Anna Ka Jantantra Morcha Banaane Ka Ailaan, Chunaav Se Raheinge Door

Anna Ka Jantantra Morcha Banaane Ka Ailaan, Chunaav Se Raheinge Door

India »

Patna: Saamaajik kaaryakarta anna hajaare ne Patna ke Gandhi maidaan mein raashtreeya star ka jantantra morcha banaane ka ailaan kiya hai. Yah morcha chunaavon se door rahega. Anna ne deshbhar mein logon ko jaagruk karne ko lekar aaj se naya abhiyaan shuroo kiya hai. Patna ke Gandhi maidaan mein jantantra rally ke jariye anna ne vyavastha- parivartan ki muhim shuroo ki hai. Unhonein kaha ki ab vyavastha mein badlaav hi hamaara lakshya hai. Anna ne kaha hai ki yah badlaav Lokpal, chunaav mein ummeedavaaron ko reject karne aur graamasabhaao ko satta dene se aaega. Krushi kshetr ki upeksha par to anna dhyaan kheecheinge hi saath hi kisaan sangathanon ko bhi ekajut karne ki koshish kareinge. Anna Patna ke baad February mein chaar raajyon ka daura kareinge.


Lekhak Salman Rushdi, Filmkaar Deepa Mehta Ki Kolkata Yaatra Radd

Lekhak Salman Rushdi, Filmkaar Deepa Mehta Ki Kolkata Yaatra Radd

India »

Kolkata: Lekhak Salman rushdi ki Kolkata yaatra antim kshanon mein radd ho gayi hai. Sootron ke mutaabik police aur raajya sarkaar ke dabaav ke chalte unki yaatra radd ki gayi hai. Rushdi apni prasiddh kitaab 'Midnights children' par film banaane waali nirdeshak deepa Mehta ke saath Bhaarat ke shaharon ki yaatra par hain. Yah film 1 February ko release hone ja rahi hai. Rushdi ne Mumbai aur Delhi ki yaatra poori kar li hai. Vah Kolkata ke ek five star hotel mein film vitrakon dvaara aayojit ek press conference ko deepa Mehta ke saath milkar sambodhit karne vaale the. Kolkata airport par aaj subah kareeb 200 muslim pradarshanakaariyon ne rushdi ke prastaavit aagaman ke khilaaf pradarshan kiya tha.


UP Tuition Padhne Se Mana Kiya To Chhaatra Ne Aag Lagaakar Di Jaan

UP Tuition Padhne Se Mana Kiya To Chhaatra Ne Aag Lagaakar Di Jaan

India »

Meerut: Uttar pradesh ke Meerut shahar mein ek chhaatra ko parijanon dvaara tuition padhne se mana karna itna adhik akhara ki usane kathit roop se khud ko aag lagaakar aatmahatya kar li. Chhaatra ki laash ghar ke bathroom se mili hai. SP city Omprakash ne bataaya ki shahar ke thaana naunchadi kshetr ke panchasheel ilaake ke nivaasi vedaant ki putri vedika (18) shahar ke ek college mein BCom dviteeya ki chhaatra thi. Vah pichhle kuchh dinon se tuition padhne ki jid kar rahi thi. Aaj fir vedika ne parijanon ke samaksh tuition padhne ki jid ki. Parijanon ke mana karne par vah ghar ki oopari manjil par apne kamre mein gayi aur kamre se sate bathroom mein jaakar khud ko aag laga li. Shor sunakar jab tak parijan mauke par pahunchate tab tak vah 80 feesadi se jyaada jal chuki thi. Unhonne bataaya ki vedika ko aspataal le jaaya gaya jahaan usaki upachaar ke dauraan maut ho gayi. Police ne shav ko postmortem ke liye bhejkar maamale ki chhaanabeen shuroo kar di hai.


Delhi Truck Driver Par JCP, DCP Ki Hatya Ki Koshish Ka Maamala

Delhi Truck Driver Par JCP, DCP Ki Hatya Ki Koshish Ka Maamala

India »

Nai Delhi: Delhi mein ek truck driver par traffic police ke sanyukt aayukt (JCP) Satyendra garg aur DCP traffic, south Delhi premanaath ki hatya ki koshish karne ka maamala darj kiya gaya hai. Maamala Delhi−noeda ko jodane vaale DND flyover ka hai, jahaan checking ke dauraan jab truck ko rokane ki koshish ki gayi, to usane donon police adhikaariyon ko kuchalane ki koshish ki. Filhaal truck driver faraar hai, jabki truck ke maalik ko hiraasat mein le liya gaya hai. Yah truck Haryana ke noonh ka hai.


Jab Mahaatma Gandhi Ne Desh Ko Alvida Kah Diya

Jab Mahaatma Gandhi Ne Desh Ko Alvida Kah Diya

India »

Nai Delhi: Delhi ke '5, tees January maarg' par mahaatma Gandhi ne apni jindagi ke antim 144 din bitaae the aur isi jagah 30 January 1948 ko unki hatya kar di gayi, lekin yaataayaat ke halke shor ke baavajood aaj bhi yahaan ki shaanti bhang naheen hui hai. Vistrut ilaake mein faile is sthaan mein ek sangrahaalaya hai, jahaan raashtrapita Gandhi ke jeevan aur jeevanadarshan ko pradarshit kiya gaya hai. Shaanti ke pujaari is mahaapurush ke baare mein yah vishvaas karna mushkil tha ki ek din ek hindu kattarpanthi Nathuram Godse dvaara unki nrushans hatya kar di jaaegi. Unki hatya shaam ki praarthana ke liye jaate vakt kar di gayi thi, jis maarg se Gandhiji gujre the us par cement ke padachinh bana diye gaye hain aur us sthaan par sangamaramar bichhaakar us par 'He Ram' ankit kar diya gaya hai. Safed dhoti pahane Gandhiji par teen baar goliyaan daagi gain. Unhein goli lagne ka pata tab chala jab unki safed dhoti par khoon ke dhabbe najar aane lage. Us vakt shaam ke 5.17 baj rahe the. Unka aakhiri shabd 'He Ram' the. Prasiddh patrakaar Kuldeep Nair ne us din ko yaad karte hue kaha, main us vakt urdoo akhbaar 'Anjaam' ke liye kaam kar raha tha. Mainne news agency ke tikr par chetaavani suni. Main bhaagte hue teleprinter ke paas pahuncha aur mainne avishvaseenaya shabd 'Gandhi ko goli lagi' padhe. Unhonne kaha, main kursi par gir pada, lekin hosh sambhaalate hue Birla house ki taraf bhaaga. Vahaan kolaahal macha huaa tha. Gandhi safed kapde par lete the aur har koi ro raha tha. Jawahar laal Nehru bilkul stabdh aur dukhi najar aa rahe the. Hindustaniyon dvaara pyaar se Bapu ke naam se bulaae jaane vaale Gandhiji ki 65veen punya tithi Budhvaar ko manaai ja rahi hai.


