hai ki surrender karne ke liye isliye mohlat di jaae kyonki filmein poori karni hai aur un par karodon rupaye lage hue hain. Is par sanjaya datt ke vakeel ne daleel di ki mohlat diye jaane se unke muvakkil ko apne kamitmeint poori karne mein sahaayata milegi. Vaheen sunavaai ke dauraan CBI ki or se pesh adishnal solicitor general haren raaval ne arji ka virodh kiya. Unhonne kaha ki datt ki arji mein kamarshal aadhaar hai. Saath hi, kaha ki datt ki arji agar sveekaar ki jaati hai to is tarah ki kai arjiyaan aa jaaengi. Unhonne daleel di ki Supreme court ke cheef Justice ki aguvaai waali bench ne mangalvaar ko 3 doshiyon ki yaachika khaarij ki thi, un yaachikaaon mein bhjnyai daya yaachika ke niptaare tak surrender ke liye vakt diye jaane ki maang ki gayi thi. Is par hareesh saalve ne daleel di ki un teenon ki yaachika alag theen , usamein mool adhikaar se jude aadhaar bataae gaye the. Is par CBI ke vakeel ne kaha ki yaachika mein medical , umr aur anya aadhaar bhi the jise court ne khaarij kiya tha. Supreme court ne kaha ki sanjaya datt ko surrender ke liye 4 hafte se jyaada mohlat naheen dene ja rahi. Hamein 4 hafte ki Lakshman rekha laanghani naheen chaahiye. Supreme court ne CBI se kaha ki taada ke tahat jo maamale sanjaya datt ke khilaaf the , usamein vah bari ho chuke hain aur CBI ne us faisale ko chunauti naheen di , jabki anya maamale mein appeal kar rakh i hai.


JDU Masale Par BJP Mein Hogi Baat

JDU Masale Par BJP Mein Hogi Baat

India »

vishesh samvaadadaata. Nai Delhi Narendra Modi ko lekar BJP aur JDU ke beech chal rahi tanaatani ke beech bhale hi BJP filhaal naram padti dikh rahi ho, lekin party ki Bihar ikaai ke neta guruvaar ko is baare mein party aalaakamaan ke samaksh apni rai rakheinge. Maana ja raha hai ki raajya ikaai ke neta chaahate hain ki party is maamale mein kisi bhi roop mein JDU ke saamane na jhuke aur Narendra Modi ko lekar JDU ki aapattiyon ko saaf taur par khaarij kare. Party sootron ka kehna hai ki party ka keindreeya aalaakamaan bhale hi is maamale par soch vichaar karke kadam uthaana chaahata ho lekin Bihar raajya BJP ke neta jaroor JDU se khaase naaraaj hain. Yahi vajah hai ki guruvaar ko jab Bihar BJP ke kor group ke sadasya party aalaakamaan ke saath baithak kareinge to jaroor is masale par bhi ve apni baat rakheinge. Haalaanki Bihar BJP ke kor group ki baithak bulaane ka, is vivaad se koi lena dena naheen hai. Is tarah ki baithak Loksabha chunaav ki taiyaariyon ke tahat sabhi raajyon ki BJP kor group ke sadasyon ke saath ki ja rahi hai. Mangalvaar ko UP kor group ki baithak thi aur isi kadi mein guruvaar ko Bihar ke kor group ke netaaon ko bulaaya gaya hai, lekin BJP sootron ka kehna hai ki is baithak mein JDU ke saath rishton par baat hona lagbhag tay hai. Iski vajah yah hai ki raajya BJP ke jyaadaatar neta is paksh mein hain ki Narendra Modi ko lekar BJP ko JDU ke saamane jhukane ki jaroorat naheen hai. Aise mein maana ja raha hai ki raajya BJP ke neta jaroor party aalaakamaan par dabaav daalne ki koshish kareinge ki party, JDU ke teekhe bayaanon ka usi ke andaaj mein hi javaab day. Party ke ek senior leedar ke mutaabik aisa naheen ho sakta ki pasand JDU ki ho aur kaindidet BJP tay kare. Is neta ka ishaara pradhaanamantri pad ke kaindidet ki or tha. Party sootron ka kehna hai ki guruvaar ko sambhavat: Party aalaakamaan bhi Bihar BJP netaaon ke samaksh JDU ko lekar apni rananeeti saaf karegi.


