Aasaaram Ne Aalochakon, Media Ko Kaha 'Bhaunkane Vaale Kutte

Aasaaram Ne Aalochakon, Media Ko Kaha 'Bhaunkane Vaale Kutte

India »

Nai Delhi: Dhaarmik pravachan karne vaale Aasaaram ne Delhi saamoohik balaatkaar peedita ke baare mein diye gaye apne vivaadaaspad bayaan ki chaaron taraf ho rahi aalochanaaon se vichlit hone ke bajaay ulte apni tippaniyon ko nyaayochit thaharaane ki koshish ki aur apni aalochna karne vaalon ko 'Bhaunkane vaale kutte' karaar diya. Aasaaram ne apni tulana us haathi se ki jo 'Bhaunkane vaale kutton' par dhyaan naheen deta aur kaha ki 16 December ko hui saamoohik balaatkaar ki ghatna ke baare mein diye gaye unke bayaan ko media aur aalochakon ne galat arth mein liya. Aasaaram ne apne samarthakon ko sambodhit karte hue kaha, 'Pehle ek kutta bhaunkta hai. Iske baad ek anya kutta bhaunkta hai. Jald hi pados ke sabhi kutte bhaunkna shuroo kar dete hain. ' unhonne swayam apni or ishaara karte hue kaha, 'Yadi haathi kutton ke peechhe daudta hai, tab kutton ka mahatva badhta hai. Is vajah se haathi aage badhta jaata hai. Ve vah kah sakte hain jo unhein pasand hai. Main dhyaan naheen deta hoon. Main ab bhi kehna chaahoonga ki mujhe kyon kutton ke peechhe bhaagna chaahiye. '


Kashmir Se Mahabaleshwar Tak Sheetalahar, Upr Mein 114 Mautein

Kashmir Se Mahabaleshwar Tak Sheetalahar, Upr Mein 114 Mautein

India »

Nai Delhi: Mangalvaar ko Kashmir se lekar Maharashtra ke Mahabaleshwar tak thand ka asar dekha gaya. Uttar Bhaarat mein sheetalahar ne koharaam macha rakha hai. Uttar pradesh mein pichhle 24 ghanton ke dauraan 114 logon ke marne ki khabar mili hai. Rel aur sadak yaataayaat ke saath-saath vimaan sevaaen bhi kohare ka kaaran prabhaavit hui hain. Kohare aur sardi ki sabse jyaada maar uttar pradesh mein dekhi ja rahi hai, jahaan vibhinn kshetron mein pichhle 24 ghanton ke dauraan 114 logon ke marne ki khabar hai. Raajya ke poorvaanchal mein 48, bundelakhand aur madhya upr mein 29, avadh kshetr mein 12, Meerut aur uske aaspaas ke jilon mein 16 aur Allahabad ke dehaat kshetr mein nau logon ne thand se dam tod diya hai. Rajdhani Lucknow sahit poore pradesh mein sarkaar ki or se gareebon ke liye rain baseron aur alaav ki vyavastha ki gayi hai. Lucknow mein railway ke adhikaariyon ke mutaabik kaifiyat express ko jahaan radd kar diya gaya hai, vaheen kareeb darjanabhar railgaadiyaan apne niyat samay se deri se chal rahi hain. Adhikaariyon ke mutaabik nai Delhi se Lucknow aane waali svarn shataabdi express apne nirdhaarit samay se saadhe paanch ghante vilamb se pahunchi. Iske alaava marudhar express, kota-Patna, farakka express, Chandigarh express, gorakhadhaam express, svarn shataabdi express, vaishaali express railgaadiyaan apne nirdhaarit samay se kai ghante deri se chal rahi hain. Mausam kharaab rahane ki vajah se somvaar ko Lucknow mein keval do vimaan utar sake. Havaai adda adhikaariyon ke mutaabik drushyata kam hone ki vajah se vimaanon ke parichaalan mein kaafi saavadhaani barati ja rahi hai. Soobe mein mujaffaranagar sabse sard kshetr raha, jahaan nyoonatam taapamaan pehli baar shoonya se neeche chala gaya. Yahaan ka taapamaan shoonya se 0.7 degree celcius neeche darj kiya gaya. Rajdhani Lucknow ke alaava najeebaabaad, Aligadh va Agra ke alaava poore poorvaanchal mein sheetalahar aur thand ki vajah se janajeevan poori tarah se astavyast ho gaya hai. Mangalvaar ko Lucknow ka nyoonatam taapamaan 2.5 degree celcius, Agra ka nyoonatam taapamaan 0.6 degree, najeebaabaad mein ek degree, Aligadh mein 1.4 aur Lakhimpur kheeri mein 1.6 degree celcius darj kiya gaya. Iske alaava Gorakhpur ka nyoonatam taapamaan 6.1, Varanasi ka 3.9 aur Gazipur mein do degree celcius darj kiya gaya. Aanchalik mausam vigyaan kendra ke nideshak JP gupta ke mutaabik filhaal bheeshan sardi aur galan se raahat milne ki ummeed naheen hai. Poorvi upr mein kuchh jagahon par halki dhoop dikhaai de sakti hai. Raashtreeya rajdhani Delhi mein mangalvaar subah bhi haad kanpa dene waali sardi kaayam rahi. Nyoonatam taapamaan saamaanya se chaar degree neeche 3.3 degree celcius darj kiya gaya. Din mein dhoop nikalne par thodi raahat mili. Kohare se parivhan sevaaen prabhaavit ho rahi hain. Uttar railway ke ek pravakta ne bataaya ki kohare ki vajah se 40 railgaadiyaan deri se chal rahi hain, jabki 11 railgaadiyaan sthagit kar di gayi hain. Subah 8.30 baje 500 meter drushyata darj ki gayi. Bhaarat mausam vigyaan vibhaag ne shaam ko sard havaaen chalne aur thand badhne ki aashanka jaahir ki hai. Jammu evam Kashmir mein bhi mangalvaar ko sardi charam par rahi. Jammu shahar mein taapamaan ka beete 30 varshon ka rikaard dhvast ho gaya. Is shahar mein somvaar ko taapamaan 6.7 degree celcius raha. Kshetreeya mausam vibhaag ke nideshak sonam lotus ne bataaya ki Jammu shahar mein somvaar ko din ka taapamaan itna gir gaya ki yahaan beete 30 saal ka rikaard toot gaya. Kashmir ghaati ke baare mein lotus ne kaha ki shreenagar mein nyoonatam taapamaan shoonya se 5.5 degree celcius kam raha, jabki pahalagaam mein shoonya se 9.2 degree celcius, Gulmarg mein shoonya se 10 degree celcius kam raha. Laddakh kshetr ka Kargil kasba mangalvaar ko sabse thanda raha. Yahaan ka nyoonatam taapamaan shoonya se 20 degree celcius neeche rikaard kiya gaya. Lotus ne kaha ki Kashmir ghaati ke oonchaai vaale kshetron mein barfabaari ki aashanka hai. Sardi ke kaaran is raajya mein schoolon ki chhuttiyaan 13 January tak ke liye badha di gayi hain. Bihar mein adhiktam aur nyoonatam taapamaan mein kam antar ke kaaran log kadaake ki sardi ka saamana kar rahe hain. Gaya mein mangalvaar ko nyoonatam taapamaan 2.9 degree celcius darj kiya gaya. Patna mausam vigyaan kendra ke anusaar Patna mein mangalvaar ko nyoonatam taapamaan 5.1 degree celcius, poorniya mein 6.5 degree va Bhaagalpur mein 5.4 degree celcius darj kiya gaya. Kadaake ki thand ko dekhte hue raajya sarkaar ne sabhi vidyaalayon ko 10 January tak band rakhane ka nirdesh diya hai. Raajyabhar mein sabhi saarvajanik sthaanon par alaav jalaane ki vyavastha ki gayi hai. Aapada prabandhan vibhaag ke adhikaariyon ke anusaar raajyabhar mein 1,413 sthaanon par sarkaar dvaara alaav jalaane ki vyavastha ki gayi hai. Maharashtra ke is lokapriya hil station Mahabaleshwar mein mangalvaar subah Kashmir aur Manali jaise drushya najar aae. Raat ka taapamaan ek degree celcius tak gir jaane se os ki boondein jam gain, jisse him ki patali si chaadar bichhi najar I. Judvaan hil station panchagani ki or jaane vaale raaste ke sabhi shikharon aur ghaatiyon ke saath lokapriya venna jheel ki or jaane vaale maarg, strawberry ke baag aur golf course sabhi barf se aachhaadit najar aa rahe hain, jisse paryatak aur yahaan ke nivaasi romaanchit najar aae. Kuchh jagahon par itni barf jami thi ki logon ne use khurach kar geind bana li aur ek doosare par feink kar maja liya. Samudra tal se 1,435 meter ki oonchaai par sthit Mahabaleshwar mein is tarah ke mausam ka kai logon ne pehli baar saamana kiya hai. Is beech raajya ke vibhinn hisson mein sardi badh gayi hai. Kai ilaake sheetalahar ka saamana kar rahe hain. Mausam vibhaag ne raajya ke adhikaansh hisson mein agale ek ya do dinon tak sheetalahar ki sthiti bane rahane ka anumaan jaahir kiya hai.


