Sainik Ki Donon Aankhein Nikaaleen

Sainik Ki Donon Aankhein Nikaaleen

India »

PTI. Shreenagar: Akhanoor ke chaukeechora mein naale se jakhmi haalat mein mile ek sainik ko aspataal mein daakhil karaaya gaya hai. Sainik ki donon aankhein kisi ne nikaal li hain. Unka naam Rakesh Kumar datt hai. Rakesh raashtreeya rifles mein kishtavaad mein tainaat hain. Vah chhutti par apne ghar raajauri ke laam mein gaye the. Doctoron ne unki haalat gambhir bataai hai. Rakesh bolne ki haalat mein naheen hain. Yah pata naheen chal paaya hai ki unki donon aankhein kisne nikaali hain.


Hathiyaar Sandhi Ki Poori Padtaal Karega Bhaarat

Hathiyaar Sandhi Ki Poori Padtaal Karega Bhaarat

India »

Ranjit Kumar . Nai Delhi hathiyaaron ki bikri aur iske istemaal par najar rakhane waali hathiyaar vyaapaar sandhi ki Bhaarat gahan sameeksha karega aur apni videsh aur raksha neeti ki jarooraton ke maddenajar hi is baare mein koi antim faisala karega. Yahaan videsh mantraalaya ke pravakta ne kaha ki ham aisi kisi sandhi ko sveekaar naheen kareinge jo hamaare vikalpon ko seemit karta ho. Bhaarat sanyukt raashtra mein mangalvaar ko paas aarms trade treeti par voting mein shaamil naheen huaa tha. Sanyukt raashtra ke 193 mein se 154 deshon ne iske paksh mein vote diya jabki teen deshon Syria, Iran aur uttar Korea ne iska virodh kiya tha. Apne ghoshit bayaanon ke ulat Pakistan ne is sandhi ke paksh mein vote diya jabki cheen aur roos ne is par hone waali voting mein bhaag naheen liya. Bhaarat ne aarop lagaaya hai ki yah sandhi kuchh chuninda deshon ke liye banaai gayi hai. 50 deshon dvaara unki sansadon se anumodit hone ke 90 dinon ke baad yah sandhi laagoo ho jaaegi. Tab yah antararaashtreeya star par maanya ek vaidhaanik sandhi hogi aur Bhaarat ko bhi iske praavadhaanon ka aadar karna hoga. Lekin ismein jis tarah do deshon ke beech raksha sahayog samjhauton ko najaraandaaj kiya gaya hai aur aatankvaadi guton ke haath bade hathiyaar lagne ki shanka ka koi upaaya naheen socha gaya hai, Bhaarat isse chintit hai. Badi baat yah hai ki sandhi mein hathagolon ke vyaapaar par kisi tarah ki nigraani ki baat naheen hai aur na hi drone vimaanon ki bikri aur iske istemaal ke baare mein koi jikr hai. Isi ke maddenajar Bhaarat ne kaha hai ki vah is sandhi ka apni videsh aur raksha neeti par padne vaale asar ki sameeksha karega aur anya vikalpon ka pata lagaaega. Iske baad hi vah is par apna faisala bataaega.


Vodaafon Par Jurmaane Ko Sibbal Ki Manjoori

Vodaafon Par Jurmaane Ko Sibbal Ki Manjoori

India »

bhaasha. Nai Delhi: Maana ja raha hai ki doorasanchaar mantri Kapil sibbal ne vodaafon par kathit roop se kaulaane ki rooting par license sharton ke ullanghan ke liye 104 karod rupaye ka jurmaana lagaane ko manjoori day di hai. Gaurtalab hai ki doorasanchaar vibhaag ki do aantarik samitiyaane ne yah jurmaana lagaane ki sifaarish ki thi. Aadhikaarik sootraane ne bataaya ki vodaafon par jurmaane ko 23 March ko manjoori di gayi. Vodaafon dvaara October, 2002 se December, 2003 ke dauraan Delhi aur Mumbai mane license sharton ke ullanghan ke liye dot ki aantarik samiti dvaara lagaae gaye anumaan ke aadhaar par yah jurmaana lagaaya gaya hai. Is baare mane vodaafon se tatkaal pratikriya naheen mil paai. Court ki vajah se doorasanchaar kshetr thanda : Sibbal doosari or, doorasanchaar mantri Kapil sibbal ne Budhvaar kaha ki bhala ho Supreme court ka ki doorasanchaar kshetr kuchh samay tak 'Soene ka anda dene waali murgi' naheen rahega. Unhaanene kaha ki yadi adaalatein aarthik neeti nirmaan mane shaamil hongi, to ham gambhir sankat mane pad jaaenge. Doorasanchaar mantri ne yahaan udyog mandal CII ki saalaana aam baithak va raashtreeya sammelan 2013 mein kaha, 'Doorasanchaar sone ka anda dene waali murgi thi, lekin Supreme court ne sunishchit kiya hai ki ab kuchh samay tak sone ka anda dene waali murgi sone ka anda naheen degi. ' haalaanki, sibbal ne Supreme court ke kisi vishesh faisale ka jikr naheen kiya, lekin unka ishaara sheersh adaalat dvaara 2008 ke spectrum aavantan ghotaale mane 2ji mobile sevaaaane ke 122 license radd karne ke faisale ki or tha.


Live Dekh Sakeinge Raajajaat Yaatra

Live Dekh Sakeinge Raajajaat Yaatra

India »

PTI. Deharaadoon: Ab aap nanda devi raajajaat yaatra ka live telikaast dekh sakeinge. Uttaraakhand sarkaar ne isaro ke saath is sambandh mein karaar kiya hai. Raajya ke science end taiknaulaji ministar S S negi ne Budhvaar ko bataaya ki 19 din tak chalne waali is yaatra ka aayojan August mein hoga. Isaro iska seedha prasaaran karega. Negi ne kaha ki iske seedhe prasaaran ke liye yaatra se sambandhit chamoli maarg par isaro upagrah terminal lagaaega. Gaurtalab hai ki uttaraakhand mein aayojit hone waali yah yaatra kuchh behad kathin oonchaaiyon se hokar gujarati hai. 280 kilometer lambi yah yaatra maan paarvati ki avataar nanda devi ki sasuraal ke liye vidaai ya Bhagwan Shiv ke nivaas ke liye gaman ka prateek hai. Yaatra chamoli jile mein karnaprayaag ke najadeek 1500 meter ki oonchaai par sthit nauti gaanv se shuroo hoti hai aur unneesavein din 4950 meter ki oonchaai par sthit hemakanud mein samaapt hoti hai.


