Mallya Bhaarateeya Bankon Ke Bakaaya Vasooli Ke Prayaason Ko Rukavaane Mein Vifal
Business » April 17, 2019 (Wednesday)
London, 17 April (bhaasha) sharaab kaarobaari vijay Mallya ko Budhvaar ko ek aur jhatka laga aur Britain ke uchch nyaayaalaya ne London mein bank ke apne ek khaate mein jama dhan se sambandhit aadesh ko nirast karne ki usaki arji ko antarim taur par asveekaar kar diya. Adaalat ke is nirnaya se bhaarateeya bankon ke samooh ko jama 2,60,000 pound ki raashi se vasooli karne se rokane ka maalya ka prayaas vifal ho gaya hai. Mallya (63) Britain mein kai kaanooni ladaaiyon mein ulajha hai. Uchch nyaayaalaya ke master David cook ne vyavastha di ki SBI aur anya bankon ke paksh mein jaari antarim rin aadesh kaayam rahega. Isse bhaarateeya bank Mallya ke ICICI UK mein is khaate par haath rakh sakeinge. Haalaanki, is appeal par antim aadesh Mallya ki lambit divaala yaachika par sunavaai ke baad diya jaaega. aise mein in khaaton mein jama raashi freej rahegi. pichhle saal bhaarateeya bankon ke paksh mein vaishvik star par khaaton ko freej ya un par rok lagaane ka aadesh diya gaya tha. Mallya ke vakeelon ne kai kaaran ginaate hue is antarim aadesh ko radd karne ki appeal ki thi. Unhonne daleel di ki yeh Mallya ko uchit tareeke se jeevanayaapak ke kharch se rokane ka jaanboojhkar kiya gaya prayaas hai.
Time Ki 100 Sabse Prabhaavashaali Logon Ki Soochi Mein Ambani, Arundhati Kaatajoo Aur Menaka Gurusvaami
Business » April 17, 2019 (Wednesday)
New York , 17 April (bhaasha) time maigajeen ne duniya ke 100 sabse prabhaavashaali logon ki soochi mein teen bhaarateeyon ko shumaar kiya hai. Inmein Reliance idastreej ke Chairman mukesh Ambani , Bhaarat mein elajeebeeteeyoo (lesbiyn , gay , baaiseksual aur traansajeindar) samudaaya ke hak ke liye ladne waali vakeel arundhati kaatajoo aur menaka gurusvaami shaamil hain. time maigajeen ne 2019 ke sheersh 100 sabse prabhaavashaali logon ki soochi Budhvaar ko jaari ki. Soochi mein sheersh netaaon , kalaakaaron , diggajon aur aaikan shaamil hain. is soochi mein bhaarateeya - ameriki kaumediyn aur TV host hasan minhaaj , America ke raashtrapati donaald tnrap , Pope Francis , cheen ke raashtrapati shi chinfing , Pakistan ke pradhaanamantri Imran Khan , golf khilaadi tiger Woods aur Facebook ke sansthaapak mark jukarabarg ko sthaan mila hai. time 100 ke liye mukesh Ambani ka profaail mahindra samooh ke Chairman aanand mahindra ne likha hai. Mahindra ne kaha ki Ambani ke pita dheeroobhaai Ambani bhaarateeya udyog jagat mein ek dooradarshi udyogapati ke roop mein jaane jaate hain , lekin mukesh Ambani ka najariya unke pita ki tulana mein adhik mahatvaakaankshi hai. Vah apne har pahal ki shuruaat apne pita ke aasheervaad se karte hain. unhonne kaha ki Reliance jiyo mobile deta network ka daayara " kisi bhi paimaane par aakarshak hai. " Bhaarat mein 28 karod se adhik log pehle hi kam laagat vaale 4 ji network ke saath jod chuke hain. bollywood abhinetri Priyanka Chopra ne kaatajoo aur gurusvaami ke profaail mein likha ki donon mahilaaon ne Bhaarat mein elajeebeeti samudaaya ke liye samaan adhikaar sunishchit karne ke liye ladi ja rahi ladaai ka netrutv kiya aur samalaingik yaachikaakartaaon ka pratinidhitv karne waali pramukh vakeelon mein se ek theen. time ki soochi mein yooes open ki vijeta Naomi osaaka , oscar vijeta raami maalek , Barack Obama ki patni Michelle Obama , dakshin Africa ke raashtrapati siril raamafosa , oscar vijeta gaayik laidi gaaga , Abu Dhabi ke shahajaahe mohammad bin jayaad samet anya shakhsiytein shaamil hain.
Aaiemapeeseeel Ki Rananeetik Bikri Ke Liye Sarkaar Ne Boli Aamantrit Ki
Business » April 17, 2019 (Wednesday)
Nayi Delhi, 17 April (bhaasha) sarkaar ne saarvajanik kshetr ki company Indian medisin faarmaasyutikl Corporation limited (aaiemapeeseeel) mein apni poori hissedaari bechne ke liye shuruaati boli aamantrit ki hai. Aaiemapeeseeel 'Ayurvedik' aur 'Yoonaani' dava ka utpaadan evam aapoorti karti hai. Yeh company aayush mantraalaya ke adheen aati hai. Aaiemapeeseeel mein sarkaar ki 98.11 pratishat hissedaari hai jabki shesh 1.89 pratishat hissedaari uttaraakhand sarkaar ke kumaaoon mandal vikaas nigam limited ke paas hai. Sarkaar ne aaiemapeeseeel mein apni poori hissedaari bechne ke liye prastaavit rananeetik vinivesh ke tahat ''Vaishvik star'' par roochi patra aamantrit kiye hain. Ismein roochi rakhane waali koi bhi company 18 May tak apni boli saunp sakti hai. Boli lagaane waali company ki 31 March 2018 ko kam se kam 70 karod rupaye ki netavarth honi chaahiye. Aaiemapeeseeel ki rananeetik bikri yadi safal ho jaati hai to isse milne waali raashi ko sarkaar ki chaaloo vitt varsh ki vinivesh praapti kosh mein shaamil kiya jaayega. sarkaar ne chaaloo vitt varsh ke dauraan sarkaari hissedaari ke vinivesh se 90,000 karod rupaye juaane ka bajat lakshya rakha hai. Pichhle vitt varsh mein vinivesh mad mein 84,972 karod rupaye praapt huye hain. Ismein se sarkaar ne 15,914 karod rupaye rananeetik bikri se jutaaye hain. vitt varsh 2018- 19 ke dauraan saarvajanik kshetr ki enabeeseesi ne echaesaseesi mein sarkaar ki hissedaari 285 karod rupaye mein khareedi hai. Iske alaava chaar bandaragaahon ke samooh ne drajing Corporation of India mein sarkaar ki 73.44 pratishat hissedaari 1,049 karod rupaye mein khareeda hai. Isi prakaar national projaikt construction Corporation (enapeeseesi) ko 80 karod rupaye mein bech diya gaya. rooral ilektrifikeshan kaarapaareshan (aaraisi) ka power finance Corporation dvaara adhigrahan kiye jaane se bhi sarkaar ko 14,500 karod rupaye praapt huye.