Delhi Gang-rape Teen Aaropi Bataaenge Khud Ko Nirdosh

Delhi Gang-rape Teen Aaropi Bataaenge Khud Ko Nirdosh

India »

Nai Delhi: Bas mein 23 varsheeya paramedical chhaatra ke saath saamoohik balaatkaar aur usaki hatya ke dil dahalaane vaale maamale ke aaropiyon ka pratinidhitv karne ka prayaas kar rahe vakeelon ka kehna hai ki paanch aaropiyon mein se teen khud ko nirdosh bataaenge aur sunavaai ki maang kareinge. Somvaar ko saaket baar ke virodh ke beech metropolitan magistrate ki adaalat mein pesh hone aur aaropiyon ka bachaav ki peshakash karne vaale vakeel ML sharma ki seva pramukh aaropi Ram Singh, uske bhaai mukesh Singh aur Akshay Singh urf thaakur ne li hai. Adaalat mein pesh hokar adaalat mitr banane ki ichha jataane vaale ek anya vakeel VK aanand ki seva Ram Singh ne li hai. Sharma aur aanand donon ne samaan rukh apnaate hue kaha, 'Ve aaropapatr mein apne khilaaf lagaae gaye aaropon ko sveekaar naheen kareinge. Ve sunavaai ka saamana karna chaahate hain. ' Magistrate namrata Agrawal ne somvaar ko maamale ki sunavaai ke liye 10 January ki taareekh mukarrar ki thi. Isse pehle unhonne aadesh diya tha ki kaaryavaahi band kamre mein ho aur media iski reporting naheen kare.


Bhadkaaoo Bhaashan Maamala Akbaruddin Ovaisi 14 Din Ki Nyaayik Hiraasat Mein Bheje Gaye

Bhadkaaoo Bhaashan Maamala Akbaruddin Ovaisi 14 Din Ki Nyaayik Hiraasat Mein Bheje Gaye

India »

Hyderabad: Majalis-A-ittehaadul musleemeen ke vidhaayak Akbaruddin ovaisi ko aadilaabaad jile ke nirmal shahar mein ek magistrate ne 14 din ki nyaayik hiraasat mein bhej diya. Ovaisi ke khilaaf kathit bhadkaaoo bhaashan dene ke aarop mein kai maamale darj kiye gaye hain. Bataaya jaata hai ki Akbaruddin ovaisi ko subah saadhe paanch baje magistrate ke samaksh pesh kiya gaya aur fir unhein nyaayik hiraasat mein bhej diya gaya. Magistrate ne police se ovaisi ko subah saadhe 10 baje adaalat mein pesh karne ke liye bhi kaha. Ovaisi ko nirmal shahar police thaana le jaaya gaya. Samjha jaata hai ki unki yaachika Andhra pradesh adaalat mein aaj sunavaai ke liye soocheebaddh hai. MIM ke vidhaayak ko mangalvaar ko giraftaar kiya gaya tha. Giraftaari se ek din pehle hi vah London se laute the aur svaasthya sambandhi jaanch ke liye unhein aspataal mein bharti karaaya gaya tha. Baad mein unhein hiraasat mein liya gaya. MIM neta ki giraftaari ke baad raajya sarkaar ne kaanoon-vyavastha banaae rakhane ke liye shahar mein nishedhaagya laagoo kar di. Hyderabad aur aadilaabaad mein ehtiyaat ke taur par atirikt suraksha bal tainaat kiye gaye hain. Ovaisi Andhra pradesh vidhaanasabha mein MIM ke neta hain. Un par aadilaabaad mein Charminar ilaake ke vivaadaaspad bhaagyalakshmi mandir ko lekar kathit bhadkaaoo bhaashan dene ke aarop mein maamala darj kiya gaya hai. Aise hi bhaashan dene ke aarop mein unke khilaaf Hyderabad aur raajya ke vibhinn hisson ke police thaanon mein shikaayat darj karaai gayi hai.


