Bajat Kheti Ke Liye 1.25 Lakh Karod Rupaye Adhik Karj

Bajat Kheti Ke Liye 1.25 Lakh Karod Rupaye Adhik Karj

Business »

Nai Delhi: Vittamantri pi Chidambaram ne vittavarsh 2013-14 ka bajat pesh karte hue krushi rin ke lakshya mein 1.25 lakh karod rupaye ki bhaari badhotri ka prastaav kiya. Sarkaar ne agale vittavarsh mein saat lakh karod rupaye ka krushi rin dene ka lakshya rakha hai. Iske saath hi khaadya suraksha vidheyak ke kriyaanvayan ke liye 10,000 karod rupaye ki atirikt subsidy ke aavantan ka bhi prastaav kiya gaya hai. Vittavarsh 2013-14 ke liye krushi mantraalaya ka aavantan 22 feesadi badhaakar 27,049 karod rupaye karne ka prastaav hai. Ismein 3,415 karod rupaye ki raashi krushi anusandhaan ke liye hogi. Chidambaram ne fasal rin par byaaj chhoot ka daayar niji aur vaanijyik bankon tak badhaane ki bhi ghoshana ki. Loksabha mein 2013-14 ka bajat pesh karte hue vittamantri ne kaha, krushi utpaadan mein sabse mahatvapoorn yogadaan krushi rin ka hota hai. 2012-13 mein ham 5,75,000 karod rupaye ke krushi rin vitran ka lakshya paar kar jaaenge. 2013-14 ke liye main in lakshya ko badhaakar 7,00,000 karod rupaye karne ka prastaav karta hoon. Unhonne kaha ki laghu avadhi ke fasali rin ke liye byaaj chhoot yojana jaari rahegi. Samay par rin ka bhugataan karne vaale kisaanon ko saalaana chaar feesadi ke byaaj par rin milega.


Mahila Suraksha Ke Liye 1000 Karod Rupaye Ke Anshadaan Se 'Nirbhaya Fund

Mahila Suraksha Ke Liye 1000 Karod Rupaye Ke Anshadaan Se 'Nirbhaya Fund

Business »

Nai Delhi: Delhi mein chalti bas mein paira-medical chhaatra ke saath saamoohik balaatkaar aur baad mein usaki maut tatha isse desh bhar mein upaje janaakrosh ke pariprekshya mein sarkaar ne 1000 karod rupaye ke anshadaan se 'Nirbhaya nidhi' banaane ka prastaav kiya hai. Vittamantri pi Chidambaram ne Loksabha mein 2013-14 ka aam bajat pesh karte hue kaha, mahilaaon ki garima aur suraksha sunishchit karna hamaari saamoohik jimmedaari hai. Ham ladkiyon aur mahilaaon ko sashakt aur surakshit banaane ke liye harsambhav kaarya kar rahe hain. Iske liye 1000 karod rupaye ke sarkaari anshadaan se 'Nirbhaya nidhi' banaae jaane ka prastaav hai. Unhonne kaha, haal mein hui ghatnaaon ne hamaare udaar aur pragatisheel vishvaason par ek amit kaali chhaaya chhodi hai. Jaise hi adhik mahilaaen shiksha ya kaarya athva fursat ke liye saarvajanik sthalon par jaati hain, unke khilaaf hinsa ki adhik report milti hain. Unhonne kaha ki ham mahilaaon ko sashakt banaane aur unhein surakshit rakhane ke liye harsambhav kadam uthaane ke liye vachanabaddh hain.


Raksha Bajat Aavantan Badhkar Do Lakh Teen Hajaar 672 Karod Rupaye Huaa

Raksha Bajat Aavantan Badhkar Do Lakh Teen Hajaar 672 Karod Rupaye Huaa

Business »

Nai Delhi: Desh ke raksha bajat ka aavantan badhaakar do lakh teen hajaar 672 karod rupaye kar diya gaya hai. Pichhle saal ka raksha aavantan ek lakh 93 hajaar 460 karod rupaye tha. Vittamantri pi chindabaram ne aaj 2013-14 ka aam bajat pesh karte hue Loksabha mein kaha ki raksha aavantan mein 86,741 karod rupaye ka poonji vyaya shaamil hai. Unhonne rakshaamantri AK Antony ki taareef karte hue kaha, mere sahayogi raksha mantri atyadhik soojh-boojh vaale rahe hain aur main unhein aur sadan ko aashvaasan deta hoon ki desh ki suraksha mein kisi atirikt aavashyakta ko poora karne mein koi baadha naheen aane di jaaegi. Chidambaram ne vigyaan evam praudyogiki mantraalaya ke liye 6275 karod rupaye, antariksh vibhaag ko 5615 karod rupaye aur parmaanu oorja vibhaag ko 5880 karod rupaye ke aavantan ka prastaav kiya.


Aam Bajat Mein Chidambaram Ne Shiksha Ko Di Praathamikta

Aam Bajat Mein Chidambaram Ne Shiksha Ko Di Praathamikta

Business »

Nai Delhi: Keindreeya vittamantri pi Chidambaram ne guruvaar ko Loksabha mein varsh 2013-14 ke liye aam bajat pesh karte hue kaha ki bajat mein shiksha ko praathamikta dete hue iske liye aavantan 17 pratishat badhaakar 65,867 karod rupaye kar diya gaya hai. Chidambaram ne kaha, meri yojana yuvaaon ko shiksha, kaushal, achhi naukri aur parivaar ke saath surakshit maahaul mein rahane ke avsar upalabdh karaana hai. Sarkaari schoolon ke liye shuroo ki gayi 'Madhyaahn bhojan yojana' ke liye 13,215 karod rupaye aavantit kiye gaye hain. Unhonne kaha ki chhaatraaon aur anusoochit jaati evam janajaati ke bachchon ko kai tarah ki chhaatravrutti di jaaegi.


Do Hajaar Rupaye Se Adhik Moolya Ka Mobile Haindaset Mahanga Hoga

Do Hajaar Rupaye Se Adhik Moolya Ka Mobile Haindaset Mahanga Hoga

Business »

Nai Delhi: Vittamantri pi Chidambaram ne vitt varsh 2013-14 ke bajat mein 2,000 rupaye se adhik moolya ke mobile phone par utpaad shulk ko badhaakar 6 pratishat karne ka prastaav kiya hai. Isse mobile haindaset mahanga ho jaaega haalaanki, 2,000 rupaye se kam ke mobile par maujooda ek pratishat ka riyaayati utpaad shulk barkaraar rakha gaya hai. Iske alaava bajat prastaavon mein 800 CC se adhik kshamata waali motorcyclon par seema shulk ki dar ko 75 se badhaakar 100 pratishat karne ka prastaav kiya gaya hai. Saath hi itni kshamata ki naavon ya jalayaanon par bhi seema shulk ki dar ko 10 se badhaakar 25 feesad kiye jaane ka prastaav hai. Vittamantri ne apne bajat bhaashan mein kaha ki desh ka ameer varg atyadhik keemat vaale vaahanon, motorcyclon, naavon aur aisi hi aayaatit vilaasita ki vastuon ka upabhog karta hai aur use thoda atirikt shulk dene par aitaraaj naheen hona chaahiye. Chidambaram ne iske saath hi set top box ke ghareloo vinirmaan aur moolyavardhan ko protsaahan dene ke liye is par lagne vaale utpaad shulk ko 5 se badhaakar 10 pratishat karne ka prastaav kiya hai.