Prinsi Ki Gulaabi Chamak Ka Raaj

Prinsi Ki Gulaabi Chamak Ka Raaj

India »

( photo - princie_diamond1, 2) iti . Heere ki chamak kabhi feeki naheen padti. New yaurk mein mangalvaar ko ek baar fir isi baat ki tasdeek tab hui jab Bhaarat ke golakunda ki khadaanon se nikla ek asaadhaaran heera neelaami mein 216 karod rupaye se jyaada mein becha gaya. Prinsi naam ka yah heera 34.65 kairat ka hai. Aitihaasik hai chamak asaadhaaran gulaabi rang ke is heere ki khaasiyat sirf iski itni badi keemat hi naheen hai balki ek aur cheej bhi hai. Vah hai iska svarnim itihaas. Is heere ke saath golakunda , Hyderabad ke nijaam aur Baroda ki mahaaraani seeta devi jaise charchit naam jude hue hain. Iska naam bhi seeta devi ke bete ke naam par rakha gaya tha aur iski kahaani bhi badi dilchasp hai. Seeta devi ko do cheejon ke liye jaana jaata hai. Ek to ratnon aur joolari se apne lagaav ke liye aur doosare , vivaadon se bhari doosari shaadi ke liye. Daraasal , seeta devi ne mahaaraaja prataap Singh Gaikwad se doosari shaadi karne ke liye aisa tareeka apnaaya jise lekar hangaama khada ho gaya. Apni pehli shaadi ko amaanya karaar dene ke liye unhonne pehle islaam kabool kar liya. Iske baad unhonne fir se hindu dharm kabool kar doosari shaadi ki. Mahaaraaja prataap Singh se unka ek beta huaa jiska naam prinsi tha. Europe mein prinsi ke saath rahane ka kharcha itna jyaada tha ki unhein apne kai ratn bechne pade. Haalaanki , ratnon se seeta devi ke bepanaah muhabbat ne unhein aisa kuchh diya jiski shaayad hi unhonne kalpana bhi ki ho. Vain Cliff aur orpals ne Hyderabad ke nijaam ke ratnon ke sangrah se gulaabi rang ka naayaab heera khareeda. Is khushi mein unhonne pairis mein jo party di usamein mahaaraani aur unke bete ko bataur special guest bulaaya gaya. Aur isi vakt unhonne is heere ka naam seeta devi ke 14 saal ke bete prinsi ke naam par rakh diya. Golakunda ki chamak prinsi heere ki neelaami karne waali sanstha - kristi ke mutaabik shaanadaar gulaabi heeron ke maamale mein golakunda sabse aage raha hai. Duniya ke chaar sabse bade gulaabi heere golakunda ki khadaanon se hi mile hain. Yahaan ki khadaanon mein 800 E . Poo . Se heere nikaale ja rahe hain. Kristi ke anusaar prinsi daayamand duniya ka teesara sabse bada gulaabi heera hai aur ise kareeb 300 saal pehle golakunda ki khadaan se nikaala gaya tha. Sabse mahanga ? Prinsi ki neelaami se pehle 2010 mein graaf pink naamak ek heere ko jineeva mein 4.4 karod ameriki dollar mein becha gaya tha. Us samay use neelaami ke itihaas mein sabse mahanga heera maana gaya tha. Prinsi aur graafapink ke alaava daaraya -1 noor (175 se 195 kairet ) aur noor - al - aain (60 kairet ) do anya bade gulaabi heere hain. Ye heere Iran ke mashahoor joolar kraaun ke paas the aur maana jaata hai ki in donon ko 242 kairet ke ek gulaabi heere se kaatkar banaaya gaya tha.


Swine Flu Se Indore Mein Ab Tak 16 Mare

Swine Flu Se Indore Mein Ab Tak 16 Mare

India »

PTI . Indore : Swine flu se yahaan ek aur shakhs ki maut ho gayi. Isi ke saath is saal is beemaari se marne vaalon ki taadaad 16 ho gayi. Inteegreted sarvilaans project ke adhikaari Doctor ji. L. Sodhi ne bataaya ki swine flu se 67 saal ke naanak Ram Dogra ki maut ke saath marne vaalon ka aankada 16 tak pahunch gaya hai. Unhonne bataaya ki is beemaari se peedit paanch aur logon mein se ek shakhs ki haalat naajuk hain. Sodhi ke mutaabik Indore mein January se lekar abhi tak 47 logon mein is beemaari ki pushti ho chuki hai.