Advani Ne Bhaarat-Pak Mahaasangh Ki Baat Uthaai

Advani Ne Bhaarat-Pak Mahaasangh Ki Baat Uthaai

India »

bhaasha . Chitrakoot BJP ke senior leedar Lal Krishna Advani ne Ram manohar lohiya aur deenadayaal upaadhyaaya ke bahaane musalmaanon ke beech party ki sveekaaryata badhaane ki garaj se Bhaarat-Pak mahaasangh ki sambhaavnaaon ki baat uthaai hai. Advani ne yahaan shuroo hui BJP ki do divseeya pradesh kaaryasamiti ki baithak ka udghaatan kiya. Is dauraan unhonne kaha ki janasangh aur iski uttaraadhikaari BJP sirf raajaneetik dal naheen hai balki ek saanskrutik raashtravaad ke mahaan abhiyaan ka hissa hain, lihaaja unki badi javaabadehi hai. Advani ne kaha ki deenadayaal upaadhyaaya ne lohiya se kaha tha ki ek din aisa aaega jab Pakistan ke adhikaansh musalmaan is baat ko samjheinge ki unhonne Bhaarat ka vibhaajan karke ya khud ko Bhaarat se alag karke apna nuksaan hi kiya hai. Aisi sthiti jab aaegi tab poori sambhaavana hogi ki Bhaarat aur Pak milkar ek sanghaatmak dhaancha banaaen. Donon desh ek naheen honge par donon ka mahaasangh ban sakta hai. Advani ne kaha ki lohiya ne deenadayaal ke is vichaar ko adbhut bataate hue ek sanyukt vaktavya jaari kiya tha jis par janasangh ki taraf se deenadayaal aur samaajavaadi party ki or se lohiya ne hastaakshar kiye the. Advani ne kaha ki lohiya ne ekabaar unase kaha tha ki vah samaajavaadi hain, lekin bhaarateeya janasangh ke raashtravaad ke aadarsh ka sammaan karte hain. Muslim samaaj agar janasangh ki taraf naheen jhukata hai to usaka kaaran vibhaajan ke baad desh ko akhand banaane ki janasangh ki mansha hai. Saamaanya musalmaan iska yah matlab lagaata hai ki agar janasangh satta mein aaya to vah Pakistan par hamla karke use Bhaarat ka hissa bana lega.


Blaink Check Saavadhaani Hai Jaroori

Blaink Check Saavadhaani Hai Jaroori

India »

loan dete vakt bank graahakon se blaink (kora) check lete hain. Graahak is kore check ko sirf takaneeki aupachaarikta maanate hue is baare mein jyaada gambhir naheen rahate. Yahi kaaran hai ki iske durupayog ke kai maamale saamane aae hain. Aakhir bank kora check kyon lete hain aur graahakon ko aisa check dete samay kin baaton ka dhyaan rakhana chaahiye, bata rahe hain Joseph barnaad : Loan dete samay jaanch jaroori : Beshak bank sabhi tarah ki jaanch ke baad graahak ko loan dete hain. Ismein ghar ka pata, vyavasaaya aur anya sabhi jaankaariyon ki jaanch shaamil hoti hai. Bank iske proof ke liye sambandhit dastaavej lete hain. Magar loan lene ke baad graahakon ko kist yaani EMI deni hoti hai. Graahak har baar aakar EMI naheen chuka sakta. Aise mein uske bank khaate ko loan ke saath jod diya jaata hai. Har maheene khaate se bank ko EMI ki kist mil jaati hai. Loan ki kist sahi tareeke se milti rahe, iski jaanch ke liye graahak se blaink check liya jaata hai. Kora check lene ka maksad : Bank adhikaariyon ka kehna hai ki teen aham kaaranon se karj dete samay graahakon se aisa check liya jaata hai. Pehla, isse hastaakshar ka Milan kiya jaata hai. Hastaakshar ke jariye yah dekha jaata hai ki jisko loan diya ja raha hai, vah vyakti vahi hai, jiska bank mein khaata hai. Jis bank ka vah check hota hai, usako bhejkar iski jaanch ki jaati hai. Doosra, isse yah jaankaari mil jaati hai ki graahak ka khaata kis bank mein hain. Teesara, check mein darj IFSC number ke jariye yah pata lag jaata hai ki bank ke kis branch mein usaka khaata hai, kyonki check bank ke usi branch se jaari hota hai. Sajag rahe graahak : Banking sector eksapart ashvini raana ke mutaabik, kora check dete samay do baaton ka dhyaan rakhana bahut jaroori hai. Pehla yah ki aisa check dete samay usamein kainsild (nirast) jaroor likhein. Ek baar agar check mein kainsild likh diya to usako koi naheen bhuna sakta. Doosra hai, check ko kraus karein. Isse check ko koi doosra istemaal naheen kar paaega. Reserve bank ki mansha : Reserve bank nishchit taur par karj dete vakt kaagaji aupachaarikta se jyaada se jyaada chhutakaara chaahata hai. Magar doosari taraf vah yah bhi chaahata hai ki karj dene aur lene mein kisi prakaar ki kotaahi na barati jaae. Reserve bank ke ek adhikaari ka kehna hai ki keindreeya bank is paksh mein hai ki check ka kam istemaal ho kyonki check dvaara hi adhik gadbadi hoti hai. Magar bankon ko karj dene se pehle graahakon ke ghar, vyavasaaya aur bank account ke baare mein jaankaari jama karne ka poora adhikaar hai.