Bajat Kya Huaa Mahanga, Kya Huaa Sasta

Bajat Kya Huaa Mahanga, Kya Huaa Sasta

Business »

Nai Delhi: Vittamantri pi Chidambaram ne aam bajat 2013-14 mein sigret, sigaar aadi par vishisht utpaad shulk badhaane ka prastaav kiya. Unhonne kaha ki sansaadhan badhaane ke uddeshya se sigret, churut aur sigaar jaise utpaadon par vishisht utpaad shulk 18 pratishat tak badhaane ka prastaav kiya jaata hai. Isi tarah, vittamantri ne sports yutiliti vheekal (esayoovi) par utpaad shulk mein teen pratishat ki badhotri karne ka bhi prastaav kiya. Isse esayoovi par utpaad shulk maujooda 27 pratishat se badhkar 30 pratishat ho jaaega. Haalaanki, taxi ke taur par panjeekrut esayoovi par yah vruddhi laagoo naheen hogi. Isi tarah, 2,000 rupaye se adhik keemat ke mobile phone par chhah pratishat ki dar se utpaad shulk lagega. Unhonne kaha ki haalaanki, 2,000 rupaye se kam keemat vaale mobile phone par ek pratishat ki riyaayati dar se utpaad shulk laagoo rahega. Vittamantri ne kaha ki moolyaankan sambandhi vivaadon mein kami laane ke liye yoonaani, aayurved, siddh, homyopaithi ke braanded malahamon aur davaaiyon ki baayokemikl pranaaliyon mein emaaarapi aadhaarit nirdhaaran ki vyavastha ka prastaav kiya gaya hai. In par 35 pratishat ki chhoot bhi milegi. Vittamantri ne vilaasita waali vastuon jaise 800 CC ya isse adhik kshamata ki motorcyclon par seema shulk 60 pratishat se badhaakar 75 pratishat kar diya. Isi tarah, motor vaahanon par seema shulk 75 pratishat se badhaakar 100 pratishat karne ka prastaav Chidambaram ne kiya. Vaheen jalayaanon par seema shulk 10 pratishat se badhaakar 25 pratishat karne ka prastaav kiya gaya hai. Doosari or, paryaavaran anukool vaahanon ke vinirmaan ko badhaava dene ke liye vittamantri ne ilektrik va haaibrid vaahanon ke purjon ke liye vartamaan mein upalabdh kar riyaayat 31 March, 2015 tak jaari rakhane ka prastaav kiya hai. Vimaanon ke vinirmaan, marammat aur jeernoddhaar ko bhi bajat mein raahat di gayi hai. Isse vimaanan kshetr ko raahat ke alaava isse jude kshetron mein rojagaar ke avsaron ka bhi srujan hoga.


10 Hajaar Se Adhik Aabaadi Ke Kasbe Mein Khulega Elaaaisi Ka Daftar

10 Hajaar Se Adhik Aabaadi Ke Kasbe Mein Khulega Elaaaisi Ka Daftar

Business »

Nai Delhi: Vittamantri pi Chidambaram ne vittavarsh 2013-14 ka aam bajat pesh karte hue jeevan aur saadhaaran beema ke prasaar ke liye bahu-stareeya drushtikon apnaane ka prastaav kiya. Unhonne kaha ki beema niyaamak evam vikaas praadhikran (irada) ki poorv anumati ke bina tier do aur usase neeche ke shaharon mein beema companiyaan shaakha khol sakeingi. Beema paulisi lene ke liye bankon ka 'Apne graahak ko jaano' hi kaafi hoga. Bankon ko beema broker ke roop mein kaam karne ki anumati di gayi hai. Vittamantri ne kaha ki 10,000 ya usase adhik ki aabaadi ke pratyek kasbe mein jeevan beema nigam (elaaaisi) ka ek kaaryaalaya khola jaaega tatha vahaan saarvajanik kshetr ki saadhaaran beema company ka kam se kam ek kaaryaalaya hoga. Vittamantri ne kaha ki raashtreeya svaasthya beema yojana anya shreniyon masalan riksha chaalak, auto chaalak, taxi chaalak, safaai karmiyon tatha kooda beenane vaale aur Khan kaamagaaron ko bhi pradaan ki jaaegi.


UPA-2 Ka Aakhiri Bajat Kitni Riyaayat Deinge Chidambaram

UPA-2 Ka Aakhiri Bajat Kitni Riyaayat Deinge Chidambaram

Business »

Nai Delhi: UPA sarkaar apne doosare kaaryakaal ka antim bajat aaj pesh karne ja rahi hai. Aam chunaav se pehle apne is antim aam bajat mein vah vetanabhogiyon tatha aam logon ke liye kuchh riyaayaton ki ghoshana kar sakte hain. Bajat mein vittamantri pi Chidambaram vruddhi dar aur chunaavi saal ki jatiltaaon ko saadhane ki koshish kareinge. Chidambaram jab apna aathavaan bajat bhaashan padheinge, to unke saamane har desh ke har matadaata ke chehare par muskuraahat dekhne ki badi chunauti hogi. Iske itar unhein ghatati vruddhi dar par kaaboo paane tatha raajakosheeya ghaate ko 4.8 pratishat par niyantrit karne ki jameeni vaastaviktaaon se bhi joojhna hoga. Isse pehle moraaraji Desai ne hi aath baar aam bajat pesh kiya tha. Desh mein aam chunaav agale saal April-May mein hone hain, isliye yah is sarkaar ka antim poorn aam bajat hoga. Agale aam chunaavon se pehle antarim bajat hi pesh kiya ja sakega. Chidambaram ko bajat mein sarkaar ke chunaavi vaadon ko poora karne ke liye yojanaaon tatha kaaryakramon ke liye dhan ka praavadhaan bhi karna hoga, jinmein khaadya suraksha vidheyak vishesh ullekhaneeya hai. Ullekhaneeya hai ki bajat se pehle Budhvaar ko sansad mein pesh aarthik sameeksha mein ati sampann varg (super rich class) par kar lagaane ka samarthan naheen kiya gaya hai, balki ismein kaha gaya hai ki sarkaar ko kar aadhaar ko vyaapak banaana chaahiye. Haalaanki is baare mein antim faisala Chidambaram ko hi karna hai. Jahaan tak vetanabhogiyon ka savaal hai, unhein aayakar chhoot seema mein badhotri ke roop mein kuchh raahat milne ki sambhaavana hai. Yah chhoot seema filhaal do lakh rupaye hai. Sansad ki sthaayi samiti (vitt) ne sujhaav diya hai ki is seema ko badhaakar teen lakh rupaye kiya jaana chaahiye. Chidambaram vyaktigat niveshakon ko share baajaaron mein nivesh ke liye protsaahit karne ke liye Rajiv Gandhi ikviti bachat yojana jaisi yojanaaon mein badlaav kar sakte hain. Chidambaram ke samaksh mukhya kaam ghatati vruddhi dar par niyantran paana hai. Iske alaava sankuchit hote audyogik utpaadan par bhi mantri ka dhyaan hoga. Sameeksha mein sanket diya gaya hai ki agale vittavarsh mein vruddhi dar 6.1-6.7 pratishat ke daayare mein rah sakti hai. Vittamantri kar tatha gair kar raajasv badhaane tatha vyaya mein katauti ke liye kadamon ki ghoshana kar sakte hain, taaki raajakosheeya ghaate ko niyantran mein rakha ja sake. Chaaloo vittavarsh ke dauraan raajakosheeya ghaate ke 5.3 pratishat rahane ka anumaan lagaaya gaya hai. Chidambaram ne agale vittavarsh mein raajakosheeya ghaate mein aur kami laane ka prastaav kiya hai.


