Jald Naino Ka CNG Sanskaran Pesh Karegi Tata Motors

Jald Naino Ka CNG Sanskaran Pesh Karegi Tata Motors

Business »

Nai Delhi: Chhoti car naino ki bikri ghatne se chintit tata motors ne apni bikri badhaane ke liye is saal ki pehli chhamaahi tak naino ka ek poori tarah naya sanskaran aur iska CNG vikalp pesh karne ki yojana banaai hai. Ullekhaneeya hai ki company ne abhi diesel sanskaran ki aaranbhik kaarein pesh karne ki koi samay seema naheen nishchit ki hai, haalaanki yah car bankar taiyaar ho chuki hai. Tata motors ke prabandh nideshak kaarl slim ne kaha, ''Naino ki bikri mein giraavat darj ki gayi hai. Ham fir se iski bikri badhaane ke liye kaam kar rahe hain. Haalaanki yah kaafi lamba raasta hai, lekin pehli chhamaahi mein ham is vaahan 2013 model pesh kareinge. '' unhonne bataaya, iske saath hi ham jaldi ki naino ka CNG sanskaran pesh kareinge. Diesel se chalne waali aaranbhik kaaron ki peshakash ke baare mein poochhane par unhonne kaha, ''Bhavishya mein ham nishchit roop se is prakaar ki kaarein pesh kareinge, lekin abhi humne iski koi tithi nishchit naheen ki hai. Haalaanki is prakaar ke vaahan taiyaar ho chuke hain. '' Ullekhaneeya hai ki is saal ke January maah mein tata ki naino ki bikri ghatkar 1,504 ikaai rah gayi. Jabki pichhle saal ke isi maah ke dauraan company ne kul 7,723 naino bechi theen.


Motor Beema Premium Ke Liye 1 April Se Mahanga

Motor Beema Premium Ke Liye 1 April Se Mahanga

Business »

Nai Delhi: Badhti mudraasfeeti aur beema daava niptaan ke itihaas ko dekhte hue beema niyaamak irada ne 1 April se motor beema ka premium daron ko doguna tak badhaane ka prastaav kiya hai jiske kaaran ab iske premium mahanga hona tay hai. Beema niyaamak evam vikaas praadhikaar (irada) ke masaude ke anusaar thard party ke beema kavar ke shulk dopahiya vaahanon, yaatri kaaron aur vaanijyik vaahanon ke liye badhega. Ek hajaar CC ke kam kshamata ke engine waali kaaron ke liye 'Thard party' premium ko 85.30 pratishat badhaakar 1,453 rupaye prati varsh karne ka prastaav kiya gaya hai jabki 350 CC kshamata se adhik ke dopahiya vaahanon ka premium 108.14 pratishat badhaakar 1,415 rupaye prati varsh karne ka prastaav kiya gaya hai. Tiphiya vaahanon ko chhodkar 40,000 kigra se adhik bhaar vaale maal dhone vaale vaahanon ka premium 313.45 pratishat badhaakar 53,832 rupaye prati varsh karne ka prastaav kiya gaya hai. Isse poorv yah vruddhi March 2012 mein ki gayi thi jispar traansaportaron ke sangh ne irada aur general inshyors ke saath Calcutta uchch nyaayaalaya mein kaanooni ladaai ladi. Aath maheene ke kaanooni ladaai ke baad adaalat ne shulk vruddhi ke paksh mein apna faisala sunaaya.


Helicopter Saude Ka Audit Kar Raha Hai Kaig Vinod Rai

Helicopter Saude Ka Audit Kar Raha Hai Kaig Vinod Rai

Business »

Mumbai: Ogasta vestalaind VVIP helicopter khareed saude mein kathit taur par rishvat diye jaane ko lekar mache bavaal ke beech niyantrak evam mahaalekha pareekshak (kaig) vinod rai ne kaha ki is vivaadaaspad saude ki oditing ki ja rahi hai aur iski report jald hi jaari ki jaaegi. Bainkaron ki ek sangoshthi ke dauraan savaal-javaab satr mein unhonne kaha, kaig raksha mantraalaya ka audit karta hai aur humne is maamale (ogasta vestalaind saude) mein bhi yah kiya hai. Yah jald hi aapke sanjnyaaan mein aa jaaega. Audit report ki sthiti ke baare mein rai ne kaha, audit chal raha hai, lekin naheen maaloom ki yah kab poora hoga. Audit ke charan ke baare mein mujhe jaankaari naheen hai. Aisa aarop lagaaya gaya hai ki company ne helicopter aapoorti ka theka haasil karne ke liye kareeb 362 karod rupaye rishvat di hai. Bhrashtaachaar ke mudde par rai ne kaha ki cheejein badli hain aur bejubaan janta ko kuchh logon dvaara jyaada dinon tak gumaraah naheen kiya ja sakta. Janta hamesha hi chup rahati hai, kyonki oopar baithe kuchh logon ko lagta hai ki unhein janaadesh mila hai aur ve is janaadesh ka upayog kar rahe hain.


Tata Motors Mein Badi Sankhya Mein Theka Karmachaariyon Ki Chhantani

Tata Motors Mein Badi Sankhya Mein Theka Karmachaariyon Ki Chhantani

Business »

Jamshedpur: Vaahan company tata motors mein badi sankhya mein asthaayi karmachaariyon ko naukri se nikaal diya gaya hai. Company mein kul 5,000 asthaayi karmachaari hain, jismein se anumaanit 75 pratishat karmachaariyon ki chhantani kar di gayi hai. Telko workers union (teedablyooyoo) ke mahaasachiv chandrabhaan Singh ne kaha ki asthaayi karmachaariyon ki sevaaon ki samaapti keval ek niyamit prakriya rahi hai, jo utpaadan par nirbhar hai. Unhonne kaha ki kareeb 75 pratishat asthaayi karmachaariyon ko is sambandh mein notice jaari kiya gaya tha. Keval unheen vibhaagon se karmachaariyon ki sevaaen samaapt ki gayi hain, jahaan lakshya haasil kiye ja chuke hain. Sampark kiye jaane par tata motors ke corporate sanchaar pramukh debaasees re ne Mumbai se bataaya, ham maang ke hisaab se karmachaariyon ko rakhate hain aur kaam poora hone par unhein doosra kaam talaashane ko kehte hain. Ismein koi asaamaanya baat naheen hai.


