Kaanda Ki Company Ka Casino Vaala Jahaaj Hoga Neelaam

Kaanda Ki Company Ka Casino Vaala Jahaaj Hoga Neelaam

Business »

Panaji: Haryana ke poorv mantri gopaal kaanda ki company ke casino (juaaghar) vaale jahaaj ko agar jaldi hi mandovi nadi se sthaanaantarit naheen kiya gaya to Goa sarkaar use neelaam kar degi. Is jahaaj ke license ki avadhi khatm ho chuki hai. Goa ke mukhyamantri manohar parrikar ne aaj vidhaanasabha ko yah jaankaari di. Sadan ko bataaya gaya ki golden globe hotels private limited ke svaamitv vaale jahaaj M vi leela ko raajya sarkaar ek laavaaris jahaaj maankar apne adhikaar mein le legi. Parrikar ne kaha, ham paryatan kaanoon ke tahat is jahaaj ko apne adhikaar mein leinge air ise neelaam kar deinge, kyonki iske license ki avadhi khatm ho chuki hai. Bhaajapa ke netrutv waali sarkaar pehle hi is jahaaj ko ek company se doosari company ko sthaanaantarit karne ka adhikaar haasil kar chuki hai. Unhonne kaha, agar yah jahaaj kisi doosari company ko bech bhi diya jaata hai to bhi raajya sarkaar ise juaaghar chalaane ka license naheen degi. Mukhyamantri ne kaha ki raajya ke kul chhah juaagharon mein se do (kaanda ka ek juaaghar bhi shaamil) juaaghar band ho chuke hain, kyonki unhonne shulk ka bhugataan naheen kiya. Unhonne kaha, ham in donon juaagharon ke badle kisi aur juaaghar ko chalaane ki anumati naheen day rahe hain. Iska matlab yah hai ki ab raajya mein sirf chaar hi juaaghar honge.


World Economic Forum Mein Hua Delhi Gang Rape Ka Zikr

World Economic Forum Mein Hua Delhi Gang Rape Ka Zikr

Business »

Davos: Internation monetary fund yaani IMF ki pramukh kristeen ne Davos mein chal rahe world economic forum mein apne bhaashan ke dauraan Delhi gang rape peedita ke prati samvedna jataai aur kaha ki gang-rape peedita ko nyaaya milna chaahiye. Is dauraan unhonne Pakistani ladki malaala yoosufazai ka jikr bhi kiya jise ladkiyon ki padhaai ke liye aavaaz uthaane par taalibaani hamlaavar ne goli maari thi. Unhonne kaha ki sirf economy behtar hone se khushahaali naheen aaegi iske liye mahilaaon ko baraabari ka darja bhi diya jaae. Unhonne kaha ki gender equality par dhyaan dene ki jaroorat hai. Jab mahilaaen tarakki karti hai to unka desh bhi tarakki karta hai.


Wall Mart Ki Lobbying Gatividhiyon Ki Jaanch Ko Manjoori

Wall Mart Ki Lobbying Gatividhiyon Ki Jaanch Ko Manjoori

Business »

Nai Delhi: Keindreeya mantrimandal ne Wall Mart ke baare mein media ki khabaron par jaanch ke liye guruvaar ko ek sadasyeeya samiti ke gathan ko manjoori di. Samiti teen maheene ke andar apni report pesh karegi. Samiti in tathyon ki jaanch karegi-Wall Mart dvaara lobbying gatividhiyaan chalaane sambandhi ameriki senate mein khulaase ke baare mein haal mein I media report ki jaanch, Wall Mart ne bhaarateeya kaanoon ka ullanghan karte hue Bhaarat mein kya gatividhiyaan ki aur koi anya maamala jo praasangik ya inse juda ho.


Sensex 180 Ankon Ki Teji Ke Saath Band

Sensex 180 Ankon Ki Teji Ke Saath Band

Business »

Mumbai: Desh ke share baajaaron mein shukravaar ko teji ka rukh raha. Pramukh soochakaank Sensex 179.75 ankon ki teji ke saath 20,103.53 par, aur Nifty 55.30 ankon ki teji ke saath 6,074.65 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 21.91 ankon ki teji ke saath 19,945.69 par khula aur 179.75 ankon yaani 0.90 feesadi ki teji ke saath 20,103.53 par band hua. Dinbhar ke kaarobaar mein Sensex ne 20,129.01 ke oopari aur 19,928.11 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 5.15 ankon ki teji ke saath 6,024.50 par khula aur 55.30 ankon yaani 0.92 feesadi ki teji ke saath 6,074.65 par band hua. Dinbhar ke kaarobaar mein Nifty ne 6,080.55 ke oopari aur 6,014.45 ke nichle star ko chhuaa. BSE ke midcap aur smallcap soochakaankon mein bhi teji darj ki gayi. Midcap soochakaank 125.55 ankon ki teji ke saath 6,974.23 par aur smallcap 72.87 ankon ki teji ke saath 7,142.71 par band hua. BSE ke sabhi 13 sectoron mein teji darj ki gayi. Realty (4.42 feesadi), vaahan (2.19 feesadi), upabhokta tikaaoo vastu (1.71), dhaatu (1.56 feesadi) aur svaasthya seva (1.50 feesadi) mein sarvaadhik teji darj ki gayi.