Bajat Se Pehle Share Baajaar Mein Uchhaal

Bajat Se Pehle Share Baajaar Mein Uchhaal

Business »

Mumbai: Desh ke share baajaar mein guruvaar ko shuruaati kaarobaar mein teji ka rukh dekha gaya. Pramukh soochakaank Sensex subah 9.47 baje 113.28 ankon ki teji ke saath 19265.69 par aur Nifty bhi lagbhag isi samay 27.50 ankon ki teji ke saath 5,824.40 par kaarobaar karte dekhe gaye. Mumbai stock exchange (BSE) ka 30 sheyaron par aadhaarit samvedi soochakaank Sensex 112.39 ankon ki teji ke saath 19264.80 par aur national stock exchange (NSE) ka 50 sheyaron par aadhaarit samvedi soochakaank Nifty 37.45 ankon ki teji ke saath 5,834.35 par khula.


Sarkaar Ne Kaha, Gareebi Ghati Lekin Paimaane Ka Pata Naheen

Sarkaar Ne Kaha, Gareebi Ghati Lekin Paimaane Ka Pata Naheen

Business »

Nai Delhi: Bajat poorv aarthik sameeksha mein kaha gaya ki desh mein sarkaar ne kaha ki gareebi mein kami I hai lekin gareebi ko aankane ke paimaane ki jaanch padtaal ki ja rahi hai. Sameeksha mein kaha gaya ki 2004-05 se 2009-10 ke dauraan gareebi saalaana ausatan 1.5 feesad kam hui hai. Haalaanki gareebi aankane ke paimaane ki jaanch ho rahi hai. Sameeksha ke mutaabik Tendulkar samiti dvaara sujhaae gaye tareekon ke aadhaar par 2009-10 mein gareebi rekha ke neeche rahane waali aabaadi ka anupaat ghatkar 29.8 feesad rah gaya. 2004-05 mein 37.2 feesad aabaadi gareebi mein ji rahi thi. Sankhya ke lihaaj se is avadhi mein gareebon ki aabaadi 5.24 karod ghati jinmein graameen ilakon mein rahane vaale logon ki sankhya 4.81 karod aur shahari gareebon ki taadaad 43 lakh rahi. Sameeksha ke mutaabik 2004-05 se 2009-10 ke dauraan gareebi 1993-94 se 2004-05 ke mukaabale doguni dar se ghati. Ullekhaneeya hai ki yojana aayog raashtreeya namoona sarvekshan sangathan (enaesaesao) ke vyaapak sarvekshan ke aadhaar par gareebi ka aakalan karta hai. Maasik prati vyakti khapat vyaya (emapeeseei) ke aadhaar par gareebi rekha ko paribhaashit kiya jaata hai. Sameeksha mein kaha gaya ki suresh di Tendulkar ke netrutv mein visheshagyon ke samooh ki December 2009 ki rapat mein 2004-05 ke liye gareebi rekha ka star 447 rupaye (graameen kshetr) emapeeseei aur 579 rupaye (shahari kshetr) emapeeseei rakha gaya tha. Isi ke aadhaar par yojana aayog ne 2009-10 ke liye gareebi rekha ka star 673 rupaye (graameen kshetr) emapeeseei aur 860 rupaye (shahari kshetr) emapeeseei tay kiya. Haalaanki gareebi aakalan ke paimaane ki visangatiyon par uthe vivaad ke kaaran yojana aayog ne pradhaanamantri ki aarthik salaahakaar samiti ke adhyaksh si rangaraajan ki adhyakshata mein June 2012 mein gareeb aakalan ke tareeke ki sameeksha ke liye visheshagyon se samooh banaaya hai.


Desh Ka 82vaan, Apna 8vaan Bajat Pesh Kareinge Vittamantri Pi Chidambaram

Desh Ka 82vaan, Apna 8vaan Bajat Pesh Kareinge Vittamantri Pi Chidambaram

Business »

Nai Delhi: Keindreeya vittamantri pi Chidambaram guruvaar ko desh ka 82vaan aam bajat pesh kareinge. Yah unka apna aathavaan bajat hoga, jo poorv pradhaanamantri moraaraji Desai dvaara record 10 baar prastut kiye gaye bajat se do kam hai. August 1947 mein aajaadi haasil karne ke baad desh mein ab tak 25 mantriyon ne vitt prabhaar sambhaala hai. Is dauraan 81 baar bajat pesh kiye gaye, jinmein se 65 saadhaaran saalaana bajat the, 12 antarim bajat the aur chaar vishesh avsar ke bajat the, jise chhota bajat bhi kaha jaata hai. Moraaraji Desai ne aath baar saadhaaran aur do baar antarim bajat pesh kiya tha, jisse unka aankada 10 ho gaya hai, jo ab tak ka sarvaadhik hai. Guruvaar ko bajat prastut karne ke baad Chidambaram apne poorvavarti Pranab mukharji ke aath bajat pesh karne ke aankade ki baraabari kar leinge. Mukharji ab raashtrapati hain. Yashavant sinha, vaaibi chavhaan aur seedi Deshmukh ne saat-saat baar bajat prastut kiya hai. Pradhaanamantri Manmohan Singh aur desh ke chauthe vittamantri teeti krushnaamaachaari ne chhah-chhah baar bajat prastut kiya hai. Aar Venkatraman aur echaem Patel ne teen-teen baar bajat prastut kiya hai. Jasavant Singh, VP Singh, si subrahmanyam, John mathaai aur RK shanamukham Shetty ne do-do baar bajat prastut kiya hai. Pradhaanamantri rahate hue vitt mantraalaya ka atirikt prabhaar rakhane vaale aur ek-ek baar bajat prastut karne vaalon mein hain Jawahar laal Nehru, unki putri indira Gandhi aur unke naati Rajiv Gandhi. Charan Singh, ND tivaari, madhu dandavate, esabi chavhaan aur sachindr chaudhari ne bhi ek-ek baar bajat prastut kiya. Aajaadi ke baad bane 25 vitt mantriyon mein se vitt prabhaar sambhaalane vaale do netaaon indar Kumar gujaraal aur hemavati nandan bahuguna ko atyadhik chhote kaaryakaal ke kaaran bajat prastut karne ka avsar naheen mil paaya.