Maaya Kodanaani Ko Dilaaegi Saja-A-maut

Maaya Kodanaani Ko Dilaaegi Saja-A-maut

India »

PTI. Ahmedabad Gujarat ke naroda paatiya mein saal 2002 mein hue dangon ke maamale mein Gujarat sarkaar ek naya kadam uthaane ja rahi hai. Sarkaar ne faisala kiya hai ki vah is case mein doshi karaar di gayi poorv mantri maaya kodanaani, bajarang dal neta babu bajarangi aur aath anya logon ko saja-A-maut dilaane ke liye haai court mein appeal karegi. Trial court ne in sabhi 10 logon ko umrakaid ki saja sunaai thi. Gaurtalab hai ki maaya kodanaani Narendra Modi ki sarkaar mein hi mantri rah chuki hain. Sarkaar jald hi special court ke is faisale ke khilaaf haai court mein appeal karegi. Gujarat ke asisteint pablik praujikyootar gauraang vyaas ne agency ko bataaya ki leegal dipaartameint ne iske liye teen vakeelon ka ek panel banaaya hai. Is panel se kaha gaya hai ki vah in sabhi 10 doshiyon ko maut ki saja dilaane ke liye appeal taiyaar kare. Yah appeal haai court mein daakhil ki jaaegi. Samay seema to khatm hui : Sarkaar yah appeal trial court ke faisale ke saat maheene ke baad kar rahi hai, jabki niyamon ke mutaabik faisala aane ke teen maheene ke bheetar hi ise chunauti dene ki appeal ki ja sakti hai. Deri hone ki vajah se sarkaar ko appeal daakhil karne se pehle haai court se aprooval lena hoga. Godhara kaand ke baad hue Gujarat dangon ke maamale mein vyaas aur kalpesh kogaje ko asisteint pablik praujikyootar aur senior vakeel prashaant Desai ko raajya sarkaar ka special pablik praujikyootar banaaya gaya tha. Agale hafte daakhil hogi appeal : Yah appeal agale hafte daakhil hone ki ummeed hai. Appeal mein haai court se yah bhi gujaarish ki jaaegi ki isi maamale mein umrakaid ki saja paane vaale 22 doshiyon ko 24 saal ke bajaae 30 saal kaid ki saja di jaae. Iske saath hi sarkaar is maamale mein 29 abhiyukton ko bari kiye jaane ke faisale ko bhi chunauti degi. Inaset-1 naroda paatiya danga Gujarat ke godhara mein saal 2002 mein saabaramati train ko foonke jaane ki ghatna ke theek ek din baad 28 February ko naroda paatiya ilaake mein hue dange mein 97 log maare gaye the. Is maamale mein trial court ne pichhle saal August mein apna faisala sunaaya tha. Inaset -2 VHP karegi virodh PTI. Ahmedabad : Vishv hindu parishad ( VHP ) ne Gujarat sarkaar ke is kadam ka kada virodh karne ka faisala kiya hai. VHP ke pradesh mahaasachiv ranachhod bhaaravaad ne kaha ki ham is faisale ki ninda karte hain. Yah dhakka pahunchaane vaala faisala hai. Ham mukhyamantri Narendra Modi se likhit taur par is faisale ko vaapas lene ki maang kar einge.


Mall Ki Doosari Manjil Se Girkar Yuvak Ki Maut

Mall Ki Doosari Manjil Se Girkar Yuvak Ki Maut

India »