Efaemaseeji Ki Vikaasadar Varsh 2019 Mein Ghatkar 11-12 Pratishat Rah Jaayegi Neelasen
Business » April 17, 2019 (Wednesday)
Mumbai, 17 April (bhaasha) Bhaarat ke teji se badhte tatkaal khapat upabhokta maal (efaemaseeji) udyog ke vikaas ki gati dheemi hokar varsh 2019 mein 11-12 pratishat rah jaane ki sambhaavana hai, jo varsh 2018 ke mukaabale lagbhag do pratishat kam hoga. Ek report mein yeh jaankaari di gayi hai. Neelsan ke anusaar, calendar varsh 2019 ke April se June ki timaahi ke dauraan is udyog ke 12-13 pratishat ki dar se badhne ki ummeed hai. Neelasan ne kaha, "Varsh 2019 ki pratham timaahi mein efaemaseeji ke vikaas ki gati 13-14 pratishat rahane ka poorvaanumaan ke anuroop, yeh kshetr 13.6 pratishat ki dar se badha hai. Ham pratyek timaahi mein 1-2 pratishat kramik roop se vikaas mein kami dekh rahe hain jo pehli chhamaahi mein svasth dohare ank ki vruddhi ki or agrasar hai. Saal ki doosari chhamaahi mein uchch ekal ankon ki vruddhi ki or badheinge. " neelasan ne kaha ki efaemaseeji udyog vikaas paridrushya varsh 2019 mein 11-12 pratishat ki seema mein hoga, jo varsh 2018 ke vruddhi dar se lagbhag do pratishat kam hoga. Unhonne kaha ki varsh varsh 2018 mein vyavasaaya ka aakaar badhta hua 11 pratishat ke charam star ko chhoo gaya tha aur is vruddhi dar ke behtar rahane ki ummeed hai, lekin vittavarsh 2019 mein yeh 8.5- 9.5 pratishat yaani kam hai. Isne kaha hai ki pehli timaahi mein 13.6 pratishat ki vruddhi varsh 2018 ki antim timaahi (pichhli timaahi se -2.3 pratishat) ki vruddhi se thodi kam hai. Ismein kaha gaya hai, "Isi tarah ki baat arthavyavastha mein dekhne ko mili jahaan 6.8 pratishat GDP vruddhi dar ki apeksha ke mukaabale GDP vikaas dar 6.6 pratishat rahi. Haal ke maheenon mein mudraasfeetikaari dabaav mein bhi vruddhi dekhi gaijo January 2019 ke do pratishat se badhkar March mein 2.9 pratishat ho gaya hai. " isne kaha hai, “ashahari vikaas mein maamooli giraavat dekhi gayi hai. Graameen kshetron mein vikaas ke rujhaanon mein badi kami I hai jo 2018 ki pehli timaahi se 2018 ki teesari timaahi tak samagr efaemaseeji udyog ki vruddhi ko prabhaavit kar rahi hai. Aitihaasik roop se, graameen kshetr ki GDP vikaas dar shahari kshetr ki tulana mein 3-5 pratishat ank adhik rahe hain tatha graameen vikaas mein haaliya mandi ne vikaas ko shahari vikaas ke lagbhag baraabar la diya hai. Ismein kaha gaya hai, "Graameen vikaas mein jo kul giraavat dekhi gayi hai vah paikejd food shreni mein mandi ke kaaran hai.
Doorasanchaar Kshetr Par Sharaab, Cigarette Jaise Gairjaroori Utpaadon Ki Tarah Kar Lagta Hai Vodaafon Idea CEO
Business » April 17, 2019 (Wednesday)
Nayi Delhi, 17 April (bhaasha) vodaafon idea ka maanana hai ki Bhaarat mein doorasanchaar kshetr par sharaab aur cigarette jaise gairjaroori utpaadon ki tarah kar lagaaya jaata hai. Is kshetr ko mahatvapoorn dhaanche ki tarah naheen samjha jaata. vodaafon idea ke mukhya kaaryakaari adhikaari (CEO) baalesh sharma ne PTI bhaasha se kaha, ''Kshetr par 23 pratishat seema shulk aur 18 pratishat maal evam seva kar (jeeesati) lagta hai. Yeh kuchh usi tarah ka kar hai jo sharaab aur cigarette jaise gair aavashyak utpaadon par lagta hai. '' sharma ne kaha ki humne spectrum ke liye kaafi paisa diya. Isi vajah se hamaare oopar karj ka itna bojh hai. Iske alaava aapko spectrum prayog shulk (esayoosi) aur yooesaoef shulk aur anya shulk dene padte hain. Yeh atyadhik kar ka vaataavaran banaata hai. vodaafon idea par kareeb 1.2 lakh karod rupaye ka karj hai. Company ke maujooda shuddh karj mein 80 pratishat spectrum bhugataan se sambandhit hai. sharma ne kaha ki yadi sarkaar digital India mein bharosa karti hai to use yeh maanana hoga ki yeh ek mahatvapoorn dhaanchaagat kshetr hai aur is kshetr ki sehat ko sudhaarane par kaam karne ki jaroorat hai. unhonne kaha ki kshetr mein pratispardha mahattam star tak pahunch gayi hai aur ab iske tarkasangat hone ki ummeed hai. sharma ne kaha, ''Jab ham digital India ki baat karte hain to yeh shaanadaar dhaanche, doorasanchaar dhaanche par nirbhar karega. Is udyog ko kamaane waali machine ki tarah naheen dekha jaana chaahiye, balki ise mahatvapoorn dhaancha samjha jaana chaahiye, jo aaj naheen ho raha hai. '' raashtreeya digital sanchaar neeti (enadeeseepi) mein kshetr mein shulkon ko taarkik banaane ke liye kai upaayon ka vaada kiya gaya hai, lekin abhi iske nateeje dikhaai naheen de rahe hain.