Share Baajaaron Mein Giraavat, Sensex 29 Ank Neeche

Share Baajaaron Mein Giraavat, Sensex 29 Ank Neeche

Business »

Munmbai: Desh ke share baajaaron mein shukravaar ko giraavat ka rukh raha. Pramukh soochakaank Sensex 29.03 ankon ki giraavat ke saath 19,468.15 par aur Nifty 9.55 ankon ki giraavat ke saath 5,887.40 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 47.35 ankon ki giraavat ke saath 19,449.83 par khula aur 29.03 ankon yaani 0.15 feesadi ki giraavat ke saath 19,468.15 par band huaa. Din ke kaarobaar mein Sensex ne 19,512.89 ke oopari aur 19,381.82 ke nichle star ko chhuaa. Sensex ke 30 mein se 13 sheyaron mein teji darj ki gayi. Tata motors (2.48 feesadi), tata power (1.79 feesadi), bhaarati Airtel (1.23 feesadi), starlight industries (1.22 feesadi) aur Gale (0.99 feesadi) mein sarvaadhik teji darj ki gayi. Giraavat vaale sheyaron mein pramukh rahe Dr Reddy'S lab (3.55 feesadi), Bajaj auto (1.41 feesadi), tata steel (1.21 feesadi), RIL (1.20 feesadi) aur Infosys (0.99 feesadi) . National stock exchange (NSE) ka 50 sheyaron par aadhaarit samvedi soochakaank Nifty 27.00 ankon ki giraavat ke saath 5,869.95 par khula aur 9.55 ankon yaani 0.16 feesadi ki giraavat ke saath 5,887.40 par band huaa. Din ke kaarobaar mein Nifty ne 5,899.95 ke oopari aur 5,853.90 ke nichle star ko chhuaa. BSE ke midcap soochakaank mein teji aur smallcap soochakaankon mein giraavat darj ki gayi. Midcap soochakaank 18.45 ankon ki teji ke saath 6,626.86 par aur smallcap 42.15 ankon ki giraavat ke saath 6,540.92 par band huaa. BSE ke 13 mein se chaar sectoron mein teji darj ki gayi. Vaahan (0.43 feesadi), banking (0.21 feesadi), tej khapat upabhokta vastuen (0.11 feesadi) aur bijli mein maamooli teji rahi. Giraavat vaale sectoron mein pramukh rahe tel evam gas (0.83 feesadi), soochana praudyogiki (0.58 feesadi), svaasthya seva (0.30 feesadi), praudyogiki (0.27 feesadi) aur upabhokta tikaaoo vastuen (0.14 feesadi). BSE ke kaarobaar ka rujhaan nakaaraatmak raha. Kul 896 sheyaron mein teji aur 1234 mein giraavat darj ki gayi jabki 834 sheyaron ke bhaav mein koi parivartan naheen huaa.


Petrol 1.50 Rupaye Aur Diesel 45 Paise Prati Liter Huaa Mahanga

Petrol 1.50 Rupaye Aur Diesel 45 Paise Prati Liter Huaa Mahanga

Business »

Tel companiyon ne madhyaraatri se petrol ke daam 1.50 rupaye aur diesel ka daam 45 paise prati liter badha diya. Antararaashtreeya baajaar mein petrolium padaarthon ke lagaataar badhte daam ko dekhte hue yah nirnaya kiya gaya. Haalaanki, diesel ke daam badhne se neeche aati mudraasfeeti ek baar fir chadh sakti hai. Taaja vruddhi ke baad Delhi mein moolya vardhit kar (vait) sahit petrol ke daam 1.80 rupaye badhkar 69.06 rupaye liter ho jaaega. Delhi mein petrol par 19 pratishat vait laagoo hai. Diesel ke daam vait sahit 51 paise badhkar 48.16 rupaye liter ho jaaenge. Diesel ke daam mein ek maheene ke antaraal mein hui lagaataar doosari vruddhi se mahangaai par dabaav badhega. Haalaanki, January mein thok moolya soochakaank par aadhaarit mudraasfeeti pichhle teen saal ke nyoonatam star 6.62 pratishat par par aa gayi. Sarkaar petrol ke daam pehle hi niyantran mukt kar chuki hai jabki diesel ke daam har maheene 40 se 50 paise liter badhaane ki anumati tel companiyon ko di gayi hai. Tel companiyon ko diesel par das rupaye pratileetar ke aaspaas nuksaan ho raha hai. Indian Oil ka kehna hai ki diesel ke daam mein ki gayi vruddhi ke baavajood unhein diesel par 10.27 rupaye ki kam vasooli ho rahi hai. Antararaashtreeya baajaar mein kachche tel ka daam lagaataar badhta huaa 113.24 dollar prati barrel tak pahunch gaya hai. Bhaarat petrolium aur Hindustan petrolium ke petrol panp par daam mein maamooli antar ho sakta hai. Teenon tel companiyaan apne daam mein kuchh antar rakhati hain. Desh ke chaar mahaanagaron mein madhyaraatri se Indian Oil ke petrol panp par petrol, diesel ke daam is prakaar honge. Diesel : (vartamaan moolya - naya moolya) Delhi - (47.65 - 48.15) Kolkata - (51.51 - 52.04) Mumbai - (53.71 - 54.28) Chennai - (50.68 - 51.23) Petrol : (vartamaan moolya - naya moolya) Delhi - (67.26 - 69.06) Kolkata - (74.72 - 76.62) Mumbai - (74.00 - 75.91) Chennai - (70.26 - 72.16)