Aarthik Sankat Se Bachane Ke Liye Vikaas Ki Gati Ko Barkaraar Rakhein Desh IMF

Aarthik Sankat Se Bachane Ke Liye Vikaas Ki Gati Ko Barkaraar Rakhein Desh IMF

Business »

Davos: Antararaashtreeya mudra kosh ki adhyaksh kristeen laugaard ne duniyaabhar ke deshon se vaishvik arthavyavastha ki gati ko barkaraar rakhane ke liye kaha aur kaha ki aisa na karne par ham doosare sankat se ghir sakte hain. Unhonne kaha, arthavyavastha ki gati ko barkaraar rakhiye, hamein rukana naheen chaahiye. Yeh poochhe jaane par ki kya is tarah ke sanket mil rahe hain ki deshon ke beech sahayog tootane ja raha hai, unhonne kaha, mujhe lagta hai ki mudra ke lihaaj se saath kaam karna hamesha se adhik prabhaavashaali raha hai.


Aagaami Maheenon Mein Darein Ghata Sakta Hai RBI Kochar

Aagaami Maheenon Mein Darein Ghata Sakta Hai RBI Kochar

Business »

Davos: ICICI bank ki prabandh nideshak aur CEO chanda kochar ne kaha hai ki reserve bank aagaami maheenon mein byaaj darein ghata sakta hai, kyonki mudraasfeeti mein narami ka rukh hai. Kochar ne kaha, reserve bank dvaara daron mein katauti kiye jaane par vaanijyik bank bhi kuchh had tak apni byaaj darein ghata sakte hain, jiska laabh graahakon ko milega. Unhonne kaha, mudraasfeeti mein narami aane ke saath mujhe lagta hai ki ham aagaami maheenon mein neetigat daron mein kuchh katauti dekh sakte hain. Yeh vishv aarthik manch (WEF) ki baithak mein hissa lene aain kochar ne kaha ki reserve bank apni pichhli maudrik neeti sameeksha mein yeh sanket de chuka hai ki chaaloo vittavarsh ki chauthi timaahi mein vah maudrik neeti mein narami laaega. Unhonne kaha, reserve bank nakadi ki upalabdhata sunishchit karne ke liye bhi kadam uthaata raha hai. Pichhle kuchh maheenon mein bankon ke liye thok saavadhi jamaaon ki laagat bhi ghati hai. Kochar ne kaha, yadyapi ham neetigat daron mein narami laae jaane ki ummeed kar rahe hain, bankon dvaara kis had tak daron mein katauti ki jaaegi, yeh jama ki vruddhi jo ki bankon ki funding laagat hai aur banking tantr mein rin ki maang par nirbhar karega.


Reliance Power Ka Munaafa Teesari Timaahi Mein 30 Feesadi Badha

Reliance Power Ka Munaafa Teesari Timaahi Mein 30 Feesadi Badha

Business »

Nai Delhi: Reliance power ka munaafa December 2012 mein samaapt teesari timaahi ke dauraan 30 feesadi badhkar 266 karod rupaye raha. Company ko pichhle saal ki isi timaahi mein 204 karod rupaye ka munaafa hua. Reliance power ne kaha, teesari timaahi company ke liye behatareen rahi. Reliance power ke mukhya kaaryakaari JP chalasaani ne company ki vigyapti mein kaha, is timaahi ke dauraan company ka munaafa 30.39 feesadi badha. Saath hi roja bijli sanyantr se company ne record 1,200 megawatt bijli ka utpaadan kiya. Unhonne kaha ki saasan altro mega power project ke liye taiyaari se pehle ki gatividhiyaan jaari hain aur pariyojana ke chaaloo timaahi ke dauraan taiyaar hone ki ummeed hai. September-December timaahi mein company ki kul aay doguna se bhi adhik badhkar 1,586 karod rupaye rahi. Haalaanki, pichhle varsh isi timaahi mein company ki aay 674 karod rupaye rahi thi.


Maruti Suzuki Ka Munaafa Hua Doguna Se Jyaada

Maruti Suzuki Ka Munaafa Hua Doguna Se Jyaada

Business »

Nai Delhi: Desh ki sabse badi car company Maruti Suzuki India ka shuddh laabh chaaloo vittavarsh 2012-13 ki October-December timaahi mein doguna se adhik badhkar 501.29 karod rupaye raha. Isse poorv vittavarsh 2011-12 ki isi timaahi mein company ka shuddh laabh 205.62 karod rupaye raha tha. Maruti Suzuki India (MSI) ke bayaan ke anusaar company ki shuddh bikri December, 2012 ko samaapt timaahi mein 45.57 pratishat badhkar 10,956.95 karod rupaye rahi. Isse poorv vittavarsh ki isi timaahi mein company ki bikri 7,527.10 karod rupaye rahi thi. Aalochya timaahi mein company ne 3,01,453 vaahan beche. Isse poorv vittavarsh ki isi timaahi mein company ne 2,39,528 vaahan beche the.