Jet Airways Ka Parichaalan Budhvaar Aadhi Raat Se Ho Raha Hai Asthaayi Taur Par Band
Business » April 17, 2019 (Wednesday)
Mumbai, 17 April (bhaasha) pichhle chaar saal se nakad dhan ke sankat se joojh rahi niji kshetr ki airline jet Airways ne antat: Budhvaar ko parichaalan asthaayi taur par sthagit karne ki ghoshana ki. Pichhle dhaai dashak se bhi adhik samay se sevaaen de rahi is airline ne kaha hai ki aaj hi madhyaraatri ko amrutasar se nayi Delhi ki usaki udaan ke baad usaka parichaalan filhaal band kiya ja raha hai. Is airline ke bankon ke samooh ne use 400 karod rupaye ka aapatakaaleen karj dene se inkaar kar diya. Vitteeya sahaare ke abhaav mein uske prabandhakon ko bachi khuchi sabhi udaane band karne ka yeh nirnaya lena pada. Patte ke vimaanon ka kiraaya na chuka paane ke kaaran usaki udaanon ki sankhya pehle hi bahut seemit rah gayi thi. Jet Airways ne share baajaaron ko bheji soochana mein kaha hai, ''Ham apni sabhi antararaashtreeya aur ghareloo udaanon ko turant prabhaav se nirast karne ke liye majaboor hain. Airline ki aaj madhyaraatri ko aakhiri udaan ka parichaalan hoga. '' airline ne kaha ki rindaata bank ki or se use parichaalan mein banaaye rakhane ke liye jaroori karj dene se inkaar karne ke baad yeh nirnaya liya gaya hai. jet Airways ne kaha, ''Karjadaataaon aur anya kisi bhi srot se aapaatkaaleen kosh upalabdh naheen hone se indhan aur doosari aham sevaaon ka bhugataan naheen kar paane ki vajah se airline apne parichaalan ko jaari rakhane mein saksham naheen ho paayegi. '' is sthiti ko dekhte huye jet Airways ki aakhiri udaan udaan samay saarini ke mutaabik 2230 baje amrutasar havaaiadde se nayi Delhi ke liye udaan bharegi. jet Airways ki mangalvaar ko hui nideshak mandal ki baithak mein prabandhan ne mukhya kaaryakaari adhikaari vinaya dube ko rindaata bankon se 400 karod rupaye ka aapaat kosh upalabdh karaane ki aakhiri baar appeal karne ke liye praadhikrut kar diya. Nideshak mandal ne yeh bhi kaha ki yadi unki maang sveekaar naheen ki jaati hai to vah Budhvaar ko airline ke bhavishya ko lekar antim faisala le sakte hain. bhaarateeya state bank ne bankon ke rindaata samooh ki or se kal der raat jet Airways ko soochit kar diya tha ki vah airline ki antarim kosh upalabdh karaane ke aagrah par vichaar karne mein asamarth hain. Airline ne apne vaktavya mein yeh jaankaari di hai.
2011 Se Berojgaari Ki Dar Doguna Hui Report
Business » April 17, 2019 (Wednesday)
Nayi Delhi, 17 April (bhaasha) desh mein 2018 tak ke pichhle aath saal ke dauraan berojgaari ki dar doguna ho gayi hai. November, 2016 mein notabandi ke do saal ke dauraan 50 lakh rojagaar ghate hain. Ek niji vishvavidyaalaya ke nae shodh mein yeh nishkarsh nikaala gaya hai. amit basole ki aguvaai mein ajeem premaji vishvavidyaalaya ke shodhakartaaon dvaara taiyaar report mein kaha gaya hai ki sarkaar ne raashtreeya namoona sarve kaaryaalaya (enaesaesao) dvaara nae jaldi -jaldi kiye jaane vaale shram bal sarve (peeelaefaes) ki rapat abhi jaari naheen ki hai is liye is adhyayan mein 2016 se 2018 ke dauraan rojagaar ki sthiti ko samajhne ke liye sarkaar center for maunitring the Indian ikanaumi (seeemaaaisi-seepeedeeeks) ke aankadon ka istemaal kar rahi hai. vishvavidyaalaya ki website par daali gayi report mein kaha gaya hai ki 2011 se saamaanya taur par berojgaari badhi hai. Peeelaefaes aur seeemaaaii-seepeedeeeks donon ki report mein 2018 mein berojgaari ki dar ko kareeb chhah pratishat aanka gaya hain yeh 2000 se 2011 ki ausat dar dar ka doguna hai. ismein kaha gaya hai ki Bhaarat mein berojagaar logon mein jyaadaatar uchch shiksha praapt aur yuva hain. ismein kaha gaya hai ki seeemaaaii-seepeedeeeks ke vishleshan se pata chalta hai ki 2016 se 2018 ke dauraan 50 lakh logon ka rojagaar chhina. November, 2016 mein notabandi ki gayi thi. Haalaanki, donon ke beech sirf isi aadhaar par koi seedha sambandh sthaapit naheen kiya ja sakta. enaesaesao ki samay-samay par shramabal sarve par aadhaarit leek report ke anusaar 2017-18 mein berojgaari ki dar chhah pratishat se adhik yaani 45 saal ke uchchastar par thi. Haalaanki, sarkaar ne aadhikaarik roop se abhi is report ko jaari naheen kiya hai. ajeem premaji vishvavidyaalaya ki shodh report ke anusaar shaharon mein kaamkaaj ki aayuvaali mahilaaon mein 10 pratishat snaatak hai lekin inmein 34 pratishat berojagaar hain. vaheen 20 se 24 saal ke varg mein berojagaaron ki sankhya kaheen adhik hai. Udaaharan ke liye shahari purushon mein kaamkaaj laayak aabaadi mein is aayu waali aabaadi 13.5 pratishat hai par ismein 60 pratishat berojagaar hain. report mein kaha gaya hai ki uchch shikshit varg mein berojgaari badhi hi hai, kam shikshit (asangathit kshetr) shramikon ke liye bhi 2016 se rojagaar ke avsar ghate hain. Saamaanya roop se dekha jaae to berojgaari ke maamale mein purushon ki tulana mein mahilaaen kam prabhaavit hui hain.
Bankon Ke Madad Se Inkaar Ke Baad Jet Ke Paas Parichaalan Band Karne Ke Alaava Koi Vikalp Naheen
Business » April 17, 2019 (Wednesday)
Mumbai , 17 April (bhaasha) bankon dvaara rin sankat mein fansi jet Airways ko 400 karod rupaye ki aapaat rin sahaayata dene se inkaar karne ke baad ab company ke paas asthaayi taur par parichaalan band karne ke alaava koi vikalp naheen bacha hai. bankon ne 25 March ko samaadhaan yojana ke tahat airline company mein 1,500 karod rupaye ki poonji daalne ki baat kahi thi. Haalaanki , yeh kaam abhi tak poora naheen ho saka hai. Vaheen , kiraaye ka bhugataan naheen karne paane ki vajah se jet Airways ko ek ke baad kai vimaan khade karne par majaboor hona pada hai. Mangalvaar tak uske sirf paanch vimaan parichaalan ke liye bache rah gaye the. company ke nideshak mandal ne mukhya kaaryakaari adhikaari vinaya dube ko bhaarateeya state bank ki aguvaai waali rinadaataaon ki samiti se 400 karod rupaye ki aapaat rin sahaayata ki aakhiri appeal karne ke adhikrut kiya tha. banking sootron ne PTI - bhaasha ko bataaya , " jet Airways prabandhan ki 400 karod rupaye ki aapaat rin sahaayata ki maang ko khaarij kar diya gaya hai. " jet Airways ke ek sootr ne yeh bhi kaha ki bankon ki or se jaroori vitteeya sahaayata naheen dene se airline jald hi band hone ki aashanka hai. unhonne kaha , " airline company parichaalan jaari rakhane ke liye jaroori poonji jutaane mein naakaam rahi hai. " sootron ke mutaabik , sarkaar ne jet Airways ke maamale ko bankon ka vyaavasaayik faisala bataate hue is maamale se doori bana rakhi hai.