Pak Ka Hamla Asveekaarya, Aapasi Sambandhon Par Padega Vipreet Asar Khursheed

Pak Ka Hamla Asveekaarya, Aapasi Sambandhon Par Padega Vipreet Asar Khursheed

India »

Nai Delhi: Pakistani sainikon ki ghuspaith aur do bhaarateeya sainikon ki berahmi se hatya ke maamale mein Bhaarat ne Pakistan ke saamane kada virodh darj karaaya hai. Videshamantri Salman khursheed ne kaha hai ki Pakistan ka hamla poori tarah se asveekaarya hai aur is tarah ki ghatnaaon se dwipaksheeya sahayog ke jariye abhi tak haasil parinaamon par vipreet prabhaav padega. Videsh sachiv ranjan mathaai ne Pakistani uchchaayukt Salman basheer se kaha ki Pakistan sarkaar tatkaal is ghatna ki jaanch karaae, jo har pahaloo se antararaashtreeya niyamon ke khilaaf hai. Videsh sachiv ne Pak uchchaayukt ko 27 December ko donon deshon ke beech hui us baithak ki yaad dilaai, jismein aapasi bharosa badhaane aur niyantran rekha ka imaandaari se paalan karne ki baat hui thi. Haalaanki is maamale par Salman basheer ne kuchh bhi kehne se inkaar kar diya. Jammu−Kashmir mein punchh ke meindhar sector mein hui is ghatna se har bhaarateeya aakrosh mein hai, kyonki shaheed hue ek javaan ka shav kshat-vikshat haalat mein mila hai. Pradhaanamantri ne videsh mantraalaya, NSA aur sena pramukh se goleebaari par poori report maangi hai. Khabar hai ki suraksha maamalon ki cabinet committee ki baithak bhi bulaai ja sakti hai. Is beech, rakshaamantri AK Antony ne ise ukasaave ki kaarravaai karaar dete hue ise amaanaveeya bataaya hai. Antony ne kaha hai ki donon mulkon ke director general of military operations yaani DGMO is mudde par baat kareinge aur Bhaarat is ghatna ko lekar apni kadi aapatti darj karaaega. BJP neta Arun Jaitley ne Pakistan ki is kaarravaai ko ukasaane wala bataaya hai. Unhonne kaha ki Bhaarat sarkaar Pakistan ke khilaaf sabooton ko saamane laakar duniya ke saamane use benakaab kare. Gaurtalab hai ki Jammu−Kashmir mein punchh ke meindhar sector mein Pakistani sainikon ne mangalvaar ko bhaarateeya seema ke andar ghuskar hamla kiya. 48 ghante mein doosari baar Pakistan ne bina chetaavani ke goleebaari ki. Pakistani javaanon ne kohare aur dhundh ka faayda uthaate hue niyantran rekha paar ki aur fir bhaarateeya javaanon par goleebaari kar di. Iske baad bhaarateeya javaanon ne bhi javaabi kaarravaai ki, lekin is poori goleebaari mein do javaan shaheed ho gaye. Sootron ke mutaabik, ek javaan ka shav baad mein buri haalat mein mila hai. Javaan ka sir dhad se alag kiya hua tha. Sena is baat ki jaanch kar rahi hai ki shav ki yeh haalat kaise hui. Isse pehle udi mein niyantran rekha par hui jhadap ka badla lene ke liye Pakistan ki or se kaarravaai ki gayi. Bhaarat sarkaar ne Pakistan ki aur se kiye gaye yuddhaviraam ullanghan ki kadi ninda ki hai. Raksha mantraalaya ke mutaabik, sarkaar is ghatna ko ukasaave ki kaarravaai maanate hue iski ninda karti hai. Raksha mantraalaya ke pravakta sataanshu kar ke bayaan ke mutaabik, is ghatna ke baad donon deshon ke military operations ke mahaanideshak ek- doosare ke sampark mein hain aur sarkaar yeh maamala Pakistan sarkaar ke saath uthaaegi. Unke bayaan mein bhi kaha gaya hai ki Pakistan ki or se yuddhaviraam ullanghan ke baad sarhad par sena alert ho gayi hai. Isse pehle ravivaar ko subah bhi udi sector mein Pakistan ne golaabaari ki thi. Is golaabaari mein kai gharon ko bhi nuksaan pahuncha, lekin us samay ulta Pakistan ne bhaarateeya sena par aarop lagaaya ki usane seema paar kar uske javaan ko maar daala. Udhar, javaanon ki maut ko lekar Kargil yuddh ke shaheed saurav kaaliya ke pita Narendra kaaliya ne kaha hai ki agar unke bete ke saath hue amaanaveeya vyavahaar ko lekar koi kaarravaai hoti, to aaj yeh naubat na aati. Unke mutaabik, us vakt Bhaarat ki taraf se agar kuchh kade kadam uthaae jaate to Pakistan ki aisa karne ki himmat naheen hoti. Iske saath hi unhonne kaha ki Pakistan pehle bhi aisi harkat kar chuka hai aur ab bhi agar koi action naheen liya gaya to vah aage bhi aisa karta rahega.


Jharkhand Mein Congress Ki Madad Se Sarkaar Banaaenge Soren

Jharkhand Mein Congress Ki Madad Se Sarkaar Banaaenge Soren

India »

Ranchi: Jharkhand mukti morcha ke adhyaksh shiboo soren ne kaha ki unki party raajya mein sarkaar banaane ka daava karegi aur unhein aasha hai ki Congress use samarthan degi. Arjun munda sarkaar se samarthan vaapasi ka patra raajyapaal ko dene ke baad apne aavaas pahunche shiboo soren ne patrakaaron ke savaal ke javaab mein yah baat kahi. Shiboo soren ne iske alaava anya savaalon ka javaab naheen diya, lekin hemant soren ne Delhi ravaana hone se pehle havaai adde par kaha ki unki Congress netaaon se baatcheet chal rahi hai aur raajya mein nai sarkaar ke gathan ki sambhaavnaaon par sheersh Congress netaaon se baatcheet ke liye hi vah Delhi ja rahe hain. Unhonne kaha ki unhein poori aasha hai ki raajya mein ek nai sthir sarkaar ka gathan jhaamumo Congress ke saath milkar kar sakega.