Air India Duniya Ki Teesari Sabse Asurakshit Vimaanan Company

Air India Duniya Ki Teesari Sabse Asurakshit Vimaanan Company

Business »

Washington: Sarkaari vimaanan company, air India ko ek report mein duniya ki teesari sabse asurakshit vimaanan company bataaya gaya hai. Duniyaabhar mein vimaan durghatanaaon par najar rakhane waali ek website ki ek report mein pehli aur doosari asurakshit companiyon mein China airlines aur TAM airlines ko rakha gaya hai. Hamburg sthit jet airliner crash data evolution center (JACDEC) dvaara taiyaar 60 vimaanan companyon ki ek soochi mein air India ko 58vein sthaan par rakha gaya hai. JACDEC suraksha ranking 2012 mein duniya ki sabse surakshit vimaanan company rahi Finnair. Iske baad rahe kramash: Air New Zealand, Cathay pacific aur Emirates. Soochi mein sheersh par rahi nau companyon mein se kisi bhi company ka ek bhi vimaan pichhle 30 saalon mein durghatanaagrast naheen hua. Uttar America ki ek bhi company sheersh 10 mein naheen rahi, lekin ve nikrusht 10 mein bhi naheen raheen.


Shahrukh, Salman Aur Dhoni Ne Batore Sabse Zyaada Not

Shahrukh, Salman Aur Dhoni Ne Batore Sabse Zyaada Not

Business »

Mumbai: Ameriki patrika Forbes ne apne bhaarateeya sanskaran ke pehle ank mein kamaai ke aadhaar par Bhaarat ke sheersh sitaaron ki ek soochi jaari ki hai, jismein Bollywood ke 'Baadshah' kahe jaane vaale Shahrukh Khan avval hain, aur bhaarateeya cricket team ke kaptaan Mahendra Singh Dhoni ko soochi mein teesara sthaan diya gaya hai. Soochi mein doosare sthaan par kaabij rahe hain, Bollywood ke 'Tiger' Salman Khan. Vaise September, 2011 aur October, 2012 ke beech lokapriyta aur aamdani ko aadhaar banaate hue jaari ki gayi is soochi mein cricketeron ne Bollywood sitaaron ko jabaradast takkar di hai. Soochi mein shaamil jyaadaatar hastiyaan 30 se 50 varsh ki umr ke beech ki hain, jinmein badminton khilaadi saaina Nehwal, cricketer viraat Kohli, abhinetri Anushka sharma aur tennis star saaniya mirja jaisi 12 yuva hastiyaan sheersh 50 mein naam darj karavaane mein kaamayaab rahi hain. Forbes India ke mutaabik Shahrukh Khan ki saalaana kamaai 202 karod 80 lakh rupaye rahi, jabki Salman Khan ne is avadhi mein 144 karod 20 lakh rupaye kamaae. Kamaai ke maamale mein Mahendra Singh Dhoni teesare number par rahe, jinhonne 135 karod 16 lakh rupaye kamaae, haalaanki lokapriyta ke maamale mein sarve ke nateeje Salman Khan ko number van bataate hain. Sarvaadhik kamaai karne vaalon ki soochi mein 'Khilaadi Kumar' kehkar pukaare jaane vaale Akshay Kumar chauthe sthaan par hain, jabki sadi ke mahaanaayak Amitabh Bachchan paanchavein paayadaan par. 'Cricket ki duniya ka Bhagwan' maane jaane vaale sachin Tendulkar ko chhatha sthaan haasil hua hai, jabki saatavein number par pehli mahila hasti ke roop mein Kareena Kapoor darj hui hain. Aathavein number par visfotak cricketer Virendra Sehwag hain aur navaan sthaan mila hai ek anya cricketer viraat Kohli ko. Soochi mein Katrina kaif ka number 10vaan hai. Is soochi mein 23 saal ki umr ke saath saaina Nehwal sabse yuva hasti ke roop mein darj hui hain. Forbes India yeh pehla sanskaran 28 January, 2013 ko baajaar mein upalabdh hone ja raha hai.


Logon Ki Jindagi Behtar Hui Hai Bill Gates

Logon Ki Jindagi Behtar Hui Hai Bill Gates

Business »

Davos: Arabpati samaajasevi bill Gates ne kaha ki vaishvik star par logon ki sthiti pehle ke mukaabale kaheen teji se behtar hui hai. Vah sanyukt raashtra sahasraabdi vikaas lakshya ke asar aur vishesh taur par baal mrutyu dar ghataane ke lakshya ki baat kar rahe the. Gates ne vaishvik aarthik manch ki saalaana baithak mein kaha 'Humne logon ki jindagi ke haalaat mein pehle se kaheen teji se sudhaar kiya hai. ' unhonne kaha ki baal mrutyu dar ghataane mein sakaaraatmak pahal ki hai aur bharosa jataaya ki ismein aur sudhaar hoga. Gates ne kaha '1990 ko aadhaar varsh maanein to har saal 1.2 karod bachchon ki mrutyu hui hai. 2015 tak yeh 60 lakh se kam hogi. ' sahasraabdi lakshya ke baare mein sudhaar ke sambandh mein unhonne kaha ki kisi atirikt lakshya ki jaroorat naheen hai bas in lakshyon mein sudhaar ki jaroorat hai.