March 2013 Mein 6.6 Pratishat Rah Sakti Hai Mudraasfeeti

March 2013 Mein 6.6 Pratishat Rah Sakti Hai Mudraasfeeti

Business »

Nai Delhi: Gair-khaadya vinirmaan kshetr aur vaishvik kaumoditi moolyon mein sudhaar ke saath March 2013 mein thok moolya soochakaank mudraasfeeti ghatkar 6.2 se 6.6 pratishat ke beech aa sakti hai. Maujooda vitt varsh mein mudraasfeeti sthir rahi aur January 2013 mein pichhle teen saalon ke dauraan sabse kam 6.62 pratishat se neeche aa gayi. Pichhle saal khaadya mudraasfeeti mein badhotri uchch proteen yukt khaadyon mein teji ki vajah se rahi, jabki is saal anaajon par dabaav raha. Vaheen doodh aur anya proteenayukt khaadya padaarthon ki keematein ghati hain. Haal hi mein January 2013 mein pyaaj ki keematon mein badhotri aur diesel ke moolyon mein badhotri ki vajah se manhagaai par dabaav badh sakta hai. Haalaanki, manhagaai mein sudhaar ka rukh jaari rahane ki ummeed hai. Maujooda vitt varsh mein lagbhag sabhi pramukh agrim aur ubharati baajaar arthavyavasthaaon mein manhagaai kam hui hai. Pramukh agrim aur vikaasasheel deshon dvaara jaari neeti ka sakaaraatmak prabhaav mudraasfeeti ki ummeedon par paani fer sakta hai. Haalaanki, alpaavadhi mein kamjor vruddhi ke rukh se neetigat prabhaav ka asar mudraasfeeti par naheen pad sakta hai aur mudraasfeeti ko lekar ummeedein maujooda lakshit mudraasfeeti daron ke aaspaas rah sakti hai. Vishv bank dvaara jaari vaishvik aarthik sambhaavnaaen, January 2013 ke anusaar dhaatuon ko chhodkar jyaadaatar vaishvik kamoditeej ke moolyon mein varsh 2013 aur 2014 mein giraavat ki ummeed hai. Antarraashtreeya star par mudraasfeeti mein sudhaar ka ghareloo moolyon par bhi asar dikhega. RBI ki maudrik neeti manhagaai ko kaaboo karne aur vikaas ke anukool suvidha muhaiya karaane ke uddeshya par kaam kar rahi hai. Baahari aur ghareloo sroton se vikaas par badhte khatre aur maujooda mudraasfeeti ke dabaavon ke sandarbh ke kadi maudrik neeti ke chalte arthavyavastha mein tej giraavat darj ki gayi hai. Varsh 2012-13 ki teesari timaahi mein mudraasfeeti mein kuchh sudhaar dekha gaya aur vitteeya sudhaar ki ummeedon ke saath arthavyavastha ki maujooda sthiti mein aur saksham maudrik neeti ki sambhaavana badhi hai.


Aarthik Sarvekshan GDP Mein Pramukh 15 Deshon Mein Bhaarat Sheersh Par

Aarthik Sarvekshan GDP Mein Pramukh 15 Deshon Mein Bhaarat Sheersh Par

Business »

Nai Delhi: 2001 se 2011 ke beech 11 varsh ki avadhi mein 15 sheersh deshon ke beech seva pradarshan ko lekar ki gayi tulana darshaati hai ki sakal ghareloo utpaad (GDP) sevaaon mein 8.1 pratishat ke saath Bhaarat sheersh par hai. In 15 sheersh deshon mein Brazil, roos, Bhaarat aur cheen sahit pramukh viksit desh shaamil hain. Cheen ki sanyukt vaarshik vruddhi dar (seeejeeaar) jahaan 11.1 feesadi hai vaheen 9.2 feesadi ke saath Bhaarat ki sanyukt vaarshik vruddhi dar doosare sthaan par rahi. Is prakaar yah spasht hai ki Bhaarat ka vikaas pramukh roop se seva kshetr se poshit hota raha hai. Bhaarat ka seva kshetr vyaapaar, FDI tatha rojagaar ke maadhyam se raashtreeya aur raajyon ki aay mein mahatvapoorn yogadaan dene vaala kshetr hai. Ek dashak se bhi adhik samay se is kshetr ne bhaarateeya arthavyavastha ko majabooti ke saath sambhaale rakha hai. Bhaarat ke sakal ghareloo utpaad mein kaarak laagat (vartamaan moolya ke anusaar) 1950-51 mein 33.3 se badhkar 2012-13 mein 56.5 pratishat ho gayi hai. 18 pratishat ke yogadaan ke saath vyaapaar, hotel aur restaurant apne anya up-kshetron ke saath milkar sakal ghareloo utpaad mein bada yogadaan dete hain. Iske baad vitt, beema, real estate tatha business sevaaen 16.6 feesadi ka yogadaan deti hain. 14 feesadi bhaageedaari ke saath saamudaayik, saamaajik aur niji sevaaon ka sthaan teesara hai. 8.2 feesadi ki bhaageedaari ke saath nirmaan kaarya chauthe sthaan par aate hain. 2011-12 mein haalaanki vyaapaar aur iske up-kshetron ki vruddhi 6.5 feesadi tak rahane ki ghoshana ki gayi thi, lekin iski bhaageedaari 16.6 feesadi tak badhi hai. 2011-12 mein banking aur beema 13.2 feesadi ki vruddhi ke saath kaafi mahatvapoorn kshetr saabit hue. 2010-11 aur 2011-12 mein 'Anya sevaaon' ki bhaageedaari 7.9 feesadi tak rahi.


'Air India Vishv Ki Sarvaadhik Asurakshit Airline

'Air India Vishv Ki Sarvaadhik Asurakshit Airline

Business »

Nai Delhi: Germany ke jet airliner crash deta ivailyueshan center ne air India ko vishv ki sarvaadhik asurakshit airline bataaya gaya hai. Naagar vimaanan raajyamantri KC venugopaal ne leaakasabha mein neeraj shekhar, Dr bhola Singh, yashaveer Singh, mahaabali Singh tatha suresh kaasheenaath tavaare ke savaalon ke likhit javaab mein yah jaankaari di. Unhonne kaha ki yah sahi hai ki Germany ke jet airliner crash deta ivelyueshan center ne air India ko vishv ki sarvaadhik asurakshit airline bataaya gaya hai. Lekin is sambandh mein lagaataar prayaas ke kaaran air India desh mein pehla aisa airline tatha vishv mein pehle das mein se hai jise aaieteee prachaalan suraksha audit pramaanapatr praapt hai jo ki vimaanan suraksha maanakon ke liye ek paimaana hai. Venugopaal ne bataaya ki Germany ke jet airliner crash data ivelyueshan center ne antararaashtreeya suraksha maapadandon ke kaarakon ke adhyayan ke pashchaat pichhle 30 varshon ki vimaan durghatanaaon tatha hataahaton ke aankade diye hain. Is avadhi ke dauraan air India ki saat tatha air India chaartard limited ki ek vinaashakaari durghatanaaen huin. Unhonne kaha ki choonki eaaiseeel air India ki poorn svaamitv waali anushangi company hai isliye iski durghatana ko saiddhaantik roop se air India ki racking ke khaate mein naheen daala ja sakta. At: JACDEC dvaara upayog kiya gaya data vaastavik roop se galat hai.