'Vishvaroopam Vivaad Kamal Hassan Ne Kaha, Insaaf Naheen Mila To Desh Chhod Doonga

'Vishvaroopam Vivaad Kamal Hassan Ne Kaha, Insaaf Naheen Mila To Desh Chhod Doonga

India »

Chennai: Apni mega bajat film 'Vishvaroopam' ko lekar jaari vivaad par aahat nirdeshak-abhineta kamal Hassan ne aaj kaha hai ki unke dil mein insaaf milne ki ummeed ab bhi kaayam hai, lekin agar ab is desh mein unhein koi dharmanirpeksh jagah naheen mil paai, to vah desh chhodne ke liye bhi taiyaar hain. Bhaavuk svar mein diye gaye vaktavya mein kamal Hassan ne kaha ki adaalat se unhein nyaaya milne ki aasha hai, lekin Tamil Nadu sarkaar unhein raajya se bhagaana chaahati hai. Unhonne yah bhi kaha ki vah sirf ek kalaakaar hain, aur vah jahaan bhi jaaenge, unki kala hamesha unke saath rahegi. Unhonne kaha ki unhein naheen maaloom ki yah khel kaun khel raha hai aur ab unhein is vivaad ke baad mahasoos ho raha hai ki Tamil Nadu sarkaar unhein yahaan naheen rahane dena chaahati hai, isliye unhein rahane ke liye ek dharmanirpeksh jagah ki jaroorat hai. Unhonne behad aahat svar mein kaha ki yadi unhein aisi jagah Bhaarat mein naheen milti hai, to vah videsh chale jaaenge. Vaise unhonne kaha ki Tamil Nadu ko chhodkar Kashmir se Kerala tak vah aisi jagah dhoondheinge, parantu agar kisi bhi raajya mein unhein sharan naheen milti to vah kisi na kisi dharmanirpeksh desh ko talaash leinge. Unhonne kaha ki makabool fida husain (mashahoor painter MF husain) ko bhi aisa karna pada tha, aur ab Hassan bhi aisa hi karega. Kamal Hassan ne saaf kiya ki yadi desh chhodne ki naubat aati hai, to bhi vah apne logon (prashansakon) se naaraaj naheen hain aur tamil mein hi filmein banaate raheinge. Unhonne kaha ki main sirf ek kalaakaar hoon aur kisi bhi dharm ko dosh naheen day raha hoon. Mujhe ummeed hai ki mere prashansak shaanti banaae rakheinge, jinmein bahut-se muslim bhi shaamil hain. Mainne muslimon ko apni film iseeliye dikhaai thi, kyonki ve mere bhaai hain. Hassan ne kaha, mainne is film ke liye apni saari jaayadaad girvi rakh di hai aur release mein deri ke kaaran apna ghar bhi ganva chuka hoon. Kamal ke mutaabik film ki kahaani Afghanistan par aadhaarit hai, isliye vah hairaan hain ki bhaarateeya muslimon ko kis cheej ne aahat kiya aur is baat se bhi unhein aashcharya hota hai ki sirf ek film poore desh ki ekta ko kaise bigaad sakti hai. Gaurtalab hai ki Madras High Court dvaara ban hataae jaane ke baavajood 'Vishvaroopam' ki mushkilein barkaraar hai, kyonki is faisale ke khilaaf Tamil Nadu sarkaar ki appeal par Madras High Court mein fir sunavaai hogi aur sambhavat: Dopahar baad faisala aaega.


Kabhi Boxing Mein Naam Kamaane Vaala Kamal Kumar Aaj Utha Raha Hai Kooda

Kabhi Boxing Mein Naam Kamaane Vaala Kamal Kumar Aaj Utha Raha Hai Kooda

India »

Kanpur: Boxing ke raajyastareeya khilaadi kamal Kumar kai medal jeet chuke hain, lekin gareebi se tang aakar vah aajkal kooda uthaane ka kaam kar rahe hain. Kanpur ke gvaalatoli ilaake mein vah rikshe par ghar-ghar jaakar kooda uthaate hain aur bache hue samay mein paan ki dukaan lagaate hain. Vaise, kamal aise naujavaanon ke liye misaal hain, jo snaatak ki padhaai ke baad mile chhote-mote kaamon ko chhod dete hain. Unke anusaar, koi kaam chhota naheen hota. Gaurtalab hai ki bachapan se hi boxing ka shauk rakhane vaale kamal ne poori mehnat se kiye abhyaas se 1991 mein jilaastareeya pratiyogita mein svarn padak jeeta aur 1993 mein UP olympic mein kaansya padak aur usi saal junior national championship Ahmedabad mein uttar pradesh ka pratinidhitv kiya. Iske baad 2004 mein jilaastareeya pratiyogita mein rajat aur 2006 ke raajya khelon mein kaansya padak jeeta. In sabhi upalabdhiyon ke baad bhi soobe ke is boxer ko apne parivaar ka pet paalne ke liye ek adad naukri ki darkaar thi, lekin sarkaar ne is khilaadi ki taraf koi dhyaan naheen diya. Aakhirkaar use kooda uthaane ka kaam karna pada. Kamal ko tatkaaleen raajyapaal Motilal vora aur raajya khelon mein poorv mantri kalaraaj mishra ne kaansya padak se sammaanit kiya tha, lekin gareebi ke chalte khel peechhe chhoot gaya aur kaheen sarkaari naukri bhi na mili. Iske baad jab parivaar par bhookhe marne ki naubat I to kamal ne saare medal ghar mein taang diye aur snaatak ki degree bhi dhari ki dhari rah gayi. Vaise, aaj kamal ke teen bete hain aur unamein se do bete kamal ke padachinhon par chalte hue boxing seekh rahe hain. Kamal ka sapana hai ki vah apne bachchon ko achha boxer banaae taaki bachche desh ka naam roshan kar sakein. Kamal ka doosra beta aaditya dhanaraaj kaksha aath ka chhaatr hai aur national boxing khel chuka hai. Bete ka kehna hai ki vah pita ke sapanon ko poora karna chaahata hai.