Raajadoot Ko Rom Bhejane Ka Faisala

Raajadoot Ko Rom Bhejane Ka Faisala

India »

vipr. Nai Delhi : Italy ke donon nausainikon ke Supreme court ke faisale ke anuroop Bhaarat lautaane ke baad Bhaarat ne ab apne raajadoot ko rom bhejane ka faisala kiya hai. Ullekhaneeya hai ki Italy dvaara bhaarateeya Supreme court ko diya gaya vachan todne ke baad Bhaarat ne Italy se raajanayik rishton ki sameeksha karne ki baat kahi thi aur apne raajadoot basant gupt ko Italy jaane se rok diya tha. Lekin ab Italy dvaara apne donon nausainikon ko Bhaarat bhejane ke baad Bhaarat ne Italy se raajanayik rishton ko patari par laane ka faisala kiya hai. Sarkaar ne is maheene ke ant tak bhaarateeya raajadoot ko rom jaane ko kaha hai.


'Nitaakat Par Baatcheet Ke Liye Saudi Arab Ja Sakte Hain Ravi

'Nitaakat Par Baatcheet Ke Liye Saudi Arab Ja Sakte Hain Ravi

India »

vishesh pratinidhi. Nai Delhi Saudi arab mein videshi kaamagaaroein par laagoo hone vaale nitaakat kaanoon ke baare mein bhaarateeya adhikaariyon ka kehna hai ki ghabaraane ki jaroorat naheen hai. Yahaan videsh mantraalaya ke pravakta ne kaha ki Saudi arab mein Bhaarat ke raajadoot vahaan ke vibhinn praanton ke gavarnaron se mil kar bhaarateeya kaamagaaron ki samasyaaon ke baare mein charcha kar rahe hain. Vaise sambhav hai ki isse maamale par baatcheet ke liye pravaasi bhaarateeya maamalon ke mantri vayaalaar ravi jald hi Saudi arab jaaen. Pravakta ne kaha ki Saudi arab se ve hi bhaarateeya kaamagaar adhik sankhya mane laute hain jo gairkaanooni taur par vahaan kaam kar rahe the. Saudi arab mein kade shram kaanoonon ke baavajood pichhle do dashak mein bhaarateeya kaamagaaron ki sankhya mein bhaari ijaafa huaa hai. 1988 mein vahaan chaar lakh bhaarateeya kaamagaar the, jo aaj badhkar saadhe 24 lakh ho gaye hain. In kaamagaaron mein kai aise hain, jo Saudi arab ke shram kaanoonon aur visa sharton ka ullanghan kar vahaan rahate hain. Aise logon ke khilaaf vahaan ke adhikaari kaarravaai karte hain. Pravakta ne in riporton ko galat bataaya ki Saudi arab se bhaarateeya kaamagaar nitaakat kaanoonon ki vajah se laute hain. Videsh mantraalaya mein sanyukt sachiv A aar ghanashyaam ne kaha ki nitaakat kaanoon se ham chintit jaroor hain, lekin ghabara naheen rahe hain. Saudi arab ko apne yuvakon ke liye bhi rojagaar ki chinta karni hoti hai aur Bhaarat Saudi arab ki ghareloo baaton mein dakhal naheen day sakta. Is masale par yahaan videsh mantri Salman khursheed, vayaalaar ravi aur Kerala ke mukhyamantri uman chaandi ne saajha baithak ki hai. Jald hi vayaalaar ravi Bhaarat ki chinta se Saudi arab ke adhikaariyon ko avagat karaane vahaan ja sakte hain.


AIR Mein Yaun Utpeedn Par Javaab Day Sarkaar

AIR Mein Yaun Utpeedn Par Javaab Day Sarkaar

India »

pramukh samvaadadaata. Nai Delhi Delhi haai court ne kendra sarkaar ko us janahit yaachika par kendra sarkaar ko notice jaari kar javaab daakhil karne ko kaha hai jismein kaha gaya hai ki ol India radio ke ek efaem channel ke prejeintaron ka kathit taur par yaun utpeedn ho raha hai. Yaachika mein ise rokane ke liye kade kadam uthaae jaane aur Supreme court ki vishaakha guide lines ko sakhti se laagoo kiye jaane ki bhi gujaarish ki gayi hai. Janahit yaachika par sunavaai ke dauraan haai court ke cheef Justice di. Murugeshan aur Justice vi. Ke. Jain ki bench ne soochana -prasaaran mantraalaya ke saath hi prasaar bhaarati ke CEO ko notice jaari kiya hai. Unase 15 May tak javaab daakhil karne ko kaha hai. Is maamale mein ek social varkar ki or se edavoket sugreev doobe ne peeaaiel daayar ki. Yaachika mein kaha gaya hai ki unhein media report se pata chala hai ki AIR ke ek efaem channel ki kuchh mahila prejeintaron ke saath kathit taur par yaun utpeedn huaa hai. Yaachika mein kaha gaya hai ki ye mahila prejeintar pichhle kai saalon se vahaan kaam kar rahi hain lekin unke saath vahaan prataadna ho rahi hai aur kaiyon ko bina vajah bataae service se hataaya gaya hai. Samvidhaan ke aartikl-226 ke tahat haai court mein arji daakhil kar soochana-prasaaran mantraalaya aur anya ko prativaadi banaaya gaya hai. Yaachika mein aarop lagaaya gaya hai ki AIR ke efaem channel mein kaam karne waali mahila prejeintars mein se kai lagaataar prataadna ki shikaar ho raheen hain. Inhein vahaan se bevajah hataaya ja raha hai. Isse inke mool adhikaar par asar pad raha hai. Is baare mein ol India radio braudakaasting prafeshanals asosiyeshan ne Delhi mahila aayog aur raashtreeya mahila aayog se bhi shikaayat ki hai. Yaachika mein kaha gaya hai ki daftar mein mahilaaon ke saath seksual bhedabhaav, prataadna aur shoshan ko rokane ke liye kade kadam uthaae jaaen. Duty karne waali mahilaaon ki hifaajat ke intajaam hon. Yaachika mein kaha gaya hai ki adaalat kendra sarkaar ko nirdesh jaari kare ki vah mahila perajeintar ke service kandishn ko behtar karne ke liye ek paulisi aur guide lines banaae. Yaachika mein yah bhi maang ki gayi hai ki kendra sarkaar ko nirdesh diya jaana chaahiye ki vah vark place par yaun utpeedn rokane ke liye Supreme court ki or se jaari vishaakha guide lines par amal karaaen. Maamale ki agali sunavaai 15 May ko hogi.