Sensex Mein 137 Ankon Ki Teji

Sensex Mein 137 Ankon Ki Teji

Business »

Mumbai: Desh ke share baajaaron mein Budhvaar ko teji ka rukh raha. Pramukh soochakaank Sensex 137.27 ankon ki teji ke saath 19,152.41 par aur Nifty 35.55 ankon ki teji ke saath 5,796.90 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 75.18 ankon ki teji ke saath 19,090.32 par khula aur 137.27 ankon yaani 0.72 feesadi ki teji ke saath 19,152.41 par band huaa. Din bhar ke kaarobaar mein Sensex ne 19,213.02 ke oopari aur 18,997.82 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 23.55 ankon ki teji ke saath 5,784.90 par khula aur 35.55 ankon yaani 0.62 feesadi ki teji ke saath 5,796.90 par band huaa. Dinbhar ke kaarobaar mein Nifty ne 5,818.20 ke oopari aur 5,749.70 ke nichle star ko chhuaa. BSE ke midcap aur smallcap soochakaankon mein bhi teji darj ki gayi. Midcap soochakaank 47.41 ankon ki teji ke saath 6,461.73 par aur smallcap 12.69 ankon ki teji ke saath 6,331.05 par band huaa. BSE ke 13 mein se 10 sectoron mein teji darj ki gayi. Poonjeegat vastuen (2.41 feesadi), realty (2.12 feesadi), tel evam gas (1.17 feesadi), dhaatu (1.11 feesadi) aur tej khapat upabhokta vastu (1.10 feesadi) mein sarvaadhik teji rahi.


Afghanistan Ke Aarthik Bhavishya Ke Liye Bhaarat Mahatvapoorn America

Afghanistan Ke Aarthik Bhavishya Ke Liye Bhaarat Mahatvapoorn America

Business »

Washington: America ke naamit raksha mantri chuk haigal ke Afghanistan mein Bhaarat ki bhoomika par vivaadaaspad bayaan ke baad ek sheersh ameriki adhikaari ne Afghanistan se ameriki sainikon ke hatne baad usaki aarthik vruddhi ke liye Bhaarat ki bhoomika ko mahatvapoorn bataaya hai. Dakshin aur madhya Asia ke liye sahaayak videsh mantri Robert black ne sansadeeya sunavaai ke dauraan kaha ki America bhavishya mein Bhaarat ko Afghanistan ke aarthik vikaas mein mahatvapoorn bhoomika mein dekhta hai. Black ne kshetr mein Bhaarat ko America ka sabse bharosemand aur moolyavaan sahayogi karaar diya hai. Unhonne kaha ki dakshin Asia par koi bhi charcha Bhaarat ke saath shuroo hogi. Black ne kaha, ham Afghanistan mein Bhaarat ki ullekhaneeya bhoomika ki saraahana karte hain. Unhonne kaha ki Afghanistan ko ameriki sainikon ke hatne ke baad madad aadhaarit arthavyavastha se vyaapaar aadhaarit arthavyavastha mein badalne mein Bhaarat mahatvapoorn bhoomika nibhaaega.


Aarthik Sarve 2013 GDP Mein 6.1-6.7 Pratishat Vruddhi Ka Anumaan

Aarthik Sarve 2013 GDP Mein 6.1-6.7 Pratishat Vruddhi Ka Anumaan

Business »

Nai Delhi: Vittamantri pi Chidambaram dvaara Budhvaar ko sansad mein pesh kiye gaye aarthik sarve ke mutaabik varsh 2013-14 mein desh ki arthavyavastha ke gati pakadne ki ummeed hai, aur desh mein sakal ghareloo utpaad (GDP) mein 6.1 - 6.7 pratishat ki vruddhi ka anumaan lagaaya gaya hai. Mukhya aarthik salaahakaar raghuraam raajan ke netrutv mein arthashaastriyon ki team dvaara taiyaar kiye gaye sarve mein kaha gaya hai ki diesel aur LPG ki keematon ko badhaana zaroori hai, lekin saath hi mahangaai dar ko 6.2 se 6.6 pratishat tak laane ka lakshya bhi rakha gaya hai. Vittamantri pi Chidambaram dvaara prastut kiye gaye sarve mein aarthik sudhaaron mein teji laane aur sudhaaron mein baadha ban rahe kaaranon ko khatm karne ke upaayon par bhi vistaar se charcha ki gayi hai. Kaha ja raha hai ki yah dastaavej aarthik sudhaaron ke upaayon ki vajah se to mahatvapoorn hai hi, sudhaaravaadi kade kadamon par kadaai se paalan ki jimmedaari sarkaar par daalne se inki ahamiyt aur bhi bad jaati hai.


Khudara Kshetr Mein FDI Se Prabhaavit Naheen Honge Chhote Dukaanadaar Sameeksha

Khudara Kshetr Mein FDI Se Prabhaavit Naheen Honge Chhote Dukaanadaar Sameeksha

Business »

Nai Delhi: Sarkaar ne aaj kaha ki chhote paramparaagat dukaanadaar sangathit kshetr ke ritelaron ko kadi pratispardha day rahe hain aur videshi companiyon ko desh mein store kholne ki anumati ke faisale se ve prabhaavit naheen honge. Sansad mein aaj pesh 2012-13 ki aarthik sameeksha mein kaha gaya hai ki jahaan tak chhote dukaanadaaron ka savaal hai, sangathit khudara kshetr unke saath chal raha hai. Sameeksha kehti hai, kaarobaari vyavahaar mein sudhaar tatha praudyogiki unnayan ke jariye ye paramparaagat khudara dukaanadaar sangathit kshetr ko kada javaab day rahe hain. Ismein kaha gaya hai ki vaishvik anubhav bhi yah bataata hai ki sangathit aur asangathit khudara kshetr saath-saath chal sakta hai aur pragati kar sakta hai. Sarkaar ne bahu-brand khudara kshetr mein 51 pratishat FDI ki anumati di hai. Ekal brand mein to shatapratisht FDI ki anumati hai. Bahu-brand khudara kshetr ko FDI ke liye kholne ka desh ka vyaapaari varg kada virodh kar raha hai. Iske virodh mein deshbhar mein aandolan aur abhiyaan chalaaya ja raha hai. Haalaanki, aarthik sameeksha mein in aashankaaon ko khaarij karte hue kaha gaya hai ki bahu-brand khudara kshetr mein FDI ki anumati se aapoorti shrunkhala ke sabhi anshadhaarakon ko faayda hoga. Ismein kaha gaya hai ki kisaanon ko kataai baad hone vaale fasal nuksaan ko kam karne mein madad milegi. Saath hi baikaend dhaanche mein sudhaar se kisaanon ko unki upaj ke liye laabhakaari moolya mil sakega. Isi tarah chhote vinirmaataaon ko laghu udyog se aavashyak roop se 30 pratishat ki khareed ke praavadhaan se faayda hoga. Iske alaava is neeti ke kriyaanvayan se desh mein FDI ka pravaah badhega, rojagaar ki gunavatta sudharegi aur sarvashreshth vaishvik vyavahaar ko apnaaya ja sakega.