Justice Varma Ko PM Ka Khat, Kaha, Report Par Jald Kaarravaai Hogi

Justice Varma Ko PM Ka Khat, Kaha, Report Par Jald Kaarravaai Hogi

India »

Nai Delhi: Delhi gang-rape ke baad desh mein mahilaaon ki suraksha aur unke khilaaf hone vaale aparaadhon ke liye sajaaon ki sifaarish karne vaale Justice JS varma ko pradhaanamantri Dr Manmohan Singh khat likhkar jald kaarravaai ka aashvaasan diya hai. Dr Manmohan Singh ne khat mein is baat ke liye Justice varma ki prashansa bhi ki hai ki unhonne itne samvedansheel mudde par sirf 30 din mein apni report saunp di, aur kaha ki sarkaar unki sifaarishon par jald se jald kaaryavaahi karegi. Gaurtalab hai ki Bhaarat ke poorv pradhaan nyaayaadheesh nyaayamoorti JS varma ne mahila suraksha ke liye sarkaar se kai kadam uthaane ki sifaarish ki hai. Inmein vibhinn kism ke yaun utpeedn aur hinsa se nipatne aur peediton ko teji se nyaaya dilaane ke liye naya kaanoon banaana shaamil hai. Delhi mein 23 saal ki chhaatra ke saath saamoohik balaatkaar ke saptaah bhar baad 23 December ko teen-sadasyeeya samiti ka gathan keindreeya gruh mantraalaya ne kiya tha. Samiti mein Himachal pradesh ki poorv mukhya nyaayaadheesh leela seth aur poorv solicitor general gopaal subrahmanyam bhi shaamil the. Varma ne kaha tha ki samiti ka kaarya Bhaarat mein mahilaaon ko surakshit aur sammaanapoorn maahaul muhaiya karaane mein sarkaar ki vifalta ka samaadhaan pesh karna tha. Varma ne kaha ki samiti ke kuchh prastaav desh ki aparaadh sanhita mein sanshodhan ke liye sansad mein lambit vidheyak mein shaamil kiye ja sakte hain. Kareeb maheene bhar kaam karne waali varma samiti ko 80 hajaar sujhaav mile. Inmein mahila kaaryakarta, vakeel, shikshaavid aur videsh ke kai professor aur vidvaan shaamil the. Delhi gang-rape ke baad keindreeya gruh sachiv RK Singh dvaara Delhi ke police aayukt neeraj Kumar ki taareef karna varma ko raas naheen aaya. Unhonne kaha ki jab maafi maange jaane ki ummeed thi, us samay yah (police commissioner ki peeth thapathapaana) sunakar kaafi hairat hui. Saamoohik balaatkaar ke baad deshbhar mein hue pradarshanon par varma ne yuvaaon ki paripakva pratikriya ke liye unki taareef ki. Pradarshan ke dauraan police kaarravaai ko lekar varma naakhush the. Unhonne kaha ki shaantipoorvak pradarshan kar rahe logon par laatheechaarj ne bhaarateeya lokatantr ko daagadaar kiya hai.


Sarkaar Sthir Hai, Aur Isteefon Ki Aashanka Naheen Shettaar

Sarkaar Sthir Hai, Aur Isteefon Ki Aashanka Naheen Shettaar

India »

Bengaluru: Poorv mukhyamantri BS yediyurappa samarthak aur mantriyon evam vidhaayakon ke isteefe dene ke khatre ke beech Karnataka ke mukhyamantri jagadeesh shettaar ne Budhvaar ko kaha ki unki sarkaar sthir hai tatha unhein aur isteefon ki aashanka naheen hai. Shettaar ne yahaan kaha,''Main sabhi bhaajapa vidhaayakon ke sampark mein hoon. Ve vidhaanasabha ki sadasyata se isteefa naheen dene ja rahe. '' udhar, apni raajaneetik daavapeinch se bhaajapa sarkaar ke liye sankat khadi karne vaale yediyurappa ne shettaar ko chunauti di yadi 'Unke paas bahumat hai to ve bajat pesh karein. ' Bijapur jile ke Indy mein samvaadadaataaon se baatcheet mein yediyurappa ne kaha, ''Kuchh aur mantriyon evam vidhaayakon ke isteefe ka intajaar keejiye. Main kisi par isteefe ke liye dabaav naheen daal raha. '' haalaanki kal 12 vidhaayakon ke isteefe ke baad bilkul maamooli bahumat se apni sarkaar chalaane vaale shettaar ne mangalvaar ko aarop lagaaya tha ki in vidhaayakon ne dabaav mein isteefa diya. Unhonne kaha,''Sarkaar sthir hai aur main (8 February ko) bajat pesh karoonga. '' unhonne is aarop ka khandan kiya ki vidhaanasabhaadhyaksh ke ji bopaiya ne vidhaayakon ke tyaagapatr sveekaarane mein deri kar raajaneeti ki hai. Upamukhyamantri evam pradesh bhaajapa adhyaksh ke S ishvarappa ne kaha ki yadi Congress avishvaas prastaav laati hai to sarkaar usaka mukaabala karne ko taiyaar hai. Ishvarappa ne 4 February se shuroo ho rahe bajat satr se pehle is sankat aur usase nibatne ke taur tareekon par shettaar, bhaajapa mahaasachiv anant Kumar evam raashtreeya swayamsevak sangh ke neta santosh samet sheersh netaaon ke saath baatcheet ki hai. Kal 13 asantusht bhaajapa vidhaayak raajya sachivaalaya mein vidhaanasabhaadhyaksh se unke kaaryaalaya mein mile the aur unhonne vidhaanasabha ki sadasyata se apna isteefa unhein saunpa tha. Kai ghante baad isteefe manjoor kiye gaye the. Ek vidhaayak vittaala katakadonda ka isteefa takaneeki kaaranon se asveekaar kar diya gaya. Baarah asantusht vidhaayakon ke isteefe ke baad vidhaanasabha mein bhaajapa ke paas 105 sadasya, Congress ke paas 71 tatha janta dal secular ke paas 26 sadasya hain jabki saat nirdaleeya vidhaayak evam vidhaanasabhaadhyaksh hain. Ek nirdaleeya vidhaayak sarkaar ka samarthan kar rahe hain.


