Unmukt Ki Century Ke Baavajood Delhi Haari

Unmukt Ki Century Ke Baavajood Delhi Haari

Cricket »

Indore. . 'Birthday bauya' unmukt chand (105) ki shaanadaar century ke baavajood Delhi ko 'Kamjor' Kerala ne Sayyed Mushtaq Ali ti-20 tournament ke super league group 'A' ke match mein chhah wicket se shikast di. Unmukt ki 67 baul par 12 chauke aur chaar chhakke ki paari se Delhi ne chaar wicket par 195 run banaae. Javaab mein rohan prem (92 run, 51 baul) aur sachin baby (48 run, 19 baul) ke mahaj 38 baul par 83 run batorane se Kerala ne 18 over mein hi taaraget bhed diya. Group 'Bi' ke match mein Bengal ne lakshmeeratn shukla (50) aur shreevats Goswami (48) ke dam par Baroda ko chaar run se haraaya. Mangalvaar ko Delhi ke pesar vikaas tokas (1/46, chaar over), paravindar avaana (1/36, chaar over) aur varun sood (0/39, teen over) ki khoob pitaai hui. Prem ne nau chauke aur teen chhakke thoke, jabki IPL mein Rajasthan Royals ke liye khelne vaale baby ne saat chauke aur do chhakke jade. Apne 20vein janmadin ka jashn unmukt ne ti-20 cricket mein pehli century thokakar manaaya. Iske saath hi vah Delhi Daredevils management ko yah mesej dene mein safal rahe ki vah pleing eleven mein paramaaneint jagah paane ke liye taiyaar hain. World cup under-19 champion team ke captain unmukt ne milind Kumar (48 run, 33 baul) ke saath 123 run ki paartanaraship ki. Delhi ab Budhvaar ko apne doosare group match mein Gujarat ke khilaaf utaregi. Din ke doosare match mein Bengal ne shukla ki 23 baul mein paanch chhakke aur do chauke jadit 50 run ki paari se chaar wicket par 149 run ka sammaanajanak score khada kiya. Shreevats Goswami ne 52 baul mein paanch chauke ki madad se 48 run banaae. Iske baad unhonne Baroda ko nau wicket par 145 run hi banaane diye. Aaditya vaaghamode 47 run banaakar top scorer rahe. Bengal ke liye sayaan shekhar mandal ne 19 run dekar teen aur shami Ahmad ne 26 run dekar do wicket haasil kiye. Score : Delhi chaar wicket par 195 run (unmukt chand 105, milind Kumar 148). Kerala chaar wicket par 197 run (rohan prem not-out 92, sachin baby 48)


IPL Mein Umesh Machaaenge Dhamaal

IPL Mein Umesh Machaaenge Dhamaal

Cricket »

Nai Delhi. . Pesar Umesh Yadav poori tarah fit hain aur dobaara dhamaal karne ko taiyaar hain, lekin vah Indian Premier league ke chhathe season ke dauraan apne shareer par padne vaale bojh ke prati satark hona chaahate hain. Vidarbh ke is baular ne kaha, 'Main ab ek maheene se net par bauling kar raha hoon aur main poori tarah se peeth ki chot se ubar gaya hoon. Main Delhi Daredevils ke liye pehle match se hi upalabdh rahoonga. Lekin maichon ki sankhya aur iske liye hone waali yaatra ko dekhte hue mujhe isse padne vaale bojh ke prati bhi satark hona hoga. Main is sambandh mein apne coachon se baat karoonga. ' Yadav ne apna antim pratispardhi match motera mein England ke khilaaf test match khela tha. Vah Budhvaar ko Vidarbh ke liye Sayyed Mushtaq Ali ti-20 match mein odisha ke khilaaf vaapasi kareinge. Unhonne nau test mein abhi tak 32 wicket chatakaaye hain. Unhonne kaha, 'Chaar maheene mein yah mera pehla pratispardhi match hoga. Bhale hi aap net par kitni bhi praiktis kar lo, lekin fitness ka sahi andaaja match khelkar hi ho paata hai. Isse hi pata chalega ki main kaisi geindabaaji kar raha hoon. '


Pet Kharaab Hone Ke Kaaran Abhyaas Naheen Kar Sake Vaarnar

Pet Kharaab Hone Ke Kaaran Abhyaas Naheen Kar Sake Vaarnar

Cricket »

Hyderabad: Australiaee cricket team ke salaami ballebaaj David vaarnar pet mein gas ki shikaayat ke kaaran guruvaar ko abhyaas naheen kar sake. Australiaee team ne Budhvaar ko doosare test match ke liye Hyderabad pahunchane ke baad guruvaar subah pehli baar abhyaas kiya, lekin is satr se vaarnar door rahe. Vaarnar ko chennai test se hi pet mein gas ki shikaayat hai. Is kaaran vah pehle test match mein paari ki shuruaat karne ki bajaay teesare kram par ballebaaji ke liye aae the. Bhaarateeya team bhi Budhvaar ko hi uppal pahunchi. Usane bhi guruvaar ko bhaari suraksha ke beech abhyaas kiya. Doosra test match uppal ke Rajiv Gandhi stadium mein do March se khela jaaega. Beete dinon Hyderabad mein hue do bam visfoton ke kaaran stadium mein suraksha chaak-chauband kar di gayi hai. Visfot mein 16 log maare gaye the. Stadium ki nighabaani ke liye 70 se adhik CCTV camere lagaae gaye hain.


Teeyooseesi Jaamiya Ne Madras Ko 12 Run Se Haraaya

Teeyooseesi Jaamiya Ne Madras Ko 12 Run Se Haraaya

Cricket »

Nai Delhi: Jaamiya dvaara diye gaye 140 ranon ke lakshya ka peechha karte hue Madras ki team ne nirdhaarit 20 overon mein paanch wicket ke nuksaan par 127 run hi bana paai. Isi ke saath jaamiya ne 12 run se jeet darj ki. Jeet ke iraade se utari Madras university ki shuruaat achhi naheen rahi. Doosari hi geind par govindaraaj daamodaran out ho gaye. Khachaakhach bhare stadium ko jaamiya ke samatharkon ne sar par utha liya. Jaamiya miliya ke opener amit varma poore rang mein the. Doosare salaami ballebaaz shivendr paul ki paari jyaada lambi naheen chal paai. Is beech, yahaan amit varma ko ek jeevanadaan bhi mila. Pichhle match ke hero jaamiya ke kaptaan praveen Yadav aatishi ballebaaz se apni pehchaan banaane ki koshish mein hain. Mumbai ke khilaaf 62 run banaane vaale amit varma ka faurm yahaan bhi barkaraar raha. Lekin kaptaan praveen Yadav 26 geindon par 26 run bana paae. Unhein virodhi kaptaan avaaikkaaraasan shekhar ne out kiya. Varma ne 51 geindon par 74 run thoke jismein do chhakke shaamil the. Madras university ke geindabaazon ne jaamiya ke ballebaazon ko unki hi pitch par baandhe rakha. 20 over mein jaamiya 139 run bana paai. Jyaada run naheen bane jaamiya se lekin baavajood iske chennai par unhonne ant tak dabaav bana diya. Vaheen, Madras ki or se shreedhar ke alaava koi aur naheen tik paaya. Chennai aaj mushkil mein najar aaya. Madras university ki shuruaat achhi naheen rahi. Doosari hi geind par govindaraaj daamodaran out ho gaye. Khachaakhach bhare stadium ko jaamiya ke samarthakon ne sar par utha liya. Ganga shreedhar ne aate hi chauka jada. S subrahmanyam ne bhi achhe shot khele. Wicket slo thi. 10 over mein Madras ki team 2 wicket par 58 run bana paai. Madras ke liye ranagati badhaane ki sakht zaroorat thi. Jaamiya ke geindabaazon ne dabaav banaae rakha. Kaptaan sekar 14 run bana paae. Aatif Ahmad mein 15vein over mein do wicket lekar Madras ki mushkilein bada di. Lekin, raamalingam ne haar naheen maanane ki thaan li thi. Ek over mein unhonne 18 run banaae aur fir geind aur jaroori ranon ke beech ke antar ko kam kar diya. Match dilchasp mod mein aa gaya. Madras ko aakhiri over mein 18 run banaane the. Aasheesh chopada ne lambe samay tak tike ganga shreedhar ko 53 run par out kar jaamiya ki jeet pakki kar di. Jaamiya ne 12 run se jeet haasil kar li. Delhi ki team ki yah lagaataar doosari jeet hai. Gaurtalab hai ki ye ek lo scoring venyoo lag raha. Pichhle match mein bhi lagbhag itne hi run bane the. Aaj ke match mein aisa zabaradast kraaud tha ki ped par bhi students chadhe hue the. Jaamiya ke kaptaan ne iske liye thaink bhi kiya. Jaamiya ki lagaataar do jeet ho gayi hai aur ab ek jeet aur semifinal mein pahuncha degi. Ab jahaan jaamiya ki nazar semifinal par hai chennai ke liye moraal ko chot zaroor pahunchi hogi.