Aadi Godrej, Tyaagaraajan Ko Padm Bhooshan

Aadi Godrej, Tyaagaraajan Ko Padm Bhooshan

Business »

Nai Delhi: Udyogapati aadi Godrej aur Rammurthy tyaagaraajan ko desh ke sarvochch naagrik sammaanon mein se ek padm bhooshan ke liye chuna gaya hai. Dalit udyami kalpana saroj, VLCC sansthaapak vandana Luthra aur raajashri samooh ke raajashri pathi ko padmashri puraskaar ke liye chuna gaya hai. Assam ke jaane-maane chai vyaavasaayi Hemendra prasaad baruaa aur dalit bhaarateeya chamber of Commerce end industry ke adhyaksh milind Kamble ko bhi padmashri ke liye chuna gaya hai.


Bhaarateeya State Bank Cheen Mein Kholega Doosari Shaakha

Bhaarateeya State Bank Cheen Mein Kholega Doosari Shaakha

Business »

Beijing: Bhaarateeya state bank ne cheen mein apni doosari shaakha kholne ki poori taiyaari kar li hai. Paanch karod dollar ki poonji ke saath ise Beijing se sate bandargaah shahar tiaanajeen mein khole jaane ki yojana hai. Bhaarateeya state bank (SBI) ki Shanghai shaakha mein mukhya kaaryapaalak adhikaari dinesh sharma ne media se baatcheet mein kaha ki nai shaakha 30 karod Yuan (kareeb 5 karod dollar) ki poonji ke saath February ke ant mein kholi jaaegi. SBI ne apni pehli shaakha 2006 mein Shanghai mein kholi thi. Bank ka pratinidhi kaaryaalaya tiaanajin mein hai. Beijing se 140 kilometer door tiaanajin bandargaah shahar hai, jahaan se cheen ka jyaadaatar vyaapaar duniya ke saath hota hai. Cheen ke vibhinn bhaagon mein bhaarateeya bank maujood hain aur unamein se adhiktar Bhaarat-cheen ke beech badhte kaarobaar se laabhaanvit ho rahe hain. Bhaarat aur cheen ke beech dwipaksheeya vyaapaar 2011 mein 74.9 arab dollar par pahunch gaya, lekin pichhle saal yeh 10 pratishat ghatkar 66.47 arab dollar raha. Cheen ke saath vyaapaar mein Bhaarat ka vyaapaar ghaata bhi teji se badhkar 28.87 arab dollar tak pahunch gaya.


Beete Saptaah Sensex Ko Mili Maamooli Badhat

Beete Saptaah Sensex Ko Mili Maamooli Badhat

Business »

Mumbai: Desh ke share baajaaron ke pramukh soochakaankon Sensex aur Nifty mein gat saptaah maamooli teji dekhi gayi. Is beech realty sector mein sarvaadhik lagbhag 5.5 feesadi giraavat dekhi gayi. Mumbai stock exchange (BSE) ka 30 sheyaron par aadhaarit samvedi soochakaank Sensex gat saptaah 0.32 feesadi ya 64.49 ankon ki teji ke saath shukravaar ko 20,103.53 par band hua. National stock exchange (NSE) ka 50 sheyaron par aadhaarit samvedi soochakaank Nifty 0.17 feesadi ya 10.25 ankon ki teji ke saath 6,074.65 par band hua. BSE ke midcap aur smallcap soochakaankon mein aalochya avadhi mein giraavat darj ki gayi. Midcap 2.67 feesadi ya 191.23 ankon ki giraavat ke saath 6,974.23 par aur smallcap 3.09 feesadi ya 227.63 ankon ki giraavat ke saath 7,142.71 par band hua. Gat saptaah Sensex ke 16 sheyaron mein teji aur 14 mein giraavat rahi. L (4.61 feesadi), ITC (4.32 feesadi), Maruti Suzuki (3.52 feesadi), bhaarati Airtel (3.14 feesadi) aur Dr. Reddy'S lab (2.90 feesadi) mein sarvaadhik teji rahi, jabki giraavat vaale sectoron mein pramukh rahe tata motors (8.24 feesadi), Gale (7.93 feesadi), Hindalco industries (5.21 feesadi), kol India (3.83 feesadi) aur Hindustan Unilever (3.04 feesadi). Gat saptaah BSE ke 13 mein se paanch sectoron poonjeegat vastu (2.44 feesadi), tej khapat waali upabhokta vastu (1.41 feesadi), praudyogiki (0.50 feesadi), soochana praudyogiki (0.13 feesadi) aur banking (0.10 feesadi) mein teji rahi. Giraavat vaale sectoron mein pramukh rahe realty (5.49 feesadi), saarvajanik companiyaan (2.33 feesadi), vaahan (2.01 feesadi), upabhokta tikaaoo vastu (1.92 feesadi) aur dhaatu (1.68 feesadi). Gat saptaah ke pramukh ghatnaakramon mein kendra sarkaar ne somvaar ko sone aur platinum par aayaat shulk maujooda chaar feesadi se badhaakar chhah feesadi kar diya. Tatkaal prabhaav se laagoo hua yeh faisala chaaloo khaata ghaata kam karne ke liye kiya gaya hai. Sarkaar ne gold exchange traded fund (ETF) ko bhi bankon dvaara di jaane waali sone ki jama yojanaaon se jodne ka faisala liya. Aarthik maamalon ke sachiv Arvind maayaaraam ne samvaadadaataaon se baat karte hue kaha ki sone ke aayaat ko hatotsaahit karne ke maksad se aisa kiya gaya hai. Bhaarat sone ka sabse bada aayaatak hai aur yahi iske badhte chaaloo khaata ghaata ka ek bada kaaran hai.