teeenaen. Lucknow : Shahar ke hajarataganj ilaake mein ek maltipleks aur shauping mall ki doosari manjil se mangalvaar ki shaam ko ek 17 saal ka yuvak neeche gir gaya. Ladke ko trauma center mein bharti karaaya gaya tha, jahaan mangalvaar ki raat usane dam tod diya. Ladka haradoi jile ka mool nivaasi tha. Police ne bataaya ki seetaapur se 4 ladkon ka ek group mangalvaar ki shaam ko hajarataganj ke sahaara ganj mall mein ghoomane ke liye pahuncha tha. Mall mein ghoomate samay praanjal Dixit aur unka ek dost mall ki doosari manjil par lagi ek reling se latakakar ground flor par apne doston ke saath baatcheet karne ki koshish kar rahe the. Dixit ek gril pakadkar latake the. Achaanak unka haath reling se chhoota aur vah second flor se seedha mall ke ground flor par aa gire. Mall mein aae doosare logon ne ladkon ki madad ki aur ambulance ko phone kar bulaaya. Uske doosare dost saagar ko first Ed ke baad dischaarj kar diya gaya. Ghaayal ladke ko King George medical college ke trauma center mein bharti karaaya gaya. Doctoron ne ladke ka seeti scan karne ke baad use imarajeinsi vaurd mein bharti kar liya. Use okseejan par rakha gaya tha, lekin mangalvaar ki der raat ladke ki maut ho gayi. Lucknow ke mall mein pehle bhi haadase ho chuke hain. 27 April 2011 ko urmila Yadav ne foniks mall ki teesari manjil se chhalaang lagaai thi. Isse pehle 21 January 2011 ko pankaj kesaravaani ne isi mall ki paanchaveen manjil se chhalaang lagaakar jaan day di thi. 28 July 2010 ko supriya yogi tivaari fan ripblik ki chauthi manjil se kood gayi theen. Isse pehle 4 May 2010 ko 23 saal ki shruti Agrawal ne apne bauya freind se jhagade ke baad fan ripblik ki chauthi manjil se chhalaang laga di thi.


Balaraamapur Mein Car Taalaab Mein Giri, 3 Bachchon Ki Maut

Balaraamapur Mein Car Taalaab Mein Giri, 3 Bachchon Ki Maut

India »

vishesh samvaadadaata. Lucknow : Uttar pradesh mein balaraamapur jile ke dehaat kshetr mein cycle savaar ko bachaane ki koshish mein ek car aniyantrit hokar taalaab mein gir gayi, jisse usamein savaar 3 bachchon ki maut ho gayi aur 3 anya log jakhmi ho gaye. Vaheen aajamagadh jile ke sidhaari kshetr mein mangalvaar ko ek mahila apne 2 beton ko saath lekar chalti train ke aage kood gayi, jisse teenon ki maut ho gayi. Police sootron ke anusaar gonda ke nivaasi bi. N. Mishr apne parivaar ke saath deveepaatan mandir se darshan kar somvaar ki shaam car se laut rahe the. Chakava gaanv ke paas ek cycle savaar ko bachaane ki koshish mein car aniyantrit hokar sadak ke kinaare gahre taalaab mein ja giri. Aaspaas maujood graameenon ne taalaab mein utarakar bi. N. Mishr, unki patni nisha aur bete sachin ko to baahar nikaal liya, lekin unke teen anya bachche, Honey, shivaani aur shivm car mein fanse rahane ke kaaran doob gaye. Gotaakhoron ki madad se der raat shivm ka shav baraamad kar liya, jabki baaki donon shavon ki talaash ki ja rahi hai. Vaheen sidhaari thaana kshetr sthit dugadugava railway kraasing ke paas jahaanaaganj kshetr ke jalaalapur gaanv ki nivaasi archana devi apne 2 beton saahil aur sameer ko lekar saabaramati express ke saamane kood gayi, jisse train se katakar teenon ki maut ho gayi. Mauke se ek 'Susaaid not' mila hai, jismein mahila ne likha hai ki vah parivaar mein roj-roj hone vaale jhagadon se tang aakar apne beton samet khudakushi kar rahi hai.


Mahila Ko Raaste Se Hataane Ke Liye Kiya Tha Hamla

Mahila Ko Raaste Se Hataane Ke Liye Kiya Tha Hamla

India »