Greg Chaipal Bhaarat Ke Bhavishya Ko Lekar Romaanchit, Test Ko Lekar Chintit

Greg Chaipal Bhaarat Ke Bhavishya Ko Lekar Romaanchit, Test Ko Lekar Chintit

Cricket »

Kolkata: Bhaarateeya team ke poorv coach Greg chaipal ne kaha ki vah bhaarateeya cricket ke bhavishya ko lekar romaanchit hain, lekin test maichon ke bhavishya ko lekar vah chintit hain. Chaipal ne vaarshik tiger pataudi lekchar dete hue kaha, main samajhta hoon ki bhaarateeya cricket ka bhavishya bahut majaboot hai. Main yah sochakar romaanchit hoon ki bhaarateeya cricket kahaan ja sakta hai aur khel ki aguvaai kar sakta hai. Is poorv Australiaee kaptaan ko haalaanki ek chinta khaaye ja rahi hai aur vah twenty-20 ke yugal mein test cricket ka bhavishya hai. Chaipal ne kaha ki yadi test cricket apna mahatva kho deta hai to yah badi galati hogi aur isse cricket ke bhavishya par vipreet prabhaav padega. Unhonne test maichon ko cricket ki aatma karaar dete hue kaha, yadi ham test ko najaraandaaj karte hain to cricket apni aatma kho dega. Isse cricket ka mahatva kam ho jaaega. Chaipal ne kaha ki vartamaan sthiti mein test cricket ka bachaav karna jaroori hai. Unhonne kaha, ti-20 cricket ko doosare star tak le gaya hai. Ise hona chaahiye ismein sandeh naheen hai. Hamein badlaav ki jaroorat naheen hai. Test ke mahatva ke baare mein unhonne kaha ki paanch divseeya match hi asli chunauti pesh karte hain aur ismein cricketeron ke dhairya ki pareeksha hoti hai. Isse unhein sabak milta hai ki achhe aur bure se kaise ek saath nibta jaata hai. Bhaarateeya cricket baare mein chaipal ne kaha ki yadi bhaarateeya khilaadi bhinn paristhitiyon mein achha pradarshan kar sakte hain to fir team ko aage badhne se koi naheen rok sakta hai. Unhonne kaha ki chunauti keval alag-alag tarah ki pitchein hi naheen, balki test cricket mein pragati karna bhi hai. Chaipal ne kaha, aapko aise khilaadi taiyaar karne hain, jo saari duniya mein khel sakte hon. Main samajhta hoon ki ek baar jab aapki cricket ise apna legi to fir bhaarateeya cricket ko kuchh bhi haasil karne se koi naheen rok sakta. Is poorv Australiaee kaptaan ne kaha ki bhaarateeya team ko duniya ki sarvashreshth team hona chaahiye kyonki badi janasankhya hone ka use naisargik laabh hai. Chaipal ne kaha, lekin sahi tarah ki yojana naheen hone ke kaaran aisa naheen ho paaya. Ise (Bhaarat ko) cricket ka agala suparapauvar hona chaahiye. Ise lambe samay tak cricket par dabadaba banaae rakhana chaahiye. Iske liye badlaav ki jaroorat hai, lekin tadarth rananeetiyon ki jaroorat naheen hai.


Laaparavaahi Ki Intiha Sachin-kaanbali Ke 'Vishvarikaurd Ko Kha Gain Cheentiyaan

Laaparavaahi Ki Intiha Sachin-kaanbali Ke 'Vishvarikaurd Ko Kha Gain Cheentiyaan

Cricket »

Mumbai: Master blaastar sachin Tendulkar aur unke baalasakha vinod kaanbali ne 25 varsh pehle ek vishvarikaurd banaaya tha, lekin ab usaka koi dastaaveji saboot naheen bacha hai. . . Mumbai mein 24 February, 1988 ko sachin Tendulkar aur vinod kaanbali ne milkar hairis shield tournament ke dauraan 664 ranon ki saajhedaari kar saari duniya ki najrein apni or kheench li theen, kyonki vah us samay kisi bhi tarah ke cricket ke liye naya record tha. . . In rikaurds ko sanbhaalakar rakhane ki jimmedaari Mumbai school sports association ki thi, lekin ab usaka kehna hai ki ve 25 saal puraane kaagajaat sanbhaalakar naheen rakh sakti. . . Daraasal, asaliyt yah hai ki kuchh saal pehle hi us match ke skorakaard ko safed cheetiyaan kha chuki hain. . . Haalaanki sachin Tendulkar aur vinod kaanbali ka record varsh 2006 mein Hyderabad ke mohammad shaaibaaj aur manoj Kumar ne 721 ranon ki saajhedaari kar tod diya tha, lekin behad sammaanit cricketer sachin se jude is record ke baare mein jab NDTV ne Mumbai school sports association ke cricket sekretari HS bhor se is baabat savaal kiya, to unhonne taka-sa javaab dete hue kaha ki isse pehle doosari committee thi, aur vaise bhi 25 saal puraane dastaavejon ko sanbhaalakar naheen rakha ja sakta. . . Ullekhaneeya hai ki Mumbai ke maidaanon se hamesha mahaan cricketer nikalte rahe hain. . . Hairis shield aur jaails shield jaise tournament na sirf udeeyamaan khilaadiyon ko nae record banaane ka mauka dete rahe hain, balki yah ek shaanadaar platform bhi upalabdh karaate rahe hain. . . Lekin aise rikaurds ko sahejakar rakhane mein barati gayi laaparavaahi darshaati hai ki in nanhe sitaaron ki anadekhi ki jaati hai, bhale hi unheen mein se kuchh mein aage chalakar sachin Tendulkar aur vinod kaanbali banane ka maadda hota hai. . .