SEBI Ne Gold ETF Ko Svarn Bachat Yojana Mein Nivesh Ki Anumati Di

SEBI Ne Gold ETF Ko Svarn Bachat Yojana Mein Nivesh Ki Anumati Di

Business »

Mumbai: Baajaar niyaamak SEBI ne gold exchange traded fands (ETF) ko bank ki svarn bachat yojanaaon mein nivesh ki anumati day di. Nishkriya pade moolyavaan dhaatu ke utpaadak kaaryon mein upayog ke maksad se SEBI ne yah manjoori di hai. Bhaarateeya pratibhooti evam vinimay board (SEBI) ne myoochual fund ke gold ETF ko svarn bachat yojanaaon (jeedeees) mein nivesh ki anumati day di hai. Yah manjoori kuchh sharton ke saath di gayi hai. Ismein jeedeees mein kul nivesh aisi yojanaaon ke antargat prabandhan adheen parisanpatti ka 20 pratishat se adhik naheen hone ki baat shaamil hai. Reserve bank ki ek samiti ke anusaar kareeb 20,000 tan sona logon ke paas nishkriya pada hai. Keindreeya bank nishkriya pade sone ko utpaadak kaaryon mein istemaal karne ke saath aayaat ke liye maang par rok bhi lagaana chaahata hai. SEBI ke dishaanirdeshon ke anusaar jeedeees mein nivesh karne se pehle myoochual fund ko nivesh se sambandhit likhit mein neeti taiyaar karni hogi jise aiset management company ke nideshak mandal tatha nyaasiyon ki manjoori ho. SEBI ne pariptr mein kaha, 'Neeti ke tahat myoochual fund ko kisi bhi bank ke jeedeees mein pratyek nivesh prastaav ke liye apne nyaasiyon se poorv mein manjoori leni hogi. ' Saath hi myoochual fund ko saal mein kam-se-kam saal mein ek baar neeti ki sameeksha karni hogi. Pichhle maheene vitt mantraalaya ne gold iteeek ko svarn bachat yojanaaon se jode jaane ki yojana ki ghoshana ki thi. Chaaloo khaate ke badhte khaate ke maddenajar sone ka badhta aayaat sarkaar ke liye chinta ka kaaran hai. Chaaloo vitt varsh mein December tak 38 arab dollar moolya ke sone ka aayaat huaa hai. Vitt varsh 2011-12 mein 56.5 arab dollar moolya ka aayaat huaa tha.


Chaaloo Vittavarsh Mein 5.5 Pratishat Rahegi Vruddhi Dar Chidambaram

Chaaloo Vittavarsh Mein 5.5 Pratishat Rahegi Vruddhi Dar Chidambaram

Business »

Nai Delhi: Vittamantri pi. Chidambaram ne bharosa jataaya hai ki chaaloo vittavarsh mein desh ki aarthik vruddhi dar 5.5 pratishat rahegi aur agale vittavarsh mein yah sudharakar chhah pratishat par pahunch jaaegi. Akhil bhaarateeya Congress committee ke mukhyaalaya mein Chidambaram ne party netaaon ke saath bajat poorv charcha ki. Party sootron ne Chidambaram ke havaale se kaha, yoorojon sankat ab bhi jaari hai. Europe, Japan aur Brazil mein mandi hai. . . Jaahir taur par isse ham prabhaavit hue hain. Iske baavajood hamaari arthavyavastha badh rahi hai aur is saal yah 5.5 pratishat rahegi.


2ji Neelaami Mein Vifal Companiyon Ko Band Karni Hogi Seva Nyaayaalaya

2ji Neelaami Mein Vifal Companiyon Ko Band Karni Hogi Seva Nyaayaalaya

Business »

Nai Delhi: Uchchatam nyaayaalaya ne 2ji spectrum mein radd kiye gaye 'Saare' licenson ki 'Avilanb' neelaami karne ka nirdesh dete hue kaha ki neelaami mein vifal rah gayi ya ismein shaamil naheen hone waali sanchaar companiyon ko 'Tatkaal' apni sevaaon ka parichaalan band karna hoga. Nyaayamoorti GS singhavi aur nyaayamoorti KS raadhaakrushn ki khandapeeth ne spasht kiya ki do February, 2012 ko license radd karne ke faisale ke baavajood kaarobaar jaari rakhane ke antarim aadeshon se laabhaanvit hui companiyon ko November, 2012 ki neelaami ke liye aarakshit moolya ke aadhaar par bhugataan karna hoga. Nyaayaalaya ne kaha ki neelaami mein safal boli lagaane vaale seva pradaataaon ko un kshetron aur circle mein kaarobaar ki anumati di jaani chaahiye jinmein maujooda seva pradaata license se vanchit ho gayi hain. Nyaayaadheeshon ne yeh bhi spasht kiya ki in nirdeshon ka 900 megaahartaj band ke spectrum mein un aavantanon par koi asar naheen padega jo yaachikaaon mein uthaae gaye masale ki vishay vastu naheen the aur jiski vajah se 2ji spectrum ke 22 circle mein 122 license radd kiye gaye the. Nyaayaalaya ne spsht kiya ki un sanchaar companiyon ki denadaariyon ke baare mein alag se nirnaya kiya jaaega jinhonne license radd hone ke kaaran faisale ki tithi ke baad se hi apna kaarobaar nilambit kar diya tha. Nyaayaalaya ke antarim aadesh ka laabh uthaane waali companiyon ke prati kada rukh apnaate hue kaha ki do February ke faisale ke baad apna kaarobaar jaari rakhane waali companiyon ko, chaahe unhonne 12 aur 14 November ki neelaami mein boli lagaai ya naheen, November, 2012 ki neelaami ke liye sarkaar dvaara nirdhaarit surakshit moolya ke aadhaar par bhugataan karna hoga.