Poorvottar Mein Madhyam Teevrata Ka Bhookamp Ka Jhatka

Poorvottar Mein Madhyam Teevrata Ka Bhookamp Ka Jhatka

India »

Shillong: Desh ke poorvottar kshetr mein Budhvaar ko madhyam teevrata ka bhookamp ka jhatka mahasoos kiya gaya, haalaanki iske kaaran abhi tak jaanmaal ke nuksaan ki koi khabar naheen hai. Kshetreeya bhookamp sarvekshan kendra ke adhikaariyon ne kaha ki bhookamp subah saat baj kar 12 minute par aaya aur richter paimaane par iski teevrata 5.9 darj ki gayi. Iska kendra Bhaarat-Myanmar seema par pruthvi ke tal mein 89 kilometer andar keindrit tha. Unhonne kaha ki bhookamp ka jhatka kuchh second tak kshetr ke sabhi shaharon mein mahasoos kiya gaya. Mijoram bhoogarbh aur khanij vibhaag ke sanyukt nideshak Doctor H laalenamaaviya ne kaha ki bhookamp ka kendra Nagaland ka fek jila tha. Unhonne kaha ki bhookamp ke baare mein takaneeki soochana asam ke jorahat sthit uttar poorv vigyaan evam praudyogiki sansthaan ke bhookampeeya kendra se praapt hui hai. Bhookamp ka jhatka itaanagar, Guwahati, Agartala, kohima aur Imphal mein mahasoos kiya gaya. Imphal se mili khabar mein kaha gaya hai ki bhookamp ka jhatka kareeb ek minute tak mahasoos kiya gaya. Police ne kaha ki bhookamp ke kaaran abhi tak kshetr mein jaanmaal ke nuksaan ki koi khabar naheen hai, lekin bhayabheet log suraksha ki drushti se sadkon par nikal aae the.


Dilleevaasiyon Ke Liye Sard, Lekin Khushnuma Subah

Dilleevaasiyon Ke Liye Sard, Lekin Khushnuma Subah

India »

Nai Delhi: Dilleevaasiyon ke liye aaj ki subah sard, lekin khushnuma rahi kyonki subah subah paara thoda oopar darj kiya gaya tha. Subah halka kohara tha aur nyoonatam taapamaan 4.4 degree celcius darj kiya gaya tha. Yah mangalvaar ke nyoonatam taapamaan 3.3 degree celcius se adhik aur saamaanya se teen degree kam tha. Beete ek saptaah se Delhi sheetalahar ki giraft mein hai aur nyoonatam tatha adhiktam taapamaan saamaanya se paanch degree celcius kam hi raha hai. Aaj subah sooraj nikalne ke baad logon ko kuchh raahat mili. Halke kohare ke baavajood indira Gandhi antararaashtreeya havaaiadde par vimaanon ki aavaajaahi saamaanya rahi.


Pak Sainikon Ke Hamle 'Atyant Ukasaave Vaale Rakshaamantri

Pak Sainikon Ke Hamle 'Atyant Ukasaave Vaale Rakshaamantri

India »

Nai Delhi: Bhaarat ne apne do mrut sainikon ke shav ke saath Pakistani sainikon ke vyavahaar ko 'Amaanaveeya' aur Jammu-Kashmir mein unke hamle ko 'Atyant ukasaane' vaala karaar diya hai. Rakshaamantri AK Antony ne kaha ki Bhaarat sarkaar mangalvaar ko punchh jile ke meindhar sector mein hue is hamle ke baare mein Pakistan ke samaksh apna virodh darj karaaegi. Unhonne kaha ki Bhaarat ke sainya abhiyaan mahaanideshak (DGMO) bhi is ghatna ko Pakistani samakaksh ke samaksh uthaaenge. Antony ne samvaadadaataaon se kaha, Pakistani sena ka kaarya atyant ukasaave vaala hai. Jis tarah se bhaarateeya sainikon ke shavon ke saath vyavahaar kiya gaya, vah amaanaveeya hai. Ham Pakistan ke samaksh apna virodh darj karaaenge aur hamaare DGMO bhi apne samakaksh se baat kareinge. Ham sthiti par kareebi se najar rakhe hue hain. Sena ke atirikt mahaanideshak (lok soochana) major general SL narasimhan ne kaha ki uttari sena ke commander lieutenant general Katie paranaaik ne ghatnaasthal ka daura kiya aur is baat ki pushti ki ki do shavon mein se ek kshat-vikshat tha. Anya sootron ne bataaya ki donon bhaarateeya sainikon Lance naayak Hemraj aur Lance naayak sudhaakar Singh ki nirmam hatya kar di gayi aur ek sainik ka sir Pakistani hamlaavar apne saath lete gaye. Yah hamla punchh jile mein niyantran rekha ke paas kiya gaya, jab Pakistani bhaarateeya seema mein kareeb 100 meter tak andar aa gaye aur gashti dal par hamla kiya.


Hamaari Jubaan Band Karne Ki Koshish Na Kare Supreme Court Uddhav Thackeray

Hamaari Jubaan Band Karne Ki Koshish Na Kare Supreme Court Uddhav Thackeray

India »

Mumbai: Bhadkau bhaashan ko lekar ghiri shivsena ne Supreme court ko chunauti di hai. Shivsena ke kaaryakaari adhyaksh uddhav Thackeray ne apni party ke mukhapatr saamana mein likha hai ki shivsena apni jubaan bolti rahegi aur use band karne ki koshish Supreme court na kare. Supreme court ne haal hi mein daayar ek yaachika par sunavaai karte hue Maharashtra chunaav aayog se savaal kiya tha ki bhadkau bayaan ki vajah se shivsena aur MNS ki maanyata kyon na radd kar di jaae. Uddhav Thackeray ne Supreme court ke is nirdesh ko tugalaki farmaan kaha hai. Saath hi yah bhi kaha hai ki agar shivsena par paabandi lagti hai to yah Akbaruddin ovaisi jaise logon ka samarthan hoga.


Pakistan Ko Duniya Ke Aage Sharmasaar Kare Bhaarat BJP

Pakistan Ko Duniya Ke Aage Sharmasaar Kare Bhaarat BJP

India »

Nai Delhi: Pakistani sena dvaara barbar tareeke se do bhaarateeya sainikon ki hatya kiye jaane ki kadi ninda karte hue BJP ne kaha ki yah Bhaarat ke liye chetaavani hai. Party ne sarkaar se antararaashtreeya samudaaya ke samaksh sabhi tathyon ko rakhane ko kaha, taaki Pakistan ko duniya ke samaksh kathaghare mein khada kiya ja sake. BJP ke varishth neta arun jetali ne sarkaar se padosi desh ke saath sambandh mein is baat ko spasht taur par paribhaashit karne ko kaha ki kya karna hai aur kya naheen karna hai. Unhonne kaha ki do bhaarateeya sainikon ki jis barbar tareeke se hatya ki gayi, usase Pakistani ki hamla karne ke peechhe ki mansha pradarshit hoti hai. Jetali ne kaha, jahaan tak bina ukasaave ke kiye gaye hamle ka sambandh hai, ab Bhaarat sarkaar ka kaam hai ki vah is kshetr ki nigraani aur hamle se jude Pakistani sainya adhikaariyon evam anya logon ke baare mein jaankaari jutaae aur antararaashtreeya samudaaya ke samaksh rakhe, taaki is barbar hamle ke baare mein Pakistan ko kathaghare mein khada kiya aur use sharmasaar kiya jaae, kyonki Pakistan ab bhi isse inkaar kar raha hai.