Chhote Kad Ke Tendulkar Ke Bheetar Basata Hai Ek Sher Hayden

Chhote Kad Ke Tendulkar Ke Bheetar Basata Hai Ek Sher Hayden

Cricket »

Nai Delhi: Australia ke poorv ballebaaj Matthew Hayden ka maanana hai ki naate kad ke sachin Tendulkar ke bheetar ek sher basata hai aur iska anumaan unhein tabhi ho gaya tha jab is champion ke khilaaf unhonne khelna shuroo kiya tha. Hayden ne viml Kumar ki likhi kitaab 'Sachin : Cricketer of the century' mein likha, 'Mainne pehli baar sachin ka naam nabbe ke dashak mein suna tha. Mere dimaag mein hamesha yah baat aati thi ki sachin ka kad unke rootabe se mel naheen khaata. '' unhonne kaha, 'Mujhe lagta tha ki sachin khel ka itna bada brand hai lekin usaka kad chhota hai. Mainne jab uske khilaaf pehli baar khela to mujhe ehsaas huaa ki uske bheetar ek sher hai. ' Unhonne 2008 mein Bhaarat mein test series ka ek rochak vaakya bhi bataaya. Hayden ne kaha, 'Mera pasandeeda anubhav Mohali test ke dauraan raha jab usane sarvaadhik test run ka vishv record toda. Maidaan par itna utsaah tha ki 20 minute tak aatishbaaji ke kaaran khel rokana pada taaki dhuaan chhat jaaye. '' Isi kitaab mein Australia ke poorv coach jaan bukaanan ne Tendulkar ki tulana Australia ke Ricky ponting se ki. Unhonne kaha, 'Tendulkar ka record Ricky ponting se behtar hai. Yadi Tendulkar adhik paaramparik, shaastreeya aur takaneek ka mahaarathi hai to Ricky gairapaaranparik hai. ' Bukaanan ka maanana hai ki Tendulkar aur ponting mein se ek ko chunana kathin hai. Unhonne kaha, 'Sachin spin geindabaaji ko bakhoobi khelta hai. Spinron ki madadgaar aur chunauteepoorn upamahaadveep ki pichon par to aur bhi achhe se. '' unhonne kaha, 'Main chaahata tha ki Ricky bhi spinron par usi tarah se dabadaba banaae. Isi tarah main chaahata tha ki sachin tej geindabaajon ke saamane frantafut par usi tarah khele jaise Ricky khelta hai. '


Doosare Test Ke Liye Geindabaajon Ke Chayan Mein Hogi Mushkil Aarthar

Doosare Test Ke Liye Geindabaajon Ke Chayan Mein Hogi Mushkil Aarthar

Cricket »

Hyderabad: Australiaee cricket coach Micky aarthar ne sveekaar kiya ki unki team ne Bhaarat ke khilaaf shuruaati test mein do spinner ko naheen khilaane ki galati ki, jismein unhein aath wicket ki shikast ka munh dekhna pada. Tej geindabaajon ke pradarshan ko dekhte hue doosare test match ke liye team chayan unke liye 'Mushkil' hi rahega. Yah poochhane par ki kya Australiaee team 2 March se yahaan shuroo ho rahe test mein do spinner ko utaaregi to aarthar ne kaha, ''Yah savaal dilchasp hoga. '' unhonne kaha, ''Wicket ko dekhte hue baad mein yah samajh aana ki aap usamein do spinner chaahate the, haalaanki hamaare tej geindabaajon ne jyaadaatar wicket jhatke. Hamein is match se spin se jyaada faayda naheen huaa. Mujhe lagta hai ki James paitinsan shaanadaar tha, isliye yah mushkil bhara hoga. '' Aarthar ne 'ESPN cricinfo' kaha ki doosare test ke liye geindabaaji aakraman ke baare mein ve sunishchit naheen hain. Agar unki team ek se jyaada spinner utaarane ka faisala karti hai to Xavier Doherty Australiaee team ke liye doosra spin vikalp hai.


Bhaarat Chauthe Sthaan Par Pahuncha, Ashwin Ne Kairiyr Ki Sarvashreshth Ranking Haasil Ki

Bhaarat Chauthe Sthaan Par Pahuncha, Ashwin Ne Kairiyr Ki Sarvashreshth Ranking Haasil Ki

Cricket »

Dubai: Bhaarat Budhvaar ko jaari teemon ki ICC test ranking mein ek paayadaan ke faayde se Pakistan ko hataakar chauthe sthaan par pahunch gaya jabki anubhavi sachin Tendulkar teen sthaan ke laabh se ballebaajon ki soochi mein 17vein number haasil karne mein safal rahe. Geindabaajon mein of spinner aar Ashwin ko Australia ke khilaaf pehle test match mein 198 run mein 12 wicket ke pradarshan se career ki sarvashreshth 11veen ranking par pahunch gaye. Bhaarateeya kaptaan Mahendra Singh Dhoni ko chennai mein Australia ke khilaaf pehle test mein pehli baar dohara shatak banaane ka kaafi faayda huaa, jisse vah 15vein se 21vein sthaan par pahunch gaye. Chennai test mein doosare shatakaveer viraat Kohli ko 10 paayadaan ka laabh huaa aur vah bhi soochi mein apne career ke sarvashreshth 25vein number par hain. Dakshin Africa ne seinchuriyn mein teesare aur antim test mein Pakistan par mili shaanadaar jeet se test ranking mein apna sheersh sthaan majaboot kar liya hai. Geindabaajon ki sheersh 10 soochi mein koi badlaav naheen huaa hai jismein dakshin Africa ke Dale sten pehle sthaan par hain aur unke saathi varnon Philander unke baad bane hue hain. Test ballebaajon ki soochi mein haashim amla sheersh par kaabij hain, jiske baad Australiaee kaptaan maaik Clark shaamil hain.


Teeyooseesi Jaamiya Ne Madras Ko 12 Run Se Haraaya

Teeyooseesi Jaamiya Ne Madras Ko 12 Run Se Haraaya

Cricket »

Nai Delhi: Jaamiya dvaara diye gaye 140 ranon ke lakshya ka peechha karte hue Madras ki team ne nirdhaarit 20 overon mein paanch wicket ke nuksaan par 127 run hi bana paai. Isi ke saath jaamiya ne 12 run se jeet darj ki. Jeet ke iraade se utari Madras university ki shuruaat achhi naheen rahi. Doosari hi geind par govindaraaj daamodaran out ho gaye. Khachaakhach bhare stadium ko jaamiya ke samatharkon ne sar par utha liya. Jaamiya miliya ke opener amit varma poore rang mein the. Doosare salaami ballebaaz shivendr paul ki paari jyaada lambi naheen chal paai. Is beech, yahaan amit varma ko ek jeevanadaan bhi mila. Pichhle match ke hero jaamiya ke kaptaan praveen Yadav aatishi ballebaaz se apni pehchaan banaane ki koshish mein hain. Mumbai ke khilaaf 62 run banaane vaale amit varma ka faurm yahaan bhi barkaraar raha. Lekin kaptaan praveen Yadav 26 geindon par 26 run bana paae. Unhein virodhi kaptaan avaaikkaaraasan shekhar ne out kiya. Varma ne 51 geindon par 74 run thoke jismein do chhakke shaamil the. Madras university ke geindabaazon ne jaamiya ke ballebaazon ko unki hi pitch par baandhe rakha. 20 over mein jaamiya 139 run bana paai. Jyaada run naheen bane jaamiya se lekin baavajood iske chennai par unhonne ant tak dabaav bana diya. Vaheen, Madras ki or se shreedhar ke alaava koi aur naheen tik paaya. Chennai aaj mushkil mein najar aaya. Madras university ki shuruaat achhi naheen rahi. Doosari hi geind par govindaraaj daamodaran out ho gaye. Khachaakhach bhare stadium ko jaamiya ke samarthakon ne sar par utha liya. Ganga shreedhar ne aate hi chauka jada. S subrahmanyam ne bhi achhe shot khele. Wicket slo thi. 10 over mein Madras ki team 2 wicket par 58 run bana paai. Madras ke liye ranagati badhaane ki sakht zaroorat thi. Jaamiya ke geindabaazon ne dabaav banaae rakha. Kaptaan sekar 14 run bana paae. Aatif Ahmad mein 15vein over mein do wicket lekar Madras ki mushkilein bada di. Lekin, raamalingam ne haar naheen maanane ki thaan li thi. Ek over mein unhonne 18 run banaae aur fir geind aur jaroori ranon ke beech ke antar ko kam kar diya. Match dilchasp mod mein aa gaya. Madras ko aakhiri over mein 18 run banaane the. Aasheesh chopada ne lambe samay tak tike ganga shreedhar ko 53 run par out kar jaamiya ki jeet pakki kar di. Jaamiya ne 12 run se jeet haasil kar li. Delhi ki team ki yah lagaataar doosari jeet hai. Gaurtalab hai ki ye ek lo scoring venyoo lag raha. Pichhle match mein bhi lagbhag itne hi run bane the. Aaj ke match mein aisa zabaradast kraaud tha ki ped par bhi students chadhe hue the. Jaamiya ke kaptaan ne iske liye thaink bhi kiya. Jaamiya ki lagaataar do jeet ho gayi hai aur ab ek jeet aur semifinal mein pahuncha degi. Ab jahaan jaamiya ki nazar semifinal par hai chennai ke liye moraal ko chot zaroor pahunchi hogi.