FII Ne Sensex Ki 29 Companiyon Mein Nivesh Badhaaya

FII Ne Sensex Ki 29 Companiyon Mein Nivesh Badhaaya

Business »

Nai Delhi: Videshi sansthaagat niveshakon (FII) ne December, 2012 ki teesari timaahi ke dauraan jamkar nivesh kiya aur HDFC, mahindra end mahindra aur Maruti Suzuki samet Sensex ki 29 companiyon mein apna nivesh badhaaya. Bhaarateeya share baajaaron ke pramukh nivesh FII ne October se December ki timaahi ke dauraan Sensex ki 29 companiyon mein hissedaari badhaai. Videshi niveshakon ne haalaanki July se September timaahi ke mukaabale December timaahi mein hero Motocorp mein apni hissedaari ghataai. Baajaar vishleshakon ne kaha ki aarthik vruddhi badhaane aur niveshakon protsaahit karne ke liye sarkaar dvaara haal mein ki gayi udaareekaran ki pahal se videshi niveshakon ko bharosa badha hai. Aashika stock brokers ke anusandhaan pramukh paaras bothara ne kaha, sarkaar dvaara pichhle saal shuroo ki gayi sudhaar prakriya se share baajaar ko kaafi majabooti mili hai. Videshi sansthaagat niveshak Bhaarat mein nivesh kar rahe hain aur unka maanana hai ki arthavyavastha patari par aa rahi hai.


Rajdhani, Shataabdi Aur Duranto Ke Kiraaye Mein 20 Rupaye Ki Badhotri Sambhav

Rajdhani, Shataabdi Aur Duranto Ke Kiraaye Mein 20 Rupaye Ki Badhotri Sambhav

Business »

Nai Delhi: Rajdhani, Duranto aur shataabdi mein yaatra karna aane vaale samay mein kuchh mahanga ho sakta hai. Khaane-peene (catering) ki cheejon ke daam mein badhotri ke maddenajar in pramukh railgaadiyon ka kiraaya aur badhna lagbhag tay hai. Nirnaya prakriya mein shaamil rel vibhaag ke ek sheersh adhikaari ne kaha, rajdhani, shataabdi aur Duranto mein Khan-paan ka shulk badhne ke baad in pramukh railgaadiyon ke kiraae mein 15 rupaye se lekar 20 rupaye tak ki badhotri hogi. Adhikaari ne kaha ki shulkon mein sanshodhan ki ghoshana jaldi hogi aur software update hote hi ise laagoo kiya jaaega. Sanshodhan ki ghoshana hone par in railgaadiyon ke kiraaye mein 22 January ke baad hui yeh doosari badhotri hogi. Pichhle maheene kareeb 10 saal baad mel aur express railgaadiyon man khaane-peene ki cheejon ke daam badhaae gaye, lekin ismein rajdhani, shataabdi aur Duranto railgaadiyon ka catering shulk naheen badha tha. Ukt railgaadiyon mein yaatriyon ko diye jaane vaale khaane aur alpaahaar ka shulk ticket ke kiraaye mein shaamil hota hai. Rel mantraalaya ne in gaadiyon aur express railgaadiyon ke khaane ki soochi aur shulk mein sanshodhan par sujhaav dene ke liye ek samiti ka gathan kiya tha. Adhikaari ne kaha, shulk mein sanshodhin ka faisala samiti ki sifaarishon ki jaanch aur rel board ke sujhaav ke aadhaar par kiya gaya hai.


Bhaarat Mein Bankon Ke Liye Jabaradast Sambhaavnaaen Hain Kochar

Bhaarat Mein Bankon Ke Liye Jabaradast Sambhaavnaaen Hain Kochar

Business »

Davos: Bhaarat mein companiyon mein uchch star par lage bank rin doobne ki aashankaaon ko khaarij karte hue diggaj banker chanda kochar ne kaha ki jyaadaatar rin nivesh charan mein pariyojanaaon ke liye diye gaye hain aur companiyon mein nakadi ka srujan shuroo hone ke saath rin ka punarbhugataan shuroo ho jaaega. Desh mein niji kshetr ke sabse bade bank ICICI bank ki prabandh nideshak va CEO kochar ne yeh bhi kaha ki banking samet vitteeya seva kshetr mein agale kuchh saalon ke dauraan vikaas ki jabaradast sambhaavnaaen hain. Vishv aarthik manch ki vaarshik baithak ke dauraan ek bheintavaarta mein unhonne kaha ki bhaarateeya arthavyavastha aur bhaarateeya companiyon dvaara videsh mein vistaar gatividhi ke jariye vaishvik sampark mein jabaradast avsar paida honge. Unhonne kaha, companiyon ke kuchh khand mein adhik rin ko lekar chinta hai, lekin rin ke star ko is tathrya ke sandarbh mein dekha jaana chaahiye ki kai companiyaan nivesh karne ke charan mein hain. Unhonne kaha ki companiyon ko diya gaya karj tabhi tak uchch star ka najar aata hai, jab tak nivesh poora naheen ho jaata aur nakadi ka srujan hona shuroo naheen ho jaata. Jaise hi pariyojana se nakadi ka srujan shuroo hota hai, rin ka star aane vaale samay mein ghatna chaahiye.