Rel Bajat Ek Najar Mein

Rel Bajat Ek Najar Mein

Business »

Nai Delhi: Rel mantri pavan Kumar bansal ne Loksabha mein mangalvaar ko saal 2013-14 ke liye rel bajat prastut kiya. Rel bajat ke pramukh bindu is prakaar hain : - yaatri kiraae mein vruddhi naheen - suparafaast aur tatkaal shulk mein vruddhi - 2013-14 ke liye salaana yojana mad mein 63,363 karod rupaye - nuksaan 2011-12 ke 22,500 karod rupaye se badhkar 2012-13 mein 24,600 karod rupaye. - prati 10 lakh kilometer par durghatanaaon ka anupaat 0.41 se ghatkar 0.13. - mahila suraksha ke liye mahila aarapeeef karmiyon ki chaar companiyaan gathit. Aath aur companyon ka gathan hoga - 67 nai express railgaadiyaan aur 26 nai yaatri railgaadiyaan shuroo hongi, aath deeiemayoo seva aur paanch emaiemayoo seva shuroo hogi, 57 railgaadiyon ka maarg vistaar hoga, 24 railgaadiyon ki teevrata badhegi - varsh 2013-14 mein 22 nai laainon ka nirmaan - nai rin seva nidhi ki sthaapana - pehle ke ghaate ki jagah 2012-13 kosh aadhikya ke saath band hoga, 12veen yojana ke aakhir tak 30 hajaar karod rupaye ki kosh aadhikya banaane ki jaroorat - 88.8 feesadi sanchaalan anupaat haasil - laabhaansh paanch feesadi se ghatkar chaar feesadi - is saal 1,200 kilometer line ka vidyuteekaran hoga - mumbai mein 72 atirikt upanagareeya seva aur Kolkata mein 18 - January mein kiraaya samaayojana se aay mein 6,600 karod rupaye ki vruddhi - 2013-14 mein 63,000 karod rupaye ka nivesh - 2013-14 mein 104.7 karod tan maal dhulaai ka anumaan - 2013-14 mein yaatri kiraae se 42,000 karod rupaye ki aay ka anumaan - Secundarabad mein bhaarateeya railway vitteeya prabandhan sansthaan ki sthaapana hogi - kaarban futaprint ghataane ke liye anusandhaan ko protsaahit karne ke liye Delhi mein ek peeth - Rajiv Gandhi khel ratn aur dhyaanachand puraskaar jeetne vaale ko muft pratham shreni paas suvidha milegi - maranoparaant mahaaveer chakr, veer chakr, keerti chakr aur shaurya chakr paane vaale avivaahit shaheedon ke maata-pita ko pratham shreni paas - svatantrata senaaniyon ke poorak paas pratyek saal ki jagah har teen saal mein naveeneekrut honge - raashtreeya ispaat nigam limited ke sahayog se raayabareli mein naya pahiya kaarkhaana lagega - bheelavaada mein greenafeeld menalaain ilektrikl maltipl yoonits (emaiemayoo) vinirmaan kaarkhaana lagega - Haryana sarkaar ke sahayog se soneepat mein coach nirmaan ikaai - Andhra pradesh sarkaar ke saath kurnool mein madhya jeevan punarvaas kaaryashaala - saur aur pavan oorja ka upayog karne ke liye railway oorja prabandhan company sthaapit hogi - 1,000 faatakon par saur oorja se roshani hogi - 1.51 lakh riktiyaan bhari jaaengi - lokomotiv kaib vaataanukoolit hogi - svatantrata sangraam se sambandhit sthaanon ki yaatra ke liye aajaadi express -Bhaarat ek arab tan maal dhulaai samooh mein - 2013-14 ke aakhir tak do samarpit rel galiyaaron ke liye 1,500 kilometer ka theka diya jaaega - saarvajanik-niji saajhedaari model ke liye ek lakh karod rupaye ka lakshya - kuchh railgaadiyon par muft vaai-faai seva di jaaegi - nai Delhi mein stationon ke sudhaar ke liye 100 karod rupaye - A-1 aur anya chune hue stationon par 179 eskeletaron aur 400 lift ka praavadhaan - mobile phone se E-tikting - aarakshan sthiti par yaatriyon ko SMS alert - 2013 ke aakhir tak agali peedhi ki E-tikting pranaali - marammat ke liye 17 pulon ki pehchaan - dhuaan aur agni ka pata lagaane waali pranaali shaamil - guard vain mein agnishaamak upakaran (fire eksteengveeshar) rakha jaaega - 10 saalon (2014-24) ki avadhi ke liye kaarapaaret suraksha yojana taiyaar hogi - automatic signaling pranaali par relagaadi suraksha chetaavani pranaali lagegi - desh mein viksit relagaadi takkar rodhi pranaali ka kathin pareekshan - 160/200 kilometer prati ghante ki self propeld ekseedeint rileef relagaadi shuroo hogi - 12veen yojana mein 10,797 leval krausing samaapt kiye jaaenge aur aage aise aur krausing naheen baneinge - chhah aur rel neer bautaling sanyantr sthaapit honge


'Maanadandon Par Khara Utarane Par Realty, Brokarej Companiyaan Bhi Chala Sakti Hain Bank

'Maanadandon Par Khara Utarane Par Realty, Brokarej Companiyaan Bhi Chala Sakti Hain Bank

Business »

Mumbai: Reserve bank ke dipti Governor KC chakravarti ne kaha ki agar jameen-jaayadad ke vikaas se judi realty companiyaan aur share broking companiyaan antim dishaanirdeshon mein ullekhit maanadandon ko upayukt tareeke se poora karti hain to keindreeya bank unhein bank chalaane ki anumati dene ko taiyaar hai. Yah poochhe jaane par ki kya reeyal estate tatha brokarej companiyon ko bank kholne ki anumati di jaaegi kyonki antim dishaanirdesh mein is baare mein kuchh bhi naheen kaha gaya hai, 'Ye sabhi kaanooni kaarobaar hain. . . Agar ve sabhi jarooraton, chintaaon ko poora karte hain to unhein kaise mana kiya ja sakta hai. . . Nishchit roop se agar yah dishaanirdesh mein naheen hai, tab yah khula huaa hai. ' Ek kaaryakram ke dauraan samvaadadaataaon se baatcheet mein unhonne yah baat kahi. Pichhle shukravaar ko nae banking license ke liye antim dishaanirdesh jaari karne ke baad niyaamak ki taraf se yah pehli aadhikaarik pratikriya hai. Reserve bank ne August 2011 mein jo masauda dishaanirdesh jaari kiya tha usamein realty tatha brokarej companiyon par pratibandh lagaaya gaya tha lekin antim dishaanirdesh mein aisi koi baat naheen hai. Yah poochhe jaane par ki kitne license jaari kiye ja sakte hain, dipti Governor ne kaha ki nae bankon ki sankhya yogya ummeedavaaron par nirbhar karegi aur abhi is baare mein koi spasht sankhya bataana jaldabaaji hogi. Chakravarti ne kaha, 'Pehle, yah dekhna padega ki kitne log yogya hain, kitne maanadandon ko poora karte hain. Agar koi bhi upayukt naheen paaya jaata hai to license dene ka kya matlab hai. At: Abhi is baare mein kuchh kehna jaldabaaji hogi. '


Diesel Ki Keemat Badhi To Rel Maal Bhaada Bhi Badhega

Diesel Ki Keemat Badhi To Rel Maal Bhaada Bhi Badhega

Business »