Kya Aaj Aaega Facebook Ka Phone

Kya Aaj Aaega Facebook Ka Phone

India »

agency . Nai Delhi : Facebook guruvaar ko ek bada dhamaaka kar sakta hai. Aisi atkalon ka baajaar garm hai ki company apna endrauyad phone launch kar sakti hai. Daraasal, Facebook ne kuchh riportaron ko apne new hom on endrauyad ke launch ke mauke par bulaaya hai. Isi ke saath atkalein shuroo ho gain ki chaar April ko Facebook kya lekar aane vaala hai. Agar atkalon ki maane to company endrauyad phone ka naya aur modifaaid varjan launch kar sakti hai aur iska operating system poori tarah Facebook par hoga. Maana ja raha hai ki mobile phone echateesi kaurp dvaara taiyaar kiya jaaega. The varj ki report ke mutaabik, aisi khabarein hain ki company ek vaikalpik endrauyad launchar bhi lekar aaegi.


BJP Ka Bhrashtaachaar Aur Lokpal Par Dohara Maanadand Jedi(you)

BJP Ka Bhrashtaachaar Aur Lokpal Par Dohara Maanadand Jedi(you)

India »

deeptimaan tivaareenai Delhi. . NDA ke pramukh sahayogi jedi(you) ne BJP aur Narendra Modi par Gujarat mein bhrashtaachaar virodhi sanstha lokaayukt ko kamjor karne aur use shakti naheen dene par aakraamak hamla bola hai. Narendra Modi ne Gujarat lokaayukt aayog bill 2013 mangalvaar ko vidhaanasabha mein paas kiya. Is bill mein praavadhaan hai mukhyamantri ki adhyakshata vaala panel lokaayukt aur upalokaayukt silekt karega. Bihar ke mukhyamantri neeteesh Kumar ke bharosemad sahayogi aur saansad Ali Anwar ne Narendra Modi par hamla bolte hue kaha ki yah bill poori tarah se nishprabhaavi hai. Gujarat ke mukhyamantri ne poori shakti apne paas rakhi hai. Aise mein koi lokaayukt svatantr roop se kaise kaam karega? Kya is lokaayukt bill se bhrashtaachaar tham jaaega? Gaurtalab hai Ali Anwar pehle patrakaar the. Neeteesh Kumar ne unhein do baar Rajyasabha ka saansad banaaya. Ali Anwar ne lokaayukt bill par BJP ke dohare maanadand ke liye jamkar aalochna ki. Unhonne BJP par bhrashtaachaar ko lekar dohare maanadand apnaane ka aarop lagaaya. Ali Anwar ne kaha ki BJP ka yah ravaiya behad durbhaagyapoorn hai. Unhonne kaha, aisa tab hai jab anna hajaare ne majaboot Lokpal ke liye aandolan chheda BJP mein arun jetali jaise neta ne poora samarthan diya. Lekin jab apni sarkaar ki baari I to bina daant ke lokaayukt bill paas kar diya gaya. Jedi(you) ka yah naya hamla bilkul usi tarah hai jaise Congress Narendra Modi par lokaayukt ko lekar hamla kar rahi hai. Ek tareeke se jedi(you) ka BJP ki us muhim ka javaab bhi hai jismein Narendra Modi ko PM pratyaashi ghoshit karne ke liye neeteesh ki upeksha tak ke liye socha ja raha hai. Doosari taraf BJP jedi(you) ki is pratikriya par sadhe shabdon mein javaab day rahi hai. Party pravakta nirmala seetaaraman ne kaha ki Gujarat mein lokaayukt bill paas karne ke peechhe us khatre ko bhi taalana tha jismein kisi ek ki pasand ko thopane ki koshish ki ja rahi thi. Gaurtalab hai ki isse pehle Gujarat ki raajyapaal kamala beneevaal dvaara niyukt kiye gaye lokaayukt Justice aa. A. Mehta se Narendra Modi ko aapatti thi. Vah is faisale ko rokane ke liye Supreme court gaye lekin vahaan se bhi unhein khaali haath lautana pada tha.


Garmiyon Ke Liye Banpar Flaaits

Garmiyon Ke Liye Banpar Flaaits

India »

vis. Nai Delhi : Garmiyon ki chhuttiyon mein railway ke saath hi civil eviyeshan mantraalaya ne bhi vibhinn airlines ko badi taadaad mein desi-videshi destineshan ke liye flaaits manjoor ki hain. Mantraalaya ke pravakta ne bataaya ki ghareloo destineshan ke liye kul 11541 har hafte udaanon ko manjoori di gayi hai. Inmein se sabse jyaada hissa indigo ka hai. Indigo ko har saptaah 2821 ghareloo flaaits ki manjoori di gayi hai. Isi tarah se jet Airways ko 2802, spaaisajet ko 2467, air India ko 1788, alaanyas air ko 273, jetalaait ko 639 aur go air ko 751 flaaitas ki ijaajat di gayi hai. Isi tarah se intaranaishanal destineshan ke liye mantraalaya ne garmiyon ke liye alag se udaanon ko manjoori di hai. Air India is avadhi mein 27 intaranaishanal destineshan ke liye har hafte 710 udaanein bhar sakega. Isi tarah se air India express 12 destineshan ke liye 346, jet Airways 20 destineshan ke liye 708, spaaisajet 8 destineshan ke liye 162 aur indigo 5 destineshan ke liye 190 flaaits har hafte uda sakega.