Sachin Ne Khelon Mein Utkrushtata Haasil Karne Ke Liye Sarkaar Ko Saunpa Vijn Dastaavej

Sachin Ne Khelon Mein Utkrushtata Haasil Karne Ke Liye Sarkaar Ko Saunpa Vijn Dastaavej

Cricket »

Nai Delhi: Jaane-maane cricket khilaadi aur Rajyasabha sadasya sachin Tendulkar ne 'Bhaarat mein uchch pradarshan vaale khelon mein utkrushtata haasil karne ki khaatir sabhi ke liye khel'' vishay par ek vijn dastaavej September 2012 khel mantraalaya ko saunpa hai. Khel raajyamantri Jitendra Singh ne Budhvaar ko Rajyasabha mein ek likhit javaab mein yah jaankaari di. Unhonne kaha ki is vijn dastaavej mein diye gaye ''Sabhi ke liye khel'' aur ''Uchch pradarshan vaale khelon'' mein utkrushtata haasil karne sambandhi lakshya aur uddeshya raashtreeya khel neeti 2001 mein diye gaye uddeshyon aur lakshyon ke anuroop hai. Singh ne kaha ki sarkaar ne is dastaavej mein diye gaye vibhinn sujhaavon ko not kar liya hai aur nai yojanaaen aur kaaryakram banaate samay unka dhyaan rakha jaaega.


West Indies Ne Sri Lanka Se Shrunkhala Jeeti

West Indies Ne Sri Lanka Se Shrunkhala Jeeti

Cricket »

Daambula: West Indies ki mahila team ne apne kam score ka safalataapoorvak bachaav karke Sri Lanka ko teesare aur aakhiri ekadivseeya antararaashtreeya cricket match mein 33 run se haraakar shrunkhala 2-1 se jeeti. West Indies ne toss ganvaane ke baad pehle ballebaaji ka nyauta milne par nau wicket par 191 run banaae. Iske javaab mein Sri Lanka ki team nirdhaarit 50 overon mein nau wicket par 158 run hi bana paai. Sri Lanka ne chamaani seneviraatana (33 run dekar chaar wicket) ki aguvaai mein geindabaajon ke achhe pradarshan se West Indies ko bada score naheen banaane diya. West Indies ki taraf se shemini Campbell ne sarvaadhik 37 run banaae jabki kaptaan merisa eguileera ne 29 run ka yogadaan diya. Iske baad Sri Lanka ki team poore 50 over khelne mein safal rahi lekin uske ballebaajon ne behad dheema khel dikhaaya. Iske alaava teen ballebaajon ke run out hone ka bhi team ko khaamiyaaja bhugatna pada. Shashikla shreevardhane ne sarvaadhik 29 run banaae lekin iske liye unhonne 78 geind kheli. West Indies ki taraf se trimaane smart sabse safal geindabaaj rahi. Unhonne 26 run dekar do wicket liye.


Test Ke Dauraan Dhoni Ka Adhik Dabadaba Dekhne Ko Mila Gavaskar

Test Ke Dauraan Dhoni Ka Adhik Dabadaba Dekhne Ko Mila Gavaskar

Cricket »

Chennai: Poorv kaptaan suneel Gavaskar ne kaha ki Australia ke khilaaf pehle test mein bhaarateeya kaptaan Mahendra Singh Dhoni ka adhik dabadaba dekhne ko mila. Unhonne saath hi kaha ki board aur chayanakartaaon ne un par jo vishvaas dikhaaya hai, usase unhein behtar pradarshan karne mein madad milegi. Gavaskar ne kaha, agar kaptaan par board aur chayanakartaaon ka bharosa ho to isse use maidaan par apni rananeeti laagoo karne mein aatmavishvaas milta hai. Yah kaafi faayademand hota hai. Ab vah itna achha pradarshan kar raha hai, yah use aur adhik aatmavishvaas dega. Dhoni ne dohara shatak jadkar Australia ke khilaaf pehle test mein yahaan Bhaarat ki aath wicket ki aasaan jeet mein aham bhoomika nibhaai. Gavaskar ne NDTV se kaha, vah England series ke mukaabale thoda badal gaya hai. Vah ab adhik dabadabe vaala hai. England series ke antim padaav par Nagpur mein vah adhik dabadaba dikhaane ka prayaas kar raha tha, usane khilaadiyon ke prayaason mein kami par asantosh jataaya aur humne chennai mein bhi yah dekha.


Badi Haar Ke Baad Vaarn Ne Li Australiaee Team Ki Class

Badi Haar Ke Baad Vaarn Ne Li Australiaee Team Ki Class

Cricket »

Chennai: Cricket masalon par dil ki baat kehne ke liye mashahoor rahe spin ke jaadoogar Shane vaarn ne Australiaee cricket team se pehle cricket test ke baad baatcheet ki. Bhaarat ne is match mein aath wicket se badi jeet darj ki. Jab salaah dene ki baat ho to vaarn peechhe naheen rahate. Pichhle maheene cricket Australia ke adhikaariyon ki kadi aalochna karne vaale vaarn yahaan kameintetar ke taur par maujood the. Ostreliyaai team ki haar ke baad vah turant hi maidaan par gaye aur unhonne khilaadiyon ke saath baat ki. Vaarn ko apna cricket mentor maanane vaale kaptaan Michael Clark, coach Micky aarthar aur sahaayak coach Steve riksan sahit Australiaee team ke prabandhan ke aath sadasyon ne is diggaj leg spinner ki baaton ko dhyaan se suna. Spinner Nathan Leon aur Xavier Doherty ne bhi kuchh der tak unki baaton ko suna. Vaarn ne baad mein is baatcheet ka byora dene se inkaar kar diya. Match ke baad samvaadadaata sammelan mein jab Clark se vaarn ki upasthiti ke baare mein poochha gaya to unhonne majaakiya andaaj mein kaha, vaarni shahar mein hain, main pata karoonga ki vah upalabdh rahega ya naheen.