Nai Delhi: April 2013 se railway ka maal bhaada indhan ki keemat badhne ya ghatne par badhaaya ya ghataaya ja sakta hai. Rel mantri pavan Kumar bansal ne Loksabha mein kaha ki diesel ko niyantran mukt kiye jaane ke maddenajar relon ke vitt ko yuktisangat banaane ki aavashyakta hai tatha parichaalan kharch par idhan moolyon ke prabhaav ko nishprabhaavi karne ke liye ek tantr banaana hoga. Unhonne kaha ki 2012-13 ke bajat mein poorvavarti mantri ne parivhan sevaaon mein indhan ghatak ko indhan samaayojan ghatak ke roop mein alag karne ka prastaav kiya tha. 'Main prastaav karta hoon ki jaisa us samay sujhaav diya gaya tha, is ghatak ko gatisheel kism ka banaaya jaae tatha indhan ki laagat mein parivartan ke saath ise ghataaya ya badhaaya ja sakta hai. Sambhavat: Aisa varsh mein do baar kiya ja sakta hai. ' Bansal ne kaha ki jahaan tak yaatri kiraayon ka sambandh hai, choonki is saal January mein hi kiraaye badhaaye gaye hain, isliye vah ab yaatriyon par ab aur bojh naheen daalna chaahate. Railway swayam hi 850 karod rupaye ke bojh ko vahan karegi. Chunaavi varsh mein seedhe to naheen lekin rel mantri ne paroksh sanket diya ki agali baar se indhan ke daam badhne par yaatri kiraaya bhi badhaaya ja sakta hai.


'Ek Hi Petrol Panp Se Do Alag-alag Daamon Par Diesel Ki Bikri Mushkil

'Ek Hi Petrol Panp Se Do Alag-alag Daamon Par Diesel Ki Bikri Mushkil

Business »

Nai Delhi: Vitt mantri pi Chidambaram ne kaha ki ek hi petrol panp se lagjari kaaron ke liye baajaar ki keemat par aur kisaanon ke liye sabsideeyukt daron par diesel ki bikri mushkil hai. Rajyasabha mein prashnakaal ke dauraan Chidambaram ne kaha 'Humne is baare mein bahut soch-vichaar ki koshish ki ki kya ek hi petrol panp se lagjari kaaron ke liye baajaar ki keemat par aur kisaanon ke liye sabsideeyukt daron par diesel diya ja sakta hai. ' unhonne kaha 'Lekin aisa karna bahut hi mushkil hai baharahaal, agar badi gaadiyon ke maalikon aur kisaanon ko, kaalaabaajaari ke bina alag-alag daron par, khaas kar kisaanon ko kam daron par diesel beche jaane ka thos sujhaav diya jaaega to us par sarkaar vichaar karegi. Isse koi kaalaabaajaari bhi naheen honi chaahiye. ' Basapa ke SP Singh baghel ke poorak prashn ke uttar mein unhonne kaha ki diesel se chalne waali badi gaadiyon ke maalik aur kisaan donon hi khudara upabhokta hain aur unhein sabsideeyukt daron par diesel becha jaata hai. Baghel ne unase poochha tha ki kya chhote aur seemaant kisaanon ko krushi kaarya ke liye kifaayati dar par diesel diye jaane ke liye kota tay kiya ja sakta hai? Sarkaar ne pichhle maah railway aur raajya sadak parivhan nigmon jaise thok upabhoktaaon ke liye baajaar dar tay kar di lekin petrol pumpon par kisaanon aur badi gaadiyon ke maalik jaise upabhoktaaon ke liye alag-alag daron par diesel ka filhaal koi praavadhaan naheen hai.


Rel Bajat 2013 Bina Kiraaya Badhaae Suraksha Ka Bharosa

Rel Bajat 2013 Bina Kiraaya Badhaae Suraksha Ka Bharosa

Business »

Nai Delhi: Railmantri pavan Kumar bansal ne mangalvaar ko Loksabha mein vittavarsh 2013-14 ke liye rel bajat pesh kiya. Ismein jahaan ek or kiraaye mein vruddhi naheen kar aam logon ko raahat di gayi vaheen yaatriyon aur khaaskar mahila yaatriyon ki suraksha ke liye mahatvapoorn kadamon ki ghoshana ki gayi. Aaiaaraseeteesi se aarakshan karavaane vaalon ke liye achhi khabar yah hai ki is website par badhte bojh aur iski dheemi raftaar ke kaaran logon ko hone waali pareshaani ko dekhte hue nai E-tikting pranaali shuroo karne ka prastaav kiya gaya hai. Rel bajat mein kareeb 106 nai railgaadiyaan chalaane ka prastaav kiya gaya hai. Chuninda railgaadiyon mein adhik suvidha sampann coach lagaane aur pramukh stationon par svachaalit seedhiyaan lagaane ka bhi prastaav hai. Rel mantri bansal ne 63,363 karod rupaye (633.63 arab rupaye ya 11.5 arab dollar) ka rel bajat pesh kiya. Yah unka pehla bajat hai. Pichhle 17 saal mein rel bajat pesh karne vaale vah Congress ke pehle mantri hain. Varsh 2014 mein prastaavit aam chunaav ko dekhte hue bajat ko 'Lokalubhaavan' banaane ka prayaas kiya gaya hai. Bajat mein jo anya pramukh baatein hain, unamein pramukh stationon par saat atirikt egjakyootiv laanj, maanavarahit railway faatakon ko yantrachaalit karne, yaatriyon khaaskar mahilaaon ki suraksha sunishchit karne ke liye railway suraksha bal mein vruddhi, railgaadiyon ki takkar rokane ke liye nai takaraav rodhi pranaali laagoo karne, chuninda rel gaadiyon mein vaai-faai ki suvidha pradaan karne aur railgaadiyon mein gunavatta niyantran ke saath aadhunik rasoigharon ki vyavastha bhi shaamil hai. Bansal ne bajat pesh karte hue Loksabha mein kaha, "Bhaarateeya railway desh ke vikaas se ghanishth roop se sambaddh hai. " unhonne kaha ki railway ke liye vitteeya sthaayitv aavashyak hai, lekin is baar kiraaya vruddhi naheen hogi, kyonki pichhle maah kiraaye ka punarnirdhaaran kiya ja chuka hai. Unhonne haalaanki tatkaal tatha aarakshan ke liye kuchh shulk badhaane ka prastaav kiya. Shayanayaan shreni mein tatkaal tikt ke liye shulk 75 rupaye se badhaakar 90 rupaye aur egjakyootiv shreni mein 200 rupaye se badhaakar 300 rupaye karne ka prastaav kiya gaya hai. Iske atirikt klark shulk bhi paanch se 10 rupaye ke beech badhaane ka prastaav kiya gaya hai. Saath hi tikt radd karaane ka shulk 10 se 50 rupaye tak badhaaya gaya hai. Maal bhaade mein 5.8 pratishat vruddhi ka prastaav kiya hai. Railmantri ne is baat par khushi jataai ki railway ka sanchaalan anupaat 95 paise se ghatkar 88 paise par aa gaya hai. Iska matlab yah huaa ki ek rupaye kamaane ke liye bhaarateeya rel ko ab 88 paise kharch karne padte hain. Railmantri ne kaha ki railway desh ke vikaas ka sarvaadhik mahatvapoorn srot hai. Yah ek mahatvapoorn sangathan hai, jo desh ko uttar mein Jammu evam Kashmir ke baaraamoola se dakshin mein kanyaakumaari aur pashchim mein dvaaraka se poorab mein ledo ko jodta hai. Desh ka railway network 64,000 kilometer tak faila hai, jismein 7,083 station hain. Kareeb 12,000 yaatri railgaadiyaan pratidin 2.3 karod yaatriyon ko unke gantavya tak pahunchaati hain, jabki 7,000 maalagaadiyaan 26.5 lakh tan vastuon ki dhulaai karti hain. Ismein kareeb 14 lakh log kaaryarat hain. Bansal ne yah bhi kaha ki vah aaiaaraseeteesi ki website se aarakshan karaane vaalon ki mushkilon se vaakif hain aur isliye nai E-tikting pranaali shuroo ki jaaegi, jisse online tikt booking ki gati tej hogi. Unhonne kaha ki nai pranaali mein ek minute ke bheetar 7,200 tikt book karne ki kshamata hogi, jabki maujooda kshamata ek minute mein 2,000 tikt book karne ki hai. Pradhaanamantri Manmohan Singh ne jahaan bajat ko sudhaaraatmak aur pragatisheel bataaya hai, vaheen vipaksh ne iski aalochna ki hai. Bhaarateeya janta party (bhaajapa) ke adhyaksh Rajnath Singh ne kaha ki is rel bajat se sanyukt pragatisheel gathabandhan (samprag) sarkaar ki akshamata aur drushti ka abhaav parilkshit hota hai. Rel bajat ko desh ke kaarobaariyon ne maujooda aarthik sthiti mein naram aur santulit bataaya. Bhaarateeya udyog parisangh ke mahaanideshak chandrajeet Bannerjee ne kaha, "Vitteeya vyavahaaryata aur anushaasan par jod diya jaana svaagat yogya kadam hai. Vitteeya anushaasan, suraksha aur yaatri suvidha is parivhan saadhan ke svaasthya ke liye aavashyak hai, jiska aam log istemaal karte hain. Mantri ne in par samuchit dhyaan diya hai. " Associated chaimbars of Commerce end industry (Assocham) ne rel bajat ko naram bataaya aur kaha ki sarkaar prabhaavi kauraporeteekaran ke avsar ka laabh uthaane se chook gayi. Assocham ke adhyaksh Rajkumar dhoot ne kaha, "Railway ki kshamata ki seema se sabse pehle nipta jaana chaahiye. . Rel bajat mein is or dhyaan diya ja sakta tha. "