Vishvaroopam Par Bole Shinde, Ham Pata Lagaaenge Ki Kya Huaa Hai

Vishvaroopam Par Bole Shinde, Ham Pata Lagaaenge Ki Kya Huaa Hai

India »

Nai Delhi: Bhaari bharakam bajat ki film 'Vishvaroopam' ke release ko lekar dikkaton ka saamana kar rahe filmstar kamal Hassan ke samarthan mein aate hue kendra ne Budhvaar ko kaha ki desh mein har kisi ko abhivyakti ki svatantrata hai aur kalaakaaron ko apni pasand ka kaam karne ki poori aajaadi hai. Kendreeya gruhamantri susheel Kumar shinde ne kaha, '' hamaara svatantr samaaj hai jahaan abhivyakti ki aajaadi hai. Kalaakaaron ko aajaadi hai. Hamaara apna ek samvidhaan hai. '' unase kamal Hassan ke us bayaan par savaal kiya gaya tha ki Tamil Nadu sarkaar naheen chaahati ki vah raajya mein rahein aur vah raajya chhodkar ja sakte hain aur desh ya videsh mein koi dharmanirpeksh jagah talaashakar vahaan raheinge. Vishvaroopam ke release ki raah mein aa rahi dikkaton ke baare mein poochhane par shinde ne kaha ki kuchh raajyon mein kuchh dikkatein hain aur vah ise dekheinge (ki kya dikkat hai). ''Ham dekheinge. Ham pata lagaaenge ki kya huaa hai. ''


Bhaarat-Pakistan Ke Beech Bas Seva Aaj Se Dobaara Shuroo

Bhaarat-Pakistan Ke Beech Bas Seva Aaj Se Dobaara Shuroo

India »

Shreenagar: Jammu-Kashmir ke punchh ilaake se Pakistan ke saath bas seva aaj se dobaara shuroo ho gayi hai. Vaheen vyaapaar mangalvaar se shuroo hoga. Sabse pehle 80 yaatriyon ko lekar Bhaarat ke punchh se aaj teen basein Pakistan ke Rawalkot ke liye ravaana huin. Yeh bas seva niyantran rekha par 8 January ko paida hue tanaav ke baad se thap thi. Sootron ke anusaar, sabse pehle donon deshon mein fanse yaatriyon ko bas mein safar karne ka mauka diya ja raha hai. Beete teen hafton se Pakistan ke 100 se jyaada naagrik Jammu-Kashmir mein is bas seva ke band hone ki vajah se fanse hue the. Gaurtalab hai ki Pakistani sena ke dvaara LOC par do bhaarateeya sainikon ki hatya ke baad se Pakistan ne bas seva aur vyaapaar ko rok diya tha.


Karnataka Ke CM Shettaar Se Mile Rajnath, Bole Sarkaar Par Khatra Naheen

Karnataka Ke CM Shettaar Se Mile Rajnath, Bole Sarkaar Par Khatra Naheen

India »

Nai Delhi: Karnataka ke mukhyamantri jagadeesh shettaar ne Delhi aakar BJP ke nae adhyaksh Rajnath Singh se mulaakaat ki. Is mulaakaat ke peechhe ki vajah Karnataka BJP ke ve 13 vidhaayak hain, jinhonne BS yediyurappa ke samarthan mein BJP chhodane ka faisala kar liya. Patrakaaron se baat karte hue party ke raashtreeya adhyaksh Rajnath Singh ne kaha ki Karnataka mein BJP sarkaar ke aage koi sankat naheen hai aur vah apna kaaryakaal poora karegi. Isse poorv mukhyamantri shettaar ne spasht kar diya tha ki vah bhaajapa ke siddhaanton se samjhauta naheen kareinge chaahe, unki sarkaar ka astitv khatre mein kyon na ho. Mulaakaat ke baad shettaar ne samvaadadaataaon ko bataaya ki Rajnath Singh ke bhaajapa pramukh banane ke baad yeh ''Shishtaachaar mulaakaat '' thi aur vah raajya ke vidhaayak dal ke neta ke roop mein Karnataka ke liye nae neta ka 'Aasheervaad' lene aae the . Sootron ne bataaya ki donon netaaon ne dakshin Bhaarat mein pehli bhaajapa sarkaar ke bhavishya ko lekar vaarta ki. Raajya ke sankat ke baare mein poochhe jaane par unhonne kaha, ab tak kisi vidhaayak ne isteefa naheen diya hai. Beeti shaam Hubli se ek vishesh vimaan se yahaan pahunche shettaar ne vishvaas jataaya ki bhaajapa sarkaar apna kaaryakaal poora karegi. Baad mein vah Bengaluru ke liye ravaana ho gaye. Singh ne beete shukravaar ko shettaar se kaha tha ki vah bhaajapa ke siddhaanton se samjhauta naheen karein, bhale hi dakshini raajya mein sarkaar ke astitv ko hi khatra kyon na paida ho jaae. Party ne kaha hai ki use sankat se ubarane ki ummeed hai. Gaurtalab hai ki Karnataka janta party pramukh yediyurappa ke vafaadaar 13 vidhaayak vidhaanasabha ki sadasyata se apne isteefe saunpane ke liye beete Budhvaar vidhaan sabha adhyaksh ke ji bopaiyya se milne gaye the. Lekin bopaiyya ke maujood naheen hone ke kaaran unhonne baad mein apne isteefe ki pratiyaan raajyapaal H aar Bhardwaj ko saunpi thi. 225 sadasyeeya Karnataka vidhaanasabha mein bopaiya ko chhodkar bhaajapa ke 117 sadasya hain aur use saadhaaran bahumat ke liye 113 ki jaroorat hai. Congress ke 71 aur janta dal S ke 26 sadasya hain. Sadan mein saat nirdaleeya tatha do pad rikt hain. Ek sadasya naamit hai. (inputs bhaasha se bhi)