Naabaalig Doshiyon Ki Umr Ghataane Ki Arji Par Kendra Ko Court Ka Notice

Naabaalig Doshiyon Ki Umr Ghataane Ki Arji Par Kendra Ko Court Ka Notice

India »

Nai Delhi: Delhi High Court ne Budhvaar ko kendra se us janahit yaachika par javaab maanga, jismein naabaalig aparaadhiyon se jude kaanoonon mein parivartan ki maang ki gayi hai. Yaachika mein naabaalig aparaadhiyon ko aajeevan kaid aur mrutyu dand se bakhsh dene sambandhi kaanoon mein bhi parivartan ka aagrah kiya gaya hai. Mukhya nyaayaadheesh di murugeshan aur VK jain ki peeth ne kaha, prativaadiyon (keindreeya sansadeeya kaarya aur kaanoon aur nyaaya mantraalayon) ko notice jaari karein. Is maamale mein ab 14 February ko agali sunavaai hogi. Kendra sarkaar ki or se atirikt solicitor general Rajiv Mehra ne kaha, jahaan tak kishor nyaaya (dekharekh aur sanrakshan kaanoon) adhiniyam ki baat hai, to mujhe is baare mein nirdesh lene padeinge aur jahaan tak anya aagrah (balaatkaar jaise maamalon mein kathor saja) ki baat hai, to is par vichaar karne ke liye pehle hi ek samiti banaai ja chuki hai. Yah janahit yaachika Supreme court ki vakeel Shweta Kapoor ne daayar ki hai. Unke vakeel ne kaha ki dhaara 16 sahit kaanoon ke vibhinn praavadhaanon ki sameeksha ki jaroorat hai, kyonki yah 16 varsh se kam aayu ke aparaadhiyon ko umrakaid aur mrutyu dand dene mein paabandi lagaate hain. Yaachika mein kaanoon ke vibhinn praavadhaanon ki paraspar virodhi baaton par bhi dhyaan aakarshit kiya gaya hai, jinke tahat ek naabaalig aparaadhi ko vayask hone par sudhaar gruh se jaane ki anumati dene ka praavadhaan hai. Kaanoon mein kaha gaya hai ki 16 varsh se adhik aayu vaale baal aparaadhiyon ko anya bachchon se alag rakha jaae aur unki hiraasat ki avadhi teen saal ki hogi, jabki usi kaanoon ke ek anya praavadhaan mein kaha gaya hai ki ek naabaalig adhikaari sudhaar gruh mein keval tabhi rakha ja sakta hai, jab tak vah vayask hone yaani 18 saal ka na ho jaae. Yaachika mein kaha gaya hai, doosare shabdon mein dhaara 16 ek alag tarah ke kishor ki parikalpana karta hai, jinhonne gambhir kism ke aparaadh kiye hon aur unhein sudhaar gruhon mein naheen rakha ja sakta. Aise mein kaanoon ki dhaara 16 (pratham bhaag) ki upadhaara ek paraspar virodhi hai. Yah yaachika Delhi mein gat 16 December ko ek bas mein 23-varsheeya yuvati ke saath hue saamoohik balaatkaar ki ghatna ke pariprekshya mein kaafi mahatvapoorn ho gayi hai, jismein jaanch se pata chala hai ki naabaalig aparaadhi ne hi sabse adhik kroorata ki thi.


Delhi Gang-rape Court Ne Band Kamre Mein Sunavaai Ke Faisale Ko Barkaraar Rakha

Delhi Gang-rape Court Ne Band Kamre Mein Sunavaai Ke Faisale Ko Barkaraar Rakha

India »

Nai Delhi: Delhi ki ek sthaaneeya adaalat ne 16 December ki raat hue gang-rape maamale mein band kamre mein sunavaai karne aur media ko iski reporting se rokane ke magistrate ke aadesh ko barkaraar rakha hai. Daraasal, maamale ki sunavaai somvaar ko shuroo ho gayi thi, lekin adaalat kaksh mein bhaari bheed jutne ke kaaran afra-tafari mach gayi aur aaropiyon ko pesh naheen kiya ja saka. Iske baad magistrate ne band kamre mein sunavaai ka aadesh diya tha aur media se kaha tha ki vah anumati ke bagair maamale se sambandhit koi khabar prakaashit na kare. Mahanagar dandaadhikaari namrata Agrawal dvaara diye gaye is aadesh ko vakeelon ke ek samooh ne chunauti di thi, jo aaj radd ho gayi hai.


Mahilaaon Par Vivaadit Bayaan Aazmi Ne Kiya Maafi Maangane Se Inkaar

Mahilaaon Par Vivaadit Bayaan Aazmi Ne Kiya Maafi Maangane Se Inkaar

India »

Nai Delhi: Mahilaaon ke baare mein apne bayaan ko lekar ghire SP neta abu aazmi ne maafi maangane se inkaar kiya aur kaha ki lokatantr mein har kisi ko apni baat rakhane ka hak hai. Samaajavaadi party ke neta abu aazmi ne apne bayaan par maafi maangane se inkaar kiya hai. Aazmi ne kaha tha ki mahilaaon ko apne pati, pita ya bhaai ke saath hi baahar jaana chaahiye, haalaanki unke bayaan par unke bete ne maafi maangi thi, lekin aazmi ka kehna hai ki lokatantr mein har kisi ko apni baat rakhane ka hak hai.


Shaheedon Ke Shav Jammu Pahunche, Pakistan Ne Aaropon Ko Bataaya Galat

Shaheedon Ke Shav Jammu Pahunche, Pakistan Ne Aaropon Ko Bataaya Galat

India »

Islamabad: Pakistan ki amaanaveeya kartoot se shaheed hue laansanaayak sudhaakar Singh aur laansanaayak Hemraj ke shav Jammu laae gaye hain. Postmortem ke baad in shaheedon ke shavon ko Delhi laaya jaaega aur yaheen se shavon ko unke prutak nivaas par bheja jaaega. Udhar, Pakistan ne Bhaarat ke aaropon ko galat bataaya hai. Is silsile mein Bhaarat aur Pakistan ke sainya operations ke mahaanideshakon ki baithak hui, jiske baad Pakistan ne Bhaarat ke in aaropon ko khaarij kar diya ki Pakistan ke javaanon ne niyantran rekha ko paar kar kisi bhaarateeya sainik ko maara hai. Pakistan ne kaha hai ki jameen par haalaat ka jaayaja lene aur jaanch ke baad Bhaarat ke aarop sahi naheen paae gaye hain. Pakistan ne ise bhaarateeya fauj ka dushprachaar karaar diya hai.