Cheeni Ko Niyantranamukt Karne Par Faisala 15 Dinon Mein Khaadya Mantri

Cheeni Ko Niyantranamukt Karne Par Faisala 15 Dinon Mein Khaadya Mantri

Business »

Nai Delhi: Khaadyamantri kevi Thomas ne kaha hai ki kendra sarkaar dvaara 80,000 karod rupaye ke cheeni udyog ko khule baajaar mein cheeni bechne ki svatantrata dene ke baare mein faisala agale 15 dinon mein liye jaane ki sambhaavana hai. Pichhle varsh October mein pradhaanamantri ke aarthik salaahakaar parishad (PMEAC) ke adhyaksh si rangaraajan ki aguvaai vaale visheshagya samiti ne do mahatvapoorn niyantranon ko tatkaal samaapt karne ki sifaarish ki thi. Ye do mahatvapoorn niyantran the - viniymit nirgam pranaali aur levi cheeni daayitv. Iske alaava baaki niyantranon ko bhi kramash: Samaapt karne ki sifaarish ki gayi thi. Thomas ne esochem ke ek aayojan mein kaha, is varsh hamaare cheeni ki sthiti aaraamadeh hai. Rangaraajan samiti ki sifaarishein vibhaag ke samaksh hain. Mera maanana hai ki agale 15 dinon mein ham levi cheeni, nirgam pranaali aur anya masalon ke baare mein koi faisala karne mein saksham honge. Mantri ne aashvast kiya ki rangaraajan samiti ki sifaarishein baaki samitiyon ke sujhaavon ki tarah gambhir sthiti ka saamana naheen karegi, jin sifaarishon ko abhi tak laagoo naheen kiya ja saka.


Mahindra Satyam Ne Brazil Ki Company Mein 51 Feesadi Hissedaari Khareedi

Mahindra Satyam Ne Brazil Ki Company Mein 51 Feesadi Hissedaari Khareedi

Business »

Nai Delhi: Soochana praudyogiki company mahindra satyam ne Brazil ki saip paraamarsh seva pradaata company complex IT mein 51 feesadi hissedaari ka adhigrahan kiya hai. Company ne ek bayaan mein kaha ki is adhigrahan ke baad vah Brazil mein teji se badhne vaale intarapraaijej saulyooshans baajaar par dhyaan keindrit karegi. Haalaanki company ne is saude ke vitteeya paksh ka khulaasa naheen kiya hai. Ullekhaneeya hai ki Brazil intarapraaijej saulyooshans pradaata, saip ke liye duniya mein sabse teji se badhte baajaaron mein hai. Filhaal is kshetr ka baajaar kareeb 70 arab dollar ka hai, jismein se 36 arab dollar sevaaon aur software par kharch kiye jaate hain. Kaumpleks IT ka kaarobaar pichhle saal 5 karod dollar ka raha aur iske karmachaariyon ki sankhya 500 hai.


America Ki Do Vimaanan Companiyaan Ek Hongi, 11 Arab Dollar Ka Sauda

America Ki Do Vimaanan Companiyaan Ek Hongi, 11 Arab Dollar Ka Sauda

Business »

Dalaas: Vailenataain de ke din America ki do vimaanan companiyaan American airlines aur yooes Airways ek hone ko raaji hui hain. 11 arab dollar ke is vilay saude se duniya ki sabse badi vimaanan company ka udaya hoga. Donon ke vilay ke baad nai company American airlines kahalaaegi, lekin iske kartaadharta yooes Airways ke CEO Doug paarkar honge. Donon companiyon ke nideshak mandal ne der raat sarvasammati se is saude ko manjoori aur companiyon ne is samjhaute ki ghoshana ki. Is vilay se pramukh ameriki vimaanan companiyon ki sankhya ghatkar chaar rah jaaegi jismein nai American, United, delta aur saauthavest shaamil hain. Yah sauda yooes Airways group ke liye ek apratyaashit safalta hai kyonki mool company eemaaar kaarp dvaara November, 2011 mein divaaliya se sanrakshan ke liye aavedan karne ke baad se hi yooes Airways vilay par jor deti rahi hai. Vilay ke baad jahaan, paarkar company chalaaenge, vaheen eemaaar ke CEO Tom haartan company ke sheyaradhaarakon ki pehli baithak hone tak Chairman ke taur par kaam karte raheinge. Pehli baithak 2014 ke madhya mein hone ki sambhaavana hai.


Gautam Khetaan Ne Kaha, Deal Se Naheen Hai Koi Lena-dena

Gautam Khetaan Ne Kaha, Deal Se Naheen Hai Koi Lena-dena

Business »

Nai Delhi: Ogasta helicopter deal mein jin logon par bichauliya hone ka sandeh kiya ja raha hai unamein se ek Gautam khetaan se NDTV ne baat ki hai. Gautam khetaan ka kehna hai ki vah eyarometriks India ke nideshak huaa karte the lekin ab naheen hain. Ogasta ke kisi afasar se unki mulaaqaat naheen hai. Vah vakeel hain aur unka raksha saudon se koi lena−dena naheen hai. Unke mutaabik eyarometriks ka bhi deal se koi vaasta naheen hai. Unka kehna hai ki vah Abhishek varma ko jaante hain lekin 2005 ke baad se Abhishek ke saath unka koi sampark naheen hai. Vah is baare mein kaanooni kaarravaai par bhi vichaar kar rahe hain.


Share Baajaaron Mein Giraavat, Sensex 111 Ank Neeche

Share Baajaaron Mein Giraavat, Sensex 111 Ank Neeche

Business »