Yashavant Ke Letar Par Bhidi Congress-BJP

Yashavant Ke Letar Par Bhidi Congress-BJP

India »

nai Delhi : -Manmohan ko chitthi likhkar 2ji maamale mein JPC ke saamane pesh hone ki maang ki thi BJP leedar yashavant sinha ne -kaangeras ne raajaneetik nautanki karaar diya maamale ko, BJP ne kaha ki sach chhipaane ki koshish kar rahi hai sarkaar . . . . . . . . . . . . . . . . . . . . . . . . . 2ji spectrum ghotaale ki jaanch kar rahi jaaint paarliyaameintri committee (JPC) ke saamane vittamantri Chidambaram aur PM ke pesh hone ki maang se judi BJP leedar yashavant sinha ki chitthi par mangalvaar ko Congress aur BJP bhid gaye. Congress ne is chitthi ko raajanaitik nautanki karaar diya. Vaheen, BJP ne kaha ki agar pradhaanamantri Pak-saaf hain to vah JPC ke saamane aane se bach kyon rahe hain? Congress ne kaha, chitthi raajaneetik nautanki somvaar ko JPC sadasya yashavant sinha ne pradhaanamantri Manmohan Singh ko chitthi likhkar unase JPC ke saamane haajir hone ki appeal ki thi. Is par JPC adhyaksh aur Congressi leedar pi. Si. Chaako ne savaal uthaate hue kaha ki JPC ka koi sadasya pradhaanamantri ko kaise chitthi likh sakta hai? Chaako ne ise raajaneetik nautanki karaar dete hue kaha ki yah sansadeeya prakriya se jude maapadandon ke khilaaf hai. Mantriyaane ko bulaane ka faisala samiti ka kaam hai, kisi aur ka naheen. Sach chhipaana chaahati hai sarkaar: BJP yashavant sinha ka kehna hai ki agar raaja ko JPC ke saamane bayaan dene ke liye bulaaya jaata hai, to pradhaanamantri Manmohan Singh aur vittamantri pi. Chidambaram ke liye badi samasya khadi ho sakti hai. Isi vajah se koshish ki ja rahi hai ki raaja committee ke saamane bayaan hi na dein. Udhar, chaako ka kehna hai ki gavaahon ki or se paksh rakhane ki prakriya khatm hone ke baad committee ke sadasyon ne mujhe masauda report taiyaar karne ke liye adhikrut kiya tha. PM ko yaad dilaaya vaada BJP pravakta nirmala seetaaraman ke mutaabik, Manmohan Singh ne Congress ke buraadi sammelan mein kaha tha ki vah JPC ke saamane jaane ke liye taiyaar hain. Aise mein PM ko apne vaade par amal karna chaahiye. 1992 mein bhi Manmohan Singh JPC ke saamane pesh hue the. Mantri pehle bhi JPC ke saamane aate rahe hain. Aise mein is baar Congress ko kyon aapatti hai? Seetaaraman ke mutaabik, mukhya vipakshi dal ke sadasya yashavant ne pablik intrest mein hi PM aur vittamantri ko bulaane ki maang rakhi hai.


Shole Ke 3di Varjan Par Rok Naheen

Shole Ke 3di Varjan Par Rok Naheen

India »

bhaasha. Mumbai : Bombay haai court ne film shole ke '3di' varjan banaane aur usaki release par rok lagaane ki hindi film nirmaata ramesh sippi ka gujaarish ko thukara diya hai. Is film ka nirmaan sippi ke bhaai vijay ke putr saasha kar rahe hain. Saasha ne haal hi mein film ka 3di varjan banaane ka ailaan kiya tha aur iske distribyooshan ki jimmedaari jayanteelaal gaada ko di gayi hai. Bhateeje ke is kadam ke khilaaf sippi ne haai court mein yaachika daakhil ki. Unki yaachika par sunavaai ke dauraan Justice S. J. Kaathaavaala ne unhein kisi bhi tarah ki raahat dene se inkaar kar diya. Court ne kaha ki is charan mein vah film ke 3di varjan ke praudakshan aur release par paabandi lagaane ke paksh mein naheen hai.


Deee Aur Deekantrol Par Naheen Huaa Faisala

Deee Aur Deekantrol Par Naheen Huaa Faisala

India »

vis. Nai Delhi: Vitt mantri pi. Chidambaram ke desh mein na hone se keindreeya karmachaariyon ka mahangaai bhatta badhaane aur cheeni ko sarkaari niyantran se mukt karne par faisala naheen kiya ja saka. Mangalvaar ko pradhaanamantri Dr. Manmohan Singh ki adhyakshata mein hui cabinet ki aarthik committee ki baithak ke baad soochana aur prasaaran mantri maneesh tivaari ne patrakaaron ko bataaya ki vitt mantri Japan ke aadhikaarik daure par hai. Aise mein in donon maamalon mein baithak mein faisala naheen liya ja saka. Sootron ke mutaabik, Chidambaram ke videsh daure se vaapas lautane ke baad agale saptaah hone waali baithak mein in donon par faisala liya jaaega.


'Begunaah Saabit Hone Par Riha Hoga Liyaakat

'Begunaah Saabit Hone Par Riha Hoga Liyaakat

India »

nai Delhi : Keindreeya gruh sachiv aar. Ke. Singh ka kehna hai ki agar naishanal investigeshan agency ki jaanch mein kathit hijbul mujaahideen ka aatanki liyaakat shaah nirdosh saabit hota hai, to use chhod diya jaaega. Singh ne mangalvaar ko kaha ki agar yah saabit ho gaya ki liyaakat vaastav mein seema paar se surrender karne ke liye Bhaarat aaya tha, to use riha kar diya jaaega. Sashastr seema bal dvaara aayojit ek kaaryakram ke mauke par gruh sachiv ne kaha ki Delhi police aur Jammu-Kashmir police ke daavon ki jaanch ka jimma NIA ko saunpa gaya hai. NIA is baat ka pata lagaaegi ki sach kya hai? Kya vah (liyaakat) sachmuch aatmasamarpan karne aaya tha ya fir kisi saajish ke tahat Nepal ke jariye desh mein ghusa tha. Jo bhi sach hoga, vah saamane aa jaaega. Agar vah aatmasamarpan karne aaya tha to hamaari koshish use riha karaane ki hogi, taaki vah apne parivaar se mil sake. Ullekhaneeya hai ki liyaakat shaah ki giraftaari par Delhi police ne daava kiya tha ki usane rajdhani mein holi se pehle ek badi aatanki saajish ko naakaam kiya hai. Jabki Jammu Kashmir ke mukhyamantri aur police ka kehna tha ki liyaakat aatmasamarpan karne ke liye Nepal ke jariye Bhaarat aaya tha. Is vivaad ke baad hi is maamale ki jaanch NIA ko saunpi gayi hai.