Maharashtra Dhule Mein Sangharsh Ke Dauraan Police Goleebaari Mein Chaar Mare, Kareeb 150 Ghaayal

Maharashtra Dhule Mein Sangharsh Ke Dauraan Police Goleebaari Mein Chaar Mare, Kareeb 150 Ghaayal

India »

Mumbai: Maharashtra ke dhule mein ravivaar ko do samudaayon mein sangharsh ke baad bheed par police ki goleebaari mein chaar logon ki maut ho gayi jabki 176 anya ghaayal ho gaye jinmein adhiktar policekarmi hain. Ghaayalon mein 63 sthaaneeya log va 113 policekarmi shaamil hain. Ek hotel mein chhoti-moti baat ko lekar hinsa shuroo ho gayi jo maachibaajaar aur Madhavpura ilaake mein fail gayi. Ek varishth police adhikaari ne ravivaar ki raat bataaya ki Madhavpura ilaake mein do guton mein hinsak sangharsh chhid jaane ke baad police ne goliyaan chalaai jismein 4 vyaktiyon ki jaan chali gayi. Adhikaari ke anusaar hinsa mein 48 policekarmi ghaayal ho gaye. Ek policekarmi samet do vyaktiyon ki haalat gambhir hai. Adhikaari ne kaha ki sangharsh ki vajah chaar logon ke samooh dvaara hotel ke bill ka bhugataan naheen karna hai. Jab hotel ke karmachaariyon ne unhein peet diya tab ve chale gaye aur badi sankhya mein logon ko lekar aae. Mukhyamantri pruthveeraaj chavhaan evam gruhamantri RR Patil ne shaanti ki appeal ki hai.


Ambala Teacher Kar Raha Tha Chhaatra Ka Yaun Shoshan

Ambala Teacher Kar Raha Tha Chhaatra Ka Yaun Shoshan

India »

Ambala: Ambala mein bhi ek teacher ne apni chhaatra ka shaareerik shoshan kiya hai. Pichhle ded saal se yeh teacher apni schooli chhaatra se chhedachhaad kar raha tha. Is maamale mein aarop ek shikshak par laga hai jisne apni chhaatra ke saath chhedachhaad ki aur use is baat ko kisi ko bataane par fail karne ki dhamaki bhi di. Pehle to chhaatra shikshak ki is harkat ko taalati rahi, lekin jab shikshak apni harkaton se baaz naheen aaya to usane iske baare mein police ko bataaya. Police ne aaropi ko giraftaar kar uske khilaaf chhedachhaad ka maamala darj kar use adaalat mein peshakar diya. Adaalat ne is shikshak ko 14 din ki nyaayik hiraasat mein bhej diya hai.


Akbaruddin Auvaisi Bhaarat Laute, Aaj Naheen Honge Police Ke Saamane Pesh

Akbaruddin Auvaisi Bhaarat Laute, Aaj Naheen Honge Police Ke Saamane Pesh

India »

Hyderabad: MIM neta aur vidhaayak Akbaruddin auvaisi Bhaarat laut aae hain. Unhein police ne bhadkaaoo bhaashan dene ke maamale mein haajir hone ke liye saman bheja hai. Bataaya ja raha hai ki vah somvaar ko police ke saamane upasthit naheen honge. Isse pehle kaha ja raha tha ki vah London se Bhaarat aane ke baad police ke saamane prastut honge. Bhaarat vaapasi ke baad unhonne police se prastut hone ke liye chaar dinon ka vakt maanga hai. Unke vakeel ka kehna hai ki auvaishi ne svaasthya kaaranon ko vajah bataakar aisa aavedan diya hai. Somvaar ki subah London se Hyderabad pahunche MIM neta ka saikadon samarthakon ne havaai adde par svaagat kiya jiske baad vah apne banjaara hills sthit nivaas par chale gaye. Police ne auvaishi par bhadkaaoo bhaashan dene ka maamala darj kiya hai. Vaheen, bhaajapa ne nirmal kshetr mein band ka aahvaan kiya hai. Akbaruddin MIM ke vidhaayak hain aur Andhra pradesh vidhaan sabha mein party ke neta hain. Ve MIM pramukh aur saansad asaduddeen ovaisi ke chhote bhaai hain.


Noida Rape Kaand Nyaayik Hiraasat Mein Bheje Gaye Do Aaropi

Noida Rape Kaand Nyaayik Hiraasat Mein Bheje Gaye Do Aaropi

India »

Nai Delhi: Noida mein ek factory mein kaam karne waali 21 varsheeya ek yuvati ke saath kathit balaatkaar aur hatya ki ke aarop mein giraftaar do logon ko court mein somvaar ko pesh kiya gaya. Court ne donon aaropiyon ko 14 din ke liye nyaayik hiraasat mein bhej diya hai. Ek aaropi ab bhi faraar bataaya ja raha hai. Police ne aaj in aaropiyon ki police custody ki maang bhi naheen ki hai. Is ghatna ke baad thaana prabhaari ko line haajir kar diya gaya tha jabki chaar policekarmiyon ko nilambit kar diya gaya tha. Is ghatna se stabdh uttar pradesh ke mukhyamantri Akhilesh Yadav ne 15 lakh rupaya muaavaja dene aur peedita ke parivaar ke ek sadasya ko naukri dene ki ghoshana ki. Noida rape-kaand ke mudde par BSP supreemo ne somvaar ko UP ki Akhilesh sarkaar par jamkar hamla bola. Maayaavati ne kaha ki Akhilesh sarkaar ke raaj mein mahilaaon ke khilaaf aparaadh aur doosare aparaadh kaafi bad gaye hain. Noida rape case mein to unhonne police par maamale ko rafa dafa karne ka bhi aarop lagaaya. Badate aparaadh ki vajah se unhonne raajyapaal se raajya mein raashtrapati shaasan laagoo karne ki maang ki. Is beech, is ghatna ke silsile mein teen logon se poochh-taachh ki gayi. Yeh ghatna shukravaar ki raat hui thi jab sector 65 sthit vastr factory ki ek karmachaari Noida ke sector 63 sthit apne ghar laut rahi thi. Yuvati ka arddhanagn shav sector 63 ke pushta ilaake mein mila tha. Uske shareer par chot ke nishaan the. Mahila ki antyeshti kar di gayi hai. Uske parivaar ke sadasyon ne aarop lagaaya ki police ne shuruaat mein shikaayat darj karne se inkaar kar diya tha aur baad mein uske shav ko saunpane mein bhi der ki thi. Usaki antyeshti hindan shmashaan ghaat mein ki gayi. Mahila parivaar ki sabse badi beti thi. Ghatna ke din vah apne parivaar ki khaatir adhik aay arjit karne ke liye factory mein ruk gayi thi. Police ne bataaya ki Noida police ne teen sandigdhon ko hiraasat mein liya hai aur unase poochh-taachh ki hai.