Ef-21 Ladaakoo Vimaan Doosaron Ki Tulana Mein Bhaarat Ko Aham Badhat, Majaboot Rakshaatmak Kshamata Dega Laukaheed
Business » April 17, 2019 (Wednesday)
Washington , 17 April (bhaasha) ladaakoo vimaan vinirmaata ameriki company laukaheed Martin ne kaha hai ki vividh prakaar ki bhoomika mein nipun yuddhak vimaan ef -21 se Bhaarat ki vaayu - sainya - kshamata ko " mahatvapoorn badhat " mil sakti hai kyonki mukaabala karne ki iski kshamata apekshaakrut adhik hai. company ka yeh bhi daava hai ki ef -21 ka vinirmaan Bhaarat mein shuroo hua to unnat ladaakoo vimaanon ki vinirmaan praudyogiki ke vaishvik network mein Bhaarat aur majabooti se jud sakta hai. laukaheed Martin ne February mein Bengaluru mein aero India -2019 ke dauraan Bhaarat ke liye is ef -21 bahu - aayaami ladaakoo vimaan ko pradarshit kiya tha. Iska utpaadan Bhaarat mein hi kiya ja sakta hai. company ne kaha ki ef -21 bhaarateeya vaayusena ki vishesh aavashyakataaon ko poora karne mein samarth hai aur duniya ke sabse bade ladaakoo virmaan tantr mein Bhaarat ki sthiti majaboot kar sakta hai. company ne isse pehle Bhaarat ke liye ef -16 ladaakoo vimaanon ki peshakash ki thi. prastaav hai ki Bhaarat ke liye ef -21 ka utpaadan laukaheed Martin aur tata edavaansd sistams dvaara mil kar Bhaarat mein kiya jaaega. laukaheed ke rananeeti evam kaarobaar vikaas vibhaag ke upaadhyaksh vivek laal ne PTI - bhaasha se saakshaatkaar mein kaha ," vishisht kshamataaon ki kisi se tulana karna uchit naheen hai. Ef -21 Bhaarat ko mahatvapoorn badhat dilaane ke saath majaboot rakshaatmak kshamata pradaan karega. Yeh vimaan aasmaan mein adhik samay tak tik sakta hai aur yeh indhan bhi kam khaata hai. '' unke anusaar yeh sabhi sainya manchon ke saath data ke aadaan pradaan ke liye bhi joda ja sakta hai. unhonne kaha , " ef -21 pradarshan , kshamata aur unnat praudyogiki ke lihaaj se Bhaarat ki sabhi aavashyakataaon ko poora karega. " laal ne un khabaron ko nakaar diya jinmein kaha gaya hai ki ef -21 ladaakoo vimaan , ef -16 vimaan ki nae sire se braanding hai. Unhonne kaha ki vimaan ke dhaanche ek jaise dikh sakte hain lekin jab aap ef -21 ki anoothi kshamataaon par gaur kareinge to bhinnata saaf - saaf dikhaai degi. unhonne kaha ki ef -21 mein unnat epeeji -83 ektiv electronic skainad ere (eiesae) radaar diya gaya hai jo do guna doori tak padtaal karne mein samarth hai. iske alaava , yeh unnat electronic yuddh pranaali se lais hai. Yeh khaastaur par Bhaarat ke liye taiyaar kiya gaya hai. Yeh jameen aur havaai khatre se bache rahane mein madad karta hai. Teen misaail launchar edauptar diye gaye hain. Yeh hava se hava mein maar karne vaale 40 pratishat adhik hathiyaaron ke saath udaan bharne mein saksham hai.
Videshi Tour Par Bhi Jet Sankat Ke Kaale Baadal, 1.8 Lakh Hua London Ka Kiraaya
Business » April 17, 2019 (Wednesday)
Mumbai Jet sankat ka asar ab havaai safar ke kiraaye par padta dikh raha hai. Ghareloo flaaits ke saath-saath ab videshi flaaits ka kiraaya bhi aasmaan chhoo raha hai. Jet ke is vakt sirf 5 plane parichaalan mein hain, jinki vajah se dikkat ho rahi hai. Jin jagahon par jaane ka kiraaya pehle hajaaron mein tha vo ab lakh tak pahunch chuka hai. Seedhe taur par dekhein to kiraaya teen guna tak badh gaya hai. Ise London ke udaaharan se samajhiye. Agar kisi ko 22 April ko Mumbai se London jaana hai to use 1.8 lakh rupaye kharchane honge. Yeh flight 19 ghante ki hai jo cheen hote hue jaaegi. Agar kisi ko Delhi se London jaana hai to kiraaya 93 hajaar rupaye hai. Ismein safar 16 ghante ka hai aur flight Milan hote hue jaaegi. Havaai safar ka kiraaya is hafte bhi kuchh kam naheen hai. Agar kisi ko 17 ya 18 April ko Mumbai se London jaana hai to use 1 lakh rupaye dene honge. Jet ki 'Achhi suvidhaaen' naheen bhula pa raha staaf! 37 hajaar se 2 lakh tak pahuncha kiraaya Jaankaar maanate hain ki aisa jet Airways ke plane na udne ki vajah se ho raha hai. Treval ejeints asosiyeshan of India ke Chairman anoop kanuga ne kaha, 'Garmi ke season mein Mumbai se London ka kiraaya had se had 37 hajaar se 50 hajaar ke beech rahata hai. Lekin jet ki flaaits na hone ki vajah se kiraaya aasmaan chhoo gaya hai. ' doosari vajah 21 April ko padne wala istar bhi hai. Iske baad kiraaya fir saamaanya hone ke aasaar hain. Bata dein ki kiraaya sirf London ka naheen badha hai. Needaralainds ke emsatardam ka Mumbai se kiraaya 44 hajaar rupaye se 1.38 lakh rupaye ke beech aa gaya hai. Yeh ispar nirbhar karta hai ki aapko kitne ghante ka safar karna hai. Pehle se booking vaale fanse Ab safar ki planning kar rahe log to fir bhi bach sakte hain, lekin pehle se ticket book kar chuke logon ka nuksaan tay maana ja raha hai. Aise kuchh log saamane aae hain jinhonne pehle hi jet Airways se kaheen ghoomane jaane ki ticket book ki thi aur ve hotel ki adavaans booking tak kar chuke hain. Ab sab kainsal hone par unka paisa doobega. Is maamale mein daayarektaret general of civil eviyeshan (DGCA) kuchh khaas naheen kar pa raha kyonki unke paas sirf ghareloo flaaits par najar rakhane ka adhikaar hai. Fir bhi vah jet ke adhikaariyon se sampark saadhe hue hain.