enabeeti news . Soneepat sector-23 sthit ek makaan mein mahila par chaakoo se hamla karne waali yuvati ko police ne giraftaar kar liya hai. Police ke saamane yuvati ne aarop ko sveekaar kar liya hai. Yuvati ke kabje se chaakoo aur skooti baraamad kar liya gaya hai. Police ne yuvati ko adaalat mein pesh kiya, jahaan se use nyaayik hiraasat mein jail bhej diya gaya. Police ne bataaya ki satyavati ke bayaan par yuvati ke khilaaf ghar mein daakhil hokar jaanleva hamla karne ka maamala darj kar use giraftaar kar liya gaya hai. Usane poochhataachh ke dauraan aarop ko sveekaar kar liya hai. Yuvati moolaroop se jila Panipat ke gaanv aataaki rahane waali hai. Usane poochhataachh mein sveekaar kiya hai ki uske satyavati ke pati jogendr ke saath dostaana sambandh the. Usane satyavati ko apne raaste se hataane aur jogendr se shaadi karke inki poori jaayadaad par kabja karne ke liye hamla kiya tha. Mahila ne police ko bataaya tha ki mangalvaar dopahar vah apne makaan par akeli thi ki isi dauraan ek agyaat yuvati skooti se vahaan pahunchi. Usane mahila ko usaki ladki yogita ki saheli ke roop mein apna parichay diya aur makaan mein daakhil ho gayi. Iske baad satyavati ko jaagaran ka maukhik nimantran dekar peene ke liye paani maanga. Jaise hi satyavati peechhe mudkar paani lene apni rasoi mein pahunchi to peechhe se is yuvati satyavati par chaakoo se hamla kar diya. Mahila ko ghaayal kar yuvati mauke se faraar ho gayi. Police ne bataaya ki sector-23 mein mangalvaar ko ek yuvati ne ghar mein ghuskar satyavati par chaakuon se taabadtod hamla kar gambhir roop se ghaayal kar diya tha. Soochana ke baad police ne maamale ki jaanch shuroo kar di thi. Police ne mangalvaar der raat peedit mahila ka bayaan darj kar kaarravaai shuroo ki thi.


Pabanaava Maamale Mein 2 Aur Logon Ki Giraftaari

Pabanaava Maamale Mein 2 Aur Logon Ki Giraftaari

India »

ek samvaadadaata . Kaithal pabanaava ki ghatna mein 2 aur logon ko giraftaar kiya gaya hai. Upaayukt chandrashekhar ne gaanv ke logon se shaanti vyavastha banaae rakhane ki appeal ki hai. Unhonne kaha ki sabhi logon ko apne gaanv mein pehle ki tarah hi prem aur bhaaichaara kaayam rakhana chaahiye. SP Kuldeep Singh Yadav ne bataaya ki pabanaava ke ghatna ke jimmedaar do logon master karan Singh aur pradeep ko giraftaar kiya gaya hai. Udhar, upaayukt ne bataaya ki esadeeem hava Singh ki nigraani mein pun: Sarvekshan ke liye adhikaariyon ki team ka gathan kiya ja chuka hai. Is team mein tahaseeladaar, naayab tahaseeladaar aur khand vikaas evam panchaayat adhikaari poondari ko shaamil kiya gaya hai. Yah team gaanv pabanaava mein 13 April ki raat ko hui ghatna ke baad gharon mein nuksaan ka aakalan karegi. Upaayukt ne bataaya ki jila prashaasan ki or se gram vaasiyon ko har jaroorat ko poora karne ke liye vishesh kadam uthaae gaye hain. Gaanv mein bijli, paani aur doodh ki saplaai bahaal ho gayi hai. Gaanv mein anaaj aur pashuon ke liye chaare ki vyavastha kar di gayi hai. Is maamale mein kul giraftaar logon ki sankhya 15 ho gayi hai. SP ne bataaya ki gaanv mein logon ko shaant karne aur aapasi prem aur bhaaichaara kaayam karne ke liye shaanti kamitiyon ka gathan kiya gaya hai. Unhonne bataaya ki gaanv mein suraksha ke maddenajar paryaapt police bal tainaat kiya gaya hai. Unhonne logon se gaanv mein aman aur chain ka vaataavaran banaane ke liye prashaasan se sahayog karne ki appeal ki.


Bachchon Aur Patni Ki Hatya Ke Aaropi Ne Jaan Di

Bachchon Aur Patni Ki Hatya Ke Aaropi Ne Jaan Di

India »

S. . Hodal : Do maasoom bachchon aur patni ki hatya ke aaropi sudheer ne mangalvaar der raat train se katakar apni jaan day di. Uske shav ki shinaakht uske bhaai vipin ne ki hai. Sudheer ne apne ghar se 2 kilometer ki door sthit farrukhabad station ke paas teran se katakar jaan di. Sudheer ne teen din pehle patni rekha, beti aur bete ki kapde se gala dabaakar hatya kar di thi. Iske baad unke shavon ko paas mein bane bathroom mein daal diya tha. Is ghatna ko anjaam dene ke baad sudheer ghar se faraar ho gaya tha. Police ne sudheer ki badi beti kaamini ke bayaan par hatya ka maamala darj kar sudheer ki talaash shuroo kar di thi. Hatya ke teen din baad police ko soochana mili ki sudheer ne farrukhabad station ke nikat teran se katakar jaan day di hai.