'Hindu Aatankvaad Sambandhi Bayaan Par Shinde Ke Khilaaf Sunavaai Aaj

'Hindu Aatankvaad Sambandhi Bayaan Par Shinde Ke Khilaaf Sunavaai Aaj

India »

Nai Delhi: Delhi ki ek adaalat mein aaj gruhamantri susheel Kumar shinde ke khilaaf daayar ki gayi maanahaani ki yaachika par sunavaai hogi. Hindu aatankvaad par diye gaye vivaadaaspad bayaan ke maamale mein shinde ke khilaaf yeh yaachika daayar ki gayi hai. Jaipur mein hue Congress ke chintan shivir mein shinde ne kaha tha is baat ke kai saboot hain ki RSS aur BJP hindu aatankvaad ko badaava dene mein lage hain. Yaachikaakarta ne is maamale par kaha hai ki shinde ne apne bayaan se poore hindu samudaaya ko thes pahunchaai hai iseeliye usane shinde ke khilaaf yeh yaachika daayar ki hai.


Delhi Gang-rape Juvenile Justice Board Ne Chhathe Aaropi Ko Naabaalig Maana

Delhi Gang-rape Juvenile Justice Board Ne Chhathe Aaropi Ko Naabaalig Maana

India »

Nai Delhi: Delhi gang-rape maamale mein juvenile Justice board ne chhathe aaropi ko naabaalig maana hai. Iske saath hi board ne Delhi police ki bon test ki maang naamanjoor kar di hai. Ab is aaropi ka case juvenile court mein chalega. Daraasal, chhathe aaropi ki umr ko lekar shuroo se hi vivaad chala aa raha hai. UP ke ek school principle ne aaropi ka jo certificate diya hai, uske mutaabik usaki umr 17 saal aur chhah maheene hai, jabki Delhi police chaahati thi ki aaropi ka bon test kar usaki umr ka pata lagaaya jaae. Udhar, Delhi gang-rape maamale ki sunavaai ke liye banaai gayi fast track court mein aaj bachaav paksh ke vakeel aaropon ke tay hone ke maamale par bahas kareinge. Iske baad jaise hi aaropiyon par aarop tay ho jaaenge, trial shuroo ho jaaega.


Telangaana Samarthakon Aur Police Ke Beech Jhadap, Governor Se Mile Congress Neta

Telangaana Samarthakon Aur Police Ke Beech Jhadap, Governor Se Mile Congress Neta

India »

Hyderabad: Kendra sarkaar dvaara pruthak telangaana raajya ke gathan sambandhit nirnaya ko anishchitkaal ke liye sthagit karne ke ek din baad somvaar ko is kshetr mein fir se ubaal aa gaya hai, aur pradarshanakaari pruthak raajya ke gathan ki maang ko lekar sadkon par utar aae hain. Somvaar dopahar ko baithak karne ja rahe Congress ke kuchh vidhaayakon aur mantriyon dvaara isteefa de sakane ki charchaaon ke beech varishth neta aur raajya ke panchaayati raaj mantri jana Reddy ne somvaar ko raajyapaal ESL narasimhan se mulaakaat ki. Daraasal, Congress ke bheetar hi telangaana ke mudde par mataikya naheen hai, kyonki telangaana kshetr ke party vidhaayak nae raajya ki maang kar rahe hain, jabki anya donon ilaakon - seemaant Andhra aur raayalaseema- ke vidhaayak aisa naheen chaahate. Ullekhaneeya hai ki raajya ki kiran Reddy sarkaar ke paas jo bahumat hai, vah bahut maamooli hai, kyonki 294 seaton waali vidhaanasabha mein 148 seaton ke saath unhein sirf ek seat se bahumat mila hua hai, aur yadi unke telangaana ilaake ke vidhaayakon ne isteefa de diya to sarkaar sankat mein aa jaaegi. Iske saath hi lagaataar doosare din usmaaniya vishvavidyaalaya mein tanaav barkaraar hai. Police, vidyaarthiyon ko juloos nikaalne ki anumati naheen de rahi hai. 'Jaya telangaana' ka naara lagaate hue vidyaarthiyon ne raajya vidhaanasabha ke paas sthit park ki or badhne ki koshish ki, lekin police ne unhein peechhe khaded diya aur vishvavidyaalaya ke sabhi dwaar band kar diye. Police ne shahar ke madhya sthit nijaam college mein 30 se adhik vidyaarthiyon ko us samay giraftaar kar liya, jab unhonne gan park sthit telangaana shaheed smaarak ke liye juloos nikaalne ki koshish ki. Indira park mein bhi tanaav bana hua hai, jahaan telangaana sanyukt kaarravaai samiti (GAC) ke sadasya lagaataar doosare din apna virodh pradarshan jaari rakhe hue hain. Indira park tak juloos nikaalne ki koshish kar rahe vidyaarthiyon ke saath police ki us samay jhadap hui, jab police ne unhein rokane ki koshish ki. Kuchh pradarshanakaariyon ne avarodhakon ko hata diya, lekin police adhikaariyon ne fir bhi unhein rok diya. Police ne pradarshanakaariyon ko indira park ki or badhne ki anumati naheen di, kyonki rally ke liye poorv anumati naheen li gayi thi. Bhaarateeya communist party (bhaakapa) ki raajya ikaai ke sachiv ke. Narayana aur party ke anya neta tatha kaaryakarta ek juloos ke roop mein indira park pahunche. Indira park mein subah se hi logon ki bheed jama hone lagi thi, kyonki vibhinn dalon ke neta aur vidyaarthi bhi pradarshan mein shaamil ho gaye hain. Warangal shahar ke kaakatiya vishvavidyaalaya mein bhi virodh pradarshan ho raha hai. Telangaana samarthak kuchh vidyaarthi botalon mein petrol lekar ek imaarat par chadh gaye aur unhonne dhamaki di ki yadi police dvaara giraftaar anya vidyaarthiyon ko riha naheen kiya gaya to ve aatmahatya kar leinge. Vidyaarthiyon ki giraftaari us samay ki gayi thi, jab ve juloos nikaalne ki koshish kar rahe the. Vaheen Delhi mein bhi is maang ko lekar alag-alag dalon ki or se pratikriyaaen aa rahi hai. CPI ke neta di raaja ne kaha hai ki poore hangaame ke liye keval Congress hi jimmedaar hai aur is poore maamale par usaka kya paksh hai yeh abhi tak saaf naheen hai. Vaheen BJP neta prakaash jaavadekar ne kaha hai Congress is maamale ko lataka rahi hai aur vah iske hal ke paksh mein naheen hai. Telangaana raashtra samiti ne kaha hai ki vah is masale par apni rananeeti ka ailaan somvaar shaam ko karegi. Udhar, telangaana se chune gaye Congress ke saansadon aur vidhaayakon par isteefa dene ka dabaav bad gaya hai. Isse poorv telangaana ko pruthak raajya banaane ki maang ko ek baar fir taal diya gaya. Kendra sarkaar aur Congress ka kehna hai ki is masale par abhi aur charcha ki jaani hai jismein kuchh aur samay lag sakta hai. Haalaanki telangaana ke gathan ki maang kar rahe pradarshanakaariyon ne apna aandolan aur tej kar diya.