Share Baajaar Agale Saptaah Maudrik Neeti Va Companiyon Ke Parinaamon Par Rahegi Najar

Share Baajaar Agale Saptaah Maudrik Neeti Va Companiyon Ke Parinaamon Par Rahegi Najar

Business »

Mumbai: Share baajaaron mein agale saptaah utaar-chadhaav bane rahane ke aasaar hain. Niveshakon ki najar agale saptaah vibhinn companyon dvaara teesari timaahi ke jaari kiye jaane vaale parinaamon aur bhaarateeya reserve bank dvaara 29 January ko ghoshit kiye jaane vaale maudrik sameeksha neeti par rahegi. Agale saptaah somvaar 28 January ko Reliance industries limited ke teesari timaahi ke parinaam aaenge. Guruvaar 31 January ko ICICI back, Punjab national bank aur Bhaarat heavy electrics evam bhaarati Airtel shukravaar ek January ko apne parinaam ghoshit kareinge. Iske alaava niveshakon ki nigaahein vaahan aur cement ke sheyaron par bhi rahegi jab shukravaar ek February ko in donon kshetr ki companiyaan apne bikri ke maasik aankade jaari kareingi. Bhaarateeya reserve bank 29 January ko maudrik sameeksha ki ghoshana karega. Aisi sambhaavana hai ki reserve bank vitt varsh 2012-13 ki teesari timaahi mein jaari maudrik sameeksha mein repo rate mein 25 aadhaar ank ki katauti karega. Arthashaastri haalaanki, ismein 50 se 100 aadhaar ank ki katauti kiye jaane ki ummeed kar rahe hain. Niveshakon ki nigaahein vaishvik aarthik halchalon par bhi rahegi jab America mein byaaj daron par sameeksha ke liye 29-30 January ke beech Federal open market committee (FOMC) ki do divseeya baithak aayojit ki jaaegi.


Maje Se Kat Rahi Hai Jindagi Ratan Tata

Maje Se Kat Rahi Hai Jindagi Ratan Tata

Business »

Nai Delhi: Desh ke pramukh udyogapatiyon mein se ek ratan tata sevaanivrutti ke baad apna jyaadaatar samay ghar par aur kutton ke saath khelte hue bitaate hain. Iske alaava tata ve chhote-chhote kaam nipta rahe hain jinke liye pehle unhein samay naheen milta tha. Tata samooh ke poorv pramukh ratan tata ne kaha ki vah graameen ilaakon ke logon ke jeevan mein sudhaar ke liye vishesh kshetron par dhyaan keindrit kareinge. Tata ne twitter par ek sandesh 'Sevaanivrutt ke baad jindagi' prakaashit kiya hai. Iske anusaar sevaanivrutti ke baad jindagi ke pehle kuchh saptaah aashcharyajanak roop se sukhad rahe hain. 75 varsheeya tata ne shanivaar ko is sandesh mein kaha, 'Ghar par hi rahane, kutton ke saath khelne tatha ve sab chhote chhote kaam karne ke liye samay hai jo pehle naheen kar paata tha. ' tata 28 December ko sevaanivrutt ho gaye the. Unhonne kaha hai, 'Aane vaale dinon mein main graameenon ke jeevan mein sudhaar ke liye kshetr vishesh par dhyaan keindrit karoonga. ' tata is samay tata sons ke maanad Chairman hain.


Europeeya Sangh Ke Saath Vyaapaar Sandhi Jald Poori Hogi Sharma

Europeeya Sangh Ke Saath Vyaapaar Sandhi Jald Poori Hogi Sharma

Business »

Agra: Bhaarat aur Europeeya sangh ke beech vruhad mukt vyaapaar samjhaute par vaarta jald poorn hone ki ummeed hai. Isse donon kshetron ke beech vyaapaarik aur aarthik rishton ko badhaava milega. Is vaarta mein pehle hi kaafi vilamb ho chuka hai. CII ke saalaana bhaageedaari sammelan ko sambodhit karte hue vaanijya evam udyog mantri aanand sharma ne kaha, 'Hamaari kai deshon ke saath mukt vyaapaar samjhauton ke liye baatcheet chal rahi hai. Europeeya sangh ke saath dwipaksheeya vyaapaar evam nivesh karaar (BTIA) jald poorn hone ke kagaar par hai. ' Bhaarat apne sabse bade vyaapaarik bhaageedaar Europeeya sangh ke saath 2007 se FTA ke jariye vastuon, sevaaon or nivesh ko udaar banaane ke liye baatcheet kar raha hai. FTA ke tahat vyaapaar se sambandhit 90 pratishat shulkon ko samaapt kiya jaaega. Isse sevaaon aur nivesh ke liye donon baajaar khul sakeinge. Sharma ne kaha ki vaishvik aarthik vruddhi ab bhi naram hai aur iske ek baar fir se mandi ki giraft mein jaane ka jokhim bana hua hai. Unhonne kaha ki jo taaja sanket mil rahe hain unase lagta hai ki vaishvik vruddhi 3.5 feesad par kamjor rahegi. Yeh pichhle saal 3.2 feesad rahi thi.