Sagaai Mein Goli Chalne Se Yuvak Ki Maut

Sagaai Mein Goli Chalne Se Yuvak Ki Maut

India »

bhaasha . Sanbhal : Uttar pradesh ke sanbhal jile ke rajapura thaana kshetr mein sagaai samaaroh ke baad laaiseinsi bandook se goli chal jaane se ek yuvak ki maut ho gayi. Police sootron ne bataaya ki rajapura thaana ke neeyaraavali gaanv mein aayojit sagaai samaaroh mein neeraj naam ke yuvak ke haath se laaisanesi bandook se achaanak goli chal gayi jo doolhe ke bahanoi 23 varsheeya ashok ki peeth mein ja lagi. Unhonne bataaya ki goli lagne se ashok ki mauke par hi maut ho gayi. Police ne raadha raman aur neeraj ke khilaaf case darj kar liya hai aur aaropi neeraj ko giraftaar kar liya hai.


2 Baaikars Ki Hatya

2 Baaikars Ki Hatya

India »

bhaasha . Rohtak : Jeend rod par ek agyaat vyakti ne do yuvakon ki hatya kar di. Police ne bataaya ki khaarakhoda ke sumit aur raajagadh gaanv ke ramesh par mangalvaar shaam us samay hamla kiya gaya, jab ve donon baaik se hokar kaheen ja rahe the. Sumit ki maut tatkaal hi ho gayi, jabki ramesh ne peejeeaaiemaes aspataal mein ilaaj ke dauraan dam tod diya. Police ne kaha ki maamala darj kar liya gaya hai aur jaanch ki ja rahi hai. Sadak haadase mein 2 ghaayal S. . Hodal : Enaech sthit banchaari gaanv ke nikat tiphiya vaahan ki takkar se baaik savaar 2 vyakti ghaayal ho gaye. Tiphiya chaalak tiphiya ko lekar ghatnaasthal se faraar ho gaya. Police ne ghaayal vyakti ke bayaan par tiphiya chaalak ke khilaaf maamala darj kar usaki talaash shuroo kar di hai. Dahej maamale mein case darj S. . Hodal : Police ne adaalat ke aadesh par mahila ke bayaan par sasuraal vaalon ke khilaaf maarapeet karne, dahej maangane aur jaan se maarane ki dhamaki dene ka case darj kiya hai. Hodal andhuaa patti nivaasi hemavati ne adaalat ko di shikaayat mein kaha tha ki usaki shaadi gaanv dakaura nivaasi dhanasinh ke saath hui thi. Sasuraal vaale dahej ke liye maarapeet karte the. Police ne sabhi aaropiyon ke khilaaf maamala darj kar liya hai. Juaa khelne ke aarop mein 4 pakade S . Revaadi : Mangalvaar ko model taaun police ne baaval rod se juaa khelte 4 aaropiyon ko giraftaar karne ka daava kiya. Aaropiyon ki pehchaan manohar laal, amit Kumar, Rajkumar aur pushkar ke roop mein hui hai. Police ne aaropiyon ke paas se 12,930 rupaye baraamad kiya hai. Aspataal mein todfod , case darj S . Jeend : Gandhinagar sthit niji aspataal mein todfod karne aur aspataal sanchaalak par hamla kar ghaayal karne ke maamale mein police ne 7 logon ko naamajad kar 14 logon ke khilaaf maarapeet karne, jaan se maarane ki dhamaki dene, sampatti ko nuksaan pahunchaane ka maamala darj kiya hai. Police maamale ki chhaanabeen kar rahi hai. Police shikaayat mein bataaya gaya tha ki somvaar ko darjanabhar se jyaada log aspataal mein ghus aae aur todfod shuroo kar di. Staaf ne rokane ki koshish ki to unke saath bhi maarapeet ki gayi. 587 students ko di degree enabeeti news . Kurukshetr : Budhvaar ko pandit chiranjeelaal sharma raajakeeya snaatakottar mahaavidyaalaya ke deekshaant samaaroh mein 587 students ko degree di gayi. Vidhaanasabha adhyaksh Kuldeep sharma ne college ke 25 students ko vibhinn gatividhiyon mein avval sthaan haasil karne par medal va prashansa - patra dekar sammaanit kiya. Sharma ne college ke vikaas ke liye 10 lakh ki raashi dene ki ghoshana ki. Ismein se 5 lakh ki raashi is varsh aur 5 lakh agale vitt varsh mein di ja egi.