Mumbai: Desh ke share baajaaron mein guruvaar ko giraavat ka rukh raha. Pramukh soochakaank Sensex 110.90 ankon ki giraavat ke saath 19,497.18 par aur Nifty 36.00 ankon ki giraavat ke saath 5,896.95 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 18.73 ankon ki teji ke saath 19,626.81 par khula aur 110.90 ank yaani 0.57 feesadi ki giraavat ke saath 19,497.18 par band huaa. Din ke kaarobaar mein Sensex ne 19,639.83 ke oopari aur 19,444.33 ke nichle star ko chhuaa. Sensex ke 30 mein se 14 sheyaron mein teji darj ki gayi. Hindustan Unilever (2.24 feesadi), Gale (1.97 feesadi), HDFC bank (1.65 feesadi), tata steel (1.17 feesadi) aur TCS (1.15 feesadi) mein sarvaadhik teji darj ki gayi. Giraavat vaale sheyaron mein pramukh rahe bhaarati Airtel (4.02 feesadi), Wipro (3.33 feesadi), Maruti Suzuki (3.30 feesadi), L (2.72 feesadi) aur RIL (2.63 feesadi). National stock exchange (NSE) ka 50 sheyaron par aadhaarit samvedi soochakaank Nifty 0.25 ankon ki teji ke saath 5,933.20 par khula aur 36.00 ankon yaani 0.61 feesadi ki giraavat ke saath 5,896.95 par band huaa. Din ke kaarobaar mein Nifty ne 5,940.20 ke oopari aur 5,884.55 ke nichle star ko chhuaa. BSE ke midcap aur smallcap soochakaankon mein bhi giraavat darj ki gayi. Midcap soochakaank 95.68 ankon ki giraavat ke saath 6,608.41 par aur smallcap 124.46 ankon ki giraavat ke saath 6,583.07 par band huaa. BSE ke 13 mein se teen sectoron tej khapat upabhokta vastuen (0.44 feesadi), soochana praudyogiki (0.27 feesadi) aur dhaatu (0.04 feesadi) mein teji rahi. Giraavat vaale sectoron mein pramukh rahe poonjeegat vastuen (2.27 feesadi), tel evam gas (1.59 feesadi), vaahan (1.49 feesadi), bijli (1.25 feesadi) aur realty (1.21 feesadi). BSE mein kaarobaar ka rujhaan nakaaraatmak raha. Kul 656 sheyaron mein teji aur 1501 mein giraavat darj ki gayi jabki 804 sheyaron ke bhaav mein koi parivartan naheen huaa.


SEBI Ne Sahaara Samooh Ki Do Companiyon, Subrat Roy Ke Khaate Seal Karne Ke Aadesh Diye

SEBI Ne Sahaara Samooh Ki Do Companiyon, Subrat Roy Ke Khaate Seal Karne Ke Aadesh Diye

Business »

Mumbai: Share baajaar niyaamak SEBI ne sahaara samooh ki do companiyon ke khilaaf niveshakon ka paisa lautaane ke charchit maamale mein sakht kadam uthaate hue in companiyon aur samooh ke pramukh subrat Roy samet kuchh sheersh adhikaariyon ke khaaton par rok lagaane tatha achal sampatti ki kurki ke aadesh diye. Uchchatam nyaayaalaya ne in companiyon ko niveshakon ka 24,000 karod rupaye se adhik ka dhan vaapas karne ka aadesh de rakha hai. Iska anupaalan SEBI ko karaane ka nirdesh diya gaya hai. Nyaayaalaya ne pichhle saptaah nirdesh diya tha ki yadi sahaara samooh ki companiyaan niveshakon ka paisa naheen lautaane ke liye SEBI ke paas paisa jama naheen karti hain to baajaar niyaamak uske khaaton par rok lagaane tatha sampatti kurk karne ko svatantr hai. SEBI ne sahaara housing inavestameint Corporation li. Aur sahaara India reeyal estate kauraporeshan li. Ke khilaaf do alag-alag aadesh jaari karte hue kaha ki in companiyon ne baandadhaarakon se kramash: 6,380 karod rupaye tatha 19,400 karod rupaye jutaae the. Dhan jutaane mein 'Anek aniymittaaen' barati gain. Vaheen, sahaara samooh ne SEBI ke in do aadeshon par pratikriya vyakt karte hue kaha hai ki SEBI ka yeh kadam puraane tathyon par aadhaarit hai. Samooh ne yeh bhi kaha ki vyaktiyon ki sampatti kurk karne ka aadesh baajaar niyaamak ke liye upayukt naheen hai. Samooh ke pravakta ne kaha ki sahaara ke anusaar kul dendaari 5,120 karod roopaye se adhik naheen hai, jise pehle hi SEBI ke paas jama kara diya gaya hai. Unhonne kaha ki companiyon ne sheersh nyaayaalaya ke samaksh ek antarim arji dekar bakaaya kiston ke liye muchalaka pesh karne ki anumati maangi hai. Supreme court ne pichhle saal August mein in companiyon ko niveshakon ka paisa 15 pratishat byaaj sahit lautaane ka aadesh diya tha aur SEBI se iski vyavastha dekhne ko kaha gaya tha. Sahaara samooh ki arji par December, 2012 mein ye paisa teen kiston mein lautaane ki chhoot di gayi. Nyaayaalaya ne us samay aadesh diya tha ki sahaara samooh 5,120 karod rupaye tatkaal jama kare aur 10,000 karod rupaye January ke pehle saptaah mein aur baaki dhan February 2013 ke pehle saptaah mein de. SEBI ne apne aadesh mein kaha ki inmein se kisi company ne baaki ki kistein naheen jama karaai hain, isliye use nyaayaalaya ke aadeshaanusaar yeh kaarravaai karni padi hai. 5,120 karod rupaye ke pratham bhugataan ke baare mein sahaara ka kehna hai ki usamein se niveshakon ko keval 2620 karod rupaye lautaana baaki rah gaya hai. Samooh ka daava hai ki usane baandadhaarakon ko 19,400 karod rupaye ka bhugataan pehle hi kar diya hai. Golden forest jaisi kuchh aur companiyon ke naam ka havaala dete hue samooh ki or se kaha gaya hai ki in companiyon ne Supreme court ke aadesh ke baavajood niveshakon ka koi dhan naheen lautaaya hai, jabki sahaara samooh lagaataar dhan vaapas karne ki prakriya mein laga hua hai. (input bhaasha se bhi)


January Mein Lagaataar Chauthe Maheene Neeche I Mudraasfeeti

January Mein Lagaataar Chauthe Maheene Neeche I Mudraasfeeti

Business »