Chepak Ka 'Sher Banane Se 38 Run Door Rah Gaye Sachin

Chepak Ka 'Sher Banane Se 38 Run Door Rah Gaye Sachin

Cricket »

Nai Delhi: Sachin Tendulkar ne mangalvaar ko do chhakke lagaakar chennai test mein Australia par Bhaarat ko yaadagaar jeet dilaai lekin vah chepak mein sthit emae Chidambaram stadium mein sabse adhik run banaane vaala ballebaaj banane se 38 run door rah gaye. Kabhi chepak stadium naam se mashahoor is cricket aayojan sthal par Bhaarat ke suneel Gavaskar ne 12 test maichon mein sabse adhik 1018 run banaae hain lekin is maidaan par apne career ka sambhavat: Aakhiri test khelne vaale sachin 970 run hi bana sake. Sachin ne chennai mein 10 test maichon mein paanch shatak aur do ardhashatakon ki madad se 970 run jutaae hain. Yahaan unka ausat 88.18 ka raha hai. Sachin do baar shoonya par bhi out hue hain. Gavaskar ne is aitihaasik maidaan par teen shatak aur teen arddhashatak lagaae hain. Unka ausat 59.88 raha hai. Gavaskar ne is maidaan par 1983 mein West Indies ke khilaaf apne career ki sabse badi (236 naabaad) kheli thi. Sachin bhale hi Gavaskar ke sabse adhik ranon ka rikaard naheen tod paae lekin is maidaan par sabse adhik paanch shatakon ka rikaard unke naam hai. Shatakon ki daud mein Gavaskar (3) doosare kram par hain. Chepak mein gundappa vishvanaath ne 10 maichon mein 785 run banaae hain jabki Virendra Sehwag ne chhah maichon mein 81 ke ausat se 729 run jode hain. Sehwag ne is maidaaran par ekamaatr tihra shatak (319) lagaaya hai.


Teeyooseesi Bengaluru Ne Gvaaliyr Ko 39 Run Se Haraaya

Teeyooseesi Bengaluru Ne Gvaaliyr Ko 39 Run Se Haraaya

Cricket »

Southern chaimps yaani baingaluroo ki jain yunavirsiti ne apna lagaataar doosra match jeet liya hai. Lekin team ko yah kaamayaabi na mili hoti agar usamein Abbas naam ka sitaara na hota. Pehle match mein century banaane vaale kaptaan Abbas ne ek baar fir apni team ki mushkil aasaan ki. Baingaluroo ki jain yunavarsiti shuruaat se hi mushkil mein dikhi. Jeevaaji ke khilaadi poori tarah mustaid the. Chauthe over mein jeevaaji ki koshish kaaragar hui jab himaanshu babbar ne shasheendr ko 22 run par chalta kiya. Gaurav Goyal aur Abbas badi paartanaraship ki taiyaari mein the lekin babbar ne fir kamaal dikhaaya auk Goyal 17 run se aage naheen bad paae. Baingaluru ki team bhale hi ol India university champion ho lekin apne star khilaadiyon ke girte wicket unke liye museebat ban gaye lekin doosare chhor par Abbas fir se aakraamak mood mein the. Abbas date rahe lekin unka saath dene vaala koi naheen tha. Number aath ballebaaz shreyas gopaal ne Abbas ka kuchh saath nibhaaya. Abbas ke balle se 48 geindo par 74 run nikle − ismein teen chhakke bhi shaamil the. Jain yunivrsiti ne aakhiri do over mein 33 run banaae aur jeevaaji ke saamane jeet ke liye 172 run ka lakshya tha. Gvauliyr ke khilaadi is match ko lekar jitne josh mein the − unhein aaj utana hi bada dhakka laga. 172 run ka lakshya jivaaji yunivrsiti ke liye bahut bada saabit huaa. Gvaaliyr ke jeevaaji university ki shuruaat achhi naheen rahi. Bharat anant doosare hi over mein out ho gaye. Doosare opener sanat gurjar ne chauke ke saath dabaav kam karne ki koshish ki. Lekin chauthe over mein gvaaliyr ka doosra wicket bhi gir gaya. Gurjar ne ek chhor par morcha sanbhaal rakha tha aur kuchh achhe shauts lagaae. Gujarr ne apni paari mein do shaanadaar chhakke jade aur 45 geindon par apni haaf century poori ka. Vah 52 run banaakar out hue. 172 ka lakshya jeevaaji university ke liye bahut bada tha. Poori team 20 over mein 5 wicket par 132 run bana paai. Jain university ne 39 ranon se match jeet liya.


Bhaarat Ne Badi Jeet Ke Saath Banaai 1-0 Ki Badhat, Dhoni Main Of The Match

Bhaarat Ne Badi Jeet Ke Saath Banaai 1-0 Ki Badhat, Dhoni Main Of The Match

Cricket »

Chennai: Ravichandran Ashwin (12 wicket) aur kaptaan Mahendra Singh Dhoni (224) ke behatareen pradarshan ki badaulat bhaarateeya cricket team ne emae Chidambaram stadium mein khele gaye pehle test match mein mangalvaar ko Australia ko aath wicket se hara diya. Is badi jeet ke saath Bhaarat ne chaar maichon ki is series mein 1-0 ki badhat haasil kar li hai. Dhoni ko unke pehle dohare shatak ke liye main of the match chuna gaya. Ashwin ke career ki shreshth geindabaaji ki badaularat Bhaarat ne Australia ko paari mein 380 ranon par sametane ke baad Dhoni (224) aur viraat Kohli (107) ki shaanadaar shatakeeya paariyon ki madad se apni pehli paari mein 572 run banaae. Is tarah usane pehli paari ke aadhaar par 192 ranon ki badhat haasil ki. Iske baad bhaarateeya geindabaajon ne Ashwin ke netrutv mein ek baar fir umda pradarshan kiya aur Australia ki doosari paari 241 ranon par samet di. Ashwin ne doosari paari mein bhi paanch wicket liye. Doosari paari mein Ravindra jadeja ne bhi teen wicket jhatke aur saath saath apna 100vaan test khel rahe star spinner Harbhajan Singh ne bhi do safalta haasil ki. Match ke paanchavein din Bhaarat ko 50 ranon ka lakshya mila, jise usane murali vijay (6) aur Virendra Sehwag (19) ke wicket khokar haasil kar liya. Sehwag ne apni 23 geindon ki paari mein teen chauke lagaae. Cheteshvar pujaara aath aur sachin Tendulkar 14 ranon par naabaad laute. Sachin ki paari mein do chhakke shaamil hain. Sachin ne wicket par aate hi do lagaataar chhakke lagaakar darshakon ka bharpoor manoranjan kiya. Bhaarat ko match ke chauthe din hi paari ki jeet milti dikh rahi thi lekin moesis Henricks (81) aur Nathan Leon (11) ne apni sangharshashakti ke dam par match ko paanchavein din tak kheench diya. In donon 175 ranon par nau wicket girne ke baad score ko 241 ranon tak pahunchaaya. Apna pehla test khel rahe Henricks 81 ranon par naabaad laute jabki Leon 11 run banaakar out hue. Leon ne 77 geindon ka saamana karte hue ek chauka lagaaya. Unka wicket Ravindra jadeja ne liya. Pehli paari mein bhi ardhashatak lagaakar rikaard book mein apna naam darj karaane vaale Henricks ne apni 148 geindon ki naabaad paari mein chhah chauke aur do chhakke lagaae. Match ke chauthe din somvaar ki samaapti tak Australia ne nau wicket par 232 run banaae the. Henricks 75 aur Leon aath ranon par naabaad laute the. Bhaarat ki or Ravichandran Ashwin ne paanch, jadeja ne teen aur Harbhajan Singh ne do wicket liye. Doosra test match 2 March se Hyderabad ke uppal sthit Rajiv Gandhi antararaashtreeya stadium mein khela jaaega. Match ke baad mehmaan kaptaan Michael Clark ne kaha, Bhaarat ko jeet ka saara shreya dena chaahiye. Dhauni ne shaanadaar paari kheli. Unki paari ne hamaari mushkil badhaai aur fir Ashwin ne hamaara kaam aur kathin kar diya. Bhaarat ko poore ank milte hain. Ham ummeed karte hain ki doosare test match ke saath hamaara khel sudharega. Chennai ki wicket ko lekar Clark ne kaha, yah wicket achhi thi. Pehli paari mein yah achha khel rahi thi lekin doosari paari mein is par khelne mein dikkat hui. Ham apni haar ke liye pitch ko doshi naheen bata sakte. Ham itna hi kaheinge ki ham kharaab khele aur haar gaye. Bhaarateeya kaptaan Dhoni ne chennai ko khaas sthaan bataate hue kaha, mainne yahaan kaafi samay bitaaya hai. Mainne apna yahaan pehla test khela hai. IPL mein bhi mainne yahaan kai match khele hain. Achha laga ki meri paari se team ko jeet mili. Mainne wicket par aate hi teji se run banaane ki thaan li thi. Main jaanta tha ki catch lene ke liye kai khilaadi aaspaas hain aur yahi kaaran hai ki mainne har baar tej shot lagaane ki koshish ki. Yah mere liye achha raha.