100 Ekad Mein Khadi Gehoon Ki Fasal Hui Raakh

100 Ekad Mein Khadi Gehoon Ki Fasal Hui Raakh

India »

S, enabeeti news . Jeend, soneepat ujhaana gaanv mein mangalvaar dopahar aag lagne ki vajah se 100 ekad se jyaada khadi gehoon ki fasal barbaad ho gayi. Aag lagne ke kaaranon ka pata naheen chal paaya hai. Sootron ne bataaya ki ujhaana gaanv ke kheton mein dopahar baad achaanak gehoon ki khadi fasal mein aag lag gayi. Dekhte hi dekhte khadi fasal dhoo-dhoo jalne lagi aur thodi hi der mein door-door tak aag fail gayi. Graameenon dvaara fire briged ko soochana di gayi, lekin jab tak karmachaari pahunchate tab tak 100 ekad se jyaada kshetr mein faili fasal jalakar raakh ho chuki thi. Kisaan balabeer ke do ekad, daleep Singh ki 14 ekad, karmabeer ki saat ekad, bheera ki paanch, Indra Singh ki paanch, raaja ki teen ekad ki gehoon ki khadi fasal jalakar raakh ho gayi. Aagajani ka shikaar hue kisaanon ne prashaasan se jali gehoon ke evaj mein muaavaja diye jaane ki maang ki hai. Damakal karmi balajeet Singh ne bataaya ki gehoon ki kataai kar rahe majadoor khet mein chai bana rahe the ki achaanak aag ki chingaari udkar gehoon ki fasal mein ja pahunchi. Akhil bhaarateeya kisaan sabha ke kaaryakartaaon ne Budhvaar ko upaayukt M. L. Kaushik se milkar gaanv sivaaha, khedi taloda, ujhaana, nagooraan mein saikadaane ekad gehoon ki fasal jalne se hue nuksaan ki bharpaai ki maang ki gayi hai. Unhonne kaha ki jali hui fasal ka tees hajaar rupaye prati ekad tatha bhoose ka paanch hajaar rupaye prati ekad muaavaja diya jaae. Upaayukt ne aashvaasan diya ki is maamale mein CM se baatcheet ki jaaegi. Udhar, kharakhauda-soneepat rod par deran 8 ke paas bijli ka taar tootane se gehoon ki khadi fasal mein raakh ho gayi. Kheton mein kataai kar rahe logon ne police va damakal vibhaag ke karmachaariyon ki madad se aag par kaaboo paaya. Gehoon ki aavak joron par enabeeti news . Hisaar : Hisaar ki anaaj mandi mein gehoon ki aavak joron par hai. Sarkaari agencyon ne gehoon khareed ka kaam teji se shuroo kar diya hai. Mandi mein gehoon lekar aane vaale kisaanon ki suvidha ke liye vyaapak intajaam kiye gaye hain. Prashaasan ne kisaanon ki khareedi gayi gehoon ka 72 ghante ke bheetar bhugataan karne ke nirdesh jaari kiya hai. Haryana ki mandiyon mein chaaloo khareed mausam ke dauraan ab tak 18.65 lakh meetrik tan se adhik gehoon ki aavak hui hai. Haryana khaadya evam aapoorti vibhaag ke pravakta ne Budhvaar ko yah jaankaari di.


Doobne Se Do Bhaai Aur Ek Bahan Ki Maut

Doobne Se Do Bhaai Aur Ek Bahan Ki Maut

India »

enabeeti news . . Baagapat : Yamuna nadi mein nahaate hue do sage bhaai va bahan ki doob jaane se maut ho gayi. Badarakha nivaasi jameela yamuna khaadar mein gehoon kaatne ki majadoori par gayi thi. Mangalvaar dopahar mein usaka beta taalib (15) va saalib (12) aur beti nagama (10) usaka khaana lekar pahunche. Khaana dene ke baad teenon yamuna mein nahaane lage. Lekin ret khanan ke kaaran bane kundon mein teenon ki doobne se maut ho gayi.