Nai Delhi: Thok moolya soochakaank par aadhaarit mudraasfeeti mein giraavat ka silsila January mein lagaataar chauthe maheene jaari raha aur yah ghatkar saat pratishat se neeche 6.62 feesadi par aa gayi. Haalaanki, is dauraan sabjiyon, pyaaj aur chaaval ke daamon mein ijaafa huaa. December, 2012 mein mudraasfeeti 7.18 feesadi par thi, jabki November mein yah 7.24 pratishat thi. January, 2012 mein mudraasfeeti 7.23 feesadi par thi. Guruvaar ko jaari aadhikaarik aankadon ke anusaar vinirmit vastuon ki shreni mein January mein mahangaai ki dar ghatkar 4.81 pratishat par aa gayi. Thok moolya soochakaank mein 14.3 feesadi ki hissedaari rakhane vaale khaadya vastuon ki mudraasfeeti January mein badhkar 11.88 feesadi ho gayi, jo December mein 11.16 pratishat par thi. Pyaaj ke daam chadhne se is varg mein mahangaai ki dar badhi. January mein pyaaj 111.52 feesadi tak mahanga huaa, jabki December mein iski mahangaai ki dar 69.24 pratishat thi. Is dauraan chaaval 17.31 pratishat mahanga hui. December mein yah 17.10 feesad mahanga tha. January mein sabjiyon ke daam 28.45 feesadi tak adhik the, jabki December mein sabjiyon ki mahangaai dar 23.25 feesadi thi. January ke dauraan gehoon tatha mote anaaj ki mudraasfeeti kramash: 21.39 pratishat aur 18.09 pratishat rahi. Aaloo is dauraan 79.07 feesadi tatha daalein 16.89 pratishat mahangi theen.


BMW Ne Ex-1 Ka Naya Model Pesh Kiya, Keemat 28 Lakh

BMW Ne Ex-1 Ka Naya Model Pesh Kiya, Keemat 28 Lakh

Business »

Gurgaon: Germany ki lakjari car nirmaata company BMW ne guruvaar ko apne esayoovi ka shuruaati sanskaran ex-1 pesh kiya. Delhi shoroom mein is vaahan ki keemat 27.9 lakh rupaye hogi. Company ne varsh 2012 ke dauraan bhaarateeya baajaar mein 9,375 vaahan beche hain. Company ne kaha ki mushkil baajaar sthitiyon mein ham nae model pesh karke aur deelaraship network badhaakar apni vruddhi barkaraar rakhe hue hain. BMW India ke adhyaksh Phillip vaun saar ne kaha, is saal ham desh mein ek nishchit vruddhi ki ummeed kar rahe hain. Iske liye humne esayoovi ka shuruaati model ex-1 pesh kiya hai, jabki isi shrunkhala ka agala vaahan is saal ke ant tak baajaar mein utaara jaaega. Company ka naya vaahan ex-1 2000 CC ki engine kshamata vaala hai aur yah teen vikalpon mein upalabdh hoga. Iske shuruaati model ki keemat 27.9 lakh, jabki anya ki keemat 32.5 lakh rupaye tak hogi. Baajaar sthitiyon ke baare mein pratikriya dete hue company ke adhyaksh Phillip vaun saar ne kaha ki haalaanki aarthik sthitiyaan bahut achhi naheen hain, lekin ham is saal jyaada vaahan bechne ki ummeed kar rahe hain.


Dr Reddy'S Lab Ka Teesari Timaahi Ka Munaafa 29 Feesadi Ghata

Dr Reddy'S Lab Ka Teesari Timaahi Ka Munaafa 29 Feesadi Ghata

Business »

Nai Delhi: Dava company Dr Reddy'S lab ka December, 2012 mein samaapt chaaloo vittavarsh ki teesari timaahi ka ekeekrut shuddh laabh 29.17 pratishat ghatkar 363.31 karod rupaye rah gaya. Isse pichhle vittavarsh ki samaan timaahi mein company ne 512.96 karod rupaye ka shuddh munaafa kamaaya tha. Timaahi ke dauraan Hyderabad ki is company ki ekeekrut aay badhkar 2,865.16 karod rupaye par pahunch gayi, jo isse pichhle vittavarsh ki samaan timaahi mein 2,769.19 karod rupaye rahi thi. Timaahi ke dauraan ekal aadhaar par company ka shuddh munaafa teen guna badhkar 346.64 karod rupaye raha, jo isse pichhle vittavarsh ki samaan timaahi mein 108.03 karod rupaye raha tha.


Sanshodhit Khaadya Suraksha Vidheyak Bajat Satr Mein Pesh Hoga

Sanshodhit Khaadya Suraksha Vidheyak Bajat Satr Mein Pesh Hoga

Business »