Kabhi Sapane Mein Bhi Naheen Socha Tha Ki Dohara Shatak Banaaoonga Dhoni

Kabhi Sapane Mein Bhi Naheen Socha Tha Ki Dohara Shatak Banaaoonga Dhoni

Cricket »

Chennai: Bhaarateeya kaptaan Mahendra Singh Dhoni ne mangalvaar ko sveekaar kiya ki unhonne test cricket mein dohara shatak jamaana to door, kabhi yah bhi naheen socha tha ki vah desh ke liye khel sakeinge. Dhoni ne Australia ke khilaaf pehle test mein 265 geind mein 224 run banaae aur aath wicket se mili jeet mein main of the match rahe. Apni chamatkaarik paari ke baare mein unhonne kaha, ''Mainne kabhi naheen socha tha ki main test cricket mein dohara shatak bana sakoonga. Mainne to kabhi yah bhi naheen socha tha ki desh ke liye khel sakoonga. '' Dhoni ke career ka yah pehla dohara shatak hai jabki kul milaakar chhatha shatak hai. Main of the match ka puraskaar jeetne vaale Dhoni ne kaha, ''Kuchh shots khelna jaroori the. Yadi aapke saamane catch lapakane ko tatpar atirikt fielder hon to ek galati se aapki paari khatm ho sakti hai. Mujhe kuchh shot khelne the aur main yah sochakar hi utara tha. '' Unhonne kaha, ''Pehli saajhedaari aham thi. Sachin aur pujaara ne us samay achhi ballebaaji ki. Viraat aur sachin ki saajhedaari bhi aham thi jisne geindabaajon ko thakaaya. '' Dhoni ne of spinner aar Ashwin ki khaas taur par taareef ki jisne 198 run dekar 12 wicket liye. Unhonne kaha, ''Ashwin ne jabardast geindabaaji ki. Usane sahi disha mein geind daali aur lagaataar achha pradarshan kiya. Doosari paari mein Harbhajan Singh ne usaka bakhoobi saath diya. ''


Dhoni Ki Paari Ne Match Ka Naksha Badla Clark

Dhoni Ki Paari Ne Match Ka Naksha Badla Clark

Cricket »

Chennai: Australiaee kaptaan Michael Clark ne mangalvaar ko sveekaar kiya ki Mahendra Singh Dhoni ke dohare shatak ne pehle cricket test ka naksha hi badal diya. Clark ne match ke baad kaha, ''Unhonne hamein unnees saabit kar diya. Mahendra Singh Dhoni ne morche se aguvaai ki aur viraat Kohli ne bhi behatareen ballebaaji ki. Dhoni ne match ka naksha badal diya. '' unhonne sveekaar kiya ki Dhoni ki paari ka match par sabse jyaada fark pada haalaanki unhonne 12 wicket lene vaale of spinner aar Ashwin ki bhi taareef ki. Clark ne kaha, ''Dhoni ki paari nirnaayak rahi. Is test mein Bhaarat ki safalta ka adhikaansh shreya usi ko jaata hai lekin Kohli ne bhi behatareen shatak banaaya. Ashwin ne pehli paari mein saat aur doosari mein paanch wicket liye. Hamein poori tarah se unnees saabit kar diya. '' Unhonne yah bhi kaha ki Bhaarat ki kamjoriyon ka ve faayda naheen utha sake. Unhonne kaha, ''Donon teemon ko kuchh pahaluon par focus karne ki jaroorat thi. Bhaarateeya team mein bhi kuchh kamjoriyaan hain jin par ham poora kaam naheen kar sake. Yadi ham unhein 150 ya 200 run ka lakshya day paate to pata chalta ki tootati wicket par ve kaisa khel rahe hain. '' Unhonne is baat ka koi javaab naheen diya ki doosare test mein Australia do spinron ko lekar utarega ya naheen. Unhonne kaha, ''Is test se pehle bhi hamaare paas samaan vikalp the. Hamein Hyderabad mein haalaat ka aakalan karna hoga. Pehli paari mein Australiaee spinron ne teen wicket liye jabki baaki wicket tej geindabaajon ko mile. ''


Chennai Test Jeet Ke Liye Bhaarat Ko Chaahiye 50 Run

Chennai Test Jeet Ke Liye Bhaarat Ko Chaahiye 50 Run

Cricket »

Chennai: Bhaarateeya cricket team ko emae Chidambaram stadium mein jaari pehle test match ko jeetne ke liye 50 run banaane hain. Match ke paanchavein din mangalvaar ko Australia ki doosari paari 241 ranon par simat gayi. Moesis Henricks 81 ranon par naabaad laute jabki Nathan Leon 11 run banaakar out hue. Leon ne 77 geindon ka saamana karte hue ek chauka lagaaya. Unka wicket Ravindra jadeja ne liya. Apna pehla test khel rahe Henricks ne apni 148 geindon ki naabaad paari mein chhah chauke aur do chhakke lagaae. Match ke chauthe din somvaar ki samaapti tak Australia ne nau wicket par 232 run banaae the. Henricks 75 aur Leon aath ranon par naabaad laute the. Bhaarat ki or Ravichandran Ashwin ne paanch, jadeja ne teen aur Harbhajan Singh ne do wicket liye. Ashwin ne is match mein kul 12 wicket haasil kiye. Australia ko pehli paari mein 380 ranon par sametane ke baad Bhaarat ne kaptaan Mahendra Singh Dhoni (224) aur viraat Kohli (107) ki shaanadaar shatakeeya paariyon ki madad se apni pehli paari mein 572 run banaae. Is tarah usane pehli paari ke aadhaar par 192 ranon ki badhat haasil ki.