Seemit Utaar-chadhaav Ke Baad Sthir Hua Sensex

Seemit Utaar-chadhaav Ke Baad Sthir Hua Sensex

Business »

Mumbai: Reserve bank ki mangalvaar ko ghoshit hone ja rahi maudrik neeti ki timaahi sameeksha se poorv aaj utaar-chadhaav ke beech Mumbai share baajaar ka Sensex lagbhag sthir rahakar band hua. Sensex 20,172.45 ank par ooncha khula aur kaarobaar ke dauraan 20,062.79 ank tak neeche aa gaya. Haalaanki, baad mein yeh kuchh sudharakar mahaj 0.18 ank neeche 20.103.35 ank par band hua. Pichhle satr mein Sensex 180 ank majaboot hua tha. Isi tarah, national stock exchange ka Nifty 0.15 ank oopar 6,074.80 ank par band hua. Kaarobaar ke dauraan yeh 6,088.40 aur 6,061.40 ank ke daayare mein ghoomta raha. Brokeron ne kaha ki niveshakon ne RBI ki maudrik neeti se pehle satarkata barati aur banking va byaaj daron ko lekar samvedansheel kshetr ke sheyaron mein livaali ki. Unhein reserve bank dvaara neetigat daron mein katauti kiye jaane ki ummeed hai. Unhonne kaha ki baajaar ko anya Asiaee baajaaron mein behtar rukh aur Europeeya share baajaaron ke badhat ke saath khulne se samarthan mila. Sensex mein shaamil 30 mein se 15 companiyon ke share badhat ke saath, jabki 15 companiyon ke share giraavat ke saath band hue.


BOI Ki Teesari Timaahi Ka Shuddh Laabh 12 Feesadi Badhkar 803 Karod

BOI Ki Teesari Timaahi Ka Shuddh Laabh 12 Feesadi Badhkar 803 Karod

Business »

Mumbai: Sarkaari kshetr ke bank of India (BOI) ko 31 December 2012 mein samaapt teesari timaahi mein 803.48 karod rupaye ka shuddh laabh hua hai, jo pichhle vitt varsh ki isi timaahi se 12.20 feesadi adhik hai. Company ne Mumbai share baajaar ko bheji soochana mein yeh jaankaari di. Isse pichhle saal ki isi timaahi mein bank ko 716.15 karod rupaye ka shuddh laabh hua tha. Aalochya timaahi mein bank ki kul aay bhi badhkar 8,959.83 karod rupaye par pahunch gayi, jo pichhle saal ki samaan timaahi mein 8,002.27 karod rupaye thi. December 2012 mein samaapt nau maah ke dauraan bank ka shuddh laabh 15.54 feesadi badhkar 1,992.76 karod rupaye par pahunch gaya, jo isse pichhle saal ki samaan avadhi mein 1,724.79 karod rupaye tha. Isi prakaar December mein samaapt nau maah ke dauraan bank ki aay badhkar 26,409.41 karod rupaye par pahunch gayi, jo isse pichhle saal ki isi avadhi mein 23,024.11 karod rupaye thi.


Reserve Bank Ne Kaha, Byaaj Daron Mein Katauti Ki Sambhaavana Kam

Reserve Bank Ne Kaha, Byaaj Daron Mein Katauti Ki Sambhaavana Kam

Business »

Mumbai: Oonchi mudraasfeeti tatha chaaloo khaate ke ghaate (CAD) mein vruddhi ka havaala dete hue reserve bank ne kaha ki maudrik neeti ki teesari timaahi sameeksha mein byaaj daron mein katauti jaise maudrik upaayon ki sambhaavana seemit hi hai. Keindreeya bank mangalvaar ko teesari timaahi ki maudrik neeti sameeksha karega. Reserve bank ne maudrik neeti sameeksha ki poorv sandhya par vruhat aarthik tatha maudrik vikaas par apni report mein kaha, 'Maujooda narami ke peechhe gair-maudrik tatv hain aur uchch mudraasfeeti, chaaloo khaate ka ghaata tatha raajakosheeya ghaate ko lekar jokhim bana hua hai, aise mein samarthanakaari maudrik neeti upaaya karna kathin hai. ' Haalaanki, keindreeya bank ne kaha ki sarkaar aarthik sudhaar ko badhaane ki disha mein kadam utha rahi hai, aise mein maudrik neeti mein aarthik vruddhi ko gati dene ke upaayon par gaur karna sambhav hoga. Udhar, reserve bank ke peshevar anumaan sarvekshan mein chaaloo vitt varsh mein aarthik vruddhi dar ke anumaan ko 5.6 pratishat se kam kar 5.5 pratishat kar diya gaya hai. Saath hi agale vitt varsh ke aarthik vruddhi ke anumaan ko poorv ke 6.6 pratishat se kam kar 6.5 pratishat kiya gaya hai. Mudraasfeeti ke baare mein keindreeya bank ne kaha ki March ke ant tak mudraasfeeti 7.5 pratishat rahane ka jo anumaan hai, jismein aur narami ki sambhaavana hai. Lekin chhupi. Dabi mudraasfati 2013-14 mein mudraasfeeti ke liye pramukh khatra bana rahegi.