Nai Delhi: Sarkaar ki koshish bajat satr ke dauraan sansad mein sanshodhit khaadya suraksha vidheyak ko prastut karne ki hai taaki is par vichaar karke ise paarit kiya ja sake jisse jald se jald logon tak iska laabh pahunche. Adhikaar aadhaarit tareeke se khaadya suraksha muhaiya karaane vaale is vidheyak ko sansad ki sthaayi samiti ki sanstutiyon ke prakaash mein antim rup diya ja raha hai. Is vidheyak ko antim rup diye jaane se poorv raajyon ke saath antim daur ke paraamarsh mein upabhokta maamalon, khaadya aur saarvajanik vitran mantri pro. Kevi Thomas ne yah baat kahi. Unhonne kaha ki is aitihaasik path pradarshak pahal mein raajyon ki bhoomika kaafi mahatvapoorn hai unhonne lakshit jan vitran pranaali ko sudrudh karne ke liye unase aagrah kiya. Saath hi, unhonne is adhiniyam ke safalataapoorvak kaaryaanvayan ke liye sabhi staron par samuchit bhandaaran suvidha ki baat bhi kahi. December 2011 mein lok sabha mein raashtreeya khaadya suraksha vidheyak ko prastut kiya gaya tha aur iske baad sansad ki sthaayi samiti dvaara is par vichaar kiya gaya. Sthaayi samiti ki sanstutiyon ke anusaar vidheyak par antim paraamarsh ke liye kendra dvaara raajya ke khaadya mantriyon ki baithak bulaai gayi. Mantri ne kaha ki lakshit jan vitran pranaali laagoo karne mein raajya aur kendra shaasit pradesh hamaare saajhedaar hain aur khaadya surakshit kaanoon laagoo karne mein unki bhoomika kaafi adhik hai. Unhonne yah bhi kaha ki vidheyak ke pareekshan ke dauraan sthaayi samiti ne vibhinn logon aur sangathanon se vistrut charcha ki taaki alag-alag maton se parichit huaa ja sake. Samiti ne vibhinn prakaar ki rai jaanane ke liye raajyon ka daura bhi kiya. Unhonne kaha ki samiti ki sanstutiyon mein adhiniyam ke kriyaanvayan ke liye ise saraleekrut karne par bal diya gaya hai. Ismein raajyon/kendrashaasit pradeshon ki vibhinn chintaaon par bhi gaur kiya gaya hai. Kul milaakar samiti dvaara prastut kiya gaya drushtikon vyavahaarya, saral aur kaaryaanvayan mein aasaan hai. Kintu fir bhi kuchh aise pahaloo hai jis par antim rai se poorv charcha karni aavashyak hai. Unhonne kaha ki jaisa ki khaadya sachiv ne kaha ki sthaayi samiti ne bahut si sanstutiyaan di hai. Ismein se lakshit jan vitran pranaali, laabhaarthiyon ki pehchaan, khaadyaann praapt karne ke adhikaari aur uske liye moolya ka nirdhaaran mahatvapoorn pahaloo hain jis par dhyaanapoorvak vichaar karna hoga.


Tel Companiyon Ne Ki Petrol, Diesel Ke Daam Fir Badhaane Ki Taiyaari

Tel Companiyon Ne Ki Petrol, Diesel Ke Daam Fir Badhaane Ki Taiyaari

Business »

Nai Delhi: Sootron ke havaale se khabar aa rahi hai ki tel companiyon ne ek baar fir petrol aur diesel ki keematon ko badhaane ka faisala liya hai. Khabaron ke mutaabik isi hafte petrol−diesel ki keematon mein ijaafa ho sakta hai. Sootron ke mutaabik petrol ke daam ek rupaye prati liter tak bad sakte hain aur diesel ke daam 50 paise prati liter bad sakte hain.


Yoonitek Ka Teesari Timaahi Mein Shuddh Laabh 52 Feesadi Badha

Yoonitek Ka Teesari Timaahi Mein Shuddh Laabh 52 Feesadi Badha

Business »

Nai Delhi: Pramukh reeyal estate company yoonitek ka ekeekrut shuddh laabh December, 2012 ko samaapt timaahi mein 52.43 pratishat badhkar 84.17 karod rupaye ho gaya. Company ka kehna hai ki oonchi briki tatha kam vitt laagat se aalochya timaahi mein usaka pradarshan achha raha. Company ne ek saal poorv ki avadhi mein 55.22 karod rupaye ka shuddh laabh kamaaya tha. Aalochya timaahi mein company ki kul parichaalan aay 25 pratishat badhkar 644.72 karod rupaye ho gayi, jo poorv varsh mein 514.22 karod rupaye thi. Isi tarah, 31 December, 2012 tak yoonitek ka ekeekrut shuddh ghaata 5,421 karod rupaye raha.


Sahaara Prakaran SEBI Ne Diya Subrat Roy Ka Khaata Seal Karne Ka Aadesh

Sahaara Prakaran SEBI Ne Diya Subrat Roy Ka Khaata Seal Karne Ka Aadesh

Business »

Mumbai: Share baajaar niyaamak SEBI ne sahaara samooh ki do companiyon ke khilaaf niveshakon ka paisa lautaane ke charchit maamale mein sakht kadam uthaate hue in companiyon aur samooh ke pramukh subrat rai samet kuchh sheersh adhikaariyon ke khaaton par rok lagaane tatha achal sampatti ki kurki ke aadesh diye. Uchchatam nyaayaalaya ne in companiyon ko niveshakon ka 24,000 karod rupaye se adhik ka dhan vaapas karne ka aadesh day rakha hai. Iska anupaalan SEBI ko karaane ka nirdesh diya gaya hai. Nyaayaalaya ne pichhle saptaah nirdesh diya tha ki yadi sahaara samooh ki companiyaan niveshakon ka paisa naheen lautaane ke liye SEBI ke paas paisa jama naheen karti hain to baajaar niyaamak uske khaaton par rok lagaane tatha sampatti kurk karne ko svatantr hai. SEBI ne sahaara housing inavestameint Corporation li. Aur sahaara India reeyal estate Corporation li. Ke khilaaf do alag-alag aadesh jaari karte hue kaha ki in companiyon ne baandadhaarakon se kramash: 6,380 karod rupaye tatha 19,400 karod rupaye jutaae the. Dhan jutaane mein 'Anek aniymittaaen' barati gain. Idhar, sahaara samooh ne apne spashteekaran mein kaha hai ki usaki poori uttaradeyata 5,120 karod rupaye se jyaada naheen hai aur is raashi ko vah pehle SEBI ke paas jama kar chuka hai. Samooh ne apne spashteekaran mein yah bhi kaha ki SEBI ka aakalan puraane tathyon ke aadhaar par hai jabki tab se kai niveshakon ka paisa lautaaya ja chuka hai. Golden forest jaisi kuchh aur companiyon ke naam ka havaala dete hue samooh ki or se kaha gaya hai ki in companiyon ne Supreme court ke aadesh ke baavajood niveshakon ka koi dhan naheen lautaaya hai jabki sahaara samooh lagaataar dhan vaapas karne ki prakriya mein laga huaa hai.