Bengaluru Chhutti Naheen Di To Constable Ne SI Ko Goli Maari

Bengaluru Chhutti Naheen Di To Constable Ne SI Ko Goli Maari

India »

Bengaluru: Karnataka ki rajdhani Bengaluru mein chhutti na milne se naaraaj ek police constable ne apne hi thaane ke sab inspector ki goli maarkar hatya kar di. Aaropi police constable ka naam aanand Kumar hai aur usaki umr 45 saal hai. Police adhikaariyon ke mutaabik, duty ke vakt aur chhuttiyon ko lekar constable aur sab inspector ke beech kaafi nokajhonk hui thi, jiske baad sipaahi ne apni rifle se sab inspector par goli chala di.


Aasheesh Nandi Ne Kaha, Tod-marodkar Pesh Kiya Gaya Bayaan

Aasheesh Nandi Ne Kaha, Tod-marodkar Pesh Kiya Gaya Bayaan

India »

Nai Delhi: NDTV se baatcheet karte hue aasheesh nandi ne kaha ki unke bayaan ko tod-marodkar pesh kiya gaya hai. Idhar, haalaanki lekhak aur buddhijeevi is maamale ko khatm karne ki baat kar rahe hain, lekin police ne kaha hai ki vah is maamale par samaaroh ke aayojakon se aupachaarik poochh-taachh karegi. Ravivaar ko police ne aasheesh nandi ke panel discussion vaale video footage liye the. Bataaya ja raha hai ki ek team aasheesh nandi se poochh-taachh karne ke liye Delhi bhi aa sakti hai. Aasheesh nandi ke khilaaf IPC ki dhaara 506 aur SC ST kaanoon ki dhaara 310 ke tahat maamala darj kiya gaya hai. Bavaal hone ke baad aasheesh nandi ne safaai di ki mujhe lagta hai ab vivaad khatm ho jaaega. Kisi ko agar mere bayaan se thes pahunchi ho to main khed prakat karta hoon, lekin vaise mainne aisa kuchh bhi naheen kaha tha. Gaurtalab hai ki mahotsav mein 'Vichaaron ka ganaraajya' vishay par aayojit satr mein nandi ne kaha tha ki yeh abhadr aur asanskrut bayaan hoga. Lekin yeh sach hai ki sabse bhrasht vyakti OBC, SC aur ab bade paimaane par ST se aa rahe hain. Aur jab tak aisa hota rahega, bhaarateeya ganaraajya jinda rahega. Unhonne kaha, main ek udaaharan dena chaahoonga. Sabse kam bhrasht raajya pashchim Bengal hai. Pichhle 100 varshon mein OBC, SC, ST varg ke log satta ke najadeek bhi naheen pahunche. Yeh poori tarah se svachh raajya hai.


Taaj Corridor Maamala SC Ne Maayaavati, CBI Aur Kendra Ko Bheja Notice

Taaj Corridor Maamala SC Ne Maayaavati, CBI Aur Kendra Ko Bheja Notice

India »

Nai Delhi: Supreme court ne taaj corridor maamale mein basapa neta maayaavati, kendra sarkaar aur CBI ko notice jaari kiya hai. Daraasal, taaj corridor maamale mein raajyapaal ne maayaavati ke khilaaf mukadama chalaane ki ijaajat naheen di thi, jis par Allahabad High Court mein yaachika daayar ki gayi. Jab yaachika Allahabad High Court mein khaarij ho gayi to yaachikaakarta Supreme court chale gaye, jahaan ab ye notice jaari kiye gaye hain. Supreme court ne raajyapaal ki anumati ke bina taaj corridor ghotaala maamale mein uttar pradesh ki poorv mukhyamantri maayaavati par mukadama chalaane ki maang karne waali yaachika par unase javaab maanga hai. 17 karod rupaye ke taaj corridor ghotaale mein Justice HL dattoo aur Justice ranjan gogoi ki bench maayaavati ke puraane cabinet sahayogi naseemuddeen Siddiqui ko bhi notice bheja hai. Yaachikaakartaaon ka daava hai ki is maamale mein raajyapaal ki ijaajat ke bagair bhi case chal sakta hai. Gaurtalab hai ki maayaavati aur basapa neta aur maayaavati ke vakeel sateesh chandra mishra ne adaalat mein daakhil yaachikaaon ko raajaneeti se prerit hokar uthaaya gaya kadam bataaya hai.