Ambani Brothers Ne Milaaya Haath

Ambani Brothers Ne Milaaya Haath

India »

PTI. Nai Delhi : Ambani brothers ki companiyon ne 4G services ke liye aapas mein 1200 karod ki deal ki hai. Mukesh Ambani ki Reliance industries anil Ambani ki Reliance kamyunikeshans limited ke optikl faaibar network ka istemaal 4 ji services pahunchaane ke liye karegi. Mukesh ki company ka naam Reliance jiyo infokaum limited hoga. Anil Ambani ki company ne deshbhar mein 120,000 kilometer tak apna optik faaibar faila rakha hai.


Indo-yooes Jauint Committee Ki Meeting Aaj

Indo-yooes Jauint Committee Ki Meeting Aaj

India »

vishesh pratinidhi . Nai Delhi Bhaarat aur America ki nausenaaon ke beech aapasi sahayog aur saajha abhyaason ka silsila aage badhaane ke liye yahaan Budhvaar ko donon deshon ki saajha sanchaalan dal ki baithak hogi. Is baithak ke liye ameriki nausena ke saatavein bede ke commander uvaais Admiral Scott H swift yahaan Budhvaar ko nausena mukhyaalaya mein aala afsaron ke saath baithak kareinge. Gaurtalab hai ki donon deshon ki teenon senaaon ke beech aapasi madad ke liye igjekyootil steeyaring group ka gathan kiya gaya hai. Yah group donon deshon ki saajha defence paulisi gruup (deepeeji) ke tahat kaam karte hain. Saatavaan beda ameriki nausena ka sabse bada hai jismein kareeb 70 yuddhapot, aur 300 ladaakoo vimaan hain aur ismein 40 hajaar se jyaada nausainik sevaarat hain. Saatavein bede ke bal par hi America Asia prashaant ilaake mein apna dabadaba kaayam karta hai. Yahaan nausena mukhyaalaya mein baithak karne ke pehle vaais Admiral swift ne kochchi ke nausainik adde ka daura kiya aur vahaan navy afsaron ke saath peshevar aur aapasi madad ke masalon par charcha ki. Gaurtalab hai ki Bhaarat aur America ki nausenaaon ke beech saalaana maalaabaar nausainik abhyaas hota hai aur donon deshon ke nausainik commando ek doosare ke yahaan training ke liye jaate hain. Donon deshon ke beech maalaabaar abhyaas ka silsila 1992 manein shuroo huaa tha. Isi tarah donon deshon ki vaayusena aur thalasena ke beech bhi aapasi sahayog aur training ke kai kaaryakram aayojit hote hain.


Italy Ke Raajadoot Ke Bhaarat Chhodne Par Lagi Rok Hati

Italy Ke Raajadoot Ke Bhaarat Chhodne Par Lagi Rok Hati

India »

pras . Nai Delhi : Supreme court ne Italy ke raajadoot Daniel meinsini ke Bhaarat chhodne par lagi rok laga li hai. Bhaarateeya machhuaaron ki hatya ke maamale mein do itaaliyn marine ke Bhaarat lautane ke baad Supreme court ne Italy ke raajadoot par Bhaarat chhodne par lagaai gayi rok hata li. Supreme court ke cheef Justice altamas kabeer ki aguvaai waali bench ne 14 March ko diye apne aadesh ko radd kar diya jismein aaropi mareenon ko Bhaarat bhejane se Italy sarkaar ke inkaar ke baad Supreme court ne Italy ke raajadoot ke Bhaarat chhod kar jaane par rok laga di thi. Isi beech Supreme court ne kendra sarkaar se kaha hai ki vah Italy ke donon mareens ke khilaaf maamale ki sunavaai ke liye special court gathit kare. Adaalat ne iske liye kendra sarkaar se turant kadam uthaane ko kaha hai. Supreme court ne sarkaar se poochha ki aakhir special court gathit karne mein deri kyon ho rahi hai? Hamaara maksad yah hai ki maamale mein jaldi sunavaai ho aur maamale ka fast track trial ho jaae. Aaropi mareens yahaan hain aur aise mein jaldi sunavaai kar maamale ki sunavaai poori ki jaae. Special court gathit karne ke maamale mein 16 April tak sarkaar apna stand saaf kare. Supreme court ne 14 March ko diye apne aadesh mein kaha tha ki Italy ke raajadoot us aashvaasan se mukar gaye hain jismein unhonne Italy ke aaropi mareens ko Bhaarat vaapasi ka aashvaasan diya tha. Iske baad Supreme court ne Italy ke raajadoot se kaha tha ki vah adaalat ki ijaajat ke bagair desh na chhodein. Supreme court ke aadeesh ke baad Italy sarkaar ne baad mein in mareens ko Bhaarat bhejane par sahamati jata di aur fir donon aaropi marine Bhaarat laut aae the.