Bond Mein Nivesh Par Kab Lagta Hai Kitna Tax, Samajhein Faurmyula
Business » April 17, 2019 (Wednesday)
Nai Delhi Koi bhi investameint portfolio tabhi achha maana jaata hai jab ismein alag-alag tarah ke praudakts ka santulan ho. Isi rananeeti ke tahat portfolio mein ikviti ke saath-saath det instroomeints ki bhi hissedaari sunishchit ki jaati hai. Desh mein det instroomeints ke roop mein alag-alag baunds upalabdh hain. Machyoriti dyooreshan, tax, koopan rets aadi ke najariye se ye baunds ek-doosare se bhinn hote hain. Isliye, bond khareedne se pehle inke feechars ka aakalan karna jaroori hota hai. Ikviti investameint par kab-kitna tax, jaaneinbaunds ke feechars Kuchh baunds par tax mein chhoot milti hai jabki kuchh ke koopan rets, fiksd dipaujit se jyaada hote hain. Fir bhi kuchh baunds aise hain jinmein nivesh karke kaipitl geins tax bachaaya ja sakta hai. Tax ke lihaaj se baunds mein ek aur antar hota hai ki kuchh baunds ko machyoriti tak rakhane par tax mein chhoot mil jaati hai jabki kuchh ko machyoriti tak rakhane par tax dena padta hai. Aaie samajhte hain, baunds par tax ke niyam. . .
Yooho Mobaails Ki Bhaarat Mein Vinirmaan Ikaai Lagaane Ki Yojana
Business » April 17, 2019 (Wednesday)
Hyderabad, 17 April (bhaasha) cheen ki smaartafon banaane waali company yooho mobaails jald hi Bhaarat mein 100 karod rupaye se adhik ki laagat se mobile vinirmaan ikaai lagaaegi. company ki pehle se gurugraam mein ek esembali ikaai hai jahaan aanshik khule hissepurjon ko jod kar mobile banaaya jaata hai. Vahaan abhi kareeb 500 log kaam kar rahe hain. yooho mobaails ke nideshak-bikri keshav aroda ne samvaadadaataaon se yahaan kaha, ''Ham Bhaarat mein vinirmaan evam aseinbaling ikaai ke vistaar ki disha mein kaam kar rahe hain. Humne nayi mobile vinirmaan ikaai ki sthaapana ke liye gurugraam aur tirupati ko chhaanta hai. '' unhonne kaha, ''Ham (raajya) sarkaaron se madad chaahate hain aur unase baatcheet chal rahi hai. (nayi ikaai ke liye sthaan) tay naheen kiya gaya hai. '' unhonne kaha ki nayi ikaai ke liye yojana ko agale do-teen maheene mein antim roop diya jaaega. aroda ne kaha, ''Ham nayi ikaai mein 100 karod rupaye se adhik ke nivesh ki yojana bana rahe hain. Agale do se teen maheenon mein ise antim roop de diya jaaega. Ham December, 2019 se nayi vinirmaan ikaai mein utpaadan shuroo karna chaahate hain.
Laghu, Majhole Udyamon Ko Bill Diskaauntik Suvidha Dene Ko Bank Of Maharashtra Ka Ema1eksacheinj Se Gathajod
Business » April 17, 2019 (Wednesday)
Nayi Delhi, 17 April (bhaasha)sarkaari svaamitv waali bank bank of Maharashtra (beeoem) ne Budhvaar ko kaha ki usane emaesaemai ikaaiyon ke bakaaya vyaapaarik bilon ke aadhaar par karj dene (diskaaunting) ke liye M-van exchange treds platform ke saath saajheedaari ki hai. Trade riseevebals diskaaunting system (teeaaraideees) apne bilon ko ek neelaami ke maadhyam se pratispardhi dar par vittaposhit karne ke liye sookshm, laghu aur madhyam udyamon (emaesaemai) ka samarthan karne wala ek digital platform hai jahaan kai panjeekrut vittaposhak companiyaan bhaag le sakti hain. Bank of Maharashtra (beeoem) ne ek bayaan mein kaha ki riseevebal exchange of India limited (aaraeksaaaiel) evam invauyasamaart ke teeaaraideees ke alaava bank ko ab maaind solyoosans ke M-van exchange manch par bhi vittaposhak company ke roop mein joda gaya hai. Maaind saalyusans ek praudyogiki prabandhan company hai jo M-van exchange ka treds pletafaurm sanchaalit karti hai. Treds pletafaurm ka mukhya uddeshya vitteeya pranaali mein nakadi ke suchaaroo pravaah ko sugam banaana tatha pratispardhi dar par vittaposhan upalabdh karaana hai.
Google, Eppal Ne Apne Ep Store Se Tiktauk Ko Hataaya
Business » April 17, 2019 (Wednesday)
Nayi Delhi, 17 April (bhaasha) Google aur eppal ne apne ep store se tiktauk ep ko hata diya hai. Uchchatam nyaayaalaya dvaara is ep ko Bhaarat mein pratibandhit karne ke Madras uchch nyaayaalaya ke aadesh par sthagan lagaane se inkaar ke baad in companiyon ne yeh kadam uthaaya hai. Google ke play store aur eppal ke ep store par tiktauk ko dhoondhane par ye ep ab naheen dikh raha hai. Madras uchch nyaayaalaya ne teen April ko kendra ko tiktauk ep ko pratibandhit karne ka nirdesh diya tha. Adaalat ne apne aadesh mein kaha tha ki media ki rapaton se yeh jaahir ho raha hai ki aise mobile ep ke jariye praunograafi aur aapattijanak saamagri upalabdh karaayi ja rahi hai. adaalat ne media se tiktauk ke video clip ka prasaaran naheen karne ka bhi aadesh diya tha. sootron ke mutaabik Madras uchch nyaayaalaya ke nirnaya par amal na rokane ke uchchatam nyaayaalaya ke rukh ke baad kendra sarkaar ne somvaar Google aur eppal ko adaalat ke aadesh ka anupaalan karne ko kaha tha. is sambandh mein poochhe gaye savaalon ka donon companiyon mein se kisi ne javaab naheen diya. naye upayogakarta ep store se tiktauk ep ko daaunalod naheen kar sakeinge. Haalaanki jo upayogakarta is ep ko pehle hi daaunalod kar chuke hain, ve iska istemaal jaari rakh paaenge. shodh company tekaeaarasi ke ke sansthaapak aur mukhya vishleshak Faizal kaavusa ne kaha, ''Tiktauk ka koi bhi maujooda upayogakarta ep ko sheyarait jaise ep ke jariye saajha kar sakta hai. Ep saajha kiye jaane ke baad koi bhi upayogakarta use instaul karke naya user ban sakta hai. '' cheen ki baaitadaans ke svaamitv wala ep tiktauk desh mein yuvaaon ke beech kaafi lokapriya hai. tiktauk ne mangalvaar ko bayaan jaari kar kaha hai ki tiktauk ko Bhaarat ki nyaayik vyavastha mein yakeen hai.