Rel Bajat Sudhaaraparak, Pragatisheel Hai Pradhaanamantri Manmohan Singh

Rel Bajat Sudhaaraparak, Pragatisheel Hai Pradhaanamantri Manmohan Singh

Business »

Nai Delhi: Railmantri pavan Kumar bansal dvaara aaj pesh kiye gaye bajat ko santulit, siddhaantaparak, vahan karne yogya aur safar ko aaraamadeh banaane vaala karaar dete hue sarkaar ne kaha ki rel bajat mein aam aadmi ki aakaankshaaon ka khaas dhyaan rakha gaya hai. Pradhaanamantri Manmohan Singh ne kaha ki pavan Kumar bansal ne seva badhaane ki maang se nipatne aur vyaya kam karne ke sambandh mein prashansaneeya kaarya kiya hai. Singh ne rel buniyaadi dhaancha kshetr jaise mahatvapoorn kshetr mein anveshan aur kshamata vistaar ke liye raasta taiyaar karne ke bansal ko badhaai di. Unhonne rel bajat ke sambandh mein kaha, yah sudhaaraparak aur pragatisheel bajat hai, jisne railway ki vitteeya sthiti ki vaastavik tasveer pesh ki hai. Aaj pesh 2013-14 ke rel bajat mein savaari kiraaye mein badhotri ka koi prastaav naheen hai haalaanki kuchh atirikt shulk badhaae gaye. Rel bajat par pratikriya vyakt karte hue videshamantri Salman khursheed ne sansad bhavan parisar mein samvaadadaataaon se kaha ki yah ek aisa rel bajat hai, jismein rel yaatriyon ki suvidhaaon aur aam logon ki aakaankshaaon ka khaas dhyaan rakha gaya hai. Aam chunaav ko dhyaan mein rakhakar rel bajat ke lokalubhaav hone ke aaropon ke baare mein poochhe jaane par unhonne kaha, mujhe samajh naheen aata ki log is tarah ki baat kyon karte hain. Yah ek siddhaantaparak, vahan karne yogya evam rel safar ko aaraamadeh banaane vaala bajat hai. Is tarah ke (lokalubhaavan) aarop lagaane se pehle bajat ko poora padha jaana chaahiye. Unhonne kaha ki chunaav to hona hai. Lokatantr mein chunaav ka mahatva hota hai, lekin ham janta ke saamane apna record pesh kareinge aur janta hamaare record ko jaanti hai. Maal bhaada badhaae jaane se udyogon ke liye kaarobaar karne mein pareshaani aane ke aaropon ke baare mein poochhe jaane par khursheed ne kaha ki rel bajat taiyaar karte samay sabhi baaton ko dhyaan mein rakha jaata hai. In vishyon par udyogon se bhi salaah aur vichaar-vimarsh kiya jaata hai. Videshamantri ne kaha, kul milaakar yah rel bajat santulit hai, jismein udyog aur aam aadmi ki jarooraton ke beech saamanjasya banaaya gaya hai.


West Indies Ne Sri Lanka Se Shrunkhala Jeeti

West Indies Ne Sri Lanka Se Shrunkhala Jeeti

Business »

Daambula: West Indies ki mahila team ne apne kam score ka safalataapoorvak bachaav karke Sri Lanka ko teesare aur aakhiri ekadivseeya antararaashtreeya cricket match mein 33 run se haraakar shrunkhala 2-1 se jeeti. West Indies ne toss ganvaane ke baad pehle ballebaaji ka nyauta milne par nau wicket par 191 run banaae. Iske javaab mein Sri Lanka ki team nirdhaarit 50 overon mein nau wicket par 158 run hi bana paai. Sri Lanka ne chamaani seneviraatana (33 run dekar chaar wicket) ki aguvaai mein geindabaajon ke achhe pradarshan se West Indies ko bada score naheen banaane diya. West Indies ki taraf se shemini Campbell ne sarvaadhik 37 run banaae jabki kaptaan merisa eguileera ne 29 run ka yogadaan diya. Iske baad Sri Lanka ki team poore 50 over khelne mein safal rahi lekin uske ballebaajon ne behad dheema khel dikhaaya. Iske alaava teen ballebaajon ke run out hone ka bhi team ko khaamiyaaja bhugatna pada. Shashikla shreevardhane ne sarvaadhik 29 run banaae lekin iske liye unhonne 78 geind kheli. West Indies ki taraf se trimaane smart sabse safal geindabaaj rahi. Unhonne 26 run dekar do wicket liye.