Baraat Mein Sikke Uthaane Gaye Bachche Ko Lagi Goli

Baraat Mein Sikke Uthaane Gaye Bachche Ko Lagi Goli

India »

S . Jeend : Pillookheda mandi mein ek shaadi samaaroh mein goli lagne se 12 saal ke ek maasoom bachche ki jaan chali gayi. Vah doolhe par uchhaale ja rahe sikke ko uthaane ke liye samaaroh mein chala gaya tha. Jaankaari ke mutaabik, pillookheda mandi mane somvaar raat ko monoo ke ghar shaadi ka kaaryakram chal raha tha. Isamane ghudchadhi ke dauraan doolhe monoo ke dost aur rishtedaar khushi mein naach rahe the. Is beech shaadi mein shareek hone aae doolhe ke ek rishtedaar ne khushi mein goli chala di. Goli kaalava gaanv ke lagbhag 12 varsheeya neeraj ko lagi. Vah ghudchadhi par rishtedaaron ki or se feinke ja rahe sikkon ko utha raha tha. Use jeend ke saamaanya aspataal bheja gaya, jahaan se neeraj ko PGI Rohtak refar kar diya gaya. PGI mein ilaaj ke dauraan neeraj ki maut ho gayi. Pillookheda police ne maamale ki jaanch shuroo kar di hai.


Paani Naheen, Lekin Har Maheene Aata Bill

Paani Naheen, Lekin Har Maheene Aata Bill

India »

S . Jeend : Shahar ke omanagar ke logon ka aarop hai ki peene ke paani ki saplaai naheen hone ke baavajood unhein bill bheja ja raha hai. Is masale par omanagar ke logon ne mangalvaar ko esadeeem dalabeer Singh se mulaakaat ki. Mangalvaar ko esadeeem kaaryaalaya pahanuche omanagar ke Krishna Kumar aadi ne bataaya ki jan svaasthya vibhaag ne abhi tak unke ilaake mein peene ke paani ki saplaai shuroo naheen ki hai. Omanagar ke log paani ke liye haindapanp aadi par dipeind hain. Jan svaasthya vibhaag ki or se omanagar tak paani ki saplaai ke liye pipe line daali ja chuki hai. Mahaj 30 fut ki pipe naheen lagne se paani ki saplaai shuroo naheen ho paai hai. Logon ka aarop hai ki jan svaasthya vibhaag omanagar mein paani ki saplaai naheen kar raha hai, lekin bill bheja ja raha hai. Is par esadeeem dalabeer Singh ne jan svaasthya vibhaag ke kaaryakaari abhiyanta ko omanagar ki samasya ka samaadhaan karne ka nirdesh diya hai. Kaaryakaari abhiyanta ne kaha ki vibhaag is maamale mein jald jaroori kaarravaai karega.


Yaun Shoshit Mahilaaon Ke Liye Punarvaas Yojana

Yaun Shoshit Mahilaaon Ke Liye Punarvaas Yojana

India »

S . Jeend : Yaun shoshit mahilaaon ko samaaj ki mukhyadhaara mein shaamil karne ke liye raajya sarkaar ne 'Yaun shoshit mahila punarvaas' naamak nai yojana shuroo ki hai. Is yojana ke tahat yaun shoshit mahilaaon ko vyaavasaayik prashikshan se lekar svarojagaar sthaapit karavaane tak ki suvidhaaen upalabdh karavaai jaaengi. Mahila evam baal vikaas ke maadhyam se laagoo ki gayi is yojana ke tahat 20 prakaar ke vyavasaayik korson ka prashikshan diya jaaega. Is yojana ki jaankaari mangalvaar ko mahila evam baal vikaas kaaryakram adhikaari ne di. Haaiteinshan taar ki chapet mein aane se bachcha jhulasa S . Hodal : Punhaana mod ke paas ek bachcha bijli ke haaiteinshan taar ki chapet mein aane se jhulas gaya. Aaspaas ke logon ne ghaayal bachche ko niji aspataal mein bharti karaaya, jahaan se use bade aspataal ke liye refar kar diya. Bachche ke parijanon ne maamale ki shikaayat police ko di hai. Chhedchhaad aur hamle ke aaropiyon par kaarravaai ki maang enabeeti news . Hisaar : Sthaaneeya Krishna nagar nivaasi rekha Yadav ki bhaanjiyon se chhedchhaad karne aur virodh karne par hamla karne ke sabhi aaropiyon ki giraftaari ki maang ko lekar mangalvaar ko madad sanstha ke kaaryakarttaaon ne pradarshan kiya. Kaaryakarttaaon ne aaiji se mulaakaat karke aarop lagaaya ki police maamale ki leepaapoti karne ki koshish kar rahi hai. Is par aaiji ne bataaya ki police ne hamle ke 2 aaropiyon ko giraftaar kar liya hai. Saath hi sabhi aaropiyon par kaarravaai karne ka aashvaasan diya. Emadeeyoo ne badhaai daakhile ki taareekh enabeeti news . Hisaar : Maharshi dayaanand university (emadeeyoo) Rohtak ne doorasth shiksha nideshaalaya (deedeei) ke paaramparik graijueshan aur peeji korson mein pravesh ki tithi badha di hai. University ke nideshak deedeei pro. Narendra Kumar ne bataaya ki students 15 April tak let fees ke saath edameeshan le sakte hain. Maarapeet maamale mein graameen upaayukt se mile S . Jeend : Vigat dinon gaanv morakhi mein maarapeet karne ke maamale mein graameenon ne aaropi sharaab thekedaaron ke khilaaf kaanooni kaarravaai ki maang ko lekar mangalvaar ko upaayukt M. L. Kaushik se mulaakaat ki. Upaayukt ne graameenon ko uchit kaarravaai ka aashvaasan diya.