Allahabad Naabaalig Se Rape Mein Naakaam Hone Par Jinda Jalaaya

Allahabad Naabaalig Se Rape Mein Naakaam Hone Par Jinda Jalaaya

India »

Nai Delhi: Allahabad ke shankaragad ilaaqe mein ek naabaalig ladki ko zinda jala diya gaya. 15 saal ki is ladki ke saath jab uske padosi ne balaatkaar karna chaaha to usane muqaabala kiya, jiske baad uske padosi ne us par mitti ka tel chhidak kar aag laga di. Uske chillaane ke baad peedita ki bahan ne ghar se padosi, uske pita aur chaacha ko bhaagte dekha. Ladki 80 pratishat jal gayi hai aur aspataal mein maut se joojh rahi hai. Aaropiyon ke khilaaf hatya ki koshish ka maamala darj kar liya gaya hai aur police unki talaash kar rahi hai.


CJI Ne Likhi High Courton Ko Chitthi, Bole Fast Track Court Banaaen

CJI Ne Likhi High Courton Ko Chitthi, Bole Fast Track Court Banaaen

India »

Nai Delhi: Supreme court ke mukhya nyaayaadheesh altamash kabeer ne desh ki tamaam High Courton ko chitthi likhkar kaha hai ki mahilaaon se jude maamalon mein fast track court ka gathan kiya jaae. Pradhaan nyaayaadheesh ne mahilaaon ke prati hone vaale aparaadhon ki sunavaai ke liye sabhi uchch nyaayaalayon se turant tvarit adaalatein gathit karne ka aagrah kiya. Unhonne kaha ki ab samay aa gaya hai ki aise maamalon ki teji se sunavaai ho. Delhi mein balaatkaar aur yuvati ki nrushans hatya ka jikr karte hue pradhaan nyaayaadheesh altamas kabeer ne ki tippani. Chitthi mein CJI ne kaha ki satr nyaayaalayon ko hi fast track court mein tabdeel kar diya jaana chaahiye. Gaurtalab hai ki satr nyaayaalayon mein aksar mahilaaon se sambandhit aparaadhon ka mukadama chalta hai.


Delhi Gang-rape Peedita Par Tippani Kar Vivaadon Mein Fanse Aasaaram

Delhi Gang-rape Peedita Par Tippani Kar Vivaadon Mein Fanse Aasaaram

India »

Nai Delhi: Aadhyaatmik guru Aasaaram Bapu Delhi gang-rape peedita ke baare mein tippani karne ke kaaran somvaar ko Congress aur bhaajapa ke nishaane par aa gaye. Aasaaram ne kathit roop se tippani ki ki peedita ko aaropiyon ko 'Bhaai' kehkar sambodhit karna chaahiye tha aur traasadi ko taalane ke liye sarasvati mantra ka uchchaaran karna chaahiye tha. Aasaaram ne kaha, "Peedita bhi dushkarm ke aaropiyon ke jitna hi doshi hai. Use aaropiyon ke saamane gidgidaana chaahiye tha. " unhonne aage kaha ki keval ek haath se taali naheen baj sakti. Rajasthan ke tonk kasbe mein apne bhakton ke beech pravachan dete hue Aasaaram ne kaha, "Nashe mein dhut paanch ya chhah log hi akele doshi naheen hain. Ladki bhi javaabadeh hai. " Ek niji TV channel ne Aasaaram Bapu ke havaale se kaha hai, "Peedita ko chaahiye tha ki aaropiyon ko rokane ke liye vah unhein bhaai kah kar sambodhit karti aur unke saamane gidgidaati. Isse usaka sammaan aur jeevan bach sakta tha. Kya ek haath se taali baj sakti hai? Main aisa naheen maanata. " unhonne aage kaha hai, "Kya usane (peedita ne) sarasvati mantra ka uchchaaran kiya, purush mitr ke saath cinema dekhne ke baad use kisi bas mein savaar naheen hona chaahiye tha. " Aasaaram Bapu ne kaha ki ve dushkarm rokane ke liye kade kaanoon banaae jaane ke viruddh hain. Unhonne kaha, "Kaanoon ka durupayog ho sakta hai. Desh mein dahej utpeedn kaanoon ke durupayog ke sainkadon udaaharan maujood hain. Yadi dushkarm nirodhi kaanoon ka durupayog hua to purush iske shikaar honge. " unhonne kaha ki Delhi dushkarm peedita ke parivaar ko unhonne patra likha hai. Unhonne likha hai ki aapne apni beti ko khoya hai. Aap mujhe apna beta samajhiye. Aasaaram ki is tippani ki Congress aur bhaajapa, donon ne teevr bhartsana ki. Congress neta sandeep Dixit ne kaha, "Aise bayaan ki jitni sambhav ho sake ninda ki jaani chaahiye. " Congress ke hi Rashid alvi ne kaha, "Raajaneetik neta hon ya dharmaguru donon ko munh kholne se pehle gambheerta se vichaar kar lena chaahiye. " Bhaajapa neta ravi shankar prasaad ne kaha ki tippani atyant khedajanak aur dukhad hai. Ham ummeed karte hain ki Aasaaram Bapuji aatmavishleshan kareinge aur bayaan vaapas leinge. Prasaad ne kaha, "Main aashvast hoon ki Aasaaram hindu chintan se bhaleebhaanti vaakif hain, jiske tahat mahilaaon ko aadar sammaan ka sthaan haasil hai. Isi tarah hamaare samvidhaan mein bhi mahilaaon ko bagair kisi bhedabhaav ke baraabari ki haisiyat di gayi hai. Is maamale mein unke liye tippani karna jaroori naheen tha, jisne poore desh ki chetna ko hila kar rakh diya hai. Maaf keejiye ise katai sveekaar naheen kiya ja sakta. " Gyaat ho ki 23 saal ki yuvati ke saath chalti bas mein 16 December ki raat chhah logon ne kroorataapoorvak dushkarm kiya tha aur virodh karne par use va uske purush mitr ko ghor shaareerik yaatanaaen di thi. Donon ko ghaayal haalat mein sadak kinaare feink diya. Peedita ko ilaaj ke liye Singapore le jaaya gaya, jahaan 29 December ko usaki maut ho gayi.