Karmachaariyon Ko April Ka Vetan Dene Mein Koi Dikkat Naheen Emateeenael Seeemadi
Business » April 17, 2019 (Wednesday)
Nayi Delhi, 17 April (bhaasha) sankat mein fansi saarvajanik kshetr ki doorasanchaar company emateeenael ne bharosa jataaya hai ki use apne 22,000 karmachaariyon ke April maheene ke vetan bhugataan mein kisi tarah ki dikkat naheen aaegi. Company ka iraada aantarik sansaadhanon tatha apne paas upalabdh nakadi ke jariye vetan ke bhugataan ka hai. saarvajanik kshetr ki donon doorasanchaar companiyaan mahanagar telephone nigam li. (emateeenael) aur Bhaarat sanchaar nigam li. (BSNL) bhaari karj ke bojh se dabi hain aur haal ke samay mein unhein apne karmachaariyon ke vetan bhugataan mein dikkaton ka saamana karna pad raha hai. emateeenael ke Chairman evam prabandh nideshak pi ke puravaar ne PTI bhaasha se kaha ki company April maah ka 200 karod rupaye ka vetan bhugataan aantarik sansaadhanon tatha apne paas maujood nakadi se karegi. puravaar ne daava kiya ki April maah ke vetan bhugataan mein company ko kisi tarah ki chunauti naheen aaegi. Hamaare paas iske liye paryaapt nakadi aur aantarik sansaadhan hain. Emateeenael ke paas nakadi ya nakadi ke samatulya 250 karod rupaye hain. unhonne kaha ki ham apne sabhi vaidh daavon ko haasil karne mein jute hain. Sabhi sroton se yeh raashi kareeb 1,000 karod rupaye baithati hai. Ek-ek pai ko haasil karne ka prayaas kiya ja raha hai. Doorasanchaar vibhaag se bhi hamein kuchh bakaaya lena hai. Iske alaava kareeb 100 karod rupaye ka aayakar rifand aana hai. emateeenael ne kaha ki usane apne 500 karod rupaye ke lambit bakaaya ke evaj mein doorasanchaar vibhaag se koi 'Anudaan' naheen maanga hai. Puravaar ne kaha ki ham sirf apne vaidh daavon ko paana chaahate hain. Ise poora kiya jaana chaahiye.
Tirupur Se Bune Hue Kapadon Ke Niryaat Mein 8.3 Pratishat Vruddhi Ki Ummeed
Business » April 17, 2019 (Wednesday)
Coimbatore , 17 April (bhaasha) desh se silesilaaye (redimed) kapadon ke niryaat mein 2018-19 mein 4.7 pratishat vruddhi darj ki gayi hai. Vaheen , tirupur se bune hue kapadon ke niryaat mein 8.3 pratishat vruddhi ka anumaan hai. tirupur niryaatak sangh ke adhyaksh raaja M shanaghumugham ne Budhvaar ko vigyapti mein kaha , " desh ke silesilaaye kapadon ka niryaat 2018-19 mein 4.7 pratishat badhkar 1,12,715 karod rupaye par pahunch gaya. 2017-18 mein is varg mein 1,07,679 karod rupaye ka niryaat hua tha. unhonne kaha ki is dauraan, tirupur se bune hue kapadon ka niryaat 8.3 pratishat badhkar 26,000 karod rupaye rahane ka anumaan hai jo ki 2017-18 mein 24,000 karod rupaye raha tha. shanaghumugham ne niryaatakon ki drudhta ki saraahana karte hue khushi jataai ki do saal ke sangharsh ke baad tirupur niryaat ek baar fir patari par laut aaya hai.
ICICI Bank Ne Insta Car, Dopahiya Rin Yojana Shuroo Ki
Business » April 17, 2019 (Wednesday)
Nayi Delhi, 17 April (bhaasha) niji kshetr ke ICICI bank ne car aur dopahiya vaahanon ki khareed ke liye insta yaani turant rin suvidha shuroo ki hai. Yojana ke tahat maujooda graahako ko rin ke liye antim manjoori patra tatkaal jaari kar diya jaaega. ICICI bank ne bayaan mein kaha, ''Pehli seva 'Insta auto loan' mein 20 lakh se adhik pehle se manjoori praapt graahakon ko car rin ke liye antim manjoori patra tatkaal jaari kar diya jaaega. Digital roop se jaari yeh patra saat saal ki avadhi ke 20 lakh rupaye tak ke rin ke liye hoga. doosari pahal 'Insta too vheelar loan' ke tahat poorv manjoori praapt 1.2 karod graahakon ko teen saal ki avadhi ke liye do lakh rupaye tak ke rin ka manjoori patra tatkaal jaari kiya jaaega. ismein kaha gaya hai ki donon hi yojanaaon mein graahakon ko vaahan ke 'Aan road' moolya ka 100 pratishat karj diya jaaega. bayaan mein kaha gaya hai ki manjoori patra 15 din ke liye vaidh hoga. Ise lekar graahak desh mein kisi bhi vaahan dealer ke paas ja sakta hai, vaahan ka chayan kar sakta hai aur antim dastaavej jama kar kuchh ghanton mein rin praapt kar sakta hai. Abhi is poori prakriya mein graahakon ko kai din lag jaate hain.
Mahaaveer Jayanti Ke Mauke Par Delhi Ke Tel Tilhan Baajaar Band Rahe
Business » April 17, 2019 (Wednesday)
Nayi Delhi, 17 April (bhaasha) mahaaveenr jayanti ke mauke par Delhi ke thok tel tilhan baajaar sarraafa aur sahit sabhi pramukh jins baajaar Budhvaar ko band rahe. Vaayada baajaar mein bhi kam band raha.