Sensex 47 Ankon Ki Teji Ke Saath Band

Sensex 47 Ankon Ki Teji Ke Saath Band

Business »

Mumbai: Desh ke share baajaaron mein Budhvaar ko teji ka rukh raha. Pramukh soochakaank Sensex 47.04 ankon ki teji ke saath 19,608.08 par aur Nifty 10.45 ankon ki teji ke saath 5,932.95 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 40.65 ankon ki teji ke saath 19,601.69 par khula aur 47.04 ankon yaani 0.24 feesadi ki teji ke saath 19,608.08 par band hua. Din ke kaarobaar mein Sensex ne 19,723.01 ke oopari aur 19,574.15 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 20.65 ankon ki teji ke saath 5,943.15 par khula aur 10.45 ankon yaani 0.18 feesadi ki teji ke saath 5,932.95 par band hua. Din ke kaarobaar mein Nifty ne 5,969.50 ke oopari aur 5,922.95 ke nichle star ko chhuaa. BSE ke midcap aur smallcap soochakaankon mein giraavat darj ki gayi. Midcap soochakaank 18.81 ankon ki giraavat ke saath 6,704.09 par aur smallcap 31.24 ankon ki giraavat ke saath 6,707.53 par band hua. BSE ke 13 mein se chaar sectoron soochana praudyogiki (1.29 feesadi), praudyogiki (0.98 feesadi), vaahan (0.26 feesadi) aur tel evam gas (0.12 feesadi) mein teji darj ki gayi.


Kingfisher Se Karj Ki Vasooli Ke Liye Bankon Ne Kamar Kasi

Kingfisher Se Karj Ki Vasooli Ke Liye Bankon Ne Kamar Kasi

Business »

Mumbai: Kingfisher ko karj de rakhe bankon ne sankatagrast vimaanan company par bakaaya 7,500 karod rupaye karj ki vasooli karne ka faisala kar liya hai. Bhaarateeya state bank (SBI) ke ek uchch adhikaari ne yeh jaankaari di. Company pratinidhiyon ke saath mangalvaar ko do ghante chali baithak ke baad SBI ke up prabandh nideshak (mid corporate) shyaamal aachaarya ne samvaadadaataaon ko bataaya, humne Kingfisher ko diye gaye rinon ki vasooli ki prakriya shuroo karne ka nirnaya kiya hai. Haalaanki, pratyek bank ka board bhaavi kaarravaai par nirnaya karega. Baithak mein SBI ki aguvaai mein paanch bankon ke adhikaariyon aur company ke CEO sanjaya Agrawal va UB samooh ke adhyaksh va seeefao (mukhya vitt adhikaari) ravi nedungadi samet anya varishth adhikaariyon ne hissa liya. Baad mein nedungadi ne bataaya, ham bankon ke samooh se aupachaarik soochana milne ke baad is baare mein koi bayaan deinge. Yeh nirnaya aise samay mein kiya gaya hai, jab Kingfisher ke Chairman vijay Mallya company ke karmachaariyon ko unki 11 maheene ki bakaaya tanakhvaah dene ka vaada kar chuke hain aur saath hi unhonne aagaami greeshmakaaleen saarani ke saath parichaalan dobaara shuroo karne ka aashvaasan diya hai. Aachaarya ne kaha, vimaanan company ke prabandhan dvaara parichaalan dobaara shuroo karne ke sambandh mein abhi tak koi pragati naheen hui hai aur bankon ko lagta hai ki company ko paryaapt samay diya ja chuka hai. Ullekhaneeya hai ki sankatagrast vimaanan company par bankon ka 6,360 karod rupaye ka rin baaki hai. Vaheen byaaj aur chakravruddhi byaaj ko shaamil karne par kul bakaaya 7,500 karod rupaye se adhik ka hai. Bankon ke samooh ke aguva SBI ka Kingfisher mein 1,600 karod rupaye rin laga hai, vaheen PNB ka 800 karod rupaye, IDBI bank ka 800 karod rupaye, bank of India ka 650 karod rupaye aur bank of Baroda ka 550 karod rupaye laga hai. Vetan bhugataan ko lekar karmachaariyon ke beech ashaanti ke baad 1 October se hi company ka parichaalan thap hai. Company ne pichhle saal May se company ko vetan naheen diya hai. Kingfisher ko United bank ne 430 karod rupaye, central bank ne 410 karod rupaye, UCO bank ne 320 karod rupaye, kauraporeshan bank ne 310 karod rupaye, state bank of Mysore ne 150 karod rupaye, Indian overseas bank ne 140 karod rupaye, Federal bank ne 90 karod rupaye, Punjab end sindh bank ne 60 karod rupaye aur eksis bank ne 50 karod rupaye ka rin de rakha hai.


Lagbhag 3,800 Karmachaariyon Ki Chhantani Karegi Aaiberiya

Lagbhag 3,800 Karmachaariyon Ki Chhantani Karegi Aaiberiya

Business »

Medrid: Spain ki vimaanan company aaiberiya ne mangalvaar ko kaha ki vah apne 3,807 karmachaariyon ko naukri se nikaalega aur isne shramik sanghon se hadtaal vaapas lene ki appeal ki hai. Aaiberiya aur beeemaaai ki Patrick company London sthit 'International airlines group' (aaieji) ne kaha, company ne apne karmachaariyon, shramik sanghon aur Spain ke rojagaar mantraalaya ko yeh soochana de di hai ki isne chhantani ki aupachaarik prakriya shuroo kar di hai. Baatcheet ki prakriya ke liye sirf 30 din shesh rah gaye hain. Aaiberiya ne apne karmachaariyon ko chhantani ke vikalp diye hain, jismein karmachaariyon ke vetan mein katauti, vetan mein sthirta aur utpaadakata mein teji shaamil hain. Shramik sangh ke pratinidhi ke mutaabik, chhantani ka kaam 14 March se aur 31 December ke beech kiya jaaega. Aaiberiya ko 2008 se sitmbar 2012 ke beech 1.14 arab dollar ka nuksaan hua hai aur ghaate ki vajah se company ne shuruaat mein lagbhag 4500 karmachaariyon ko nikaalne ka faisala kiya hai.