Bhaarat ICC Van-de Team Ranking Mein Sheersh Sthaan Par Pahuncha

Bhaarat ICC Van-de Team Ranking Mein Sheersh Sthaan Par Pahuncha

Cricket »

Dubai: Team India ne England ki New Zealand ke khilaaf teen maichon ki ek divseeya series mein 2-1 ki jeet ke baavajood taaja ICC van-de championship ranking mein sheersh par badhat bana li hai. England ne haalaanki apna doosare number ka sthaan barkaraar rakha hai aur vah teesari ranking par kaabij Australia se keval ek rating ank aur chauthi ranking par kaabij dakshin Africa se paanch rating ank ki badhat banaae hai. ICC champions trophy ke shuroo hone mein keval 100 din bache hain. Bhaarat aur Australia ka ICC van-de championship taalika ki April tak ki kat of taareekh tak koi bhi ek-divseeya antararaashtreeya mukaabala naheen hoga jisse dakshin Africa hi ekamaatr aisi team hai jo Bhaarat aur England ko nichle kram par pahuncha sakti hai kyonki use 10 March se Pakistan ke khilaaf paanch maichon ki van-de series khelani hai. Dakshin Africa England ko pachhaadkar 75,000 dollar ki raashi apne naam kar sakta hai agar vah Pakistan ko 4-1 se hara day ya clean sweep kar le. Agar dakshin Africa ki team 4-1 se jeetati hai to protiyaaj ki team ke England ke baraabar 117 rating ank ho jaaenge, lekin jab rating ki dashamlav ke ank tak ganana ki jaaegi to vah Alistair cook ki team se oopar ranking par kaabij hogi. Agar dakshin Africa ki team van-de series mein clean sweep kar leti hai to vah teen paayadaan ki chhalaang lagaakar Bhaarat se sheersh sthaan hathiya legi, jiska matlab hoga ki vah 175,000 dollar haasil karne ke alaava van-de trophy apne naam kar legi. Ye donon usi team ko milte hain jo 1 April ko kat of taareekh ko van-de taalika mein sheersh sthaan haasil karti hai. Ballebaaji taalika mein dakshin Africa ke haashim amla ka dabadaba barkaraar hai, unke baad kaptaan AB DeVilliers doosare sthaan par aur Bhaarat ke viraat Kohli tatha kaptaan Mahendra Singh Dhoni ne kramash: Teesara aur chautha sthaan barkaraar rakha hai. Suresh raina ek paayadaan ke nuksaan se 12vein sthaan par pahunch gaye hain. ICC van-de geindabaajon ki ranking mein aar Ashwin ne ek paayadaan ka sudhaar kiya hai aur vah do anya geindabaajon ke saath sanyukt roop se 13vein sthaan par hain jabki Ravindra jadeja taalika mein ab bhi nauve number par hain jismein Pakistan ke Saeed Ajmal sheersh par kaabij hain. ICC van-de ol raaundar ranking mein Pakistan ke mohammad hafeej sheersh par bane hue hain jabki Bangladesh ke shakibul hasan doosare, Australia ke Shane Watson teesare, Sri Lanka ke Angelo Matthews aur jadeja kramash: Chauthe aur paanchavein sthaan par kaabij hain.


Teeyooseesi Madras University Ne Reeva Ko 41 Run Se Haraaya

Teeyooseesi Madras University Ne Reeva Ko 41 Run Se Haraaya

Cricket »

Toyota university cricket championship ke teesare match mein aamane−saamane theen reeva aur chennai ki teemein. Madras university ne toss jeeta aur 148 run banaae. Southern shaarks Madras university ki shuruaat achhi naheen rahi ji daamodaran ne match ki pehli geind par chauka jaroor lagaaya lekin agali hi geind par vah LBW out ho gaye. Doosra wicket agale hi over mein gir gaya. JP cements istarn taaigars ki or se pavan varma ne ganga shreedhar ko clean bold kar diya. Iske baad shivraamakrushnan subrahmanyam aur Kamlesh murugasan ne apni team ko sambhaala. Donon ne teesare wicket ke liye 78 ranon ki saajhedaari nibhaai. Murugasan ne 36 geindon par 39 run banaae. Ankit dube ke ek behatareen catch ke chalte unhein pavilion lautana pada. Subrahmanyam ne iske baad kaptaan avikaaraasan shekhar ke saath paari ko aage badaaya. Haalaanki, antim over mein do ballebaazon ke run out hone ke chalte Madras university ki team 150 ke paar naheen pahunch saki. Subrahmanyam ne sabse jyaada 73 run banaae. Madras yunivrsiti ki paari ki shuruaat kharaab rahi. . . Chhah run par 2 wicket. . . Lekin sanbhaal liya baad mein ek mazaboot saajhedaari se shiva aur Kamlesh ne. Reeva ne bhi talent ki jhalak dikhaai khaasakar feelding mein. . . Reeva ki ballebaazi mein maidaan ke chaaron taraf shauts lage lekin ve run naheen bator paae. Reeva ki baat karein to unka javaab kaafi kamazor saabit hue. Team ke sirf do ballebaaz wicket par tik paae aur jeet unki pahunch se door rahi. Istarn taaigars epeees university reeva ko pehla jhatka doosare over mein laga. A shreedhar ne apni hi geind par Ajay tivaari ka behatareen catch lapak liya. Shreedhar ne apne agale over mein aarif Khan ko pavilion bhej diya. Naveen tivaari aur ankit Singh ne paari ko sambhaalne ki koshish ki. Ankit Singh ne kuchh jordaar shauts lagaakar run gati ko tej karne ki koshish ki. Jab in donon ne istarn taaigars ko mukaabale mein vaapas la diya tabhi rohit raamaalingam ne 15vein over mein do lagaataar geindon par wicket lekar Madras university ki pakad ko ek baar fir majaboot kar diya. Vaheen 16vein over mein vijay aanand ne do wicket lekar reeva ki mushkilein bada Dean. Madras university ke geindabaazon ne behatareen geindabaazi karte hue yah match 41 run se jeet liya.


Seint George Ekadivseeya West Indies Ne Match, Shrunkhala Apne Naam Ki

Seint George Ekadivseeya West Indies Ne Match, Shrunkhala Apne Naam Ki

Cricket »

Seint George: Anubhavi ballebaaj Ramnaresh saravan ne teen saal baad antararaashtreeya cricket mein shatak lagaakar apne career ke khatm hone ki aashankaaon par ravivaar ko viraam laga diya. Saravan (naabaad 120) ki shatakeeya paari ki badaulat West Indies ne ravivaar ko khele gaye teen maichon ki ekadivseeya shrunkhala ke doosare match mein Zimbabwe ko saat wicket se hara diya. Is tarah se West Indies ne 2-0 ki Ajay badhat bana li. Isse pehle saravan ne varsh 2010 mein doyam darje waali Ireland team ke khilaaf shatak lagaaya tha. Zimbabwe se mile 274 ranon ke lakshya ka peechha karne utari West Indies team ne 49 ovaro mein teen wicket khokar jeet haasil kar li. Saravan ne 143 geindon ka saamana karte hue nau chauke aur do chhakke lagaae. Paari ki shuruaat karne aae keran Powell aur saravan ne team ko behatareen shurooaat dete hue pehle wicket ke liye 111 run jode. West Indies ko pehla jhatka 111 ranon ke kul yog par Powell ke roop mein laga. Unhonne 81 geindon mein 57 ranon ki paari kheli. Ismein chaar chauke aur do chhakke shaamil hain. Powell ke out hone par khelne aae Darren Bravo khaata khole bagair pavilion laute. Iske baad narasinh devanaren aur saravan ne teesare wicket ke liye 108 ranon ki saajhedaari ki. Devanaren 219 ranon ke kul yog par 42 run banaakar out hue. Iske baad West Indies ka koi wicket naheen gira aur keeran Pollard (naabaad 41) ne saravan ke saath chauthe wicket ke liye 55 ranon ki saajhedaari karte hue team ko jeet dila di. Pollard ne 20 geindon ki toofaani paari mein chaar chauke aur do chhakke jade. Zimbabwe ki or se hemlitn maasaakaadja ne do wicket haasil kiye. Isse pehle, toss jeetkar ballebaaji karne utari Zimbabwe ki team ne nirdhaarit 50 overon mein kraig irvin (80), maasaakaadja (60) aur vusi sibaanda ke 50 ranon ki madad se 273 run banaae. Zimbabwe ki or se chauthe wicket ke liye sabse badi saajhedaari hui. Irvin aur maasaakaadja ne chauthe wicket ke liye 110 run jode. Inke avaala melkam vaular ne 26, regis chaakva ne 15 run banaae. West Indies ki or se dven braabo ne 43 run dekar 6 wicket haasil kiye. Bravo ko shaanadaar geindabaaji ke liye main of the match chuna gaya.