Notabandi Ke Baad 50 Lakh Logon Ki Gayi Naukri, Yuva Sabse Jyaada Prabhaavit
Business » April 17, 2019 (Wednesday)
Nai dilleevarsh 2016-2018 ke beech kareeb 50 lakh logon ne apni naukriyaan ganva di hain. Ek report mein kaha gaya hai ki naukariyon mein 'Giraavat ki shuruaat' notabandi ke saath hui. Haalaanki in rujhaanon ka koi seedha sambandh sthaapit naheen kiya ja saka hai. Ajeem premaji university ki yeh report seeemaaaii-seepeedeeeks ke aankadon par aadhaarit hai, jismein bataaya gaya hai ki Bhaarat ke berojagaaron mein adhikaansh yuva hain. Report ka sheershak 'State of varking India' hai. Bayaan ke anusaar, 'Saamaanya taur par, mahilaaen purushon se jyaada prabhaavit hain. Unamein berojgaari dar jyaada hai. Iske saath hi shram bal bhaageedaari dar bhi kam hai. ' 2000-2011 ke mukaabale doguni dar Report mein khulaasa hua hai ki saamaanya taur par berojgaari 2011 ke baad dheere-dheere badhi hai. Aavadhik shram bal sarvekshan aur seeemaaaii-seepeedeeeks ki report mein bataaya gaya hai ki 2018 mein kul berojgaari dar 6 pratishat ke aas-paas hai, joki 2000 se 2011 ke beech ke aankade se doguna hai. Mahilaaon ki sthiti Report ke anusaar, 'Shahari mahilaaon mein, kaaryasheel aayu aabaadi mein snaatak mahilaaen 10 pratishat hain, jabki inmein 34 pratishat berojagaar hain. 20-24 varsh aayu samooh mein sabse jyaada berojgaari hai. Report ke anusaar, 'Shahari purushon mein udaaharan ke liye is aayu samooh ki kaaryasheel aayu aabaadi mein 13.5 pratishat hain, lekin ismein 60 pratishat aabaadi berojagaar hai. ' Uchch shiksha aur kam padhe likhe berojagaar Iske alaava, report mein kaha gaya hai ki 'Uchch shaikshanik yogyata vaalon ke beech khuli berojgaari mein vruddhi ke alaava, kam padhe-likhe naukareepesha logon ne naukriyaan ganvaai hai aur 2016 ke baad kaam ke avsar mein bhi kami I hai. '
Sarkaar Ki Aaiaaraseeteesi, Aaiaaraefasi Ke Aaipeeo Ki Yojana, 1,500 Karod Rupaye Jutaane Ka Lakshya
Business » April 17, 2019 (Wednesday)
Nayi Delhi , 17 April (bhaasha) sarkaar ki railway ki do companiyon bhaarateeya rel khaanapaan evam paryatan nigam (aaiaaraseeteesi) aur bhaarateeya rel vitt nigam (aaiaaraefasi) ka is saal September tak praarambhik saarvajanik nirgam (aaipeeo) laane ki yojana hai. Sarkaar ka inke aaipeeo se 1,500 karod rupaye jutaane ka iraada hai. Ek adhikaari ne yeh jaankaari di. adhikaari ne kaha ki vitt mantraalaya ne is saal ki shuruaat mein aaiaaraefasi ka aaipeeo pesh karne ki prakriya shuroo ki thi. Haalaanki , company ne rel mantraalaya ko bataaya tha ki soocheebaddh hone par usaki udhaari laagat badh jaaegi. Is sambandh mein antim faisala keindreeya mantrimandal lega. unhonne kaha , " ham September tak donon companiyon ke aaipeeo laane ke liye kaam kar rahe hain. Loksabha chunaavon ke baad aaiaaraefasi ko fir se mantrimandal ke paas jaana pad sakta hai. " aaiaaraefasi bhaarateeya rel ke vistaar yojanaaon ke vittaposhan ke liye poonji baajaar aur udhaari ke maadhyam se poonji jutaati hai. Vaheen , aaiaaraseeteesi railway ka khaanapaan aur paryatan se judi gatividhiyon ki jimmedaari sanbhaalati hai. sarkaar ki in do companiyon ke aaipeeo ke jariye kareeb 1,500 karod rupaye jutaane ki yojana hai. Aaiaaraseeteesi ke aaipeeo ke jariye kareeb 500 karod rupaye jabki aaiaaraseeteesi ki peshakash ke jariye kareeb 1,000 karod rupaye jutaaye jaane ki ummeed hai. adhikaari ne kaha , " aaiaaraseeteesi aur aaiaaraefasi aaipeeo ke liye baajaar niyaamak SEBI ke paas jald masauda dastaavej jama kareinge. Yeh prakriya chunaav hone aur nai sarkaar ke gathan ke baad hogi. " is maheene ki shuruaat mein , sarkaar ne rel vikaas nigam limited (aaraveeenael) mein 12.12 pratishat hissedaari ki bikri karke kareeb 480 karod rupaye jutaae hain. mantrimandal ki aarthik maamalon ki samiti ne April 2017 mein railway ki paanch companiyon ko soocheebaddh karaane ko manjoori di thi. Inmein --irakaun international, raaits, aaraveeenael, aaiaaraefasi aur aaiaaraseeteesi-- shaamil hain. Inmein se irakaun international aur raaits ko 2018- 19 mein soocheebaddh kar liya gaya hai. sarkaar ne chaaloo vitt varsh ke dauraan kendreeya saarvajanik kshetr upakramon ke vinivesh ke liye 90,000 karod rupaye ka bajat lakshya rakha hai. Pichhle vitt varsh mein vinivesh se 85,000 karod rupaye jutaane ka lakshya rakha gaya tha.
Krisil Ka January-March Timaahi Mein Shuddh Laabh 6.8 Pratishat Ghatkar 76.6 Karod Rupaye
Business » April 17, 2019 (Wednesday)
Nayi Delhi, 17 April (bhaasha) krisil ka is saal January-March timaahi mein ekeekrut shuddh laabh 6.8 pratishat ghatkar 76.6 karod rupaye raha. company January se December ke vitt varsh ke aadhaar par kaam karti hai. varsh 2018 ke January se March ke beech company ka ekeekrut shuddh laabh 82.2 karod rupaye raha tha. company ne share baajaar ko di gayi jaankaari mein bataaya hai ki videshi vinimay mein 7.8 karod rupaye ke nuksaan ke kaaran usaka ekeekrut shuddh laabh prabhaavit hua hai. is saal ki pehli timaahi mein company ki ekeekrut kamaai 422.9 karod rupaye rahi. Varsh 2018 ke January-March mein yeh aankada 427.6 karod rupaye ka tha. usane kaha hai ki company ke nideshak mandal ne 31 March, 2019 ko samaapt vitt varsh mein ek rupaye ke ankit moolya par prati share chhah rupaye ka antarim laabhaansh dene ka nirnaya kiya hai.