Jharkhand Mein Munda Sarkaar Khatre Mein, Jhaamumo Ne Samarthan Kheencha

Jharkhand Mein Munda Sarkaar Khatre Mein, Jhaamumo Ne Samarthan Kheencha

India »

Ranchi: Jharkhand mukti morcha (jhaamumo) ke gathabandhan se baahar aane ke saath hi somvaar ko raajya mein bhaajapa neet arjun munda sarkaar alpamat mein aa gayi. Donon paartiyon ke beech satta hastaantaran ko lekar vivaad paida ho gaya tha. Sarkaar ke alpamat mein aa jaane se raajya mein raajaneetik sankat paida ho gaya hai. Jhaamumo pramukh shiboo soren ne kaha ki humne arjun munda sarkaar se samarthan vaapas le liya hai. Ham mangalvaar ko raajyapaal se mulaakaat kareinge aur samarthan vaapasi ka patra saunpeinge. Unhonne kaha ki bhaajapa ke saath dosti ki koi sambhaavana naheen hai. Isse pehle jhaamumo supreemo shiboo soren ke bete aur raajya ke up mukhyamantri hemant soren ne samvaadadaataaon se kaha tha, "Humne aaj (somvaar ko) sarkaar se samarthan vaapas le lene ka faisala liya. " Somvaar ko dinbhar raajaneetik galiyaare mein gahma gahmi chalti rahi. Savere jhaamumo kaaryakaarini ki baithak hui. Mukhyamantri arjun munda shiboo soren ko manaane unke aavaas par pahunche. Mulaakaat ke baad munda ne media ko kuchh bhi naheen bataaya. Ravivaar ki raat jhaamumo ne ghoshana ki thi ki usaki kaaryakaarini ki baithak mein somvaar ko bhaajapa ke saath gathabandhan jaari rakhane ya naheen rakhane par faisala liya jaaega. Gathabandhan mein daraar tabhi se dikhne lagi thi jab 3 January ko arjun munda ne jhaamumo ko likhit uttar mein donon dalon ke beech 28 maah baad satta hastaantarit karne ka koi samjhauta hone se inkaar kar diya. 28 maah ki avadhi 10 January ko poori ho jaaegi. Munda sarkaar mein up mukhyamantri hemant soren samet jhaamumo ke paanch mantri hain. September 2010 ko jhaamumo ke 18 vidhaayakon ke samarthan se bhaajapa neet munda sarkaar ka gathan hua tha. 82 sadasyeeya raajya vidhaanasabha mein bhaajapa ke bhi 18 vidhaayak hain. Iske alaava party ko akhil Jharkhand chhaatr sangh (aajsoo) ke chhah aur jadayoo ke do vidhaayakon ka samarthan haasil hai. Vidhaanasabha mein Congress ke 12, Jharkhand vikaas morcha-prajaataantrik ke 11, raajad ke chhah aur anya chhote dalon va nirdaleeya vidhaayak hain. Jhaamumo ab Congress ke samarthan se sarkaar gathan ke prayaas mein hai. Somvaar ko pradesh Congress adhyaksh pradeep baalamuchu ne Congress adhyaksh Sonia Gandhi se mulaakaat ki.


Maaya Ne Kaha, UP Mein Kaanoon-vyavastha Ki Haalat Chintaajanak

Maaya Ne Kaha, UP Mein Kaanoon-vyavastha Ki Haalat Chintaajanak

India »

Lucknow: Uttar pradesh mein kaanoon-vyavastha ki haalat ko chintaajanak bataate hue bahujan samaaj party (basapa) ki raashtreeya adhyaksh maayaavati ne somvaar ko kaha ki raajyapaal ko yahaan raashtrapati shaasan lagaae jaane ki sanstuti karni chaahiye. Pradesh ki rajdhani Lucknow mein samvaadadataaon se baatcheet karte hue maayaavati ne Akhilesh sarkaar ko jamkar khari-khoti sunaai. Maayaavati ne kaha, "Kaanoon-vyavastha, bhrashtaachaar evam sapa ke shaasanakaal mein hue dangon ko sanjnyaaan mein lete hue raajyapaal ko uttar pradesh mein raashtrapati shaasan lagaae jaane ki sifaarish karni chaahiye. " Maayaavati ne basapa pradesh sangathan ki sameeksha tatha Loksabha chunaav samay se poorv hone ki sambhaavnaaon ke saath-saath badal rahi raajaneetik paristhatiyon par bulaai gayi baithak mein hissa lene se pehle samvaadadaataaon se baatcheet ke dauraan ye baatein kaheen. Unhonne kaha ki desh ke anya raajyon ki tulana mein uttar pradesh mein teji se badh rahe aparaadh, dushkarm aur bhrashtaachaar ne janta ko poori tarah trust kar diya hai. Raajyapaal ko in maamalon ko sanjnyaaan mein lete hue khud jaankaari haasil kar raashtrapati shaasan lagaae jaane ki sifaarish karni chaahiye. Maayaavati ne kaha ki haalaanki vah khud bhi raashtrapati Pranab mukharji se milkar raashtrapati shaasan lagaae jaane ki maang kar sakti hain. Uttar pradesh vidhaanasabha ke 125 saal poore hone par yahaan chal rahe samaaroh mein shaamil hone ke baare mein poochhe jaane par maayaavati ne kaha, "Yeh aayojan sarkaari kam, raajaneetik jyaada hai. Isliye mere jaise logon ka is kaaryakram mein hissa lena uchit naheen. "


Neeteesh Ke Janta Darbaar Mein Aatmahatya Ki Koshish

Neeteesh Ke Janta Darbaar Mein Aatmahatya Ki Koshish

India »

Patna: Bihar ke mukhyamantri neeteesh Kumar ke 'Janta darbaar mein mukhyamantri' kaaryakram ke dauraan somvaar ko ek viklaang chhaatra ne apni maangein naheen poori hoti dekh apne haath ki nas kaatkar aatmahatya karne ki koshish ki. Ek police adhikaari ki tatparata ke kaaran haalaanki chhaatra nas to naheen kaat saki, lekin blade se usaki hatheli mein jakhm ho gaya. Police ke ek adhikaari ke anusaar, jab mukhyamantri logon ki shikaayaton ka niptaara kar rahe the usi dauraan baadh kshetr se I ek viklaang yuvati sarojani kumaari bhi apna aavedan dekar computer prashikshan aur snaatak ki padhaai poori karne ka kharch vahan karne ki maang lekar I. Mukhyamantri ne yuvati ko kai prakaar se samajhaaya, lekin jab use apni maang poori hote naheen dikhi to usane blade se apne haath ka nas kaatne ki koshish ki, lekin vahaan khade surakshaakarmiyon ne tatkaal blade pakad liya. Isse yuvati ka hatheli haalaanki jakhmi ho gaya. Yuvati ka aarop hai ki vah apni samasya ko lekar kai adhikaariyon aur mantriyon ke paas gayi lekin usaki maang naheen maani gayi. Is kaaran vah yahaan I hai. Ghatna ke baad mukhyamantri ne Patna ke jilaadhikaari ko apne vetan (mukhyamantri ke vetan) se chhaatra ko sahaayata raashi dilaane ka nirdesh diya. Iske baad hi yuvati janta darbaar se gayi. Ullekhaneeya hai ki pratyek somvaar ko mukhyamantri apne sarkaari aavaas par 'Mukhyamantri janta darbaar mein' kaaryakram mein logon ki samasyaaen sunate hain.