Bijli Ki Badhi Keemat Par Bhadki BJP-echajesi

Bijli Ki Badhi Keemat Par Bhadki BJP-echajesi

India »

enabeeti news . Hisaar bijli ki daron mein ki gayi badhotri ke khilaaf mangalvaar ko bhaarateeya janta party aur echajesi ke kaaryakarttaaon ne paarijaat chauk par virodh-pradarshan kiya. Is mauke par donon paartiyon ke kaaryakartaaon ne pradesh sarkaar ke khilaaf naarebaaji karte hue bijli ki daron ki gayi badhotri ko vaapas lene ki maang ki. Pradarshan ka netrutv BJP ke jila adhyaksh Dr. Kamal gupta ne kiya. Is mauke par kamal gupta ne kaha ki pradesh ki hudda sarkaar aur kendra ki UPA sarkaar aae din aavashyak sevaaon va vastuon ke moolya mein badhotri karke apni kabr khud khodane ka kaam kar rahi hai. Ab bijli ki daron mein bhaari vruddhi, rod tax ke alaava petro padaarthon par lagne vaale vait mein badhotri karke mahangaai ki aag mein jhulas rahi janta ke ghaavon par namak chhidkane ka kaam kiya hai. Unhonne kaha ki bajat adhiveshan hue abhi ek maah bhi naheen huaa hai aur sarkaar ne chaalaaki dikhaate hue janta par bojh badhaane ka kaam kar diya hai. Pradesh sachiv mahaabeer prasaad ne kaha ki baar-baar aavashyak sevaaon ke moolya badhaae jaane se aam aadmi ka bajat bigad gaya hai. 'Congress desh ke liye khatra' doosari taraf, Haryana janahit kaangeras (beeel) ki vidhaayak dal ki neta renuka bishnoi ne mangalvaar ko hisaar jile ke gaanv chaudhareevaas, nihaar, mangaali, deva, agroha, jagaan, jhidi mein janasabhaaon ko sambodhit kiya. Is dauraan unhonne Congress party ko desh evam pradesh ke liye khatra bataaya. Unhonne kaha ki is party ko jald se jald satta se baahar karne ki jaroorat hai. Unhonne kaha ki pichhle 4 saal mein hudda sarkaar 4 baar bijli ke daamon mein badhotri karke aam aadmi par mahangaai ka bojh daal chuki hai. Unhonne kaha ki Haryana sarkaar ne jhoothi vaahavaahi lootane ke liye bajat mein to koi kar naheen lagaaya, lekin ab pichhle darvaaje se chupachaap bijli, parivhan kiraae aadi mein badhotri karke logon ko mahangaai ki aag mein jhulasane ke liye chhod diya hai. Unhonne maang ki ki turant is janavirodhi faisalon ko vaapas liya jaae, taaki aam logon ko mahangaai se kuchh raahat mil sake.


Doctor Se Maangi Gayi 10 Lakh Ki Rangadaari

Doctor Se Maangi Gayi 10 Lakh Ki Rangadaari

India »

enabeeti news . Hisaar : Fatehaabaad jile ke upamandal tohaana ke Dr. Subhaash Bhatia ko dhamaki bhara patra bhejkar 10 lakh rupaye ki rangadaari maangi gayi hai. Rakam naheen dene par uske bachchon ko agava kar hatya karne ki chetaavani bhi di gayi hai. Tohaana ke Bhatia nagar nivaasi Dr. Subhaash Bhatia ne police mein shikaayat dekar bataaya ki dhamaki bhara gumanaam patra 26 March ko uske klinik ke pate par aaya. Patra mein rangadaari ki raashi uske kanpaaundar ko dene ke liye likha gaya tha, jisse vah nagar parishad mein aate-jaate le lega. Dr. Subhaash Bhatia ne patra ko police ke havaale kar diya. Is maamale ki jaanch sahaayak upanireekshak raajasavindr Singh ko saunpi gayi hai. Police jaanch kar karke yah pata lagaane ki koshish kar rahi hai ki yah patra kahaan se dispaich kar daak mein daala gaya. Sabhi pahaluon ko police ne apni jaanch ke daayare mein rakha hai. Dhamaki bhara patra milne ke baad Dr. Bhatia ne apne parivaar ki suraksha ke liye niji surakshaakarmi ki sevaaen li hain.


Hatya Maamale Mein Patni Aur Driver Giraftaar

Hatya Maamale Mein Patni Aur Driver Giraftaar

India »

enabeeti news . Kurukshetr yamunaanagar ke raadaur kasbe mein 4 din pehle janasvaasthya vibhaag ke ek karmachaari ki hatya ke aarop mein police ne mrutak ki patni aur uske poorv chaalak ko giraftaar kar liya hai. Karmachaari ki laash janasvaasthya vibhaag ke tyoobavel par mili thi. Yamunaanagar ke police adheekshak mitesh jain ne bataaya ki mrutak chhotelaal maadaur mein janasvaasthya vibhaag mein chaukeedaar ke pad par kaaryarat tha. Is maamale ki jaanch ke liye police ki kai teemon ka gathan kiya gaya tha. Jaanch ke dauraan police ne jab mrutak ki patni ke mobile phone ki call ditel niklavaai to maaloom huaa ki mrutak ki patni paramajeet ne pradeep naamak yuvak ko phone kiya tha. Call ditel ke aadhaar par police ne pradeep ko jaanch ke daayare mein lekar poochhataachh ki. Poochhataachh ke aadhaar par police ne bataaya ki pradeep chhotelaal ki gaadi ka chaalak tha. Us dauraan pradeep aur chhotelaal ki patni paramajeet ke beech avaidh sambandh ho gaye. In nbandhon ki bhanak chhotelaal ko lag gayi, jis par pradeep ko naukri se hata diya gaya. Uske baad bhi pradeep aur paramajeet ka chori-chhipe aapas mein milna-julana jaari tha. Donon chhotelaal ko apna kaanta samajhne lage. Donon ne use raaste se hataane ki yojana banaai. Police adheekshak ne bataaya ki paramajeet ne raat ko apne pati chhotelaal ki chai mein behoshi ki goliyaan mila di. Uske behosh hote hi paramajeet ne phone karke pradeep ko bula liya. Usakee baad donon ne chhotelaal ke shareer par lakdi se hamla kar usaki hatya kar di. Thaana raadaur prabhaari nirmal Singh ne bataaya ki avaidh sambandhon ke chalte ki gayi is hatya ke aarop mein donon ko giraftaar kar liya gaya hai. Hatya mein istemaal lakdi bhi baraamad kar li gayi hai.