Taantrik Par Naabaalig Ko Bhagaane Ka Aarop

Taantrik Par Naabaalig Ko Bhagaane Ka Aarop

India »

ek samvaadadaata . Bulandashahar nagar kotavaali kshetr ke muhalla deveepura se mandir mein puja karne gayi naabaalig ladki ke gaayab hone ki khabar hai. Ladki ke parijanon ne Budhvaar ko SSP aafis par pradarshan kar ladki ko baraamad karne ki maang ki. Ladki ke parijanon ne SSP ko di tahareer mein muhalle ke ek taantrik par bahala fusalaakar bhaga le jaane ka aarop lagaaya hai. Pita ka aarop hai ki mangalvaar ki shaam taantrik unki naabaalig beti ko bhagaakar le gaya.


7veen Ke Chhaatr Par Rape Ka Iljaam, Faraar

7veen Ke Chhaatr Par Rape Ka Iljaam, Faraar

India »

ek samvaadadaata . Bulandashahar yahaan 14 saal ke 7veen mein padhne vaale chhaatr par chhathi class ki naabaalig ladki se rape ka aarop hai. Case darj kar police maamale ki jaanch kar rahi hai. Narasaina thaana kshetr mein chhaatra apne pairants ke saath kheton mein kaam kar rahi thi. Police ka kehna hai ki ladki ki maan ne padosi ladke ke saath saaikal se ladki ko ghar bhej diya. Ladke ne raaste mein ladki ko ikh ke khet mein le jaakar uske saath rape kiya. Peedit ladki ne police ko bataaya ki aaropi ne gehoon kaatne waali daraati se use daraaya dhamakaakar uske saath balaatkaar kiya. Rape ki vaaradaat ko anjaam dekar aaropi mauke se faraar ho gaya. Ladki ke parijanon ne thaana narasaina mein jaakar FIR darj karaai hai. Seeo vandana mishr ne bataaya ki aaropi ka ladki ke ghar par pehle se hi aana-jaana tha. Ladki ki maan ne isi vishvaas par use ladke ke saath bhej diya. Ladki ko medical jaanch ke liye bheja gaya hai.


Pati Ke Dost Par Rape Ka Iljaam, Donon Faraar

Pati Ke Dost Par Rape Ka Iljaam, Donon Faraar

India »

ek samvaadadaata . Bulandashahar narasaina gaanv ki teen bachchon ki maan ne apne pati ke dost par rape ka aarop lagaaya hai. Mahila ka aarop hai ki sharaabi pati ne hi mangalvaar shaam ko usako apne saathi ke havaale kar diya. Aaropi saathi mahila ke saath rape kar faraar bataaya gaya hai. Peedit mahila ne seeo ko is sambandh mein tahareer di hai. Police ka kehna hai ki maamala donon taraf se avaidh sambandhon ka hai. Maamale ki jaanch ki ja rahi hai. Mahila ka aarop hai ki mangalvaar shaam pati aur usaka dost ghar mein baithakar sharaab pi rahe the. Mahila ne unhein sharaab peene se roka to pati ne maarapeet kar use apne dost ke havaale kar diya. Vah cheekhati chillaati rahi, lekin pati ne baahar se kamre ki kundi band kar di. Mahila ne seeo ki di tahareer mein pati ke dost par rape ka aarop lagaaya hai. Mahila ne bataaya ki uske teenon bachche vaaradaat ke samay ghar par maujood the. Mahila ka kehna hai ki jis dost ne uske saath rape kiya hai usaki patni se uske pati ke avaidh sambandh hain. Is maamale ko lekar gaanv narasaina mein mahila ke paksh mein panchaayat hona bhi bataaya gaya hai. Magar ghatna ke baad se mahila ka pati apne dost ke saath faraar bataaya gaya hai. Seeo vandana mishr ka kehna hai ki maamala donon taraf se avaidh sambandhon ka lag raha hai. Jaanch ki ja rahi hai. Faraar pati aur uske saathi ki talaash ki ja rahi hai.