Satta Mein Aane Par Retail Mein FDI Ka Faisala Vaapas Hoga Rajnath

Satta Mein Aane Par Retail Mein FDI Ka Faisala Vaapas Hoga Rajnath

Business »

Brahmapuri: Bhaajapa ke raashtreeya adhyaksh Rajnath Singh ne ek baar fir doharaaya ki agar 2014 mein unki party satta mein I to khudara kshetr mein pratyaksh videshi nivesh (FDI) ko anumati dene sambandhi samprag sarkaar ke faisale ko vaapas le liya jaaega. Rajnath ne kisaanon ki ek rally ko sambodhit karte hue kaha ki agar unki party 2014 mein satta mein I to khudara kshetr mein FDI ki anumati ke us faisale ko vaapas le liye jaaega jisse desh ke laakhon vyaapaariyon aur kaarobaariyon ke hiton ko nuksaan ho raha hai. Is dauraan manch par party ke poorv pramukh nitin gadkari bhi maujood the. Rajnath ne samprag sarkaar dvaara FDI ko anumati dene ki ghoshana kiye jaane ke turant baad pichhle saal September mein ise vaapas lene ki baat ki thi. Unhonne kaha ki agar unki party satta mein I to mahaatma Gandhi raashtreeya graameen rojagaar guaranty yojana ko krushi se joda jaaega aur urvarakon, beej tatha mitti ki jaanch mein kisaanon ki madad ke liye har jile mein prayogashaalaaen sthaapit ki jaaengi. Iske alaava ek niyaamak praadhikaar beejon aur urvarakon ki keematon evam gunavatta par niyantran karega. Rajnath ne fasal aay beema yojana laagoo naheen karne ke liye samprag sarkaar ki aalochna ki. Rajnath Singh jab kendra mein krushi mantri the, usi samay unhonne is sambandh mein vichaar pesh kiya tha. Vidarbh kshetr mein kisaanon ki aatmahatya ka jikr karte hue Rajnath ne aarop lagaaya ki raajya sarkaar sinchaai pariyojanaaon ko poora naheen kar saki hai. Unhonne kaha ki kisaanon ko apne utpaadon ka paryaapt daam milna chaahiye.


Share Baajaar Mein Giraavat, 112 Ank Gira Sensex

Share Baajaar Mein Giraavat, 112 Ank Gira Sensex

Business »

Mumbai: Bhaarateeya reserve bank dvaara mangalvaar ko repo dar aur CRR mein katauti karne baad bhi desh ke share baajaaron mein mangalvaar ko giraavat dekhi gayi. Pramukh soochakaank Sensex 112.45 ankon ki giraavat ke saath 19,990.90 par aur Nifty 24.90 ankon ki giraavat ke saath 6,049.90 par band hua. Reserve bank dvaara repo dar aur CRR mein 25 aadhaar ankon ki katauti ki ghoshana se share baajaaron mein tatkaal uchhaal dekhi gayi thi. Sensex dopahar lagbhag 12.23 baje 74.82 ankon ki teji ke saath 20,178.17 par aur Nifty bhi lagbhag isi vakt 29.85 ankon ki teji ke saath 6,104.65 par kaarobaar karte dekhe gaye. Lekin yeh teji adhik samay tak barkaraar naheen rah pai, aur soochakaank giraavat ki sthiti mein pahunch gaye. Mumbai stock exchange (BSE) ka 30 sheyaron par aadhaarit samvedi soochakaank Sensex subah 23.04 ankon ki giraavat ke saath 20,080.31 par khula aur 112.45 ankon ya 0.56 feesadi giraavat ke saath 19,990.90 par band hua. Din bhar ke kaarobaar mein Sensex ne 20,203.66 ke oopari aur 19,970.05 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 10.10 ankon ki giraavat ke saath 6,064.70 par khula aur 24.90 ankon ya 0.41 feesadi ki giraavat ke saath 6,049.90 par band hua. Din bhar ke kaarobaar mein Nifty ne 6,111.80 ke oopari aur 6,042.45 ke nichle star ko chhuaa. Reserve bank dvaara ki gayi katauti ke baad taaja repo dar 7.75 feesadi ho gayi. Repo dar vah dar hoti hai, jis par reserve bank vaanijyik bankon ko chhoti avadhi ke karj deta hai. Repo dar mein katauti ke saath hi rivers repo dar bhi ghat kar 6.75 feesadi ho gayi. Rivers repo dar vah dar hoti hai, jis par reserve bank vaanijyik bankon se udhaari leta hai. Reserve bank ne CRR ko bhi 25 aadhaar ank ghataakar 4.00 feesadi kar diya. Yeh bankon ki kul jama ka vah anupaat hota hai, jo unhein reserve bank ke paas rakhana hota hai. CRR mein is katauti se baajaar mein 18 hajaar karod rupaye ki atirikt taralata paida hogi. BSE ke midcap aur smallcap soochakaankon mein bhi giraavat dekhi gayi. Midcap 39.91 ankon ki giraavat ke saath 6,935.93 par aur smallcap 65.11 ankon ki giraavat ke saath 7,096.94 par band hua. BSE ke 13 mein se sirf ek sector tej khapat waali upabhokta vastu (0.70 feesadi) mein teji rahi.