Chennai Test Firki Mein Fanse Mehmaan, Bhaarat Jeet Ki Dahaleej Par

Chennai Test Firki Mein Fanse Mehmaan, Bhaarat Jeet Ki Dahaleej Par

Cricket »

Chennai: Ravichandran Ashwin (12 wicket) ke netrutv mein apne firki geindabaajon ke shaanadaar pradarshan ki badaulat bhaarateeya cricket team emae Chidambaram stadium mein Australia ke saath jaari pehle test match ke chauthe din somvaar ki samaapti tak jeet ki dahaleej par khadi dikhi. Ek samay Bhaarat ko paari ki jeet milti dikh rahi thi lekin mehmaan team ke puchhalle ballebaajon ne usaki jeet ko paanchavein din tak ke liye taal diya. Australia ne din ki samaapti tak apni doosari paari mein nau wicket par 232 run banaakar 40 ranon ki badhat haasil kar li. Wicket par mehmaan team ka antim joda maujood hai aur use paanchavein din ke poore 90 over khelne hain. Aise mein is match mein Bhaarat ki jeet pakki najar aa rahi hai. Ek samay Australia ne 175 ranon ke kul yog par apni doosari paari mein nau wicket ganva diye the. Usaki paari ki haar saamane dikh rahi thi lekin Nathan Leon (naabaad 12) aur apna pehla test khel rahe moesis Henricks (naabaad 75) ne antim wicket ke liye na sirf 57 run jode balki Bhaarat ko paari ki jeet se maharoom kiya. Henricks ne apni 124 geindon ki saahasik paari mein chhah chauke aur do chhakke lagaae hain jabki Leon ab tak 47 geindon ka saamana karte hue ek chauka laga chuke hain. Bhaarat ki or se Ashwin ne paanch wicket liye hain jabki Harbhajan Singh aur Ravindra jadeja ko do-do safalta mili hai. Ashwin ne pehli paari mein bhi saat wicket liye the. Australia ko pehli paari mein 380 ranon par sametane ke baad Bhaarat ne kaptaan Mahendra Singh Dhoni (224) aur viraat Kohli (107) ki shaanadaar shatakeeya paariyon ki madad se apni pehli paari mein 572 run banaae. Iske baad usane pehli paari ke aadhaar par 192 ranon ki badhat haasil ki. Doosari paari mein Australia ke liye sabse adhik run banaane vaale Henricks ke alaava kaptaan Michael Clark ne 31 ranon ka yogadaan diya. Ed Cowan ne 32 run banaae jabki David vaarnar ne 23 ranon ki paari kheli. Isse pehle, bhaarateeya team ne apni pehli paari mein 572 run banaae. Ismein kaptaan Mahendra Singh Dhoni ke 224 run shaamil hain. Bhuvaneshvar Kumar ne 38 run banaae jabki Ishaant sharma chaar ranon par naabaad laute. Apna pehla test khel rahe Kumar ne 97 geindon ka saamana karte hue chaar chauke lagaae. Kumar aur Dhoni ke beech nauvein wicket ke liye 140 ranon ki saajhedaari hui. Kumar aur Ishaant ne antim wicket ke liye 26 run jode. Is tarah Bhaarat ne pehli paari ki tulana mein 192 ranon ki badhat haasil ki. Bhaarat ne teesare din ravivaar ka khel khatm hone tak aath wicket par 515 run banaae the. Dhoni 206 aur bhuvaneshvar Kumar 16 ranon par naabaad laute the. Dhoni ne chauthe din apni paari mein 18 run aur jode tatha James Pattinson ki geind par wicket ke peechhe Matthew wed ke haathon lapke gaye. Dhoni ki 265 geindon ki paari mein 24 chauke aur chhah chhakke shaamil hain. Apni is paari ke dauraan Dhoni ne bataur kaptaan Bhaarat ke liye sabse badi paari kheli. Isse pehle yah rikaard sachin Tendulkar ke naam tha, jinhonne kaptaan ke roop mein 217 run banaae the. Dhoni ne chennai mein teesari sabse badi paari kheli. Is maidaan par sabse badi paari ka rikaard Bhaarat ke hi Virendra Sehwag ke naam hai, jinhonne 2008 mein dakshin Africa ke khilaaf 309 run banaae the. Usase pehle suneel Gavaskar ne 1983 mein yahaan West Indies ke khilaaf 236 ranon ki beshakeemati paari kheli thi. Gavaskar is maidaan par teen shatak aur itne hi ardhashatak laga chuke hain. Australia ki or se Pattinson ne paanch wicket liye jabki Nathan Leon ko teen safalta mili. Iske alaava moesis Henricks aur Peter sidl ko ek-ek wicket mila. Pattinson ne apne career mein doosari baar paari mein paanch wicket liye hain.


Mahendra Singh Dhoni Ne Sachin Tendulkar Ka Record Toda

Mahendra Singh Dhoni Ne Sachin Tendulkar Ka Record Toda

Cricket »

Chennai: Mahendra Singh Dhoni ne Australia ke khilaaf Bhaarat ki pehli paari mein somvaar ko chennai mein 224 run banaakar kaptaan ke roop mein sarvaadhik vyaktigat score ka naya bhaarateeya record banaaya. Isse pehle yah record sachin Tendulkar ke naam par darj tha. Dhoni ne aaj 206 run se apni paari aage badhaai aur jald hi vah Tendulkar ka record todne mein safal rahe jinhonne 1999 mein New Zealand ke khilaaf Ahmedabad mein 217 run banaae the. Bhaarat ke keval chaar khilaadi hi ab tak kaptaan rahate hue dohara shatak jama paae hain. Sabse pehle yah kaarnaama mansoor Ali Khan pataudi ne 1964 mein England ke khilaaf nai Delhi mein kiya tha. Unhonne tab naabaad 203 run banaae the. Iske baad suneel Gavaskar ne 1978 mein West Indies ke khilaaf Mumbai mein 205 run ki kaptaani paari kheli thi. Dhoni ki tarah pataudi aur Tendulkar ne bhi apna pehla dohara shatak kaptaan ke roop mein lagaaya tha. Pataudi, Gavaskar aur Tendulkar ne jab kaptaan rahate hue dohara shatak jamaaya tab match dra raha tha. Dhoni haalaanki wicket-keeper ballebaaj ke roop mein sarvaadhik score ke record ko naheen tod paaye. Yah rikaard Zimbabwe ke Andy flaavar ke naam par hai jinhonne 2000 mein Bhaarat ke khilaaf Nagpur mein naabaad 232 run banaae the. Unke baad Sri Lanka ke Kumar sangakaara (230 run) aur fir Dhoni ka number aata hai. Dhoni ne spinner Nathan Leon ko vishesh roop se nishaane par rakha aur unki 83 geindon par 104 run batore jismein nau chauke aur paanch chhakke shaamil hain.