Cheen Ki Tulana Mein Jyaada Yogya Hai Bhaarateeya Yuva Kaaryabal Manpower

Cheen Ki Tulana Mein Jyaada Yogya Hai Bhaarateeya Yuva Kaaryabal Manpower

India »

Davos: Vaishvik shram baajaar mein cheen ki tulana mein Bhaarat apne yuva aur angreji bolne vaale shramabal ki vajah se laabh ki sthiti mein hai. Maanav sansaadhan salaahakaar manpower ne yeh baat kahi hai. Manpower samooh ke adhyaksh (vaishvik corporate evam sarkaari maamale) David arcless ne kaha, iske baavajood Bhaarat sarkaar aur companiyon ko bhavishya ke liye kaushal ki jaroorat par samajh banaane ki aavashyakta hai. Saath hi unhein isi ke maddenajar apni yuva aabaadi ko prashikshit karne ki jaroorat hai, jisse rojagaar baajaar mein aapoorti aur maang ka santulan kaayam rakha ja sake. Vishv aarthik manch ki saalaana baithak mein shaamil hone aae arcless ne kaha ki vah bhaarateeya shram baajaar ko lekar ummeedavaan hain, haalaanki vaishvik star par sthitiyon mein utaar-chadhaav aur anishchitta hai. Unhonne kaha, ham apne graahakon ko bata rahe hain ki bhavishya mein ek cheej hi nishchit hai aur yeh hai anishchitta. Ham jaante hain ki utaar- chadhaav rahega. Ham apne sabhi sahayogiyon ko kah rahe hain ki yeh saamaanya baat hai. Bhaarateeya shram baajaar ke baare mein poochhe jaane par unhonne kaha ki yeh ubharate baajaaron ka paramparaagat shram baajaar naheen hai. Yeh ek alag prakaar ka pratibha wala baajaar hai. Bhaarateeya arthavyavastha cheen tatha duniya ki ubharati arthavyavasthaaon ki tulana mein alag tareeke se kaam karti hai.


Sharaabi Pita Ne Do Maasoom Betiyon Ke Honth, Naak Chabaae, Patni Ki Bhi Pitaai Ki

Sharaabi Pita Ne Do Maasoom Betiyon Ke Honth, Naak Chabaae, Patni Ki Bhi Pitaai Ki

India »

Bikaner: Bikaner jile ke shreekolaayat thaana ilaake mein kal raat ek sharaabi pita ne apni paanch maheene aur teen saal ki betiyon ki pitaai kar unke haath, honth aur naak chaba gaya. Donon bachchiyon ko gambhir haalat mein Bikaner aspataal laaya gaya hai jahaan se ek beti raadha ko Jaipur bheja gaya hai. Shreekolaayat police thaane mein jaanch adhikaari poorn Singh ke anusaar siyaana gaanv ka aaropi shivdaan Singh rajput sharaab ke nashe mein ghar pahuncha aur patni saroj devi ki pitaai ki. Aaropi ne baad mein kamre mein so rahi paanch maheene ki beti raadha aur teen saal ki beti bhanvari ki pitaai karna shuroo kar diya. Singh ke anusaar, aaropi raadha ke honth, naak, gaal aur badi beti bhanvari ka haath chaba gaya. Padosiyon ki soochana par police ne mauke par pahunchakar aaropi shivdaan Singh ke khilaaf bhaarateeya dand sanhita ki dhaara 326, 341, 323 aur 324 ke tahat maamala darj kar use giraftaar kar liya. Police ne ghaayal maan aur betiyon ko shreekolaayat ke sarkaari aspataal mein bharti karavaaya. Bikaner PBM aspataal ke shishu rog chikitsak Girish prabhaakar ne bataaya ki maan aur donon betiyon ka upachaar shuroo kar diya gaya. Unhonne bataaya ki paanch maheene ki raadha ke oopar ke honth ke oopari hissa aur naak ka nichla hissa bhi naheen tha. Dr. Prabhaakar ke anusaar, Bikaner aspataal mein cosmetic surgery naheen hone ke kaaran raadha ko Jaipur bheja gaya hai.


Modi Ke Samarthan Mein Khulkar Aae Yashavant Sinha, Jad (you) Naaraaj

Modi Ke Samarthan Mein Khulkar Aae Yashavant Sinha, Jad (you) Naaraaj

India »

Nai Delhi: Bhaajapa mein dabe-chhipe uth rahi maangon ko aavaaj dete hue party neta yashavant sinha ne Gujarat ke mukhyamantri Narendra Modi ko pradhaanamantri pad ka daavedaar banaane ki khulkar vakaalat ki. Ispar raajag ke pramukh ghatak dal jad (you) ne saaf taur par naakhushi jataai hai. Varsh 2002 ke Gujarat dangon ka havaala dete hue Modi ke khilaaf virodh darj karaane waali jad (you) ko sinha ne salaah di ki Modi par nishaana naheen saadhein. Sinha ne kaha, 'Kai din se charcha ho rahi hai. Jab main yaatra karta hoon to aam aadmi aur kaaryakartaaon ki or se purajor maang uthati hai ki Narendra Modi ko pradhaanamantri pad ka daavedaar banaaya jaana chaahiye kyonki isse party ko laabh hoga. ' unhonne kaha, 'Gambheerta se vichaar karne ke baad mainne mahasoos kiya hai ki agar bhaajapa Modi ko apna pradhaanamantri pad ka daavedaar ghoshit karti hai to bhaajapa ko chunaav mein bade star par faayda hoga. Matadaataaon par iska vyaapak asar padega. Mujhe ismein koi sandeh naheen hai. ' sinha ne kaha ki aisa hua to bhaajapa ko filhaal anumaanit seaton se bhi adhik sankhya mein seatein mileingi. Poorv videsh mantri sinha ne kaha ki pradhaanamantri pad ke ummeedavaar ke baare mein nirnaya party ko lena hai lekin kaaryakartaaon aur janta ki bhaavana yahi hai. Unhonne kaha ki haaliya sarvekshanon mein Modi ko pradhaanamantri pad ke anya sabhi daavedaaron se kaafi aage bataaya gaya hai aur unhein is tarah pesh karne ka yeh sahi vakt hai.