Sahi Sanyojan Naheen Banaane Ka Khaamiyaaja Bhugatna Pada Apatan
Business » April 17, 2019 (Wednesday)
Mohali, 17 April (bhaasha) Rajasthan raayals ke mukhya coach paidi apatan ko lagta hai ki Indian Premier league ke maujooda satr mein sahi sanyojan naheen banane ke kaaran team ausat se kharaab pradarshan kar rahi hai. Rajasthan raayals ko mangalvaar ko kings eleven Punjab ne haraaya jo is satr mein team ki chhathi haar hai. Aath maichon mein chaar ank ke saath team taalika mein saatavein sthaan par hai. apatan ne Punjab ke khilaaf 12 run se match ganvaane ke baad kaha, '' hamaare khilaadi team ke taur par naheen chal pa rahe hain jiska khaamiyaaja bhugatna pad raha hai. Aapke sabhi 11 khilaadi kabhi bhi ek saath firm mein naheen raheinge. Aap khilaadiyon ko mauka dena chaahate hain taaki ve apne pair jama sake. '' unhonne kaha, '' ham lambe samay tak lagbhag ek jaisi team ke saath hi utare lekin kuchh kshetron mein hamaare khilaadi chal naheen paaye. Hamein sahi sanyojan banaane ke liye team mein badlaav karna jaroori tha. Match mein ham geind ya balle se aakhir ke do overon mein pichhad rahe hain. '' apatan ne kaha ki Punjab ke spinron Ravichandran Ashwin aur murugan Ashwin ne unke ballebaajon ko haath kholne ka mauka naheen diya jisse match ka rukh unki or mud gaya. unhonne kaha, '' donon Ashwin (Ravichandran aur muroogan) ne shaanadaar geindabaaji ki. Ballebaajon ne unke khilaaf aakraamak rukh akhtiyaar kiya, lekin ve na to kshetrarakshakon se door shot khel sake na hi geind ko seema rekha ke paar bhej sake. Yahi vah lamha tha jab match ka rukh Punjab ki or ho gaya.
HSBC Deji Ki Avamaanana Yaachika Par Enaseeelaeti Ne Anil Ambani Se Javaab Maanga
Business » April 17, 2019 (Wednesday)
Nayi Delhi, 17 April (bhaasha) raashtreeya company kaanoon appealeeya nyaayaadhikran (enaseeelaeti) ne Reliance samooh ke Chairman se alpaansh sheyaradhaarakon dvaara daayar avamaanana yaachika par das din mein javaab maanga hai. samooh ki ek company dvaara kathit roop se bakaaye ka bhugataan naheen karne ke liye alpaansh sheyaradhaarakon ne Ambani aur anya adhikaariyon ke khilaaf yeh yaachika daayar ki thi. enaseeelaeti ke Chairman nyaayamoorti S J mukhopaadhyaaya ki aguvaai waali peeth ne kaha ki vah HSBC deji investameints (maareeshas) aur company ke kuchh anya alpaansh sheyaradhaarakon dvaara daayar avamaanana yaachika par Ambani ka javaab sunana chaahate hain. Samooh ki company Reliance infraatel dvaara bhugataan ke liye kiye gaye vaade ko poora naheen karne ke liye yeh yaachika daayar ki gayi hai. peeth ne Ambani ko iska javaab dene ke liye das din ka samay diya hai. Uske baad yaachikaakarta ko pratyuttar dene ke liye ek saptaah ka samay diya gaya hai. Enaseeelaeti ne is maamale ko 20 May, 2019 ko sunavaai ke liye soocheebaddh karne ka nirdesh diya hai. Reliance infraatel dvaara kathit roop se 230 karod rupaye ke bhugataan mein chook ko lekar HSBC deji ne appealeeya nyaayaadhikran mein appeal ki thi. sunavaai ke dauraan HSBC ki or se pesh adhivakta ne kaha ki enaseeelaeti ne 29 June, 2018 ko jo aadesh paarit kiya tha vah 230 karod rupaye ke bhugataan ke sambandh mein pakshon ki or vachan tha aur ise poora naheen karna adaalat ki avamaanana ka maamala hai.
Mallya Ne Jet Airways Ke Sansthaapak Naresh Goyal Ke Prati Ekajutata Jaahir Ki
Business » April 17, 2019 (Wednesday)
London, 17 April (bhaasha) sankat mein ghire diggaj sharaab kaarobaari vijay Mallya ne Budhvaar ko jet Airways ke sansthaapak naresh Goyal ke saath ekajutata prakat ki. Iske saath hi unhonne bhaarateeya bankon se liye gaye rin ko lautaane ki apni peshakash bhi doharaayi. kareeb 9,000 karod rupaye ki vitteeya dhokhaakhadi evam dhanashodhan ke aaropon ka saamana kar rahe kaarobaari ne daava kiya ki Bhaarat sarkaar niji vimaanan companiyon ke saath bhedabhaav kar rahi hai. Unhonne kaha ki Bhaarat sarkaar ne sarkaari airline air India ko sahaayata raashi di, jabki Kingfisher airline evam ab jet Airways ko sankat se ubaarane mein sarkaar ne madad naheen ki. Mallya ne tweet kiya, ''Haalaanki ek samay mein jet, Kingfisher ki badi pratidvandvi hua karti thi lekin is samay ek badi airline ko vifalta ke kagaar par pahunchata dekh mujhe dukh ho raha hai. Sarkaar ne air India ko sankat se ubaarane ke liye 35,000 karod rupaye ki sahaayata raashi di. Peeesayoo hona bhedabhaav ka aadhaar naheen ho sakta. '' unhonne kaha, ''Mainne Kingfisher mein kaafi adhik nivesh kiya. Vah airline teji se badhi aur Bhaarat ki sabse badi aur sabse adhik puraskrut airline ban gayi. Ye sach hai ki Kingfisher ne saarvajanik kshetron ke bankon se bhi karj liya. Mainne 100 pratishat karj lautaane ki peshakash ki, iske baavajood mujh par aaparaadhik aarop lagaaye ja rahe hain. . . '' Kingfisher airline ke poorv pramukh ne media par bhi hamla bolte hue daava kiya ki vah jab bhi sarkaari bankon ko paisa lautaane ki baat karte hain to media mein aisi khabarein chalne lagti hain ki vah Britain se Bhaarat mein pratyarpit kiye jaane se 'Dar' gaye hain. unhonne savaal kiya, ''Main London mein rahoon ya Bhaarat ki kisi jail mein, main rupaye lautaane ko taiyaar hoon. Bank meri peshakash ke baavajood rupaye kyon naheen le rahe hain.
Eppal Aur Kvaalakaum Ne Ek-doosare Ke Khilaaf Daayar Sabhi Mukadame Khatm Kiye
Business » April 17, 2019 (Wednesday)
Sain Francisco, 17 April (eefapi) eppal aur America ki microchip banaane waali company kvaalakaum ne kaha hai ki ve duniyaabhar mein ek-doosare ke khilaaf daayar 'Sabhi mukadamon ko khatm karne' ko lekar sahamat ho gaye hain. Donon diggaj companiyon ke beech rauyalti ke bhugataan ko lekar lambi kaanooni ladaai dekhne ko mili hai. California mein donon diggaj companiyon ke maamale mein sunavaai se thoda pehle yeh sulah hui. pichhle do saal se donon companiyon ke beech kai staron par kaanooni ladaai dekhne ko mil rahi thi. is khabar ke saamane aane ke saath hi Wall street mein kvaalakaum ke share 23 pratishat tak chadh gaye. Pichhle 20 saal mein ek din mein usaka yeh sarvashreshth pradarshan hai. Eefapi ankit ajayaajaya.