Shinde, Chidambaram Ke Khilaaf Maamala Darj Karne Ka Nirdesh

Shinde, Chidambaram Ke Khilaaf Maamala Darj Karne Ka Nirdesh

India »

Hyderabad: Andhra pradesh mein ek adaalat ne somvaar ko telangaana mudde par dhokhaadhadi ke liye keindreeya gruh mantri susheel Kumar shinde aur keindreeya vitt mantri pi. Chidambaram ke khilaaf maamala darj karne ka police ko nirdesh diya. Rangaareddi jila adaalat ne LB nagar police thaane ko nirdesh diya ki donon mantriyon ke khilaaf maamala darj kiya jaae. Ek vakeel ne apni yaachika mein adaalat se shikaayat ki thi ki donon mantriyon ne pruthak raajya ke gathan ki apni ghoshana se peechhe hatkar telangaana ke logon ke saath dhokhaadhadi ki hai. Yaachikaakarta ne kaha ki gruh mantri shinde ne sarvadaleeya baithak ke baad 28 December ko vaada kiya tha ki ek maheene ke bheetar mudde ka hal nikaal liya jaaega. Isi tarah tatkaaleen gruh mantri Chidambaram ne nau December 2009 ko ghoshana ki thi ki telangaana raajya gathan ki prakriya shuroo ki jaaegi. Yaachikaakarta ne aarop lagaaya ki baad mein Chidambaram apni baat se palat gaye aur is tarah unhonne logon ke saath dhokha kiya.


Telangaana Ke Liye Isteefa Deinge Congress Ke Saat Saansad

Telangaana Ke Liye Isteefa Deinge Congress Ke Saat Saansad

India »

Hyderabad: Telangaana se sambandh rakhane vaale Congress ke saat saansadon ne pruthak raajya ke gathan mein vilamb ke virodh mein sansad aur party, donon se isteefa dene ka somvaar ko nirnaya liya. Saansadon ne yahaan baithak ke baad ghoshana ki ki ve Loksabha adhyaksh ko sambodhit apne tyaagapatr party adhyaksh Sonia Gandhi ko mangalvaar ko bhej deinge. Saansadon ne kaha ki ve party netrutv se kaheinge ki ek saptaah ke andar pruthak telangaana raajya ke gathan par koi nirnaya liya jaae, athva unke isteefe Loksabha adhyaksh ke paas bhej diye jaaen.


Delhi Gang-rape Peedita Ke Parijan Kishor Nyaaya Board Ke Faisale Ko Deinge Chunauti

Delhi Gang-rape Peedita Ke Parijan Kishor Nyaaya Board Ke Faisale Ko Deinge Chunauti

India »

Baliya: Delhi saamoohik balaatkaar kaand ke chhathe gunahagaar ko naabaalig thaharaane ke kishor nyaaya board ke faisale ko saamoohik balaatkaar ki shikaar ladki ke parijan nyaayaalaya mein chunauti deinge. Ladki ke bhaai ne kishor nyaaya board ka faisala aane ke baad kaha ki faisala durbhaagyapoorn hai. Parivaar ke log is maamale mein vidhivettaaon se baatcheet kareinge tatha ise saksham nyaayaalaya mein chunauti deinge. Parijan is baat ke liye hargij taiyaar naheen hai ki naabaalig gunaahagaar ko faansi se kam saja mile. Bhaai ne doharaaya ki naabaalig aaropi ko bhi faansi ki hi saja mile, iske liye kendra sarkaar ko jald se jald kaanoon mein badlaav karna chaahiye. Vah kehte hain ki parivaar ke log kabhi bhi raaji naheen honge ki ghatna ko anjaam dene mein sabse aham bhoomika nibhaane vaale naabaalig aaropi ko mahaj teen varsh ki hi saja ho. Ladki ke bhaai ne kaha ki nyaayaalaya ne school ke abhilekh par faisala diya hai, jabki usaka medical pareekshan karaaya jaana chaahiye tha. Medical pareekshan hua hota to sach saamane aa gaya hota. Unhonne yeh bhi aashanka jataai ki school ke abhilekh mein janm tithi ankit karne mein farjeevaada ka sahaara liya ja sakta hai.


Lagaataar Paanchavi Baar Beejad Adhyaksh Chune Gaye Naveen Patanaayak

Lagaataar Paanchavi Baar Beejad Adhyaksh Chune Gaye Naveen Patanaayak

India »

Bhuvaneshvar: Orissa ke mukhyamantri naveen patanaayak nirvirodh roop se lagaataar paanchavi baar sattaarudh Biju janta dal (beejad) ke adhyaksh chune gaye. Raajya ke peethaaseen adhikaari prabhaat tripaathi aur beejad ke vhip nein kaha, 'Adhyaksh pad ke liye chunaav karaane ki koi jaroorat naheen hai kyonki kisi anya ne naamaankan daakhil naheen karaaya. ' Tripaathi ne bataaya ki naamaankan patron ki chhaanabeen hui aur party ne apne adhyaksh pad ke liye patanaayak ke naam ki aupachaarik ghoshana ki hai. Gaurtalab hai ki varsh 1997 mein pita Biju patanaayak ke nidhan ke baad naveen ne beejad ka gathan kiya aur party mein har teen saal ke baad chunaav hote hain. Is mauke par naveen ne kaha, 'Mujhe paanchavi baar beejad ka adhyaksh chunane ke liye main sabhi ka aabhaari hoon. ' saath hi unhonne kaha ki party ne logon ka vishvaas aur bharosa haasil kiya hai. Adhyaksh chune jaane ke baad naveen ne nau upaadhyakshon ke saath 81 sadasyeeya kaaryapaalak samiti ki ghoshana ki. Pehle upaadhyakshon ki sankhya chaar thi. Inke alaava 10 mahaasachiv aur 10 sachiv honge.